بركان شاهين

بارت 27ج2

....صائب ...تبرير غبي مثل صاحبته الغبيه .. لان انتي لوما غبيه متصدكيني وترجعين وياي مره ثانيه لان المره الاولى انهزمتي مني بس المره الثانيه رح تموتين ويطلع تابوتج من هذه البيت أن شاء الله...

.....نيران ..صائب بس خلأفهمك .. والله بالغلط صار اني....

.....بعدني ماكملت الكلام صرخ بوجهي وهوه يمشي بإتجاهي وكال ..

.....صائب ... بنت الكلب شايفتني گوا****لو شاد گر***** حاضنه القميص مالته ونايمه واني يمج بالغرفه شنو هالصلااافه الشاايلتهاا اليوم انعل والديج والله إلا اخليج تزوعين دم تعاي أگلج ...

....وصل يمي وجرني من شعري حيل وشمرني للكاع .

. كمت ابجي واتوسل بي بس اريد احجي وياه وماكدرت من الخوف كمت امتمت ..

. اخذ الحزام من التعلاگه ورجع يضربني ويغلط ويصرخ بصوت عالي وكال ..

....صائب ...حاضنه قميصه ونايمه بغرفتي ..ولج ماخفتي على نفسج مني هالدرجه اني مااخوف لو هالدرجه انتي صلفه حييووااانه اليوم ادفنج وانتي عدله اليوم اخليج تتمنين الموت ومتحصلينه والله ...

....نيران ...صا...صائب ...فدوه بس خلاحجي وياك لحظه والله غلطت سامحني بعد مااسويها صدكني ...

.....بقه يضرب بيه بدون وعي وبكل قوته عبالك ديضرب برجال مو بنيه ..

لحد ماتعب وكام يلهث من التعب .. ذب الحزام بالكاع وطلع من الغرفه وقفلها بالمفتاح من بره ..اسمعه يصيح على اخته يكوللها..

....صائب ...لو تشوفيها ميته كدامج هاي الغرفه متنفتح والي تفتح الغرفه احبسها وياهه والله منا لحد مااجي .. ممنوع احد يطبلها...

.....نيران ...بقيت نايمه بالكاع مااكدر احرك جسمي من الوجع احس نفسي متكسره تكسر وعندي وجع ابطني كلش قوي عبالك سچاچين تگطع بيه ..

غمضت عيني مدري شكد مدري فقدت الوعي مااعرف المهم عيوني غمضت لمده من الوقت

.. وجان اسمع صوت بره الغرفه أحد يحجي بهمس ..

....يمه نيران تسمعيني اذا تسمعيني تعاي يم الباب بسرعه .. نيران جاوبي يمه وينج ..

....نيران ... كمت ازحف واتحرك بإتجاه الباب اريد اوصل يمه حته احجي وياهه .. بالگوه وصلت وكلتلها...

....نيران ..ها خاله اني هنا ..

....باوعت شفت موبايل زغير موديله قديم نوكيا انشمر من جوه الباب وكالت ..

....يمه بسرعه خابري احد من اهلج يجي عليج كوليلهم العنوان مالتنه رح انطي الج بسرعه استعجلي قبل ميجي صائب ..

....نيران .. لزمت الموبايل اريد اتصل .. اني مااعرف رقم احد من اهلي بس رقم شاهين حافضته .. كتبت الرقم واتصلت ..