وانا في درب الهلاك ظهرت لي يا ملاك

31

في اليوم التالي في الرياض يجلس وينتظر نتيجه أخر تحليل بحماس إن ظهر ١٪؜ او ٠٪؜فسيكون اخر تحليل سيعود انسانًا طبيعيًا ،يعمل ويعشق ويعيش
جا ابو سطام يمشي سريعًا يحمل بشرى /مصيبه رمى الورقه بوجه وافي بغضب :وش ذا ؟
وافي :وش؟
ابو سطام :اقرا وش مكتوب ١٠٪؜ ايش ؟
وافي :وش ١٠٪؜
ابو سطام بغضب :دامك مو قد المسؤوليه ليش تقول بتعالج من نفسي ليش ما تقول انا حمار ومقدر اوقاوم رغباتي ونوديك مصحه يعالجونك ؟
وافي بضيق :ولله يا عم ما سويت شي
ابو سطام :وش ١٠٪؜ اجل من وين جت من عقلي انا ؟ الحين على التحقيق بسرعه وتعلمني من وين تجيب وتتعاطى واحنا مسكنا فيصل
وافي :ولله ياعم وربي الي بعث فيني ذي الروح وعطاني ذا الجسد اني ما رحت لها ولا فكرت فيها
ابو سطام هدأ قليلًا :اعوذ بالله من الشيطان الرجيم
وافي :بعيد التحليل يمكن غلط منهم
ابو سطام احتضنه :خلاص بنعيده ونشوف
وافي امسك بيدي عمه وقال وهو ينظر بعينيه:ولله ترا ما سويت شي وإن كذبت كذبي علي يوم القيامه وبتحاسب فيه ،اذا طلع نفسه مالي ذنب ياعم ولله مالي ذنب حتى ...حتى اسأل ملاك انت توثق فيها هي ما تكذب
ابو سطام :خلاص اهدا حتى انت اوثق فيك واصدقك
وافي جلس وهو يمسك رأسه :ما سويت شي انا ما سويت شي الله يلعنك يا فيصل
ابو سطام بحده :لا تلعن
وافي :استغفر الله
ابو سطام بالهاتف:اي تعال هنا بنعيد التحليل وابيك تشرف عليه انت
:فيه مسؤول اخر يبغى يشرف عليه
ابو سطام :وماله اسم ذا المسؤول ؟
عيسى :اسمه عيسى الصالح
ابو سطام ابتسم :مين ذا ما اعرفه
عيسى بنفس المزاح :وانت كيف سلموك قضايا كبيره كذا
ابو سطام ضحك :تعال بس بسرعه
عيسى يبادله الضحكات :الحاله طارئه ولا اشتقت لي ؟
ابو سطام بسخريه :مين يشتاق لخشتك انت الحين امريكا يسوون احتفال عشانك طلعت من عندهم ،بس عساك بترجع لأننا ما نقدر نتحملك هنا
عيسى بنفس السخريه :عندي لك خبرين الخبر الحلو اني بقعد بالسعوديه خلاص الخبر الخايس اني بشتغل معاك
ابو سطام :ياوجه الله كل الخبرين خايسه
عيسى عاد للجديه :ولد اخوك ؟
ابو سطام تنهد :اي
عيسى :الله يهديه ويهدي جميع الشباب
ابو سطام :امين
...
ديم :ريوف قومي
ريوف :ولله الدكتوره اعتذرت ما عندي محاضره الا الساعه عشره تونا الحين سبعه
ديم :ابيك تسوين لي دبل لاينر
ريوف :ليش؟
ديم :كذا نفسي احطه
ريوف :بحط لك اذا قلتي لي صدق ليش
ديم :ابي اتكشخ
ريوف :عشان ؟
ديم:عشان نفسي
ريوف :امم نعتبر الجواب صحيح لأن يوسف طبيب نفسي اختصرتي على نفسك الاسم وقلتي نفسي،شغلي النور عشان احط لك
ديم شغلت النور:انا نفسي افهم فلسفتك ذي
ريوف وهي تحط لها الايلاينر :افهمي دروس خطيبك اول
ديم :ذي مشكله ما افهم شي منه ودرجاتي زباله
ريوف :طيب هو ما يبيك عشان درجاتك
ديم :اجل عشان ايش ؟
ريوف :مدري عنه اسأليه
ديم تقلد اسلوبه :هذا كل ما لدينا اليوم هل من اسئله ؟
بنفس اسلوبها اكملت :انا عندي سؤال ليش اخترتني ؟
ريوف :ولله عادي منه تعلنين للبنات انه خلاص صار حقك ومنه تعودينه يعبر عن حبه حتى لو قدام الناس
ديم :ما بنعلن لأحد لين اتخرج
ريوف :كلمتيه واتفقتوا ؟
ديم :لا بروح له اليوم واكلمه اقول له عادي الزواج وقت ما يبي بس ما نعلن لأحد لين اتخرج
ريوف :اي تداومين السنه الجايه بطنك اكبر من راسك ويسألونك ليش تقولين ولله صرت متزوجه طيب مين زوجك ؟ شخص نعرفه ولا من اقاربك ولا ايش ؟ لا زوجي سر مارح تعرفونه وتروحين الغرفه عند زوجك تشيكين عليه وتدخل وحده تلقاك ناثره شعرك قدامه وهو قاعد يتحسس البزر الي ببطنك يتحرك وتروح تقول ولله ديم تزوجت يوسف علميهم انتي احسن من انها تجيهم صدمه كذا
ديم :عادي نقدر ما نبين لهم شي
ريوف :ولله اذا نفس غازي ما يتحكم بنظراته بيلاحظون من عيونه
ديم :لا يوسف غير يعني هو دكتور نفسي يعرف حركات الجسد وذي الاشياء اكيد بيتحكم
ريوف :انا قلت الي عندي اليوم بيفضح كل شي بنظراته وحتى بيتغزل فيك من ورا التريلات سجليها على جبهتك لأنها صدق بتصير وبتقولين ولله ريوف صادقه والبنات طبعًا كلهم ذكيات بذي الاشياء بيعرفون
بدر يصرخ :يلا ديم بسرعه
ديم :يلا جايه
ريوف :بيصير كل شي قلته تذكري
ديم :طيب مع السلامه
بدر :يا ديم
ديم :جيت شفيك
بدر نظر لها :وش ذا المكياج؟
ديم :ايلاينر بلاشر وشويه كونسيلر وروج وقلوس
بدر :ماقد سويتي كذا بحياتك لا يكون سويتيه عشان ...
ديم قاطعته :سويته عشان نفسي مو عشانه انا مخططه من بدايه الاسبوع كنت ابيه يوم الاحد وريوف هي الي تعرف تسويه امس داومت قبلي
بدر :يلا بس امشي لا تتأخرين
ديم :عادي لو تأخرت
بدر :اي صارت عندك واسطه
ديم :قصدي عادي لو تأخرت الدكتوره ارسلت الحين اعتذرت مافيه محاضره الا بعد ساعه بس بروح عشان اقابل البنات
بدر :يلا بس انا بتأخر
ديم :طيب
في السياره
ديم :وش رايك تعلمني السواقه ؟
بدر :بتتعلمين علمتك بس بتسحبين زي ريوف وتقعدين تتحلطمين مابعلمك
ديم :لا انا صاحبه عزيمه واصرار بتعلم وبطلع سياره
بدر بسخريه :جي كلاس ؟
ديم :مدري
بدر:شلون ما تدرين
ديم :بعدين بفكر اول شي بتعلم بعدين افكر
بدر :تعلمي واذا تزوجتي سوقي حقت زوجك
ديم :متى تبدا تعلمني ؟
بدر :اليوم العصر ؟
ديم :لا بنطلع السوق
بدر :صرتم تطلعون السوق اكثر من قعدتكم بالبيت
ديم :وش نسوي طيب العرس قرب
بدر :طيب المغرب؟
ديم :مين الي تقدر تتسوق العصر بس بدون المغرب ؟ اذا قلت بنتسوق العصر يعني بنجلس نتسوق من العصر للعشا
بدر :يا ساتر انتم بتفتشون اسواق الرياض اكثر من وزاره التجاره نفسها
ديم :بكره نبدا طيب؟
بدر :طيب ،انزلي
ديم :مع السلامه
بدر :مع السلامه ودروس موفقه
ديم :لحظه انت بتتخرج ذي السنه صح ؟
بدر :اي وش ذكرك ؟
ديم :ولا شي بس افكر
نزلت من السياره وهي تتلفت وتحبث عن سيارته
صوت من خلفها :صباح الخير
ديم نظرت :صباح النور
:عطيني حسابك تلقرام ادخلك القروب نسيت ما اخذه امس
ديم :لا ما يحتاج كلمت الدكتور ودخلني امس
:كلامك كثر مع الدكتور بينكم شي؟
ديم ابتسمت :لا مابيننا شي
:بالمناسبه انا اسمي اثير
ديم :وانا ديم
اثير :معروف اسمك دايم يوسف يقوله
ديم ضحكت :ما كان دكتور قبل شوي كيف صار يوسف؟
اثير:قريبي هو
ديم :كيف قريبك
اثير :ابوي وابوه عيال عم
ديم :اها هو يعرف انك قريبته؟
اثير :اي
ديم :بينكم شي ؟
اثير ابتسمت :لا بس يا ليت
ديم :اليوم المحاضره بالمعمل صح ؟
اثير :اي تدربتي؟
ديم :مع اني تدربت كثير بس خايفه
اثير :انا صحيت الساعه وحده الفجر وجلست اتدرب لين الحين حتى ايلاينر ما لحقت احط
ديم :انا من يوم دخلت طب ما عندي وقت لشي اعرف كل شي بالمكياج الا الدبل لاينر اختي الصغيره تسوي لي
اثير :بس طالع عليك حلو
ديم :حسيته واحد صغير وواحد كبير
اثير :لا انا ما لاحظته كذا الا يوم قلتي يعني هو شي راجع لك لو تقولين للناس بيلاحظون
ديم :ودي اعدله بس معرف
اثير :يوسف ارسل
ديم بتوتر :كيف؟
اثير :بالقروب يقول المحاضره تقدمت بعد نص ساعه
ديم :اجل يلا نمشي للمعمل قبله ابي اسلم على محسون
اثير :محسون ؟
ديم ابتسمت :اي الهيكل العظمي الي بالمعمل سميته محسون دايم اذا انضغطت اهرب للمعمل وافضفض له او اذا علي برزنتيشن اتدرب معاه
اثير ضحكت :يبي لك جلسات علاج مع يوسف
ديم عبست :الحين فيه خمسين دكتور غير يوسف وش حد البنات عليه؟
اثير :ببساطه وسيم وذكي وغني وهادي وفيه كل المواصفات الي تتمناها بنت امه تدور له عروس والبنات من الحين يحسدون الي بتاخذه ويتنافسون عشان يعجبونه
ديم :شكلك انتي الي تنقلين سوالفه ؟
اثير :اي علاقتي مع خواته كويسه مره يعني تقدرين تقولين انا المرشحه الاولى
ديم تنهدت :بتزعلين لو اخذ غيرك ؟
اثير ابتسمت :اكيد بزعل
ديم بلعت ريقها :طيب لو كانت وحده تعرفينها
اثير ضحكت :هنا الزعل دبل
ديم :اسمعي انا بروح الحمامات والحقك
اثير :طيب محسون بتتأخرين عليه
ديم ابتسمت :عادي بعدين اذا طلعتوا بجلس معاه
اثير :لا تتأخرين
ديم :معليك بجي بسرعه
ذهبت لغرفه يوسف وعندما اقتربت منها خرج :صباح الخير
ديم :صباح النور عادي نتكلم؟
يوسف نظر لساعته :ما ابي نتأخر على المحاضره والمعمل بمبنى ثاني نتكلم بعدين ياحياتي
ديم بلعت ريقها :طيب
يوسف :انحرجتي ؟
ديم :هاه ؟
يوسف :انا قلت يا حياتي واشوف وجهك يتحول الوان
ديم :مو متعوده
يوسف ابتسم :متعوده على تفضلي يا ديم للمحاضره واتمنى اشوفك قبلي ولا بتنحرمين الماده
ديم ابتسمت :اي ذا الي تعودت عليه
يوسف :اضافه الى اني اتمنى اشوفك جالسه قدام عشان اتأمل عيونك
ديم صمتت
يوسف ضحك :جاك لاق
ديم :انا بروح بعد المحاضره نتكلم
يوسف :طيب
سارت بالجهه المعاكسه
يوسف :من هنا
ديم :اي صح
يوسف لحقها وهي توقفت
ديم :انتظر هنا لين تشوفني اختفيت عن عينك عشان يكون بيننا فاصل زمني
يوسف :ترا ما بيعرفون
ديم :احتياط
يوسف :انا دقيق بمواعيدي لو انتظرت هنا عشر دقايق مارح ادخل بالوقت الي حددته
ديم :عشاني
يوسف :بتخربيني معاك بس القلب وش نسوي به بنتظر
ديم ابتسمت :بس ذي المره بعدين اوعدك بصير زيك منظمه
يوسف :ان شاء الله ،يلا امشي قدامي بسرعه
ديم :اركض عشانك ؟
يوسف :اذا تبغين رجلك تنكسر عادي
ديم :جزمتي واسعه بتطيح اذا ركضت
يوسف :ونضيف لكتابنا قصه سندريلا
ديم وهي ذاهبه اشارت بيدها على شكل قلب
يوسف نظر لها بصدمه واسقط كوب القهوه وعلبه الماء من يده وتلطخت ملابسه بالقهوه ،نظر للأرض ولملابسه :وش سويتي يا ديم
في المعمل دخلت ديم ونظرت لكل الاماكن التي بالامام كانت شاغره ذهبت لأحدى الطالبات :لو سمحتي ابي اجلس قدام انتي روحي ورا
:بصفتك ايش؟
ديم :بصفتي طالبه تبغى تركز مع الشرح وما تنام
:وانا ابي اركز مع الشرح
ديم :طيب فرق بيني وبينك انتي ما تنامين لكن انا انام بدون ما احس ارجوك قومي
:مقابل؟
ديم :مقابل عندك ثلاث ايام اذا تبغين تغيبين فيها اعطيك سلايدات ذي الماده
:عرض جميل
ديم :بس ثلاث مرات لأني ما بشتغل لك طول العمر
:اي اساسًا ذا الترم باقي لي ثلاث غيابات
ديم :تونا اسبوعين متى غبتي وضيعتي غياباتك
يوسف دخل :السلام عليكم
ديم :يلا يلا قومي
يوسف :اولًا اعتذر على تقديم المحاضره إن كنت ضيقت الوقت على البعض ثانيًا اعتذر على التأخير الي صدر مني
نظر لديم واكمل:صارت لي ظروف أخرتني ١٣ دقيقه
اثير :لا عادي اساسًا التأخير كان بصالحنا
يوسف :اول شي نبدا بالجروح الغائره كل طالبه تشتغل على النموذج الي عندها وانا بمر اشوف
:اي واحد الجروح الغائره
ديم بهمس:لا واضح المذاكره ماشاء الله
يوسف :انتي اي مستوى ؟
:انا السنه التحضيريه
ديم بشفقه :ياروحي احنا السنه الخامسه شكلك غلطتي
:هذي مو قاعه ؟
يوسف :هذا المعمل
:معليش ولله ما دريت احسبها قاعه
يوسف :لا عادي تصير كثير صح ديم ؟
ديم :هاه ؟ اي صح
اثير :خلصت بس بقص الطرف
ديم بهمس:ماشاء الله عليك
اقترب يوسف منها :اي صح بس عندك فيه فراغ كبير بين الغرزتين ممكن يسبب للجرح تلوث
اثير :وين ؟
يوسف اشر عليه بيده :هذا
بقيت ديم تنظر اليهم وهي تخيط الغرزه وتعض على شفتها السفليه بغضب
التفت اليها يوسف :خلصتي ؟
ديم انتبهت اليه :هاه ؟ اي
يوسف :طيب قصي
أثير :كذا ؟
يوسف :اي تمام
نظرت اليهم مره اخرى وهذه المره علق المقص اثناء اخراجه جرحت يدها :احح
التفت يوسف برعب :وش فيك؟
ديم :قصيت يدي
وقف بجانبها وامسك يدها :المقصات الي بالمعمل حاده اكثر من غيرها انتبهوا
سحبها الى الطاوله التي تحمل في درجها اسعافات اوليه بوسط اعين الجميع وبدأ بتطهير جرحها بالمطهر
ديم بتألم :يحرق
قرب يدها من فمه وبدأ بالنفخ عليها وهو ينظر بعينيها :والحين ؟
ديم وهي تنظر لعينيه :خلاص
صمت قليلًا وهو ينظر لعينيها
ديم :احم احم
يوسف :اا...شسمه الحين بلفه لك بشاش
ديم :احسه ما يحتاج
يوسف :الا يحتاج
وضع اصبعه بجانب الجرح واصبح يحركه على باطن يدها بشكل مستقيم :الجرح طويل اخذ عرض يدك كلها
ديم :بس انه طفيف يعني يعتبر شطفه بس
يوسف نظر لعينيها:مع ذلك بلفه احتياط
اخذت نفس عميق وهي تنظر للطالبات الاتي كانت انظارهن متوجهه عليها غطت فمها بيدها وكأنها تحك وجهها وبهمس قالت:يطالعون فينا
يوسف وهو يضمد يدها بنفس الهمس :خليهم يطالعون
ديم :بيتكلمون الحين
يوسف :بسكتهم الحين بس خليني اخلص
وضع الشريط اللاصق وقرب يدها من فمه وقصه بأسنانه
ديم بهمس :فيه مقصات هنا
يوسف نظر لعينيها وهو مبتسم :ادري
ديم ارتبكت:خلصت ؟
يوسف :خلصت وانتبهي لنفسك اكثر
ديم :ان شاء الله
سحبت يدها من يده وهمّت لتذهب لكنه امسك يدها مره اخرى
نظرت له ديم :وش ؟
يوسف :احس الربط مشدود على يدك صح ؟
ديم :مدري
يوسف :اقبضي يدك اذا حسيتيها مضغوطه بفكه
قبضت يدها :لا عادي
يوسف :اجل ارجعي مكانك
ديم بهمس :طيب اترك يدي
يوسف تركها ونظر للطالبات :وش فيكم ؟ اول مره تشوفون اسعافات اوليه ،اذا اول مره حسافه فيكم التدريس خمس سنوات مدري ست ،يلا كملوا الشغل بشوفه
اثير :لو سمحت ممكن اطلع شوي ؟
يوسف :تفضلي
ديم نظرت لها بحزن
يوسف :كملوا
...
