وانا في درب الهلاك ظهرت لي يا ملاك

33

ابو سطام :السلام عليكم
ابو وافي :وعليكم السلام عسى ما شر ؟
بلع وافي ريقه بتوتر
ابو سطام :لا لا ان شاء الله مو شر ،عاد انت برده فعلك تقرر شر ولا خير
ابو وافي :اجلسوا
ابو سطام تنهد :تذكر يوم القصاص الي حضرتوه وناديت وافي قلت لك ابكلمه
ابو وافي :اي
ابو سطام :ويوم الحادث لقوا بالسياره ممنوعات
ابو وافي بغير صبر :تعرفني ما احب المقدمات ادخل بالموضوع على طول
ابو سطام :وافي ...
وافي قاطعه :خلاص يا عم انا بقول
ابو وافي :وش مسوي؟
وافي بلع ريقه :انا كنت ... كنت اتعاطى
ابو وافي ابتسم :كيف يعني؟
وافي بغصه وقد تجمعت بمحاجره الدموع :مخدرات
ابو وافي وهو يضحك نظر لأبو سطام :يتكلم صدق ؟
ابو سطام تنهد :صدق يا متعب
ابو وافي بصراخ :كيف ؟
ابو سطام :اجلس بشرح لك اجلس
ابو وافي نظر لوافي :انت يا وافي كيف كذا ؟
نايف :يبه انت وعدتني وقلت تم ولله الموضوع ماهو كذا خل عمي يعلمك
ابو وافي :انت تعرف؟
نايف :توني عرفت اول امس بس ولله وافي ماله ذنب
ابو وافي :وكيف ماله ذنب متعاطي تفهم معناها ولا اشرح لك؟
وافي بغصه :يبه ولله ...
ابو سطام قاطعه:يا متعب اجلس ولله بشرح لك مو كل متعاطي مذنب وبعدين لو كان مذنب فيه شي اسمه توبه ويغفر الله الذنوب جميعا ولدك تاب ما سمعته يوم يقول كنت ماضي شي عدا وراح
ابو وافي بهدوء :طيب اسمعك
ابو سطام نظر لوافي :بتكمل ؟
وافي اخذ نفس عميق :اي
نظر لوجه والده:يبه اول شي حطه ببالك مالي ذنب
ابو وافي بحده :اسمعك اشرح وش صار واقرر
نايف بحده اكثر:اذكرك يبه بوعدك
وافي ورجفه بصوته :تذكر فيصل ؟ كنت تحبه وحتى انا يبه لكن انخدعت فيه ابوه اكبر تاجر ممنوعات وهو كان يساعده ما ادري كيف سحبني ولله لو اني عرفت بذا الشي ما صاحبته ثانيه ،سنه كامله مرت واخر شهرين بالسنه عرفت ما اعرف وش صار بس تهاوشت معاهم وضربوني على راسي واغمى علي ارسلوا لكم اني مسافر وعطوني جرعات وانا مغمي علي صحيت وجلست مربط عندهم يومين وخلاص رحت فيها صرت مثلهم لكن ولله شهرين بس شهرين يوم شريت لي سياره وقلت لي اعتمر مع امي رحت هناك وتبت ولله اني تعلقت بالكعبه ادعي ربي يخلعها من قلبي ،ومثل ما تعرف الله يحب التوابين
نظر لعمه وهو مبتسم بحزن :ربي سخر لي عمي عرف اول شخص ولا قصر يبه لو قالوا لي اختار ابوك بس ما يكون متعب بختار عمي جابر يا يبه انا ولدك الي علمتني اصحح اغلاطي صححته وخلاص انا انسان طبيعي مافيني الا قطره منها بعدها برجع انسان طبيعي ...
نايف قاطعه :انت اصلًا طبيعي الانسان الطبيعي يغلط ويصحح الي مو طبيعي الي يغلط وما يصحح
نظر وافي لنايف وهو مبتسم :ونايف يبه واقف معاي وهو توه عرف شديت عضدي بأخوي وعمي باقي ظهري يا يبه ما يقومه ويشده الا انت تكفى خلك معاي
ابو وافي تنهد :طيب ،بس ابفهم شي واحد بعد ايش؟
ابو سطام :كيف؟
ابو وافي :بعد ايش جيتوا تتكلمون مو تقولون خلص كل شي
ابو سطام :بالنسبه للمرحله العلاج خلصت بس باقي مرحله وهي اصعب
ابو وافي ابتسم :رجع من جديد؟
وافي :لا
ابو سطام :لا بشرح لك التفاصيل بس اول شي قول انت مع ولدك؟
سكت قليلًا وهو ينظر لوافي
وافي :يبه طلب...
ابو وافي قاطعه :واذا ما كنت معاه مين يكون ؟
قام وافي وقبل رأس والده ويديه وكاد ان يقبله قدميه لولا انه منعه واحتضنه
انفجر وافي باكيًا فيه حضنه ،وأخيرًا توثّق حبل النجاه وأخيرًا وجدت من يقوم طريقي الآن لو واجهني العالم كله لن اخاف .
تنهد نايف براحه وهو يمسك على رأسه
ابو وافي وهو يمسح عينيه :خلاص اطلع انت ونايف وخلنا بنتكلم انا وعمك
قام نايف :امش
مشى وافي بجانبه وانزل رأسه وهو يسير وقبله :قلت لك اعرفك ما تخونني
نايف بسخريه:بس انت خنت
وافي :نايف
نايف ضحك :اسلوبي الجديد خايس صح ؟ بالغصب تدربت عليه
وافي :كيف؟
نايف :من اول لحظه سامحتك
وافي بصدمه :القزاز والقتل والقبر وذي ؟
نايف :لحظه غضب المفروض ننساها
وافي :على طاري لحظه الغضب ما قلت لك عن زوج بنت عمنا المستقبلي
نايف :يوسف؟
وافي :لا مو يوسف واحد جديد ما بتتوقعه
نايف :اي عم؟
وافي :عمي جابر
نايف :ولله مدري
وافي :عبدالمحسن
نايف :شكلك من الفرحه نسيت ربط المواضيع وش دخل عبدالمحسن ولحظات الغضب؟
وافي :هو مر بلحظه غضب بسبب كذبه بناها مين ؟
نايف :راشد؟
وافي :عليك نور
نايف :وش قال ؟
وافي :ولله يا طويل العمر راشد من كرهه لي بدا يخرف يقول لك من خرافاته وافي ملصق بعمه جابر عشان يبي يخطب بنته الكبيره وبينهم حب منذ الصغر وبيكمل ماجستير بالخارج عشان يطلع معاها
نايف ضحك :قال ذا لمين؟
وافي :قاله لعبدالمحسن مدري كيف عرف انه يبيها هذا شي يدل انه يتواصل معاهم
نايف عبس :ولله صدق ،ووش سوا عبدالمحسن؟
وافي :يوم قلت له اخوي يبيك جاني كسر خشمي وبعدين قال سوء فهم
نايف :ولله عاد لازم تتحمل رجال الامن ضرباتهم قويه
وافي :الله وكيلك حتى انت ضربتك قويه
نايف :ابراضيك وش تبي آمر به
وافي :اي شي؟
نايف :اي شي
وافي :الكثير من الشاي والقليل من المشاكل وصفر راشد
نايف اكمل :والكثير جدًا من الملائكه
وافي ابتسم :كنت بعلمها
نايف :كيف؟
وافي :حسيت انها هي كنت بطلع السلسال واوريها بس امها نادتها
نايف :واذا طلعت مو هي؟
وافي ابتسم :انت مره تحفزني مره تحطمني
نايف بنفس ابتسامته :افكر بكل الاحتمالات
...
دخل الغرفه وبيدها كوبان :صباح الخير
يوسف :الحين صدق صباح الخير
ديم :جبت لك قهوه
يوسف :وش السبب ؟
ديم ابتسمت :نعتبرها اعتذار مسبق
يوسف :عن؟
ديم :عن اني ما ذاكرت للأختبار ولا بذاكر
يوسف :طيب ما ذاكرتي شي مضى بس ليش ما بتذاكرين؟
ديم :عشان ...
