بسم الله الرحمن الرحيم ..
السلام عليكم ورحمة الله وبركاته ..
الحمد لله والصلاة والسلام على رسول الله ..
توكلنا على الله .. لا اله الا الله محمد رسول الله ..
البارت 40 ..
ياوجودي وجد منهو خاب ظنـه
في عشيرن هاقين فيه الهقـاوي
خـاب ظنـه والليالـي خالفنـه
وخاب ظنه بالرفيق وبالعـزاوي
جار وقته والصواديـف ابتلنـه
لين طاح من المقادير امتسـاوي
هل دمعه يوم كلـن صـد عنـه
وزاد همه وابتلا بكبـر البـلاوي
وسط سجنه يلحق الونـه بونـه
عقب ماهو بالكرم حرن نـداوي
ايتطيب دون فضـل ودون منـه
وانعطى فالطيب اله كفن رهاوي
والليالـي عقـب عـزه حولنـه
ولابقالـه لاصديـق ولامخـاوي
اتوجـد مثـل ماصابـه واكنـه
همن اونس منه وسط الكبد لاوي
من سبايب واحدن رديـت عنـه
ولاتجيبـه لامفازيـع ومنـاوي
اتوجـد يـوم الايـام ابعـدنـه
وانتحتبه لين عدتـه الحـراوي
مل قلبن عقبها اهمومـه طونـه
مثل طي الحبل في سرد المطاوي
والطواري عقبها القلب ازعجنـه
ولاتريح خاطري دايـم شقـاوي
واعذابي من غلاها يوم احنـه
حن ذودن حن ففجوجن خـلاوي
حـن يومـن الليالـي ضيعنـه
في نفوذن بين هاوي وبين عاوي
وغرهن شوف السراب وطردنـه
واهلكن في مهمهيات ومشـاوي
قمت احن ودمع الاعيان اذرفنـه
من هنوفن مالها عندي مسـاوي
" منقول " ..
" باستراحة البنات " ..
باحد الزوايا ..
شجون واقفه متوترة .. طالعت حولها بضياع .. وبين اصابعها جوالها .. جالكسي اس 3 .. تحركة بشكل دائري ..
كرسيين من جلد .. ابيض مخططه بالاسود .. " كـ جلد الحمار الوحشي " .. و خداديات حمراء ..
جدار ملبس بالمخمل الاحمر .. وعليه كرستالات سوداء .. و جدار اخر مقابله ابيض بكرستالات حمراء و سوداء ..
العنود كانت جالسه على وحدة من الكنبات .. و تطالع شجون اللي واقفه قبالها بنظرات حادة ..
نزلت كاسة العصير على الطاولة الي جنبها .. وبحدها هامسه / اجلسي ..
شجون ترفع الخصلة عن وجهها بتوتر .. / ما ابي اقعد .. ابي اروح للبنات ..
العنود رفعت حاجب وبرود / يعني ما تبين تتكلمين ..
شجون بقوة / قلت لك .. صديقتي .. بس انتي ما تبين تصدقين ..
العنود طالعتها بنظرات غاضبة .. وهي تزم شفايفها بغضب ../ ........
شجون بقوة عين .. طالعتها وهي تصرخ / انتي لانك ما انتي خاليه تبين تخلين الكل مثلك ..
العنود باستغراب عقدت حواجبها / نعممممم ..؟؟
شجون بغرور / عبدالله .. حبيبك ..
العنود فزت واقفه و تقدمت لها بغضب شدت بلوزت شجون من البطن .. وبغضب / انا لو غلطت .. اعترف ..
مو مثلك .. اكذب و ازيد فعلي شين فوق شينه .. " وبتهديد " .. لكن ما دام هذا رايك .. يتصرف معاك اخوك ..
ابعدتها و كانت بتطلع و تروح للبنات .. بس وقفت اول ما مسكتها شجون .. العنود طالعتها بنظرات غرور ..
شجون بضياع / لا تروحين ..
العنود طالعت شجون بغموض .. شجون بضيق توجهة للكرسي و جلست عليه ..
العنود بهدوء جلست على الكرسي و حطت رجل على رجل .. و صارت تطالع لشجون ..
