بركان شاهين

بارت 23

نيران ...طبيت للبيت وجان اشوف حور جايه وكلش ضجت وانصدمت اخر مره من اجيت لاهلي ويه صائب ..جانت تحضر نفسها حته تروح لبيت خالها لان شاهين زعل منها بسبب الجذبه السوتها بي مال كليه مالتها وكاللها ارجعي لبيت خالج شو هاي راجعه شعجب ..

....من طبيت كامت سلمت عليه وباستني .. وبهاي الأثناء طب شاهين للبيت ومن شافها ماتفاجأ ولا سألها على جيتها معناهه عنده علم بجيتها ..

.....كعد يسولف وياهه عادي ولا عبالك صاير شي...

.....اني كلش ضجت من شفتهم هيج هاي منين تطلعلي حور كلما اكول خلصت منها تطلعلي ..

....بقينه نسولف اني ومامه ورياحين حجيتلهم شصار ويانه بالمحكمه .. بس اني اسولف وعيني على حور وشاهين كاعدين على صفحه ويحجون وحدهم عبالك بيناتهم ميانه قويه ..

...بقيت اباوع عليهم ورافعه حاجبي بعدين ماتحملت عفتهم وطلعت من الصاله ردت اروح لغرفتي فوك ..

....داامشي ..وجان اسمع شاهين يصيح عليه ..

....شاهين ...ناره .. ناره اوكفي

....انداريت عليه وحجيت بعصبيه وكتله ..

....نيران ...لتكول صخام اسمي نيران ..

...وعفته وصعدت عالدرج .. هوه كام يمشي بسرعه ورايه وره شويه حسيت ايدي انجرت .. لزمني من ايدي ووكفني وكال ..

....شاهين .. من احجي وياج لتنطيني ضهرج وتروحين عيب تره

..درت وجهي للصفحه الثانيه وكتله
.... نيران ... شتريد ؟

....هوه من شافني درت وجهي .. مشه ووكف كدام وجهي عالصفحه الثانيه وكال ..

....شاهين ... تره حور اعتذرت مني وكامت تبجي لهذه السبب بقيتها بالعراق انقهرت عليها بنيه يتيمه وماعدها أحد غيري هنا لهذه السبب خليتها تبقه ومتروح ..

....نيران...واني شعليه بحور ليش تحجيلي عنها يعني ؟

....رفع ايده ومررها على شعره ورگبته وابتسم وكال ..

....شاهين ... لا هيج بس كلت انطيج علم بالموضوع خاف تكولين ماكال ..

....نيران ..لا مااكول شي لتخاف .. روح يمها لتگوم تبجي خطيه بنيه يتيمه وماعدها أحد غيرك .. صاير ملجأ مال ايتام حضرتك وماادري ..

....اني من كلت هيج هوه خرب من الضحك وكعد عالدرج وصار يضحك ..

....من شفته هيج يضحك كلش ضجت منه حطيت ايدي على خصري وكتله ..

.....نيران .. شنو حجيت نكته حته تضحك هيج؟

....رفع راسه وباوعلي وكال
.....شاهين ... ماكو داعي للغيره هاي وانتي تدرين هنا منو كاعد ومتربع .....

.....حجاهه وأشر على مكان گلبه ..

....نيران... شو تحجي بثقه زايده منو كالك اني اغار وليش اغار يمه بصفتك منو مثلا واغار عليك ..؟