وانا في درب الهلاك ظهرت لي يا ملاك

17

ملاك طلعت السطح نفس عادتها بس لقيت ريوف هناك تبكي
ملاك :شفيك
ريوف :جوال زينب
ملاك :شفيه
ريوف وهي تشهق:لقيت فيه محادثه ...
ملاك:خذي نفس وتكلمي لا تشهقين كذا
ريوف بعد ما هديت :يوم اخذت جوالها بشوف الرساله جاها اشعار من السناب وكان نايف
ملاك :يمكن مو هو
ريوف :لا هو محد نايف بذي الديره غيرها كان يقول بشوفك من النافذه زي ذاك اليوم
ملاك :النافذه الي بغرفتي ؟
ريوف :اي هي مطله على بيتهم
ملاك ابتسمت وتكتفت :مين فتحها ذاك اليوم غيرك يا غبيه ؟
ريوف :انا ؟
ملاك :اي يوم قلت لك قفليها لا يدخل البرد
ريوف :طيب ليش يراسلها هي ؟
ملاك :اكيد صار فيه سوء فهم
ريوف قامت :انا اوريها
ملاك :وين رايحه ؟
ريوف :بروح اهاوشها اكيد منتحله شخصيتي ولا نايف ما بيكلم احد غيري
ملاك :وتفضحين نفسك وتفضحينها وتتزوجين واحد اربعيني وهي خمسيني ومع السلامه جامعه وتجيبين عشرين ولد بسبب مين ؟ بسبب ولد
ريوف :ولد انا احبه وهي تدخل بيننا مالها داعي واساسًا يوم العيد سمعتها تخطط عليه تبيه يشوف كشختها ويحبها من زينها عاد وفوق ذا منافقه مسويه فرحانه معاي يوم انقبلت
ملاك :يا ذا نايف مدري وش لقيتم فيه
ريوف :لقيت فيه كل شي اتمناه
ملاك :طيب بدال ما تهاوشين البنت هاوشيه ليش ياخذ سنابها ؟
ريوف :صح ولله
ملاك :وين رايحه الحين ؟
ريوف :بروح له بس ما بطلع عند النافذه
ملاك :انا خلاص غسلت يدي منك بعدين اذا جاك شي لا تقولين بسببي
ريوف :كل شي بسببها هي
ملاك تصرخ وراها:انتبهي لا يطق لك عرق
ريوف :وانتي امسكي حمامتك لا تطير
ملاك تضحك وراها :ياربي ذا المراهقات
ريوف :سمعتك
ملاك وهي تضحك :طيب
ارسلت ملاك مثل عادتها مع ياقوت

وافي وصلته الرساله ورد عليها :
لمَ لم تبلغيني بعدم قدومك هذا الاسبوع ؟ انتظرتك كل يوم كان هذا اليوم الاخير

ملاك :
لم يكن لدي وقت حصلت مشاكل في عالمي ،لحسن حظي لحقت

وافي :
واو الملائكه ترتكب مشاكل

ملاك :
ليست الملائكه لقد تسرب لعالمنا بعض الشياطين واحدثوا خللًا في التوازن البيئي

وافي :
مع ذلك لا يعد عذرًا كافيا الم يكن لديك حتى دقائق لترسلين انك مشغوله ؟

ملاك :
محيطي يعج بالناس كلهم اعينهم علي هل تظن انهم لن يلاحظون ؟حتى قبل قليل تكلمت مع احداهن لقد هربت لمكاني لأنها تشاجرت مع صديقتها بسبب من ؟ بسبب شيطان من عالمكم

وافي :
من المؤكد ليس له ذنب انهن يكبرن المواضيع

ملاك :
ماذا ؟ ما وجهه النظر هذه ؟ صديقات تشاجرن بسبب رجل رجل لا يستحق اي شي

وافي :
واو نظره مبهره لمعشر الرجال "الرجال لا يستحقون شيء بينما النساء يستحققن كل خير" الرجال شياطين بينما النساء ملائكه لم تعيشون دور الضحيه دائمًا