شجون بارتباك / امممم .. اكلم .. ياسر ..
العنود نزلت رجلها و تقدمت لشجون وهي تتكي بيدها على ركبها .. و بتساؤل / من ياسر ؟؟..
شجون بتوتر وهي تشتت نظرات على المكان .. نزلت راسها بخجل / ياسر ولد عمي فهد ..
العنود بصدمه / ......................
شجون لمن ما سمعت صوت من العنود .. رفعت راسها و شافت نظراتها المصدومه ..
شجون بارتباك / اااا .. اممم .. والله ما اكلم غيره .. هو كانه خطيبي .. يعني ا....
قاطعتها العنود بذهول .. / شجووووون .. انتي تتكلمين من صدقك .. ولا تكذبين والا تستغبين .. شنو وضعك بضبط ؟؟..
شجون تغمض عيونها وتفتحهم .. بعدم استيعاب .. / لا من جد ..
العنود بغضب وهي ترص على اسنانه / استحييي .. اخجلي .. " وقفت بقهر و صارت تدور بنفس المكان " ..
و بحزم / من متى تكلمينه .. و كيف صارت ابي اعرف كل شي .. كل شي .. حتى من يعرف بموضوعكم ..
شجون بتوتر .. ما تدري ليه هي حابه تتكلم بالموضوع مع احد غير سميه .. و خايفه .. لو عرف ياسر يزعل ..
العنود تضربها بقوة على كتفها .. وبحدة / تكلمي ..
شجون بخوف / بس لا تعصبين .. ولا تقولين لاحد ..
العنود ترفع يدها وكانه بتعطيها كف .. / انطقي و مالك دخل باللي راح اسويه ..
شجون .. بغصة و ارتباك / اول كان مزح معاي .. عادي .. مثل غرام و اماني و نوال ..
و بعدها بدا يتصل يسال عن غرام بوقت مرضها .. وبعدها صار مزحه معاي غير عن البنات .. وبعدها صار يرسل ..
العنود تقاطعها بسخرية / وانتي رضيتي على طول طبعا ..
شجون بسرعة / لالا .. لا والله .. بس هو .. " وسكتت " ..
العنود تطالعها بنظرات قاتله / هو ايش ..
شجون برجاء / لا تطالعيني كذا طيب ..
العنود رفعت حاجب وطالعتها بنظرات وكانها تقول لها " تامرين بعد " .. وبهدوء / كملي ..
شجون تنهدت / اول شي انا تهاوشت معاه .. وقلت له اذا ما بطل حركاته راح اقول لعناد ..
بس هو قال انه انا خطيبك .. بس انتظر الكبار يتزوجون .. يعني فارس وسيف وبدر وعناد ..
و قال بدال ما نتزوج بطريقه تقلديه مثل سند و طلال و.. " سكتت .. وكملت بارتباك " .. يعني ... " ورجعت سكتت " ..
العنود بهدوء وهي تجلس على الكنبه / ومثل بتال .. و راكان ..
شجون / ................
العنود بسخرية / نعيش قصة حب مثل لميس و مهند .. والمسلسلات التركية الكذابه ..
شجون بلعت ريقها .. وطالعت لـ العنود .. العنود لفت يدينها على صدرها .. وبهدوء / هممم صح كلامي ..
شجون هزت راسها .. وبدفاع .. / بس هذا شي عادي بالعائلة .. راكان يحب سمر و عناد يحب غرام ..
العنود عقدت حواجبها .. / راكان صح يحب سمر .. وكان معروف بس ما سوء شي حرام .. وكان بـ العلن و تزوجها ..
" وباستغراب " .. و عناد يحب غرام .. كيف .. " وبصدمه " .. يكلمها ..
شجون هزت راسها بارتباك / لا .. ما ادري .. غرام ما قالت .. بس انا حاسه .. و اصلا غرام مخطوبة له من زمان ..
بس ما ادري ليه خطب ريهام .. وهذا هو طلع غير نتائج الفحص علشانها .. " سكتت اول ما شافت العنود تاشر لها " ..
العنود حست بوجود احد خلف الجدار .. وقفت وراحت تشوف اذا احد موجود وما شافت احد .. ورجعت لمكانها ..
