بردان ياحضن الدفا عطشان واظماني الجفا ،،

56

بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..

البارت 56 ..

لحظه قبل لا تطلب البعد وتغيب
وتنهي معايه مرحله من حياتك
أخذ الهدايا والصور والمكاتيب
دامي خسرتك ما أبي ذكرياتك
يمكن يكون فراقنا رأيٍ مصيب
خيره .. كتبها الله جتني وجاتك
رح واترك بقلبي لك أربع معازيب
معزتك طاريك حبك غلاتك
وإن شفتني أجمع شتاتي .. ماهو عيب
باكر مع الأيام تجمع شتاتك
وإن شفتني شايل جروحٍ معاطيب
باكر يصير الجرح أبرز صفاتك
أكبر مصيبه في زمان العذاريب
إنّي أحبك وأنت حبك لذاتك
الطيب لو إنك تجازيه بالطيب
ماكان تالي الوقت هذي سواتك
يا صاحبي لا صرت أغلا الأصاحيب
لا تزعل بكيفك وتطلب رضاتك
أنا حبيبك مبعد الشوح مانيب
من صيّع جهاته .. يدور جهاتك
إن كان ماعديت روس المراقيب
ماني كفو أصلاً أنام في عباتك
شفني مقدر عند عكف الأشانيب
مانيب من تومي عليه بعصاتك
رح للفراق إللي تركنا مصاويب
شمّت اعداتي قبل تشمّت أعداتك
الله معك .. رح وين ماودك تغيب
هذي حياتك .. وأنت حر بحياتك

الشاعر " ثامر شبيب " ..

بمنتصف الصالة ..

بصوت غاضب و صراخ / يا قليل الحياء .. ماحطيت لي حشمة ولا مقدار ..
و لا حطيت لاهلك .. روح الله لا يبارك فيك .. قهرت البنيه و قهرتني .. حسبي الله عليك ..
" تركتهم و توجهت لجناحها و هي تردد حسبي الله عليك .. حسبي الله عليك " ..
كان و اقف وهو عاقد حواجبة .. لبس ثوب ابيض و شماغ احمر .. شنطة الابتوب السوداء بيده اليمين ..
و المسبحة بيده اليسار .. ساكت طول الوقت و يلف بخرزات المسبحة بهدوء ..
هيفاء جالسه على الكنب و تمسح دموعها .. والجوهرة جنبها متضايقة .. طالعت بغيث / ما ترد .. قول شي ..
غيث رفع حاجب و تنهد .. طالع بالمسبحة / الله يستر على البنت و ما في نصيب بينا .. و انتهى ..
و قفلوا على الموضوع .. " سحب النظارات السوداء من على صدره و لبسها " .. السلام عليكم ..
هيفاء و الجوهرة طالعوه و هو طالع .. هيفاء بقهر وهي تمسح انفها / والله مو صاحي ..
" سمعت صوت ولدها سعود يبكي و قفت و توجهت له " .. الجوهرة بتمتمه / الله يهديه ..

ـــــــــــــــ

بالعيادة ..

د. ليلى باهتمام / ارجعي للبيت ارتاحي .. و الا روحي للمستشفى سوي تحاليل ..
نوال وهي تلف شيلتها .. بتعب / الحين زوجي يوصل .. وبروح المستشفى .. لاني احس التعب زايد ..
د. ليلى / الله يشافيك و يطمنا عليك ..
سمعت صوت رنين الجوال .. رفعته بارهاق / هذا سعود .. " قفلت الجوال وهي توقف .. ربطة نقابها و وقفت " ..
نوال / سلام ..
د. ليلى / وعليكم السلام .. الله يسهل لك ..