وانا في درب الهلاك ظهرت لي يا ملاك

22

صباح بعد العرس صباح ممل لأهل العروس يفتقدون وجودها رغم انهم ودعوها الليله الماضيه وأنهم يعلمون أنها لا تزال في احد فنادق الرياض استيقظت وجدان على رنين هاتفها بأسم تالا/تركي ،فزت من نومها عند رؤيه اسمه المستعار عاشت اسبوعًا حافلًا بالمناسبات رغم انها تحكي له بالرسائل وهو يقرأها عندما يعود الا انها تشتاق لتحكي له وتسمع صوته :الو
تركي :صباح الخير
وجدان :صباح النور
تركي :صوتك نعسان صحيتك ؟
وجدان :لا لا انا كنت بصحى
تركي :غريبه اخبر انك تصحين الساعه ١١ الليل
وجدان :لا انقلب نظامي عشان العرس
تركي :كيف كان امس ؟
وجدان :مرره يجنن
تسترجع الاحداث التي مضت وتحكي لتركي :
دخلت القاعه بكل ثقه فقد تسرب لها حديث أن النساء يتساءلون عن ابنه عم العروس المحاميه قابلتها احدى صديقاتها بالترحيب :وجدان عرفتيني ؟
وجدان :سميّه ؟
سميّه :اييي ما تغيرتي مرره
وجدان :وانتي ما تغيرتي بعد
سميّه التي كانت سمينه بالماضي تضايقت إلا ان وجدان تداركت الوضع :بس تصدقين مره نحفانه صرتي احلى
سميّه :حبيبتي انتي بعد احلويتي احس وجهك صار بشوش اكثر ومنور هي وحده من الثنتين انبسطتي بالوظيفه ولا فيه واحد
تركي قاطعها :وش قلتي انا ولا الوظيفه ؟
وجدان :صبر اكمل ...تذكرتك واستحيت لأنه حتى بنات عمي قالوا ذا الشي وقلت لها :من الوظيفه ياختي انتي ما تعرفيني ماني قد الزواج ولا سوالفه
سميّه :اعرفك اعرفك بس كنت اختبرك ...تعالي سلمي على البنات هناك
وجدان :جمعتي الشله ؟
سميّه :ما خليتها بخاطرك يوم بالثانوي تقولين اذا صرت محاميه بقابلكم جبتهم كلهم
وجدان حضنت سميه :ياحظي فيك
تركي يقاطعها للمره الثانيه :الواحد يتمنى انه سميه
وجدان :تركي لو تقاطعني بنخلص المغرب اسكت عشان بالاخير عندي لك خبر قنبله
تركي :ابشري ياعيون تركي أنتِ
وجدان :وجلست مع البنات شوي بعدين جتني ريوف
ريوف :الهنوف تبيك سريييع
وجدان :شسوت ؟
ريوف تشاورها :كبت العصير على فستانها
وجدان شهقت :اسمعي لا تبينين لها انك متوتره عشان ما تتوتر اكثر اذا تحسين نفسك بتوترينها نادي ريم وانتي روحي
ريوف :لا عادي
دخلت عندها لقيتها بتبكي :وجدان
الهنوف :فستاني كيف بنزف كيف بتزوج كنت اعرف اني بجيب العيد اخر لحظه كنت اعرف
وجدان :لا تخافين باقي ساعتين على الزفه ريوف روحي عند العاملات واطلبيهم منشفه صغيره بلليها مويا وتعالي
ريوف :طيب
الهنوف :احلامي انتهت فستاني خرب
وجدان :اهدي شوي ترا بننظفه عادي
الهنوف :واذا ما راح واذا انتشر اكثر طيب قلنا نظف بس متى بيجف
وجدان :فيه استشوار هنا بيجف بسرعه
الهنوف :استشوار ؟ مين جابه
وجدان :احتياط لذي المواقف
ريوف دخلت :بعدي
وجدان:عطيني
الهنوف :يارب ينظف يارب
ريوف :خذي شهيق زفير  سوي تمرين تنفس
وجدان :محسستني بتولدينها
تركي قاطعها يضحك :ياخي ذباتك انتي متى اخذك بالحلال متأكد مارح انام من الضحك
وجدان :ترا واضح انك تسلك
تركي :معلومه تقول انه اي شي يقوله الشخص الي تحبه يضحك انا احس كذا كملي بس يا حياتي
وجدان كملت:
الهنوف :بغمض عيوني ما ابي اشوف
ريوف :اي غمضي وتخيلي وش بتسوين مع غازي اذا رحتوا ...
وجدان دقتها :حيوانه انتي اسكتي
تركي :شكل ريوف ذي خبيثه
وجدان :خبيثه شوي بس محد يلومها مراهقه ...
ريوف :اذا رحتوا باريس تفهمين غلط
تركي بخبث :طلعتي انتي خبيثه
وجدان انحرجت :لا انت ما فهمت هي لها ثلاث ايام تعيد نفس الجمله وتحرج الهنوف وتوترها ...
الهنوف :وش صار
وجدان :ريوف جيبي الاستشوار
ريوف :هاك
وجدان :الحين بجففه وخلاص يرجع جديد
الهنوف :اقدر اطالع
وجدان :امم حاليًا لا  منظر المويا على الفستان بيخلي الفستان كله مبلل بس بالدموع
الهنوف :تكفووون بنات
ريوف :تخيلي دزني لاند اذا رحتوا تشترون غزل بنات وتجلسون على الكراسي كذا برد وخشمك يصير احمر يحضن يدينك وتاكلون مع بعض بعدين اذا خلص ينزل مطر ويغطيك بجكيته وتهربون ...بناااات ابي اتزوج وش ذا
الهنوف نسيت توترها مع كلام ريوف عن رغبتها بالزواج :خلي نايف يخلص دراسه بس اليوم تخرجه بكره نخطبك مافيه ون تو
وجدان :اي سولفي عليها كذا قولي لها متى حبيتي نايف
تركي :اوهوو ذا نايف طلع وراه بلاوي
وجدان:اسمع لا تقول لأحد هو سر
تركي :ليش كلهم يعرفون بنايف وريوف واحنا ما يعرفون فينا ؟
وجدان :لأن الوضع مختلف
تركي :طيب جاني فضول كيف ريوف حبت نايف
وجدان :بعدين ذي سالفه لحالها بس من الطفوله
كملت :
غاليه :بنات لي ساعه ادور لكم بنات ...
