وانا في درب الهلاك ظهرت لي يا ملاك

5

نايف يرمي النافذه بحصى :الهنوف
ملاك :شكله اخوك شوفيه وش يبي
الهنوف :نايف ؟
ملاك :اي
الهنوف : نعم وش تبي
نايف :امشي نجلس على الشجره ونسولف
الهنوف :صار عندك ادمان الوضع ؟
نايف :ما اعرف ياخي احس اني ارتاح اذا جلست معاك
الهنوف تضحك:طيب الحين نازله
نايف :ما بغيتي
الهنوف:كنت ادور لحاف الجو بارد ...وش بغيت تسولف عنه ؟
نايف :كل شي صار يوم الخطوبه الفاشله
الهنوف:اسأل واجاوبك
نايف :كيف عرفتم ان ام فهد ساحره
الهنوف:وربي يضحك ذاك اليوم كنا جالسين فوق ...
ام سيّاف تصرخ: اعوذ بالله
ملاك : يمه وش فيك ؟
نزلنا تحت الا الشرطه النسائيه عندنا
وجدان :بسم الله وش يصير ؟
ام وافي :يقولون انهم لحقوا ساحره لين دخلت بيتنا الحين دخلوا
ريم :عانيهم طلعوا ومعاهم ام فهد
الشرطيه :شكرًا على تعاونكم معنا ذي ساحره هببت بالناس مصايب
ام سيّاف : يعطيك العافيه كيف ذي ساحره
الشرطيه تطالع فيها :اتوقع واضح من هيئتها الغريبه
الهنوف:وربي قلتها لكم قلت شكلها زي الساحرات هي وبناتها
الشرطيه :معها بنات ؟
ام خالد : اي ...اي كانوا جالسين معاها
الشرطيه :ما عندها غير ولدها فهد
الساحره تضحك بخبث:هذوليك اخواني من الجن قالوا يساعدوني بخطبه ولدي
...
الهنوف:وبس يعني طلعنا جالسين مع ساحره وجن
نايف :بسم الله ما خفتوا
الهنوف:زوجات اعمامي وامي للحين خايفين كل يوم يمسكونا الفجر والمغرب تحصين والقرآن شغال اربع وعشرين ساعه
نايف :طيب كيف عرفتم ان ريوف بريئه يعني انتم عارفين من قبل بس كيف ثبتت ؟
ريوف :خوي سطام هذاك تركي عرفته
نايف :اي عرفته
...
ديم :هاه يا يمه شفتي الشك وين يوصل بغيتي تزوجين بنتك لولد ساحره
ام خالد :ياربي لك الحمد انك كشفتها
وجدان :هاه من بعد بيجي الليله ؟
ترف :السلام عليكم
وجدان :حياك وش بغيتي ؟
ترف :تركي قال لي الي صار وان جدتي قالت لأم خالد كلام ما صار ... ابعتذر عن جدتي لأنها مريضه عقليًا وتتخيل اشياء ما صارت وتألف كلام ...اعرف ان الي صار مو هين بس ولله لو كنا ندري كان علمناكم من بدري
ام خالد :اثبات ؟
ترف :بغيت انسى هذي نسخه من اوراقها حقت المستشفى
ريوف بحماس :اشوف
تغير وجه ريوف بعد قراءه الورقه صارت شخص ثاني واول كلمه قالتها بعد ما خلصت : ابوي ابوي ابي اروح لأبوي وابشره
ريم تضحك:البسي عباتك يالخبله
ريوف تحضن ريم :بغيت انسى
ام خالد : اشوف عطيني الاوراق
ريوف :لا بوري ابوي اول هو من صدقني يوم انك كذبتيني
ام خالد تصرخ :اشوف
شوي الا يدق الباب وابو خالد يصرخ : ريوف افتحي لي
ريوف تركض :ابوي جا
فتحت له الباب وضمته وهي تقول : تبريت يا يبه تبريت
...
نايف : اعرف ذا الجزء كنت موجود ورا عمي كنت ابي اشوف امي
الهنوف :بس على طول رجعت ما شفت وش تكلموا فيه وكيف اعتذرت خالتي ام خالد
...
