بردان ياحضن الدفا عطشان واظماني الجفا ،،

25

بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..

البارت 25 ..

ألا يالله يا عالم بحالي
تزيل الهم عن قلبي تزيله
خذت مني الليالي أعز غالي
تفارقنا ولا باليد حيله
كفانا الله من شر الليالي
وياما فرقت خل وخليله
ألا ليت البكى بيرد غالي
لسيّل واديٍ ما سال سيله
سهرت أيام مع عدّة ليالي
وحالي من سبايبهم عليله
وأصيح صياح من صابه هبالي
على اللي نافلٍ بالزين جيله
ألا يا عين منك عز تالي
على الحمى تزيدينه مليله
عليّ الوقت يا مشكاي كالي
ألا يالله عدّل كل ميله
الا يالله يا عالم بحالي
ويا معطي عطاياك الجزيله
الا طالبك يا منشأ الخيالي
وسيع المد ما يخيب سويله
صبرت ايام وشهور وليالي
شكيت ومن يشاكي اشتكيله
الا ليا طرالي ما طرالي
تساوت الدقيقه والجزيله

في المستشفى ..

واقفه امام العناية .. حست بيد دافئة على كتفها .. نقزت والتفتت للخلف .. اذا بالممرضة الفلبينية ..
الممرضة / مداااام في واهد نفررر .. برررر .. هوووو يقول يبقى هدااااا .. مدااام آنوت ..
العنود هزت راسها و بضيق / شكرا .. " وبهمس " .. اكيد صلاح وصل ..
عدلة عبايتها و طلعت من قسم العناية .. رفعت نظرها الا شافته واقف ولف يدينه لوراء .. ويقرا بلوحة على الجدار ..
ابدا ما توقعت تشوفه بعد هالسنين اللي مرت .. ليش رجع .. ايش يبي .. ليكون مفكر يحصل مراده بعد موت ابوي ..
انتبه على خروجها التفت عليها وابتسم ابتسامته المستفزة .. وبصوت رخيم / عظم الله اجرك يا اخت نايف ..
العنود شافت تركيزه على عيونها .. تذكرت انها ما غطت عيونها .. صدت عنه وغطت عيونها بطرف الشيله ..
العنود بحدة / جزاك الله خير يا ابو صايل .. " وكانها تذكره بانه تزوج " ..
ابتسم وتقدم خطوة ومازالت النظرات السوداء على عيونه .. اللي يشوفه يقول يقط الطير من السماء من الزين ..
بس لنزل النظارة تلوع كبدك .. بنبرة مقصودة / ابو تركي .. ولدي تركي وبنتي العنود ..
العنود بحده / ايش تبي يا لطام ..
لطام رفع راسه وبنفس اسلوبة المستفز الساخر / جاي اعزي .. صحيح متاخر .. بس جيت ..
العنود بحدة / وهذا انت عزيت ومشكور .. " قفت وجات بتدخل العناية " ..
لطام بحدة / وقفي ..
العنود ولا كانه كلمها والا عبرته دخلت القسم وطنشته ..
لطام عصب .. شخصية لطام غريبه استفزازية يسوي اللي يبيه بلا حيا ولا مستحا ..
تقدم بخطوات واسعه وكان ناوي يدخل العنايه ..
صلاح من وراه .. واللي شافته العنود من اول ما دخل الممر .. بحدة / على وين يا ابو تركي ..
لطام التفت على صلاح وبسخريه / انت ..
صلاح بسخرية ونبرة مقصودة / ايه انا ..
لطام بستفزاز .. ونبرة مقصودة / سطام مات .. عظم الله اجركم ..
صلاح بنفس اسلوبه / والموت حق وكلنا على ذا الطريق .. ويا حظ من مات ولقى من يترحم علية بعد موته ..
لطام بنفس الاسلوب / ظنك ما احد يترحم عليه لو مت ..
صلاح بحده / الله العالم بنوايا ..
لطام رفع حاجب / ايييييييه الا راكان وينه وصغير نويف .. ماشفتهم بعزاء ابوهم .. ما شفت الا الخبل ..
صلاح بحده واعصابه بتفلت منه .. / الخبل اللي تقول عنه يسواك ويسوا طوايفك ..
" وبنبرة قهرت لطام " .. لا تنسى انه ولد سطام واخو العنود ..
لطام بغضب / سطام مات .. والعنود لي .. طال الزمن والا قصر ..
صلاح ابتسم بسخريه / وان سطام مات .. بعيال الفارس مية سطام ..
لطام فهم المقصد ترك المكان وطلع وهو يغلي من القهر ..
بعد دقايق طلعت العنود وهي تشوف صلاح معصب ..
العنود توجهت له .. وبضيق / امي تعبانه .. تعبانه حيل ..
صلاح مسح على وجهه بضيق / لا حول ولا قوة الا بالله ..
العنود بضيق وهي تتقدم .. وضعت يدها على ذراع صلاح / انا تعبت من الوقفه خلينا نروح الجناح ..
وبعد خالتي ام طارق على وصل هي وساره والعيال ..
صلاح بضيق / يالله .. وبعد سالفة صبري ابي اقولك عليها ..
العنود هزت راسها وهي تمشي معاه .. بعد ما وصلوا الجناح .. العنود فتحت وجهها وفتحت الشيله على خفيف ..
العنود بضيق / ايش قالك صبري ..
صلاح بضيق وهو عاقد حواجبه / الافعى مالها اثر .. جبت شركة لها بهالامر .. وفتشت البيت كله ابد مالها اثر ..
دخلت المخزن .. وشفت حفرة بركن الغرفة .. وكانها كانت مشيوله ومركبه مره ثانيه .. قال صبري انه شاف الافعى ..
وبعد زوجته .. ودخلت للغرفه .. وبعدها جاب اصحابه " كان يتكلم وياشر بيده " .. ويوم رتبوا المكان ونظفوه ..
الا ويشوفون الحفرة .. ويوم قربوا منها الا ويشمون ريحة عفن .. قالوا هذا مكانها وبيضها .. بس استغربوا من شي ..
العنود باهتمام / واللي هو ؟ ..
صلاح وهو يوصف باستغراب / حبل مربوط اكثر من ربطه .. وعليها شي غريب كانت ريحته تلوع الكبد ..
تركوه بنفس الحفرة وولعوا النار فيها .. قالوا يمكن الافعى تطلع ..
العنود وعيونها مفتوحة للاخر وبنبرة مقصودة .. وهي تهز راسه / شفته .. شفته ..
صلاح بضيق / جبيت شيخ .. وقلت له اللي صار .. وقال انه .. " وسكت بضيق .. العنود فهمت " ..
العنود تراجعت على الكنبة وحطت يدها على راسها وآآآه طلعت من قلبها بوجع / آآآآآآآآآآه يا قلبي ..
صلاح اسود وجه وهو يشوف حزن العنود ولا قادر يسوي شي ..
العنود بعبرة وقهر وحسرة وهي تضرب على صدرها / ايام وشهور وسنين وانا ادور وابحث واخر شي ....
انقطع صوتها بشهقة غريبه وضعت يدينها على راسها بسرعه و وغمضت عيونها التوات على نفسها ..
فز واقف صلاح وهو يناديها عليها بخوف / العنود بسم الله عليك .. " توجه لـ الجرس وضربه اكثر من مره "..
دخلت الممرضة باستغراب / نعـ .. انقطعت كلامها وهي تشوف الدم يسيل من انف العنود بغزاره ..
خرجت من الغرفة وطلبت مساعده .. دخلت ممرضتين ودكتورة .. طلع صلاح برا الجناح وقلبه يرجف من الخوف ..