وانا في درب الهلاك ظهرت لي يا ملاك

26

وفي الجهه الاخرى يسير شيطاننا عائدًا لمنزله وللملاك الاخر ،ذلك الملاك الذي سببت له المتاعب، اشعر بالذنب لأنني سعيد وهي ليست كذلك  أتمنى أن تكون سعيده بقدر ما سعدت وأكثر دخل فناء المنزل وهو يغني أغنيه طفولته :وانا في درب الهلاك ظهرتِ لي يا ملاك غيرتِ مجرى حياتي شفت السعاده معاك
عندما أراد دخول غرفته سمع صوت أحد التفت وإذ بشخص ملتثم :فيصل؟
اقترب بهدوء وأمسكه من كتفيه بقوه وصرخ به :ما قلت لك لعد تلحقني ؟ كيف تهرب كل مره من السجن كيف تعرف موقعي ومكاني ؟ طيب أنا عادي بس ف...
صرخت بألم :ابعد
توقف عن الكلام ونظر لعينيها :ملاك ؟
ملاك :تعورني
ابعد يديه براحه :معليش حسبتك فيصل ...يعني مع أنه فرق الطول بينك وبينه بس احتياطات المهم وش تسوين كذا ؟
ملاك ابعدت اللثام للتنفس :كنت ارش الريحان مبيدات حشريه فيه حشرات عليه وتلثمت لأني ما لقيت كمامه وبعدين يعني ما تفكر قبل ما تهجم ما لاحظت شعري

نظر لشعرها المنسدل خلف ظهرها اسود كليالي نجد التي لا يزورها القمر نظر لوجهها وإذ به مثل البدر يزين سواد شعرها ،لا يفهم بالشعر لكن أول ما خطر على باله صوت أخته غاليه وهي تردد هذه الابيات :
فَالوَجهُ مثل الصُبحِ مبيضٌ
والشعر مِثلَ اللَيلِ مُسوَدُّ
ضِدّانِ لِما اسْتُجْمِعا حَسُنا
وَالضِدُّ يُظهِرُ حُسنَهُ الضِدُّ