ابو خالد وهو يضحك والدموع بعيونه :اعرف يا بنيتي جاني العلم
ريوف فكت ابوها وقالت :كسرت ضلوعك بس تراني فرحانه
ابو خالد يحط يده على وجه ريوف ويقول :كنت عارف انك ما تسوينها بنتي وانا ربيتها
ريوف تبتسم
ابو خالد تغير وجهه للجديه :وين امك ؟تدري ولا لا
ريوف راحت ابتسامتها :اي قرت الورق
ابو خالد يكلم ديم الي كانت تدمع وهي مبتسمه :نادي امك
ديم :ان شاء الله
ابو خالد يطالع بريوف وهي تراوي وجهها عنه والدمعه بعينها :شفيك تبكين
ريوف :ما ودي اكلم امي
ابو خالد :ليه ؟ هذي امك وان غلطت الواجب عليك تبرينها
ريوف :امي اكثر وحده تمنيت انها تكون معاي لو صدقتني كنت وقفت بوجه الكل لكن الكل صدقني الا هي
ابو خالد :تعوذي من الشيطان
ام خالد :خلها يا سعود من حقها انا غلطت عليها
ابو خالد :وان غلطتي امها انتي لا تغلط هي وتهجرك
ريوف :ودي اني اسامحها لكن فيه شي بقلبي...يبه تأذن لي اطلع اتمشى شوي وافكر
ابو خالد :روحي بس خذي بدر معاك
ريوف :ما اقدر اطلع لحالي ؟
ابو خالد :الوقت ليل لو ما تبين بدر خذي وحده من البنات
ريوف :شكل ريم وديم بينامون ...باخذ وجدان هي تسهر
ابو خالد :براحتك
...
نايف :ترا تقابلنا انا وريوف وكانوا تركي وسطام معاي ووجدان مع ريوف قالت لكم ولا لا ؟
الهنوف :صدق وش صار اعتذرت لها ولا ايش ؟
نايف :تقابلنا بشكل غبي
...
فهد :خالد
خالد :هاه وش بغيت ؟ بعد ما تسبنا ترجع لنا ؟
فهد :وين امي ؟ رحت ودقيت عليها ما ترد قول لأهلك يطلعونها
نايف :من زين امك عشان يخطفونها
ابو وافي :اسكت انت لا تتدخل توك طلعت من مشكله كبر راسك بترجع بأكبر منها
فهد :اسكت ولا مردغتك هنا يا البزر
خالد :طيب صل عالنبي بندق عليها وتطلع ليه العجله
فهد :العجله اني اخرج من ذا الديره من يوم جيتها مابها خير
تركي :يا الغالي جوالك لقيته طايح برا يدق
فهد يتفقد جيبه :اي ولله جوالي عطني اشوف
خالد : هاه مين ؟
فهد :امي ... الو
الشرطي :الو انت فهد ولد مشاري
فهد :اي نعم مين انت وليه معاك جوال امي
الشرطي :هيئه الامر بالمعروف والنهي عن المنكرومسكنا امك بتهمه امتهان السحر والعياذ بالله ونبيك تجي معانا للتحقيق
فهد :لا حول ولا قوه الا بالله ما لقيتم الا تمسكونا بذا الديره
سطام يهمس لنايف:لو يعطيني ريال على كل مره يسب فيها الديره صرت مليونير
نايف وسطام ضحكوا وطالع فيهم فهد بنظره حاده سطام :اعوذ بالله وش ذا فوق ماهو جسمه داهي نظرته تخوف ولله لو ما اعمامي هنا كان مردغنا
نايف :ذا يخوفك ؟
سطام :وش فيك ممسك بثوبي
نايف :بغيت اسرقك بس قفطتني
سطام :اي واضح
فهد قفل المكالمه وهو يقول :لا حول ولا قوه الا بالله إنا لله وإنا اليه راجعون
تركي :مين مات ؟
فهد :فال الله ولا فالك
تركي :اجل ويش بنقعد نتحراك تهرج ؟
فهد :امي طلعت ساحره
نايف :ابو متعب عايش معاها اربعين سنه ولا تدري
سطام ضحك
تركي :شكلها تأكلك الطلاسم والعقد واضح من جسمك
سطام :ياخي انتم الاثنين زين انكم تعرفتكم ذباتكم بطله
فهد :لولا ان الشرطه تبيني كان مردغتكم انتم الثلاثه هنا
سطام: انت واضح انك خرطي مغير هرج صح خالد ؟
تركي :خالد ماهو هنا من زمان طلع هو واعمامي ووافي
فهد :اجل ما يمنع نطقطق عظامنا شوي عليكم
سطام :هاه ابو متعب وش خطتك ؟
نايف :خطتي سهله بس قلدوني
تركي :تم
نايف يركض وهم يحلقونه
فهد وراهم : ولله ما خليكم انتم الثلاثه
سطام وهو يركض :هاه نايف وين نوقف
نايف :نروح للأبل
تركي :لا ولله ذاك الدب لو نوديه عند الابل اكلها خل نروح ذاك المكان
ويأشر على الهضبه الي كان يروح لها وافي
سطام :فكره حلوه ذا الدب ما عنده رشاقه يطلع فوق
نايف :بس اركضوا
...