سطام :نامي على الفراش وانا على الكنب
اسماء بضيق وهي تفك الحجاب:انا ما انام الصباح
سطام بتوتر :كويس يعني انتي تنامين الليل وانا انام الصباح
دخل الفراش : الحمام هذا الباب الي وراك والمطبخ تحت
وهي ما تزال واقفه بالغرفه وكأنها متردده بقول شي :س ...سطام
سطام وهو مغمض عينيه :هاه
اسماء :شنطتي بالسياره
سطام :قلت للسواق ينزلها بتلقينها تحت
اسماء :طيب
نزلت للأسفل ووجدت وجدان مرتديه عباءتها :اوه حبيبتي اسماء ارجعي الغرفه شوي السواق بيجيب فستاني مره ثقيل
اسماء تنهدت بتعب :طيب
صعدت ودخلت للغرفه
سطام :اخذتيها ؟
اسماء بغصه البكاء :لا
قام من الفراش وخرج من الغرفه بصمت وهي عادت لوحدتها التي لا تجيء الا بالاحزان والدموع ،بدأت بالبكاء بشده ،ذلك الفستان من المفترض ان ارتديه انا ذلك الحب يفترض أن يكون احد أطرافه انا يا الله قوّ قلبي على ما سأواجه بالايام القادمه
دخل الغرفه وهو يحمل حقيبتها :هاك ...تبكين ؟
وجهت نظرها للنافذه وهي تمسح عينها بدون صوت
جلس بجانبها على الكنبه وترك مسافه صغيره بينهم تنهد وبدأ الحديث :انا مالي طمع فيك وتعرفين اني مثلك مغصوب،لكن مع ذلك انتي على ذمتي وبحاول اني ما بقصر معاك بشي لين ارجعك لأهلك ،اختلطي بخواتي وبنات عمي خلي نفسك بنت عمهم وإن كان ودك انسي وجودي بحياتك أنسي شخص اسمه سطام واعتبري نفسك جايه عشان اي شي الا الزواج لكن تطمني ماني مقرب لك وإن كان الشيطان معاي وقربت لك ذكريني كلها ثلاث شهور وعساها تعدي بخيرها وشرها ونرجع مثل اول اهلك ان بغيتي تزورينهم ماعليك الا تقولين لي وابشري باللي يرضيك ،ما ودي اظلمك اكثر من كذا وانتي عاونيني عبري عن نفسك وكل ما بخاطرك قوليه
لم تزل اسماء بصمتها وهي تمسح دموعها
تنهد سطام وقام الى الفراش :خذي راحتك اذا بغيتي شي صحيني
مسحت دموعها وقامت لتفتح الحقيبه التي بالارض وقفت بالظلام ونزعت عباءتها بتلك الغرفه المظلمه كان خلفها نافذه تشع بنور الصباح نظر سطام لظلها الفاتن وهي تفك شعرها وتعيد ربطه ،اغمض عينيه وهو يهمس :ما تبيك يا سطام وانت ما تبيها
...
يوسف :اسمعك
ديم اخذت نفس عميق وزفرته :اثير
يوسف ابتسم :اشم ريحه غيره ،اثير بس قريبتي لا اكثر
ديم :الا اكثر هي تقول علاقتها قويه بخواتك وامك تدور مرشحه وهي المرشحه الاولى ذي ماهي مشكله بس المشكله اني سألتها لو اخذ غيرك بتزعلين قالت اي قلت لها لو كانت من معارفك قالت الزعل بيكون دبل وانا صرت من معارفها لي يومين يعني بتزعل مره
يوسف :ووين المشكله
ديم:وش وين المشكله ولله الرجال قلوبهم حجر ما يفكرون الا بأنفسهم
يوسف :مافهمتي علي انا اقصد وين المشكله الي تمسك يعني انتي خلاص بتصيرين حلالي ومارح تضرك بشي لو زعلت
ديم :الا بتضرني
يوسف بخوف :هددتك؟
ديم :لا بتضرني بتأنيب الضمير مابي ازعل احد مني
يوسف :طيب ما نعلم احد بالجامعه بسيطه
ديم بسرعه:يا حبيبي ما فهمت انت هي تقول علاقتها بخواتك قويه يعني خواتك يعلمونها بكل شي انا اعرف البنات وسألتها قبل قلت لها يعني انتي الي تجيبين اخباره للجامعه قالت اي يعني خواتك رح يعلمونها والبنت بتنشر الخبر بكل الجامعه
يوسف :وش قلتي ؟
ديم بغضب :وين كنت سرحان كل هالوقت ما بعيد الكلام
يوسف :تعثرت بأول كلمه
سكتت قليلًا وعقدت حاجبيها وهي تتذكر ما قالت :وش قلت ؟
يوسف :حبيبي
احمر وجهها وبلعت ريقها بدأت تتحدث بتلعثم :يعني ما انا اقصد حبيبي صدق كذا اقول اذا كنت اتناقش مع احد فهمت يعني ؟
يوسف ضحك :فهمت فهمت ،اشوف جرحك كيف ؟
ديم مدت يدها وإذ بقلب صغير مرسوم على الشاش
يوسف :وش ذا ؟
ديم ابتسمت :صديقي محسون رسمه
نظر لوجهها بعبوس :مين محسون ؟
ديم بنفس الابتسامه :حتى انت تعرفه طوله متوسط وابيض مرررره نحيف نحيف نحيف واسنانه باينه طول الوقت مبتسم وما عنده عيون وخشم
يوسف :بسم الله عليك حبيبتي لايكون تهلوسين او تتخيلين شخصيات معاك وتسمينهم معرف احد بذي المواصفات
ديم هزت رأسها بالرفض :تعرفها بس تذكر
يوسف :مدري وين شفت انسان كذا
ديم بأبتسامه :يعيش بالمعمل
يوسف :اها الهيكل العظمي ؟
ديم هزت رأسها بـ نعم
ضحك يوسف :تركتي سبعه مليار شخص وصادقتي هيكل ؟
ديم :الصراحه يفهمني اكثر من البشر وترا هو الي صورته بحسابي تويتر
يوسف :وشلون كتب لك ؟
ديم :شابكنا ايدينا برومنسيه ورسمناه مع بعض
يوسف ابتسم وسحب قلم احمر من المقلميه :برسم لك انا
ديم ويدها ممدوده: ارسم وش تنتظر
يوسف :ما بتعطيني ميزات زي محسون؟
ديم ابتسمت :لا محسون غير
يوسف وهو يرسم على يدها :اخر شي توقعت اسويه اغار من هيكل عظمي
ديم :وش بتسوي على موضوع اثير
يوسف :وش سوت اثير ؟
ديم :اقول هي الي تنقل اخبارك بالجامعه ومصدرها خواتك يعني كل شي بتقوله بيصدقونها
يوسف :اصلًا محد يدري من اهلي الحين الا غازي
ديم :كيف ؟
يوسف :ما علمت احد اول مره بحياتي ما اخطط لشي ولا اعلم اهلي ما اعرف كيف اقول لهم
ديم :يعني انا شي مو مخطط له ؟
يوسف :اي مو مخطط لك لكنك اجمل شي ما خططت له
ديم :اذا كنت مو مخطط لي يعني كنت مخطط لوحده غيري اثير صح ؟
يوسف ابتسم :لا كنت مخطط ما ارتبط بأنثى لكن انتي بسهوله هزمتيني اجمل هزيمه
ديم بتفاخر :هزمتك بدون ما احرك اصبع
يوسف ضحك :حركتي غرفه كامله
ديم :وانا ماكنت مخططه لك بعد يعني انا ما اخطط لشي بحياتي بس ما فكرت انه بنصير كذا
يوسف :ولا مره قلتي ذا الدكتور وسيم ولا حسيتي بشي اتجاهي ؟
ديم :لا
يوسف :ولا شي؟
ديم :الا حسيت
يوسف:ايش
ديم :نوم من صوتك بالشرح
يوسف :خليني اعتبرها سكينه
ديم :لا اسمه نوم وكسل
يوسف :ما تنامين الا بمحاضرتي؟
ديم هزت رأسها بالاجابه
يوسف :يعني المشكله فيني
ديم مبتسمه :اي بصوتك زائد وجهك كذا مدري كيف مافيه تعابير يجيب نوم
يوسف :وش اسوي اذا ربي خلق عيوني ناعسه
ديم :لا مو سالفه العيون الناعسه بدر اخوي عيونه ناعسه بس ما يجيب نوم كذا انت تعابيرك جاده بزياد
يوسف ابتسم :كذا تمام ؟
ديم :اوقف وسو نفسك تشرح
يوسف وقف :وكذا ؟
ديم تثاءبت :لا مو تمام المشكله بوقفتك
يوسف :اوقف على رجل وحده ولا ايش يعني ؟
ديم :يمكن عطرك
يوسف :تراه عطر ماهو منوم وبعدين مايفوح لدرجه تشمينه بالقاعه واحنا بيننا حاجز
ديم تتثاءب :اجلس بس ،بعدين اعرف وش السبب
يوسف :ايه متى تبين العرس
ديم :ايش؟
يوسف :العرس العرس متى نتزوج
ديم :اول شي بسألك سؤال
يوسف :اسألي
ديم :انت جيت خطبتني عشان التحدي الي ما كنت اعرف عنه شي ولا عشان تبيني ابي الحقيقه الحقيقه
يوسف :الحقيقه الحقيقه؟
ديم :اي الحقيقه الحقيقه
يوسف :اول شي كنت احس بأنجذاب لك يعني قلت طبيعي فيه اشياء كثير تربطنا ببعض ويوم تحديتيني التحدي الي ما عرفتي عنه شي قبلت لأني احب التحديات ويوم شفتك عند ابوك ايقنت اني احبك
ديم تبسمت :تمام ،احسبك بس عشان التحدي
يوسف:طيب انتي ليش قبلتي وانتي الصباح تقولين نهايه خايسه اني اتزوج شايب
ديم :لأني صادقه نهايه خايسه اني اتزوج شايب
يوسف :افهم من كلامك انك تخليتي عن لقب الشايب؟
ديم :لا ما اتخلى عنه بس اقصده مو بمعنى انك كبير بالسن بمعنى انك مشيب بس
يوسف :انتي كم عمرك ؟
ديم :توقع
يوسف :بما انك بالمستوى الخامس والجامعه يدخلونها ١٨ اكيد عمرك ٢٤
ديم ابتسمت :لا دخلت الجامعه ١٩ جلست سنه بعد الثانوي بالبيت اطور انجليزيتي
يوسف :سنه ؟
ديم :اي اول ست شهور بالبيت بعدين ابوي شافني احاول اتعلم طلعني معهد بالخارج
يوسف :وعمرك١٨؟
ديم:اي لحالي ،تعلمت المسؤوليه وتعلمت كل شي الا التنظيم
يوسف :اتوقع انه التنظيم شي يكبر معاك من الصغر يعني لو تلاحظين الاطفال يتفاوتون بأشياء كثير فيه منهم يلبس الاحذيه مقلوبه وبعضهم يلبسونها طبيعي ويكرهون يشوفونها مقلوبه يعني التنظيم شي زي كذا وبتلاحظين بعدين بأطفالنا ان شاء الله بعضهم بيجون زيك ماينظمون وبعضهم زيي دقيقين بالتنظيم والمواعيد
نظرت ليدها وهي مبتسمه وتنهدت
يوسف :شفيك؟
ديم :افكر
يوسف نظر لساعته:فكري متى تبين العرس وابدي جهزي لأني ابيه قريب
ديم :اول شي علم اهلك بعدين افكر
يوسف قام :بعلمهم الخميس اذا رجعت الشرقيه
ديم :وين ؟
يوسف :عندي محاضره بعد ربع ساعه لا تأخريني ولا دقيقه
ديم قامت وابتسمت:لا ما بأخرك بس انت كل اسبوع ترجع الشرقيه؟
يوسف :اي بعد مده بتصيرين معاي
ديم :مستعجل مره
يوسف :احب اعجل انجازاتي
ديم :انا انجاز ؟
يوسف ابتسم :انتي تفهمين غلط انا اخذ كلمه من جمله طويله ببالي واستخدمها الحين الجمله الطويله معناها انه انجازي اتزوج اجمل انثى بالعالم
ديم :طيب وش اسوي اذا ما افهم المعاني المبطنه ؟
يوسف :مشكلتك مو بالمعاني المبطنه ،بشرح لك المشكله اذا رجعت
ديم :متى ترجع ؟
يوسف :ساعتين
ديم :يوووه ذكرتني عندي كويز الساعه اثنين وللحين ما راجعت
يوسف :ياسلام شكلك تبغين تقضين العمر كله معاي ومع الجامعه
ديم وهي خارجه:بروح اراجع الحين
يوسف ابتسم :الله يوفقك
...
