ملاك كانت بالحوش وسمعتهم وما ترددت انها تطلع راحت عندهم على طول ووافي كان سابقها بخطوات اول ما وصلوا واحد من الاولاد قال :الولد جديد قرصته عقرب
وافي ركض له وشاله وملاك وقفت تسألهم :وش لونه ؟
واحد منهم :اسود
فجأه استرجعت ذكرايات الي صار مع اخوها وصنمت مكانها وصارت تقول :مستحيل مستحيل
شوي واستوعبت ونادت على وافي :جيبه هنا
وافي :بوديه عند اهله
ملاك تصارخ وعيونها دموع :جيبه هنا جيبه
وافي من الخرشه لحقها وهو ساكت دخلته الحوش وقالت :خلك هنا لا تطلع
وافي :وين
ملاك :بجيب العلاج بس خلك هنا
دخلت البيت بسرعه وطلعت صندوق من فوق الدولاب وكان مغبر وشالته رغم ثقله وطلعت فيه
ام سيّاف :صندوق جدتك وش تبين فيه
ملاك :ابيه وبس
ام سيّاف :ثقيل عليك
ملاك :مو اثقل من الموت
ام سيّاف حست ان كلامها غريب وكانت بتلحقها بس ما امدها لأن ام وافي نادتها بالمطبخ
طلعت ملاك ومعاها الصندوق ويوم وصلت للباب شافها وافي تشيله وهو ثقيل وحط الولد على فراش وشال الصندوق عنها وحطه بالارض وجلست ملاك بسرعه تدور فيه اغراض
وافي :وش تدورين
ملاك ما اعطته وجه وجلست تدور وهي تبكي وتقول :لا مو هذا مو هذا
وافي جلس جنبها ومسك يدها وقال :وش تدورين بساعدك ؟
ملاك :ما احتاج مساعده احد بلقاها انا لحالي
وافي فكها وقام :براحتك
ملاك :لا تخليه ينام وينتشر السم بسرعه
وافي :وش اسوي
ملاك :غني له
وافي :تطقطقين
ملاك وهي تبكي :ما اطقطق ولاحنا بموقف حق طقطقه غني عشان يركز عليك وما ينام
وافي وش اغني
ملاك :اي شي اي شي اهم شي غني وارقص
وافي صار يغني :وانا في درب الهلاك ظهرت لي يا ملاك غيرت مجرى حياتي شفت السعاده معاك
ملاك :اعلى صارخ عليه عشان يحس ازعاج مو كذا
وافي علا صوته وكمل يغني
ومن علوّ صوته طلعوا كل الي بالبيت
ام الولد :ولدي ولدي وش صار ؟
ملاك :عقرب يبي ياخذه منا
ام الولد صارت تصارخ وتبي تقرب له بس الحريم منعوها
ملاك وقفت :لقيته لقيته باقي بس دقايق وانقذك تحمل بس دقايق ...مويا معاك مويا
وافي صارخ :جيبوا مويا
ملاك وهي باقي تبكي وتبعد شعرها عن وجهها:خلاص بس الحين بخلطه
ملاك :خلصت خلصت
جت ملاك ترفع راس الولد وتبي تشربه بنفس الوقت ما قدرت ووافي شافها وجا رفع راسه وهي شربته وقال :احس اني بطرش
ملاك :حلو حلو لازم تطرش بس مو الحين شوي بس على الاقل ربع ساعه تمام ؟
وافي :وكيف تمنعينه ما يطرش
ملاك :تعرف صوت النحله ؟
الولد :ايه
ملاك :قلده لين اقول لك خلاص
وافي :الحين تطقطقين صح ؟ لانه عطيتيه علاج وكذا صار عادي تطقطقين
ملاك وهي تربط شعرها :ما اطقطق ذا علاج طبيعي
وافي :لو اخذته بقتل الجرثومه ؟
ملاك وهي تطلع:علمي محدود على العقارب
ام سيّاف :وين رايحه
ملاك :بقتل العقرب
طلعت ملاك وبيدها فاس وقالت للولاد :وين شفتم العقرب ؟
الاولاد :هناك تحت السياره
نزلت ملاك وشافته تحت السياره وسحبته بالفاس وطلعته وصارت تضربه بالفاس حتى بعد موته
طلع وافي وشافه قال :خلاص قتلتيه
ملاك رمت الفاس وجلست تحت ورجعت تبكي وقالت :وش فيك جيت ؟
وافي :اهله يبغون عنده وتراه طرش
ملاك قامت ومسحت دموعها :كويس
وافي جلس مكان ملاك وشال شي وتوه قال :ملا...
سيّاف جا :وينك ياخي فشلتنا لنا ساعه نتحراك
وافي بتوتر حط يده بجيبه:كنت ...كنت اقتل العقرب ذا شفته عند البزران يلعبون وخفت عليهم
سيّاف بخوف وكأنه يتذكر شي :عقرب اسود ذا صح ؟ اعوذ بالله منه
وافي :وش صار على الضيوف عشيتوهم ؟
سيّاف :عشيناهم لكن بيقولون اخو البنت الكبير طلع ومعد رجع
وافي :الحين انا بجي بس بدفن العقرب ...الببسي اخذته ؟
سيّاف :اي وديته من زمان...انتبه تمسكه بيدك تره سمه مضر حتى بعد الموت
وافي :اي اعرف بشيله الحين
سيّاف :لا تتوصخ بس واضح شديت حليك بقتله حتى شماغك طاح
وافي :بعدله بعدين
...
