وانا في درب الهلاك ظهرت لي يا ملاك

29

بالساعه العاشره مساءً دق الباب وذهبت لتفتح وظهر أمامها ،شهقت :نايف ؟
نايف :اي نايف تشرفنا وانتي ريوف
ريوف :وش تسوي هنا ؟
نايف :ولا شي ويكند وقلنا نجي الديره
ريوف مبتسمه :ليش؟
نايف :نبي نكشت
ريوف :ما لقيتوا الا الحين ؟
نايف :وش فيه الحين ؟
ريوف :لا ولا شي بس ...
نايف :الهنوف هنا ؟
ريوف :اي
هم ليدخل لولا انها وقفت امامه :وين ؟
نايف :ابي الهنوف ما بتدخلوني؟
ريوف :فيه بنت هنا ببيتها تدخل عليها كذا
نايف ابتسم :تغارين ؟
ريوف :اي اغار على ملاكي
نايف اختفت ابتسامته :على ملاك ؟
ريوف :اي
نايف :طيب ،طيب نادي الهنوف هنا
ريوف :طيب
دخلت للغرفه :فيه شخص برا يبيك
الهنوف :مين ؟
ريوف :مفاجأه
خرجت الهنوف وشهقت :نايف؟
نايف :اي شفيكم؟
الهنوف :ليش جيت ؟
نايف :امشي على خرايط قلبي
الهنوف :ياروحي قابلتها؟
نايف بضيق :قابلتها والحي...استغفر الله بس انها ما تبيني
الهنوف :كيف ما تبيك؟
نايف :شافتني ويوم جيت بدخل قالت لا البيت فيه بنت قلت لها تغارين قالت اي بس على ملاك
الهنوف :تمزح اكيد يعني ترا البنت تستحي تقول قدامك انها تغار عليك
نايف :يبي لها اختبار غيره
الهنوف بحده :اصحك اصحك تروح تسوي غلط اخوك وتدور لك غيمه ثانيه
نايف :وشو غيمه ؟
الهنوف :سحاب وطقتها غيوم وغمام وذي الاسماء
نايف :ما اظن فيه احد بذي الاسماء
الهنوف :اي ذي مدري على ويش مسمينها اهلها لا اسم ولا شكل
نايف :مافيه اسماء زي الي تبدا بحرف الراء وتنتهي بالفاء
الهنوف حضنته :ياروحي انت خلنا نزوج وافي وبعده انت على طول
نايف:ابعدي
غازي دخل الحوش :وش تسوين ؟
الهنوف ابتعدت :وش ؟
غازي :من ذا
نايف التفت :اخوها her brother
غازي :اهاا نايف وش جابك؟
نايف :تعال انت ليش تشك بأختي ؟
غازي :ما شكيت
نايف :الا شكيت
غازي :ولله ما شكيت بس ابي اعرف انت مين
نايف :وهذا شك يا حمار
غازي بحده:احترم نفسك
الهنوف :خلاص
نايف :لو خليتيه ذا بالشرقيه وش نبي فيه بالديره
الهنوف :نايف خلاص
غازي :معليك منه بزر ما بيزعلني كلامه
الهنوف بحده :غازي
التفتت لنايف:وش مشكلتك معاه ؟
نايف :يشك فيك ما ندري وش يسوي فيك بعدين
التفتت لغازي :شكيت فيني؟
غازي :لا انا واثق فيك اكثر من عيوني
الهنوف :طيب لنفترض ما يشك فيني وش مشكلتك معاه؟
نايف :ولا شي
الهنوف :نايف صدق وش مشكلتك ؟
نايف :لا مافيه مشكله بس صار لي شهرين اسهر لحالي واسوي هوت شوكلت مو حلو واشربه لحالي وافضفض لنفسي واذاكر لحالي عشان ايش؟ عشان هذا الانسان اخذك مني
الهنوف بضيق حضنته:ياروحي معليش
غازي :طيب هي زوجتي يعني خلاص صارت حقي
نايف :هي اختي من قبل ما تكون زوجتك
غازي :الحين اعرفها الهنوف بتحن عليك وتروح تجلس عندكم شهر وانا تزوجت عالفاضي
نايف ضحك :ما تعرفها زي ما انا اعرفها الهنوف بتختار سعادتها وترجع معاك
غازي :الحين عواطفها تحكمها
نايف :لا الهنوف طول عمرها عقلها يحكمها
غازي :عواطفها
نايف :عقلها
غازي :عواطفها
نايف :عقلها
صرخت بينهم :خلاص
نايف نظر لها :انتي قرري عواطفك ولا عقلك
غازي :صح ثاني نقطه اتفق معاك فيها
نايف :وش الاوله
غازي :اني مقدر اعيش بدون الهنوف
الهنوف :خلاص وربي عقلي انفجر من كلامكم
غازي :طيب قرري عواطفك ولا عقلك
الهنوف :هاه؟
نايف :يعني انا ولا غازي
الهنوف بلعت ريقها
ظهر وافي من بينهم وضرب على اكتافهم :انا عندي الحل
نايف :صح وافي الحين يتكلم بمنطقيه الهنوف تقرر بعقلها صح ؟
وافي :انتم الاثنين عليكم حظر الهنوف
نايف :كيف ؟
وافي :طول ذي الفتره حظر الهنوف اساسًا باقي يومين بس وترجع معكم الرياض وتجلس باقي الاسبوع عند امي وبعدها ترجع معاك وخلاص حليناها
غازي :لا ظلم وشو يومين مقدر اشوفها ؟ بموت انا
وافي :لا ما بتموت عشت ثلاثين سنه بدونها ماشاء الله عليك
نايف :طيب انا بموت من يوم فتحت عيوني وانا اشوفها
وافي :لك شهرين بدونها
غازي :بكلم ابوك واقول له ولدك يمنعني من زوجتي بدون سبب
وافي :ما انصحك
غازي :ليش؟
وافي بسخريه :ابوي تطلع شياطينه بذا الوقت
غازي :كيف؟
وافي :ابوي مشغول بتجارته وحياته خلوه يرتاح ذي اليومين بس انا بحكم فيكم
نايف :طيب الهنوف مالها رأي ليش؟
الهنوف :رأيي نفس رأي وافي
دخلت البيت واغلقت الباب بقوه
غازي طلع جواله :حسبي الله عليكم شوشتوا راس زوجتي علي
وافي أخذ الجوال من يده:طبعًا حظر الهنوف يعني ماتكلمها بولا مكان
نايف بسخريه :ولا بالحمام الزاجل؟
غازي بنفس السخريه :طيب يا بابا عطني جوالي معد بعيد الغلط
وافي :كذاب
غازي :ترا انا اكبر منكم لو ابي جلدتكم هنا
نايف :مره خفت
وافي:انا اقول اتركوا عنكم ذا الهواش وتعالوا ازين لكم براد شاهي تروقون عليه
غازي :الساعه كم ؟
وافي :عشره
غازي :بروح انام
نايف :دجاجه
غازي :ترا وربي بحضن عليك زي الدجاج
وافي :بكره الصباح الحين يلا رح انخمد وهذا حله عندي
غازي :طيب زوجتي
وافي :خذ يومين اجازه من الزواج ارجع عزابي
غازي :مو بس يومين الاسبوع الجاي بتقعد كله عند اهلك
وافي :طيب ؟ وش اسوي انا تراني مو مأذون انكحه عشان احل مشاكلكم
سطام دخل :يا عيال ...اوه ذا هنا السلام عليكم
نايف :يا سلام تسلم على الغريب بس احنا ما تسلم ؟
غازي :الحين انا غريب؟
سطام :مع الاسف اي شكلك واضح غير شكلنا معضل بزياده وخشمك كبير
تحسس انفه :خلقه ربي
نايف بسخريه :وش تمارين خشمك ؟
وافي :يا عيال خلاص اتركوا الرجال بحاله ينام واحنا خلونا نشرب شاهي ولله احسن من مضيعه الوقت
...
