ကျောင်းဂိတ်ပေါက်ဝမှာစောင့်ရင်း ဖြူအလာကို စောင့်နေမိသည်။ သူအတွက် ပေးဖို့မုန့်ဗူးလေးကို ကိုင်စောင့်ရင်း မြတ်နိုးမောင် ခဗျာ လည်ပင်းရှည်နေပြီ။
" မြတ်နိုးမောင် နင်ဘယ်သူကိုစောင့်နေတာလဲ "
နန္ဒာ မေးလိုက်ပေမယ့် လှည့်တောင်မကြည့်ပဲ" ငါ ဖြူ့ကိုစောင့်နေတာပါဟ "
" အမယ် နင်က ဘာလဲ သူကို သဘောကျနေတာလား"
" ဟမ် "
" ဟမ် မနေနဲ့ နင်ကြိုက်ရင်လည်း ဖွင့်ပြောလိုက်ပေါ့"
" ဟာ နင်ကလည်း ငါတို့က ခင်တာမကြာသေးတော့မကောင်းဘူးလေ အခွင့်အရေးယူသလိုဖြစ်သွားမှာပေါ့"
" အေးပါ နောက်မှ နောင်တမရနဲ့ "
" ဟိုမှာလာနေပြီ နင်တိတ်တော့ "
"နင်တို့ဒီနားမှာ ဘာရပ်လုပ်နေကြတာလဲ"
"နင်ကို စောင့်နေတာလေ ဟောဒီက မြတ်နိုးမောင်က နင်ကို.."
" ဟဲ့ နန္ဒာ "
" ငါက မုန့်ပေးမလိုစောင့်နေတာပြောမလိုပါ နင်ကဘာထင်လို့ တားရတာတုံး "
" နင်နော်"
မြတ်နိုးမောင်ကဆိုလိုက်ပြီး မုန့်ဗူးလေးကိုပေးလိုက်သည်။" ကျေးဇူးပါနော် မြတ်နိုးမောင် "
" မောင်လို့ခေါ်ရင် သိပ်ကောင်းမှာပဲ ဖြူရယ် "
မြတ်နိုးမောင် တိုးတိုးလေး ရေရွတ်လိုက်သည်။" လာ အခန်းထဲ သွားကြမယ် "
xxxxxxx
" ဆရာမ ဒီနေ့ စာမေးမယ်ပြောထားတယ်နော် Answer the questionတွေရပြီလား "
" ဟုတ် "
" တစ်ယောက်ချင်းမေးမယ် နောက်ဆုံးတန်းက နေစမယ် "
လင်း ဖြူကို နောက်ဆုံးမှ မေးမယ်ဆိုပြီး အနောက်ကနေ စခေါ်မေးလိုက်သည်။
" ဟဲ့ နန္ဒာ ဒါဘယ်လို အသံထွက်တာလဲ "
"နင်ကလည်း အခုမှ ငါလည်း မနေ့က မေ့နေတာနဲ့ သိပ်တောင် မရချင်ဘူး ဟိုမှာ ဖြူကိုမေးလိုက် "
မြတ်နိုးမောင် မဝံ့တရဲ ဖြူ့အနား ကပ်ကာ စာမေးလိုက်သည်။ ဖြူလည်း သေချာလေးပြောပြပြီး မှတ်ရလွယ်အောင် သုံးလေးခါလောက် ဖတ်ပြပေးသည်။
![](https://img.wattpad.com/cover/309487787-288-k793311.jpg)
YOU ARE READING
စည်းကျော်ခဲ့သောချစ်ခြင်း
Short Story" တို့အတွက် တားမြစ်ထားတဲ့ တံတိုင်းတွေကို ဖြတ်ကျော်နိုင်မလား ဟင် "