بردان ياحضن الدفا عطشان واظماني الجفا ،،

32

بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..

البارت 32 ..

أحبس دمعتي وأظهر فرحتي للناس
وأناديك ياخلي ساهر الليل أناجيك
قالوا مريضٍ وقلت ياناس لاباس
ليت المرض فيني ولاهو والله فيك
قطعت قلبي وأشتعل داخل الفكر هوجاس
وحال تموت وحال بها العين تبكيك
باب الفرح بيننا أنقفل ومفتاحه الياس
متى تجي وتعود وتفتحه بأياديك
أنهد حيلي وكل صرخة لها إحساس
يبات جفني سهران وشوقه يناديك
حبك وسط قلبي متحكم بكل الأنفاس
وأنتي بداخل الروح والله مغليك
ياليت المرض فيني ولافيه ياناس
وياليت يومي قبل يومك وعمري أهديك
ويالله يارب جعل ماصابه طهور ولاباس
ورجواي في الله أنه يعافيك ويشفيك

وقفت سيارة راكان قبال باب القصر ..
نزل راكان بسرعة وتوجه للباب الخلفي لسيارة .. فتح الباب مسك يد نايف وساعدة بالخروج من السيارة ..
راكان بضيق / لو رايح المستشفى مو احسن ..
نايف يادوب يقدر يفتح فمه ويتكلم / اناا .. قلت .. ابغى امي وابوي .. ليه تجيبوني هينا ..
راكان بختناق وهو يحاول يبلع عبرته / هينا .. كلنا هينا ..
زياد واقف وراهم ويحاول يتماسك لا يصيح من منظر نايف الموجع ..
عناد يقرب من راكان ونايف ومعاه العكاز.. / شوي شوي .. لا تشد على نفسك .. " مسك العكاز ومده لنايف " ..
سند يقرب منهم / مو احسن اجيب لك الكرسي ..
نايف بحدة / لا .. اا .. اقدر امشي ..
بتال بهمس / راكان ..
راكان رفع عينه لبتال وشاف بتال ياشر على مدخل البيت .. التفت على المدخل وشاف العنود واقفه ..

محد انتبه لوقوفها الا بتال ..
متعب وماجد وصلاح من المطار الكل تفرق .. صلاح رجع لرياض .. ومتعب توجه لاهله ..
عزام وغيث رجع لبيت اهلهم .. وبكرة عزام مسافر لـ الامارات يرجع لدوامه ..
عبدالعزيز ورعد كانوا يتكلمون مع سلطان و فهد وخالد وطلال .. ويتكلمون عن وضع نايف ..
سيف وفارس وبدر وسامر وسعود و صقر كانوا يتكلمون عن حالة نايف وايش ممكن صار له ..
راكان وسند وعناد وزياد مهتمين بنزول نايف ..

راكان بهمس وكانه يكلم نفسه .. / العنود ..
نايف رفع نظره لاخوه وشافه يطالع لجهه .. طالع للجه اللي اخوة يطالع لها ..
شافها واقفه تطالعهم وكانها مو مصدقه .. نزلت دموعها اول مرة تنزل من لمن صار اللي صار له ..
ما نزلت وهو يتعذب على يدين تركي و العصابة .. ولا اهتز وهم يهددونه بالموت ..
بس هذي العنود .. هذي امه .. هذي روحه .. هذي عنوده ..
خطئ خطوتين متعبه .. وكان يحاول يشد على نفسه علشان يوصل لها بسرعه ..
اختل توازنه وكان راح يسقط .. لكن بسرعه راكان لف يده حولين خصر نايف وقدر يمسكه ..
صرخ نايف من الالم .. راكان وضع يده على الجرح اللي بجنبه .. / آآآآآآآآآآآه ..