العنود بهدوء / ومن قالك عن هالاشياء ..
شجون تطالعها باستغراب ../ اشلون يعني .. من .. من قالي .. ما فهمت ..
العنود تنهدت بهدوء وهي تلف يدينها على صدرها / يعني من نبهك على حركت عناد .. " وبسخرية " ..
يعني بصراحة .. فكرة تغير نتائج الفحوصات ما تطري الا على العاشق الولهان وبقوة .. روميو ..
شجون قلبت وجهها لزعل .. العنود بحزم / قولي لي .. من الي يعرف بالسالفه ..؟؟
شجون بضيق / محد .. غرام شاكة بس انا ما سمحت لها ..
العنود بنبرة مقصودة / علشان كذا تهوشتوا بالمزرعة ..
شجون صدت عن العنود .. العنود تكمل ../ طيب .. البلاك بيري .. من يعرف عنه ..
شجون بصدمة وهي تلتفت لها / بلاك بيري .. " وبارتباك " .. ما عندي ..
العنود بحدة / لا تكذبين .. ادري عن البلاك بيري و الاي فون .. " وبهدوء " ..مو عيب انه يكون عندك اكثر من جهاز ..
ولا خطاء .. بس الخطاء انك يكون مخبيته عن الكل .. يعني اكيد فيه شي خطاء ..
شجون هزت راسها .. وهي تصد عن العنود / لالا ..
العنود بهدوء / طالعي فيني و قولي انه مافيه شي خطاء ..
شجون بعد فترة طالعتها بارتباك / ما فيه شي .. " نزلت نظره " .. وانا مخبيته علشان عناد ما يحبه .. وبس ..
العنود بنبرة مقصودة / وياسر ..
شجون تهز راسها / بس الاي فون يعرف عنه .. لانه هو جابه ليه ..
العنود بسخرية و كانها معجبة / والله .. امممم .. " و بجدية " .. من يعرف بقصتك معاه .. من صديقاتك ..
شجون بارتباك / ليه يعني .. " وبنفي " .. محد يعرف ..
العنود تطالعها بنظرات يعني " ما صدقتك ".. / .........
شجون تنهدت / بس صديقتي .. مو من العايلة يعني هي اجنبية ..
العنود رفعة حاجب وبسخرية / وهي المستشارة .. " وقفت و تنهدت " .. المهم .. هالعلاقة تنهينها ..
وانا مو مثل غرام .. " وبتهديد " .. ان ما انهيتوا هالمهزلة انتي و الي اسمه ياسر ..
راح اقول لعمي سلطان وهو يتصرف معاكم ..
شجون توقف برعبه / لالا العنود .. الله يخليك كذا راح تخلين ياسر يكرهني .. ويمكن ما نتزوج ..
العنود ابتسمت بسخرية / وانتي على بالك بعد اللي صار بيتزوجك .. " شجون تطالعها بصدمة " .. لا ..
" وبجدية " .. وان صار و تزوجتوا .. راح تعيشون بزواج سليم .. لا .. بيقعد شاك فيك وبكل حركة ..
شجون تغير لون وجهها .. و بهت .. جلست على الكرسي .. العنود حست بانه فيه شي ثاني مخبيته ..
العنود باهتمام / فيه شي ثاني ..
شجون هزت راسها .. " لا " .. العنود تقدمت منها وبحنان .. / حبيبتي .. انا خايفه عليك ..
شجون بضياع وغصة / العنود .. انا نفسيتي تعبانه .. " نزلت دموعه " .. ما ادري ايش اسوي ..
العنود جلست قبالها .. و رفعت اصباعها لفوق / فوق رب .. رحيم و كريم .. ادعي و صلي و هو كفيل بكل شي ..
شجون مسحت دموعها وهزت راسه / والنعم بالله .. " ابتسمت " .. شكرا ..
العنود و قفت و ابتسمت / العفو .. ومتى ما حبيتي تتكلمين او واجهتك مشكلة انا موجودة .. والغريبة ترا ما تنفعك ..
فابتعدي عنها .. " شجون طالعتها بغموض .." يالله خلينا نطلع للبنات .. " شجون وقفت و طلعت معاها ..