دقت الباب وفتحت لها اسماء
وجدان :سطام صاحي ؟
اسماء خرجت واغلقت الباب :لا
وجدان :شلونك انتي ؟
اسماء ابتسمت :مثل ما تشوفين زي حال اي متزوجه بالغصب
وجدان :كنتي تبكين ؟
اسماء :اكيد
وجدان :افف انا نقطه ضعفي زعل البنات ودي اسعدك بأي شي ،اي صح العصر انا والبنات بنطلع السوق ناخذك معنا تغيرين جو
اسماء وهي تمسك كتفها الايسر بحرج :لا ما ابي اضايقكم
وجدان :وش ذا الكلام عيب عليك كل ما زادت وحده نصير افضل وبعدين ترا ملاك معانا اليوم يعني هي تعرفينها اكثر منا
اسماء :لا تسلمين
وجدان :ترا قعده البيت تزيد الهم لو طلعتي تنسين شوي
اسماء :بشوف بعد الصلاه
وجدان ابتسمت :مافيه نقاش بلقاك اول وحده بالسياره ابيك تقيمين سواقتي
اسماء ابتسمت :تسوقين ؟
وجدان :اي تعلمت لأنه دوام تركي مرابطه وانا كل يوم بداوم صعب اعتمد عليه وبعد انا من قبل كنت ابي اتعلم
اسماء بلعت غصتها :طلعتي سياره ؟
وجدان :كنت بجمع راتبي واطلعها كاش بس ما قدرت صراحه احتاجها رحت طلعت قرض واخذتها والحين كل شهر اسدد
اسماء :الله يعطيك خيرها ويكفيك شرها
وجدان :يا حبيبتي انتي اذا تبين بعلمك ،شوفي اعتبري نفسك جيتي الرياض تتعلمين سواقه وتطلعين رخصه انا بعلمك اذا تبين
اسماء :مدري احس اخاف
وجدان :حتى انا كنت خايفه بس راحه راحه وربي ما تنتظرين احد يوديك ويجيبك خصوصًا سطام سواقته خااايسه الله ستر بس ما دخل فيك عمود بالطريق
اسماء ارتجفت :ما تحسين ببرد ؟
وجدان:لا مو برد بس يمكن لأنك كنتي بغرفه سطام بارده
تكتفت وهي مبتسمه :يمكن
وجدان نظرت لهاتفها :انا بروح عندي مكالمه اذا تبين تسولفين مع احد انزلي عند امي والجازيه
لفت ظهرها وردت على الهاتف :ايوه حبيبي
عبست اسماء عندما سمعتها،حُبها يواجه الموت البطيء ويضحك لقاتله ،من الواضح ان سقف احلامها علا جدًا حتى هُدم على رأسها سقطت دمعتها التي كانت تزورها مرات عديده منذ الصباح دخلت الغرفه وهي تبكي ولم تنتبه أنه ممسك الهاتف
سطام :باقي تبكين من الصباح ؟
نظرت اليه ودخلت الحمام لتكمل بكائها
تنهد سطام وهو يمسح وجهه :وش حطيت بذمتك يا سطام
قام بكسل ودق باب الحمام :اطلعي
اسماء ببكاء:ما ابي
سطام :اسماء قلت لك اطلعي قولي لي وش مزعلك ما تبيني اجلس بالغرفه بنقل منها بس لا تبكين ،اذا احد مضايقك من اهلي قولي لي بس لا تبكين بالحمام ما يصلح
اسماء توقفت عن البكاء :اذا طلعت من الغرفه انا بطلع
سطام :طيب الحين انا طالع اول ما تسمعين صوت الباب اطلعي لا تحبسين نفسك
ضرب بالباب وكأنه خرج واختبأ خلف المرآه الطوليه
سمعت صوت الباب وخرجت واغلقت الغرفه بالمفتاح اضطجعت على السرير بوضعيه الجنين وهي تحتضن الوساده وتبكي
ظهر سطام من خلف المرآه :اسماء
جلست اسماء :ما قلت لك اطلع؟
سطام :ما احب اخلي احد يبكي بسببي واطلع واخليه
اسماء :مو بسببك تطمن بس اطلع
سطام بحده :اسماء
اسماء نزلت من السرير وبصراخ :نعم ،نعم مو توك الصباح تكلمت قلت ما بضايقك ما بنتصادف كثير الحين ليش انت هنا
سطام بنفس الصراخ :وش ذا التناقض ؟ انا قلت لك زعلانه مني قلتي لا الحين تقولين ليش انت هنا ومدري ايش قرري انا مزعلك ولا لا
اسماء بحده:لا مو انت انا زعلانه من نفسي ومن حياتي ومن احلامي ومن كل شي ضيعته انا سبب كل شي
شدت شعرها واكملت:انا غبيه غبيه لو ما طلعت ذاك اليوم لو ما طلعت كان ما صار كل ذا كان ما صار شي
شدت شعرها اكثر وهي تردد ببكاء:انا غبيه غبيه
وقف سطام بحيره بين وعدين احدهما لن يحزنها والاخر لن يلمسها لكن حالتها مزريه اكثر اقترب منها وامسك يديها بينما هي لا تزال تبكي
سطام بهدوء :خلاص
اسماء بصراخ:ابعد
سطام بحده :اسماء طالعي فيني
نظرت لعينيه والدموع تملأ عينيها تلك الدموع تشوش رؤيتي أراك بصوره من فقدته
والدها :اسماء خلاص يا بابا انا هنا
احتضنته وغرزت اظافرها في ظهره وهي تبكي
تجمد سطام مكانه لأول مره تقترب منه أنثى بهذه الدرجه لا يعرف فن مواساه الاناث لكنه حاوط جسمها الرقيق بيديه
اسماء التي لا يزال يُخيل لها انه والدها قالت ببكاء:لا تتركني
سطام بحنيه مسح على شعرها :ما بتركك
اسماء :لا تتركني يبه
شعر سطام انها تهلوس وأراد ابعادها عنه ليتحسس حرارتها لكنها تعلقت به اكثر :يبه لا تروح
ابعد شعرها عن رقبتها وتحسس حرارتها :اسماء تراك مسخنه
اسماء :لا تتركني
ابعدها عنه بقوه :لازم ترتاحين
اسماء :يبه
سطام وضعها بالفراش :يا بابا ارتاحي ولله ما اتركك بس ارتاحي هنا بجيب العلاج
كان سيقوم لولا انها امسكت يده :بترجع صح ما بتروح زي اول
سطام :اي ما بروح بس بجيب لك علاج وارجع
غطاها باللحاف :بجي الحين
خرج وذهب الى الجازيه دق الباب ودخل:عندك بنادول ؟
الجازيه :مين يبيها ؟
سطام تنهد وهو يحك خلف رأسه :اسماء معاها حمى
الجازيه ابتسمت
سطام :شفيك
الجازيه :ولا شي
سطام :طيب اخلصي عندك ولا لا ؟
الجازيه:شوف بذاك الدرج
سطام :اي واحد
الجازيه :الي جنبك
سطام :اي هذي هي
نزل للأسفل وصب كوب الماء
ام سطام :شلونكم ؟
سطام :مين ؟
ام سطام :انت وزوجتك
سطام :بخير ،بعدين جيبوا لنا مويا بالغرفه يعني تعرفين ما تبي تطلع هي
ام سطام تنهدت:ان شاء الله
صعد للأعلى ودخل الغرفه :اسماء
جلس بالجهه الاخرى من السرير واقترب منها وكانت نائمه وضع العلاج والماء على الطاوله وتحسس حرارتها وضعت رأسها على صدره وهي مغمضه عينيها:باقي ما نمت لا تروح
سطام :طيب اذا ما نمتي خذي علاجك
لم ترد عليه
اراد ابعادها عنه لكنها تشبثت اكثر
سطام بهمس :كأنه حلقه توم وجيري حقت البطه قاعده تصير عالواقع ،اسماء انا مو ابوك انا...
تردد كثيرًا لكنه قالها :انا زوجك
استلسم للأمر الواقع واغلق عينيه وهي نائمه بحضنه
دقت الباب ودخلت
فتح عينيه ونظر وإذ بأمه مبتسمه
حاول النهوض لكنها همست من عند الباب وهي تشير بيدها :خلك خلك
سطام بهمس :لا يمه ...
خرجت واغلقت الباب وهي مبتسمه :الحمدلله يارب
وجدان :اسماء صاحيه كنت ابيها تطلع معانا
ام سطام بأبتسامه :نايمه واي نوم
وجدان :وي البنت كانت تبكي يمكن ماتت حسوا نبضها
ام سطام بهمس:لا يا بقره نايمه بحضن اخوك
وجدان شهقت بدون صوت :منجد؟
ام سطام :شكلهم تفاهموا ومافيه طلاق
وجدان :تحزن ما سوت عرس ولا تزوجت زي الناس
ام سطام :ان كان تبغى نسوي لها عرس اربعين ليله اهم شي ما يتطلقون
وجدان :مو انتي الي شرتي على امها يقعدون بس ثلاث شهور ويطلقها ؟
ام سطام مبتسمه :الا انا بس فكرت فيها قلت مع العشره ثلاث شهور بيحبون بعض ويتفاهمون وبعد ثلاث شهور نقول له طلقها يقول مقدر
ضحكت بصوت خافت واكملت:لكن شكله يوم واحد يكفي
وجدان ابتسمت :وانا اقول من وين جايبه ذكائي طلع منك
ام سطام :اي طبعًا مو بس ابوك ذكي انا اذكى منه لو كملت دراسه كان الحين انا استاذه
وجدان :اي ولله يمه لو كملتي
ام سطام:على طاري الاستاذات وش صار لريم ؟
وجدان :بكره بتطلع الاسماء ادعي انهم يقبلونها
ام سطام :الله يوفقها ان شاء الله
...
نايف :عندي طلبيه بتروح تستلمها لي؟
وافي :مشغول انا
نايف :وشو شغلك
وافي :التفكير
نايف ابتسم :يا ترى وش بتلبس بالعرس كيف شكلها متى بقرر واتزوجها
وافي :لا مو هي كذا افكر بشكل عام
نايف :ليش ما تفكر فيها تهاوشم ؟
وافي :لا اصلًا ما بيننا شي كله تمثيل على ريوف والهنوف
نايف :صدق؟
وافي :اي
تنهد وافي :نايف بقول لك شي
نايف جلس :وشو ؟
وافي :لو خبيت عليك شي فتره طويله بتزعل ؟
نايف :وش مخبي؟
وافي :انا مسوي شي بس عطني وقت اتجهز اقول لك
نايف :مارح ازعل يعني لو كان شي ما يزعل مارح ازعل
وافي :لو كان شي غلط؟
نايف ابتسم :نصلحه سوا
وافي تصنع الابتسامه
نايف وضع يده على كتف وافي:مهما سويت من اغلاط تراك اخوي والاخوان لبعض
وافي ربت على يد نايف بصمت
نايف :وش رايك تجيب الطلبيه ؟
وافي ضحك :لحول
نايف :ياخي انا مشغول العريس الغبي ذا ناشب لي يبيني اساعده وانزل الاثاث ببيتهم قلت له طيب واخوها قال اخوها مشغول مع زوجته
وافي:تركي؟
نايف :اي تركي الحمار من غيره
وافي :لا يكون حتى الي بياخذون بنات عمك بتعاديهم
نايف بسخريه:ولله شكله كذا
وافي بسخريه :اذا على كذا حتى انا بتعاديني
نايف :شكلك انت حمار اكثر من تركي بتتزوجها وتقول عشان التمثيل بس مارح تستوعب انك تحبها الا يوم تجي بتموت
وافي :انا محتار يا نايف احس روحي انقسمت نصين نص معاها ونص مع ذيك الي تراسلني
نايف :يمكن هي نفس الشخص يمكن كلهم ملاك ؟
وافي :لا مو هي الي تراسلني شخصيتها غير اقرب لشخصيه سحاب
نايف :لحولل يا وافي طيب انا عندي لك حل ما فكرت فيه تعرفها بدون ما تعلمها تروح تلحق الحمامه لين توصل بيتها واعرف اهل البيت ذاك وخلاص تكتم على الموضوع لين تقررون انت وياها
وافي :اصلًا هي ما ردت على اعترافي اخاف ترد وانا مو موجود
نايف :واذا كانت ملاك مارح ترد
وافي :ابي طريقه اسرع اتأكد
نايف :طريقه اسرع ،قلت السلسال ذاك المنحوس الي ما قد جلس برقبتها شهر كامل هو معاك رح حطه بمكان طارف يعني واضح لملاك وحط جنبه اغراضك يعني محفظتك وكذا وحتى لو تطلع هويتك افضل وهي تجي تشوفه اذا سألتك يعني هي واذا ما سألت يعني مو هي
وافي :ماكأنك تعرف ملاك مارح تقول ولله انا راعيه ذا السلسال هي ما تبيني تهرب مني لو عرفت اني انا الي ارسلها بتقطع المراسله لأني وافي
نايف :طيب لو انت عرفت انها هي ؟
وافي تنهد:وقتها بترجع روحي الي انقسمت روح وحده
نايف بدأ بالغناء:وقتها بتقول واليوم يمكن تقولي يا نفسي انك سعيده تشهد على صدق قولي نبضات قلبي الجديده
وافي :دقات
نايف :احس نبضات احلى
وافي :تسعه وعشرين عام ضاعت وسط الزحام
نايف :ايي قرب ميلادك بتصير تسعه وعشرين
وافي :مرت السنين بسرعه
نايف :تعرف احس الاغنيه الي انت تحبها من طفولتك هي جسدت حياتك لك ٢٩ عام ضايع ويجسدك بارت تسعه وعشرين عام ضاعت وسط الزحام بعدها جتك ملاك وتتجسد ببارت وانا في درب الهلاك ظهرت لي يا ملاك بعدها واليوم يمكن تقولي يا نفسي انك سعيده تشهد على صدق قولي نبضات قلبي الجديده وهذا ان شاء الله اذا تزوجت ملاك
وافي تنهد وهو مبتسم :الله يرحم طلال المداح بس غنى حياتي قبل اعرفها
...