يوسف :عشان ؟
ديم :مالي خلق الماده صعبه والعرس بعد ثلاثه ايام اجل الاختبار عشاني
يوسف :انتِ تعرفين اني ما ادخل حياتي الخاصه بوظيفتي انتِ ما ذاكرتي مو ذنب الباقين الي ذاكروا
ديم :ولله ترا لمصلحتهم يذاكرون اكثر
يوسف :ولو اجلته بتذاكرين؟
ديم :اذا عطيتني خبر انك بتأجله ببدا اذاكر من الحين
يوسف ابتسم :طيب وش الفايده ؟
ديم :الله يوسف تخيل اختبر الصباح واروح عرس بنت عمي بالليل ولله ادوخ عليهم واطيح
يوسف :طيب انا بأجله عشانك عادي بس عطيني سبب منطقي عشان ما يجيني تأنيب ضمير
ديم:الصباح اكتشفت سيارتك كفرها مشقوق وما بتجي
يوسف :هذا للغياب مو للتأجيل
ديم :فقدت ذاكرتك؟
يوسف :هذا اذا تبين تجحدين اهلك
ديم :ضيعت السلايدات؟
يوسف :هذي للي ما يذاكرون
ديم :لقيتها بتتزوج
يوسف :طيب باقي لي شهر واتزوج
ديم :افف طيب ايش؟
يوسف :مدري عنك
ديم :اصبعك انكسر وما تقدر تكتب الاسئله؟
يوسف :ممكن بس اصبعي مو مكسور
ديم :اشوف
يوسف ابتسم:عشان تكسرينه انتِ؟ اعرف قوتك يابنت سعود
ديم ضحكت :انا ؟ حرام عليك تظلمني
يوسف :انتِ الظلم فيك عرق
ديم عبست :وش قصدك ؟
يوسف ابتسم :قصدي انك ظلمتي بنات آدم واخذتي كل الجمال
ديم :لحظه عرفت اسلوبك تمدحني عشان تنسيني الموضوع
يوسف :اوهوو الحين ادور لي اسلوب جديد
ديم :لا تحاول بكشفه
يوسف:نحاول لين نلقى شي ما تكشفينه
ديم :صح تذكرت
يوسف :ايش؟
ديم :امس قابلت العنود وش رايك فيها من الحاله النفسيه؟
يوسف :طبيعيه وحتى ذكيه واهم شي تشبه لك
ديم :انا ؟
يوسف :اي
ديم :مستحيله تشبه ابوها
يوسف :اقصد بالشخصيه
ديم :ممكن
يوسف :مو ممكن اكيد
ديم :كيف قررت وانت ما قابلتها الا دقايق
يوسف :ممكن لأني طبيب نفسي ؟
ديم ابتسمت :صح ،طيب سؤال نبي جوابه كلنا
يوسف :ايش؟
ديم :ليش صرت دكتور بالجامعه وبماده ماهي من اختصاصك ؟
يوسف :اخذت دكتورا بماده غير وصرت دكتور بسيطه
ديم:طيب ليه ما تاخذ الطب النفسي يعني هو تخصصك
يوسف :ما احبه لذيك الدرجه
ديم :طيب ليه درسته يعني على عهدك كانت الجامعات غير
يوسف ضحك :لا تحسسيني اني شايب ترا قريب
ديم :كم كان عمرك يوم تخرجت؟
يوسف :٢٨
ديم :لك سبع سنوات من يوم تخرجت
يوسف :صدق؟
ديم :اي
يوسف :ولله زمان تخرجت
ديم:قبل سبع سنوات كان عمري ١٨
يوسف :الفرق بيننا عقد كامل
ديم :يضايقك ذا الشي؟ يعني احس اني ما افهمك زي ما تبي
يوسف ضحك :ماله دخل بالعمر هذا شي بالشخصيات يعني انا شخصيتي فرق السما عن شخصيتك
ديم :يعني مو عاجبك؟
يوسف :طبيعي يا حياتي بيننا اختلافات كل واحد اهتمامته غير اهم شي التوافق الي بيننا ،انتِ لا تشوفين علاقتنا من ذي الجهه لأنها مو مهمه
ديم ابتسمت:احس افعالي متسرعه يعني يمكن ازعلك بأي شي عشان كذا كل شوي اسألك
يوسف :انا اعرف اتحكم بمشاعري وما احكم بسرعه
ديم ابتسمت ووضعت يدها على المقلميه :اكيد؟
يوسف سحبها من تحت يدها وهو مبتسم:اكيد لو ما تلمسين ذي الاشياء
ديم وهي مبتسمه :اعترف
يوسف :اني احبك ؟
ديم :لا اني اتحكم بمشاعرك
يوسف :ما تقدرين
ديم :اخليك تضحك؟
يوسف :ما تقدرين
ديم قامت :لحظه بس
يوسف :وين؟
ديم :بجيب شي واجي
يوسف :لا تتأخرين لأ باقي نص ساعه وتبدأ محاضرتك
ديم :حافظ جدولي؟
يوسف :اي احاول انظمك
ديم ابتسمت :ما تقدر
يوسف :اذا قدرتي تضحكيني انا بقدر
ديم خرجت وعادت وصوتها متغير :السلام عليكم
يوسف ابتسم:وش ذا ؟
ديم تنفست هواء من البالونه :هيليوم
يوسف وهو مبتسم:من وين جبتيه؟
ديم وصوتها لا يزال متغير :سرقته من بنات يحتفلون بميلاد صديقتهم
يوسف :السرقه حرام
ديم :سرقه عشان النهي عن المنكر يوم الميلاد منكر
يوسف ضحك :الله يسامحك بس
ديم :شفت خليتك تضحك
يوسف :يعني بقدر انظمك؟
ديم :ذي مستحيله الضحك حاله نفسيه يعني شي على حسب نفسيتك بس التنظيم عاده
يوسف :صح عليك بعطيك درجه اضافيه
ديم :ما احتاجها
يوسف :متأكده لا تجيني بعدين تصيحين تبينها
ديم :خلها على جنب بعدين اشوف احتاجها اخذها ما احتاجها تبقى
يوسف :اتمنى انك ما تحتاجينها
ديم :ولله صراحه اخر محاضرتين كنت افكر اسوي سموكي ولا اسوي ذيك الحركه الي دبل لاينر بس بالايشدو انا اعرف لها بالايشدو وافكر احط اي درجه روج
يوسف :على ايش وقع القرار انا مسكين ما شفتك
ديم :باقي ذا للعرس
يوسف :بكل محاضراتك تفكرين؟
ديم :لا بمحاضرتك انت احس بأمان على نفسي وافكر
يوسف ابتسم :من الحين اقولك انا بتزوجك بس مو يعني اسوي لك نموذج اختبار غير ولا يعني اني ازيدك درجات من عندي وغيابك محسوب واعتبره غيابين واحد عني وواحد وعن المحاضره
ديم :القاعده الاخيره ظلم وش موقعها من الاعراب بقوانين الجامعه؟
يوسف :موقعها الحُب ،يلا الحين ياقلبي عندك محاضره الحين لا تتأخرين
ديم :مالي خلق
يوسف ابتسم :يلا ماهو على كيفك بتقدمين برزنتيشن اليوم
ديم :كيف تعرف ؟
يوسف :الصباح شفتك عند محسون تتدربين
ديم :كنت اقفل بالمفتاح بس اختفى
يوسف اخرجه من جيبه :ذا ؟
ديم :ليش اخذته ؟
يوسف :ولله ما ندري يقولون فيه وحده تدخل المعمل وتقفل فيه وتنام تعرفينها ؟
ديم بأنكار :مدري ولله وش اسمها؟
يوسف :ديم
ديم :يمكن خطيبتك الي ماهي انا صح؟
يوسف :لا انتي
ديم ابتسمت :طيب مكيفه بارد لازم انام
يوسف بنفس ابتسامتها:ماهو واجب عليك تنامين بكل مكيف بارد
ديم :شكلي بسحب على الطب واروح ادور لي شركه مكيفات يبغون واحد يجرب مكيفاتهم وانام فيها منه فلوس ونوم
يوسف :باقي لك سنتين وتخلصين
ديم :بعدها مدري وين ينفحون بي يحطوني بجده ولا بتبوك وانت هنا
يوسف :وش ينفحون؟
ديم :كلمه جنوبيه يعني يودون او يرمون
يوسف :اتوسط لك بس روحي
ديم ابتسمت :ولله؟
يوسف :ولله
...
دق الباب
وجدان :نعم
سمر :فيه شخص برا يبي يدخل
وجدان وهي تنظر للأوراق :خليه ينتظر شويه بس وضيفيه اي شي على بال ما اخلص ذي الاوراق
سمر :يقول ضروري
نظرت لساعتها :دخليه بس
سمر خرجت :ادخل
وجدان وعينها عالارواق:تفضل اجلس انا اكتب بس اقدر اسمعك وش مشكلتك
تنهد :امس تزوجت واليوم زوجتي تطردني من مكتبها
رفعت رأسها بأبتسامه :تركي
تركي ابتسم :ما عطيتيني حل لمشكلتي
وجدان :لأنها وهميه انا ما طردتك
تركي :احزري وش جبت لك
وجدان :?maybe coffee
تركي : No, wrong answer
وجدان :اجل ايش؟
تركي :وش لوك خدودك؟
وجدان ابتسمت بأستغراب :وش لونها خدود زي باقي وجهي
تركي :?maybe pink
وجدان :وردي
تركي :احذفي حرف الياء
وجدان :ورد
