★★★★★★★★
يجول الغرفه يمينا ويسارا يكاد ان يجن كيف اختفت الاوراق من غرفه مكتبه هل اصبح مكتبه مباحا للجميع ام انه فقط مجرد سهو منه حول مكانها ضغط عده ازرار امامه يهتف لسكرتيرته بحده " تعاليلي المكتب حالا "
تخبطت السكرتيره واتجهت مسرعه للداخل هتفت بتوتر " في حاجه يا اريان بيه "
ضرب اريان علي المكتب امامه هاتفا بغضب جلي علي وجهه " ورق المناقصه اللي المفروض يتسلم بعد ساعتين فين "
اتجهت صوب خزانه الاوراق تفتحها بالمفتاح الموجود معها تطلع داخلها تبحث في الاوراق عن هذا الملف لكن لم تجده ادارت وجهها ناحيه اريان وهتفت بعد ان شحب وجهها بنبره خافته
" انا اخدتها من حضرتك وحطتها هنا زي ما احنا متعودين نسيب الملفات المهمه وقفلت عليها "
نظر لها اريان بحده هاتفا وهو يضغط علي راسه من فرط عصبيته " ايوه يعني الورق راح فين محدش معاه المفتاح دا غيري انا وانتي وكريم "
هزات عنيفه احتاجت جسدها من فرط خوفها هتفت بخفوت " صدقني يا اريان بيه انا معرفش الورق راح فين "
"هنشوف الوقتي "
اخذ هاتفه من علي المكتب يعبث في ازراره ومن ثم بعدها ينتظر اجابه شقيقه " كريم سيب اللي فايدك وتعالي علي مكتبي حالا "
اعتلت الغرابه وجهه فأمسك بالاوراق أمامه يضعها جانبا ووقف يتجه ناحيه مكتب شقيقه
وجد باب الغرفه مفتوحا وصوت شقيقه يصل إليه من الخارج دلف فوجده يوبخ سكرتيرته ويبدو أنها اقترفت شيء ازعجه
هتف بهدوء معاكس للموقف " خير يا اريان في حاجه "
تطلع شقيقه إليه يزفر بعنف هاتفا بحده " ورق المناقصه اختفي "
" يعني اي اختفي اهدي بس هتلاقيه هنا ولا هنا هندور عليه وهنلاقيه "
هتف اريان باستنكار " انا يعني مستنيك تيجي تديني نصاحيك
انا قلبت عليه الدنيا مش موجود الورق كان في خزنه الاوراق ومحدش معاه مفتاحها غير احنا التلاته "
صمت اريان فهتف كريم باستنكار " ايوه وانت جايبني هنا ليه انت شاكك فيا "
رد اريان عليه بغضب " انت عبيط يبني انا هشك في اخويا "
صمت كريم ولم يعقب فاكمل اريان " انا عايز اعرف مين دخل مكاتبنا احنا التلاته "
اجاب كريم مسرعا " طب ما فيه كاميرات في الشركه كلها
متراجعها "
" قولتلهم يراجعوها انا بسأل يمكن نوصل لحاجه قبل ما يراجعوا الكاميرات المناقصه لسه عليها ساعتين بس "
أجابت السكرتيره وهي تشعر بتخدر قدميها من الخوف فخرجت الخروف بصعوبه " انا مكتبي محدش دخلوا خالص الاسبوع دا كل اللي عدوا عليا كانوا جايين ياخدوا مواعيد يقابلوا حضرتك مفيش الا ..... "
أنت تقرأ
أثر ذكراك
Romanceحينما تهب عاصفة الحب وتأتي إليك ، يجب أن تكون مستعدًا ...! كبرياؤه منعه من اللحاق بها، فظل ينتظر عودتها حتى حاول اقناع نفسه بأنه نسيها، وأن الذكريات باتت مجرد سراب. لكن عندما جاءت، قلبت عودتها الدنيا رأسًا على عقب، وكأنها أحرقت أشرعة نسيانه وأعادت ل...