الهنوف :تستاهل انت تسبه
نايف : قهرني كان بياخذ ريوف قدام عيوني
الهنوف تغمز :الرجل الغيور
نايف :خلني اكملك
...
وجدان : وش تحسين ؟
ريوف :احس اني كنت بقفص وتحررت منه الحياه حلوه والهوا بارد والقمر كامل
وجدان :على حظك ذا الليله الهوا بارد والقمر طالع
ريوف :يمه ! تشوفين الي اشوفه
وجدان :اي ثلاث خطوط بيضا يركضون ووراهم نقطه بيضا
ريوف :على اي جهه يركضون ؟
وجدان :اتوقع جهتنا
ريوف :شكلهم الجن حقين الساحره ناوين علينا
وجدان :يمكن بسم الله ! اقري آيه الكرسي يمكن يختفون
ريوف :واذا طلعوا مسلمين
وجدان :ما بيضرونا بشي ... وي شوفي ذاك مو كأنه سطام اخوي ؟
ريوف : الا ولله وذاك نايف والثالث والرابع مدري منهم
وجدان بتوتر :الثالث اعرفه
ريوف تطالع فيها :منهو ؟
وجدان :اخو ترف تركي
ريوف :من وين تعرفينه ؟
وجدان :بعدين بحكي لك خلينا نشوفهم وش يبون
سطام : الفزعه الفزعه يا وجدان الفزعه الفزعه
وجدان :وش بغيت
نايف : هذاك الدب يلحقنا يبي يمردغنا
ريوف : عندي خطه انزلوا من الجهه الثانيه
وجدان : وش بتسوين ؟
ريوف : طلعي شعرك وغطي وجهك
وجدان :اهه فهمت فهمت بنخوفه ؟
ريوف : ايي
وجدان :اخخ جوي
ريوف :يلا عانيه قرب
فهد :بسم الله من انتم
ريوف :حنا اخوان امك من الجن ليه ما تساعدها ؟
فهد :طي...
وجدان قبل يكمل كلامه :ليه ما تساعدها
فهد يبي يتكلم بس خايف والبنات مو معطينه فرصه يتكلمون بصوت واحد :ليه ما تساعدها
اخر شي وجدان قالت :ساعدها قبل يجي الفجر ولا تشوف راسك طاير
ريوف جتها ضحكه
فهد :تضحكون ؟
ريوف :وش فيك اول مره تشوف جن يضحك ؟
فهد : اول مره اشوف جن
وجدان :ويمكن اخر امره
فهد وهو يرجع ورا :اعوذ بالله
وجدان تصارخ: اركض الحق امك الحقها
فهد :طيب طيب بروح بس لا تلحقوني
ريوف :من زينك عشان نلحقك حنا نبي امك
وجدان :روح لا انس ولا جن يبونك رح ساعد امك محد يبيك غيرها
يوم راح وجدان قالت :ريوف
ريوف :هاه
وجدان :احس شي على كتوفي
ريوف :ما احس شي
وجدان : يمكن امه حاطه له طلسم يحميه ويوم اني هدتته بالقتل طلع الجني يحميه يذبحني
سطام :محد بيأذي الدب حقي
وجدان صرخت وريوف تضحك عليها
وجدان :وجع بغيت اموت
سطام :ولله الموت ان ذاك الدب يقعد فوقك
تركي : لا تكذب ما قعد عليك ولا علي ولا على نايف
نايف: الخيال فيها يخوف اجل كيف لو واقع
وجدان لاحظت ريوف تصد عن نايف وقالت :يلا نستأذنكم نبي نرجع البيت
سطام :افا وش فيه
وجدان اشرت له بعيونها وهو فهم قال : اهاا طيب طيب
...