ام الولد :يعطيك العافيه لولا الله ثم انتي كان ...
ام سيّاف تذكرت الي صار مع ولدها وقالت :لا تكملين لا تكملين بعدين الشر
ملاك وهي لسى متأثره :ما سويت الا الواجب
ام غازي :كيف تعرفين تعالجين وانتي مو طبيبه ؟
ملاك :هاه ...علاج طبيعي جدتي الله يرحمها هي علمتني
ام سطام تحاول تلطف الجو :الديره مليانه عقارب لازم ناخذ كل الاحتياطات
ملاك :منجد اذا ما خذناها ...
كملت وهي تطلع فوق :محد يدري وش بيصير
ام سيّاف حطت يدها على قلبها :اعوذ بالله ...وين بتروحين الحين ؟
ملاك :بروح اغير انكب علي الدوا
طلعت ملاك فوق طلعت لبس جديد يوم جت بتحط حلقها وتاخذ واحد جديد ما لقيت الحلق الثاني نزلت تدور له بالحوش وما لقيته وطلعت ريم وشافتها وقالت :وش تدورين ؟
ملاك :الحلق حقي طاح هنا
جت ام سيّاف :وش تسوين ؟ قومي قومي الحين بنودعهم لا يشوفونك تبحثين بالارض
قامت ملاك ونفضت ثيابها
ام وافي وهي تودعهم :مع السلامه و سامحونا عالقصور
ام غازي :لا ولله انكم سويتم خير اقرب مستشفى يبعد من هنا ست ساعات
ملاك بتوتر قربت منهم وقالت :ممكن اطلب منكم طلب
ام سيّاف صارت تأشر بحواجبها لملاك انها تسكت
ام الولد :اي تفضلي اي شي تطلبينه حاضرين
ملاك :ممكن ما تعلمون احد الي صار يعني الرجال وكذا
ام غازي :الله اعلم وش السبب لكن حاضر
ام وافي :سبحان الله طالعه لجدتها ما تحب المدح الكثير
وحده من خوات غازي :مع انها تستحقه ماشاء الله
بعد ما طلعوا رجعت ملاك غرفتها وجت بتغير بجامه ودق الباب
ملاك :مين
ريوف :انا عادي ادخل ؟
ملاك :لحظه بس
ريوف :بنتظرك
ملاك بعد ما غيرت قالت :تفضلي
دخلت ريوف وجلست تطالع فيها بنظرات غريبه
ملاك :شفيك
ريوف :شفت الي سويتيه اليوم
ملاك :وا؟
ريوف حضنتها :واضح للحين ما نسيتي الي صار كنت متأثره لدرجه نسيتي تغطين شعرك عن وافي
ملاك شهقت :منجد ؟
ريوف :اي ما لاحظتي حتى طلعت برا وشعرك باين
ملاك :يا راسي وش سويت
ريوف :سويتي بطوله
ملاك :سمعتي خالتي تحت وش قالت ما احب المدح
ريوف تقلد البنت :مع انك تستحقينه
ملاك :انا غبيه ذي ثال...ثاني مره
ريوف :وش ؟
ملاك :اني اطلع قدام وافي بدون نا اغطي شعري
ريوف :متى اول مره ة
ملاك :ما تذكرين انتي يوم الحريق طلعناكم ورحنا نغسل طلعت شعري وكنت امسحه بالمويا واثاريه موجود
ريوف:عادي تصير بين عيال العم كثير وينسون يعني يعتبر زي الاخوان وما يهتمون يا كثر ما تقابلنا انا ونايف
ملاك :امم ماشاء الله ونعرف وش صار ورا ذا التقابل
ريوف :بس انتي ووافي مختلفين وما تعرفون بعض كثير
ملاك :صح الهنوف معد شفتها
ريوف :امشي نشوفها
ملاك :يلا بس ...