في صباح الجمعه ،يُفترض أن يكون الجميع هنا لكنهم تفرقوا لا توجد الا ديم وريم ووجدان وغاليه
ريم :ذا أحلى
وجدان :بالعكس حسيت السكري ناعم اكثر من الوردي
غاليه :حق اول يوم اكيد لازم ابيض او سكري بعدين عاد نوعي بالالوان لكن خليها تكون ناعمه
وجدان :الحمدلله وامي تبيني اخذ احمر احسه يدوخ
ديم :اتخيل نفسي مكانه اصحى الصباح الا زوجتي لابسه روب احمر احس صداااع
غاليه :الاحمر حلو بعد بس اول شي ياخذ عنك انطباع انك ناعمه بعدين حتى لو تلبسين فسفوري بيبقى بباله انك ناعمه
ريم :اساسًا وجدان سمارها احسه يناسبه ذي الالوان بس
ديم :الفستان الي وريتيني قلتي حق الملكه مرره حلو وريهم
وجدان :اي صح هذا هو
ريم :يجنن
غاليه :تفصيل ولا جاهز ؟
وجدان بأبتسامه: تفصيل خاص فيني محد قد لبس مثله
ديم تغني :فارقه ما تشبهين الاك يا صعب المنال
غاليه :هذي اغنيه بنتي العنود خليها تكبر وتتزوج بشغلها لها
ريم :بتقول قديمه ما ابيها
ديم :يالفارقه جوالك يدق
وجدان نظرت لهاتفها وكان المتصل تركي انحرجت من الاتصال
غاليه ابتسمت :روحي روحي
خرجت للغرفه الاخرى وردت عليه :الو
تركي :اشتقت لك
وجدان ابتسمت :مو امس واحنا نسولف؟
تركي :من اول ما قفلت امس اشتقت لك
وجدان :بعض الاحيان احسك تبالغ
تركي :وش اسوي اذا انتي تبالغين بجمالك مقدر لازم اوفيك حقك
ضحكت من كلامه
تركي :الله يديم ذي الضحكات وعقبال ما اسمعها بأذني مباشره ،الحين تدرين وين رايح ؟
وجدان :لا
تركي :جاي عند اعمامك
وجدان بلعت ريقها :ليش؟
تركي :بكلم ابوك عن الملكه
وجدان :اليوم ؟
تركي :اي خلاص الاسبوع الجاي حفل تخرجي الي بعده تصيرين زوجتي
وجدان ابتسمت :اهلك يدرون بذا القرار ولا كذا قررت من راسك وبتسوي لهم سبرايز
تركي :اكيد يدرون امي تقول لو تقدر خذها بكره
ضحكت :خالتي مستعجله اكثر منك
تركي يضحك :ما شفتي احلامها الي ترويها لي كل يوم تقول ان شاء الله ما يجي رمضان الا انتي حامل ضحكت وقلت لها ان شاء الله ما بقول لها شي عشان ما تزعل بعدين اعلمها خطتنا
وجدان ضحكت:ياروحي هي
تركي :يلا حياتي انا بقفل وصلت عند البيت
وجدان :وليش تدق وانت بتقفل بسرعه
تركي :كنت ابي اعلمك اني بجي
وجدان:طيب علمت ابوي ولا بتدرعم عليهم ؟
تركي :علمت سطام قلت له بجي عندكم قال حياك
وجدان ضحكت :سطام بالديره يحسبك بتروح الديره الحين
تركي :منجد؟
وجدان :اي كلم ابوي مره ثانيه وجلس برا شوي على اساس مسافه الطريق وكذا
تركي :عادي بدرعم عليهم واقول لهم علمت سطام
وجدان :ابوي ما يحب كذا ولله بيزعل
تركي بلع ريقه :خرج ابوك شكله عرف اني جيت
وجدان :قابله ورتب كلامك
تركي :بقفل
وجدان :ترا اشوفكم من النافذه لا تتوتر
تركي :طيب
دق ابو سطام زجاج السياره وفتح تركي :السلام عليكم
ابو سطام :وعليكم السلام ،شعندك؟
تركي بلع ريقه :جيت ابي اكلمك بموضوع مدري قال لك سطام ولا لا
ابو سطام :سطام ؟
سكت قليلًا واردف :اي قال لي
تركي بنفسه :الحمدلله
ابو سطام :بتتكلم وانت بالسياره ولا كيف؟ لا تخاف مارح تنسرق هنا فيه كميرات
تركي :لا بنزل بنزل
ابو سطام لف ظهره :انا بالمجلس
تركي:جايكم ان شاء الله
...
خرجت الى المطبخ وأخرجت التمر وهي تتذكر مقوله امها (إذا اشتهيتي شي ماهو موجود كلي تمر ) أكلت الحبه الاولى والثانيه وعندما بدأت بالثالثه دخل عبدالمحسن ما إن رأته حتى غصت بالتمره ونواها ،اصبحت تكح بقوه وهو لاحظ ذلك ،مد لها كوب الماء وشربت لكن لم يتغير شيء فلجأ الى الاسعافات الاوليه وقف خلفها ووضع رجله بين رجليها واصبح يضغط على بطنها بيديه حتى خرجت النواه ابتعد عنها وهي تتنفس بصعوبه وضعت يدها على رأسها وهي تشعر بدوار
سحب الكرسي واجلسها عليه :ارتاحي
الجازيه :ماي
مد لها نفس كوب الماء مره اخرى
شربت نصفه ووضعته على الطاوله وهي تمسك على رأسها
عبدالمحسن :انتي بخير
الجازيه:حلقي يعورني
عبدالمحسن :فتره ويخف
سمعت صوت هاتفها يرن :جوالي
وقفت بصعوبه
عبدالمحسن :ارتاحي انا بجيبه
جلست وهو احضر هاتفها وردت عليه
وجدان :تركي يقول بيكلم ابوي الحين الملكه الاسبوع الجاي
الجازيه :صدق ؟ بيمدي اجيكم الاسبوع الجاي
وجدان :اشتري فستانك من امريكا
الجازيه :لا الاسواق هنا ما عجبتني يعني ماهي على ذوقنا السعودي اختاري لي انتي وصوريها وانا بختار
وجدان :طيب الليله بروح السوق
الجازيه :صرتي تسوقين تنفعين نفسك ؟
وجدان :اي ابوي علمني
الجازيه :يا حظك مشتهيه قهوه الحين محد بيوديني البنات نايمات
وجدان :قلت لك تعلمي هناك بتحتاجينها اكثر من هنا بس رفضتي
الجازيه :اخاف
وجدان :اذا جيتي بعلمك
الجازيه :حبيبتي بجي اسبوعين فيها عرسك بعدها ارجع ما اجي الا السنه الجايه علمي عيالكم مو تعلميني
وجدان :لاحقين على العيال
الجازيه :تخيلي امس كلمت ابوي وقال انه يعرف تركي زين سألته قلت كيف احسكم ما تقابلتوا واجد قال اعرف احلل شخصيات العسكر من عيونهم وتركي يوم شافك بالنظره الشرعيه عيونه كانت قلوب لو الود وده اخذك لحظتها
وجدان :ابوي ؟
الجازيه :اي
وجدان :يا فشلتي
الجازيه :ترا ابوي ذكي يفهم كل شي ما تمر هذي الحركات من وراه
وجدان :طيب ليه ساكت ؟
الجازيه :مثل ما قال يعرف يحلل شخصيات العسكر والرجال بشكل عام يوم شاف تركي عرف ان نيته طيبه وما يبيك الا بالحلال
وجدان :احس اني غلطت بحق ابوي يوم كلمته من وراه
الجازيه :كلمتيه بس اسبوع بعدين صارت الخطوبه وكلنا صرنا ندري
وجدان :شكلي زعلته
الجازيه :قولي له انت زعلان مني بيقول لك احد يزعل من روحه
وجدان :الحين تأنيب الضمير بدا يشتغل
الجازيه :يا بنتي خلاص احمدي ربك ابوي وافق وانتم بتتزوجون الحين وكل شي بالحلال الله يوفقكم
وجدان :مقدر صراحه بدق عليه بقفل الحين
الجازيه :براحتك
عبدالمحسن :كل ذا وحلقك يعورك ؟
الجازيه :اضيف لذلك بطني الي ضغطه لين بغيت ارجع غداي
عبدالمحسن :بدال ما تقولين شكرًا تردين كذا
الجازيه تنهدت :شكرًا
ارتدى حذائه ومعطفه :لا شكر على واجب
الجازيه :وين ؟
عبدالمحسن :مشوار
الجازيه :الساعه ثمانيه الليل ؟
عبدالمحسن :بالسعوديه يطلعون الساعه ١٢ عادي
الجازيه :ما يهم روح وين ما تبي بالوقت الي تبي
عبدالمحسن :اني بروح
دخلت الغرفه واستلقت على الفراش وهي تقلب بالهاتف مرت ثلث ساعه ودق باب الغرفه فتحته وإذ بعبدالمحسن يمسك كوب من القهوه :وش؟
عبدالمحسن يلعب بساعه يده بتوتر :مريت ستاربكس الي هنا يبعد خمس دقايق وطلبت منه عطوني ذا هديه ومافيه احد صاحي الا انتي قلت بعطيك
الجازيه :ويين المشروب الثاني ؟
عبدالمحسن :شربته
الجازيه :شربته بمسافه خمس دقايق؟
عبدالمحسن :مسافه الروحه والرجعه
اخذت الكوب وضحكت :ما تعرف تكذب
دخلت الغرفه واغلقت الباب بوجهه
عبدالمحسن يكلم نفسه :كيف عرفت اني اكذب؟ ...صح مسافه الروحه والرجعه واضح الكذب،ليش اكذب ؟ اساسًا ليش اشتريت لها قهوه؟ عبدالمحسن الغبي
...
