بركان شاهين

بارت 16

......ماجنت ادري بالمضموم ولا جنت اعرف الناس الها وجهين وجه ابيض ووجه اسود ...
وحته اقرب الناس الك ممكن يغدر بيك ..

......بقينه نسولف اني وياه تقريباً أكثر من ساعه .. جلسه مدتها ساعه غيرت كل المفاهيم بيني وبين شاهين .

. قبل ساعه احنه ماجنه هيج ..قبل ساعه احنه واحد ميعرف الثاني ..قبل ساعه جنت استرق النضر اله حالي حال الحراميه ..قبل ساعه شاهين ماجان يعرف بيه شنو ضامتله بكلبي ..

....كعدنه ساعه .. وحجينه وشرحنه كل الغزل والحب الي جان مضموم كل هاي السنين .. ساعه سوت بحياتي نقطة تحول ونقلتني من شعور الى شعور اخر .. 

......جنه كاعدين واحد مقابل الثاني نسولف وهوه عيونه ماشالها من عليه ابد واني عيني مارفعتها عليه ابد ..  حجه وياي وكال ..

....شاهين ...ناره
....نيران ...نعم

..... شاهين ...لتخلين اي شي بالدنيا يفرقنه وصيري قويه لان شاهين عنده نقطة ضعف وحده وهيه نيران .. اذا لزموني من نقطة ضعفي انهدم حالي حال الحايط ..

....نيران ...ليش تحجي هيج خوفتني ..

....شاهين ..لتخافين .. ماكو شي بس اني اوصيج من باب الاحتياط .

....نيران ...شاهين اني هم خايفه
....شاهين ...ليش من شنو ؟

....نيران ..خالو بركان ومامه يردوني اتزوج هذه الي اسمه صائب واني ماريده شلون ..

....شاهين ... انتي مو رفضتي وانسد الموضوع شنو بعد المن خايفه..

.....نيران ..لا شنو انسد لعد موسمعتهم جوه كالو رح ينطونه خبر. من اخلص امتحانات ..

.....شاهين ... اي ابقي مصره على قرارج لتخليهم يضغطون عليج ..
.....نيران .. اوكي ..الله يستر ..

.....شاهين ..اريد اكولج شغله بس ماريدج تزعلين ..
....نيران ..كول شنو ؟

....شاهين ...اني رح اسافر للاردن اني وحور شغلة اسبوع عشر ايام بالهواي وارجع ..

.....نيران ..ليش يعني وليش حور وياك ..؟؟

....شاهين ...اجيب اوراقها مال كليه حته انقلها هنا ابغداد ولازم هيه تروح وياي ..

....نيران ...زين ميصير أحد غيرك يسوي هاي الشغله ليش انته
....شاهين ..منو يعني ماعدها احد غيري ..خالها مشغول ميكدر

..لتخافين والله بس كم يوم وارجع ..مااطول ..

....نيران... شاهين لتروح هسه حباب ابقه .اني خايفه كلبي ممرتاح ..
....ابتسم وكال ..

.....شاهين ..اروح فدوه ونذر لكلبج اني ...ليش ممرتاح كلبج شرارتي ...هيه كم يوم وارجع والله وطول الوقت ابقه اخابرج ونبقه على تواصل مااعوفج ابد ..وبس ارجع من الأردن عندي شغل اسوي رح يعجبج .