بردان ياحضن الدفا عطشان واظماني الجفا ،،

48

بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..

البارت 48 ..

تعبت اناظر فوق ..

واتعلق بشوفي ..

تحتي الثرى مشقوق ..

وهمك على كتوفي ..

ولاتناظرين بعيد ..

وبلادي في عيونك

توي قطعت البيد ..

لرضاك .. وبدونك ..

ماعاد فيني اعروق ..

ودمي على سيوفي ..

لاتمطريني ورد ..

مشقوقه كفوفي ..

مثل الثرى .. والقلب ..

قمح ونخل محروق ..

وجدراني حروفي ..

تعبت اناظر فوق ..

تحتي الثرى مشقوق ..

قمح ونخل محروق ..

ماعاد فيني عروق ..

ماتنزلي لخوفي ..؟

" بدر بن عبدالمحسن " ..

:

:

:

بعد الظهر ..

سند يتكلم بالجوال .. / ايه .. وين .. بالشفاء .. اشوف الجماعه .. تجون تتغدون و الا نرفع لكم من الغداء شوي ..

" ابتسم " .. اهاااا .. خلاص طيب .. " ابتسم اكثر " .. تتهنون .. فمان الله ..

" نزل الجوال و التفت على خاله " .. هذا عناد .. يقول ان فيه استراحات بس غالية شوي ..

سلطان حك حاجبة / نروح و نشوف الوضع .. الهدا شبرناها ما في محل .. الناس تفك حجوزاتها على 2 او 3 الظهر ..