نايف يرمي النافذه بالحصى :الهنوف
رماها اكثر من مره ولم يستجيب احد صعد فوق الشجره وإذ بغازي هناك
نايف :وش تسوي ؟ ولا قاعد تصحي الناس بصوتك يالديك
غازي :جاي اشوف زوجتي لأن فيه واحد غبي يكبر المشاكل وبسببه انحرمت من زوجتي
نايف :تبي تعرف واحد اغبى ؟ واحد تزوج اختي وحرمني منها
غازي :انت يبي لك تراجع عند اخوي يوسف مع ان ما عنده مواعيد وقفل عيادته بس بتوسط لك لأنك حاله خاصه متعلق بأختك كثير خلاص تنازل عشاني
نايف :اتنازل لأبليس ولا اتنازل عشانك
غازي :اصبعي دعست عليه
نايف :المكان ضيق عضلاتك الكذبيه ماخذه مكان عالفاضي
غازي :تبيني الطمك بها عشان تقول كذبيه
نايف:ولله يا ليت عشان ارفع عليك قضيه انك انسان عنيف واطلق اختي منك
غازي :الهنوف ما بتتطلق مني لو تجمعوا اهل الارض كلهم على طلاقي منها ما بتتطلق
نايف :اهل الارض كلهم ما بيقدرون بس انا بقدر
غازي :ولله انك غبي انت تعدين مرحله العياده النفسيه بندخلك مصحه ما تفكر بسعاده اختك
نايف :سعادتها تبعد عنك
غازي :على اي اساس قررت ؟ انت اناني
نايف :وانت نرجسي
...
الهنوف :صباح الكيرليات
ملاك :خربت
الهنوف:بالعكس ترا صارت احلى
ملاك :بسويها بعرس وجدان
الهنوف :اخخ مره متحمسه قرب العرس
ملاك :متى ؟
الهنوف :تراها ارسلت وانتي لسى نايمه تقول تركي عند ابوها بمجلس عمي بيكلمه عن الملكه وقال لها ذا الاسبوع تخرجي الاسبوع الجاي تصيرين زوجتي
ملاك :الله يعني بنروح الرياض
الهنوف :بنفلها خصوصًا موسم الرياض بيرجع بمشيك فيه كله
ملاك :يعني تقولين اجيب عباياتي الكشخه ؟
الهنوف :كلها ولا تبقين ولا وحده
ملاك :اخيرًا
ريوف :الهنوف فيه اثنين يتهاوشون فوق الشجره
ملاك :اذا القطاوه بطلع الحوش اطردهم
ريوف :لا بشر
ملاك ضحكت:ضاقت عليهم الارض يتهاوشون فوق الشجر ؟
الهنوف :غازي ونايف ما يتفاهمون ووافي حط عليهم حظر الهنوف يومين
ملاك :اجل روحي شوفيهم
الهنوف :ريوف انتي روحي اطرديهم
ريوف :زوجك هناك
الهنوف :على اساس ما سافرتي معانا ست ساعات قبل ؟
ريوف :الا بس انتي شوفيهم احسن
الهنوف :اففف طيب
خرجت الهنوف الحوش :شعندهم قرود الطايف ؟
غازي :زوجتي جت
الهنوف بغضب :مو زوجتك
نايف :اختي
الهنوف :ولا اختك
غازي :اخ ياراسي جاني صداع وش ذي العايله بعد ما يزوجوني البنت يبغون يطلقونها بدون سبب
الهنوف :ياحبيبي اصبر
نايف :بصبر انا عادي
غازي ضحك :على كيفك ؟ انا حبيبها طبعًا
نايف :انا كنت احسب اسمي حبيبي عشان هي كانت تقولها لي
الهنوف :انزلوا ونتفاهم يا حبايبي ،مدري كيف الي متزوجين اربعه يعدلون انا وهو اخوي والثاني زوجي صدعت
غازي :والحظر ؟
الهنوف :انزلوا بس لا احظركم من وجه الارض بكبرها
غازي :خلي اخوك بالاول ينزل قفل الطريق
نايف :انت مقفل الطريق
الهنوف :كلكم كذابين الطريق من النص
نايف :طيب الحين بننزل
نزلوا من فوق الشجره ودخلو وافي الحوش :ماشاء الله وانا اقول وين مختفين
نظر وافي لملاك التي كانت واقفه عند الباب وتضحك بدون صوت ابتسم في وجهها وهي لاحظت وابتسمت
الهنوف :امسكهم بيتحولون قرود
وافي :تعالوا
غازي :بكلم ابوك
وافي :هذا اذا اخذت جوالك
غازي :ولله ماش احترامكم لنسيبكم
وافي :عياده اسنان احنا عشان تقيم تعاملنا معاك ؟
غازي :تعالوا عياده اسناني بس اوريكم شغلكم
وافي :الحمدلله ضروسي زينه
الهنوف بغضب :خذهم ذولي بزران الي يشوفهم يقول عمرها ست سنوات حتى العنود اعقل منهم
وافي :يلا امشوا
الهنوف دخلت واخذت هاتفها
ملاك خلفها :وش بتسوين ؟
الهنوف :فكرت بحل برسل لوافي
ريوف :وش ؟
الهنوف :بقول له يسوي نفسه غفل عن واحد فيهم ويمسك الثاني يشغله ويجيني الاول واقول له اذا تحبني لا تضايق الثاني وبعدين يمسك الاول ويفك الثاني واقول له نفس الشي
ريوف :ما فهمت
ملاك :يعني مثلًا وافي يمسك غازي ويشغله ونايف يجي وتمسكه الهنوف تقول له اذا تحبني لا تضايق غازي وبعدين يمسك نايف ويجي غازي وتقول له نفس الشي
ريوف :اهااا اي حلو حلو
...
