البارت 4
عجزت القى لأحلامي فضاء عمري يحققها
عجزت انظر الى جيبي واشوفه دايما خاوي
وعجزت القى لي آمالا واشوف الدهر يسحقها
ذبل عمري كما ورد على ذاك الغصن ذاوي
ورغم الحزن والغربه وعيني الدمع حرقها
بتبقى هامتي نجما رغم ليل الحزن ضاوي
فلا تخضع ولا تركع لغير الله خالقها
واذا شحت دواي انسان رجاى ربي مداوي
عند البنات السهرة ...
ابرار / نوال كان خاطرك متكدر
نوال تتنهد وبسخرية/ لا ابد بس تدرون خلصت دراسة وانتظر الحكم وافكر اشلون ابروز الشهادة واعلقها بجدار غرفتي
هيفاء باستغراب / وليه تعلقينها بغرفتك انتي مو دكتورة
نوال بتنهيده / ايه دكتوره >>> قالتها بسخرية مخلوطة بألم
ابرار تلتفت على هيفاء / بس العادات اللي عندنا درسي و انثبري بالبيت مالك طلعه من البيت الا لزوجك او قبرك
هيفاء رافعة حاجب / لا انتم تمزحون
سمر تضحك / هههههههههه اللي يسمعك يقول انتي تختلفين عنا
هيفاء بثقة/ وليه ان شاء الله ادرس هالعمر كله واخر شيء اقعد بالبيت لا حبيبتي ابي اشتغل وافيد مجتمعي به الشهادة
سمر برفعة حاجب/ اهااا اللي قبالك ماتعرف ام عزام ابد
هيفاء / اذا عزام وغيث موافقين فتأكدي ان امي راح توافق وتشوفين >> هيفاء لو تكبر عنهم ب7 سنين او 6 الا ان ملامحها طفوليه ماتبين عمرها الحقيقي
نوال/ ما شاء الله اخوانك موافقين وامك رافضة عكسنا تماما
البنات / هههههههههه
رهام بسخرية / شر البلية ما يضحك
سمر بنعسان/ اممم بدا تأثير النوم عندي انا لاحقة حبيباتي ابي انام تصبحون على خير
الكل / وانتي من اهلة .. هيفاء توقف / وانا بعد اسمحوا لي ..
اشرو لها البنات براسهم وطلعت
بقيت ( نوال وريما وابرار وريهام ورنيم )
ريهام / ويش صار بسيارة رعد قلبتكم لها الدرجة
ريما تتنهد بصوت مسموع / ابد بس رنيم خبصتها مع رعد
رنيم بعصبية وتوقف / ما خبصتها ولا شي هو اناني ومغرور وما يفكر بأحد ..
.. وايش تبين اقول بعد اللي قاله ما يعرفنا ويشكك فينا ..
ابرار بهدوء تمسك يد رنيم / اهدي واجلسي صحيت الكل ..
رنيم نفضت يد ابرار بعصبية وتجهه للفلة/ انا انام ابرك لي من جلستكم و انهزامكم ..
نوال وريما وابرار وريهام التفتوا لبعض وبعدها الكل سكت ويطالعون لسماء ..
نوال تردد بداخلها كلمت انهزام "انهزامكم انهزامكم صادقة رنيم دايم نقول ..
هي اللي رومانسية بزيادة ودايم تحلم .. وغامضة .. ومعقدة .. والله ما غيرنا اللي يحلم ومعقد وبعد تافهين "
ريما " الله عليك يا رنيم لازم تسببين لانا مشكله اكيد رعد بيقول لامي
لالالا رعد دايم يكتم اسرارنا ما ننسى لمن قالنا عن حبه لعبير ويبي مساعدتنا ليتها ترجع ذيك الايام "
ريهام تطالع لنجوم " ليتني اقدر اطلع اللي بداخلي ابي اطلع كل لوحاتي برا ..
وشلون لازم تنشهر هالوحات انا ماتعبت فيها علشان تنحط بالمخزن ..
واصلن المخزن امتلاء كيف اتواصل مع استاذتي واكيد اهي اللي بتساعدني "
ابرار " يارب ارحمنا من عندك يارب .. الفراغ يذبحنا صديقاتي تزوجوا واللي معاها ولد واللي متوظفه الا انا ..
يارب بوسط صدري فراغ يالمني ابي شخص يحسسني بان لي فايدة بهالوجود .. يارب ارحمني "..
تنحنحت علشان تعدل صوتها .. / بنات تأخر الوقت لازم نروح ننام بكره ورانا قومه من صباح الله خير ..
قاموا البنات وتوجهوا على جناحهم لنوم وكل وحدة مشغول بالها بفكر وهم ..