تركي اخرج الباقه من خلف ظهره :صح عليك طلعتي محاميه صدق
وجدان:ما درست عبث
قبل رأسها وقال :طيب عندك خمس ثواني تجيبين لي وش يقول عبدالعزيز المعنى بالورد
وجدان :وش يقول؟
تركي :واحد
وجدان بتفكير:وش يقول وش يقول ؟
تركي :اثنين ،ثلاثه
وجدان :ما عرفت
تركي :اربعه
وجدان :ما اعرف
تركي صمت
وجدان :شفيك؟
تركي :اوقف الوقت عشانك
وجدان ابتسمت :استسلم
تركي :لو سألتي الورد وهو ما بين ايديك اقطعك بيقول لك عمري فداك
وجدان مبتسمه :اسأله ؟
تركي :عطيتك الجواب وبيعطيك نفس الجواب
وجدان جلست على كرسيها وبعبوس قالت :ليتهم كلهم يقولون نفس الجواب
تركي :مين؟
وجدان :قضيه هنا بنت تداوم مشي كل يوم لحالها وقبل ثلاثه اسابيع داومت ومعد رجعت البيت اهلها يحسبونها بالمدرسه والمدرسه يحسبونها غايبه ويوم جا وقت الصرفه ما رجعت سألوا عنها عند المدرسه وعند كل صديقاتها ماهي موجوده رجعوا لتسجيلات كميره المدرسه طلعت بسياره مو واضح سائقها والحارس مدري وين غفل عنها والحين مفقوده مسكوا صاحب السياره وطلع معاه اربعه شباب بالتحقيق كلهم اتفقوا بنقطه انهم اغتصبوها بس نهايتها بعضهم يقولون رميناها بمكان مهجور وبعضهم يقولون خوينا قتلها وبعضهم يقولون ما نعرف احنا اخذنا الي نبي وطلعنا
تركي :يمكن ماتت ؟
وجدان بأنفعال :لا ما ماتت بالملف مفقوده في امل نلقاها
تركي ابتسم بحزن :كم عمرها ؟
وجدان والدمعه بعينها:١٧ حققنا مع صديقاتها وقالوا كل شي كانت تبي تصير محاميه قتلو...اختفت قبل تحقق حلمها وتصير زميلتي
امسك يدها:لك ثلاثه اسابيع تحققين ما ودك ترتاحين وتصدقين انها توفت ؟
وجدان :لا مارح اصدق لين اشوف جثتها بعيوني تركي باقي صغيره
تركي :الموت ما يعرف لا صغير ولا كبير
وجدان مسحت دموعها واخذت نفس عميق :ما ماتت انا احس احساسي ما يخيب وبشتغل على قضيتها لين اشوف لها نهايه
تركي :لا ترهقين نفسك
وجدان :ما ارهق نفسي وابوها يبكي ليل ونهار عليها ولله ما ارتاح احس بتأنيب ضمير وكأني انا الي مسويه الجريمه
تركي :وامها؟
وجدان :متطلقين من زمان خانته وطلقها بنفس مكتبنا ذا قبل تسع سنوات
تركي :زمان
وجدان :صح امها ما اخذت معلومات كثير عنها يمكن تعرف شي
تركي :لا تتأملين كثير اخاف تنصدمين من النهايه
وجدان :لو ماتت خلاص ماتت قضاء وقدر ربي شهيده ان شاء الله بس انا يوجعني لو كانت حيه ومخبينها بمكان ما نعرف شي عنها
تركي ابتسم :شكل دربنا طويل مع ذي القضايا
وجدان :لا انا عملي بالمكتب وبالبيت حياتي
تركي :اي وذاك اليوم يوم دقيت عليك كنتي تشتغلين
وجدان :ايام التحقيق كنت شاده حيلي عشان يعترفون
تركي :بس اوعديني بالاجازه تنسين كل شي عندك ماشاء الله زملاء كفئين بيشتغلون سمر شفتها من اول ما دخلت قلت ذي واضح انها تشتغل مع وجدان شاده حيلها
وجدان :اليوم اخر يوم بشتغل فيه اطلع من هنا الظهر خلاص اجازه
تركي :اجل وش رايك اليوم الظهر نتغدى مع بعض
وجدان :مطعم نطلع؟
تركي :اي
وجدان :بس بشرط
تركي :وش ؟
وجدان :نروح بسيارتي ابيك تشوف سواقتي
تركي بسخريه:اذا زي سطام ما بتسوقين
وجدان بسخريه :لا امنظام نظام
تركي :متى بتخلصين ؟
وجدان :الحين الساعه ١١ بخلص ٢اذا بتطلع
تركي :ما يهاوشون اذا احد جلس عندك صح؟
وجدان :ما يدرون والموكلين بقول لهم ذا مساعدي
تركي :انا بجلس هنا اتأملك وانتي تشتغلين
وجدان :ما بتمل؟
تركي :عيب عليك الملل عند جمالك يتبخر
وجدان ابتسمت :اجل استعد بتشوف اغرب شخصيه فيني شخصيه المحاميه
تركي :نشوفها عادي اي شي طالع من وجدان يكون حلو
...
:استاذه الساعه كم ؟
ريم:اسألي بالانقلش واعلمك
:ما اعرف
ريم مبتسمه :الساعه ١١:٣٠ باقي ربع ساعه وتخلص الحصه بعد كذا يا حلوات بسوي قروب تلقرام برسل لكم فيه اهم الجمل الي نستخدمها بالكلاس بالانقلش خلاص احنا قلنا حصه الانقلش نبحر لجزيره ثانيه وننسى كل شي اعرف انكم بالبدايه ورح اساعدكم كثير لا تخافون
:فيه سادسه ؟
ريم :ما اعرف ولله ،طيب الحين انا بطلع شوي برا اذا تبون تسولفون او تاكلون عادي بس اصواتكم لا تعلى والي تبي تطلع تجي تستأذن مني او من الاداريه الي على فصلكم ?ok
‏:ok
ريم :good bye students
نظرت لتلك الطالبه التي بالزاويه :وش اسمك
:انا ؟
ريم :لا الي بالزاويه
:اسيل
ريم :اسيل ممكن تجين برا نتكلم ؟
اسيل :طيب
ريم :شعرك مره حلو ماشاء الله ليه ما تهتمين فيه ؟
اسيل :ما اعرف
ريم:لازم تتعلمين انتي حلوه لا تظلمين نفسك كذا
اسيل بحزن :اصلًا مو انا اسوي شعري
ريم :مين ؟
اسيل بدأت بالبكاء :اخوي
ريم :لا تبكين
اسيل ببكاء :ماما كانت تمشطه بس ...
ريم :اسيل اسفه ما كان قصدي اذكرك فيها الله يرحمها
اسيل :ما ماتت
ريم طيب وش رايك نجلس ونتكلم اعتبريني صديقتك ما اعرف احد هنا ومستحيل انقل الكلام
اسيل :ماما بغيبوبه من شهرين هي وبابا كانوا يتهاوشون دايم وضربها لين دخلت غيبوبه
ريم بخوف :ابوك باقي عندكم ؟
اسيل :لا اخوي طرده
ريم :اخوك كبير يعني؟
اسيل :اي عمره ٢٩
ريم تنهدت :طيب يا اسيل انا مره حبيتك وبصير صديقتك الظروف الي ببيتكم عادي كل الناس يمرون فيها حتى احنا مرينا بظروف اخوي الصغير يوم كنت بأول سنه جامعه جاه سرطان وسافر هو وامي وابوي للخارج بقيت انا وخواتي الصغار محد اهتم فيهم الا انا يعني تخيلي الجامعه كيف مع اخوات صغار كنت افكر كثير اسحب منها بس عدت السنه وعدت السنوات وشوفيني وين وصلت انتي بس اهتمي بدراستك وبأذن الله تصيرين ...وش تبين تصيرين ؟
اسيل :مترجمه
ريم :الله اجل انتي شاطره بالانقلش صح؟
اسيل :يعني
ريم :اذا عندك جوال افتحي الدروس وحضريها وبتصيرين شاطره وكل كلمه تترجمينها خلي معاك دفتر اكتبيها فيه بتعرفين معاني كثير
اسيل :طيب شعري ،البنات يتنمرون علي
ريم :انتي الساعه كم تداومين ؟
اسيل :٦:٢٠
ريم :خلاص انا بصير اداوم بدري واسوي لك شعرك موافقه ؟
اسيل :بيتي قريب مره اذا تقدرين تجين
ريم :طبعًا بجي بس اذا عندك رقم عطيني عشان اتواصل معاك
اسيل :مو حافظته انتي عطيني رقمك
ريم :عطيني يدك
اسيل مدت يدها وكتبت ريم الرقم بباطن كفها :هذا رقمي بس اخوك يكون بالبيت الصباح ؟
اسيل :اي بس لو اقول له انك بتجين بينام لأنه دايم يجهزني ويرجع ينام
ريم :خلاص قولي له من اليوم ورايح ابله ريم بتجي وتجهزني ونداوم انا وياها مع بعض الحين تبين ارجعك البيت ؟
اسيل :ارجع لحالي عادي
ريم :عشان اشوف بيتك والصباح اجي على طول
اسيل :طيب
...