وافي :وش مسوي انت ؟
نايف :وش مسوي؟
وافي :ما تستحي تفرق اختك عن زوجها ؟
نايف :طيب اختي
وافي :بحجه ايش تحرمها سعادتها ؟ ما تبيها تعيش حياتها وتصير ام احنا ما بندوم لها بكره انت بتروح تتزوج ريوف وتنسى الهنوف وتنشغل عنها
نايف :داخلي كره لأي انسان تزوج خواتي مدري طبيعي ولالا
وافي :طبيعي بس سلك لهم انا امس مدري اول امس مقابل غازي الليل كله خلصت براد شاهي على سوالفه المخيسه عشان ايش ؟ عشان سعاده اختي
نايف :وش رايك اليوم نكشت ؟
وافي :اذا وعدتني انك تترك حركات المبزره
نايف :كأنه هو ما سوى نفسها
وافي :انا ما اقول ما سوى هو خله زوجته تعدله انت محد يعدلك الا انا
نايف :شفيك كذا تغيرت فجأه؟
وافي :انا ؟
نايف :اي وجهك منور
وافي :يأكلوني هنا احسن من مطاعمك المخيسه بالرياض
نايف ابتسم :علينا ؟ ترا حتى وسط الهوشه شفتك كيف تطالع فيها
وافي ابتسم :بعلمك كل شي انا مقدر اسكت
نايف :عمي صدمني انه يعرف الي بيني وبين ريوف شكلك انت قلت له
وافي :عمي يعرف الي بنيتك قبل تنوي
نايف :احس جاني رعب منه لا يطلع الحين
وافي :معليك...
سطام يقلد نبره والده :السلام عليكم
نايف :اعوذ بالله من عمي
سطام :يا عيال شفيكم صرتوا مملين
نايف :وش تبي نسوي ؟
وافي :تراهم رقوا فوق الشجره الي بالحوش ماهم مملين
سطام :من اول كان يرقى نايف خاصه يوم انشبوه بذيك المصيبه رحت اجيبه ومدري كيف طلعنا ذاك اليوم سالمين
نايف ضحك :اي يوم كنت تبي امك تطلع وطلعت ملاك قلت لك اهرب بس انت حيوان
سطام :النظره الاولى حلال
وافي اخذ نفس عميق :متى ذا ؟
نايف :الله وافي يوم اتهموني ببنت عمي المسكينه بعدها بأسبوع
وافي :اي صح تذكرت
سطام :ذاكرة الذبانه
وافي بشك:وش دراك؟
سطام :ايش ؟
وافي :معلومه ذاكره الذبان
سطام :مدري وين شفتها كذا مرت علي سريع سريع
نايف :سيّاف متى يجي
وافي :اليوم الليل
...
غازي بهمس :الهنوف
الهنوف خرجت :نعم ؟
غازي :هربت عشان نتكلم
الهنوف :وش عندك؟
غازي :الحين وش موقفك الغريب ذا ؟
الهنوف :مو اغرب من موقفك
غازي :هو الي بدا
الهنوف :غازي والي يخليك اذا تحبني لا تضايق نايف
غازي :طيب هو يضايقني
الهنوف :اعتبره اختبار لك مافيه علاقه تمر بدون اختبارات
غازي :طيب مافيه تحفيز للأختبار ؟
الهنوف :قرب
غازي :ليش
الهنوف :قرب ما اطولك
قبلت خده وابتسمت :هذا تحفيز
غازي :ما احسه تحفيز قوي
قبلت خده الاخر :وذحين
غازي :لا باقي ما جاني شغف
الهنوف :فهمت وش تبي لا والف لا
غازي :ليش ؟
الهنوف :بحوش بيت عمي بعز الظهر ما تجي
غازي :وش ظهر غيوم وامطار عادي
الهنوف :واذا طلع احد او دخل احد وشافنا وش تفسر خلاص هذي تكفيك
غازي :طيب خلاص وحده ثانيه زي هذي
الهنوف :طيب
قبلت خده مره اخرى :خلاص ؟
غازي :طيب خلاص
الهنوف وهي مبتسمه :يلا روح وش تنتظر ؟
غازي:عندي امل انك تحققين مطلبي
الهنوف :بالبيت
غازي :بترجعين ؟
الهنوف :لا اليوم بيجي عمي بكره الصباح نروح الرياض خلاص
غازي:وتجلسين عند اهلك اسبوع وانا بفطس وحدي ما كأني تزوجت
الهنوف :بكلمك كل يوم
غازي :مقدر
الهنوف :الا تقدر تركي كل اسبوع يكلم وجدان مره
غازي :طيب هو لسى ما تزوجها لسى ما نامت معاه وصحيت معاه لو صار له كذا بيسوي مثلي
الهنوف :وش دراك ؟
غازي :شفتهم بالبقاله يتهاوشون على قشطه عرفت انهم يحبون بعض
الهنوف :ياربي وش ذا الحب الي كل الناس عرفوا فيه الا انا وش صار ؟
غازي :دخلت البقاله يوم عرفه قلت للعامل فيه قشطه قال فيه واحد هناك واثنين هواش رحت شفتهم احسبهم رجال وبفرع بينهم واسرق القشطه واحاسب فيها اهرب بس طلعت بنت عمك وتركي يتعازمون عليها اخر شي انا اخذتها
الهنوف ضحكت :من نصيبك
غازي :اي
الهنوف :بسببك اكلنا التمر بدون قشطه
غازي :بجيب لك درزن قشطه بس ارجعي
الهنوف :ما احب القشطه انا
غازي :عادي اهم شي تحبيني
الهنوف :ومين قال اني ما احبك؟
غازي :اجل ارجعي
الهنوف :ما ابي
غازي :ياربي ابي افهم منطقك ذا اشرحي لي
الهنوف :امممم مو لازم
لفت ظهرها وحركت شعرها بيدها لتصدتم خصلاتها بوجهه ورحلت
غازي بضيق:تعالي تكفين
دخلت البيت واغلقت الباب ببطئ وهي تنظر اليه ومبتسمه بخبث
تنهد بحزن :ياربي انت ابتليتني بحبها الهمني الصبر عليها
...
