KALLABI..! A tsakanin Rawuna...

BABI NA TALATIN DA SHIDA

BABI NA TALATIN DA SHIDA
_DA KAKKAUSAR MARTINI DA HADE FUSKA NA FUSATA NAYO KAN YAN GRP DINA 😡🚶🏾‍♀️😒 ZAN BAKU AMSA KU MU HADU IDAN BABA BAHARI YA KUMA LASHE ZABEN WASU SHEKARU TAKWAS 🤣😂 WAI YARIMA BARKINDO SHINE YARIMA LUSARI 😏🙄😭😿 WANNAN ABU TA CIJE ZUCIYATA MU HADU A KOTU KAWAI 😡💔_

Yadda take maganar cikin karayar zuciya yasa baki daya kowa ya fusata, cikin shashekar kuka, take rike da hannun mahaifiyar ta.
"Itama zahirah ba laifin ta bane, haka na faruwa da ita ne, idan mutanen wannan gida suka dame ta, dan haka karki saka tashin hankali a ranki zai ji sauki" inji Yayanta, can kuwa suka samu yayi ta amai, kafin ya samu nutsuwa, kallon Mahaifiyar shi yayi ya ce mata.
"Innah ya matar basu mata kome ba ko?"
"Babu abinda suka mata" gyara kwanciyar shi yayi yana lumshe idanun shi, tashi yayi zai fita ta rike shi.
"Ni fa lafiya ta lau, kuma ba zaki ajiye ni" da Idanun tayi mishi alama da inda suke. Kamar yaro karami ya koma ya kwanta sannan ya juya mata ba, can dai ya ishe su da mutsul mutsul, dan dole ta saka Mandiya ta kira mata sarkin gida, ta gaya mishi ya zuba idanu akan shi.
Haka ce kuwa ta faru, a can dakin Mahaifiyar Salihu yana durkushe, gaban ta.
"Wannan asarar da ka yi kace min ba zaka rabu da yarinyar nan ba? Yau ka dubi yadda bingel ta koma, ban san inda ka kwaso mana annoba ba, gaskiya ka san yadda xaka yi da ita"
"Inonon ya xan yi da ita kuwa? Ba zan iya rabuwa da ita ba, ina son mata ta. Ina kaunar ta duk abinda zaki fada zan yi ba zan kauce ba, amma ba zan sabawa Allah akan ki ba."
Ta san duk cikin yaran ta, shine kawai take iya juya rayuwar shi, kiyayyar Zahirah ya samo asali ne tun daga ranar da ya dawo daga fitar da yayi lokacin da aka hada auren shi da bingel ta gudu, dan haka shima ya haɗa dabobbin shi, ya bar garin gashi dama Allah ya daura mishi kaunar ta, toh ta gudu dan haka ya bazama duniya, malam Jauro kuwa bakin ciki yasa shi faduwa, tashin da bai yi ba kenan sai a kiyama, yanayin yayiwa Daadah tsauri domin tashiga tashin hankali kamar me, kafin Allah ya rage mata damuwa, dan haka ta zuba idanu tana jiran zuwan ranar da bingel zata zo.
Shi kuma garin yawo da shanun shi ta fada yanki Somalia, a can yayi ta kiwon dabbobin shi, har Allah ya haɗa shi da abu Zahirah, wani balaraben kauye, yana da tarin dukiya da Darajojinsa a garin domin attajiri ne, yara auren wata mata me suna Rusailah, yaran su uku. Akwai Aliyu shine Babba, sai Atika sai Zahirah.
A duniya babu abinda balaraben nan ke kauna da riritawa kamar matar shi da Yaran shi, shi yasa yaki yarda ya aura kowa yaran shi sai mutumin kirki, haka matar Aliyu yar Sarkin Somalia ce, shi yasa Atika sai da ya tsaya sosai akan ta da mijin ta, Matar shi da Yaran shi yan baiwa ne, idan ka rike su da Amana Allah sai ya rufa maka asiri tare da bude maka kokofin samu, ya hadu da ita ne, lokacin bara wuce shekara goma ba, ya badu da ita.
Duk da bai so ya takura ta ba, sai dai a yar tafiyar da yayi da ita ya kaita gidan iyayen shi, ya fahimci yarinyar tana da boyayyen al'amari, lokacin da mahaifin shi ya ganta shi da kan shi yayi mishi sha'awan ya aure ta.
Babu yadda ya iya ya yarda aka aura mishi ita, sai a daren ranar mahaifin shi yake gaya masa.
"Nayi maka auren nan ne domin itace yalwar arzikin ta, kuma itace zata iya zama da kai babu wani abu da zai bayyana damuwa a gare ka, ina baka shawaran ka rike ta da amana domin ba kasafai ake samun irin su ba"
Zan iya cewa dakyar ya barta ta cika shekaru goma sha biyu, gashi Allah ya taimaka ta kara girma, a duk lokacin da ta zauna tana gaya mishi Yayarta da wani ya tafi da ita bata san hanyar gida ba, koda ya tambaye ta cewa tayi daga kasar Sahil suke,. Rufe mata baki yayi tare da bata hakuri ta manta da su, ai ba zata kuma haduwa da su ba, har kwanan gobe bata manta da sunan Yayarta ba, Amrah!
Shekara daya ta haifi Aliyu sai da ya cika shekaru biyu ta yaye shi dan wani irin gata ake nuna musu ita da Yaron, musamman da Abu Zahirah ya fahimci matar shi irin mata nan ne da baka taba gajiya da su, bai kuma rikicewa ba sai da ta kuma haihuwa, ai bayan tayi arba'in idan ta sakata a daki sai tayi da gaske.
Asalin su ƙabilar baggara ce, su ba Fulani ne, wasu nau'in jama'ar shuwa Arab ne, da suke yawo kamar bararoji. Suna yawo da shanun tumakai, da awakai. Matan su ana yawan rigima akan su, dan Allah ya yi musu baiwa na musamman, idan har ka aure macen su, toh sai kayi da gaske xaka iya adalci, haka suke.
Tsakanin Atika da Zahirah shekara daya, sun dauki soyayyar dunya suka daurawa Yaran su, tare da tattalin su Gara Aliyu namiji ne, yana fita. Tun lokacin da Salihu ya shiga yanki Somalia da dabbobin shi, sai ya hadu da abu Zahirah, anan ne suka makalewa juna, domin bata wuce shekaru goma sha uku ba, ganin nagartaccen halin shi da ilimin shi ya sa Abu Zahirah ba shi auren ta, anan aka sha bikin,suka zauna na wani lokaci. Dan ma shi Salihu yawo da dabbobi ya hana shi aure da wuri dan haka ya ɗauki auren shi a matsayin abinda Allah ya hukunta mishi, dan ya bar gida da kusan shekaru takwas ya auri Zahirah, aure da rabo domin bata jima ba ta samu cikin Anum, bayan ta haihu suka cigaba da soyayyar su, shekarun Anum bakwai suka tattaro zuwa ganin gida. Suna zuwa kuwa Inonon ta ce ba zata zauna da suruka bakarabiya ba, dan bata mata kama da me gaskiya ai Mayun larabawa ne, dama kafin su tawo sai da Abu Zahirah ya gaya mishi asalin yar shi da wacece ita. Ya ce yaji ya dauka, domin ba karamin son ta yake ba, musamman ta bangaren d'aga buje.