البارت 19 ..
إلى حضرة سمو الحزن : أبسأل بس وشـ باقي؟
وشاللي طالبه منّي لـ أجل تهديني | عنوانك ؟...
أبسأل حضرتك يا حزن عن اللي كان بأعماقي
قبل لا يمرّني طيفك ... وتدندن جرحي ألحانك...
علامك جيت لي كلّك ؟ ولا فكّيت لي وثاقي ..
وأنا ما يوم ناديتك ... ولا دقيت بيبانك ..!..
حضنت أيّامي بقسوة وأحسّك همت بـ عناقي
وصوّرت العمر بيدك وعلّقته بـ جدرانك ..
ياليتك تبعد وتنسى ياليتك تعلن فراقي ،
أنا ماعاد فيني شي يصبّرني : على شانك ..
كتبتك يا حزن عمري وفَرَح غيري من أوراقي
أنا لو تحسب جروحي : خطا في عدّها لسانك...
دخيلك لا تشبّ النار وش إللي يفيد بـ إحراقي
تمهّل يا حزن وإصبر ، قبل تنهيني نيرانك...
ترفّق يا حزن .. مابي تشمّت فيني رفاقي !
علامك تحسب طعوني زياده بدفتر إحسانك...
سقاني هـ الزمن مرّه وصنت المر والساقي ..
تقهويت التَعَب منّك .. ولا هزّيت فنجانك...
أمانة عوفها دنياي و رجّع كل أشواقي ..
أنا عندي كثير أحزان ولاني بحاجة أحزانك !...
يوم جديد ..
على الكورنيش ..
سعود واقف .. بعصبية / وليه ترفض .. شايفه فيني عيب .. لكن والله والله .. لتحلم تشوف رجال ثاني ..
اذا مو انا زوجها تحلم تزووج ..
عناد بعصبية / هذي من يوم اشتغلت وهي فكرت تامر وتنهي وتعترض تخسى .. والله ينكسر راسها ..
سند / هيششششششش انت وياه فضحتونى .. الناس قاعدة تطالع فينا ..
سعود بعصبية / بطقاق .. نار ناااااار شابه .. بس اللي مريحني جدي حلف انها ما تتزوج غيري ..
سند / استغفر الله .. انت اجلس بالاول وتكلم مثل الخلق ..
سعود بعصبية / ما ابي اجلس ..
سند يوقف / الشرهه مو عليك الشرهه على اللي جالس معاكم ..
والا انا اروح اجلس مع جدي وجدتي قبل السفر احسن لي ..
وقف عناد / من جد تبي تسافر ..
سند / لا امزح .. ايه واليوم الساعة 12 باليل مسافر .. رايح مكة ..
سعود بضيق / ادعي لي تكفى ..
سند وبنبرة مقصودة / ههههه .. تحبها اصبر على كيها ..
عناد يبتسم / صاير حكيم يا بو فهد تقول امثال ..
سند / يالله مشينا ..
ـــــــــــ
بيت ابو سند ..
شجون داخله البيت .. ياسر صادفها عند الباب ..
ياسر بابتسامه / هلا شوجي .. جايه تودعين غرام ..
شجون بزعل / ايه بتغيب شهر عني .. بتوحشني ..
ياسر / مو شهر بضبط ..
شجون / اربع اسابيع .. كانه شهر ..
ياسر / ههه طيب .. بس احنا اللي راح نشتاق لك .. بتقطعين عنا ..
شجون رفعت حاجب / ..................
ياسر بابتسامه / يالله نشوفك على خير .. سلام ..
شجون تدخل / سلام .. وبداخلة " ايش فيه يتكلم كذا .. ايش يقصد " ..