اقترب من السياره وهي تجلس فيها ونظر لها كانت تضحك على الهاتف دق الزجاج
ملاك فتحت :كم مره اقول لا تخوفني يوم بموت بسبب تخويفك لي
وافي :وين رايحه؟
ملاك :وكم كره بعد لازم اقول مالك دخل فيني
وافي : كره ؟
ملاك :كره ومره بالفصحى تجي كلها
وافي :تتكلمين نص فصحى يعني
ملاك :ما عليك مني وش صار مع عمي ؟
وافي وهو يتأمل ملامحها القلقه :قال ان ما وقفت مع ولدي مين بيوقف معاه
ملاك تنهدت براحه :الحمدلله
وافي انتبه للخاتم بيدها :وش ذا ؟
ملاك :ايش
وافي :الي بيدك
ملاك ابتسمت:هديه
وافي :من مين ؟
ملاك :مالك دخل ابعد عن سيارتي بروح وراي مشوار
وافي :وين ؟
ملاك :مشوار
وافي :اين الموقع ؟
ملاك مبتسمه :مو لازم تعرف
وافي :وين رايحه ليش تبتسمين ؟
ملاك :مقدر اعلمك
وافي :هو نفسه الشخص الي جاب لك الهديه؟
ملاك :لا
وافي :طيب مين
ملاك اغلقت الزجاج وأشرت له بالابتعاد
وافي يكلم نفسه :نشوف الحين
دخل المنزل :نايف ابي سيارتك
نايف :انا ابيها عندي محاضره الساعه ثلاثه
وافي :ضروري
نايف :وين ؟
وافي :بلحق ملاك طلعت بسياره ابوها وبيدها خاتم وعيت تعلمني وين بتروح
نايف :انخطبت؟
وافي :وين بتنخطب ببيتنا ؟
نايف :ولله مدري عنك
وافي :تكفى عطني ابي اروح يمكن الحيوان راشد بيقابلها بكسر خشمه زي ما خلا عبدالمحسن يكسر خشمي
نايف رمى المفتاح :هاك بس لا تتأخر
وافي :عاد على حسب اطلب لك اوبر احتياط
نايف :على قول الهنوف كل شي بسبيل الحب يهون اساعدك عشان يرجع لي الجميل نفسه
وافي بالسياره :الحين وين بتروح بالرياض الكبيره ذي
توقف عند اشاره الحي ونظر يمينه وإذ بملاك بسياره والدها انزل رأسه لكي لا تراه :ولله هي
رفع رأسه ببطء ونظر لها وكانت تضع احمر الشفاه :وين رايحه يا ملاك وين
قاطعه صوت بوق السيارات الذي يشير بفتح الاشاره :طيب الحين بحرك
لحقها حتى مكان يبدو انه قيد الانشاء توقف بعيدًا ونزل خطرت بباله فكره وحاربها ،مستحيل مستحيل أن يكون هلاكي بيدك ،لا أرجو ان تكوني هلاكًا وأنا كنت أظنك ملاكًا ،حسنًا لا تبالين بي ولا تعشقينني كما عشقتك ،حياتك وأحلامك والداك وأخوك ،لم الحسناوات بهذا الخبث ؟
دخل خلفها وهو يبحث عنها بتخفي لم ينتبه للأرضيه فمشى على قطعه خشب اصدر صوتًا دخل أحدى غرف ذلك المكان ونظر يمينًا ولم يبصر شيئًا بعدها
شهقت ملاك عند وقوعه ونظرت للعصى التي بيدها وهي ترجوا الا يكون بها دم قفزت من فوق دلو الصباغ وصرخت:وافي
قلبته على ظهره وتحسست نبضه :ياربي وافي تسمعني
خرجت للسياره وجلبت علبه ماء سكبت نصفها عليه :قوم
فتح عينيه :وين انا ؟
ملاك :عندي
وافي:وين زوجتي
ملاك انصدمت :مين؟
وافي :سحاب
سكبت باقي قاروره الماء على وجهه :بجهنم
جلس وافي وهو يضحك :مقلب
ملاك :من بدايه طيحتك مقلب؟
وافي :لا سحاب زوجتي مقلب
ملاك :يعورك راسك؟
وافي امسك على رأسه :اي
ملاك :احسن
وافي :لا تقولين عشان سحاب
ملاك :ليه تلحقني
وافي :انتي ليه تطلعين وبيدك خاتم وما تعلميني وين رايحه
ملاك ضخكت :اهاا الحين فهمت تحسبني انخطبت ؟
وافي انحرج :لا تضحكين
ملاك :ما اضحك اجرب اسناني
وافي :طيب صدق وش جابك هنا لا تقولين انك معاهم
ملاك :تشك فيني؟
وافي :يوم شفتك دخلتي هنا شكيت بس طردت الفكره تكفين حتى انتي اطرديها
ملاك :اول شي قوم اوريك المكان
وافي :اول شي علميني من جاب لك الخاتم ؟
ملاك اشارت بأصبعها الذي به الخاتم :وش اسم ذا الاصبع ؟
وافي عد اسماء الاصابع على يده :السبابه
ملاك :قد شفت بنت مخطوبه او متزوجه تلبس خاتمها بالسبابه ؟ هذا هديه من صديقتي
وافي :طيب ليه عليه حرف YوM الام حرفك بس الواي؟
ملاك :يارا وملاك
وافي :طيب قوميني
ملاك :انت تعلم كيف تقوم وحدك
وافي ابتسم وقام:تعلمت وانتهيت والحين قاعد اتعلم كيف اصير كيس ملاكمه
ملاك :ليه ؟
وافي :الاسبوع ذا كل من هب ودب صفقني
ملاك ضحكت :عاد انا اصفقك من اول يا بيدي او
نظرت لعينيه :بنظراتي
وافي :تدرين مين صفقني؟
ملاك :نايف
وافي :عبدالمحسن
ملاك :مين ذا؟
وافي :اذا وصلتك الاخبار الي يحب الجازيه
ملاك :اهاا وش السبب
وافي :ولله حبيبك راشد ...
ملاك قاطعته :ماهو حبيبي
وافي ابتسم واكمل :راشد راح بيوم الملكه قال لعبدالمحسن انه تدري ليش وافي متلزق بعمه ؟ عشان هو يحب بنته وعبى راسه كلام وبنفس اللحظه كنت ابي اكلمه عن موضوعي وجا الحوش دربه درب خشمي كسره
ملاك ضحكت :تستاهل
وافي :لا تضحكين وليش؟
ملاك :ما اضحك وعشان انت تشك براشد
وافي توقف ونظر لها :ما تشكين فيه ؟
ملاك :لا
وافي :ليش؟
ملاك :ما يسويها يعني مهما كان يكرهك ترا قلبه طيب انا اعرفه من زمان كان يغلط كل شوي ويجي عندي اتوسط له عند ابوه
وافي :يا سلام وانتي زي الحلوين تروحين وتتوسطين له لو خليتيه يذوق العقاب معد صار كذا
ملاك :ما سوى شي هو انسان طبيعي
وافي :الا سوى
ملاك :ايش؟
وافي ارتبك وسرع خطواته :اخلصي بسرعه وقولي لي وش تسوين هنا برجع السياره لنايف
ملاك ابتسمت وهي تمد ذراعيها :شفت ذا المكان الكبير
وافي :اي
ملاك :ذا غمام الجديد واول فرع له بالعاصمه
وافي نظر لها :كيف؟
ملاك :مثل ما ترى ابوك كان بيسوي لك مفاجأه وقال لي اجي اشيك المحل لأني بساعده بالتأثيث بس انت خربتها
وافي ابتسم :انتِ؟
ملاك :اي انا
وافي :كم مهاره عندك غير تكسير الروس؟
ملاك :كثير القراءه والكتابه
وافي فز قلبه :الكتابه بخطك ولا بالجوال ؟
ملاك :طبعًا بخطي
وافي اخذ نفس عميق ووضع يده بجيبه ليخرج العقد لكنه غير موجود :وايش بعد؟
ملاك :تكسير الروس والتأثيث مايعتبر موهبه يعني اشوف صور واقلدها
وافي:ماني خبير باللغه العربيه تكسير الروس جمله تابعه لتقليد الصور ولا منفصله؟
ملاك ضحكت :طبعًا منفصله تكسير الروس اسلوب خاص ما اقتبس من احد
وافي :مين توقعتيني يوم صفقتي راسي؟
ملاك عبست:توقعت الي يلحقونك لحقوني
وافي عبس :اسف لو بيوم عشتي بخوف بسببي
ملاك :ما خفت يوم الا يوم ...
وافي :يوم ايش؟
ملاك ابتسمت :افضل ما اعلمك الحين بعدين بعلمك
وافي :متى ؟
ملاك :بوقت احس انه مناسب
وافي :تمام
نظر لساعته :نطلع ؟
ملاك :اي
...
بعد يومين
وجدان :بنات احس الشعر اوفر لو ترفعه لي؟
ام خالد:شحلاتك ماشاء الله تبارك الله زينه البنت بشعرها خصوصًا بليله عرسها
وجدان اخذت نفس عميق :توتر ،الهنوف جيبي استشوار معاك عشان اذا لا قدر الله كبيت عصير على روحي تردين لي الجميل
ام وافي :لا انتِ غير والهنوف غير الهنوف مخفوفه حتى الزواج ما هجدها
غاليه :بس هجدت لها اسبوع مدري ليه
ام سيّاف :يمكن حامل؟
غاليه :لا تاكل حبوب
ام سطام :ولله ما تدرين يمكن نسيتها يوم من هنا من هنا
ريوف :لا ولله زوجها دقيق زي اخوه ما ينسون شي ماشاء الله تبارك الله
ام خالد :من الاكل الصحي مو زيكم
ديم :ولله اكلنا اكل صحي لين فطسنا ما تغير شي جينات وراثيه ذي
ملاك دخلت :الله وجدان تجننين
ام سيّاف :انتِ اليوم عاجبتني لبستي لون يناسبك ماهو اسود
ملاك ابتسمت :يمه عرس الهنوف كنت مشتهيه البس اسود واليوم اشتهيت البس سماوي
ريوف :سندريلا ماشاء الله بس وين الامير
ام سيّاف :يمكن الامير اليوم اخو العريس
الهنوف شهقت :لا لا يا خاله مستحيله الامير واحد ثاني وعاد كلنا نعرفه
ام سطام :محلي ولا عالمي؟
الهنوف :محلي اصلي
ام سطام ابتسمت :بس عرفته هو ذاك
ام وافي :منهو؟
ام سطام :رضع منك ولا تعرفينه ؟
ام وافي :اهااا ولله صدق خليني اكلمه بعدين لعله يقتنع ذي المره
الجازيه :خلاص شوفوا وجهها كيف صار مسكينه محمر
ديم دخلت:ملاك مكثره بلشر وليه حاطته بكل وجهك
غاليه:ماهو بلشر هذا تأثير الفراشات
وجدان :الفراشات ببطني انا
ام سطام :يلا اخوك يدق
الجازيه :ما شفت اسماء تجهزت ولا باقي
ام سطام :تجهزت شفتها انا
ريم:وش لبست ؟
ام سطام بأبتسامه :اصفر يهبل عليها ماشاء الله
ديم :سوت ميكب ولا انا اسوي لها
ام سطام :سوت ماشاء الله واصلًا حتى لو ما سوت جمالها رباني
ديم :جرحتي الميكب ارتست الي داخلي
ريوف :خلي دكتورك النفسي يعالجك
ملاك :اف وش جلستكم ذي كلها دق بالكلام
الهنوف :تبغين الكلام المباشر انا اح...واكثر من اح
ريوف :وانا ببدا صباحاتي بح...
