البارت 14
يبكي الصوت و النظرات تشكي
و المعاني ولو صاحت حبيسه
يصمت الليل و التنهيد يحكي
و المعاليق في قلبي يبيسه
يا حبيبه سألت الليل انا عنك
و كل نجم فقد مثلي أنيسه
هل دمعي و قام الليل يبكي
و القمر نشّ من فرقى جليسه
ويل من شالته موجة بحرك
ليتني ما نزلت الشط أقيسه
لو لمستي البحير بأطراف يدك
من حلالك غدا طعمه مريسه
للهوى حس اذا لامس زهرك
ينعش القلب اذا جاني حسيسه
" خالد الفيصل " ..
عند غرام ...
شجون / ما قدمت على الجامعه .. ما ابي اروح .. سمر قدمت بالرياض .. كانت ماتبي تكمل بس غصبها خالي سلطان ..
غرام على الاي باد / ليه انت لا ..
شجون / لاني ما لي خلق .. انتي مو موجوده .. سمر مو موجودة .. حتى خزامى تقول ماتبي ..
غرام / تحبيني ..
شجون تبتسم / لها الدرجة اشبه عناد هههههههههههه ..
غرام بنظره .. >> وفيس يضرب ..
شجون / هههههههه اكيد احبك والا ما تركت الرجه اللي هناك وجيتك .. ليش هالسؤال ..
غرام انجرحت من كلمة شجون بس هي عارفة انه بدون قصد / كملي ..
شجون / ما فهمت ..
غرام / كملي جامعه ..
شجون سكتت / ماللي خاطر فيها صدقيني ..
غرام / على شاني ..
شجون / طيب .. اذا لقيت مكان لي .. واتوقع التسجيل خلص خلاص راحت عليها خليها السنه الجاية ونقدم سوا ..
غرام / خلي موضوع التسجيل عليها ..
شجون تبتسم / معناتها انزل السوق واجهز للجامعه ..
غرام << فيس مبتسم ..
سمعوا صوت طق الباب .. وبعدها سند / غرام عندك احد ..
شجون بضحكة / الله وناسة العريس .. اكيد بيقول لك عن رنيم .. الله يخليك غرام ابي اسمع ايش يقول ..
لبست شجون العباية والغطاء وراحت تفتح الباب ../ مبروك يالعريس ..
سند بابتسامه / يبارك فيك وعقبالك وعقبال ما نبارك لك بزواج اخوانك ..
شجون / خلك من الكلام الفاضي واعطينا الاهم ..
سند يطالع بغرام مستغرب .. غرام شافت وجهه وضحكت / هههااااااااااااااااااااههههههههههههااااااااااااااا اااا ...
سند بابتسامه / شجون عناد ينتظرك برا ..
شجون / لا تقول اوووووووووف .. يالله راحت عليه بكراه اخذ الاخبار منك .. مع السلامه ..
سند يضحك / هههههههه مع السلامة .. " ولغرام " .. هذي متى تكبر .. << يقصد شجون ..
غرام على الاي باد .. / شفت رنيم ايش صار ..
سند يجلس / ويش تبين اقولك يعني .. كلام خاص بيني وبين زوجتي تبيني اقوله لكم ..
امااا قلة الادب .. عيب عيييب هذا خصوصيات ..
غرام بنظرة .. سند بضحكة / طيب طيب اقول لك .. سولفت شوي عن حالتها الصحية ..
وانه اول ماراح تطيب راح اجيبها البيت لاني رجال غيور وسالت عنك وطمنتها وبس ذا اللي صار ..
هي تعبانه ما حبيت اكثر معاها كلام وتتعب اكثر .. كذا تمام والا تبين كل كلمه وكل حركة ..
غرام تبتسم / تمام .. ابي اقول عن شجون ..
سند يهز راسه .. غرام تكمل / جامعه ..
سند / قدمت على الجامعة ..
غرام / لا ... علشان انا ..
سند / شجون ما قدمت على الجامعة علشانك ..
غرام تهز راسها بنعم ..
سند / طيب وايش تبين انتي ..
غرام / قدم لشجون ..
سند ياشر على عيونه / من عيوني اللي تبينه .. بس هي تبي تكمل ..
غرام / انا قلت لها ..
سند ../ خلاص فهمت حبيبتي .. يالله خذي علاجك ونامي الوقت تأخر ..