شهقت :وش تسوون
الهنوف :وش فستاني يا غاليه فستاني
وجدان :هدوووء خلاص شوفي نظفناه
غاليه :احسبكم تلعبون بشعرها يوم شفت الاستشوار
وجدان :لا كبت العصير على الفستان ونظفته
الهنوف :كيف الحين يا غاليه نظيف ؟
غاليه :اي ما كأنه في شي ...نسيت وش ابي اي صح الحين بنتعشى وبعدين الزفه
الهنوف :مو كانت قبل ساعتين ؟
وجدان :بس عشان ما تتوترين
الهنوف :زدت توترت الحين
غاليه :ترا نحتاج نص ساعه عشان نتعشى وبعدين الزفه يعني عندك نص ساعه
تطالع بجوالها الي يرن :كلمي حبيبك فيها
الهنوف طالعت وراها وكان جوالها يدق غازي ومسميته My life
ريوف بالانجليزي تتكلم :اوه سو كيوت هي از يور لايف
الهنوف :لا فاهمه غلط كنت بكتب ماي وايف
ريوف ضحكت :ماي وايف يعني زوجه
الهنوف :اي خلاص ماي لايف عشان اتعود عليه
غاليه :لو تسمينه ثالث والديني عادي اهم شي بالحلال
وجدان بازدراء :اجلطيني وقولي مسميه خالد ثالث والديني
تركي :مسميته ؟
وجدان :لا سمته حبيبي
تركي :وانا وش مسميتني
وجدان ضحكت :اسفه بس مسميتك تالا
تركي :راضي فيه اهم شي اسمع صوتك
وجدان تكمل :
رحت شفت بنات عمي وكانوا يسولفون كلهم. الا ملاك كانت غريبه قلت يمكن مستحيه او مو عاجبتها الاجواء جلست معاها بس برضوا كانت سرحانه
تركي متعمد يبي وجدان تغار:غريبه ملاك اذكرها تشبك مع اي احد
وجدان :اي حتى قبل بس امس مدري شفيها بعد شوي رجعت طبيعيه
تركي :امانه ما غرتي ؟
وجدان :ليش اغار ؟
تركي :تكلمت عن بنت غيرك وهي بنت عمك وكذا
وجدان :لا بتعطبونها على اخر شي وانتم عايشين مع بعض بالديره من زمان ولا فكرتوا ببعض ؟ اوثق فيكم
تركي :ياخي انتي ما تغارين ودي اشوف غيرتك
وجدان :نااه الغيره ماهي جوي
تركي :سجل اثنين الغيره مو جوها
وجدان :وش ؟
تركي :احاول احفظك
وجدان انحرجت :خلني اكمل
والغريب ملاك كانت كل شوي تشم يدها اليمين سألتها ليش
ملاك بأرتباك:وحده سلمت عليها وعطرها طبع بيدي ريحته حلوه
وجدان :تعرفين ترقصين ؟
ملاك :مو مره
وجدان:قومي معاي
ملاك :مابي
وجدان :قومي ذيك ولدها مهندس
تركي :يارجال وافي مهندس ما توظف وش تبي فيه
وجدان :كنت امزح معاها الي أشرت عليها معرفها اصلًا
تركي :رقصتوا
وجدان :اي قمنا شوي بعدين بعد ذيك الاغنيه كانت الزفه تجنن كذا الهنوف كانت حلوه بعدين قالوا غازي بيدخل وتغطينا ودخل ورقصوا يهبلوون الله يسعدهم يارب واضح يحبها كذا ضمها من كل قلبه وبعدين يوم راحوا بكينا شوي كم دمعه ...احس الحين ببكي بس لا لأني بقول لك الخبر القنبله
تركي :الله يوفقهم كان ودي احضر بس ما قدرت وشو خبرك ؟
وجدان :فيه وحده عجوز كانت تطالع فيني من يوم الملكه واخر شي يوم ودعنا الهنوف قالت لي بنت منهو
تركي شك بمقصدها بس سكت :ايوه
وجدان :وقلت لها قالت لي بوريك صوره ولدي بخطبك له
تركي :الله يوفقك
وجدان :شفيك؟
تركي :دامك تقولينها كذا اكيد فرحانه فيه
وجدان :ما شفت ولدها ورتني صورته مستحيل اتركك واروح له
تركي :ولو كان اجمل وش بتسويين ؟
وجدان :انت اجمل رجل بعيني
تركي سكت شوي
وجدان :شفيك ساكت ؟
تركي بضيق :وجدان اخاف
وجدان :من وش ؟
تركي :اخاف ياخذك احد مني كلنا انا وانتي مستوعبين ان الي نسويه حرام اخاف يعاقبنا الله وتروحين من نصيب غيري ودي احط اسم للعلاقه وتكون معلنه للناس خلاص ويعرفون انك لي
وجدان بشك :وش تفكر فيه ؟
تركي :بكلم ابوك اليوم مقدر اتحمل اراقبك من بعيد على الاقل تصيرين مخطوبه مني لين اخلص دوره ونشوف شيصير
وجدان :متى وانت بكره بترجع الدوره ؟
تركي :اليوم وحتى الحين بقفل واكلمه
وجدان ابتسمت :كنت اعرف أنك قد كلمتك ،لا تكلم ابوي على طول قول لأهلك
تركي :اي ماتجننت لذي الدرجه ،يلا مع السلامه حبي اكلمك بعدين اذا صرتي خطيبتي بأذن الله
وجدان :إن شاء الله
ما إن اغلق رقمها حتى راح يبحث عن رقم والدته يعلم أنهم بالرياض وسيستغل الفرصه :الو يمه
ام راشد :هلا بحيبي هلا شلونك ؟
تركي :بخير الحمدلله انتي شلونك ؟
ام راشد :الحمدلله بأحسن حال
تركي :يمه ابي اكلمك بموضوع
ام راشد :عسى ما شر
تركي :الا فيه كل خير بس انتي وينك ؟
ام راشد :احنا عند ام سطام مضيفينا احسن ضيافه الله يجعلهم من اهل الجنه
تركي :آمين آمين ،يمه موضوعي يخصهم يعني ابي
ام راشد :وش
تركي :ابي تدورين لي وحده تخطبينها
ام راشد :الساعه المباركه كيف مواصفاتها ؟
تركي :عندي بالاسم عادي ؟
ام راشد تضحك :خير وبركه يا ولدي
تركي :ابي صاحبه ذا البيت وجدان
