بردان ياحضن الدفا عطشان واظماني الجفا ،،

57

بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..

البارت 57 ..

من لبّس عيونه ظلام المدينه؟
وهو الفضول بنظرته مالها أبعاد
يغوص بأوراق السنين الحزينه
وميعاد يولد كل مامات ميعاد
بعثر على درب الاماني سنينه
تضحك عليه بلاد ويلوذ ببلاد
ليا ظمت ذكراه ..يمطر حنينه
وتغرق ملامحهم ولاينقص عناد
وين الامل..وين السعادة ووينه؟
يقوده الوقت الرمادي وينقاد
تلطخت في دم شعره يدينه
وصار الزمن شاهد وقاضي وجلاّد
قابل بشين العمر من دون زينه
وهو الذي في ماضي الوقت زهّاد
اعشوشب ظلال المدينه بعينه
علمه بشمسه (تسع) والباقي مهاد
يلمس على الخلوه بقايا سنينه
ويدلي على بير الهواجيس ورّاد
تنسل من ضلوعه أغاني دفينه
تقرا بعيونه..شايبٍ يندب أمجاد
يحق النظر يرفع بعزّه جبينه
ويشوف بكره مثقلاله بميلاد
ترجع لوجهه ..طلته ياسمينه
وترقص على صدره مشاهير وأجياد
يفتح عيونه ماتحدّه مدينه
يرسم من الاول لنظراته..أبعاد

" سليمان المانع " ..

واقف عند المغسلة قبال المراية وهو لبس الثوب بدون الشماغ و البشت ..
وبهمس مسموع وهو يبتسم / السلام عليكم .. تفضلي العشاء جاهز ..
" و بتكشيره " .. قرسون انت يـ الخبل .. " اخذ نفس " .. يالله حياتي العشاء ..
" و بجمود " .. كذاب .. اول ما اشوفها اتغزل فيها .. " رجع يبتسم " .. حيك الله تفضلي العشاء ..
" وبطفش " .. كانها ضيفه .. يا ربي ايش اسوي .. " التفت وكان بيطلع من المكان الي هو فيه " ..
حتى يتفاجأ وبوقفها و هي تطالع فيها وعلامة الاستغراب بوجهها .. ابتسم بفشلة / كنت .. ااا ..
حتى تبتسم وتكتم ضحكتها وهي تحط يدها على فمها بخجل ...
سيف ابتسم و هو يفرك جبينه بتوتر / العشاء وصل من شوي .. وكنت .... " سكت لثواني " .. المهم تعالي نتعشاء ..
هزت راسها و مشيت وراه .. تذكر كلام طلال بان بعض البنات تستحي تاكل قبال زوجها باول ليله ..
اكل كم لقمه بسرعة و وقف حتى يعطيها حريتها .. / الحمد الله .. انا بدخل الحمام اكرمك الله .. انتي خذي راحتك ..
تركها و توجه للحمام " اكرمكم الله " .. الجوري بعد ما اكتفت من العشاء جمعت الباقي و رتبت السفره ونظفتها ..
طلع سيف من الحمام " اكرمكم الله " .. وجلس على السرير .. و بهمس / العشاء و تعدا .. طيب و الي بعده ..

ــــــــــــــــ

بمكان اخر ..

قبل جبينها بدفاء وهو يحتضن وجهها بيدينه .. وبهمس / ليه عيونك دامعه ...
نزلت راسها و هي تبلع الغصه .. وبهمس متقطع / اشتـ .. كان .. " حتى تفلت منها شهقة " ..
رفعت يدينها وغطت وجهها .. لمها لصدره و هو يمسح على ظهرها بحنان / وحسبالك انا مشتاقة لها ..
بس الله يرحمها .. و يجعل مثواها الجنه .. " ابعدها عن حضنه شوي ورفع وجها له " ..
انا بكون لك الاب و الام و الاخ و الحبيب .. " وابتسم بحب ".. وانتي كوني لي الام و الحبيبة .." غمز لها " ..
حتى تبتسم وهي تنزل راسها .. رفع يدها و قبلها ../ هاليلة ليلة فرح .. مو ليلة حزن ..
رفعت راسها و بخجل / اسفه متعب .. ضـا....
حط يده على فمها .. / لا تقولين شي .. انسي كل شي .. " و بخبث " .. الا انا ..