ملاك :صارحه من كثر التفكك الي صار معد صدقت اننا بنتجمع مره ثانيه اشتقت لكم حييل الا ذولي الثنتين
الجازيه ضحكت :حرام عليك
ريوف :هين يا سلفتي المستقبليه انا اوريك كنت بسمي بنتي عليك بس خلاص
ملاك بسخريه:احسن بعدين لازم اهتم فيها واجيب لها هدايا ليش ؟ لأنها سميتي وانا ما اخترت انها تصير سميتي
الهنوف تنهدت بأبتسامه:اهم شي تتزوجون اخواني انتم بعدها الي يصير يصير عادي
ريم :اخخ يا بنات ادعوا لي اتوظف طفشت من البيت
غاليه :يارب تصيرين تيتشر وتدرسين العنود ان شاء الله وغزل
الهنوف :غزل؟
ديم :اي تبي تسمي بنتها غزل
الهنوف :حرام عليكم تعرفون كل شي وانا معرفه ترا تزوجت مو يعني انعزلت عن العالم تقدرون تتصلون وتقولون لي كل شي
ريوف تنظر لديم بطرف عين :اوهو يالهنوف احنا مو معبرينا بشي هذي الي جنبك صارت بينها وبين يوسف اشياء قبل الخطوبه وعلمت مين قولك ؟
الهنوف :ريم ؟
ريوف :علمت وجدان وجدان عليها خيانتين خيانه تركي ما علمتنا شي والحين خيانه ديم
ديم :وانتي عليك خيانه نايف ما علمتينا انا وريم شي كل الناس دروا الا احنا
ريوف :من الاخر انتم بقرات لو تركزون بتعرفون اني احبه
الهنوف :اخخ بس حق من ينتف شعوركم مع سحاب
ريوف :لا سحاب معامله خاصه خليها على ربك بس
الجازيه :اختها تحزن يا بنات جتها حمى من الزعل
وجدان مبتسمه :بس من الحمى نامت بحضن سطام يارب يحبون بعض ويعوضها عن اخوها الخايس
ريوف :الهنوف تسمعين ؟
الهنوف :اي سمعت بأذاني الاربع وجدان تدعي ان اثنين يتزوجون
ريوف :هم متزوجين اصلًا
الجازيه :صراحه معاها حق سطام هجد معاها صدق فيه مثل زوجوه يعقل
غاليه :ياروحي هم احس كأنهم عصافير حبسوهم بنفس القفص بالغصب
ملاك :احس كلهم على نياتهم
ريوف :اي ولله اسماء كنت احسبها تس تس زي اختها وحتى يا بنات لحد يزعل مني قلت نظريه لنايف
ملاك ابتسمت من كلمه نظريه التي تذكرها بوافي
الهنوف :وش؟
ريوف :نظريتي كانت انها هي تعرف بوجود اخوها وطلعت وقابلت لسطام عشان يطلع اخوها ويتهمها ويزوجها وتهج من الديره بس يوم قلتم جتها حمى ورفضت تخرج معانا تراجعت عن نظريتي
ملاك :حرام عليك ريوف تراهم طيبين هي واختها
ريوف والهنوف بوقت واحد :مو طيبين
الجازيه مبتسمه :احزروا مين بيجي
ديم :غيداء وزينب
ريوف :وع
الجازيه :لا صديقاتي الجدد هديل ولجين كلمتهم وبيجون الحين
ريوف :الله ابي اتعرف على لجين احسها نفسي
الجازيه :ترا قلت لها انك تشبينها وكلمتهم عنكم واجد لا تعرفون عن انفسكم ابي اشوف هم بيتوقعونكم مين
غاليه :انا بيعرفوني من كرشتي
الجازيه :غطيها بأي شي ابي ادوخهم
وجدان :المشكله الكوفي ذا مكانه غريب بيعرفون كيف يجون ؟
الجازيه :بطلع لهم انا
وجدان بنظرات تفهم معناها الجازيه :متأكده ؟
الجازيه بلعت ريقها :اي
ريوف :هنوف تشوفين قد ايش صرنا منبوذين
الهنوف بتفاعل :حبيبتي وجدان ترا نظرتك واضحه فيه شي لا تعطبينها قبل ما تتزوجين عشان ما اعطب اصابعك وما تبصمين بأي واحد يعني زواج من تركي مافيه
ريوف :صح انتم تحسبون ما نشوف وش تحت الطاوله ولا نسمع لكن عندنا اربع عيون واربع اذاني اثنين تحت واثنين فوق وعشان ما تتعبون نفسكم حبايبي لأنه كل شي مكشوف اطرحوا كل شي فوق الطاوله اسهل لنا ولكم
ديم نظرت لهاتفها وإذ برساله من يوسف:كيف الاختبار ؟
ابتسمت وردت عليه :تمام مره على حظي الي راجعته اكثر شي هو الي جا
يوسف :يعني ضامنه فل مارك ؟
ديم :ان شاء الله
يوسف:طيب الحين وش تسوين
ديم :ولا شي طالعه مع البنات نغير جو قبل العرس
يوسف :متى العرس ؟
ديم :الملكه بعد يومين والعرس بعدها ثلاث ايام
يوسف :حبيبتي الصباح وانتي تقولين مستعجل الحين قد قررتي ؟
ديم ابتسمت وارسلت :لا قصدي عرس بنت عمي
يوسف :طيب واحنا ؟
ديم :للحين ما فكرت
يوسف :لازم تفكرين
ديم :نفس ما اتفقنا اذا علمت اهلك ورضوا انا بفكر وكل ما استعجلت تعلمهم كل ما صدر قراري ابكر
يوسف :علمتهم اليوم
ديم :كيف ؟
يوسف :دقت علي اختي منى قالت لي الحق ترى امي بتكلم اهل اثير عشان تخطبها لك وانا كلمتك عشان تعطيها كلمتك قبل ما تقرر هي عنك انا خفت وقلت لها انا خطبت وحده وانا ابيها طبعًا ما يحتاج اوصف لك رده فعلها صرخت ونادت امي وكلمتها
ديم :طيب كيف؟ رضوا ؟
يوسف :اول ما قلت لها ديم بنت ابو خالد فرحت وجلست تدعي لنا وقالت انه افضل قرار وهي شافتك بعرس غازي بس قالت يمكن ما ترضين عشان فرق العمر
ديم ابتسمت وارسلت :يعني حماتي تحبني من قبلك
يوسف :شعور الامهات اصدق شي
ديم :منى ترسل لي
يوسف :عندك رقمها ؟
ديم :اي من عرس الهنوف تعرفت عليها واخذت رقمها
يوسف :يعني شوفي كيف الاقدار دارت فينا وربطتنا امي فكرت فيك واختي تعرفت عليك واخوي تزوج بنت عمك واهم شي انتي طالبتي من سنتين
ديم :ونسيت تفصيل
يوسف :وشو ؟
ديم :من طول السنتين ذيك حفظت كلامك تختم الدرس كذا :هذا كل ما لدينا اليوم هل من اسئله
يوسف :لازم اتميز بأسلوبي
ريوف من خلف ديم :لازم يا ديم يتميز لازم
ديم التفتت لها :وجع التجسس حرام
الهنوف :ردي ردي قولي له وانا وش الشي الي لاحظته فيني خلال السنتين الي راحوا
ديم :ياربي مافيه خصوصيه وش رايكم اجيب لكم بروجيكتر واشبك المحادثه تتفرجون فيها ؟
ريوف :ولله ياريت لأن شاشه اللقافه دوختني بالغصب اشوف
ديم :من اسمها لقافه عشان الملاقيف الي زيك
الهنوف :احنا قلنا من اول اسدحوا كل شي على الطاوله عشان ما نطلع لكم من تحت الطاوله وتزعلون
ريوف :الحين صدق خطبك واهله ما يدرون
ملاك شهقت :اهله ما يدرون
وجدان :لو طلعت امه زي ام عبدالمحسن يا ويلك يا ديم
الهنوف :لا معليك انا اعرفها امهم واصلًا هي مو امه امه الي توفت
ريوف :مين عبدالمحسن وايش سالفه امه الهنوف اكتبي بملف التحقيق المؤجل ام عبدالمحسن
ديم :صدق هو الي امه توفت ؟ يا حبيبي هو
ريوف :اي ولله يا حبيبك هو تزوجيه بسرعه وعوضيه
الهنوف :صح ام غازي ربتهم بس محد يعوض مكان الام لكن الزوجه مكانها غير تقفل فراغ كبير بحياتهم
ديم بدأت تدمع :اف بنات بتخربون ايلاينري الي حاطته من الصباح ببكي ليش محد علمني
الهنوف :لأنك ما علمتينا وش صار ولا كان عطيتك سيره ذاتيه عنه كان حتى طلعت لك عشاه وغداه كل يوم
ديم قامت :مقدر بنات بروح ابكي
ريم :يا حياتي ديم مره حساسه
ملاك :يمكن قالت له شي عن امه عشان كذا زعلت
وجدان :لا ما قالت شي
الهنوف :وجدان ترا حقدي عليك ماله حدود ليش تخبين علينا واحنا بيننا عشره مدري كم سنه
وجدان :لأن تصرفاتكم غبيه شوفوا انا حبي مع تركي ما تدخلتوا فيه بنتزوج وحب ديم بعد صارت مخطوبه بس حب ريوف وملاك ما نجح ملاك انصحك استقلي عنهم ولا تعلمينهم شي خلي كل شي يجي عفوي
الهنوف ضحكت :ما تدري انه احنا ما سوينا شي بس هو وقف عندها الساعه وحده الليل وقال انا احبك واكثر من احبك
ريوف :صح وهي بجو ممطر وشاعري قالت له قررت ابدأ صباحاتي بحبك احنا بس راقبنا
ملاك بدأت تهفهف عبايتها وكأنها تشعر بحراره
ريوف :ياروحي هي شوفي جاها حر من الذكرايات
الهنوف :وي وي ياربي وجهها حمر روحي غسلي وجهك وشوفي ديم اذا باقي تصيح قولي لها ام غازي عوضت يوسف عن امه والدليل انه يقول لها يمه
ملاك قامت :حسبي الله عليكم
الجازيه :خلاص بس خلوا ذي المواضيع بعدين الحين جو البنات بطلع اشوفهم
ريوف :اجلنا اجلنا لكن يوم الجمعه اجتماعنا الاسبوعي بنحقق عن كل شي ونمسكم وحده وحده من ملاك الى وجدان
ملاك :وش دخلني انا ما عندي شي
ريوف :فحص دوري نشوف كيف اوضاعكم نشوف السحاب المظلم عاده فوق روسكم ولا راح
الهنوف:تكلمينه زي ذولي ولا
ديم :تراه خطيبي
وجدان :بيصير زوجي بعد ايام
ملاك بلعت ريقها :لا
الهنوف: اجل سجلي عندك صفر خمسه
ملاك :ما ابيه
في الخارج
الجازيه :اي هذي انا قاعده أشر لكم انزلوا
لجين نزلت وحضنت الجازيه :اخخ جوج تجننين
الجازيه :اشتقت لكم
هديل :ابعدي خربتي عبايتها
الجازيه فتحت يديها بأبتسامه:تعالي هديل بحضنك لازم استقبال للكل
لجين همست :ولله يا ليت للكل
هديل حضنتها وابتعدت وهي تمسك يديها :شلونك
الجازيه :ما عليكم مني الرياض ديرتي ومتأقلمه بس انتم كيف ؟
لجين :حاولت اكون مرتبه زيكم بس ما عرفت
الجازيه :بالعكس شكلك مره حلو ،يلا تعالوا بعرفكم على بنات عمي
هديل أشرت بيدها للسياره ونزل عبد المحسن
لجين تنهدت :امي تبيه يجي معانا تحسب السعوديه زي امريكا
تنهدت الجازيه ولكن سرعان ما اخفت ذاك بأبتسامه :مارح اعرفكم على بنات عمي بالشكل المعتاد بسوي تحدي انا وصفتهم لكم وانتم تخمنون
لجين :الله جوي امشي بسرعه ابي اشوفهم
الجازيه :اصبري سيارات قاعده تمر
ابتسم عبدالمحسن من ذكرى ذلك اليوم
دخلت الكوفي :سلام عليكم
ريوف بفرح :وعليكم السلام
لجين :هذي ريوف عرفتها صح ؟
ريوف ضحكت :يمه كيف كذا صح
الجازيه :طيب هديل الي جنب ريوف
هديل :غاليه ؟
لجين :لا غاليه حامل يا حبي
هديل :هذي واضح عليها علامات الحمل
الهنوف :يمه بسم الله علي
لجين :هذي الهنوف
هديل :انا بختار وحده اتوقعها هذيك الي جالسه بالنص ملاك ؟
ملاك ابتسمت :صح
لجين :وهذي الحلوه المحاميه وجدان يعني اختك
هديل :ايو ولله مره شبه
الجازيه :باقي ثلاث
هديل :لحظه ذي الي تغطي بطنها بالشنطه غاليه صح ؟
غاليه ابتسمت :لازم نسوي لكم تمويه
الجازيه :باقي الخوات ديم وريم
لجين :ذولي مو بس اسمائهم تتشابه حتى وجيههم ماشاء الله ذي ديم وذي ريم
الجازيه :لا العكس
ريوف بهمس:الهنوف تشوفين ذا الي جا معاهم قاعد يطالع بالجازيه
الهنوف :لاحظته من اول ما دخل شكله هو عبدالمحسن
ريوف :اذا هو لازم نزوجه الجازيه
ملاك :يلا اجلسوا حياكم
ريوف :لجين تعالي جنبي لازم نسولف
لجين جلست :شلونك ؟
ريوف :خليك مني منو ذاك الي جا معاكم
لجين عبست :محجوز حبيبتي لبنت عمك
ريوف :وش ابي فيه انا ما ابيه لي ابيه لها هي وش اسمه
لجين ابتسمت وهي تنظر اليه:عبدالمحسن
ريوف وهي تنظر اليه:انتي تعرفين اخوك قد شفتيه يطالع بأحد بذي النظرات ؟
لجين :من يوم جت الجازيه وهو كذا يطالع فيها
التفتوا لبعض بنفس الوقت :يعني الحب
لجين ضحكت :يوم قالوا انك تشبهيني ما توقعت لذي الدرجه
ريوف :لحظه بس
التفتت للهنوف وقالت :بيق بوس تسمحين لي ادخل عضو جديد بهيئه التشبيك ومتأكده انه بيكون عضو فعال
الهنوف :واثقه بأختياراتك
التفتت للجين :لجين مدري شسم ابوك تقبلين ...