نايف : وبعدها مدري وش صار ريوف ما تبي تشوف وجهي نزلوا في ووجدان ومدري فأيش تكلموا وصارت تبكي متأكد اني السبب
الهنوف :ما عليه لسى متأثره بالي صار
نايف :حتى انا متأثر عايش بتناقض ودي اواسيها واكون سندها بس انا سبب حزنها
الهنوف :نسيت ان اختك تنام جنبها وتاكل معاها ؟ معليك انا بغير كل شي بس الي عليك تسمع كلامي
نايف :لا تسوين تفاهات تكفين وضعي خربان لا تزيدينه
الهنوف :معليك
...
يوم نزلوا وبعدوا عنهم شوي وجدان قالت :كيف تحسين بخير ؟
ريوف :ما ودي اشوف نايف ودي انه يختفي من الحياه ودي اني بيوم ما عرفت ولد عم لي اسمه نايف
وجدان :يا حياتي هو
ريوف : وش تقصدين
وجدان :ولا شي
ريوف :ترا فيه حاجتين عندك يبي لها توضيح اول شي كيف تعرفين تركي ثاني شي وش دخل نايف يوم تقولين يا حياتي
وجدان :طيب طيب بقول لك كل شي
ريوف : الحين
وجدان :ابشري ...بس بشرط ما تعلمين احد اني قلت لك وتدفنين الي قلته بذا المكان
ريوف : يعني بقول لاحد انا ؟
وجدان :فيه سر عنك ممكن يسبب مشكله كبيره لا تقولين للهنوف لو ايش طيب ؟ وفيه سر عني يسبب مشكله لي انا بس
ريوف : قولي يختي وش ذا الالغاز ادخلي بالسر على طول
وجدان: متأكده ؟ممكن يغمى عليك لو قلت لك
ريوف: قولي بسرعه ابي ارجع انام
وجدان :نايف يحبك
ريوف صرخت لدرجه سمعوها العيال فوق : ايش ؟
وجدان : اششش لحد يسمعك
ريوف :كيف يحبني مين قال لك ؟
وجدان :قبل يومين طلعوا الهنوف ونايف على الشجره يسولفون كان يفضفض لها وهي سألته وقال انه من زمان كان يحبك وقال كلام رومنسي تبين اقوله
ريوف : لا ولا ابي اسمع منه حرف
وجدان :طيب بقول لك السر الثاني
ريوف تمشي وهي تبكي ووجدان تلحقها : ريوف شفيك تعالي ريوف
لين مسكتها وجدان وحضنتها قالت ريوف :حتى انا احبه
وجدان قالت :طيب ليه هذا كله ؟
ريوف : محد يفهم حالتي الحين الا هو احس ودي اقرب منه واسأله عن حاله بعد المشكله واواسيه بس بالحقيقه انا طرف بالمشكله وانا اضعف طرف فيها احسه الحين يلومني على الي صار
وجدان فكت الحضن وحطت يدينها على كتوف ريوف : ريوف طالعي فيني شخص بعز المصيبه ذيك بيعترف لأخته انه يحبك مستحيل يلومك على الي صار
ريوف : بس ...
وجدان : مافي بس نايف يحبك وانتي تحبينه بس بينكم حاجز بيطيح ذا الحاجز مع الوقت اصبري بس
...