نايف :لي خمس شهور اصيح عليكم ابي اكشت ابي اكشت حتى النفط الي اشتغل عليه فهم كلامي وانتم ما فهمتم
وافي :احنا فاهمين بس ما عندنا وقت
نايف :طيب اليوم سيّاف بيجي نطلع نكشت
وافي :طيب خلاص اليوم شرايك سطام ؟
سطام :هاه ؟ اي اي اليوم
نايف :فاغر ما يدري وش نتكلم
سطام :الا ادري
نايف :هيا وش قلت ؟
سطام :قلت النفط زاد بالسعوديه
نايف :قلت لك فاغر ما جبت طاري السعوديه ولا شي قلت النفط فهمني وانتهم ما فهمتوني
سطام :انا مشغول ذي الايام
نايف :يعني ما تبي تكشت ؟
سطام:لا ابي بس فكري مشغول يعني عقلي
وافي ضحك :وراك دواهي ولا ما ينشغل فكرك عبث
سطام نظر لوافي وهو مبتسم بفراغ ،أنت مشغلي أفكر كيف فعلتها كيف تخون يا وافي أليس لك من اسمك نصيب ؟
نايف :على طاري الدواهي وين زوج اختنا الداهي ذاك ؟
وافي :اي اخت واحد بالرياض من الدوام للبيت واختك حامل منه والثاني مدري عنه وين راح
نايف ضرب على فخذه :ولله راح للهنوف الحمار الحين يروح يشوش عقلها
غازي دخل :السلام عليكم
نايف :وين كنت يالديك ؟
غازي بأتزان :كان عندي شغل خلصته وجيت
نايف :وشو ؟ لا يكون تخون اختي ترا ولله افش عضلاتك ذي مدري من وين معبيها هوا
غازي :من البنشري الي جنب عيادتي
وافي يمثل عدم المعرفه :شفيك تغيرت ؟
غازي :وش ؟
وافي :مدري كذا احسك كنت غبي
نايف قاطعه :وصرت اغبى
وافي :لالا صار ما يحط عقله بعقلك
نايف :كذاب ذا يمثل شوف عيونه كيف تشع بالسب
غازي :لأن اللمبه قدامي قاعده تنعكس بعيوني
سطام :اللمبه وراك يالدكتور شكلك انحولت
غازي :لا نظري سليم الحمدلله
وافي :شفيه ذا كأنه بمقابله عمل
غازي :شخصيتي هي كذا
نايف :خرطي شخصيتك ازق شخصيه بس من تحت لتحت
سطام :شفيها ذي تتردد بتدخل وترجع
وافي :هذي سحاب شكلها مستحيه منكم
غازي :يا ويلك من الهنوف لو درت
وافي بنصف ابتسامه :زبونه عاديه مافيه شي
نايف :ولله عند ملاك ما تعتبر عاديه
سطام :اجل طلع نايف يشوفها للأحتياط
نايف :عشان تاكلني ريوف بقشوري
سطام :غازي ؟
نايف بحده :ولا يفكر حتى
وافي :الخيار عليك انت ما وراك احد
سطام اخذ الدفتر والقلم وتأفف
نايف بسخريه :ما تدري يمكن تصير هي وراك
سطام طلع :السلام عليكم
اسماء :وعليكم السلام
سطام :بغيتي المحل شكلك بس مستحيه
اسماء بحرج:اي
سطام :طيب اخذ طلبك
اسماء :اذا فيه بن برازيلي
سطام يحك خلف رأسه :ما فيه بس نسجل اسمك ونطلبه لك طلب خاص
اسماء :اسماء
سطام وهو يكتب :اسماء ايش ؟
اسماء :بس اسماء
رفع عينه عليها :ما عندك ابو ؟
اسماء :الله يرحمه
سطام :الله يرحمه ،وش اسمك الثلاثي
اسماء :مافيه احد بالحاره بأسمي اكتب بس اسماء
سطام :طيب كم كيلو تبين ؟
اسماء :كيلو ونص
محمد :ماشاء الله
سطام وعينه بالدفتر:وعليكم السلام الخدمه داخل
امسك اسماء من كتفها وبحده:وش تسوين هنا ؟ ما تستحين تعطين الرجال رقمك ؟
اسماء بتألم :ولله ما عطيته
سطام بذعر:ما عطتني اتركها
محمد بصراخ :وانت ما عندك خوات؟ ترقم بنات الناس ولا عندك حيا ولا خوف
سطام :يابن الحلال ولله ما رقمتها بغت تشتري من المحل وطلبها مو موجود قلت اسجل اسمها ...
محمد :ما رقمتها الحين اجل رقمك عندها من اول ولا ؟
بدأ تبكي :محمد صدقني
محمد :ماني مصدق الا عيوني وين جوالك ؟
وافي طلع :السلام عليكم
محمد :مابه ولا سلام ولا حيا فسدت الارض
وافي :صل عالنبي ياخوي وش صار ؟
محمد :ذا الي ما يستحي لقيته يرقم اختي ،لكن انا اوريكم مالكم الا الزواج
اسماء ببكاء :لا محمد تكفى
وافي :اهدى ياخوي وش زواج اكيد سوء فهم
محمد بصراخ :مين ابوك ؟
وافي :مالك دخل مين ابوي لا تظلم اختك
محمد بصراخ اعلى :مين ابوك يالحمار
وافي ضغط على ما بين عينيه ليحفف الغضب :ابوي متعب بن وافي
محمد ضحك بقهر :ولله اني داري بالاول اخوك ذاك الحين اخوك الثاني ماعندكم حشيمه لبنات الناس ولا لبنات عمكم
وافي تنهد :يابني اهدى انت فكر افهم اعرف وش صار اولًا ذا مو اخوي ذا ولد عمي ثانيًا جدتك مخر...
محمد :ولا اسمع ولا كلمه اليوم قبل بكره ابوك يجي وتخطبها وتملك عليها بعد ثلاث ايام ما نتحمل الفضيحه اكثر
اسماء بأنهيار :محمد
سطام :يابوي وش زواجه انت صاحي ولا ايش ؟
محمد :صاحي الحمدلله واعرف الحق ابي استر عليك ولا لو افضحك ما قبلت فيك ولا بنت بالدنيا على سواتك
سطام بغضب :ما سويت شي
وافي مسكه وسحبه وبهمس :خلاص بس سايره واسكت له قول ان شاء الله ودق على عمي يجي بيتفاهم معاه ويقنعه
سطام :بس ...
وافي :طاوعني يا سطام
سطام تنهد :طيب
اخذ نفس عميق :خلاص على بركه الله بكلم ابوي اليوم الفجر وهو هنا
محمدوهو يسحب اسماء من ذراعها:انتم خليتوا فيها بركه ؟امشي وانتي ساكته من ذا النوح
سطام وضع يديه على رأسه :وش سويت ؟
وافي :خلاص سطام كلم ابوك بيحلها
سطام :ولله ان راسه يابس ما برجع الرياض الا وانا متزوجها
وافي :لعلها خيره لكم
سطام :انا عادي بس هي مسكينه مالها ذنب اخوها متحجر
نايف :وش صار قبل شوي ؟
وافي مسك نايف من كتفه :بعدين
سطام ضحك بقهر :الي بيصير بتزوج طال عمرك
نايف بسخريه :اما قلت لك بتصير هي وراك
وافي بحده :نايف
نايف :هاه؟
وافي :نفس موضوعك يوم مع ريوف
نايف :اوووه الله يفرج عليك
سطام :واثق انا بالله بس ذي ما بتفرج
وافي :اكلم عمي ؟
سطام تنهد :كلمه مافيه الا هو بيحلها
اتصل على ابو سطام :الو يا عم
ابو سطام :هلا فيك ساحب لك يومين ما تتصل
وافي يحك خده :ولله ياعمي صارت مصيبه مدري من وين ابدا
ابو سطام ضحك :اليوم مزاجي يبيك تبدا من النهايه
وافي:ولله ...يعني شوف النهايه ان ولدك بيتزوج
ابو سطام :وشو ؟
وافي :انت قلت ابدا من النهايه وش اقول ؟
ابو سطام :قول كل شي من البدايه
وافي :زبونه وحده مسيكنه شافتنا جالسين بالمحل واستحت تجي طلعنا لها سطام وطلبت نوع ماهو موجود وسطام اخذ اسمها جا اخوها قال يرقمها وقال اليوم قبل بكره يجي ابوك ونزوجهم ومالهم الا الزواج احنا نبيك تجي تقنعه انه ما صار شي عشان ما يتزوج ولدك بالغصب
ابو سطام:ومنهم ؟
وافي :هذاك محمد الي جدته مخرفه
ابو سطام :يا وجه الله ،هذولي شكله عرق فيهم سوء الظن
وافي :الحين بتجي ؟
ابو سطام :اي الحين مسافه الطريق ما يجي العشا الا انا عندكم
وافي يحاول تلطيف الجو :لا تسرع
ابو سطام :انا والسرعه ما نلتقي بس قفل
وافي :مع السلامه
ابو سطام :مع السلامه
...