ام راشد :صدق الساعه المباركه والبنت المباركه
وجدان نزلت على كلمتها ذي وابتسمت لأنها فهمت انه تركي كلم امه رجعت غرفتها بسرعه
تركي يحاول يخبي على امه :ايه اوصفيها كيف
ام راشد :من وين ابدا كلها على بعضها تهببل سمراء فاتنه زي القهوه
تركي يكتم ضحكته :اي
ام راشد :العيون العيون لا اله الا الله رمشها بنفسه ثقيل من اول ما شفتها احسبها مكحله بس طلعت خلقه من ربي
تركي اخذ نفس عميق يوم تذكر عيونها :ايوه
ام راشد :والجسم منحوت ما عندها ولا شحمه زياده تهبل تهبل والشعر ما تمل منه انت بس خذها وحطها بالغرفه وتفرج فيها
تركي :مابي اتفرج فيها يعني ابيها تكون زوجتي
ام راشد :بكلم امها الحين
تركي :بس لا تقولين لها اني كلمتك عنها قولي لها تركي يبي يتزوج وما لقينا له الا بنتكم وجدان ركزي وجدان لا يغلطون ويعطوني اختها
ام راشد :اي المحاميه
تركي :يلا مع السلامه يمه
ام راشد :ما بتجي عندنا ؟
تركي :احس اني مستحي اجيهم
ام راشد :عساك يارب تجي الا للزواج
تركي :امين
قفل الا رساله من وجدان :سمعت وصف امك لي
تركي :تراها صادقه
وجدان :احس منحرجه مدري كيف
تركي :طبيعي
وجدان :ليه كم خطبت قبلي
تركي :صفر
وجدان :يا الله شعور حلو كذا الحين بيسألوني بتغلى شوي وبقول لهم بستخير
تركي :حبي وجدان حياتي انتي تكفين لا تمرمطيني زي ما بنت عمك مرمطت غازي وما عطته جواب الا بعد اسبوعين
وجدان :مو انا بمرمطك ابوي لازم تجيب اوراقك الرسميه بيفتشها ويقرر
تركي :ماشاء الله تعرفين كم واحد خطبك قبلي ؟
وجدان صفر ،خطبوا الجازيه بس الي خطبها طلع راعي بنات ورفضه ابوي
تركي :الحين عندي تساؤل
وجدان :وش
تركي :ابوك عسكري وانتي محاميه وانا بعد عسكري وش بيطلعون عيالنا ؟
وجدان :بيبي هتلر
تركي ارسل ضحكه :الا على الطاري وش تبين نسميهم
وجدان :غيم للبنت وللولد غيث
تركي :قد فكرتي
وجدان :احب ذي الاسماء من المتوسط كنت اتمنى يجوني اخوان واسميهم كذا بس شكل النصيب لعيالنا ،انت وش ودك تسمي ؟
تركي :ما قد فكرت
وجدان :خلاص الحين فكر
...
صباح العروس الجديده تشعر بنشوه السعاده هل دائمًا ستبدأ صباحاتي بهذا الروقان ؟
استيقظت مبكرًا واستحمت كعادتها كل صباح ارتدت ثوب النوم الابيض وفوقه الجاكيت الطويل :اطيع غاليه وأحط مكياج ؟لا ما احتاجه بس مرطب يكفي
خرجت من الحمام وهو لا يزال نائمًا ذهبت لتعد لنفسها القهوه وتذكرت قوله مساءً :قوميني الساعه سبعه
نظرت لهاتفها وكانت تشير للسابعه والنصف لم تستطع ايقاضه لا تزال تخجل منه اخذت كوب قهوتها وفتحت الستائر لتتباهى لها الرياض بضجه شوارعها ،أحسن الاختيار فندق مقابل لبرج المملكه وغرفه مطله عليه ارتشفت من القهوه وهي تنظر للمشهد الذي لا يفوت همت لترتشف مره اخرى الا أنها شعرت به يضمها من الخلف
شهقت وانسكب بعض القهوه على يده التي كانت تحاوط خصرها :معليش حرقتك
غازي :ما انحرقت عادي
الهنوف مسكت يده :الا شوفها حمراء تعال نغسلها
سحبته من يده الى المغاسل وهو مصدوم من جرأتها ،ليست جرأه بالمعنى الحرفي لكن تصرفها بعد كل هذا الحياء غريب غسلت يده وهو ينظر لها محظوط بفوزي بها كلما انظر اليها ارى الكون بوجهها خطر ببالي شعر يصفها قاله وهي مستغرقه في وضع المرهم على يده :قسمت الشمس لنصفين النور في خدها والنار في كبدي
الهنوف انحرجت وطالعت فيه بهدوء وهو لا يزال يتأمل عينيها زاد حرجها منه اسلوب الدفاع المتوارث عن امها عند الاحراج "المعاتبه" :وإنت بعد الله يهداك طلع صوت قل شي على طول تنط علي وانا توني شايفتك نايم بذا الفراش
غازي :ليش ما تصحيني ؟
الهنوف :شفتك نايم شحلاتك ما صحيتك قلت تكمل لين تشبع
غازي :عندنا طياره اليوم بعد الظهر
الهنوف تمسح يدها بمنديل :خلصت
غازي باس خدها وقام بسرعه :تجهزي الحين بنطلع نفطر
دخل الحمام وهي ذهبت لحقيبتها اي لبس ستختار ،لا يهم سترتدي العبايه فوقه تود الارتداء بهذا الغرفه لكن تخاف من خروجه دقت باب الحمام لتتأكد :تتروش ؟
غازي :اي
أرتدت ملابسها بسرعه وخرج فغطت جسدها رغم انها مستوره وشهقا
غازي ابتسم :استغفر الله
نظر لها ثم ذهب ليصلي
جلست على السرير وانتظرته الى ان أكمل :غازي
غازي :هلا
الهنوف :ثاني مره استأذن اذا بتدخل الغرفه وانا البس
غازي :طيب انتي قد لبستي ،واحنا متزوجين
الهنوف :اي بس مو متزوجين من عشر سنوات تونا لنا يوم لسى مو متعوده
غازي :توقعت الموضوع طبيعي
الهنوف نظرت له بهدوء وقال :استغفر الله