ملاك :الله يصبرني بس الليله وبكره ونرجع الديره
ام سيّاف :وبعدين تجلسين تبكين زي ذاك اليوم
ريوف :ذاك اليوم جرحها ماهو منا
الهنوف دقتها :الا منا
الجازيه :وجدان القاعه عند شبك غنم؟
وجدان :اي
الجازيه :البنات قد راحوا يحسبون انفسهم ضاعوا
غاليه :من بين قاعات الرياض ما لقيتي الا ذي القاعه ؟
وجدان :ولله من داخل حلوه واحنا بنجلس داخلها مو بشبك الغنم
ام خالد :انا عرسي سويته بزربه الغنم
ريم :يمه ضاقت عليك الارض سويتي بزربه الغنم؟
ام خالد :ولله انه خوش زواج طلعنا الغنم بزربه ثانيه ونظفناها وحطينا فرشات وصارت قاعه وببلاش بعد
ام سيّاف :طبعًا هي ما نظفت معانا عشان كذا تقول خوش زواج
غاليه :عاد احمدوا ربكم غيركم بدون عرس
ام سطام :ولدي المسكين بدون عرس
ام وافي :خيره له على ذاك الجمال لو انها سوت عرس كان نضلوها عين
ام سطام :اي ولله
الهنوف :انا طالعه
ام وافي :مع زوجك؟
الهنوف :اي
ديم :امه وخواته معاه؟
الهنوف :اي اخذهم وبيجي ياخذني ونروح
ريم :الحين تصير هوشه ام الزوج والزوجه على المقعد الامامي
الهنوف :لا ولله اما انا مالي خلق مهاوشات ان كان بتقعد قدام تقعد وان كان بتقعد ورا تقعد والمكانه بالقلب
غاليه مبتسمه :عاد انا وخالتي منيره ماقد تهاوشنا على مكان
ام سطام :انتم اقارب لكن الي ما يعرفون بعض بينهم ذي الاشياء
خرجت الهنوف :السلام عليكم
ام غازي نزلت :اطلعي قدام
الهنوف :لا يا عمه انتي من اول قدام
ام غازي :لالا يا بنتي مكانك انتي قدام مع زوجك
الهنوف :والام مكانها جنب ولدها
ام غازي :يابنتي لا تأخرينا اطلعي قدام
الهنوف :مره يا عمه حلفت عليك وولله ثم ولله ثم ولله ما يركب قدام الا انتِ
ام غازي ضحكت :الله يهديك بس
ركبت الهنوف :معطر السياره ريحته خايسه
غازي :انتِ اخترتيه
الهنوف :منجد؟
غازي :اي يوم بباريس عجبك
الهنوف :طيب شفيه ريحته تغيرت
منى :حبيبتي فرق جو باريس عن السعوديه اكيد بيتغير
غازي :انا اشمه نفسه
الهنوف :هو حلو بس احس اني كارهه الريحه
ليلى :يمكن وحام؟
الهنوف بلعت ريقه:لا مستحيل اكل الحبوب كل يوم
منى :ولله ما تدرين جربي حللي وحده معانا بالجامعه حملت من فوق الحبوب
الهنوف بخوف :صدق؟
منى :اي صدق
غازي :كذابه تلقينها تكذب على زوجها انها تاكلها وهي ترميها من وراه
منى :زوجها يبيها تحمل بس هي الي ما تبي
غازي ضحك:لا تخوفين الهنوف بس معد تنام الليله الا اذا مسكت يدها
الهنوف بحرج:شدعوه ماني بزر
غازي :زعلتي؟
الهنوف :لا
احست شي على ركبتها ونظرت وإذ بيد غازي من الخلف قرصته بقوه
غازي :اححح
ام غازي :شفيك؟
غازي :قرصتني فراشه
منى ضحكت :الفراش يقرص؟
غازي :يمكن
الهنوف :وقرصه يوجع ويأدب
بعد ربع ساعه
غازي :وصلنا يا حلوات انزلوا واستمتعوا لأن بكره الفجر اول ما يقول المأذن الله أكبر نطلع السياره
الهنوف :بنام لين تمر لي
غازي :لا طبعًا باخذك معاي الحين الفندق مابي اضيع الوقت واخذك من بيت اهلك
الهنوف :لا طبعًا ليه فندق وبيت اهلي موجود؟
غازي :خلاص نتناقش بعدين
الهنوف اغلقت الباب بقوه فتح غازي النافذه وقال وهو مبتسم:بس بالفندق
الهنوف اخذت نفس عميق :ما بيعصبك شي اليوم عرس بنت عمك استمتعي
بلعت ريقها وهمست :بس ولله لازم اسوي اختبار حمل اريح ضميري بس
...
اسماء :يلا ؟
سطام :اخيرًا
اسماء :ترا لسى بدري يعني ما كنت بروح قبل اهل المعرس اضافة الى انه الوقت الي اخذته يستاهل يعني بالله شوف ما طلعت حلوه
بلع ريقه بتوتر :الا حلوه
اسماء :اجل خلاص لا تتحلطم وخلك قريب من جوالك اذا تعبت بدق عليك
سطام :ليه تعبانه ؟
اسماء :مو تعبانه بس احس اني بتعب
سطام :اذا قصدك من الجهه النفسيه لو تبين ترجعين مع اهلك عادي مارح اقول شي
اسماء :انت ما بتقول شي لكن محمد بينشب لي
سطام :يعني مرتاحه معاي؟
اسماء بلعت ريقها :اي
سطام :مثل ما قلت لك اول اذا تبينهم بس علميني
اسماء ابتسمت :شفينا رجعنا للبدايه؟
سطام ابتسم :ناخذ فواصل نرجع فيها للواقع
اسماء :الاسبوع الاول مر باقي خمسه اسابيع
سطام :لو جلستي تحسبين ما بتخلص
اسماء :بعض الاحيان اتمنى انها ما تخلص
سطام نظر لها بصمت
اسماء اكملت :لما اكون نايمه واحلم ان ولا شي من ذا صار
سطام فتح لها باب السياره :تفضلي
اسماء :وش ذا ؟
سطام :وش ؟
اسماء :ورد
سطام اخذه :كيف
قرأ البطاقه وانفجر ضاحكًا
اسماء :ايش ذا
سطام :امي كاتبه احبك يا زوجتي ولو كان زواجنا بالغصب
اسماء ضحكت :يا روحي هي
سطام :قالت لي جيب ورد وانت اختاره على ذوقك قلت يمكن تبيه مسكه لوجدان
اسماء ضحكت اكثر :الحين ياروحي انت المسكه ماهي ورد طبيعي ولاهي باقه كذا
سطام :ولله وش عرفني انا ماقد شفت عروس
اسماء عبست
سطام :كنتِ تتمنين تصيرين عروس صح؟
اسماء :حلم كل بنت
سطام ابتسم بحزن :وانا حرمتك من حلمك
اسماء :مو ذنبك لا تزعل على نفسك بالاخير بنتطلق ولو جاني نصيب بعيشه
سطام تنهد :صح
سكت قليلًا وأكمل :لأنه وقتها ما بيربطني فيك شي مبروك من الحين ومنه المال ومنك العيال واهم شي قولي له سطام يقولك حط سيده سكر بعيونك
اسماء ابتسمت بضيق :وانا من الحين اقول لك مبروك وانتبه لزوجتك لا تزعلها
سطام بنفس ابتسامتها :يوصل
...
ابو عبدالمحسن:ودي ازوج ولدي
ابو سطام بسخريه :زوجه محد مسكك
ابوعبدالمحسن :اصبر انا اكلمك بجديه
ابو سطام :اسمعك
ابو عبدالمحسن :عاد هو باقي عنده كم شغله بأمريكا وما يمديه ينقل الا بعد سنتين وسبع شهور أنا فكرت قلت مافيه وحده بتقبل تسافر معاه وبعدين رجعت فكرت فيها لقيت ان بنتك هي بتكون هناك ثلاث سنوات يعني بأختصار ابي بنتك لولدي
ابو سطام بسخريه:ما بزوجكم عندي مجنون انا
ابو عبدالمحسن بنفس السخريه :شدعوه ما طلبتها لنفسي طلبتها لولدي ماهو مجنون تطمن
ابو سطام ضحك :ولله انكم خير ناس لكن بشوف رأي البنت بعدين
ابو عبدالمحسن :قرروا بسرعه عشان يتزوجها قبل يرجعون هناك
ابو سطام :بكره ان شاء الله
ابو عبدالمحسن :بكره
ابو سطام :يالله مدري وش انشبني فيك وباقي بزوج بنتي ولدك
ابوعبدالمحسن :فكر فيها بمنطقيه يسلون بعض بالغربه
ابو سطام :عاد على حسب البنت اذا وافقت يسلون بعض اذا ما وافقت خلاص كيفها
ابو عبدالمحسن ضحك:وش فيك علي تقل باكل بنتك خلاص اذا ما وافقت مافيه نصيب
ابو سطام :والولد يدري ؟
ابو عبدالمحسن :اي يدري
ابو سطام :يبيها ؟
ابوعبدالمحسن :قال عادي اتزوج اي احد الا بنات خالي
ابوسطام ضحك :ما يبي يكرر غلطه ابوه
ابوعبدالمحسن :ولله لو اني تزوجت من ديرتكم احسن لي
ابوسطام :هااا بدا الحوار يأخذ مجرى اخر شوي وتقول لي بتزوج الثانيه
ابوعبدالمحسن :فاضي انا اتزوج ثانيه انشب عمري ؟ انا ابي بس التقاعد وانام بالبيت
ابو سطام :شايب يا شايب
...
