بردان ياحضن الدفا عطشان واظماني الجفا ،،

24

بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..

البارت 24 ..

اونّ وريـاح الليـالـي تـونّـي
و البرد في جوفٍ كما الغار خاوي
ما كنّ لي عقـلٍ ولا قلـب كنّـي
جذعٍ وقف في وجه الأيـام ذاوي
وبي عبـرةٍ محبوسـةٍ تمتحنّي
في عيني وْحلقي و صدي شكاوي
وبي من قديم الوقت جرحٍ مكنّـي
وبي من جديد أيام وقتي مكاوي
ان قلت زانت خالف الوقت ظنّـي
و أن قلت هانت عاجلتني بـلاوي
اجـامـل ايــام ولا جاملـنّـي
هامت بي الدنيا هيـام الخـلاوي
و الوقت جاير و الليالي أسهرنّـي
و الحزن ما بين الضلوع مْتلاوي
أون وكـلٍ يحسـب أنّـي أغنّـي
عليل و كلٍ يحسب أنّـي مـداوي

" خالد الفيصل " ..

بيت ابو نايف ..

خرجت من الحمام " اكرمكم الله " .. نشفت شعرها ومشطته .. رفعت شعرها ولفته .. لبست جلابيتها ..
توجهت لجلال الصلاة والسجادة .. فرشت سجادتها .. وقفت امامها .. وبخشوع رفعت يديها .. الـ..

......../ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآه

صرخة قوية ومرعبة .. خلتها تترك صلاتها وتروح بسرعة لصالة الخارجية ..
وقفت متصلبة لثواني .. تبي تركز وتفهم الي يصير .. طالعت بساره الملتفه على نفسها تحت الكنب وتصارخ بخوف ..
رفعت نظرها لابوها الى بوجه اسود مزرق .. شبه عاري شافت ثوبه متقطع ومرمي بالارض ..
يشد شعره .. ويتخبط بين الجدران بحده .. ركضت له تبي تمسكه .. لكن هو كان اسرع .. هرب خارج من البيت ..
العنود تركض وراه مسرعة .. ابو راكان توجه للباب الرئيسي وفتحه وخرج .. زهرة شافته وتصلبة مكانها من الخوف ..
العنود سحبت الملثم من على وجه زهرة .. ولبسته .. وخرجت لتصرخ بصبري / امسكه .. امسكه ..
صبري والعمال كانوا مركزين ويراقبون المكان حتى لا تخرج الافعى وتغدرهم وتهرب ..
العمال وصبري انتبهوا لصرخة العنود متاخرين التفتوا لابو راكان الي وصل الى الباب الخارجي ..
ركض صبري وراه .. والعمال ما يدرون ايش الموضوع و واحد واحد بدأوا يلحقون صبري والعنود وابو راكان ..
وصل لشارع العام بسرعة ليصدم بسيارة مسرعة ليرتفع عاليا و يسقط بعدها على الارض بقوة ..

ـــــــــــــــ

بيت ابو سطام ..

في المجلس ...

ابو سطام بلهفه / وينه فيه ..
غيث بضيق / توا واحد من الشباب اللي اعرفهم بالشرطة مكلمني .. ويقول لقوا راكان ..
ابو سطام وهو يتقدم بخطاوي مسرعه / مشينا مشينا .. والله ان قلبي قارصني من الصبح وانا اقول اليوم ماهو بخالي ..
غيث باستغراب / على وين ..
ابو سطام بحدة / ومو تقول لقوة وهو بالشرطة .. مشينا له ..
غيث بضيق / راكان مو بالشرطة في المستشفى ..
ابو سطام بحدة / ودوني له وين ما كان .. امشوا ..
الكل خرج من المجلس وتوجه لراكان ..