بردان ياحضن الدفا عطشان واظماني الجفا ،،

41

بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..

البارت 41 ..

كلك تعالي غـلا ولا ارجعـي كلـك
بعض الغلا منك ما يستاهـل الجيّـه
ما بَلّ ثوبك مطر شوقـي ولا بلّـك
لو علّتك من سحاب الروح وسميـه
ليه امشي الدرب دامه ما يوصّل لّك
تخاف رمضا الضياع اقـدام رجليّـه
يا بنت توّ الهوى ما صرت انا خلك
للحين ما زالـت الصـوره رماديـه
ومازال بعض الغموض الشره يحتلك
وشلون انا اعشقك واحبك على النيه
اشوفـك هنـاك قدامـي ولا ادلـك
صعب الكتابه إلى صار الورق ميّـه
ان كان شمسك تساومني على ظلك
ما عاد ابي منك لا شمسٍ ولا فيّـه
اما تعالـي لقلـبٍ فـز لـك كلـك
ولا اتركيني ما ابي لك بالهوى جيّه

" مساعد الرشيدي "..

سارة دخلت المطبخ .. فتحت الثلاجة وطلعت جبن و زيتون و طماطم وخيار ..
قطعت الخيار والطماطم شرائح و رتبت الصحون على الطاولة .. حطت الخبز في الميكروويف ..
التفتت باستغراب و قرف / ايش ذا الريحة .. شكلها من الفواحة ..
العنود دخلت وهي تلم شعرها وباستغراب / انتي .. ايش صحاك ..
ساره ابتسمت / حسيت بالجوع و قلت انزل اكلي شي .. دخلت عليك شفتك نايمه ..
العنود بضيق / ايه .. " وهي تحط لها ماي بالكاسة .. و بغصة " .. شفت كابوس خنقني .. اعوذ بالله منه و صحيت ..
ساره و قفت قبال الباب الزجاجي المطل على الحديقة الخلفية للبيت .. حطت يدها على الزجاج وهي تطالع لبرا ..
العنود باستغراب وقرف / ايش ذا الريحة ..
ساره هزت اكتافها / ما ادري .. " تنهدت " .. تصدقين اشتقت لامي و ابوي .. ودي ارجع انام بحضنهم ..
العنود نزلت الكاسة .. وطالعتها بضيق و حنين .. حت هي اشتاقت لهم ..
بلعت غصتها .. وهي تتقدم من الباب راجعه لجناحه .. طالعت ساره / بعد ما تتعشين .. ااا ..
........ بوووووووووووووووووووووووووووووووووم ....
صوت انفجار هز البيت كله .. العنود بصراخ / سااااااااااااااااااااااااااااااااااااررررررررررررر ررره ..
ساره برعب / اااااااااااااااااااااااه .. يمممممممممممممممممممممممه .. عنوووووووووود .. ااااااااااااااه ..
العنود توجهت لسارة بجنون وهي تطفي شرارات و تصارخ .. فتحت الباب الزجاجي ..
وهي تدفع ساره على الارض وتطفي النار .. شافت جسم سارة مرتخي ولا طلع لها صوت ..
العنود تهزها بجنون وهي ترفعها بين يدينها وتنزلها / سااااره ساااااره .. " وقفت ولفت حولها ورجعت جلست " ..
ساااره .. " وبصوت اختنق "... ساره .. " وبصراخ " .. سااااااااااااااره ..

راكان الي فزع من النوم على صوت القوي .. وانقطاع الكهرباء .. / الله يستر ..
سمر بخوف / بسم الله .. ايش هالصوت ..
راكان يرفع الفرشة / يمكن التماس والا ضرب فيوز .. انتي خليك هينا .. و خذي شيخة بحضنك ..
وقف وتوجه لشباك غرفته رفع الستارة وفتح الشباك .. / انا بفتح الشباك يجيكم ......
سكت وهو يسمع صراخ العنود / هذي مو صوت العنود .. " ابعد الستاره كلها و شاف حركة بالحديقة " ..
ترك الشباك وهو يجري جهت الباب عثر بطاولة و طاح على السراميك رجع وقف .. فتح باب جناحه وطلع ..
راكان نزل مع الدرج وهو يتعثر و يرجع يوقف .. سمع صوت زياد و نايف يطلعون من جناحهم و هو يسال ..
راكان توجه للمطبخ و شاف النار تركها و طلع من الباب الرئيسي .. و لف على البيت الا ان وصل لمكان العنود ..