بردان ياحضن الدفا عطشان واظماني الجفا ،،

10

بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..

البارت 10

ياضايق الصدر بالله وسع الخاطر
دنياك يازين ما تستاهل الضيقه

الله على مايفرج كربتك قادر
والله له الحكم في دبرة مخاليقه

حلو العيون استهانت دمعها الحادر
كف العباير حزين الدمع ماطيقه

حسايف الحزن يغشى وجهك الطاهر
والورد في وجنتك حرام تغريقه

يفداك قلب على ماتشتهي حاضر
يفداك بالي بقالي من معاليقه

مافات خله ولا تهتم من باكر
وأغنم من اليوم ماساقت توافيقه

" دايم السيف – خالد الفيصل "

يوم جديد ..

بتركيا ..

صحيت من النوم التفتت يمين ويسار ما شافت راكان ..
نزلت من السرير المفروش بالحرير الابيض ..
سحبت الروب ودخلت الحمام " اكرمكم الله " تاخذ لها دوش ..

قبل قليل ..

دخل الشاليه اللي مأخذه على احد شواطئ تركيا .. وهو محمل بـ اكياس من السوبر ماركت ..
دخل المطبخ .. وبدا بتجهيز الفطور ..

بعد نصف ساعة ..
راكان واقف قريب من طاولة الطعام يرتبها ..
سمر بهدوء .. وابتسامه خجولة / صباح الخير ..
راكان بابتسامة وبصوت رومانسي وهو يتقدم لها بخطوات هادئة ..

صباح الخير
يامنّ يشغل التًفكيّر
صباح وليل

صباح الورد
ياوردً يتفتح في شًراييني

صباح العمر
يامن يستحق الحب والتدليل

صبـاح الحب
يا حب هويتهـ ودايم سنيني

صـبـاح الشوقّ
يا ورد بحبه حيل يرضينيّ ..!

وانهاها بقبلة هادئة على جبينها ..
سمر زاد حمرت خدودها .. وصارت تتصدد بنظراتها مو عارفة ايش تسوي ..
راكان يطالع فستانها السماوي القصير بنقشات بيضاء خفيفه .. ومكياج وردي ناعم ..
سمر تحاول تكسر الخجل والخوف اللي بداخلها وتطبق وصايا امها .. بابتسامه / اممم شنو كنت تسوي ..
راكان بابتسامه وعيونه تلمع من الفرحة للحين مو مصدق ان سمر صارت زوجته ..
... / امممم كنت اسوي فطور لحبيبتي .. << يقلدها ..
سمر عضت شفتها السفليه تحاول تكتم ضحكتها ../ طيب .. ما تبيني اشوف والا طعمه شين ..
راكان رفع حاجب .. وبمزح / بتشوفينه وتذوقينه .. مالح .. حار .. محروق .. مو مستوي كامل .. بتأكلينه .. تمام ..
سمر تبلع ريقها وتحاول تهدي دقات قلبها ووصايا امها تدور براسها / من عيو .. ونـي .. " وما قدرت تكمل "
راكان مسك يدها اليمنى وقبلها بهدوء .. وبخبث / سمر لنا ثلاث ايام من تزوجنا ..
ما انتهت .. " وهو يرفع حاجب وينزله بسرعة كاتنبيه للمقصد "
سمر حمرت خدودها ونزلت راسها .. وتذكرت اول ليله ..