غازي مسك يدها :حبيبتي اعرف ذا غريب عليك بس اصبري بتتعودين باقي
الهنوف رغم انها لم تعاشره سوى يومان :لا ولله وانت اشوفك واثق تعرف كل شي
غازي :لا ما اعرف زيي زيك اول مره بحياتي اعيش مع بنت بس يمكن لأن عندي مشاعر قديمه لك ؟
الهنوف :يمكن ، بس اتمنى تراعيني شوي
غازي يمسك خدها:براعيك انا اذا ما راعيتك اراعي مين ...يلا الحين البسي عباتك نطلع
الهنوف :وين بنروح
غازي :مفاجأه
الهنوف :قلت بنروح نفطر بس وين عادي قول لي؟
غازي :مطعم احبه بس مو كثر حبي لك
الهنوف ابتسمت :طيب
بالسياره الهنوف تحاول تفتح معاه موضوع :اييه ما قلت انت دكتور ايش
غازي :دكتور تقويم وجراحه فكين
الهنوف :صدق كنت مركبه تقويم بالمتوسط وادعي على كل دكتور تقويم بالاخير طحت فيك
غازي ضحك :نصيب
الهنوف :وكيف الشغل هناك يعني يجونك مرضى كثار ؟
غازي :ماشي الحال باليوم سبعه ثمانيه
الهنوف :طيب عندي سؤال
غازي :وانتي من اول تسألين
الهنوف :لا سؤال كذا فضول يعني غبي شوي
غازي :تفضلي
الهنوف وهي تمسك الضحكه :المريض الي يسحب على المواعيد وش تسوون به ؟
غازي :نكلمه وإن ما رضى نسحبه من اذنه
الهنوف ضحكت :صدق ؟
غازي ضحك :لا بس نحمله المسؤوليه انه اسنانه بتخرب احنا ما بنتضرر شي
الهنوف :طيب كم اطول مده ممكنه اني اترك فيها المواعيد
غازي :انتي ما سألتي دكتورك شي وجيتي تسأليني ؟
الهنوف :ابي اشوف الدكاتره كلهم يقولون نفس الكلام ولا يكذبون
غازي :اطول مده ممكنه على حسب المريض وحالته
الهنوف :كنت اعرف كلكم نفس الجواب
غازي :وانتي خلينا نشوف كم موعد سحبتي عليه
الهنوف :ست شهور
غازي :ليه؟ ليه وش حدك عليه ست شهور
الهنوف :بالنسبه لي السبب مقنع
غازي :يعني ايام كورونا محد راجع الدكاتره ولا شي وانتي بالمتوسط ماكان فيه كورونا بس خلينا نشوف وش سببك المقنع
الهنوف تضحك :بس لا تسوي رده فعل قويه
غازي :وش بسوي مثلًا ؟
الهنوف :يعني الدكاتره كل دكتور يتحسس لتخصصه ويزعل كأنه الموضوع شخصي
غازي :خلاص قولي
الهنوف :كسل
غازي :لييه ؟ وش حدك عليه وش حدك ؟ ست شهور كسل بتجلطيني انتي
الهنوف :بس شوف اسناني شحلاتها ابتسامتي كيف اتوقع انه اسناني صارت حلوه بسبب الست شهور ذيك
غازي :بالاولى اتفق معاك ابتسامتك حلوه بس بالثانيه لا ...وكم سنه جلستي مركبه التقويم ؟
الهنوف :ثلاث سنوات مع انه كان المفروض سنتين
غازي :من الي سويتيه ست شهور
الهنوف :بس خلاص اسناني تعدلت الحين سويت لها تبييض والحين اهتم فيها لو جو عيالنا ما ينظفون اسنانهم بجلدهم يعني معليش
غازي :حتى انا بجلدهم معاك والا قبلك
طالعوا ببعض وضحكوا
الهنوف :طيب لو شخص اسنانه طبيعيه عادي يركب تقويم ؟
غازي :لا مغير يخربها بالتقويم
الهنوف :اعرف ناس يبغون يركبون تقويم زينه يقهروون انا بالغصب تحملته وهو علاج بحطه زينه
غازي :اي دكتور يركب تقويم زينه ما يعتبر دكتور
الهنوف :وانت قد ربكت زينه ؟
غازي :الي يجيني يقول ابي زينه اهاوشه
الهنوف :مساكين
غازي :لذي الدرجه اخوف ؟
الهنوف :لا
سكتت شوي وقالت :ابي اروح عند اهلي
غازي بأستغراب :ليه وش مسوي لك ؟ من اولها يالهنوف
الهنوف ابتسمت :لا انت تقول طيارتنا الظهر بروح عندهم بعد الفطور اسلم عليهم واودعهم
غازي :مو ودعتيهم امس ؟
الهنوف :لا امس ودعتهم لأني تزوجت اليوم لأني بسافر فيه فرق
غازي :تمام يصير خير بس نفطر اوعدك اوديك
الهنوف طالعت بجوالها :اوهه
غازي :وش ؟
الهنوف :اليوم الجمعه بلقاهم كلهم متجمعين عند ابوي للغدا وبنات عمي كلهم هناك أنا مو معاهم
غازي :ما قلتي لي من اول واكشخ البس ثوب
الهنوف :والحين شلابس؟
غازي :ثوب
الهنوف :طيب خلاص
غازي :لا هذا ثوب كشخه المطاعم فيه ثوب كشخه العزايم غير وفيه ثوب كشخه العريس غير امس لبسته
الهنوف :ما اشوف فرق الي لبسته امس نفس اليوم
غازي :بعدين بشرح لك الفرق الحين وصلنا
الهنوف حاولت تفتح الباب :شفيه ما يفتح ؟
غازي :ما يفتح الا من برا الحين بفتحه لك
نزل وراح يفتح لها الباب وهي مبتسمه
فتح :البسي نظارتك شمس
الهنوف لبستها ومد لها يده :تفضلي يا سيده قلبي
الهنوف مبتسمه :ولله ما يندرى عنك يمكن بس عشان الباب مكسور ولا عشانه شهر العسل
غازي باس يدها :الباب مو مكسور انا مخليه ما ينفتح الا من برا واوعدك بسوي كذا العمر كله 
الهنوف :شكل المطعم فخم مره انا مو حقت ذي المطاعم
غازي :صراحه ماشاء الله ،ترا المطعم ماهو فخم ذاك الزود طبيعي
الهنوف :متأكد؟
غازي :متأكد اقولك مطعمي المفضل
الهنوف :نشوف
...
