البارت 6
ليه الزمن ماعاد فيه صاحبٍ وافي...
ليه الزمن صارت جروحه قساتي..
ليه الضحكه في زماني..
بدت تنعدم من حياتي..
ليه القسى...والظلم..وقولت الآهي..؟؟
كنت أتخيل عالمي غير زماني
تخيلته خيال طفلٍ بريئي
ماله في هالزمن ولاهمومي
تخيلت زماني كله فرحه وشموعي
والحزن فاني من حياتي
لا صاحبٍ يجرحني
ولا ظالمٍ يظلمني
رسمت لحياتي..أشكال وألوان مختلفه
زخرفتها بأحلى زخارف خطتها أيديا
وعيشت نفسي بأحلام ورديه
ولافكرت ان هالخيال جداً عالي وانه صعب المنالي
كنت اتمنى صاحبٍ جنبي
يطبطب لضاقت علي حالي
يضحك بوجهي ويسليني
يسولف لي عن أوجاعه وأسولف له عن أوجاعي
نتسامر ..ونضحك..ولانعرف للحزن بابي
بس ..للأسف هذي أحلامي
أحلام طفلٍ ماله فـ هالزمن مكاني
وفجأه
صحيت من أحلامي
وعرفت ان هالزمن مجرد سرابي
والفرح فيه بس ثواني
وكل اللي رسمته على بالي
تسطر فـ صفحة أحلامي
بقلم
غـلا قــطـــر
ـــــــــــ
الرياض ...
بعد المغرب ... في المجلس الداخلي لبيت ابو نايف ..
خديجة تتحدث عن مسلسل لام راكان وام ركان في صمت غريب .. خلود صامته وتسرح بفكرها ..
ساره ومها وحنان يشاهدون مسلسل على التلفاز .. ساره بعباتها والبرقع بيدها ..
العنود بعباتها وبرقعها متغطيه .. خوف من دخول عبدالله المفاجئ بدون حياء ..
شريفه وهي تاكل من الفطائر اللي امامها / عنيييييد اسمعي زين مناروه راحت جدة بلا شوري ..
لا تفكرين تلوين ذراعي بهالشي .. تراني شرايف مايصير شي الا القي له دبره ..
العنود بتغابي مقصود / وشهو ذا الشي ..؟
شريفه / لا تقولين ها عرس اخوي .." وبنبرة حاقدة " جعله ما يتم .. ابي اروح .. تعقبين مالك روحه ..
العنود تمثل الحزن / لييييه ما ارووووووووووح .. هذا عرس راكاااااااان ..
شريفه / اهاااا بس عرس رويكين .. اقول انتي عروس والعروس ماتطلع قبل عرسها ..
العنود تدعي الخجل / خااااالتتتتي احرجتيني وبعدين عرسي باقي عليه ..
شريفه صدقت وبابتسامه بينت صفرت اسنانها وتفرقها / هههه ايه .. ااا المهم مالك روحه ..
العنود لعت كبدها بس ويش تسوي لو مو جدتها الظبي كان لقت لها حل .. وبهمس / الله يرحمك ياجدتي ..
شريفه / هااا ايش تقولين ما سمعت ..
العنود / اقول لو سألوا عني ويش تقولون لهم ..؟
شريفه بخبث / ههههههه لا لا من بعد اللي صار مهم سألين عنك ..
العنود تتصنع المفاجئة / ليييييييييه ويشششش صاااااار ؟
شريفه تطالع ساره وبابتسامه تعتقد فيها انتصارها / ولا شي .. بس عمامك ان شافوك اذبحوك ..
العنود تبي تترك الجلسة بلا رجعه .. وقفت وتدعي البكى / ليييه لييييه ايش سويتوا .. اهئئئ اهئئئئ
شريفه عصبت / ووجع ليه وليه ضيقتي صدري .. اقول انقلعي انقلعي وخذي امك معك ..
العنود تأشر لساره بيدها .. يعني " الحقيني وجيبي امي معاك " ..
شريفه لمن شافت ساره تقوم امها / سووويرر زين انك سمعتي كلامي وما قلتي لعنيد ويش صار..
راح اخليك تحضيرين عرس رويكين وتشوفين وايش راح اسوي .. راح اخلي بنت سلطان تطلق من اول ليلة ..
ساره متفاجأه ومها وحنان ايضا ..
مها / يمه كيف تطلقينها وليه ..
شريفه / يالغبيه ابيه يطلقها علشان يتزوجك يالبقره ..
مها / يمه ما احبه غصب يعني اتزوجه ..
شريفه / حبك برص قولي امين حبك برص .. هذا ولد سطام يالخبله ولد سططططاااااام ..
مها / وايش يعني ؟
شريفه / آآآآآآآآآآآآآآآآآآه ياقلبي آآآآآآآآآآآآآآه ما الله عطاني بنات ذكيات مثل العنود وسوير يعرفون مصلحتهم ..
وحده غبيه وفاتح حلقها لها الخربان التلفزيون والثانيه بقره ترعى تبي ثور مثل ابوها ..
مها وقفت / ويش فيه ابوي ما جوعك ليله ولا ضربك ولا خلاك عريانه ..
يمه متى راح ترحمين ابوي وتحسسينه باهتمامك ..
شريفه تشهق / هئئئئئئ " وبصوت عالي " تعاااااالي تعااالي اضربيني احسن لك تعااااااالي ...
ياقليلة الادب ان ماخليت عبيد يكسر عظامك ما اكون شريفه .. اوررريك في البيت دواك ..
مها خافت لانها جربت ضرب عبدالله جلست جنب حنان وهي ترجف / يارب خذ عبيد وفكنا منه
حنان / امين .. الليله يارب ..