ترف :وش رايك براشد؟
ملاك :شفيه راشد؟
ترف :يعني وش تشوفينه
ملاك ابتسمت :وش بشوفه يعني راشد هو راشد
ترف :ملاك ترا السؤال واضح مقصده
ملاك :اعتبره صديق طفوله بس
ترف :بس؟
ملاك :اي بس،كم باقي على الزفه
ترف :ربع ساعه
ترف :تسمعين الصراخ ؟
ملاك :اي بسم الله وين المياسه ؟
ترف :شوفيها تركض
ملاك :وين رايحه
ترف :قومي نشوف
ريوف تضحك:شفتوا وش صار ؟
ملاك :وش صار ؟
ريوف :نعجه هربت من الشبك ودخلت القاعه
ترف :المياسه راحت شالتها صح؟
ريوف :اي من الحماس طلعت بدون عبايه
ترف :جوالها معاها ؟
ريوف :مدري عنها
ترف :الحين بيجون الرجال وهي برا
ملاك :اروح لها ؟
ترف :وانتي بعد ما تصدقين تطلعين
ملاك :بروح اشوفها
ترف :الله يرزقني قد حبكم للغنم
في الخارج
ملاك :المياسه وينك
المياسه :هنا
ملاك :وين ؟
قامت ورفعت شعرها :هنا دخلتها الشبك ولقيت وحده ناشبه كانت بتطلع وراها
ملاك :بدون عبايه يالذكيه
المياسه ابتسمت:ولله نسيت
ملاك :تعالي البسي عباتك وبعدين داخل تبخري وتعطري اكيد ريحتك صارت غنم
المياسه :يازين ريحه الغنم
ملاك مبتسمه :ريحتهم حلوه بس محد يفضل يشمها بالمناسبات
المياسه :مين ذولي جو ؟
ملاك :ذي سياره سيّاف
المياسه ركضت :عطيني عباتي بسرعه
ملاك :هاك
لبست العباءه :وين الطرحه ؟
ملاك :مو معاها ؟
المياسه :لا
ملاك :اجل الله يعينك حطي العباه على راسك واركضي
المياسه نفذت امرها وركضت
سيّاف نزل :مين ذي؟
ملاك مبتسمه :توقع
سيّاف بلع ريقه :المياسه؟
ابتسمت حتى بانت غمازتها :اي
يحك خلف رأسه:شفيها صارت كذا
ملاك :كيف
سيّاف :كذا
ملاك :سيّاف كيف كذا ماهي وصف لحال احد
سيّاف :صارت حلوه
ملاك :هي من اول حلوه بس انت ما شفتها زين
سيّاف اصبح يدور :ملاك ابي اتزوج قولي لأمي
ملاك ابتسمت :يا سبحان الله والشقرا ؟
سيّاف :الشقرا حيوان انا ابي انسيه ابي المياسه
ملاك :افكر
سيّاف :انقلعي بس انا بكلم امي
ملاك حضنته :خلاص انا بكلمها الحين بدخل اقول لها وعاد انت كلم اخوها
سيّاف :اخوها ؟
ملاك :اي ما عندها الا هو ثامر
سيّاف :اخوها ذاك الصغير ؟
ملاك :اي وش فيه
سيّاف :صغير
ملاك :طيب هو يحتاج تحترم وجوده يعتبر ولي امرها
سيّاف :حبيبتي ملاك وش ولي امرها توه ١٧ هي وليه امره
ملاك :بالزواج يعني بعادات الاهل والديره هو ولي امرها لو عمره ١٠ بس بالعقود زوج عمتها وعاد هو لازم تحترم وجوده يعني لو تطلبها منه بيفرح وبيحس بالمسؤوليه
سيّاف :اطلبها من تركي وراشد ولا اطلبها منه
ملاك :راشد ماهو حولها وتركي تزوج ما فيه الا هو
سيّاف :طيب ابو راشد
ملاك :ممكن بس الافضل من ثامر
سيّاف :ملاك افهمي بتخلين مستقبلي يعتمد على مراهق يمكن الحين يقول لي اي بس بعدين يقول لا
ملاك :ولله ثامر مراهق مختلف وقراراته حكيمه
سيّاف :لحول بس
نظر خلفه وإذ بسياره الشباب قادمه ومن يقودها وافي :خلاص ادخلي بس بعدين نتكلم
ملاك وهي داخله:بتتزوجها معليك
سيّاف :غطي شعرك
وافي نزل وبقي ينظر لملاك
سيّاف همس بأذنه :عندك خوات ؟
وافي ارتبك :اي اي
سيّاف :وش تطالع به؟
وافي :بموت نوم اتنح بأي شي بدون ما اعرف وش هو
سيّاف :لا ماشاء الله يقولون صاحي المغرب قبل تجي
وافي :ولله بالغلط يعني استغفر الله مدري وش ذي القاعه بمكان مهجور الشياطين بكل مكان بس ترا بالديره انا سيده ما اطالع ولا بظفرها حتى
راشد :ذي الي كانت تكلم سيّاف مين؟
سيّاف ووافي بنفس الوقت :وش دخلك؟
نايف همس لوافي :انا على ولد عمي وانا وولد عمي على الغريب
وافي حاول كتم الضحكه لكن ضحك
سيّاف :وش تتهامسون بينكم وتضحكون
نايف:سر بين الاخوان ما بينك انت واخو... اختك اسرار
راشد :عنده اسرار معاي
سيّاف :انت محد كلمك
نايف :سيّاف شفيك منفس؟
سيّاف :موضوع قاهرني
نايف :ناقتك تنومت مره ثانيه؟
سيّاف :لا اهم من النياق
سطام :اذني ما تسمع ولا سيّاف يتكلم عن شي ويقول اهم من النياق؟
بدر :الزواج مأثر عليك مو صاير تسمع
سطام :شدعوه ترا الزواج مو نصرخ بأذان بعض تثقف
نايف :وانا اذني ما تسمع ولا سطام قاعد يتكلم عن الثقافه
غازي :لا اذنك تسمع زين
يوسف :الحين سؤال ليش احنا كذا جينا بالسيارات وواقفين قدام قاعه الزواج
وافي بسخريه :عشان نشوف حبيباتنا
سيّاف نظر له
وافي :ولله امزح انا ما بتزوج واسأل نايف مالي نيه ولا عين على الجنس اللطيف
راشد :جايين نزف العريس لين عند الباب ونرجع وبعده نسوي موكب وراه لين الفندق
وافي :انا اذا تزوجت ما ابي موكب صراحه مصدع من حياتي وبتزيدوني
سيّاف :بالله ؟ سمعت كلام انك ما بتتزوج
وافي :شوف يعني خيالات يعني مو اتخيل احد محدد يعني ...نايف ساعدني
نايف :ولله مدري بدر؟
بدر :غازي؟
غازي :يحلم احلامه كذا
وافي :عطبتها اكثر
غازي :افوض امرك ليوسف
يوسف :يعني يحط فرضيه يفترض انه لو صار كذا بسوي كذا
وافي تنهد :اي فرضيه لشي مستحيل
نايف همس :ماهو مستحيل
راشد بأستفزاز :يمكن حلمك يحققه غيرك
وافي :زي الي يسرق مشروعك وينسبه لنفسه واذا قالوا له اشرحه يتنح
راشد ضحك :تقارن الزواج بالمشاريع ؟ الزواج نصيب وعاد فيه ناس اذا حللوا تحليل الزواج تطلع فيهم امراض الدنيا ويمكن
شد على الكلام اكثر :يمكن يطلعون متعاطين
سيّاف بأستفزاز :عاد انا عيال عمي واثق فيهم ولو يجيني واحد يطلب اختي عطيته اليوم قبل بكره وبدون تحليل زواج لان دمه من دمي لكن الغريب الي يجي من برا العايله لازم يحلل
يوسف :يا جماعه لازم تحليل الزواج خصوصًا لو كانوا اقارب لأنه زواج الاقارب هو اساس الامراض ومثل ما قال الاخ راشد ممكن يكون متعاطي
نايف :اسمع كل ...اوه معليش احسبك اخوك
يوسف :لا عادي قولها عشان بنت عمك تاخذ حرمان
بدر :إن نقصت درجه احلم انك تشوفها
نايف :مو ذا الي يقولون ما يدخل حياته الخاصه بالشغل ؟
غازي :الحين قلبه تعبان
يوسف :الحب من العقل
سطام :خلاص اصه اص صه هدوء سكوت صمت چب حواراتكم خايسه الحين تشوفون بيننا متعاطي ؟
وافي بلع ريقه
نايف بثقه :لا كلنا وجيها يا زينها مصبحه الا واحد امبوستر عاد كلنا نعرفه
غازي :تقصدني ؟
نايف : ترا عداوتي انتهت معاك صرفتها لواحد ثاني
يوسف :تدرون أحس الحوارات بينكم متوتره فيه اشياء مخبينها عن بعض يبي لكم جلسه صراحه
سطام :لا الحمدلله ما بيننا اسرار كل شي عن بعض نعرفه
سيّاف :وإن كان بيننا اسرار ماهو بلازم نعرف كل شي
يوسف :بينكم طاقه سلبيه
بدر :انت بالخصوص اسكت نظرياتك النفسيه اشرحها لنفسك
غازي ضحك وهو يربت على كتف اخيه :متحور نايف الله يعينك عليه لين يلقى له عدو ثاني ويصرف شره عنك
نايف :ترا صرفت عداوتي عنك لفتره مؤقته
نظر لراشد :بس راجعين قريب
تركي نزل من السياره مبتسم :خذها أمانه يا حفيظ الامانات اغلى الغوالي في يمينك امانه
سطام :اخيرًا شرفت يلا ادخل خذ زوجتك وانقلع عنا نبي ننام
تركي :باخذها باخذها وش ابي فيكم
راشد :ثامر ماهو معاك ؟
تركي :ثامر يبي يجلس مع ابوي عاد جوه جو شياب
سيّاف :صدق ؟ يعني تشوفه انسان حكيم
تركي :حكيم حكيم
سيّاف همس:الحمدلله
تركي :كيف شكلي
نايف:زي الزق
تركي نظر لسطام:انت بالذات رأيك مهم تشوف من عيون اختك
سطام :حلو
تركي :اجل بدخل
سار تركي وهو يرقص
سيّاف :ذا بيدخل كذا يرقص؟
راشد :اي
عبدالمحسن :من يلومه
نايف :بسم الله من وين طلعت
سطام :وش قصدك ؟
عبدالمحسن بتوتر :يعني انا احسده انه موظف بالسعوديه
سطام همس لسيّاف :ولله خواتنا بخطر لازم نحميهم
سيّاف :انا خطري اقل لكن انت
ربت على كتفه :الله يعينك
سطام :نزوجهم ؟
سيّاف :لا
سطام :صح صح كذا نعطيهم الي يبغونه
سيّاف :نحد السكاكين؟
سطام :ليه وراي زوجه انا ما بخليها ارمله كفايه العذاب الي حطيتها فيه
سيّاف :صح صح انا ابي اتزوج قريب
سطام :صدق؟
سيّاف :اي بتزوج الي جابتك مربط
سطام :المياسه اجل تحمل بتربطك كل يوم
سيّاف :لا طبعًا انا غير
سطام رن هاتفه :انا بروح
اسماء :الو
سطام :هلا
اسماء بضيق :ابي ارجع البيت
سطام :انا برا البسي عباتك واطلعي
اسماء :طيب
اغلقت الهاتف وبدأت بالبكاء
:ياروحي انتي حبيبته القديمه صح ؟
اسماء مسحت دموعها وهي تتصنع الابتسامه :لا العدسه تحرق عيني
ضحكت :اما احسبك حبيبته
اسماء بلعت ريقها:هو ولد خالتي لكن ماضيه نظيف هي اول وحده بحياته
:بتجين تشوفين الزفه ؟
اسماء :لا بطلع زوجي برا ينتظرني
الهنوف تضحك :ريوف
ريوف بنفس ضحكها :قاعد يرقص
ملاك :شوفي وجه وجدان كيف منحرجه منه
ترف :ما الومها ولله الحين الناس شافوني بدون عباه بيعرفون اني اخته يا فشلتي
الجازيه :مليون اسف لك تعالي نخبيك بيننا
لجين :ولله ما ندري انتي الي بياخذك يمكن يتشقلب لين يوصل عندك
ريوف ضحكت :حقيقي
الجازيه انحرجت :لا م...