يوم الجمعه المعتاد غداء عائلي ولكن ينقصه أحد الافراد
ريوف دخلت :هنوفييي وينك
ديم :نسيتي ؟
ريوف :يوه راح من بالي اشتقت لها ،يا ترى وش تسوي مع زوجها
ديم :يمكن نايمين باقي
ريوف :لا شوفها منزله سناب الحين قبل دقيقتين بمطعم
ديم :اشوف ...وماسكه يده بعد نسيت الحياء الي كانت فيه
ريوف :ما اكون ريوف اذا ما جت وقالت وين الحمام ؟ وين المطبخ تسوي نفسها نسيت بيت ابوها
ديم :حلو نسجل شي ثاني عشان نثبت انك ريوف
ريوف :وش الشي الاول نسيته
ديم :امس قلتي ما اكون ريوف اذا ما انخطبت وحده منكم وللحين ولا وحده انخطبت
وجدان تهمس :انا انخطبت
ريوف تصرخ :منجد؟
وجدان :اسكتي بقول لك كل شي بس تعالي الغرفه
ريوف :اي غرفه ؟
وجدان :غرفه الهنوف
ملاك صحيت :صباح الخير
ريوف :مسكتها من يدها :امشي عشان نسمع الخير
ملاك :شالسالفه ؟
ريوف :وجدان انخطبت
ملاك :مين ؟
ديم :ام هيفاء؟
وجدان :اي انخطبت مرتين وحده ام هيفاء والثانيه ام ترف
ملاك :ولله ما لومهم امس كنتي تهبليين ولمين خطبتك ام ترف لراشد ولا تركي ؟
وجدان :طبعًا تركي
ريوف بشك :لحظه لحظه من وين جت ذي الثقه ؟
ملاك تحاول ترقع :راشد خاطبين له وحده قبل مافيه الا تركي مو متزوج
ريوف :لا ترا اعرفكم انا فاهمه كل شي وش فيه بينك وبين تركي ؟
وجدان :يوم القضيه حقت المياسه شافني هناك وكلم امه مدري متى وهي اليوم كلمت امي باقي ما وصل الكلام للرجال
ريوف :يا الله بودع بنات عمي وحده وحده
ملاك :احنا بكره بنرجع الديره
ريوف حضنتها :بشتاق لك اكير من الهنوف
ملاك :بكلمكم بنات عادي
ريوف :بصور لك فلوقات بالجامعه وانتي صوري لي فلوقات بالديره
ديم :سمعت ابوي يقول وافي بيرجع معاكم من جد ؟
ريوف وهي متخصصه في كيمياء الحب ولاحظت التجاذب بين وافي وملاك:الحمدلله
ملاك :منجد ؟
وجدان تحاول تحرج ريوف مثل ما احرجتها :ليش الحمدلله ؟
ريوف :عشان ،عشان يشتغل بالمحل كان مره عاجبني ما ودي يتركونه
ديم :اي بيرجع عشان المحل وما بيخلونه ينام بمجلس عمي لأنه بعيد بيخلونه بالغرفه الي بحوشكم
ريوف :اي غرفه ؟
ملاك :هذيك الي مقابله للمراجيح
ريوف بنيه مبهمه :اهاا اي كويس عشان ما يحس بالبعد مسكين
ملاك بلعت ريقها عندما تذكرت البارحه خوفًا من تكررها
ريوف :شوفوا الهنوف سناباتها كيف احس انها ناويه تقهرني خلوني اصور لها
وجدان :وش تصورين ؟
ريوف :اصورنا كلنا اضحكوا كيف
صورت وارسلتها للهنوف سناب وكتبت عليها :اذا راحت غمازه نجيب وحده بدالها
ديم :تقصدين مين ؟
ريوف :اقصد ملاك هي بتاخذ مكان الهنوف
ملاك :الهنوف مستحيل احد ياخذ مكانها شخصيتها غير
وجدان :اي تشبك الكل
ريوف :معاها حق بذا الشي
الهنوف دخلت :تحشون فيني بغرفتي ؟
ريوف حضنتها :هنوفي اشتقت لك
الهنوف :وانا اشتقت لكم اول جمعه تمر علي بدونكم
ديم :مو المفروض تجلسين مع زوجك
الهنوف :بنات لذي الدرجه ما تبوني؟
ملاك :الا نبيك
ديم :نبيك بس كنت اسأل شفيك تحسستي؟
الهنوف بحزن :بسافر بعد شوي
وجدان :حبيبتي لا تبكين صوري لنا وجيبي هدايا اهم شي
الهنوف :افف بنات مقدر بدونكم تعودت عليكم
ريوف :هنوف لا تبكيني انا ما بكيت من يوم الخطوبه لليوم وبتخليني ابكي
الهنوف جوالها دق طالعت فيه :غازي يدق ما نبي نتأخر على الطياره مع السلامه
ملاك حضنتها :توصلين بالسلامه حبيبتي
وجدان بحزن :كان المفروض تكونين معانا وانا اعطيك ذا الخبر بس مع السلامه
الهنوف :وش ؟
وجدان :خلاص روحي برسل لكم
الهنوف فتحت المكالمه :الو غازي بس بجلس دقيقتين واجي مارح اتأخر ...يلا فضيت قولي لي
وجدان :انخطبت
الهنوف :الله مين ؟
وجدان تنهدت :تركي اخو ترف
الهنوف :كنت اعرف ولله كنت اعرف انكم تصلحون لبعض
وجدان :كيف ؟
الهنوف :كذا مره شفته بالغلط وحسيت انكم تصلحون لبعض
ريوف :كل الي تشبكهم هنوفي يتزوجون مين شبكتي بعد
الهنوف تطالع بملاك :فيه اثنين مهمين مره بس انهم يكابرون حسبي الله على المكابره بس يارب يارب اشوف عرسهم
ريوف :مين ؟
الهنوف طالعت بريوف :عرفتيهم ذوليك
وقفت الهنوف ومسكت كتوف ريوف :انا الهنوف متعب بن وافي اسلم مهمه" ملاك الحب "الى ريوف سعود بن وافي
ريوف :انا ؟
الهنوف :نعم
ريوف :اتشرف بهذي المهمه طبعًا
الهنوف :اوعديني انك تعلميني كل شي وما تشبكين الي ما يصلحون لبعض وتصرين على الي يصلحون لبعض واهم شي لا تنشغلين بنفسك وتنسينهم
ريوف سوت تحيه عسكريه :وعد
الهنوف :يلا حبيبتي مع السلامه ومبروك المرتبه الجديده
ريوف :تأكدي ما بخيب ظنك
البنات جالسين يراقبون بصدمه
ريوف بعد ما طلعت الهنوف :وجدان صح ملاك اممم بعدين ديم ديم مين يصلح لك
ديم :اقولك مين يصلح لي
ريوف :توفرين علي
ديم طلعت الميداليه الي عطاها ابوها :ذا الشي
ريوف :لا لا ما ينفع بدور لك وباقي ريم وزينب زينب اهم وحده والجازيه وغيداء لا تخافون بنات عمي ما بخليكم بزوجكم كلكم وانا اخركم
ديم:ريوف بلا هبال لا تسوين شي تنكبين نفسك
ريوف تتجاهلها :نسيت ما سأل الهنوف هل يحق لي اشبك عيال عمي ؟
ارسلت لها :الهنوف هل يحق لي اشبك العيال ؟
الهنوف :بس اخوانك
...