محمد :امشي بسرعه
ام علي :علامكم ؟
محمد :بنتك امسكيها تدوج بالشوارع والعيال حولها
اسماء ببكاء :يمه ولله ماسويت شي
محمد دفعها:كذابه لقيتها تعطي واحد رقمها
ام علي :اصبر يا محمد افهم وش صار
محمد :انا ما اكذب عيوني شفته معاه ورقه وقلم وهي مدري وش تمليه
سحبها من ذراعها مره اخرى وادخلها الغرفه واغلق عليها :هاك المفتاح ولا تطلعينها الا لزوجها سامعه ؟
ام علي بضيق :سامعه
محمد :وين اختها الثانيه لا تجيب لنا فضيحه اكبر
سحاب نزلت بسرعه :انا هنا
محمد بتهديد :يا ويلك ويا سواد ليلك إن شفتك وطيتي عتبه ذا الباب ولله العظيم لأقص رجولك وازوجك اكبر شايب بذي الديره
سحاب بلعت ريقها وبصوت خافت :ان شاء الله
محمد :ما اسمع
سحاب :ان شاء الله
محمد :انا بروح اشوف زوج اختك لا يهرب عاد هم معروف انهم ماهم رجال ولا يوفون بوعودهم
ام علي :يا محمد اجلس هنا ليه تدور للفضيحه غصب
محمد :بناتك الي يجيبون الفضايح بناتك ماهو انا
ام علي :انت ما يعرف لك الا علي
محمد :علي ماهو هنا ما بيوقفني احد استر ذي الفضيحه
ام علي تنهدت :الله يهديك بس
خرج وضرب بالباب بقوه
سحاب نزلت اكثر ووقفت بجانب والدتها :شفيه ؟
ام علي :الشك بيذبحه بيوم
سحاب :وين اسماء؟
ام علي :بالغرفه حبسها
سحاب :مجنون ذا ؟ عطيني المفتاح
ام علي :بيذبحك يا سحاب
سحاب سحبت المفتاح من يد امها بقوه :ما يهمني اموت شهيده ولا اموت من شكه
ام علي :الله يهديكم يا عيالي الله يهديكم ،جيبي جوالي خليني اشوف علي لعله يكلمه ويرق قلبه
سحاب بغضب:ما ينفع فيه ذا متحجر ما صدق فرصه علي يتزوج ويشوف حياته عشان يعذبنا ،انا بالغصب طلعت ادرس بالرياض عشان ذا المتحجر ولا امنيتي كانت ادرس بالخارج
ام علي :مالك الا الصبر يا بنيتي
تنهدت واكملت والدموع بعينها :الله يرحم ابوك بس
سحاب فتحت الباب ودخلت على اسماء التي كانت تبكي بأنهيار:اسماء
اسماء :ما ابي اتزوج
سحاب حضنتها :خلاص يا قلبي ما بيصير شي بدون رضاك
اسماء :ولله محمد ما بيخليني
سحاب مسحت دموعها :وعلي ما بيخليه خلاص اسكتي
اسماء :ليش كذا احلامي كلها انتهت ماله داعي اعيش وانا بدون احلام
سحاب :وش ذا الكلام ؟ بتعيشين وتدورين احلام جديده
اسماء :ما اقدر
سحاب حضنتها مره اخرى :اشش خلاص
...
حصه :حبيبي جوالك يدق
علي :جيبيه ،مين ؟
حصه مدت له الهاتف :امك
علي بأبتسامه :هلا بالغاليه هلا
ام علي بضيق واضح بصوتها :هلا فيك
عبس وجهه من صوت امه :عسى ماشر مين زعلك ؟
ام علي :تقدر تجي اليوم ؟
علي :اقدر بس مارح اوصل اليوم عسى ما شر يا يمه خوفتيني؟
ام علي بدأت بالبكاء :اخوك محمد بيزوج اسماء
علي :كيف يزوجها ؟ ان كان جا نصيبها وشفتوه رجال وهي وافقت تتزوج الله يوفقها
ام علي :لا لا مو كذا مو كذا بيزوجها بالغصب واحد ما ندري من هو
علي :وش فيه ذا المجنون ؟
ام علي :كلمه يا علي اقل شي كلمه لعلك تلين قلبه على اختك
علي :خلاص قفلي يا يمه وانا بكلمه
ام علي:مع السلامه
علي تنهد بضيق وهو يبحث عن اسم محمد
حصه :عسى ما شر ؟
علي :محمد يبي يزوج اسماء بالغصب
حصه بحزن :ياروحي هي
علي :انا قايل لأمي شكه ذا يا بيذبحنا يا بيذبحه
حصه :لا تضغط عليه
علي :إن كان يضغط على البنت وعلى ضغط امي انا بضغط عليه إن كان يبيها بالغصب انا بجيبها بالغصب
حصه :الله يهديه
...
الجازيه :الحين ابوي وصل الديره ؟ يلا مع السلامه يمه
نظرت يسارها وإذ بها في المقعد الامامي :وش جابني هنا ؟
عبدالمحسن:مدري عنك جيت اخذك وانتي تكلمين يا روحي هو ياروحي شكلك تخيلتي نفسك مع روحك
الجازيه :سطام مسكين بيزوجونه غصب
عبدالمحسن :وهو فيه زواج غير الغصب؟
الجازيه :اي فيه زواج عن حب فيه زواج تقليدي بس عن رضا
عبدالمحسن :زواج تقليدي عن رضا اي بس عن حب ما اظن
الجازيه :اختي بتتزوج عن حب
عبدالمحسن :شلون ؟
الجازيه :تعرفت عليه بالديره وهو من معارفنا
عبدالمحسن :حب بس القصه خايسه
الجازيه وهي مبتسمه:ماهي خايسه فيه تفاصيل كثير مثلًا انه كان يحفظ كلامها ويراقب طريقها وحتى تابع مسلسل عن المحاماه عشانها
عبدالمحسن :اختك محاميه ؟
الجازيه :اي الحين توظفت وقاعده تجمع من راتبها عشان تشتري سياره وبعد اسبوعين بتتزوج يعني الحمدلله حققت كل احلامها
عبدالمحسن وعينه على الطريق :وانتي وش احلامك
الجازيه :احلامي اشوف الي حولي سعداء
عبدالمحسن :بس ؟
الجازيه مبتسمه :بس
عبدالمحسن :طيب اذا كانت سعادتهم على حساب تعاستك
الجازيه :عادي
عبدالمحسن ابتسم :مضحيه بزياده
الجازيه : وانت اشوف كيف سعادتك ؟
عبدالمحسن :استقر بحياتي وأمي تنسى شي اسمه بنات خالي
الجازيه :ليش؟
عبدالمحسن :تبي تزوجني منهم غصب
الجازيه ضحكت :عشان كذا تقول هو فيه زواج ماهو بالغصب
عبدالمحسن :بالضبط
الجازيه :ليش وقفت؟
عبدالمحسن :بجيب اغراض
الجازيه :طيب ليش ما تشتريها من اول
عبدالمحسن :امي قالت لا تدخل البيت الا معاك الاغراض وانا صراحه ما ابي انطرد
الجازيه :طيب
عبدالمحسن :انزلي
الجازيه :الحزام عيا ينفتح
عبدالمحسن وهو يحاول فتحه:بدا يخرب ذي الايام
الجازيه :يعني بعلق هنا ؟
قال وهو ينظر لعينيها :قد علقتي
الجازيه ابعدت عينيها عنه بتوتر:ياربي ما ابي اموت صغيره وبحزام الامان بعد
عبدالمحسن :مبدئيًا علقتي بس ...