لجين قاطعتها:لا معليك معليك تراه رزين وهيبه ما بيسوي كذا
الهنوف :وين سلفتي ؟
ريم :جالسه مع اهل زوجها شافت اثير حضرت وراحت تجلس معاهم عشان تعجبهم
ريوف :يا عزتي لها تحاول تنقذ نفسها
الهنوف :معليك اثير يقولون فصلت من الجامعه
ريم شهقت :صدق؟
الهنوف :اي سألت منى عنها
ريوف :ولله حماره ذي
الهنوف :صدق حماره
ريم :الحين ليش ام غازي دايم تجي مع ليلى ومنى ؟
الهنوف :ليلى الكبيره ومنى الجريئه هم دايم يجون معاها بالمناسبات وكل مكان
ريم :اي وحده ليلى ؟
الهنوف :هذيك
ريم :تصدقين شكلها طيبه مغير ديم خوافه
الهنوف :اي طيبه مره وعسل تجنن ولدها خاق على ملاك
ملاك شهقت :ايش؟
الهنوف :ولدها الصغير ناصر عالجتيه وصار يحبك
ملاك :اهاا ليه ما تجيبه معاها ؟
الهنوف :مدري
ملاك :يا بنات وين اسماء؟
ترف :شفتها تطلع توها
الجازيه :بترجع البيت ؟
ترف :اي
الجازيه :يا روحي هي احسها زعلانه لأنه ما سوت عرس
ريوف :ولله ما تدرين يمكن تبي تلون رقبتها ورجعت البيت
ملاك :ريوف عيب عليك
الهنوف :تفضلي محاميتهم جت
ملاك :خلاص بس شوفي وجدان بتطلع
ريوف :اجل امشوا نسلم عليها
...
في اليوم التالي فتحت عينيها بصعوبه
تركي :صباح الخير
وجدان شهقت :اليوم ايش؟
تركي :الخميس
وجدان جلست :الساعه كم الدوام الدوام
تركي:حبيبتي امس تزوجنا اليوم انتِ بأجازه انسي كل شي
استلقت مره اخرى براحه :نسيت
اتكئ تركي على يده بجانبها وبقي يلعب بشعرها :اليوم اول صباح لنا مع بعض وببيتنا
وجدان :لحظه خلني اشوف الاخبار بالجوال
سحب الهاتف من يدها :وش قلنا عن الشغل بالاجازه ؟
وجدان :بس الاخبار كل الناس يتابعونها
تركي اقترب منها :انتي غير عن الناس
وجدان جلست :طيب بس بشوف الساعه
تركي:الساعه ٩ باقي بدري
وجدان:بصلي الفجر
تركي :صلي بعدها انتظرك بطلب فطور
وجدان :وش رايك احنا نطلع احسن نفطر
تركي :بس انا بسوق ذي المره
وجدان :اي انت انا اصلًا سيارتي عند اهلي
تركي :تعالي
وجدان توقفت :وش؟
تركي :وش قلنا عادات الصباح ؟
وجدان اقتربت من خلفه واحتضنت رقبته وهي مبتسمه وقبلت خده :نسيت
تركي :يخسي الي يقول الصباح يبدا بالقهوه كذا يبدا الصباح
وجدان :اتمنى ارجع الاقيك لابس بلوزتك
تركي :ما ارتاح بالبيت الا كذا
وجدان :شدعوه حبيبي ما ربوك بغابه عشان تجلس بالبيت بدون بلوزه
تركي ضحك :بلبس خلاص بس ذباتك ذي اتمنى ما تكثر لأنك تجرحيني
وجدان قبلت خده مره اخرى :انا اجرحك واداويك
تركي :راضي لو تشنقيني
وجدان ضحكت :كيف اشنقك وانا احبك؟
تركي :يا جعلني فدا لذا الضحكه
وجدان :طيب ذي الضحكه تبي تشوف جوالها ممكن؟
تركي :افكر
وجدان :بصلي واخذه
تركي :طيب
وجدان خرجت من الغرفه وصرخت:الباب يدق
تركي :الحين بفتح
خرج عند الباب :مين ؟
:مندوب
فتح الباب :ما طلبنا شي
المندوب :مندوب هدايا
تركي :بأسم مين ؟
المندوب :وجدان
تركي :الي ارسل الهديه
المندوب :مجهول ،فيه بطاقه
تركي :اشوفها
المندوب :تفضل بس وقع هنا انك استلمتها
تركي :لحظه بس
قرأ المكتوب وكان :مجهول الهويه أصيل جذور العشق يتعذب ،قلت انني لن أراسلك لكن قلبي لم يطاوعني لازلت أعشقك حتى بعد وجود عقد زواج بينكم لازلت بعينيك هائمًا حتى بعد أن صار يُصبح ويمسي عليها لازلت وجداني وإن ظننتِ أنك وجدانه وسأحاول حتى أخر نفسٍ لي وإن كان قد انقطع بالامس عندما اختلطت أنفاسك بأنفاسه
تركي بغضب لم يكمل الرساله:مين عطاك ذي؟
المندوب :ما اعرف ارسل لي موقع محل هدايا اخذتها من هناك وبعده ارسل لي عنوان البيت ورقم الشقه
انقض تركي على ياقته :كذاب
المندوب :ولله ما اكذب ما اعرف شي بس انا مندوب
تركي ابتعد عنه وأخذ نفس عميق :عطني رقمه
المندوب :ولله ما اقدر خصوصيه العميل اهم شي
تركي :عطني ما بعلم احد
المندوب :تكفى يا خوي طلبتك ما عندي الا ذي الوظيفه لا تخليهم يطردوني
تركي تنهد :خلاص بس روح حصل خير والهديه ذي رح احرقها
المندوب :ابشر
وجدان :تركي
تركي :جاي الحين
دخل تركي وقالت وجدان برعب :وش صار سمعت صراخ ؟
تركي :ما صار شي
وجدان :تركي
تركي تنهد :هديه بأسمك
وجدان بلعت ريقها :ذاك؟
تركي ابتسم بقهر :ومن غيره يعني؟
وجدان امسكت يده :هو جا هنا ؟
تركي :لا مندوب هو عطاه عنوان البيت ورقم الشقه يعني يعرف كل شي عنا
وجدان لاصقت جبهتها بجبهته وهي تضع يدها على وجهه:ما بيقدر يسوي شي واحنا مع بعض
وضع شعرها خلف أذنها وهمس وهو مغمض عينيه:اخاف عليك
وجدان بنفس همسه :ما علي خوف وانا بنت جابر وزوجه تركي
تركي ابتسم رغم ضيقه :وتركي يفدا زوجته
وجدان ابتعدت وهي مبتسمه :خليتك تبتسم يلا الحين انسى كل شي وخلنا نطلع نفطر بموت جوع
تركي :اي مطعم تبين ؟
وجدان وهي تربط شعرها عند المرآه :ولله المفروض استحي بس مالي خلق
التفتت له :ابي سندوتش كبده مع شاي كرك من البوفيه الي بحينا
تركي ابتسم :الحمدلله ما استحيتي لأن حتى انا مشتهي كبده
وجدان ابتسمت :نشتهي نفس الاكل ،لذي الدرجه نحب بعض ؟
تركي :واكثر
...
