Belong With You
အပိုင်း (23)
01.04.2019 Morning 8:00AM
ကျောင်း၀န်းထဲလမ်းလျှောက်လာရင်း မနေ့က ကိုကို့ကို အိမ်ပြောင်းပေးပြီးပြန်လာတော့
အခန်းထဲက စာဖတ်ခုံပေါ်က Air Hogs Helicopter Box လေး
ဒါကို ကိုကိုပေးတာ သိပေမဲ့ ဘယ်အချိန်အခန်းထဲလာထားသွားလဲ မသိဘူး
ဒါကလည်း သူ အနိုင်ကျင့်ခဲ့သမျှတွေထဲက တခု...
ရက်တွေနေ့တွေလည်း မမှတ်မိတော့တဲ့ကလေးဘ၀က အဖြစ်အပျက်တခုနဲ့ဒီကစားစရာပစ္စည်းလေး
အန်တီ စျေး၀ယ်ထွက်ပြီး ပြန်လာတော့ တယောက်တခု ၀ယ်လာပေးခဲ့တာ
ကျူရှင်သွားနေတဲ့ ကိုကို မရှိချိန်မို့ သူ အရင်ဖွင့်ဖောက်ပြီး ဆော့နေခဲ့တာကို
ပြန်လာတော့ ကိုကိုက သူအရင်မဆော့ရလို့ဆိုပြီး
ကျွန်တော်ဆော့နေတာကို ဆွဲလုယူပြီးဖျက်စီးခဲ့တာ
၂ယောက်သား လုရင်း ကိုကို ဆွဲယူလို့ Helicopter ရဲ့ ဒလက်နဲ့ညှိပြီး ကျွန်တော် လက်ဖဝါးကွဲပြီး သွေးတွေ အဆက်မပြတ်ထွက်လာတဲ့အထိ ရှသွားခဲ့တာ
ခံခဲ့ရတဲ့ ကျွန်တော်က မေ့မသွားပေမဲ့
ဒါကို ကိုကိုမှတ်မိနေလိမ့်မယ်လို့ထင်မထားမိခဲ့ဘူး
အဲ့တုန်းက ကျွန်တော်တို့ တော်တော့်ကို ငယ်ကြသေးတယ်လေ
မနေ့က စိတ်ဆိုးပြီးထွက်လာခဲ့တာတောင် ဆက်စိတ်မဆိုးရက်တော့ဘူး
အတွေးနဲ့လမ်းလျှောက်နေတာ
နောက်က Tin အော်ခေါ်ပြီး ပြေးလိုက်လာတာ သတိမထားမိဘူး
အနားရောက်လာမှ သိလိုက်တယ်
"Perth ရာ မင်းကလဲ ခေါ်လိုက်ရတာ . ဘာတွေတွေးနေလို့မကြားတာလဲ"
"Sorry Tin .. ဒီလိုပဲ ဟိုဒီတွေးရင်း မင်းခေါ်တာ သတိမထားမိဘူး"
"ChomPo အကြောင်းမလား? ဟဲ ဟဲ"
"ငါက ဘာလို့ သူ့အကြောင်းတွေးရမှာလဲ?"
"မင်းနဲ့ ChomPo က ဘာညာဘာညာ ဆိုတော့ ငါက မေးတာပေါ"