لجين :لجين عيسى
ريوف :لجين عيسى تقبلين تنضمين لهيئه التشبيك المكونه مني ومن الهنوف وهي هيئه سمحه تحرص على التوفيق بين المتحابين وبالحلال
لجين :شرف كبير لي موافقه
ريوف :اعرف انك مارح تخيبين ظني
لجين حضنتها وابتعدت :الحين عطيني رقمك
ريوف :اي سجليه عندك بنسوي قروب نتناقش فيه لأنه فيه انقلابات قاعده تصير ضدنا
لجين :انقلابات كيف؟
ريوف :بشرح لك من البدايه وجدان كانت انسانه غبيه عايشه بدون حب ومره قابلت تركي وحبته
لجين :اي اعرفها قصتهم
ريوف :هي اول قصه حب ما نتدخل فيها
لجين شهقت :خاينه
ريوف :يا روحي انتي ما تعرفين خياناتها بعدين جت اختي ديم الي مدري ليش للحين اسميها اختي وحبت دكتورها بالجامعه وما دريت الا يوم خطبها ومين كان يدري
لجين :وجدان ؟
ريوف :هي بشحمها ولحمها
لجين نظرت لوجدان بحده :واضح انها اكبر كارهه للهيئه
ريوف تنظر لوجدان بنفس النظره :كم من مره حطمتنا واحنا نشتغل بس ما سمعنا لتحطيمها وراحت تسوي اشياء من ورانا لكن كل شي انفضح
وجدان نظرت لهم :انتم الثنتين وش فيكم تناظرون كذا
لجين :ولا شي
ريوف اخرجت الهاتف :تخيلي كان كل شي نعرفه بس وجدان سوت اشياء من ورانا وفتحنا ملف تحقيق اسمه ملف التحقيق المؤجل أجلناه لين يوم الجمعه لأننا نتقابل ببيت عمي متعب بنمسكهم وحده وحده ونحقق معاهم
لجين :عاد لا وصيكم بوجدان طلعوا كل الي ببطنها
ريوف :بنطلع بنطلع وانتي بتحضرين التحقيق بس عن بعد بدق عليك واخبي الجوال وانتي اسمعي
لجين :شوفي عبدالمحسن المسكين كيف يطالع فيها
ريوف :احكي لي كل شي عنهم
لجين :ما الاحظ شي كثير بس واضح الحركه تصير اخر الليل
ريوف :عادي احكي لي الي لاحظتيه بعدين بنعرف اخر الليل
لجين :مره راح جابها من الجامعه ونزل فيها السوبر ماركت عشان تاخذ الاشياء الي نفسها فيها وكذب قال امي تبي اغراض تخيلي المسكينه فيه عينات تشوكلت للتجربه صف كامل راحت جربتها كله ويوم خلصت اكتشفت ان فيها كحول صارت شبه سكرانه
ريوف :اخخ يالرومنسيه بعدين معد عرفت تمشي وشالها عبدالمحسن ؟
لجين :يا ليت بس راحت بغت ترمي نفسها بالشارع عشان عبدالمحسن بدمه الخفيف قال لها انتي صرتي سكرانه زعلت وطلعت بغت تنط قدام السيارات ومسكها من يدها وسحبها كذا مشهد مع الغروب اخخ يالرومنسيه صدق
ريوف :لو انه حلال كان تميت انه باسها
لجين :نفس الي قلته على الاقل يرجع لها صوابها
ريوف ضحكت :صدق
لجين :اي حكيني عن بنات عمك مين يحبون ؟
ريوف :نبدا فيني احب ولد عمي اسمه نايف وهو يحبني بس بنتزوج بعد خمس سنوات اذا خلصت الجامعه
لجين :اي قصتكم قالتها الجازيه تقول الكل يعرف فيكم بس يسوي نفسه ما يعرف
ريوف ضحكت :بالضبط بعدها نجي لسلفتي المستقبليه ملاك تحب وافي اخو نايف وهو يحبها بس حبهم معقد مدري كيف بعدها نجي للهنوف غازي كان يحبها وهي ما تدري وتزوجته وصارت تحبه بعدها غاليه من يوم خلقني ربي وانا اعرف انها هي وخالد يحبون بعض والحمدلله تزوجوا وصار عندهم بنت والحين حامل بالثانيه اسمها غزل وبعدها ديم الي حبت دكتورها والحين مخطوبين تخيلي من زود الحب ما تحمل يعلم اهله جا خطبها على طول وفيه وحده كريهه معاها بالجامعه اسمها اثير شكلها ناشبه لهم ذكريني افتح موضوعها بالتحقيق وبعدين وجدان بتتزوج تركي عساه يهج فيها ونرتاح وبعدين وبعدين وبعدين الجازيه واخوك بس ذولي ريم شكلها ماتبي تتزوج
لجين :اي صح نسيت اقول لك شي امي ناشبه لعبدالمحسن تبي تزوجه من بنات خالي وهو ما يبيهم يبي الجازيه حتى يقول مستعد انقل كل حياتي للرياض عشانها وهو تخيلي ما يحب الرياض ابد
ريوف :اهاا يعني ذي سالفه ام عبدالمحسن لازم اقفل ملفها
لجين :فتحتوا ملف على امي؟
ريوف :اي معليش
لجين :لا عادي احنا بالشغل شغل وبالبيت اهل
ريوف حضنتها :كنت متأكده انك قد المسؤوليه
الهنوف :ديم وين الحمامات ؟
ديم :بذيك الجهه
دخلت الحمام واستفرغت ثم تذكرت كلام هديل (واضح عليها علامات الحمل ) :لالا مستحيل مستحيل وش اكلت اليوم اي بيض يمكن البيض معفن اثر على بطني
امسكت على بطنها وهي تقول :بس يمكن صدق كم باقي على الدوره
اخرجت هاتفها ونظرت للجدول وشهقت :المفروض قبل اسبوع ياربي وش اسوي الحين تونا لنا ثلاث شهور ،لحظه يمكن عشان حبوب منع الحمل تلخبطت اي صح صح مافيني شي بس اكلت بيض خربان واستفرغت والدوره تأخرت عشان الحبوب
رن هاتفها :الو
غازي :وينك؟
الهنوف :بالحمام
غازي :كيف؟
الهنوف :قصدي بالكوفي قاعده بحمام الكوفي
غازي :طيب
الهنوف :وش بغيت ؟
غازي :اذا يمديك نتعشى سوا اليوم ؟
الهنوف :ولله ودي يا حبيبي لكن الحين بنصلي المغرب ونكمل تسوق وتعرف المغرب قليل وقته مره تونا ندخل السوق الا اذن العشا يعني بتعشى مع البنات بس اوعدك بكره
غازي :بكره
الهنوف :اي بكره
غازي :لا تقولين نسيت اصلي المغرب اجي القاك جاهزه
الهنوف :ان شاء الله
غازي:استمتعي
الهنوف ابتسمت :وانت شتسوي الحين
غازي :ولا شي قاعد مع العريس الجديد اعطيه نصايح
الهنوف :سطام؟
غازي :لا تركي سطام يعتبر سجين مو عريس
الهنوف :نصايح ايش لا تكون اشياء قليله ادب
غازي :لا نصايح وين يوديها ويتمشون كذا
الهنوف :بيروحون باريس؟
غازي :لا بيروحون اسبانيا بيسوي لها مفاجأه يا ويلك تعلمينها
الهنوف :وش تعرف عن اسبانيا انت مع مين رحت ؟
غازي :انا ووحده
الهنوف :مين؟
غازي :الاتصال انقطع
الهنوف :غازي مين ؟
غازي :اسمها د...
الهنوف :ايش؟
غازي :الله الهنوف ما تسمعين اقول لك اسمها ...
الهنوف :غازي ولله يا ويلك اذا كنت صادق ويا ويلك اذا كنت تمزح نفسيتي بالحضيض
غازي :مين مزعل الحلو ؟
الهنوف :الدوره ما جتني للحين
غازي :اخذتي الحبوب كل الايام الي راحت؟
الهنوف بلعت ريقها :اي كلها
غازي :منها هي تخرب الهرمونات
الهنوف :وش دراك؟
غازي :قريت النشره الي عليها انتي ترمينها بالزباله ولا تقرين
الهنوف :احس مالها داعي
غازي :لازم تقرينها عشان تعرفين كيف تستخدمين العلاجات
الهنوف :ما يحتاج انت تقراها عني صح ؟
غازي تنهد :اقراها اقراها وانتي لو عليك خليتيني انا اكل العلاجات بدالك
الهنوف مبتسمه:لأني احبك
غازي :مدري وش الرابط بس انا احبك اكثر
الهنوف :بالعكس انت حبك قديم بس مو اكثر من حبي احس اني احبك اكثر
غازي :انا حبي قديم وكل ماله يكبر
الهنوف غنت :مين الي يحب فينا مين ومين الي دايم يشتاق
غازي :انا احبك احبك لين تضيق بحبي الافاق
الهنوف مبتسمه :يلا حبيبي انا بقفل بروح ادور فستان يا رب القى
غازي :للحين ما لقيتي؟
الهنوف :ما لقيت للأسف ولا شي يلوق علي
غازي :الا الفستان الابيض
الهنوف ضحكت :خلاص انا ليلتي راحت وكنت فيها متألقه وانيقه الحين المفروض ما البس شي يخطف الانظار عن العروس لأنها ليلتها
غازي :اول فستان تحطين عينك عليه لو تلبسينه بتطلعين حلوه على قول نايف القالب غالب
الهنوف :يلا مع السلامه احبك وانتبه لنفسك
غازي:مع السلامه
غازي تنهد :الله يرحم القلب راح مع بنت متعب
تركي دخل :انا مدري وش اكلوا ذولي الاخوان عشان يجيبون نسل بذا الزين
غازي :صب لي كاس بس قلت لها نتعشى سوا قالت مشغوله للحين بدون فستان
تركي :وانا لي اسبوع اقول لها اوصفي لي الفستان ما ابي يغمى علي اذا شفتك تقول سبرايز
غازي :لنا الله بس
تركي :انا اخاف اتزوج واصير مثلك طول وقتها مع بنات عمها وانا متجاهلتني
غازي ضحك:وتقول لي احبك طيب لا تحرميني منك يا بنت الحلال
تركي بادله الضحك :لو يدرون عيال عمهم عن ذا الحوار كان جلدونا
غازي :ولله مشكلتهم يزوجونا خواتهم
تركي :الحمدلله انهم زوجونا ولا كان انصرعت هنا
غازي :شكلك ما جربت انهم يزوجونك وبعد فتره يقولون خذ اجازه منها وارجع عزابي
تركي :عساهم يارب ينقلوني لأقصى بقاع الارض اخذ زوجتي واهرب
غازي :بأحلامك حبيبي بيطلعون لك شروط من تحت الارض
تركي :ياخي خلاص اهم شي اتزوجها وراضي بأي شي لو تموت استغفر الله
...
ابو سطام :شلون كذا ١٢٪؜ مو امس كان ١٠٪؜؟
ابو عبدالمحسن :مدري عنهم انا اشرفت عليهم بنفسي بس النسبه بأزدياد
ابو سطام :الولد انا مراقبه امس اليوم كله معاه ما سوى شي
ابو عبدالمحسن :مفبركينها ؟
ابو سطام :كيف يقدرون يسوونها
ابو عبدالمحسن :دام هم يلعبون من تحت الطاوله بقلب الطاوله عليهم
ابو سطام :وش خطتك ؟
ابو عبدالمحسن :بخليهم ياخذون من دمي ويروحون يسوونه بالتحليل بأسم وافي
ابو سطام بسخريه :خطه ذكيه بس انتبه لا يهبط ضغطك من سحب الدم
ابو عبدالمحسن ضحك :انا ؟ وش يقول المثل ؟ كلن يرى الناس بعين طبعه
ابو سطام بضحك :يا شيخ انت الشيب مالي راسك تقول بعده ما جاني ضغط
ابو عبدالمحسن :صبغه جديده وش عرفك بموضات الشباب يالشايب
ابو سطام :وين الشيب راسي كله اسود ولحيتي بعد
ابو عبدالمحسن :رمشك شيب
ابو سطام :لا كذا اثبت انك شباب بعدك ما جاك ضعف نظر
ابو عبدالمحسن :ناد اي واحد من الممرضين الموثوقين
ابو سطام :انت روح لهم مالي خلق اقوم
ابو عبدالمحسن :وانت اثبت انك شايب على كسلك ذا
ابو سطام قال وهو يقوم :اعوذ بالله من الكسل والجنون
ابو عبدالمحسن :تراها واضحه لا تسوي كلام مبطن
ابو سطام ضحك :امش بس امش
ابو عبدالمحسن :ماني اصغر عيالك
ابو سطام :اي ادري اصغر عيالي عرسها ذا الاسبوع وانت لازم تحضر
ابو عبدالمحسن :ولله بفكر
ابو سطام :ترا ما قلت لك بتزوجك قلت بتحضر القاك اول الحضور ولا انساني
ابو عبدالمحسن :قبلت الدعوه من بنتك
ابو سطام :بنتي؟
ابو عبدالمحسن بأبتسامه :الجازيه دعتني واحنا بأمريكا
ابو سطام :بناتي هم بناتي مايجون بنات احد غيري تسمع ؟
ابو عبدالمحسن :بنتي الجازيه
ابو سطام :بنتي هديل
ابو عبدالمحسن :ولله ياجابر
ابو سطام :وحده بوحده والبادي اظلم
...
فتحت عينيها بصعوبه جميع عظامها تؤلمها ورأسها يدور ،تشعر بحركه انفاسه تحت رأسها ولم تستوعب شيئًا بعد رفعت رأسها ونظرت بأستغراب ثم شهقت وهي تجلس :وش صار
نظرت لوجهه وهي تحاول تذكر ما حدث شهقت مره اخرى وهي تتحسس ملابسها :الحمدلله
فتح عينيه وإذ بها جالسه :كيفك ؟
اسماء بذعر:وش سوينا ؟
سطام :ما سوينا شي
اسماء :ووش وصلنا لذي الحاله ليش أنا ...