فيه الجهه الثانيه ارسلت الرساله وصارت تبكي طلعت للشارع انتبه انها تبكي ركبت السياره :حرك بسرعه
غازي :حبيبتي شفيك ؟
الهنوف تمسح عيونها :خلاص حرك عشان ما اتخذ قرار اندم عليه بعدين
غازي ابتسم :طيب
حرك السياره ووقف عند الاشاره وهي لسى تبكي
غازي :حياتي اذا ما تقدرين برجعك لهم ونأجل الرحله يومين
الهنوف :لا بعدين بتعلق فيهم اكثر خلاص طلعنا معد برجع
غازي :متأكده ؟
الهنوف :اي بس شوي ببكي واسكت بعدين
غازي طالع فيها :ما ابيك تبكين ولا دمعه معاي وعدت نفسي أني اذا اخذتك ما اخليك تزعلين
الهنوف :انا مو زعلانه عليك زعلانه لأني بتركهم
غازي:براحتك بس لا تبكين اكثر من اللازم
...
نايف :ورع قوم
وافي :شوي
نايف :قوم خلاص اليوم الجمعه الحين بنصلي وبيجون اعمامي
وافي :طيب الحين بقوم
نايف راح ورجع بيده مجمر :وهذا بخور الجمعه جا قوم
وافي شم الريحه اول ما طرى على باله شكل ملاك:ما تحس حر
نايف :بالعكس الغرفه بارده مكيفها جديد
وافي صار يهف بفنيلته :الا حر
نايف :طيب قم تروش ويروح الحر يمكن معاك بدايه مرض
وافي :يمكن ...جيب منشفتي عند البنات
نايف :وانت ليه ما تجيبها
وافي :احس حر بجلس اتبرد
نايف طفى المكيف :بعدين تزيد المرض اجلس شوي ادفى وتروش
وافي :نايف لحوول
نايف ارسل للهنوف :فاضيه ؟
الهنوف :؟
نايف :جيبي منشفه وافي
الهنوف صورت بالمطار وارسلت له الصوره :فاضيه بس بالمكان الغلط
نايف :نسيت انك رحتي،وين منشفته ؟
الهنوف :بالمجلس حق امي
نايف :طيب
الهنوف ارسلت لريوف :جيبي منشفه وافي بالمجلس وعطيها نايف عند الباب
ريوف :يا شيخه انتي ابوس يدك حتى وانتي بعيده متحكمه
الهنوف :بسرعه
ريوف :طيب
راحت واخذت المنشفه ووقفت عن الباب دق الباب :يمه
ريوف مسويه انها جت من بعيد :وش تبي؟
نايف :فيه منشفه بالمجلس لونها كحلي جيبيها
ريوف :طيب
سوت انها راحت وجت :هاك
نايف :اعتقد طلبتك منشفه بس
ريوف :وانا جبت منشفه بس
نايف :ليش عليها اظفر
ريوف :اظفر ؟
نايف :اي لونه وردي
ريوف طالعت بيدينها :اظفري هاته
نايف يعاند :امم عجبني شكله باخذه
ريوف :تراه مو حقي حق ريم جيبه
نايف :لا ما تاخذينه الا بشكل واحد
ريوف :كيف ؟
نايف :تردين علي
ريوف :ومين يكلمك الحين
نايف :لا تحسبني غبي ما افهم يوم فتحتي دفتري وقريتي الكلام ذاك ابيك تردين عليه بنفس الدفتر في حال عجبني رديت لك الاظفر
ريوف :نسيته الكلام
نايف :لا ما نسيته زي ما تتذكرين اني قلت كلكم حلوين الا ريوف بتتذكرينه
ريوف :اففف طيب
نايف :انتظرك
ريوف :لا ترا ماني كاتبه لذيك الدرجه عشان اعطيك الجواب الحين
نايف :على ذا الطاري اذا استعنتي بأحد يكتب لك بعرف على طول
ريوف :ماني حماره وافضح نفسي
نايف :اي اي بس يلا روحي اكتبي اعصري مخك
وافي :يا حمار بسرعه
نايف :طيب جاي
وافي :شفيك تأخرت
نايف يضحك :خذت ذا
وافي :وش ذا ؟ ظفر وش تبي فيه
نايف :العب شوي
وافي :تلعب بمين ؟
نايف :لا مو العب العب حق ريوف تعلق بالمنشفه واخذته وقلت لها برجع اذا ردت على الي قرته بدفتري
وافي :انتبه تسوي شي غلط يرجع بخواتك ترا كلهم متزوجين الحين
نايف :عادي اعتبرها مناظره ادبيه
وافي :هاتي منشفتي بس وذا البخور شيله من الغرفه
نايف :كنت تحبه وش صار ؟
وافي :بمرض منه مرض ماله علاج
نايف :وشو ؟
وافي :ذات الرئه
نايف :ذات الرئه من بخور ؟
وافي :اي ممكن ما تدري انت
نايف :طيب لك ٢٨ سنه تشمه ما جاك شي
وافي :اختلف الوضع من امس احس فيه شعور غريب اذا شميته
نايف :تتذكر العرس وتزعل على الهنوف ؟
وافي يصرفه :اي
نايف :ولله كنت اعرف انك حساس بس تخبي
وافي ابتسم :بس لا تعلم احد
نايف :ماقد علمت احد شي عنك حرام عليك
...
في الجهه الاخرى تفكر كيف تسترد أظفرها ،أنه امر غبي تناضل من أجل أظفر لكنه مهم جدًا بالنسبه لها تلقت تحذيرات كثيره من الا يضيع أخذت نفسًا عميقًا واطلقته :نرجع من البدايه وش هو الكلام الي كتبه اصلًا لازم ارد نفس الدفتر
تأكدت من أن الجميع مشغول ودخلت لغرفته لتفتح الدفتر وتسترجع ما كتب ((انك شيء جميل في حياتي لدرجه انني اود الحديث عنك دون توقف لكنني اكتم مخافه حاسدٍ سيرى لمعه حبك في عيني وسيسمع نبض قلبي فيوسوس له قرينه ان يدخل بيننا ويخرب شيئاً لم يبدأ بعد ،اصبحت اراقب حديث الناس بصمت مخافه ان يزل لساني فأُفصح بك ،أصبحت اسكت لكي تبقى سري الجميل الذي يسلب فكري في كل وقت فأن رأيتني مشغولًا عن الناس فأن طيفك هو مُشغلي ،انت سري الذي اسند له كتفي كل ليله ونسامر القمر سوياً اتخيل واتخيل واحلم وافكر واكتب وامحو حتى الفجر))
ريوف :اففف ذا كيف ارد عليه معرف
فكرت شوي طلعت ورقه وكتبت ((أتظن أنك لا تخطر على بالي ؟ إنك رفيق عقلي بكل وقت أخفيك كسر وبعض الاسرار جمالها بإخفاءها متأكده في يوم من الايام سنكتب نهايه قصتنا سعيده ،لكن اصبر فمفتاح الفرج (الفرح ) الصبر ))
طالعت فيه شوي وقامت ورجعت جلست مثل نايف :نشوف وش كتبت ريوف الجميله ...أمم رفيق عقلي كان المفروض تكتب قلبي بس معليه حبيت تشبيهم للفرج بالفرح بنرجع لك ظفرك
صرخت وهي تصفق كأنها أجتازت اختبار العربيه :يسس بتعجبه
رفعت راسها وكانت المرآه امامها نظرت لأحمر شفاهها الوردي وفكرت بشيء سيجعلها تنجح بالعلامه كامله امسكت الدفتر بيديها وقبلته لتطبع شكل شفتيها على الورقه:كذا اضمن العلامه كامله
خرجت من الغرفه بثقه الناجحين تنتظر تصحيح نايف لورقتها ،تعلم انه ما إن يرى موضع القبله سيضع النجاح دون القراءه ،لا تحمل حصيله كافيه بالادب لكنها تحمل الكثير من الحب وكيد النساء .