ريوف :وش
ملاك :حلقي ما لقيته
ريوف :بعدين ندور له خلينا نشوفها الحين
راحوا عند الهنوف وهي جالسه تطالع بالجوال ريوف دخلت :وش تشوفين ؟
الهنوف :خليت نايف يصوره وهو مايدري فيديو كيف يتكلم وكذا
ملاك :ايوه ؟
الهنوف :احسه شخص مرتب
ريوف جلست جنب الهنوف :اشوف وش يقول
الهنوف تأشر لملاك :تعالي
شغلت الفيديو الا غازي يسولف عن الايام الي كان عايش لحاله بالرياض
ريوف :مدري احسه يمدح نفسه كثير
الهنوف :لا ما يمدح يسولف عن كيف تعلم الطبخ لحاله وكذا وكيف صار يهتم بالرياضه
دخلت وجدان :بدينا بالدفاع عنه بدينا اشوف الفيديو
اخذت الجوال منها وشافته قالت :امم احس ما اقدر احكم من ذا الفيديو يعني يتكلم عن تجربه شخصيه بس يعني لو يسولف عن شي ثاني رح نقدر نحدد هو نرجسي ولا لا
ديم دخلت وهي تسولف بالجوال وتضحك
وجدان :وش فيك ؟
ديم :تبغون تعرفون كيف ابو غازي تزوج ام غازي ؟
ملاك :من وين تعرفين؟
ديم :البنت الي جلست جنبي منى جلسنا نسولف مع بعض واخذت رقمها والحين رجعنا نسولف وقالت لي القصه
الهنوف :قوليها
ديم :اول شي ام غازي اسمها دلال وما عندها الا اخو واحد وامها ابوها توفى من هي صغيره الله يرحمه
ريم عند الباب :ايوه بتقولين قصه حياتهم اختصري
ديم :تعالي وخليني اكمل لازم تعرفون التفاصيل القصه مره رومنسيه
ريم :طيب كملي بس مين باقي ما جا
الجازيه :انا
ديم :خلاص اكتملتم اقول القصه
الهنوف :اي كملي
ديم:هي كان عمرها وقتها ٢٠ واخوها عمره ٢٤ ويوم بدت حرب الخليج اخذ امه الي هي ام دلال ودلال ووداهم السعوديه عند خوييه الي هو ابو غازي واسمه محسن وخلاهم عند اهله ست شهور يعني مده الحرب وكذا وخلال ذيك الست شهور صاروا يتقابلون كثير دلال ومحسن وبعدين محسن صار يحب دلال بس انه سكت وما قال شي لأنه يخاف ان سعد اخو دلال الي هو خويه يصير له شي وقرر يسكت لين يجي سعد ولا يجي خبر موته وبعده يخطبها من امها المهم جا سعد بعد ست شهور واصر عليه محسن يجلس اسبوعين بالسعوديه ويرتاح شوي وبعدين خطبها منه وقال سعد :ولله اني دريت ان وراك بلى
ورضى انه يزوجه دلال وجلسوا بالسعوديه لين تزوجت دلال وبعدين رجعوا سعد وامه الكويت ودلال صارت تعيش بالشرقيه مع محسن الي هو زوجها وطلعت تبادله نفس المشاعر
الهنوف :الله جوي ذي القصص
ريوف :الحب يحلي مره شفتها احسبها اخته الكبيره طلعت امه شكلها مره صغير
الجازيه :مثلي وربي شفت جدته احسها هي امه
ديم :الهنوف منى تبي رقمك اعطيها
الهنوف :مدري اعطيها يا بنات ولالا ؟
ملاك مسكت جوالها
وجدان :قرارك انتي
ريوف :اعطيها يمكن ترسل لك صوره اوضح
الهنوف :عطيها
ريم :وانتي ماسكه الجوال تعرفتي على وحده منهم ؟
ملاك :هاه ...لالا بس اشوف شي
وجدان جاها اشعار شافته الا مكتوب :تمنيت اشوف اناقتك اليوم مع اني متأكد انك بتكونين جميله
وجدان :لا اله الا الله
الحازيه :وش
وجدان :لا بس جاني اشعار من برنامج الاذكار يذكرني اقول لا اله الا الله
...
نايف :الله يهداك انت اليوم وين اختفيت
وافي :قصه طويله بقولها لك بعدين.
نايف :قلها الحين
وافي :لحظه بس بشوف جوالي
فتح جواله الا ملاك شالت الحظر وارسلت :لا تعلم احد الي صار اليوم ما ابي اذكر ابوي ولا سيّاف باللي صار
وافي ارسل :انتي تشيلين الحظر وتردينه حسب مصالحك وبعدين ترا فيه شي عندي لك
الا ما وصلتها الرساله لأنها رجعت الحظر
وافي تنهد وحط الجوال بجيبه وقال :يلا عن اذنكم ابنام
بعد الساعه ١٢
وافي قام وكان بيطلع
نايف :شفيك ؟
وافي :احس اني متضايق بمشي شوي
نايف :بعدين قول لي السالفه
سطام :اسكتوا الحين سيّاف يطلعنا السطح ابي انام
وافي طلع وراح لنفس مكانه المعتاد وجلس فيه وقال :يارب ياقوت يجي اليوم احتاجه
شوي الا جا ياقوت ومعاه رساله فتحها وافي كعادته والحماس والفضول بيقتله
قرا الرساله الي مضمونها كان :
أنت تقرأ
وانا في درب الهلاك ظهرت لي يا ملاك
Romanceشخصٌ ما يظهر من العدم وانت في اقوى مراحل انهيارك فيقلب حزنك سعاده وهمك حياه يملأ وقتك بالحب كل هذا بأبتسامه منه ،يحب الجميع ولا يستطيع ايذاء نمله أنه مخلوق غريب في عالمنا الموحش لا يشبهنا وكأنه...ملاك ٢٠٢٢/٥/٣١