اكملت بهدوء :بحضنك
سطام :انتي جيتي بنفسك وعيتي تتركيني
اسماء :كذاب انا ما اسوي كذا
سطام :وانا ما قلت انه برغبتك كنتي مسخنه وتهلوسين
اسماء بلعت ريقها :وش قلت ؟
سطام :ذكرى ما اظن انك بتتمنين تذكرينها
اسماء :ما اخاف من الماضي قد خوفي من بكره واليوم وش قلت ؟
سطام :كنتي تتكلمين عن ابوك الله يرحمه وكل شوي ترمين نفسك بحضني تحسبيني هو
اسماء بهدوء :الله يرحمه
سطام :قربي
اسماء :وش تبي؟
سطام :بحس حرارتك
اسماء وضعت يدها على جبهتها :انا احسها
سطام ابتسم ولأول مره ترى ابتسامته :لأن جسمك كله بنفس الحراره بتحسينها حراره طبيعيه انا بحسها عادي اعتبريني دكتور
بلعت ريقها واقتربت منه وهو وضع يده على جبهتها ثم أنزلها لخدها :مو خلاص ؟
انزل يده لرقبتها وهو ينظر بوجهها :لازم ذي الثلاث اماكن
اسماءبتوتر :ليش؟
سطام :مدري امي هي تقول
قام من الفراش :الحراره خفت لكن واضح جسمك معرق تحسين اعراض ثانيه ؟
اسماء :لا ما احس شي بروح اتروش ويخف كل شي
اسماء وقفت ومشت خطوتين واحست بدوار كادت ان تسقط الا انه مد لها يده وتسندت عليها :متأكده ؟
اسماء وهي تمسك رأسها باليد الثانيه :بس دوخه خفيفه
سطام :اجلسي هنا وبروح اشوف لك اكل ما اكلتي من الصباح
اسماء بضيق :تراني مو حيوانك الاليف عشان تهتم فيني كذا
سطام بملل اراد اسكاتها :اي انتي زوجتي
اسماء بلعت ريقها بتوتر
ذهب الى الدولاب ونزع تيشرته
اسماء:اقل شي ادخل الحمام مو كذا قدامي
سطام :مستعجل بغير ما بنزل بذي عليها ريحتك ماني فاضي لأتهاماتهم الباطله
اسماء :انا اتهمك معاهم
سطام بسخريه :طالعي بنفسك كيف جسمك الفاتن الي ما بقدر اصبر عنه سليم مابه شي
توترت اسماء من وصفه واخذت الخداديه التي على الكنبه وغطت بها جسمها
سطام وهو خارج :من البدايه قلت لك مالي طمع فيك تطمني
نزل للأسفل :وش عشاكم؟
ام سطام ابتسمت :مساء الخير كيف نومك؟
سطام :ظهري انكسر بس الحسنه الوحيده ما جيتم تصحوني
ام سطام :وزوجتك نايمه باقي ؟
سطام :لا صحيت
ام سطام :اجل اطلعوا انت وياها روحوا السوق خلها تشتري لها شي الملكه بعد بكره
سطام وهو يقضم من التفاحه :بترفض
ام سطام :اغصبها لازم تتكشخ الملكه بالبيت وما ابي احد زعلان بذاك اليوم
سطام :اشيلها يعني ولا ايش؟
ام سطام :يا ليت
سطام :انا وش سويت يمه مسؤوليه وربي مسؤوليه الحين مدري وش اعشيها والغدا مدري تتغدا معاكم ولا لا
ام سطام :طاوعني اطلع فيها السوق وتعشوا انت وياها برا
سطام :وعشاكم اشوفه يطبخ
ام سطام :قول لها قد تعشوا او ناموا بدون عشا اهم شي اطلع فيها
سطام :طيب انا عندي حل
ام سطام :وش ؟
سطام :انا اروح اشتري لها انا لأني ادري بها ولله ما بتطلع من ذيك الغرفه
ام سطام :ما اوثق بذوقك
سطام :بشتري لها شي ساده هو الساده يناسب كل الناس
ام سطام :اي ذا تمام ولو تجيب معاه ورد وكلمتين حلوه ولله ينجح ذا الزواج
سطام:مثل ما بني على باطل فهو باطل ما بني على الغصب ما ينجح
ام سطام :الله يهديك بس
...
دخلت تركض بفرح :ماما ماما
غاليه :كم مره قلت لك لا تركضين تطيحين
العنود :عمه ريم بتصير استاذه بتدرسني
غاليه :منجد؟
خالد دخل خلفها مبتسم :اي الحمدلله تعاقدت مع شركه وبتدرس
غاليه :اي مدرسه عساها قريبه ؟
خالد :مدرسه المتوسطه الي هنا
غاليه ضحكت :اجل مشوارك طويل يالعنود على بال ما تدرسك
خالد جلس بجانب غاليه وهو مبتسم :الحين صدق ذي السنه الجايه بتدخل روضه ؟
غاليه تنهدت بأبتسامه :مرت الايام بسرعه امس واحنا مخطوبين واليوم عندنا بنت وننتظر الثانيه
شابك يده بيدها وقال :مرت ايام حلوه والجاي ان شاء الله احلى
سحبت يده ووضعتها على بطنها وهي مبتسمه:تحسها ؟
خالد بفرح :يالله متى اشيلها بحضني
غاليه :العنود تعالي شوفي اختك تتكلم معانا
العنود اقتربت :وش تقول ؟
خالد :تقول انا احب العنود هي تحبني ولا لا ؟
العنود :ايوه انا احبها
غاليه :قولي لها انتي حطي يدك على بطني وقولي
العنود :انا احبك يا ...ايش اسمها ؟
غاليه :غ
العنود :يا غزل ...واو ماما تتحرك ولله حسيتها
خالد ضحك :دايم تحسينها ليش تفاجأتي؟
غاليه مبتسمه :الشعور يتجدد بكل مره حتى انا احس كذا
ابعد خصلاتها عن وجهها وهو يقول :مثل شعور حبي لك
العنود تقفز:وانا وانا
غاليه :انتي ايش؟
العنود :احب بابا كثير
خالد :حتى انا احبك يا عمري ،روحي العبي بالحوش شوي واذا اللمبات طافيه نادي عمك بدر يشغلها لا تلعبين بالظلام ولا تلعبين عند باب الكراج
غاليه بهمس :تخرب اللحظات الرومنسيه دايم
خالد بنفس همسها :انتي ناديتيها
غاليه :الحين راحت
خالد اقترب منها :وين كنا ؟
غاليه ابتسمت :عند شعور حبك لي
خلخل يده بشعرها وهو يقترب منها ليقبلها :لا تخطينا ذي المرحله
غاليه بألم :اووف
خالد ابتعد :شفيك؟
غاليه :تنغز فيني
ابتسمت واكملت :تتبع خطى اختها
خالد :ايه وش يقولون البنت ضره امها بناتك ما يخلون لك وقت معاي
غاليه :مدري شفيها صايره تتحرك كثير ذي الايام
خالد :لا يكون شي خطر خلينا نروح المستشفى
غاليه :لا احسه عادي
خالد :غاليه ماهو على الاحساس لازم تكشفين
غاليه :المراجعه نهايه الاسبوع ذا
خالد :اخاف عليك خلينا نروح اليوم
غاليه :بس يومين بكره مافيه شي بعده الملكه بعده اراجع انا اخاف اروح وينوموني ومعد احضر
خالد :طيب اذا نوموك يعني شي خطير خلينا نروح
غاليه :لا بعض المستشفيات يستلعنون وينومونك بدون سبب
خالد :حياتي يعني بالعقل ما نوموك وانتي بعز تعبك بينومونك الحين عشان نغزات خلينا نروح بس ويشوفون
غاليه :طيب بكره الصباح اوعدك
خالد :اكيد ؟
غاليه :اكيد
...
اسماء :وش ذا
سطام جالس على الكنبه ويديه خلف رأسه :فستان لك
اسماء :وش ابي فيه
سطام :الفستان لبس يعني تلبسينه
نظرت اسماءبأسغتراب
سطام :بعد بكره الملكه جبته لك عشان تحضرين
اسماء اعادته في الكيس :ومين قال اني بحضر
سطام :انا
اسماء :مارح احضر
سطام :تراك تعتبرين حاضره لأنك بنفس البيت بس الي عليك تتجهزين وتنزلين تورينهم حلاتك
اسماء بلعت ريقها :اصلًا انا تعبانه
سطام:يمديك تطيبين لين بعد بكره الحين روحي جربيه خليني اشوف
اسماء نظرت بصمت
سطام بتوتر :يعني عشان المقاس اذا ما جا مقاسك برجعه
اسماء :رجعه بدون ما اجربه ما ابي احضر
سطام :بتحضرين
اسماء :ما بحضر وبطفي الكهرب عشان محد يحضر وارتاح
سطام :قاعد اتعرف عليك ذا اليوم اول صفه اكتشفتها فيك انك انانيه
اسماء بضيق :اي انا انانيه وانا سبب كل شي انا سبب حياتي التعيسه اطلب الهم واروح له برجولي انا سبب موت ابوي وسبب كل شي
سطام :خافي ربك شوي وتقولين انا ربكم الاعلى
اسماء :وما اصابك من سيئه فمن نفسك انا غلطت بحق ابوي ووديته للموت
اكملت وهي تدمع :والحين ربي يعاقبني
سطام قام واصبح يدور بالغرفه :اسف يعني ما فكرت ما كان قصدي ازعلك
اسماء ابتسمت بحزن :بكل الحالتين كنت ببكي وش فرقت يعني
سطام :مو المفروض خلاص معد تبكين ؟
اسماء :لا ببكي كل الثلاث شهور وبكل دقيقه لين ارجع لأهلي
سطام :اكيد ؟
اسماء :اكيد
سطام :مابشوفك ولا مره تضحكين
اسماء :ولا مره
سطام :ولا بشوف اذا عندك غمازه او لا؟
اسماء :ما عندي ارتاح
رن هاتفه :شكل العشا جا ،الو بأخر الشارع ليه ؟ يلا على حظنا بجيك الحين
التفت اليها وقال :المندوب خربت فيه السياره بأخر الشارع
اسماء :طيب ؟
سطام :اقول لك بس
اسماء :ما يهمني
سطام :لا يكون حتى اكلك ما يهمك وبتقولين بقعد ثلاث شهور بدون اكل تبغين تموتين
اسماء :ولله يا ليت كذا اقوم يوم من الايام القى نفسي ميته
سطام ضحك بصخب:ايش؟
اسماء بغضب :وش يضحك ؟
سطام :تفكيرك الطفولي يضحك كيف تقومين تلقين نفسك ميته
اسماء قامت :وانتوا بقيتوا فيني عقل
سطام :وين ؟
اسماء :الحمام حتى الحمام بتغصبني ما اروحه ؟
سطام :روحي بس اذا جبت الاكل بتطلعين وتاكلين
اسماء :طيب جيبه وش تنتظر
سطام :بطول شوي يمكن عشر دقايق لأن نهايه الشارع بعيده
اسماء وهي تغلق باب الحمام:عادي
ما إن سمعت الباب اُغلق حتى خرجت ولكن هذه المره تأكدت من عدم وجودته بحثت بكل الاماكن التي يمكن ان يختبئ بها وأخيرًا اطاعت فضولها وجربت الفستان الضيق الذي يبرز مفاتنها لأول مره ترتدي دون اكمام وتشعر انها عاريه
فكت شعرها البني وهي تجرب عده تسريحات متناسيه انها ستحضر به عقد قران من احبته من غيرها :حلو بس لو انه واسع شوي
سطام من خلفها :هو موديله كذا
شهقت بخوف وغطت صدرها بيديها :بسم الله
سطام :مناسب مره بس يبي لك عليه حذيان واكسسوارات اذا تبين بوديك السوق
اسماء بتوتر :بس اجربه يعني ما بحضر
سطام :اجل انا بجيبها لك كم مقاس رجلك ؟
اسماء :مالك دخل
سطام :سبعه وثلاثين ؟
اسماء بتوتر :لا
نظر لقدمها مره اخرى :الا سبعه وثلاثين
اسماء بلعت ريقها :اي
سطام جلس :اجل يلا غيري عشان ناكل
اسماء :ما بغير قدامك
سطام :طيب ادخلي الحمام
اسماء :مثل ما انت مستعجل ما تبي تغير بالحمام انا بغير هنا اطلع برا
سطام :مالي خلق
اسماء :وانا مالي خلق ادخل الحمام
سطام :اجل غيري هناك ما بطالع فيك
اسماء اقتربت منه :بتطلع يعني بتطلع
نظر لها من الاعلى الى الاسفل تفاصيل جسمها مُتقنه ما أبدع الخالق في تصوير جسد النساء وما اضعف الرجال عندها ،ما اضعف الرجال يضيعون بخصلات شعر ويغرقون بالعيون ،وأخيرًا بعد كل ذلك العذاب يُقبرون بين الشفتين ...
اسماء بتوتر غطت صدرها بيديها :وش تطالع فيه قلت لك اطلع
تنهد سطام وهو يبعد نظره عنها وقال بهمس :اعوذ بالله من الشيطان الرجيم
قام وخرج من الغرفه وهو يحدث نفسه :وش تسوي يا سطام باقي ثلاث شهور وانت من الحين بذي الحاله
تنهد ودق الباب :خلصتي ؟
اسماء :الحين
فتحت الباب وهي تغلق أخر ازارير بجامتها:ادخل
...
ديم :ياربي بنفضح بنفضح
مرت طالبه :الدكتور يوسف بغرفته ؟
ديم بغضب :وش دراني انا ماني مديره اعماله
:طيب اسأل
ديم :تعالي تعالي هو بغرفته
:عنده احد ؟
ديم :عنده وحده بس ماهي مهمه بتخرج الحين
في الجهه الاخرى
اثير :بسألك مثل قريبتك مو طالبه ودكتور
يوسف :اسألي
اثير :يقولون ...