قابلتها زينب :وش تسوين هنا ؟
ريوف :انتي وش تسوين هنا ؟
زينب :عندي غرض بذي الغرفه
ريوف :تعرفين ذي غرفه مين ؟
زينب تشاورها :غرفه حبيبي نايف
ريوف مسكت كتفها :يا حياتي انتي لازم تفهمين ان مو كل احلامك بتتحقق
زينب :وانتي برضوا لازم تتقبلين
ريوف بكل ثقه :انا بذا الجمال بيتركني نايف ويروح لك ؟
زينب :اذا شاف الحقيقه بيجي لي اذا اكتشف أن جمالك ذا كله مكياج
ريوف تضحك :اشفق عليك حبيبتي عايشه معاه من الطفوله شافني بكل حالاتي حتى بماسك المايونيز وللحين يحبني بس انتي...
بعدها عن طريقها :ما يعتبرك شي
زينب :تعلنين الحرب بكل وضوح ؟
ريوف :اي اعلن
زينب مدت يدها:خلاص موافقه الفوز للأقوى
ريوف مدت يدها :ونمثل الهدنه قدام الكل
زينب :اكيد مارح اخرب علاقه اهلي بأقاربهم عشانك فرق بيني وبينك وأين الثرى من الثريا
ريوف :وضرب للناس مثلًا ونسي خلقه
زينب بلعت ريقها وهربت لا أحد يستطيع اسكاتها لكن ريوف فعلت
ريوف ضحكت :مسكينه ذي الصغيره تشوف نفسها قدي
...
بعد ساعات الرحله الطويله وصلت لباريس ،مدينه العُشاق كما يقال ستعيش شهر العسل او اسبوع العسل نظرًا لظروف زوجها
غازي :الحمدلله على السلامه
الهنوف :الله يسلمك
غازي بسخريه:وش لون شنطتك نسيت ؟
الهنوف :تطقطق صح ؟
غازي ضحك وهو يضمها ويسير :الله يهداك ما لقيتي الا ذا اللون تيفاني مستحيل انساها
الهنوف تدعس رجله :عجبني اللون لازم ابرر لك؟
غازي رفع رجه من الالم :احح لا تبررين بس اول مره اشوف ذا اللون بشناط السفر
الهنوف :عشان ما تضيع
غازي :مستحيل تضيع
الهنوف سرعت خطواتها وتخطته
غازي :الهنوف تعالي
تتجاهله
غازي :تعرفين وين بتروحين ؟
لا رد
غازي :رايحه لطياره بتوديك الصين
الهنوف وقفت وبلعت ريقها وهو لحقها :شفيك ؟
الهنوف :قلت ما بتزعلني بس من يوم طلعنا المطار وانت تطقطق على شنطتي التيفانيه
غازي :زعلتي ؟
الهنوف :لا
غازي حضنها وهي تصل لمنتصف صدره وباس راسها :اسف خلاص معد بتكلم عليها
الهنوف صامته يبدو انها رضيت لكن تكابر
غازي :اتوقع جعتي طولنا بالطياره
الهنوف صامته
غازي :هنوفي أنا قلت لك ما بزعلك بس تعرفين أنه البني آدم يغلط اذا زعلتك بشي قولي لي ولا تسكتين عشان اتفاهم معاك واراضيك لو المشاكل تنحل بالسكوت كان انحلت مشاكل الدول فيه بس السكوت ما يسوي شي
الهنوف :استخدم اسلوب عقاب ما تعرفه
غازي :تعاقبيني؟
الهنوف :اي يعتبر اسلوب عقاب اسمه الصمت العقابي ما اكلمك ولا اعطيك وجه يعني زعلانه
غازي :اي افهم انك زعلانه بس ابي اعرف السبب عشان كذا قولي لي ،راعيني شوي
الهنوف تقلد اسلوبه بسخريه :تمام يا عيوني اذا ما راعيتك اراعي مين ؟
غازي:راعي قلبي
الهنوف :اراعيك يعني اراعيك كلك على بعضك كل اعضائك قلبك رئتيك وعقلك
غازي تنهد :الحمدلله
الهنوف :وش
غازي :الحمدلله عليك
الهنوف انحرجت :يلا ندور مطعم جيعانه
غازي :ندور مطعم وش ورانا
...