ام خالد : تأخروا مره البنات
ام سطام : يام خالد اشغلتي روحك بيجون الحين
ام خالد :قلبي يتقطع على بنيتي ظلمتها اكثر من الغريب
ام وافي : كان غلط وعدا وريوف قلبها حنين عليك تحبك ما تذكرين يوم كملت السنتين وهي باقي ترضع منك تبين تفطمينها بس عيت تحبك هالبنت خليها بس تاخذ وقتها وتفكر وبتجي تحب راسك ويدينك
ام خالد : وانتي يام وافي كيف ما شكيتي بولدك كيف ما سويتي شي عطيني سر ذال القوه
ملاك : طال عمرك بالقصص ذي للأسف يختلفون البنت والولد البنت دايم تكون اضعف طرف ودايمًا هي مصدر العار بينما الولد بعد فتره بينسون الناس وبيزوجونه ويوظفونه ولا كأنه صار شي وهذا هو السبب الي خلاك تنقهرين على بنتك ...انا ما اقول ان خالتي ام وافي ما توجعت على ولدها وضمنت له الحياه بشرف بس لو ان المجتمع يساوي بين الذكر والانثى بذي الامور ويشوفونهم مذنبين سوا كان حالك زي خالتي ام وافي
ام سيّاف :صدقتي ياملاك صدقتي المشكله مو بعيالكم ولا فيكم المشكله بنظره المجتمع والخوف منها
ام وافي :الله يحفظك يبينتي ويرزقك الزوج الصالح والذريه الصالحه ... ولا ما تبين الزواج
ام سطام تضحك:شكلها ما تبي الزواج لسى
ملاك :الزواج نصيب ماهو لا قلت ابي الزواج بيجوني الخطاب اذا ربي كتب لي الزوج الصالح ان شاء الله تزوجت
ام وافي : يا بنتي انتي ماشاء الله من وين تعلمتي ذا الكلام كل حكيك دُرر
غاليه : يمه ترا غرت منها انا عندك ابربر كل جمعه ما يوم قلتي لي كذا
ام سيّاف :افا يام وافي عسى عجبتك بنتنا وتركتي بنتك
ريم : يمه خالد برا يبيك
ام خالد :الحين جايه
خالد :يمه
ام خالد : هاه وش بغيت
خالد يبوس يد امه ونزل يبي يبوس رجولها بس منعته امه
ام خالد :وش بغيت من ذا التبويس ؟
خالد : يمه تكفين صالحيني بغاليه ما طشت على العالم الا يومتها مي معاي كانت سندي واهلي كل ما احترت رحت الها وفكت حيرتي
ام خالد :ابشر ابي اصالح بينكم
خالد : طيب يمه اذا تقدرين تنادينها ناديها
ام خالد :بناديها بس اذا رفضت تروح طيب؟
خالد وهو يفرك يدينه :طيب طيب
ام خالد :غاليه خالد برا يبيك
غاليه :متى جا ؟
ام خالد : دوبه
غاليه :...