فتحت الباب:السلام عليكم
ديم واقفه خلفها وتأشر ليوسف بشفتيها :صرفها صرفها
يوسف :لو سمحتي زميلتك عندي وقت تخلص انتي تعالي
:معليش
اثير :اي وين كنت يقولون خطبت صحيح؟
يوسف :نعم صحيح
اثير :اسمها ديم ومن الجامعه هي ديم هذي الي نعرفها ؟
يوسف :لامو هي فيه مليون ديم غيرها واحسن منها
اثير بضيق :اشوى احسبها هي غبيه ولا تفهم بمادتك وتنام طول الوقت
يوسف تصنع الابتسامه :لا تسبين لو سمحتي احنا بمكان ارقى من هذي الالفاظ
اثير اخذت حقيبتها وقامت :انا بروح عندي محاضرات
يوسف :موفقه
اثير خرجت وأختبأت ديم خلف الفتاه الاخرى :وش تسوين
ديم :اسكتي ولا تخلينها تشوفني
:راحت
ديم :اجل انا بدخل عند الدكتور
:انا كنت بدخل
ديم :حاله عاجله وبعدين انا انتظر من قبلك روحي خذي لفه على المباني وساعدي طالبتين مستجدتين وتجين تلقينه فاضي
:هذا وانتي مو مديره اعماله
ديم :وش دخلك يلا روحي بس
:ناس غريبه ولله
ديم دخلت واغلقت الباب بالمفتاح وجلست :وش قالت ؟
يوسف :قالت بتتزوج قلت لها اي بتزوج زميلتك ديم
تأففت و وضعت رأسها على المكتب:رحت فيها
يوسف :بتروحين فيها لو عرفوا انك مقفله الباب بالمفتاح معاي بنفس الغرفه
ديم رفعت رأسها :انا قفلته ؟
يوسف بحرج:اي وحطيتي المفتاح داخل بلوزتك
ديم :كذاب
يوسف :ولله
ديم وقفت واعطته ظهرها واخرجت المفتاح بحرج
يوسف ارتدى نظارته :اي تقولين احرجتي نفسك عند خطيبك ؟
ديم بحرج :ايش؟
يوسف :نسيت اعرفك علي انا دكتورك النفسي يوسف اساعدك تتخطين عُقدك
ديم جلست :اي سويت شي يفشل مره
يوسف :مهما كان الشي الي سويتيه لازم تنسينه لأنه خطيبك وبتبدون حياه مع بعض
ديم :واذا هو ما نسى ؟
يوسف :بينسى صدقيني اعرفه
ديم تنهدت
يوسف :الحين اذا طلع صوت من اصابعي رح تكونين ناسيه وخطيبك ناسي
ديم :يلا
يوسف :واحد اثنين ثلاثه
فرقع اصابعه :ديم ؟
ديم :يوسف؟
يوسف :وش تسوين بغرفتي
ديم :انتظرك
يوسف :ليش
ديم :وش قالت لك اثير وش قلت لها
يوسف :قالت سمعت انك خطبت قلت لها نعم صحيح قالت اسمها ديم هي هذي الي نعرفها ولالا
ديم :ووش قلت ؟
يوسف :معليش يا حياتي بس قلت فيه مليون ديم غيرها واحسن منها وانا ما اقصد ذا الشي مافيه اي وحده اسمها ديم مثلك
ديم :الحمدلله اهم شي صرفتها
يوسف :مين قال لها انا مكلم منى وقايل لها لا تعلمين احد
ديم:اكيد منى ما تعتبرها اي احد
يوسف :انتي نبهي عليها انا غسلت يدي منها
ديم :معلينا ابيك تشرح لي وش مشكلتي
يوسف بأستغراب :اي مشكله
ديم :الكلمات المبطنه وذي الاشياء
يوسف :اها انتي مشكلتك مو انك ما تفهمين المعاني المبطنه مشكلتك انك برمجتي نفسك على انك اقل مني منزله خصوصًا مع سالفه التجربه وتحسبين اي كلمه اقولها عنك اقصد فيك انك ملك لي واقدر العب بك مثل ما ابي واني ما عندي اي مشاعر لك
ديم :وهو كيف؟
يوسف :نسيت الي صار ذيك الايام وبديت بدايه جديده احبك فيها واي كلمه اقولها عنك هي كلمه ايجابيه
ديم :بتحضر بكره ؟
يوسف :وين ؟
ديم :الملكه دعوك صح ؟
يوسف:دعوني بس ما بحضر
ديم :ليش؟
يوسف :ما احب المناسبات
ديم :لازم تحضر عشان يشوفك ابوي ويقول ذا راعي واجب
يوسف ابتسم :اقدر اثبت له اني راعي واجب بدون مناسبات
ديم ابتسمت :وما تدري يمكن تشوف وحده لابسه اخضر وناثره شعرها الحرير وتحبك قد الكون
يوسف :متى قلتي ؟
ديم ضحكت واردفت:بكره بعد صلاه المغرب ببيت عمي جابر
يوسف :معرفه بيت عمك جابر
ديم :برسل لك الموقع
يوسف :اتحدى تلقين احد يحبك مثلي عرفت بيوت اعمامك كلهم
ديم :باقي بيت عمي ياسر
يوسف :عرفته جيت الديره مع اهلي
ديم :منجد ليش ما تصادفنا ؟
يوسف :مدري ولله
ديم :كل الناس الي تزوجوا تصادفوا بالديره
يوسف :مو شرط احنا نتصادف بالديره احنا مختلفين والدليل بنحط العشا بزواجنا بنادول
ديم ضحكت :مو قادره اتخطى ذبه بدر من ذاك اليوم
يوسف اتكئ على يده :وانا ما قدرت اتخطى ضحكتك ذاك اليوم ولا ضحكتك الحين
احمرت وجنتيها من الخجل واخذت نفس عميق
يوسف :متى تبين العرس ؟
ديم :بعد شهر الملكه يعني بين الترمين والعرس بعدها بأيام
يوسف :اجل جهزي نفسك قبل الاختبارات عشان ما تاخذين صيفي ونطلع شهر العسل وين ما تبغين
ديم :ابي بالسعوديه
يوسف :كيف؟
ديم :ودي الف السعوديه كلها يعني مو كلها كلها اثنين مليون كيلو متر قصدي اجمل المعالم فيها
يوسف :انتي لو تبغين تلفين العالم بلف فيك بس تزوجيني
ديم :لازم تكلم ابوي
يوسف :كيف؟
ديم :مو معقوله ما تعرف اصول الزواج وعاداته الرجال هو الي يحدد الوقت ويكلم ابو البنت وابو البنت يستشير البنت واذا وافقت يجيب المهر ويقولون له الشروط مبدئيًا وتبدا تجهز وبعدين يتزوجون
يوسف :كم مهرك ؟
ديم :تصدق مدري
يوسف :احدد من عندي ؟
ديم :اسأل ابوي
يوسف :خلاص اليوم اسأله اقول له يا عم انا ابي اتزوج بنتك بعد شهر كم مهرها
ديم ضحكت :لا مو كذا
يوسف :اجل كيف؟
ديم:قول له ياعم ان كان ودكم انا ودي الزواج بعد شهر والمهر الي تامر عليه
يوسف :طيب انا كذا قصدي
ديم :لازم ترتب كلامك
يوسف :اجل ما سمعتي وش قلت يوم بخطبك
ديم :وش قلت ؟
يوسف :قلت ماشاء الله عليكم ما قصرتوا على غازي يوم انه جاركم وحكى لي غازي عنكم واجد قال انكم كريمين وراعين واجب ، وانا صراحه ودي اكمل نص ديني وما لقيت احسن منكم
ديم :وش قال ابوي
يوسف :قال حديث من رضيتم خلقه ودينه فزوجوه وانت واهلك ما عليكم خلاف والواحد يحط بنته عندكم ويعرف انها بالعز والصون بس اي وحده تبي عندي ثنتين
ديم مبتسمه:قلت ديم بالاسم ؟
يوسف :لا قلت ابي الوسط وطبعًا خالد عرف وقال طالبتك صح
ديم عبست :ووش قلت ؟
يوسف :توترت قلت الحين بروح فيها خلاص ودام الولد كذا اجل كيف ابوه بس وابوك طلع متفهم الحمدلله وقال خله دامه رجال وجاي بالحلال وبعده انتي جيتي
ديم :ولله طلعت تعرف ترتب الكلام
يوسف :اعرف ارتب الكلام بس معرف العادات
...
وافي :هلا ولله بحبيبتي
ملاك :اسكت الحين تسمعنا امي ولا امك ما يفكونا لين نجيب بزران وبعدين ما قلت بتنسى كل شي؟
وافي :الحين رجعنا لنفس النقطه ريوف والهنوف يراقبون لازم نكمل تمثيل
ملاك :عجبك الوضع
وافي :الصراحه احسه ينسيني وش صار
ملاك :وش صار ؟
وافي :ولا شي بس بعد ما كان المفروض يطلع التحليل ١٪؜ طلع ١٠٪؜ عدته مره ثانيه نفس اليوم برضوا نفس الشي عدته اليوم الي بعده طلع ١٢٪؜ وانا ما سويت شي وحتى ما فكرت فيها محد يصدقني
ملاك :عمي مو مصدقك ؟
وافي ابتسم بحزن :عمي يحاول يصدقني انا ودي بأنسان يصدقني بدون ما ابرر له لأني حتى انا مو مصدق نفسي
ملاك ابتسمت :انا مصدقتك
نظر لوجهها براحه :ليش؟
ملاك نظرت للسماء:ما اعرف شي داخلي يقول اصدقك
وافي ابتسم :اجل هذا يكفيني
ملاك :وانت تحتاج تصدق نفسك فكر بكل شي ايجابي صار بذي الست شهور كيف كانت فرحتك كل ما كانت تنزل النسبه
نظر لعينيها ،لا شيء لا شيء كان يسعدني بهذه الفتره سوى النظر لعينيك كثيرًا وقليلًا من لمسات يدك الغير متعمده وحضنًا واحدًا من غير قصد وقبله حياة وسيطها كأس شاي وحلمًا زرتني فيه ،اغنيه تقصدك واعتراف صادق مختبئ تحت ستار الكذب ،بأختصار والاختصار فيك ظلم كل تفاصيلك كانت ولا تزال سعادتي يا ملاكي...
ملاك :وش الي صار قول
وافي ابتسم :ما اعرف احس عقلي تبخرت منه الاشياء الي تسعدني
ملاك :طيب مواقف تضحك
وافي :يوم المياسه جت تسحب سطام
ملاك عبست :مدري وش صار على سطام واسماء اليوم ثاني يوم لهم
وافي :وباقي وراهم ثلاث شهور
ملاك :طيب انا بقول لك خبر حلو
وافي التفت :ايش؟
ملاك :سيّاف بيتزوج
وافي :شكلي اخر واحد بيتزوج منهم
ملاك ابتسمت حتى ظهرت غمازها :من تأخر تفخر والعبره بالخواتيم يمكن زواجك يكون انجح زواج
وافي ابتسم وهو ينظر لوجه ملاك :او يمكن تكون زوجتي اجمل الجميلات
ملاك توترت :بس اهم شي الاخلاق والاسلوب
وافي :واخلاقها واسلوبها عسل
ملاك تحاول تطلف الجو :هذي بالحور العين تلقاها
وافي :فيه ناس بذي المواصفات وانا اعرفهم شخصيًا
ملاك بتوتر :بيأذن المغرب الحين صح ؟
وافي :باقي ربع ساعه
ملاك :انا بروح الحين امي تجي تشوفنا كذا
وافي :ماهم هنا وديتهم عند بيت عمي جابر
ملاك توترت اكثر وخافت ان يتحقق حلمها وتتعدى الحدود معه :الهنوف هنا ؟
وافي :الهنوف مع زوجها طلعت
ملاك :اجل بروح
وافي تنهد :باقي تخافين مني؟
ملاك :لا بس اخاف يدخل بيننا الشيطان
وافي ابتسم :يعني تحسين بأنجذاب لي
ملاك :الرسول قال ما تجوز الخلوه ما حدد الي ينجذبون والي ما ينجذبون ما تدري كيف يوسوس لك الشيطان
وافي بنفس ابتسامته :اقنعتيني صراحه
ملاك ابتسمت :كان يمديني اقنعك بنظره لأنه نظره تجيبك ونظره توديك بس اخترت الكلام
وافي :مارح اقول شي ذي المره لأنك الوحيده الي مصدقتني
ملاك :ولا حتى اذا جربت اسناني؟
وافي :ولا حتى اذا ضحكتي
ملاك:طيب بقول كلمه
وافي :قولي
ملاك همست :احب راشد
وافي بأنفعال :وش تبين فيه قهوته خايسه ولا يعرف يسوي شاهي وفوق ذا يسمع محمد عبده حبي واحد يسمع طلال المداح على الاقل غنى بأسمك
ملاك ضحكت :ما كملت
وافي :لا تكملين ولا تضحكين
ملاك بضحك:انا احب راشد الماجد وما اضحك قاعده اجرب اسناني
وافي :وش لون فستانك ؟
ملاك توقفت عن الضحك :هاه؟
وافي :وش لون فستانك اقول
ملاك:مالك دخل
وافي :اتمنى انه اسود ما يليق عليك الا الاسود
ملاك نظرت لوسط عينيه :مسوي انك بتحرجني الحين ما تقدر
وافي ابعد نظره عنها:الا اقدر
ملاك :طالع بعيوني وقول
وافي نظر لعينيها وهو يبلع ريقه :اا...ما اقدر
ملاك :خمسه صفر وانا الفايزه كالعاده
وافي :انا افوزك عشان ما تزعلين
ملاك :طيب دامك فوزتني جيب لي جائزه الفوز
وافي :وشو ؟
ملاك :ابي الشاهي الي شريته لي يوم كنت تعبانه
وافي ابتسم :خطتي بدت تنجح استميلك شوي شوي وتصيرين بطرفي
ملاك بلعت ريقها :اي خطه ؟
وافي :خطه الشاهي بديتي تحبين الشاهي وكل مره بستميل فرد لين ما يصير كل العالم يحبون الشاهي
ملاك :لا بس ذا لأنه بالزنجبيل
وافي :لأنك فزتي خمسه صغر بجيب لك خمسه انواع شاهي وانتي قيميها كل يوم واحد واكتبيه بورقه وحطي الورقه بغرفتي بعدين اشوفها
ملاك :من الحين اقول لك كلها صفر الا الزنجبيل
وافي :نشوف
...
تركي :حرفيًا باقي ٢٤ ساعه وتصيرين زوجتي بكره مثل ذي اللحظه بضمك وقدام الناس بدون ما اخاف من احد
وجدان :احس بطني نفس شعور الاختبارات
تركي :الرجوله خشونه بس احس اني اذا شفتك ببكي يعني انتي شي اتمناه من زمان واخيرًا صرتي لي
وجدان غنت :تبارك قلبي في حبٍ ملكني والعيون تشوف
تركي :هذي الي بتشغلينها ؟
وجدان :اي من امس كل شوي اسمعها واتخيل اللحظه الي بنتقابل فيها واحنا زوجين
تركي تنهد :متى يجي بكره بسرعه احس مقدر اصبر خلاص
وجدان :صبرنا شهور وما نقدر نصبر ساعات
تركي :الساعات الاخيره هي اطول شي
وجدان :كل شوي اروح اشوف فستاني واشيائي ما ابي انسى شي
تركي :خلاص خلينا ننسى شوي نسولف عن اي شي اي شلون اخوك وزوجته
وجدان :ما اظن انهم مره تمام ابيها تحضر الملكه والعرس بس هي ترفض سطام راح اشترى لها فستان وان شاء الله تنزل
تركي :تدرين اتمنى اننا تزوجنا بسرعتهم بس لأننا نحب بعض تمرمطنا
وجدان ضحكت :الدنيا حظوظ
تركي :وانا مكبر حظوظي يوم تهوى وصالي
وجدان :قاعده افكر وش كان رح يصير لو ذاك اليوم دخلت الحمام على طول بدون ما افتح غرفتك
تركي :كان مت وانا تعيس
وجدان :بقول شي بس لا تزعل
تركي:وش ؟
وجدان :مديرنا الخايس رجع من الاجازه وقلل من اجازتي صارت اسبوعين بس
تركي :عادي اهم شي تصيرين معاي بنفس البيت
وجدان :الحمدلله خفت تزعل
تركي :يابنتي انا بس ابي شوفتك لو دقيقه باليوم
وجدان :اعرفك طماع اذا شفتني بتقول ابيك كل ساعه وبعدين ابيك كل اليوم
تركي :انتي طمعي الوحيد بالدنيا بعد رضا الله ووالديني
وجدان :وش رايك بعد العرس نروح نعتمر نشكر الله على توفيقه بيننا
تركي :بغيت اوديك اسبانيا بس تبين عمره نروح عمره
وجدان :عادي حبيبي نروح عمره وبعدها بنفس اليوم نطلع من مطار جده على اسبانيا
تركي ضحك :تبين الدين والدنيا
وجدان :مع ان مالي بالتاريخ بس مبهوره بشي اسمه قصور المسلمين بأسبانيا او الاندلس قديمًا لازم اشوفها
تركي :اعرف ذا الشي وحجزت جوله بكل قصر للمسلمين هناك مارح نقدر نروحهم كلهم بس نروح نصهم اقل شي
وجدان :اهم شي نروح قصر الحمرا
تركي :اول واحد هو
وجدان :بقول لك شعر هناك
تركي :قوليه هنا
وجدان :بقول لك مطلعه بس
تركي :يلا
وجدان :في مدخل الحمرا كان لقاؤنا ما أطيب اللقيا بلا ميعاد
تركي :اي ولله ما اجمل اللقيا بلا ميعاد
وجدان تنهدت بأبتسامه :وبكره اللقيا الحقيقه بميعاد مخطط له
تركي :اخ يا وجداني ما نقدر نقدم نخليه ذي اللحظه ؟
وجدان :اصبر يا حبيبي بس اربعه وعشرين ساعه
تركي :من سبعه وعشرين سنه انتظر ذي اللحظه
وجدان ضحكت :كذاب ما كنت تعرفني يوم ولدت لأني بنفسي ما ولدت
تركي :بقول لك قصه تدل ان القدر يبي يجمعنا
وجدان :يلا قول
تركي :يوم كان عمري ١٣ مدري ١٤ مدري من وين طلعت لي دخان وابي اجربه وابوي قفطني ونادى ابوك من الرياض عشان يأدبني ويخوفني بالكلبشات وعاد هو خوفني وصدق خفت وقال لي ان صرت رجال اوعدك بزوجك وحده من بناتي عاد انا مراهق ما شبعت من الحياه قلت له ما ابي اتزوج بس دارت الدنيا ورحت انا له برجولي ابي بنته الي سرقت قلبي
وجدان دمعت :يا الله مكتوب لنا نحقق وعد ابوي
تركي :تبكين ؟
وجدان :ما قدرت اتمالك نفسي يعني مدري كيف احس احبك لدرجه مقدر اوصفها
تركي ضحك :يعني ما قدرتي توصفين ولجأتي للدموع
وجدان :لا تضحك توك وانت تقول احس اني ببكي بكره
...