ام سيّاف :ماشاء الله وش ذا البخور يام وافي من امس عاجبني
ام وافي :اذا تبين بعطيك منه عندي ثلاث علب
غاليه :اووه عاد امي تحب ذا البخور مره
ام سيّاف :مره يجنن ريحته حلوه
ام وافي :ذكريني قبل تمشون اعطيك علبه
ام سطام :متى بتمشون ؟
ام سيّاف :الليله
ام سطام :اجلوها بكره
ام خالد :عسى ماشر ؟
ام سطام :لالا الخير كله ذا
طالعت حولها وبدت تهمس :ام راشد اليوم كلمتني تبي وجدان لولدها تركي
ام احمد :ماشاء الله
ام خالد :بيجونكم قالوا ؟
ام سطام :اي قالت اليوم بيجون الليل لأن ولدهم بكره العصر يرجع الدوره
ام سيّاف :الحين هي وين كانت عندك ؟
ام سطام :راحت عند ام صديق ولدها تبي تتعرف عليهم
ام خالد :الله لا يقولها وتتعرف عليهم وتعجبها بنتهم وتسحب
ام سطام :لالا خلاص كلمتني يعني بتجي اكيد
الجازيه قامت
ام سطام :وين ؟
الجازيه :بروح الحمام
دخلت عند وجدان :بنت
وجدان وهي لابسه السماعه:هاه
الجازيه :جوك خطاب
وجدان تمثل انها ما تعرف:صدق مين ؟
الجازيه :تركي
وجدان :لحظه احكي لي كل شي من البدايه
الجازيه :ام راشد كلمت امي اليوم تقول بيجون المسا وبيتكلمون الرجال وبتصير النظره الشرعيه يعني خطوبه صدق
وجدان طلعت السماعه من اذنها :اليوم ؟
الجازيه :اي عشان تركي بكره العصر بيرجع الدوره
وجدان :احس جاني هبوط
الجازيه :عادي اذا ما تبين لا توافقين
وجدان :لالا عادي عادي بس ما ادري وش البس
الجازيه :يعني موافقه ولا ايش؟
وجدان :بفكر  بس دام فيه نظره وحوسه لازم البس شي حلو
الجازيه رمت نفسها على السرير:تتوقعين الوقت المناسب
وجدان :لأيش
الجازيه :ابي اكمل ماجستير بالخارج
وجدان :اي مناسب كل وقت مناسب
الجازيه تلعب بشعرها:كنت ابي عرس الهنوف يعدي عشان اصارحكم اني كتبت رساله الماجستير وارسلتها وقبلوني والحين شكله بيكون عرسك يعني ما بيمدي
وجدان :لا عادي يمدي دام قبلوك واصلًا احنا متفقين يكون بعد ما يتوظف
الجازيه جلست :ايش؟
وجدان :اقصد بتفق معاه يعني وانتي اذا رحتي اكيد بتكون فيه اجازات يعني نحط العرس فيها
الجازيه :يعني اكلم ابوي ؟
وجدان :اي وحتى كلميه الحين
الجازيه :احس الموضوع لازم اجلس معاه ومع امي واقنعهم
وجدان :الحين بعد العصر بنرجع البيت كلميهم
الجازيه :احس خايفه
وجدان :لا تخافين ولا شي مستقبلك تخصصك ما لقيتي له وظيفه يمكن اذا كملتي ماجستير تتوظفين
الجازيه :تقولينها؟
وجدان :اي حتى ابوي اكبر داعم لك اول ما تقولين له بيوافق
الجازيه :بس امي وسطام
وجدان :تاخذين رأي سطام ؟
الجازيه :مثل ما اخذت رأيك
وجدان :فيه شي اسمه تقبل الاراء بس عدم العمل بها تعرفينه ؟
الجازيه قامت :معرف شي بس بكلم امي وابوي وخلاص
وجدان :اي كذا صح
غيداء دخلت :امكم تبغاكم بتروحون البيت
وجدان :فرصتك
الجازيه :يلا بس قومي اكيد امي تبينا نكرف البيت
وجدان تطالع بجوالها مبتسمه :طيب
بالسياره فتحت المحادثه وكان تركي كاتب :اليوم بخطبك متخيله ؟ بتصيرين خطيبتي انتي كل الناس بيعرفون نهايتنا نتزوج كل الناس بيتكلمون انك خطيبتي كل العالم بيعرف قد ايش انا احبك
وجدان ردت :أخيرًا ❤️
تركي :متى يجي المسا بسرعه
وجدان :لا تنسى اوراقك الرسميه عشان تحقيق ابوي
تركي :منجد ؟ يعني صدق ابوك يسوي كذا ؟
وجدان :لا بس بيطلب الهويه ويصورها ويريلها لأخوياه بيطلعون كل ماضيك حتى عشاك امس
تركي :واثق مني نفسي ماضيي نظيف ومتأكد من مستقبلي انه بيكون سعيد معاك
الجازيه ارسلت لوجدان :اكلمهم الحين ؟
وجدان :لحظه بس تركي
ارسلت للجازيه :لا بالبيت
تركي :ايه وش بتلبسين اليوم
وجدان :سر
تركي :سربي لي عشان ما اطيح من جمالك
وجدان :مدري للحين وش بلبس
تركي :لا تصيرين حلوه كثير عشان ما ادوخ...مع اني دايم ادوخ من جمالك
وجدان:لا تبين لهم انك تعرفني سو نفسك اول مره تشوفني
تركي :وانتي بعد
وجدان :يلا خلاص ما بكلمك لين بعدين الحين وصلنا البيت
تركي :اصعب انتظار بحياتي
وجدان :لازم تتعلم الصبر
تركي :لازم ؟
وجدان :اي لازم
...
ملاك :استغفر الله العظيم واتوب اليه
ريوف :ليه ؟
ملاك :كذا بس استغفر
ريوف:استغفرتي يوم شفتي البخور ليه ؟
ملاك :ولا شي بس استغفرت يابنتي حتى استغفاري بتحاسبيني عليه ؟
ريوف :لازم اعرف كل شي
ملاك :كل شي تعرفينه
ريوف :اييه حكيني عن نفسك قد حبيتي احد ؟
ملاك بلعت ريقها :لا
ريوف :تنتظرين احد يخطبك ؟
ملاك :لا
ريوف :مره محد بخاطرك ولا بقلبك ولا كذا لمحتيه صدفه
ملاك :لا ماقد صادفت احد بحياتي ولا ابي اصادف
ريوف :افف حياتك ممله ...مو ممله يعني حلوه بالديره بس مافيه شخص تحبينه
ملاك :فيه اشياء مسليه كثير غير الحب
ريوف :بتقولين الكتب عرفت وبعدين الحب ماهو تسليه زي ما تقولين
ملاك :نقاشك ما منه فايده
في هذه الاثناء كان وافي واقف عند الباب الفاصل بين مجلس الرجال وباقي المنزل وسمع كامل الحوار ونسي مطلبه :وش اسوي انا ...يمه
ريوف:ارجع ارجع
وافي :بغيت امي بس ارسلت لي تبيني وجيت اشوفها
ريوف :بناديها الحين
وافي :تمام
قامت ريوف وتركت ملاك لحالها بالصاله ،تشعر أنه يعلم بوجودها لوحدها وتخاف أن تبقى معه وحيده ،تتكرر نفس اجواء البارحه البخور ذاته والشخص نفسه والمشاعر نفسها اسوء ما يعانيه الانسان ألا يستطيع تحديد مشاعره يجرب شعورًا جديدًا وهو كان يعرف ان المشاعر تنقسم بين غضب ورضا حزن وسعاده ،لا اعرف موقع هذا الشعور لكن أعرف انك سببه .