بردان ياحضن الدفا عطشان واظماني الجفا ،،

51

بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..

البارت 51 ..

البارحه مابين وشلون يمديك ... في يوم واحد ياحبيبي تغيّرت
الليل خلاني وخلا طواريك ... تلعب بقلبي كل ماداخلي ثرت
سويت شين حدني غصب ماجيك ... والا قبل لاسير الليل سيرت
هدمت كل اللي بنيت بتجافيك ... هدمت لا والله بالعون دمرت
خليتني ماقلت لي شلون اخليك ... ليتك بحالي قبل مارحت ناظرت
الله كريم يصبر اشواق مغليك ... لاقام ينثرني غلاك وتناثرت
والله يسامح قلبي اللي مواليك ... اخذت كل اللي تبي منه وانكرت
منهار جيت العام تسبق خطاويك ... واليوم ماكنك قبل جيت وانهرت
في ذمتك لامن تذكرت ماضيك ... من يطري في بالك اليامن تذكرت ؟
من كثر مافكرت وشلون اراضيك ... وياك في نفسي ولا يوم فكرت
على كثر ماكنت متمسكن فيك ... وعلى كثر ماحتجتني ماتعذرت
جيتك وعندي حاجتن بين اياديك ... والمشكله تقدر عليها وقصرت
رح بشر اللي ملتفت لك يناديك ... قله تركته لخاطرك ماتأخرت
صدقني انها غلطتي يوم اداريك ... ولا انت لولا غلطتي كان ماصرت
كبرتك بعين البعيد وحواليك ... ابيك تكبر والمصيبه تكبرت
حاولت اغيّر فيك من كثر مغليك ... قدرت لكنك عليّه تغيّرت

" المبدع .. ثامر شبيب " ..

:
:
:

سند رفع عينه وشافها تاشر على الالبومات .. و بحزم / لا .. " وبجدية " ..
بس فيك تشوفين الألبوم الي مكتوب عليه اسم عناد ..
غرام عقدت حواجبها / ليه ..
سند طالعها بنظرات .. / علشان تعرفين كيف تتفاهمين مع عناد .. و تعرفين كل شي عنه ..
غرام طالعت اخوها .. وبعدها طالعت بالألبومات .. شافت اسم " راكان , عناد , بتال , طلال , سيف , رعد ,
راشد , البنات ..... " رفعت طالعت سند و هي تاشر له وبنبرة استغراب " .. / البنات ..
سند وهو يسحب ابريق الشاهي الي سواه ويسحب صحن يحط فيه الاكل .. وبجدية / يالله خذي حق عناد و اطلعي ..
عطيتك وجه .." غرام كشرت و هي تسحب الألبوم و نفسها تسحب غيره .. تنهدت و طلعت وراء سند "..
نزلت الالبوم على الفرشة .. و رجعت للغرفة حتى تغسل يدها و سند معاها ..

:
:

بعد ما تعشوا و هم يشربون الشاهي و غرام من عجلتها تصفحت الالبوم وهي تاكل ..
و سند يهددها ان طاح شي من الاكل على الالبوم و اخربه راح يكسر يدها ..

:
:

غرام وهي تنزل فنجال الشاهي / يعني هو من جد كان يحبها ..
سند وهو متكي / لا .. بس هي اغوته .. بنت حلوه .. وصغيرة وهو شاب مراهق ما شاف من الحريم الا امه و خواته ..
سحرته بكلامها وغنجها .. و احترامها .. و الي اعماه زود انها من اصول عربية ..
غرام بنبرة غيره / اهاا .. و ايش عجب استاذ عناد ..
سند كتم ابتسامته و بجدية / غرام انا ما قلت لك السالفه و اسرار عناد الا علشان تقدرين تتملكين عناد ..
لايغرك كلامه المعسول الحين وروقانه ترا عناد ميزاجي درجة اولى .. و بعد اللي صار معاه صار عصبي وبقوة ..
غرام بهمس خافت / تعلمني فيه ..
سند طالعها وهو كان حاس بان بينها و وبين عناد شي .. / ايه انا بعلمك عن عناد .. عناد من نفس الي راسمتيه بعقلك ..
غرام طالعته .. وبمسار مخالف عن المحور الي يتكلمون فيه / انتم يا الفارس فيكم ميزة وحدة ..
سند عقد حواجبة / الي هي ..
غرام بكل بساطة / الظلم ..
سند تفاجاء / الظلم .. " وباستغراب وهو يجلس " .. ليه تقولين كذا ..
غرام تتكلم وبنبرة تميل للعصبية / ايه الظلم .. اول شي جدي سند الله يرحمه .. ظلم جدتي الظبي ..
و بعدها ظلم جدتي شيخة .. و قبل جدي سند جدي جابر .. ظلم الكل لمن ابعد الظبي .. خلها تحقد علينا ..
و ربت العنود على الكره لنا .. و بعد عمي راشد .. ظلم نفسة و خالتي مياسة وبناته .. " شافت استغراب سند " ..
ترا كلنا ندري عن عمي راشد .. اقصد البنات .. بس نسوي انه ما ندري عن شي .. علشان بناته ..
مو علشان شي ثاني .. وراكان ظلم ابوه و امه .. و ظلم اخواته .. و ظلم سمر .. وبتال ظلم العنود ..
ورعد ظلم نفسه و ظلم ابوة و امه و عبير ظلم الكل .. وعناد ظلمنا يا البنات .. وغيث ظلم ريما ..
و خالي سلطان ظلم خالتي الجوهرة ..وبعد نفسه .. و جدي سعود ظلم بناته و اولادة ..
وخالي عبدالعزيز و عمي خالد و ابوي .. كلكم .. وبعدها رجعتوا .. ولا كانكم سويتوا شي .. تغيرت الملامح ..
بس المضمون نفسه .. " تنهدت وهي تطالع لبعيد وكان لسع باقي شي في قلبها تبي تطلعه بس مو عارفه كيف تقوله " ..
سند طالعها " و بعد صمت لثواني طويلة " .. بهدوء ../ وانت الحين يا البنات ملائكة ما تغلطون ولا تسون شي ..
غرام التفتت له .. و رفعت حاجب / منكم .. انتم السبب ..
سند طالعها مسك ابريق الشاهي وصب له .. وطنش كلامها .. وبنبرة مقصودة / كيف علاقتك مع عناد ..
غرام كشرت ولمت شفايفها / مزاعلته .. وما ابي اكلمه ..
سند ابتسم / للحين ..
غرام طالعته .. سند اشر لها على الالبومات / حتى بعد ماشفت ذي .. " وغمز لها " ..
غرام صدت عنه بارتباك / ............
........ / ماشاء الله .. ايش الجلسة الحلوة هذي ..
سند وغرام طالعوا على جهة الصوت .. سند ابتسم / هلا وغلا .. و بتحلو اكثر بجيتكم ..
رنيم تجلس و تجلس فهد بحضن ابوه / السلام عليكم ..
غرام و سند / و عليكم السلام ..
رنيم بجوع / مافي من عشاكم .. ليه ما سالتوا عني .. و الله من البخل .. حنا عيد ..
سند ابتسم / يخسى الجوع يا ام فهد .. شوفي تركت لك قسمك بالميكروويف هينا .. " وهو ياشر لها على الغرفة " ..
رنيم بتعب تنهدت / يووووووه مالي حيل اقوم .. جسمي مكسر مره ..
غرام باستغراب / انتي ايش فيك بس تعبانه .. وتنامين .. ومعصبه .. صايرة كوكتيل ..
رنيم تثاوب / لا تجبين طاري النوم على طول انام .. " قالتها وهي تنسدح بنص الجلسة وغمضت عيونها " ..
سند يطالعها بنظرات .. جلس فهد بجنب امه و رمى عليه الجوال .. و وقف راح لـ الغرفة .. جاب الاكل و رجع ..
سند بهدوء / رنيم قومي الاكل .. رنيييم .. بنت نمتي ..
رنيم بكسل وهي مغمضة عيونها / هممممم ..
سند ابتسم / قومي كلي ..
رنيم تجلس بتعب / ايش الاكل ..
سند / سندويتشات كباب .. من المطعم التركي ..
رنيم بضيق / فيه بيبسي .. نفسي في بيبسي ..
سند ابتسم وهو يبعد القصدير عن الساندويتش .. / ايش تبغين بالبيبسي .. مافيه فايدة ..
رنيم تاكل بشراهه .. وتشرب من العصير .. وسند يراقبها .. وغرام تلعب مع فهد ..