ريوف :بشتاق لك
ملاك :وانا ما بشتاق خلاص ابي ريلاكس بالديره
الهنوف همست بأذنها :وفري اشواقك لحبيبك شهر ويخلص محله ويرجع الرياض
ملاك نظرت لوافي الذي يحمل الاغراض وبلعت ريقها :بكيفه عاد حياته
الهنوف :هذا غازي جا يلا مع السلامه
ريوف :بنات يحزن كلكم بتروحون انا برجع لحالي
ملاك :احسن عشان تركزين بدراستك
ريوف :احبكم وانتم ما تحبوني مين زيي
الهنوف :الا انا احبك ملاك حبها مخلص
ريوف ابتسمت :لأخر لحظه هنوفي
الهنوف مبتسمه:لأخر لحظه
وافي صرخ :الهنوف تعالي
سكت قليلًا وصرخ مره اخرى :ريوف بعد
الهنوف :جايه
وافي :مخليني حارس مدرسه كل شوي انادي انتِ زوجك يبيك وهذيك اخوها
ريوف :جيت
الهنوف برجاء :وافي
وافي :لا
الهنوف :اصبح اسمعني
وافي :ايش؟
الهنوف :شنطتي ثقيله ما قدرت اشيلها
وافي :زوجك عنده عضلات عالفاضي؟
الهنوف :تبيه يدخل البيت ؟
وافي :طيب بجيبها
اقترب من الباب ووجد ملاك تحمل حقيبه الهنوف بصعوبه :الهنوف شنطتك نسيتيها
وافي بدون أي مقدمات وضع يده على الحقيبه :هاتيها
ملاك:لا انا بوديها
وافي :ثقيله عليك
ملاك :عادي
وافي :شوفي يدك حمراء
ملاك نظرت ليدها التي كانت تجاور يده على الحقيبه :اذا بديت شي احب اكمله
وافي :الاشياء الي تتعبك لا تكملينها
ملاك سحبت الحقيبه ومشت من جانبه:ما تتعبني
وافي وقف وهو يراقبها :انتبهي من الدرج
ملاك :التفتت له :اعرف امش...
لم تكمل كلمتها حتى تعثرت وسقطت
وافي ابتسم :تحتاجين مساعده ؟
ملاك وقفت بسرعه :لا
عادت جلست وصرخت بألم :آه
وافي :شفيك؟
ملاك :رجلي شكلها انعصرت
سيّاف اقترب :اشوف
ملاك :بقوم الحين
سيّاف مد يده :اشوف
ملاك قامت ورفعت رجلها :ما قدرت
حملها سيّاف ووضعها بالسياره :نشوف الحين نمر المستشفى
ملاك :ما يحتاج مستشفى بس ثلج
سيّاف :من متى صرتي دكتوره تشخصين نفسك وبعدين ليش تشيلين الشنطه وهي ثقيله
ملاك :حقت الهنوف بغت تنساها
سيّاف :ووافي يطالع فيك وانتي تتعنين وتحملين شنطه اخته
ملاك :قال لي بشيلها بس انا قلت له اذا بديت شي احب اكمله
سيّاف :شطوره الحين رجلك لو انكسرت بتقولين لهم لا انا بجبرها
ملاك ضحكت :شدعوه عاد مو لذي الدرجه لا تزعل
سيّاف :الشرهه مو عليك الشرهه عليه يشوف بنت تشيل شي ثقيل ولا يشيله عنها
ملاك برجاء:سيّاف لا تزعل عليه ترا مسكين عانى بحياته كثير
سيّاف :وش عانى ؟
ملاك :الحادث ذاك
سيّاف ابتسم :عشان حادث بس تقولين انه عانى ؟
ملاك :احسه دايم حزين فيه شي يخبيه علينا
سيّاف :شفيكم كلكم تقولون فيه بينكم اسرار مدري ايش
ملاك بلعت ريقها :مين يقول ؟
سيّاف :يوسف هذاك الطبيب النفسي
ابو سيّاف :يلا مشينا ؟
سيّاف أشر لوافي :تعال
وافي :يا عم اليوم انا بسوق مافيها كلام
ابو سيّاف :لا...
وافي قاطعه :ببدا من الحين عشان بعدين ما تقول لي اذا بديت شي احب اكمله
ابو سيّاف ضحك :طيب يلا اجلس بس بشرط
وافي :وش ؟
ابو سيّاف :تقول شعر
وافي :انا ؟
ابو سيّاف :اي انت
وافي ابتسم واخذت احتياطاتي امس سهرت على الشعر اقرا
ابو سيّاف ضحك:حلو
وافي :نحرك كلكم جيتوا ؟
ابو سيّاف :اي شغل دعاء السفر
سيّاف :نمر المستشفى
ام سيّاف شهقت :ليش؟
سيّاف :وحده ذكيه راحت شالت شنطه ثقيله وطاحت عالدرج ورجلها انعصرت مدري انكسرت
ابو سيّاف :ليه تشيلينها يا ملاك عندك اخوك وولد عمك كان ناديتيهم يشيلونها
ملاك ابتسمت :يبه تراني ولله قويه بس تعثرت قدمي
سيّاف :تعثرت قدمي
ملاك ضحكت :ما ادري وش فيني اتكلم كذا من فتره
ام سيّاف :شلون رجلك الحين ؟
ملاك :شوفيها
ام سيّاف :انتفخت
ملاك :لا احسها عادي
ام سيّاف :عطيني اغمزها لك
ملاك :لا يمه مو لازم
ابو سيّاف :والحين مع فقره الشعر وش عندك يا وافي
وافي :هاه ؟ اي يقول الشاعر مدري شسمه ولله بس يقول :

ياساحرالعينين كيف أسرتني
وأنا بحسنِك شاردٌ مذهولُ
من غير أنْ أدري لقد قيدتني
وجعلتَ قلبي للقيودِ يميلُ
أحببتُ قيدَك لا لأنّي خانعٌ
لكنّ قيدَك للِّقَاءِ سبيلُ
سددتَ سهماً من لحاظك قاتلاً
لتصيبَ قلباً أنتَ فيه نَزِيلُ

ابو سيّاف :الله صح لسانك
بدأت ملاك بحك رقبتها بتوتر
سيّاف :ماش يا وافي خيانه ذي تعلمت شعر ولا قلت لي واتعلم
ابو سيّاف :وش رايك يا ملاك ؟
ملاك بتوتر :هاه ؟ اي اتوقع ذا الشعر شعر حديث لأن المصطلحات كلها سهله
ابو سيّاف :صح حديث الشعر ولا يا وافي؟
وافي :هاه ؟ اي حديث
بعد ست ساعات
سيّاف :الحمدلله عالسلامه
ملاك :تعال ساعدني
سيّاف :للحين ما تقدرين تمشين ؟
ملاك :وافي بلا مزح رجلي مجبره
ابتسم وافي
سيّاف :ايش؟
ملاك :سيّاف
سيّاف :قلتي وافي
ملاك بغضب :بقيتوا فيني عقل انتم بالسياره طول الطريق وافي وافي
سيّاف ضحك :يمكن الجبيره تأثر عليك
ملاك :سيّاف اسفه اني طقطقت عليك يوم انكسرت يدك قبل تسع سنوات كنت طفله بس انت خلاص لا تزودها رجلي راحت فيها
سيّاف :انتي ما انكسرت رجلك بس رض بسيط ولافينها لك بشاش تفكينه بعد مدري كم يوم وبالبيت بعد
ملاك :بس ما يعني انه ما يعور يلا تعال ساعدني بنزل
سيّاف حملها :بجمالك ذا ما يصلح تخطين خطوه عالارض
ملاك ابتسمت :ما رضيت
سيّاف :كيف اراضيك؟
ملاك :طلعني للسطح وجيب لي اوراق وقلم
سيّاف ووش بتسوين
ملاك :بكتب تعرفني احب الكتابه
سيّاف :ابشري بس بجلس معاك
ملاك :لا لا عادي انزل تحت وانا بجلس فوق اذا تعبت بقول لك تعال احب اكتب لحالي
سيّاف :ان شاء الله
في الجهه الاخرى سار لذلك المكان الذي اعتاده ما سار به قلبه وليس قدميه جلس وهو لا يزال يتأمل بردها وكالعاده جاء ياقوت يحمل رساله مصيريه أتحبني أم تكرهني فتحها وكان محتواها ما ينبض له قلبه :
شيطاني العزيز ،طوال الفتره التي مضت فكرت بعقلي كثيرًا بنيت كل السناريوهات بعقلي ،بعقلي فقط لا غير رغم ذلك أحسست أن هناك خطأً وتناسيت الموضوع واليوم فكرت بقلبي وتأكدت من اجابتي أنا ملاكٌ وقعت بحب شيطان .

ابتسم وافي ورد عليها :
كنت قد قلت لك بأنني اعرفك بقدر ما أعرفك ،لقد عرفت بأنك ستبادليني الغرام وستلونين ايامك بالعشق وتملأين صفحاتك بالهيام وتنطقين حروفك بالوجد عرفتك يا ملاكي بقدر ما عرفتك وسأعرفك أكثر .

ملاك :
والآن ماذا يفعلون العشاق ؟

وافي :
قبل كل شي ،عقدك لقد فقدتيه

ملاك :
كيف عرفت ؟

وافي :
لن أكذب واقول بالحب عرفت لكن مره دخلت محل بهذه القريه ووجدته ملقى على الارض كان هناك أنثيين بذلك المحل أحترت أيهم أنتِ.

ملاك :
هلا أعدت العقد؟ لقد خفت كثيرًا من أن افقده للأبد

وافي :
سأعيده ،وأودعك يا ملاكي وددت لو تحدثنا كثيرًا لكن الوقت تأخر ،لنتحدث غدًا ولكن ليكن مبكرًا

ملاك :
سأشتاق لك كثيرًا حتى الغد

وافي :
وأنا شوقي لا منتهى له حتى الغد

ربط الرساله الاخيره ونظر لياقوت وهو يكلمه :بلحقك الحين لا تطير بسرعه تمام؟
تركه يطير ولحق به الى أي انثى أنا أُقاد إلى أي ملاك أنا أنتمي ،أعدك يا ملاكي سأعرفك ولن تعرفينني حتى تطلبين ذلك لكن حتى ذلك الوقت سأحبك وأنا أعرفك .
لاحظ أن ياقوت هبط بمنزل ملاك وأخذ نفسًا عميقًا ...