بردان ياحضن الدفا عطشان واظماني الجفا ،،

38

بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..

البارت 38 ..

ابتديتك علاقه وانتهيتك غرام
ومن سقيتك قصيدي وانت بذرة غلا

حتى غنت ببستانك طيور الحمام
وصرت احصدك لبيت الشعر شوق وولا

مايمر الغلا الصادق مرور الكرام
كان ماكتب قصيدي فيك ولا فلا

جيت مثل الغمام ورحت مثل العسام
كنك المكرم اللي عن دياره جلا

الله اكبر جبرني الشوق جبر العظام
لين شرب السهر مني ليال وكلا

روح لا تعتذر والحمل فوق السنام
منت اول حبيب(ن) عن حبيبه سلا

" محمد بن مريبد العازمي " ..

بمجلس الرجال ..

متعب يشرب من فنجان القهوة / اليوم الغداء العنود بتطبخه ..
ابو عبدالعزيز بابتسامه وبنبرة مقصودة / اخت نايف ..
متعب ابتسم والتفت على ابو بتال / قولوا لابو محمد يقرب الذبايح ويخليها ويروح .. لا يذبحها ..
ابو عبدالعزيز عقد حواجبه / لا تكون هي اللي تبي تذبح ..
ابو مطلق باعجاب / هي تعرف تذبح ..
ابو عبدالعزيز بفخر / الله الله .. الله يرحمها الظبي .. ماخلت شي تعرفه ما علمت العنود .
" التفت على متعب وبحزم " .. لا تخلها تذبح .. صحتها ماهي مثل اول وذا الايام ماهي عجبتني ..
متعب ابتسم / انا ما ابي اخليها .. بس اسايرها واشوف اخرتها ..
.........../ السلام عليكم ..
الكل التفت على جهته / وعليكم السلام ..
ابو سند باستغراب / انت وينك من البارح ..
سند يسحب نظارته الشمسية ويدخلها جيبة / جاني شغل رحت له وخلصته و جيت .. امر يا الغالي ..
ابو سند بمحبة / سلامتك .. " وباهتمام " .. شكل وجهك تعيبان انت ما نمت ..
سند بعد ما سلم على الكل .. وهو يجلس .. حس بصداع راح يفجر راسه .. من السهر و الغضب / لا ..
" حس بهتزاز جواله رفعه واذا رسالة من رنيم .. تنهد وهو يوقف " .. عن اذنكم ابي انام لي شوي ..
" طلع من المجلس بدون لا يسمع رد احد عليه ".. تنهد بضيق وهو يرفع الجوال ويتصل على رنيم ..
وبضيق / افتحي لي طريق انا ابي ادخل الفله .. " وقفل المكالمه " .. وهو يتوجة للفلة ..

ـــــــــــــــــ

عند راكان وسمر ..

جالسين على احد الكراسي ..

شيخة تلعب بحضن ابوها .. راكان لبس ثوب ابيض .. وكاب اسود .. ونظارات شمسية .. ويطالع بنته بصمت ..
سمر مره تطالعه ومره تطالع بنتها .. رفعت يدينها بهدوء وحضنة ذراعه اليسرى ..
راكان التفت لها بهدوء وطالعها بغموض و رجع طالع شيخة ...
سمر بخجل .. وصوت خافت / راكان ..
راكان التفت لها وبهمس / هممممم ..
سمر بارتباك / اممممم زعلان مني ..
راكان التفت على شيخه وصار يلاعبها باصابعه /....................
سمر بغصه / اسفه ..
راكان مازال يلعب شيخه و يطالعها .. سمر شدت على ذراع راكان .. / .........
راكان حس انه زاد عليها وهو اشتاق لها .. ما ينكر انه نظرته للحب تغيرت 360 درجة ..
بس مزال يحبها .. التفت عليها و بهمس / راح اسامحك بس بشرط ..
سمر هزت راسها / ...................
راكان بهدوء / اذا شفتك تغيرتي ..
سمر صارت تطالعه .. حاسة بضياع .. /...............
راكان شاف شيخة بدات تنزعج و تبكي .. / خذي شيختي .. شكلها سوتها ..
سمر تطالع راكان بعيون ضايعه .. راكان انتبه لها .. ابتسم وقبل جبينها .. وبهمس صادق / والله احبك ..
راكان وقف وهو ينزل شيخه بحضن سمر و يتوجه لاخوانه ..
سمر ضمت شيخها لصدرها وهي حاسه بشي جديد ينبض بصدرها ..