بردان ياحضن الدفا عطشان واظماني الجفا ،،

44

بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..

البارت 44 ..

من خصايص عنود الصيد كثر الطواري
و عادة الظبي يجفل ليتحرك ظلاله
مايصيد الجوازي كود بخص و داري
القنص بالركاده و التسرع جهاله
و لا يعرف الطرد من لا يعرف الصحاري
ماتعرض سموم و لا تعرض شماله
كل درب عليه من المخاليق ساري
للسوالف رجال و للشكاله رجاله
و انت عشقت حياتي يا غزال البراري
اتفاول بوجهك سعد من صرت فاله
انت و الله حبيبي و انت و الله داري
إن نظرة عيوني يم غيرك جماله
ما نقطع سيل حبك بالمعاليق جاري
كن قلبي خلقه لله لحبك سباله
ليتني يا قمرها غار منها نهاري
حيث وصل الموده همسة في لياله
ليت واهج غرامك مثل وجدي و ناري
مير ماظن في دنيا المحبه عداله

" خالد الفيصل " ..

بصراخ .../ الظببببببببببببي ..
فز بتال و اقف .. و برعب راح يركض جهة البحر .. كل من كان جالس فز واقف مرعوب ..
الظبي اللي اول ماوصلت لشاطي .. صرخت امها مع برودت ماي البحر ارعبتها ..
حتى ترجع للخلف .. بالوقت اللي وصل فيها ابوها و حملها بين يدينه ..
الظبي برعب وهي فاتحه عيونه .. وبكلمات الاطفال المضحكه / بذاغذييثياثه .. << تعبت وانا اكتبها ..
بتال بخوف و غضب و ضحكه .. طالع فيها و هو يهزها بخفه / بذاغثيه هاا ..
الظبي ضحكت وهي ترفس برجولها .. وابوها ماسكها من الخلف و يضحك ..
الكل / ههههههههههههههههههههههه ..
العنود جلست بتعب حست بان الارض لفت فيها .. رنيم بخوف / فهد .. وين فهد ..
سند اللي توه جلس و تكى .. عدل جلسته برعب و بثواني رجع يسترخي على المركى .. و بضحكه / مو نايم ..
رنيم براحه و هي تتذكر / اهاا الا صح .. نايم ..
الكل / هههههههههههههههه ..
طلال بمرح يلتفت على مرام / وين عيالم يا حرمه ..
مرام تطالع فيه و بهدوء / نايمين استودعتهم الله ..
طلال بفخر / يا فديت العاقلين .. بسم الله عليهم ..
الشباب بصوت واحد / لا يكثر ..

:
:
:
:
:

بعد ساعات ..

بغرفة البنات ..

ابرار تطقطق بجواله و تتبوسم .. نوال نايمه على بطنها و تراقب حركات ابرار بنظرات غاضبة ساخره ..
غرام جنب شجون و يتهامسون وواضح ان الجو مكهرب بينهم ..
مرام بضيق وهي مغمضه عيونها و حاطه يدها عليهم و اولادها نايمين جنبها / الي مافيها نوم تنقلع برا الغرفه ..
العنود و قفت و هي تاخذ الظبي و سلطان .. وبتعب / انا طالعه برا العب الظبي و سلطان لحد ما يتعبون وينامون ..
ساره وهي تحت فرشتها بضيق / كله من نايف و بتال هم اللي نيموهم المغرب .. والحين حنا اللي ابتلشنا ..
العنود تلبس عبايتها على البيجاما .. / خلاص ناموا .. و اللي مافيها نوم تطلع لصالة ..
ابرار قفلت جوالها و اعطت البنات ظهرها و نامت .. و شجون كذالك .. غرام بعصبية رفعت الفرشة ودخلت تحتها ..
العنود طلعت و هي تاخذ الطبي و سلطان بعد مالبستهم ثقيل لخارج الشاليه .. فالمكان اللي كانوا سهرانين فيه ..
جلست على الفرشة و نزلت العاب سلطان والظبي على الارض و بداو يلعبون ...
الجو حولها هادي .. صوت الموج و ريحة البحر تاخذك لبعيد .. ضمت رجلينها لصدرها ..
ولفت يدينها حولينها .. ميلت شوي عليها واتكت .. و هي تطالع البحر .. دندت بصوت خافت ...