ضغطه بقوه :فكيته خلاص
تنفست براحه :الحمدلله
عبدالمحسن :يلا انزلي
نزلت ودخلت المحل وهو خلفها :انا بروح عند الالبان وانتي شوفي الي يعجبك خذيه
الجازيه :طبعًا يعني ما بنزل كذا
عبدالمحسن :بس انتبهي لنسبه الكحول
الجازيه:معليك
عبدالمحسن :متأكده تعرفين انجليزي ؟
الجازيه :اجل وش جابني ادرس هنا ؟
عبدالمحسن :تمام
الجازيه :وين قسم الشوكلت ؟
عبدالمحسن :بذيك الجهه يمكن
الجازيه :اجل انا هناك
عبدالمحسن :طيب
بعد دقائق اكمل كل ما يحتاجه وذهب للبحث عنها ،وجدها عند قسم العينات المجانيه :هل يمكنني أخذ واحده اخرى ؟
البائعه :بالطبع نعم
وقف بجانبها :هل بها كحول ؟
البائعه :نعم ولكن بنسبه قليله جدًا
اتسعت عيناها وهي تسمع كلامها وتوقفت عن المضغ :اكلت خمر
عبدالمحسن :تفليها
الجازيه :مناديل مناديل
عبدالمحسن :هل لديك مناديل؟
البائعه :بالطبع تفضلي
الجازيه تفلتها :ما كنت اعرف
عبدالمحسن تكتف :كم وحده اكلتي ؟
الجازيه :اكلت من الصف ذا كله كل شوي امر عند وحده واخذ حبه بس هذي اخذت حبتين
عبدالمحسن :هل جميع هذه العينات بالكحول ؟
البائعه :نعم
تنهد بملل :ما فكرتي تسألين ؟
الجازيه :المفروض يقولون لي يعني شافوني محجبه
عبدالمحسن:ما يعرفون دينك قد ما انتي تعرفينه ولا بيهتمون فيك ويعلمونك محد مسؤول عنك الا نفسك
الجازيه بحزن :ما كنت اعرف
اشار بيده :هذي كم ؟
الجازيه :اثنين ما انحولت الله يغفر لي بس
عبدالمحسن:يلا امشي بس، معاك اغراض بتحاسبين فيهم ؟
الجازيه :اي معاي بذيك السله
عبدالمحسن اقترب من السله :فيها خمر
الجازيه :لا مستحيل كيف
:عذرًا يا سيدي هذه سلتي
عبدالمحسن :المعذره
الجازيه :ما انجنيت لذي الدرجه انا
عبدالمحسن :يعني اثر عليك الكحول شوي ناسيه وين سلتك
الجازيه :استغفر الله يارب ،هذي هي جنبي اذا طلعنا السياره شغل قرآن عشان اخذ الاجر وامحي ذنبي استغفر الله استغفر الله ...
عبدالمحسن ابتسم :يلا طيب
بقيت تسير خلفه وهي تستغفر
عبدالمحسن توقف :ترا الاستغفار عادي بالخفاء
الجازيه اصبحت تتمتم الاستغفار
عبدالمحسن مد يده:هاتي السله
الجازيه :هاك
ابعد يده واصبحت تمد بالهواء :يا بنت أثر عليك مره قاعده تمدين بالهوا
الجازيه بحزن والدموع بمحاجرها تتلألأ :ما كان قصدي يا الله
عبدالمحسن ضحك :مقلب
نزلت دموعها :ما يضحك دايم مقالبك ما تضحك وتجرح
عبدالمحسن :زعلتي ؟
تجاهلته وخرجت من المحل
حاسب سريعًا ولحقها على حافه الشارع كادت ان تنزل والسيارات تمر سحبها من يدها :وين رايحه ؟
الجازيه :مالك دخل
عبدالمحسن:طبعًااشوك ترمين تفسك للموت وانا مالي دخل
الجازيه :انت مين ؟
عبدالمحسن ضحك :تمزحين ؟
الجازيه بحده :انت مين توني ولا عبدالمحسن
عبدالمحسن :الاثنين
الجازيه :عجزت افهمك لأنك مو فاهم نفسك ما قدرت تقرر انت اي شخصيه كل ساعه تغير شخصيتك عجزت افهمك عجزت
عبدالمحسن بنصف ابتسامه:وليش تبين تفهميني ؟
الجازيه :عشان ...
عبدالمحسن :عشان ؟
الجازيه وهي متجهه للسياره:مالك دخل افهم الي ابي
وضع يديه بجيوبه ولحقها بأبتسامه :براحتك
...
نايف :اخر عمري احب قرد
ريوف :بسم الله بغيت اطيح
نايف :وش تسوين فوق الحوش ؟
ريوف :اراقب
نايف :وش تراقبين ؟
ريوف :اراقب بيت العدو
نايف :بيت مين ؟
ريوف :العدو اسماء وسحاب تراهم حيات من ورانا
نايف :صدق ؟ احسبهم موتى
ريوف :يعني ثعابين ،تدري اسماء كذابه هي تبي تتعلق بسطام وتخرج من ذي الديره
نايف :صدق؟
ريوف :اي
نايف :مين قال لك ؟
ريوف :انا استنتجت هذيك السحابه الي ما جابت معاها الا غبار تبي وافي بس شافته وافي ثقيل والطريق له صعبجت اختها قالت بعلمك كيف وراحت انتظرت اخوها المتحجر يطلع عشان يشوفها ويزوجهم
نايف :استنتاجات كذب مبنيه على خيال واوهام
ريوف :حقيقه ترا
نايف :وكيف عرفتي ان اخوها متحجر ؟
ريوف :بكل بيت فيه اخو متحجر
نايف :احنا ما عندنا
ريوف :الا
نايف :مين ؟
ريوف :فايز
نايف :لا تذكريني فيه
ريوف :ترا بالاول والاخير اخوكم وبيشارككم بالورث
نايف :الله يطول بعمر ابوي
ريوف :امين
نايف :ما بتنزلين ؟
ريوف :بشوف عمي اذا طلع عساه ما يحب امهم بعد
نايف :انزلي بكلمك بشي
ريوف :هاه هذا هو عمي طلع ،قلت لي عندكم مناظير بالجامعه ؟
نايف :اي
ريوف:احتاج واحد
نايف :انزلي بقول لك شي
ريوف :قول وانا فوق عادي
نايف :عمي يعرف كل شي
ريوف :كيف؟
نايف :انزلي وبقول لك كيف
ريوف :بعد بنط
نايف :تتكسرين
ريوف :لا عادي بنط
نايف تراجع :يلا نطي
قفزت ريوف بسرعه :رجلي
نايف :انكسرت قلت لك بتنكسرين بس ما تطاوعيني انتي
ريوف :لا عادي ،وش الي يعرفه عمي
نايف :احنا
ريوف بسخريه:توه يتعرف علينا ؟
نايف :لا يعرف كل شي بيننا
ريوف :وش بيننا
نايف تنهد :ريوف ادري انك فهمتي من اول مره ليش تنكرين
ريوف ابتسمت بغباء:مدري
نايف يحك خلف رأسه :طيب شلونك ؟
ريوف بحرج :تمام
نايف :حتى انا تمام
ريوف تنهدت :شفت اذا صرت ما انكر نصير نتكلم كذا ما يعجبني
نايف ابتسم:يعني ننكر ؟
ريوف :ننكر لين اخلص الجامعه و...