غازي :شفيك احسك تعبانه ؟
الهنوف :يعني احس ارهاق شوي
غازي :وش رايك تحضرين الملكه بس وبعدها نرجع الدمام ؟
الهنوف :ترا الفستان الي شريته ب٦٠٠ هو حق العرس يعني لازم احضر
غازي :ماهو اغلى من الشوق
الهنوف :يمكن اجيب لك هديه اذا رجعنا
غازي :ايش؟
الهنوف :ما اعرف لسى مو متأكده
غازي :ما تعرفين وش تجيبين ولا ما تعرفين بتجيبين ولا لا
الهنوف ابتسمت :طبعًا يا حبيبي بجيب لك بس لسى ما اعرف وش اجيب
غازي :وش المناسبه ؟
الهنوف :كذا بس لأني احبك
غازي امسك يدها :انتي هديتي
الهنوف تنهدت :ما تحس اننا بعدنا عن بعض مره لدرجه فيه مواضيع المفروض نسولف فيها نسيناها
غازي :مثل ايش؟
الهنوف :الاطفال
غازي :تبغين تجيبين؟
الهنوف :لا يعني عادي بس انت احسك تبي صح ؟
غازي :انا عادي بعد ما تفرق
الهنوف :هو مو سالفه كذا انا قصدي لو قلت لك اني حامل بتفرح ؟
غازي :حامل ؟
الهنوف :لا لا بس مثال ماني حامل
غازي :بالاول والاخير الحمل يجي من الله مهما خططنا وفكرنا اكيد رح افرح لو عرفت ان حب حياتي داخلها طفل مني
الهنوف ابتسمت :لأن صار لي ايام مع غاليه شفت الحمل واحس فيه نوع من الحنيه يعني انه انتظر طفل وهو يتحرك ببطني اسمع نبضه بكل مراجعه واختار له اسم واجهز احسها تفاصيل حلوه
غازي :ان شاء الله ربي يرزقنا ونعيشها
الهنوف :الحين اسمع صوت بطني بس انه صوت الجوع
غازي :الحين بيجي الطلب قالوا ربع ساعه
الهنوف :احس لو ما طلبنا سلطه سيزر
غازي :ليش ؟ انتي تحبينها
الهنوف :مدري احس مارح تطلع حلوه
غازي:معليك بتطلع حلوه اذا ما طلعت حلوه الاطباق كثيره
الهنوف :كثرنا صح ؟ اخترنا واحنا جواع وطلبنا اكثر من حاجتنا
غازي :خذيه سفري لبنات عمك تاكلونه
الهنوف :مارح يجون بس انا وملاك انا ما احب اكل نفس الاكل مرتين باليوم
غازي :بسم الله عليك حبيبتي توك تقولين بنروح ننام عند عمي جابر شفيك نسيتي ؟
الهنوف :احس عقلي مشوش ذي الايام كل شي حوسه
غازي :اي لأنك مو ببيتك مستقره ومرتاحه
الهنوف :بس نحضر العرس ثاني يوم بعد العرس اذا رجعنا الساعه ١٢ ننام والفجر نصحى نرجع الشرقيه ما تتغدا الا ببيتك
غازي:طبعًا الغدا من يدينك الحلوه
الهنوف :على كيفك حبيبي اخر مره قبل نجي كان علي يعني دورك الحين
غازي :اي كان عليك بس ما سويتي واشتريت من برا
الهنوف:طيب وش رايك نحلها ونشتري من برا وبعدها يبدا الدور من عندي ؟
غازي:حل عادل
...
رن هاتفها وردت عليه :الو
سحاب :الو
اسماء :الوو ما اسمعك تسمعيني ؟
سحاب قفلت المكالمه وارسلت لها :افتحي سبيكر السماعه خربانه بالغلط طيحته بالمويا
اسماء :وش حدك تطيحين جوالي بالمويا ؟
سحاب :صحيت من النوم احسبه جوالي واخذه معاي رحت ابي احطه على الطاوله وطلع فيه سطل مدري وش منقع فيه لونه نفس لون الطاوله ورميته بالمويا
اسماء :انا خلاص قفلت الدنيا بوجهي معد بحاسبك دقي بس خليني اشوف اذا فتحت سبيكر يسمع
سحاب اتصلت :الو
اسماء :الحين اسمعك
سحاب :شلونك ؟
اسماء:بخير
دخل سطام الغرفه وجلس على الفراش
سحاب :صدق شلونك
اسماء :مو بخير يبوني احضر الملكه غصب
سحاب بسخريه:هاه عنفوك وطلعوا منافقين ولا لا ؟
اسماء نظرت لسطام :يعنفون الواحد نفسيًا
سحاب :ولله هم طيبين خاصه سطام على نياته
اسماء :اي وشوي ينتقل المدح لوافي وعلى ذا الموال
سحاب :ولله تخيلي انا وانتي متزوجين عيال عم
اسماء :انا بتطلق ثلاث شهور وارجع لكم العيشه هنا مو عاجبتني
سحاب :سوسو ولله الرياض حلوه خليه يطلعك ويمشيك وش تبين بالبيت وتقولين يعذبون نفسيًا
اسماء :انا نفسيتي ما تتحمل شي
سحاب :الحين هو عندك ولالا ؟
اسماء :اي عندي
سحاب :اجل بقفل تاخذون راحتكم
اسماء :محسستني انه برضانا والحين بنعيش زي اي اثنين متزوجين حبيبتي شفيك نسيتي اني مو راضيه كلكم طلعتوا كذابين وتسلكون لأنفسكم انا وياه ما بيننا شي ولا يمكن يصير شي ولا بينجح ذا الزواج
سحاب :طيب اسفه
اسماء اغلقت الهاتف ورمته بجانبها ووضعت وجهها بكفيها وبدأت البكاء
سطام تنهد :استغفر الله
اسماء نظرت له وهي تبكي :ليش طلعوا كذابين كانوا يمثلون انهم يفهمون مشاعري وبالاخير طلعوا كذابين
سطام جلس بجانبها :انا افهمك
اسماء :انت كذاب مثلهم
سطام بهدوء :تؤتؤ محد يفهمك الا الي عاش تجربتك فكري فيها انا وانتي حاطينا بنفس القفص وقاعدين نعيش نفس التجربه
اسماء :بس مو شخص تحبه لمح لك انه ذا الزواج بينجح رغم انه يعرف انه فاشل ومبني على فشل
سطام :الا امي امس تدرين وش تقول لي؟
اسماء مسحت دموعها :وش تقول ؟
سطام :قالت لي اجيب لك الفستان مع باقه ورد وكلمتين حلوه وعلاقتنا بتصير حلوه
اسماء :رمونا بالبحر واحنا ما نعرف نسبح ويقولون تمسكوا ببعض
سطام :بس يمدينا نتعلم مع بعض ونخرج نروح لشاطئ غير الي حددوه لنا
اسماء :يعني قصدك نعطيهم الي يبغونه ؟
سطام :نعطيهم خارج ذي الغرفه بس اذا كنا بذي الغرفه نرجع لطبيعتنا ونعيش حياتنا ومثل ما هم اخلفوا وعدهم احنا نخلف وعدنا ونتطلق بعد شهر ونص ونصدمهم من الطلاق
اسماء امالت فمها بتفكير
سطام :وش رايك نرد لهم الصاع صاعين
اسماء :موافقه
سطام ابتسم ومد يده ليصافحها :عميله A خطتنا تبدأ من هذه اللحظه ارجو انك ما تخيبين ظنوني
اسماء ابتسمت وصافحته :عميل S مارح اخيب ظنونك
سطام :لا حرفي مو حلو خلينا نشوف حرف ثاني بعدين
اسماء :T؟
سطام :عميلT؟ اي حلو حلو
اسماء :من الحين تبدا الخطه ؟
سطام :اي من الحين
اسماء :بدق على سحاب واعتذر منها واقول لها انتي صادقه
سطام :براحتك بس اذا خلصتي ننزل عندهم
اسماء قامت:اي اي بحط ميكب عشان يحسبونه لك
سطام :بسألك ليه تفتحين السماعه سبيكر اذا تكلمين؟
اسماء :ما يسمع الصوت الا سبيكر خرب
سطام :حلو
اسماء :وشو حلو ؟
سطام :بتعرفين بعدين
...
نايف :لو سمحت هذا الظرف مو انا طالبه
:اي فيه واحد جا وقال انه نوصله لك بأسمك
نايف :يعطيك العافيه
دخل المنزل وهو يصرخ :وافي
وافي :هاه
نايف بأبتسامه :شوف شكل عندي معجب سري
وافي :وش ذا ؟
نايف :مدري المندوب يقول واحد جاهم وقال وصلوا ذي لنايف
وافي :ولا يمكن رساله من نون يشكرونك على كثر ما تطلب منهم
نايف :مدري بس خلنا نفتحها
وافي بتفتح ذي قبل طلبيتك ؟
نايف:اي حماس
وافي :وش ذا
نايف :فلاشه
وافي :على طول بالزباله ما تدري يمكن فيها فيروسات
نايف :شوف وش مكتوب الي ارسلها
وافي :مكتوب راشد ...وع
نايف :راشد وع ؟
وافي :لا اسمه راشد خالد
نايف ضحك :الله يخسه ذا واحد من الشباب
وافي بلع ريقه :نايف انتبه حتى من اقرب اصحابك ما تدري وين يطعنونك بكره
نايف :لا معليك راشد صديقي من الابتدائي ارسل ذي شكله من امريكا هو يدرس هناك
وافي:طيب حطها بالجهاز القديم احتياط
نايف :اي يلا قم جيبه
وافي بسخريه :لا تصارخ ماني اصغر عيالك
نايف :جيبه بس وانت ساكت وبعدين حط برا الشاهي خلنا نروق على الي ارسله
وافي :وش دراك وش ارسل يا نايف؟
نايف :يمكن صورنا واحنا صغار كانت معاه كميرا دايم يصور ونقل الي فيها بفلاشه وذيك الايام ارسل لي قال برسلها لك قريب
وافي :كويس نشوف صورك وانت تنغف واثبت لك انك كنت تنغف كثير
نايف :يارب سوا لها فوتشوب
عاد وافي بعد قليل :وهذا الجهاز انا بروح ازين الشاهي
نايف دخل الفلاشه :استعجل
وافي جا :جيت
نايف :شكله فيديو
وافي :فيديوهات
نايف :نبدا بالاول بسم الله
كان الفيديو يصور حاله وافي أحد مرات التعاطي
فيصل :نادم على معرفتنا قلت ؟
وافي ضحك :ندم ايش انتم احسن ناس عرفتهم حتى سمعت استاذ نوري كان يقول افضل ناس بعد الانبياء الصحابه تراه كذاب انتم افضل منهم
فيصل :اجل خلاص الاسبوع الجاي بنجيب لك بنوته صغيره كذا تسوي فيها الي تبي
وافي :الحين جيبوها
فيصل ضحك ومعه بعض اصوات الضحكات :باقي باقي مستعجل
اقفل نايف الفيديو وقال بضيق :هذا انت ؟
وافي بنفس الضيق :نايف اقدر افسر لك
نايف بصراخ قام:هذا انت ؟
اصبح وافي يتراجع للخلف ونايف يذهب بأتجاهه ويصرخ:انت هذا الانسان الي سوا كل كبيره تلفظ على الصحابه وقارنهم بناس زباله بعدها رحت سويت شي ما ادري وشو ببنت صغيره اصغر من خواتك لو اقول لك اتقي الله ما بتأثر فيك لكن بقول لك معدك اخوي ولا اعرفك لأن من شيم المسلمين التبري من كل ما يخالف العقيده
وافي بدأ بقراءه آيات :يا ايها الذين امنوا اذا جائكم فاسق بنبأ تبينوا على ان تصيبوا قومًا بجهاله فتصبحوا على ما فعلتم نادمين
نايف صرخ اكثر :اسكت اسكت كلام الله اعلى واجل من انه يمر على لسانك
وافي :نايف اسمعني ولله بفسر لك اسمع عمي جابر اقسم لك بمن احل القسم انه ما سويت شي وعمي جابر وملاك شاهدين اسألهم
نايف صفق وهو يدمع :برافو انجاز جميل وش سويت ببنت عمك ؟ البنت صايره تخاف منك اكيد مسوي فيها شي
وافي اقترب من نايف واحتضنه :نايف ولله ما سويت شي اسمعني اهدا شوي
دفعه نايف بقوه حتى ارتطم بمرآه وتكسرت :ما افتخر فيه ولا بسمعك انت انسان قذر وقليله فيك ذي الكلمه
وافي بالارض بتألم :نايف انت اخوي المفروض تسمعني مو انت قلت لي اذا كان غلط بنصلحه سوا ؟ اسمعني بس اوضح لك غلطي
نايف اقترب من وافي واخذ بياقته :انسى شخص اسمه نايف وانسى امي وابوي اعتبر انهم تبروا منك مثلي كان ودي يعرفون لكن ما ابيهم يزعلون ...
اخذ قطعه من الزجاج ورفعها بقوه وهو يبكي :بخليهم يعرفون انك مت على يد اخوك
اكمل بغصه البكاء :ومثل ما وعدتك غلطك بنصلحه سوا انت بتموت وانا بروح قصاص بس انك تعيش وانا اعيش وانت مسوي ذا مستحيله
وافي وهو ينظر للدم المتساقط من يد نايف اثر ضغطه على الزجاج وببحه قال :نايف انت كذا بتوجعهم اكثر بيفقدون عيالهم كلهم لا تسوي كذا اذا ما تبيني بهاجر بس انت حياتك واحلامك ريوف امي ابوي وش بيسون بعدك ؟
نايف أخذ نفس عميق و ...