بسم الله الرحمن الرحيم
السلام عليكم ورحمة الله وبركاته
الحمد لله والصلاة والسلام على رسول الله
توكلنا على الله .. لا اله الا الله محمد رسول الله ..
البارت 5
انا اليا منـي تضايقـت واحزنـت
من ضيقتي تحزن لحزن جماعـه
لذا أكابر لأنـي ادركـت وايقنـت
انـي حريـق وخايفيـن اندلاعـه
بك يألهي عن عطا غيرك اعتنـت
يلي خلقت من الصناعـه صناعـه
لاضاق بي حالي توضيت واذنـت
وصليت لك يارب سمعن وطاعـه
مدامني عبـدك وبقـدارك امنـت
اكيـد ابصبـر لانفقدلـي طماعـه
لا يارفيقي ليت لازنـت ماشنـت
امرضتني وانـا ماعنـدي مناعـه
كنت احسب انك لاتبينـت بينـت
واثرك مع البشعين تدرس بشاعـه
قسيت بي وانـا لقربـك تهاونـت
وكسبت ضيقت خاطري واتساعـه
اللي على امال تزويجهـا ادمنـت
اخذتها فـي قـرب جـد ولكاعـه
ماوقفت دنيا بكبرهـا علـى بنـت
اللى يوقفهـا الرفيـق وضياعـه
يابن العمومه لاتحسبونـي شنـت
لا والذي تصبح بذكـره الاذاعـه
ماهوب هو لكن انـي كمـا كنت
لا اخون فالصاحب ولا الوي ذراعه
على العموم اشكرك جدأ ولاهنـت
اقنعتني في شي واصبـح قناعـه
من سخريت الاقدار اني انا وأنـت
يضمنـا جـد ونتسمـى جماعـه
" سعد علوش "
ــــــــــــــــــــــــ
عند الشباب .. بالمجلس الخارجي
راكان و رعد و بتال و عناد و سند .. ملتفين على بعض و يسولفون ..
سيف وفارس وزياد .. على الاب توب .. ويشوفون مقاطع شعرية على اليوتيوب
سامر وصقر معاهم الاي فون يدردشون على الواتس اب .. بدر وياسر وسعود يقيلون ..
عناد مبتسم / الحين سند ايش دخله
راكان بقهر / اخته رفعة ضغطي وبما اني ماني قادر اوصل لها احطها براس اخوها ..
سند بابتسامه وهدوء / اختي ما غلطت بكلامها
عناد بنبرة مقصودة وبهمس سمعه بتال اللي على يمينه وسند اللي على يساره / ..
.. بس غلطت بشي ثاني .. ولا ما شفته ..
راكان بعصبية / وايش لها دخل تطابني .. كل كلمة واثانية نطت لي ..
.. تراها ناشبه لي هنا " واشر على بلعومه " .. ما تنبلع ..
بتال شاف تغير وجهه سند وحب يقفل السالفه / وهي صادقة .. لا ملكت طالعها ..
.. راكان لا تخلي صورتك تصغر بعينا .. واثقل وسكر السالفة خلونا نغير الموضوع ..
رعد بعد دقايق / البنات يبون يشتغلون .. " قاطعة عناد " .. / أي بنات ..!!
رعد / بناتنا اخواتك واخوات اللي قبالك
راكان / انا ما عندي اخوات .. " بتال انقبض قلبه ".. وكمل .. يبون الشغل ..
بتال راح يفكر لبعيد و يهوجس ويحط الظنون .. " ان بعض الظن اثم "
رعد / يمكن خواتك ياللي ما شفتهم بحياتي .. بس بناتنا حالتهم مو زينه ..
عناد / والله ان البنات همهم للممات .. الحين ما كلين شاربين مرتاحين ..
.. لا تفكر بمناقصة .. ولا عقاب ان فشلت بمشروع .. ولا تلف بهالشموس ..
.. علشان تتفقد اوضاع العمال .. تحت هالمكيف .. وعلى ذا السرير المريح ..
.. تنام متى مابغت وتصح متى مابغت .. واللي تبية تحصله ..
.. ياهووووو اتركك من خرابيطهم ودلعهم ..
رعد / لا تقول كذا ياعناد ياكثر البنات اللي ضاعوا والسبب الفراغ .. انت ..
عمرك سالت اخواتك .. ناقصك شي .. ويشلونك .. محتاجة شي .. عمرك ..
سولفت مع وحدة منهم .. تأخذ اخبارها .. وتعطيها اخبارك ..
عناد يطالع رعد ويفكر بالكلام ../ لا .. بس اذا وحدة تبي شي تقول لامي
رعد / وانت اخو بالاسم .. لو شفت اختك تكلم واحد مو محرم لها .. ويش تسوي
عناد بحدة / لا انحره وانحر الكلب اللي معاها ..
رعد بحدة / ولية ماتسال عمرك لية سوت كذا .. لية راحت للحرام .. انت رميتها بالنار
.. قبل ماترمي نفسها .. انتبه لأخواتك بدون لا تكسرهم ..
بتال / ويش السالفة ندري انك اكثر واحد قريب للبنات قول اللي بجعبتك
سند يسمع كل كلمة ويفكر فيها وفي اخواته .. قد ما يخاف عليهم ..
قد ما تركهم بحرية تخوف .. مثل ما طيش غرام وحساسية مرام ..
رعد / نوال دكتورة اسنان .. وابوي واخواني رافضين شغلها ..
عناد يقاطعة ../ اجل تبيها تشتغل بمستشفى مع الرجاجيل ..
.. لا وتخيل تفتح فم رجال وتميل علية .. وجاتك مشكله تحرش ..
.. وياعيني على الفضايح .. تنثبر بالبيت احسن لها ..