ام وافي : روحي يا بنيتي اسمعي منه
غاليه : ما برجع له وهو بغى يقتل اخوي
خالد برا يسمعها :خالد الغبي خالد الغبي ما اعرف احافظ على الي احبهم ...ليتني سمعت كلام ابوي وجلست ما سويت شي
ام وافي : جربي يا بنيتي ومنها ان كان بقلبك كلام قوليه بوجهه ترتاحين وهو يرتاح وترجعون مثل قبل واحسن
غاليه :صح صح بقول الي بقلبي بس نرجع مثل قبل مستحيل
طلعت غاليه وخالد وهو مبتسم :عادك زعلانه ؟
غاليه : ولين اخر دقيقه بعمري
خالد : افا
غاليه : على وش افا هاه على وش علمني على انك بغيت تقتل اخوي قدام ابوي ولا على انك بغيت تزوج اختك لولد ساحره ولا على انك كذبت على ابوك انه خويك بس بيجي زياره
خالد :كله غلط مني اعترف بس ما بتعطيني فرصه ثانيه ؟
غاليه : بعطيك من الاخر انت غبي وبدون كرامه بعد ما كنت بتقتل اخوي جاي تقول عطيني فرصه ثانيه
خالد : طيب وش طلبتك انا وش طلبتك ؟ طلبي قليل وبسيط بس فرصه نعيش انا وانتي والعنود مع بعض ونحاول ننسى الي صار
غاليه :طلبك ماهو بسيط طلبك ثقيل ما اتخيل نفسي اعيش مع الشخص الي كان بيقتل اخوي ولا اتخيل اني ادخل معاه نفس الفراش ولا شي
خالد : اجل وش تتخيلين ؟ طلاق
غاليه : اي الطلاق احسن حل المره الجايه تعال بورقه الطلاق
خالد :الطلاق ماهو حل هذي اول مشكله بيننا من ست سنوات وعلى طول تبين طلاق ؟ماني مطلق
غاليه : الا بتطلق غصب عنك
خالد : ماني مطلق نقطه
غاليه :اجل بخلعك نقطه
ام خالد وام وافي تدخلوا
ام وافي :خلاص لا تكبرون الموضوع فكروا قبل الطلاق
خالد : قايل لها ماهو حل الطلاق بس هي ما تفهم
غاليه :يمه انا بفهم انتي كيف راضيه ترجعين بنتك لناكر العشره هذا
خالد : انا ناكر عشره ؟ انتي الحين بطلاقك مني تنكرين العشره
غاليه : لا ما انكر العشره واقولها بالفم المليان عشت مع خالد اجمل ايام حياتي واليوم بنتطلق
خالد : دامك عشتي معاي احسن ايام حياتك ليه تبين الطلاق ؟ فيه احد يهرب من سعادته ويرفضها
غاليه : ذاك اول الحين قدامي انسان جديد مو خالد الي اعرفه
خالد دمع وصوته تغير : هين يا غاليه هين انا جيتك ابيك تكونين سندي ابيك تواسيني وتقولين انت كنت على غلط بس عدلته ابيك تضميني يوم ان الايام اشقتني لكن انتي والايام تشابهتم كلكم شقى
ام خالد :خلاص كفايه الي صار اليوم وش رايكم كل واحد يروح بحال سبيله كم يوم وتفكرون بدون انانيه لأن حواركم ذا نسيتم فيه ان عندكم بنت تربت على حبكم لبعض بعدين وترجعون تقررون طلاق ولا تكملون
خالد وهو طالع :راسها يابس ما بتغير قرارها
ريوف كانت جايه عند الباب يوم شافت خالد يبكي حنت عليه ونسيت كل الي سواه بها وقالت :خالد وش فيك
خالد :...
ريوف تطل من الباب : تهاوشت مع غاليه ؟
خالد ما تحمل وحضنها وبكى بحضنها شوي وفك الحضن وقال : البنت الي حبيتها وحاربت عشانها وفزت فيها تبي الطلاق بعد ما صرت اسعد انسان بالكون بسببها بصير اتعس انسان
ريوف تحط يدينها على كتوفه : لا تخاف انا بقنعها
خالد :ليش انتي كذا ؟
ريوف :كيف
خالد : قبل ساعات كنت بزوجك بدون علمك والحين انتي تواسيني وكأني ما سويت لك شي
ريوف :ما يهون علي اشوف اخوي الي ماقد بكى يبكي
خالد : طيب تهون عليك امك ؟
ريوف : ولا امي الحين جيت ابي اصالحها
خالد : الحين تأكدت انك اطيب قلب بالدنيا
...
ام سيّاف :العنود تبكي روحي لها امها تعبانه
ملاك : الحين بروح انومها وانام
ام سطام :يلا نوم العافيه وشوفي الجازيه اذا باقي على الجوال قولي لها تنام
ملاك : ابشري
...
الهنوف :ليه وافي ما يجي معاك ؟
نايف : وافي متغير كثير ما صار يجلس معانا كثير
الهنوف: يا حبيبي هو محد يدري وش بخاطره وقلبه
...
