بركان شاهين

بارت 20

... نيران...كعدت الصبح لكيت صائب كاعد بصفي عالجربايه على حيله ومنزل راسه عالكاع ويدخن جكاير .. بحيث الغرفه متنشاف من الدخان..

.....نيران .. هاي شنو شبيك صائب هوه هيج اطلع دخن بره إلا هنا اختنكت ..

.....عينه بالكاع ويحجي وكال ..
.....صائب ...كومي غسلي وجهج وتعاي عندي حجي وياج اريدج تصحصحين ..

....نيران ...شكو صاير شي ؟

....صائب ..كومي شكلت اني ؟

....نيران ..كمت غسلت وجهي ورجعت للغرفه كعدت يمه واني منتضره يفهمني شبي وضعه غريب وهدوئه يخوف ..

.....بدون مقدمات وبدون كلام طلع علبه سوده من جيبه وحطها كدامي وكال ...
....صائب ..هاي شنو ممكن اعرف ؟

....نيران ..اباوع عزه هاي العلبه مال السوار الي جابه شاهين شوداهه لصائب ..يبووو شكد ثوله اني نسيتها بلسياره بليلة العرس

..توترت وماعرفت شجاوبه وكتله ...
.... نيران ...هاي علبه سوده

....رفع عينه عليه وكال
....صائب ..اعرف علبه سوده لعد كايل حمره ..؟

اقصد الرساله الي بداخلها  منو كاتبها ؟؟

...نيران ...من كال رساله حسيت كلبي رح يوكف من الخوف ..بلعت ريگي وكتله ..
....نيران.. ها ..يارساله مافهمت ؟؟

....فتح العلبه وطلع منها الرساله فتحها وكام يقراهه كدامي بصوت عالي ...

.....صائب ... ....(ماجنت اريد اجي حته مااشتت تفكيرج بهذه اليوم ...بس تمنيت اشوفج لابسه البدله البيضه ..حتلو ماجانت اليه ملبوسه... الله يسعدج يااغلى انسانه )

....رفع عينه عليه بغضب وكال ..
....هذه الحجي مكتوب الج اكيد هاي ميختلفون عليها ثنين ..بس اريد اعرف منو الي كاتبه ؟

.....نيران...كمت افرك بيدي من التوتر وكتله ... بصوت متردد وخايف...
....نيران ..ش.. شاهين ..

....ضحك ضحكه خفيفه وكال ..
....صائب .. ادري بي هوه الي كاتبها ...بس ردت اشوفج تكولين الحقيقه لو تجذبين ..

....انداريت عليه وكتله ..
.....نيران...تدري؟ لعد ليش تسأل ؟

.....جر حسره وكال ...
....صائب...هسه عرفت ليش تعامليني بجفاف ومخلصتها بجي ونوح وماعندج اهتمام اليه .. حضرة جنابج تحبين شاهين. ؟؟

....نيران ...صائب ..خلاحجيلك الصار وافهمني ووراهه احكم ..

.....صائب ..احجي وراهه رح اتصرف وياج تصرف يليق بيج ..

....نيران ...اني وشاهين واحد يحب الثاني من چنه زغار... بس امي وخالو بركان عارضوا هذه الحب رغم شاهين خطبني منهم بس همه رفضوا ..

.وماكفاهم هذه الشي خالو بركان اتبلى على شاهين بتهمه وبسببها دخل السجن سبع سنوات ضلم على شي هوه ماسواه..