ملاك انتبهت لنظراته غطت شعرها بالفروه:ولا خلاص ما ابيك تنتبه له
وافي تنحنح وابعد نظره عنها :عالعموم اعتذر عن الي سويته ...بعدين مين يلبس فروه ذي الايام
ملاك:البرد قرب
التفتت ليرجع الى غرفته وصرخت من خلفه :طلع الريحان الي بغرفتك فيه حشرات ما شفناها
وافي :ابشري
دخل لغرفته وفتح النافذه وأخرج ذلك الريحان ظهرت ملاك من العدم :خله هنا بزرعه وارشه مبيد
وافي :بسم الله
ملاك :هذا واحد بالميه من المرات الي خرعتني فيها
وافي :انتقام يعني ولا ايش؟
ملاك :لا انا رحيمه ما احب انتقم بس اوكل أمري لله وهو ياخذ حقي منك
وافي :لحظه يعني قصدك كل شي سيء صار لي بسبب أني اذيتك ؟
ملاك توترت :لا فهمت غلط يعني ...اقصد انه انت خوفتني مرات كثير والحين بدون نيه مني خوفتك فكرت بعمق اكثر ...انا بروح
وافي :طيب
مشت خطوتين وهو لا يزال عند النافذه هم ليقفلها وسمع صوت وقعه على الارض صرخ من النافذه :طحتي ؟
ملاك :اي بس عادي بقوم الحين
وقف عند النافذه وهو يسمع محاولتها بالنهوض :شفيك ؟
ملاك :الحبل تربط علي
فتح الباب وخرج إليها بسخريه:اساعدك ولا تحبين تكملين كل شي بنفسك
ملاك :انا بقوم بنفسي
وقف يراقبها وهو متكتف :الحين اساعدك ؟
ملاك :لا بس باقي لي شوي
انتظر قليلا وصرخ :العقرب وراك
ملاك صرخت وقامت تعلقت به :وين وين ؟
وافي يضحك :ساعدك بكلمه
ملاك وهي لا تزال تمسك بكتفه :شوف انت لا تتعدا حدودك
وافي :مين يتكلم عن الحدود ؟
ابتعدت عنه وأكملت بسخريه :حركات عفويه غير اراديه تطلع بالمواقف الحرجه ...بس اسمعني زين تعرف نقطه ضعفي انت العقارب تروح تلعب فيها ما يصير لك خير
وافي :وش مثلًا ؟
ملاك :عندي لك سر لو اقوله بتودع حياتك
وافي :لا تلعبين بأسراري ولا اقسم بالله ...
ملاك :ولا التهديد الثاني اذا ما رضخت للتهديد الاول تشوف ذا الفاس الي وراك بتحسه براسك مارح تعرف كيف بتصير بعده لأنك بتموت بس اقرب وصف لحالتك وقتها زي العقرب الي قتلته ذاك اليوم وانت شاهد على ضربي له كيف كان
وافي :ياي خوفتيني يالعنيفه
ملاك شهقت :شوف وش ذاك
وافي التفت :وش
استغلت التفاته وصفعته على خده :هذي قرصه اذن لك عشان تحط راسك براسي
وافي ويده على موضع صفعتها :ماشاء الله عليك يالقوه لو ادري ما دافعت عنك عند فيصل كان انتي سفعتيه كذا وريحيتي نفسك ولا وقتها كنتي ضعيفه بتطلعين وتبكين وبعدين تقولين ما فيني شي وتكتمينه طول عمرك
ملاك تصفق :برافو بدينا بالمن بتجلس تمن علي انك دافعت عني قدامه انا لحظتها ما مداني استوعب ولا لو استوعبت كان وريته نجوم الليل بعز الظهر
وافي :انا أمن عليك ؟ ما منيت عليك ولا شي بس اوريك ان قدراتك ذي تقدرين تدافعين عن نفسك فيها ...بس تصدقين عندي نظريه أنك أخر الليل تطلع شياطينك وتجلسين تهاوشين المغرب شحلاتك مؤدبه ومستحيه الحين قمتي علي
ملاك انفجرت ضحك
وافي :لا صدق نظريتي صارت حقيقه تضحكين من نفسك وتهاوشين من نفسك
ملاك :ما اضحك بس اجرب اسناني كيف تعض
وافي :لا تكذبين تضحكين قولي لي خليني اضحك نفسيتي خايسه
ملاك :صح اضحك لأني تذكرت نظريه الفرزق
وافي :لحول مارح تنسين ؟
ملاك مستمره بالضحك:اي بطني مقدر اوقف ضحك من العصر كل ما اتذكر أموت ضحك
وافي :تدرين ما تصلحين معلمه لأنك بتضحكين على اغلاط الاطفال وتعقدينهم
ملاك بحنيه :يا حبيب ماما عقدتك ؟ ما كنت ابي اصير معلمه
وافي :اجل ؟
ملاك :طبيبه نفسيه
وافي :طبيبه تعقيديه
ملاك :ما يضحك ذا حلمي
وافي :زعلتي ؟
ملاك تجاهلته وراحت
وافي لحقها ووقف امامها :زعلتي ؟
ملاك :بعد من طريقي
وافي مد يده لرأسها :فيه شي على راسك
ملاك :ايش
وافي مده لها وكان ورده ، حتى الورود تخرج من جذورها لتحتضنك تخجل من التباهي بعطرها بجانب عطرك وبلونها عند خديك :هذا
ملاك اخذتها بحرج :ممكن تبعد ؟
وافي :باقي زعلانه ؟
ملاك بسخريه :لا ما يزعل تطقطق على حلم انسان شي طبيعي وكل الناس تحفز ذا التصرف
وافي يحك خلف رأسه :آسف ما كنت اعرف اني بزعلك كذا
ملاك :اذا بعدت عن طريقي بسامحك
وافي ابتعد بأبتسامه :تفضلي
مشت بتباهي ويحق لها التباهي ،إن كانت باقي النساء قد خلقن من طين فأنها خلقت من جمال ،فريدة هي بين النساء .
بقي واقفًا في مكانه يراقب تباهيها بتركيز عاد لواقعه عندما ضربت الباب بقوه :استغفر الله
دخل غرفته ووضع رأسه على الوساده يفكر ...حسنًا وضعت برأسي احتمال كون ملاك من يراسلني لكن هناك فرق بينهم تلك هادئه ارتاح بوجودها وروحها رائعه ،وهذه أيضًا روحها رائعه لكنها لا تملك ذلك الهدوء حتى وإن كانت تمثله فهي شغِبه بداخلها وأشعر بالحماس بقربها تلك لا اعرف الا انها انثى ولقبها ملاك وهذه اعرف عنها الكثير ...
جلس وتنهد ...يا الله لم اتوقع بيوم أن اقع بين أنثيين ،أنا الذي لم أفكر بأنثى قط وقعت هذه الوقعه القويه ملاكان يملكان نفس المشاعر ...لا لحظه أنا لا احب أحدًا وإن احببت سأتزوج وانجب اطفالًا واكبر بالسن اشياء لا احبذها ،يالغبائي سأكبر بالسن حتى وإن لم اتزوج ،المهم هذه الفتره الا تأخذ اي انثى قلبي فقط العمل العمل العمل هذه فرصتي الاخيره للنجاه أن ينجح هذا العمل يا الله كُن معي.