سيّاف :محد كان بيصدق لو قلنا انه بأخر لحظه بتطلع الحقيقه
بدر : هذا من فضل ربي
وافي سرحان
سيّاف : وش فيك؟
بدر :يفكر بكلام خالد
سيّاف : اي كلام ؟
بدر :خالد قال انه اذا جاب دليل بيزوج ريوف لنايف واتوقع ان هذا نذر ولازم يزوجهم
وافي قاطعه : لا ماهو نذر وحتى لو كان نذر الزواج شي كبير يمكن مايقبلون فيه
بدر :طيب وش مضايقك
وافي : مدري كذا احس بضيقه
سيّاف :بضلوعي
بدر :امين
سيّاف يضحك:المفروض تقول محشوم يالحضري ولا انت تبي الضيقه تجيني
بدر :لا ولله ما ودي ان عيال عمي يتضايقون خاصه انت ووافي
سيّاف : حركات اعترافات ومدري ايش
بدر :انتم الاثنين جوي تفهمون علي كذا احس انه دايم بعيدين عن العالم مدري كيف اوصفها بس لو تابعت مسلسل يكون فيه شخصيات ثنويه احس احنا شخصيات ثنويه محد معطينا وجه
وافي : ما اتفق معاك بذي النقطه كل شخص بقصته بطل وبقصه غيره شخصيه ثانويه
سيّاف:صح يمكن باقي ما بدت قصتنا
بدر :احس واحد فينا قصته بتبدا قريب
وافي يطالع بالنجوم :الله اعلم مين هو
سيّاف يتثاوب :وش رايكم نروح ننام
بدر :يلا مشينا
وافي :روحوا انتم وبلحقكم بعد شوي
سيّاف : عسى ما شر
وافي : لا بتمشى شوي واجي
بدر :لا تطول
وافي :ان شاء الله
بدر لسيّاف :وش يعجبه اخر الليل بذاك المكان
سيّاف : الله اعلم وش بقلبه
وافي مشى لحد ما وصل المكان الي جلس فيه دايم (خلونا نحط له اسم لأن طفح الكيل من الوصف نعطيه اسم هضبه وافي 👍)
جلس فوق الهضبه وجته الحمامه الي جت ذاك اليوم قرب منها وصادها وقال وهو يبتسم :مره ثانيه
فتح الورقه وكان المكتوب فيها :
لأول مره منذ خمسة عشر عامًا اتخلف عن الارسال اليك ،لكنني انشغلت كثيرًا بمشاكل لا اود ان اذكر تفاصيلها والآن بعد اسبوعين من الانقطاع عدت لعادتي المحببه في يومي .
وافي أبتسم من الرساله وكتب عليها نفس قبل ورجعها
...
ملاك يوم رجعت الحمامه :ياربي ذا الغريب متسلط علي
اخذت الورقه وفتحتها بعصبيه وبدت تقراها وكان المكتوب :
مالذي اشغلك عن الارسال ؟ لقد اشتقت إليك كثيرًا ...
ملاك قبل تكمل الورقه : يا حيوان انا اوريك الاشتياق
كملت القراءه :
بتأكيد أمزح كيف اقع في حب من لا اعرفه ،فأنا لا أعرف أنت أنس أم جان ذكر ام انثى كل ما اعرفه أنك مخلوق يملك عاده غريبه وهي الارسال الي العدم بالحمام الزاجل .
ملاك كتبت على الورقه وطيرتها مره ثانيه : يارب توصل عنده
...
وافي كان بيقوم بس شاف الحمامه راجعه قال :صاحبك ناويها سهره
فتح الورقه وقرأ :
لست بأنس ولا جان أنا ملاك ،ثم أن الحمام الزاجل الذي تمقته يملك اسمًا أنه ياقوت
،ومن أنت أيها الغريب ؟ منذ خمسه عشر عامًا اكتب الرسائل ولم يرد علي أي احد كيف اكتشفت مكاني ووقتي ؟
وافي يطالع بالحمامه :حلو اسمك ياقوت وصاحبك ماهو بأنسي ولا جني ملاك
...
كتب على الورقه رساله :
إن كنت ملاكًا فأنا شيطان لديه هموم ،كلما خرج ليرتاح من همومه هبط ياقوت بجانبه ،اظن أن ياقوتًا يميل للشياطين اكثر من الملائكه