نايف ابتسم :عرفت مو لازم تقولين
ريوف ابتسمت ومدت اصبعها الخنصر:وعد ؟
نايف مد اصبعه من بعيد:وعد
ريوف :المفروض نعقد اصابعنا بس خلها لين نحقق وعدنا
نايف ابتسم:صح
ريوف :تتوقع رضيوا ما يتزوجون ؟
نايف :مدري
ريوف :انا طلبت توقع مو اجابه اكيده
نايف :على شخصيه عمي بيوافقون بس على شخصيه محمد مابيوافقون ذكرني بخالد
ريوف :حرام عليك
نايف :خالد؟ الي بغى يذبحني ويزوجك شايب ؟
ريوف :اي حرام عليك تراه اخوي
نايف :نسيتي وش سوى ؟
ريوف :ما تزوجت انا وانت شوف بعد حي الحمدلله الله يطول اعمارنا
نايف:قلبك حنين
ريوف :مين حنين
نايف :العجايز الشخص الي حنون يقولون له قلبك حنين
ريوف ضحكت
نايف :شفيك ؟
ريوف :حنيّن بالشده على الياء
نايف ابتسم بغباء :طيب عادي الواحد ما يغلط؟
ريوف :الا عادي بس ذي مستحيل يجي فيها الغلط
ملاك تنادي :ريوف
ريوف:يلا مع السلامه سلفتي المستقبليه تنادي
نايف :وش يعني سلفتي
ريوف تضحك وهي تسير :اسأل وافي
نايف :تعالي وافي يمكن ما يعرف
ريوف تجاهلته ودخلت
وافي :انت هنا وانا ادور لك ؟
نايف :بسألك سؤال
وافي :اسأل
نايف :وش يعني سلفتي ؟
وافي :يعني زوجه اخو الزوج
نايف :كيف؟
وافي :كيف افهمك يعني العلاقه الي تجمع امي وخالتي ام سطام هم متزوجين اخوان
نايف ابتسم بأتساع :اهااا
وافي :ليش السؤال ؟
نايف :ريوف كانت هنا ونادتها ملاك قالت سلفتي المستقبليه تنادي
وافي ابتسم بخفاء :امش بس
نايف تنهد :وش سوو فينا بنات عمنا
وافي :امش خلاص
نايف :وافي ترا قلت لي كل شي ليه بعدك تنكر ؟
وافي :برستيجي
نايف :اركض وراها سنه سنتين ثلاث تنسى برستيجك
وافي ابتسم :ملاك ما وراها شي لو اخطبها اليوم ونتزوج بكره توافق
نايف :بتخطبها ؟
وافي :لا
نايف :ليه ؟
وافي :فيه شي مو متأكد منه
نايف:حمار انت تقول لها احبك واكثر من احبك وانت مو متأكد ؟
وافي :هذا سيّاف ؟
نايف ابتسم :اي نسيبك
سيّاف :السلام عليكم
وافي :وعليكم السلام ،الحمدلله عالسلامه وعمره مقبوله
سيّاف :الله يسلمك
نايف :ما يحتاج اقول وافي قال
سيّاف ضحك :شفيك جيت ؟
نايف :ابي اكشت بالديره
سيّاف :افا عليك الليله الحين نتعشى ونطلع نكشت بمكان يحبه قلبك
نايف :اغني لكم ؟
سيّاف :لو ترقص افضل
وافي :انا بسوي شاهي عالجمر يوووووه
سيّاف :طبعًا ذا مهم وين العريس المغصوب ؟
وافي :عاده يتناقش معاهم
سيّاف :الله يعينه
...
ملاك :امي ؟
ام سيّاف :اي انا
ملاك فتحت الباب :الحمدلله عالسلامه اشتقت لك
ام سيّاف :وانا اشتقت لك اكثر ودعيت لك
ملاك :وش دعيتي ؟
ام سيّاف تكرر نفس الدعوه :قلت يارب ارزق بنتي الزوج الصالح
الهنوف نظرت لريوف بنظره ذات معنى
ملاك :يمه ما لقيتي الا ذي الدعوه
ام سيّاف اكملت :ويرزقها الذريه الصالحه
ملاك :يمه
الهنوف :عمره مقبوله ودعوات مستجابه ان شاء الله
ريوف :امين
ام سيّاف :تقبل الله منا ومنكم صالح الاعمال ،شبونكم ؟
الهنوف :عال العال الديره نفعتنا
ريوف تقصد ملاك:شفنا مناظر نتمناها من زمان واستمتعنا بالامطار والاجواء
الهنوف وهي تنظر لملاك:اي خاصه المطر الي امس الظهر
ام سيّاف :شفته ملاك صورته ماشاء الله
ملاك :اكيد تعبتي ادخلي ارتاحي والحين بحط العشا
ام سيّاف :حسبتينا معاك ؟
ملاك ابتسمت :اول المحسوبين انتم
ام سيّاف :اطلعي قابلي ابوك واخوك والعشا انا بحطه
الهنوف :لالالا يا خاله ارتاحي ارتاحي احنا بنحطه صح ريوف
ريوف :هاه ؟ اي اي
ام سيّاف :الله يرضى عليكم
ملاك :ابوي برا ؟
ام سيّاف :اي عند السياره
ملاك خرجت :يبه
ابو سيّاف بأبتسامه فتح ذراعيه :تعالي
ملاك حضنته :اشتقت لك حيل
ابو سيّاف :يا قلبي انا اشتقت لك اكثر اول مره نروح ونخليك صح؟
ملاك :اي بس عادي البنات كانوا معاي
ابو سيّاف :وش سويتي ورانا ؟
نظرت لوافي الذي كان يقف خلف والدها بمسافه بعيده :ولا شي بس كانت ايام حلوه
ابو سيّاف :احلى من ايامك معانا؟
ملاك ضحكت وحضنته مره اخرى :لا احلى ايامي بوجودكم ،وين سيّاف ؟
ابو سيّاف :مدري وين راح عند عيال عمك
سيّاف :جيت جيت
ملاك حضنته :شكلك بالقرعه حلو
سيّاف ضحك :ما لاحظتي الا هي ؟
ملاك :وجهك تغير
ابو سيّاف بأبتسامه:يمكن عشانه يبي يتزوج ؟
ملاك شهقت :صدق ؟
سيّاف:يبه
ملاك :متى ؟
سيّاف :فتره شهر ولا شهرين
ملاك :لا تكفى سيّاف خله قريب ابي اصير اخت العريس
ابو سيّاف ضحك :يا حبي لك
ملاك :جعتوا ؟
سيّاف :مره جعت
ملاك :اجل خلوكم هنا سويت لكم كبسه بس الحين بجيبها
ابو سيّاف :على هونك امشي لا تطيحين
ملاك تكلم نفسها وهي تمشي : اساسًا ما اطيح الا قدامه
بعد ساعه
سيّاف :ها تبونا نخرج ؟
نايف :يلا
ابو سطام :قم انت معاهم
سطام :ما ابي
ابو سطام :قم تغير جو شوي
سطام :طيب
وافي :يلا انا بجيب البراد ونطلع
نايف :وعندي لكم مفاجأه بعلمكم هناك
ابو سيّاف :لا تنسى النعناع جبناه من المدينه
وافي :ابشر
بعد دقائق
وافي :يلا ؟
نايف :اخيرًا حققتم حلمي
سيّاف ضحك :يلا بس امش
سطام :بتبعدون مره ؟
وافي :لا هنا قريب
نايف :اي مو مره
سيّاف :بالمكان الي طردكم فيه فهد الدب ذاك
وافي :اي دايم اجلس فيه دايم
نايف :ذا معنا ؟
وافي :مين ؟
نايف :غازي
وافي صرخ :غازي
غازي اقترب منهم :هلا
وافي :معانا رايحين طلعه ليليه
غازي :بنام
سيّاف :راشد شكله معنا
وافي بهمس :يا ليل النشبه
نايف :هذا هو جا
راشد :السلام عليكم
:وعليكم السلام
بعد ربع ساعه
وافي :وصلنا ولع الحطب
سطام :وش مفاجأتك نايف؟
نايف :شوي لين نولع الحطب اهداء خاص
وافي :وين النعناع ؟
سيّاف :ما اخذته ؟
وافي :قلت انت بتشيله
سيّاف :احسبك انت شلته
وافي :خلاص برسل للهنوف تجيبه
في الجهه الاخرى صعدت ملاك للسطح لترد على ما قاله الشيطان قبل أسبوع صعدت ريوف :انتي هنا ؟
ملاك اخفت الاوراق :اي
ريوف :بنروح مع الهنوف نودي العيال نعناع
ملاك :وينهم ؟
ريوف :مدري عنهم طلعوا مدري وين بس مو بالبيت
ملاك :طيب بجي
ريوف وهي تنزل:ووافي هناك
ملاك بهمس :خلاص يا ملاك اخر يوم اصبري بس اخر يوم
في الجهه الاخرى
نايف :والحين اقدم لكم مفاجأتي والسر الذي اخفاه وافي عن الجميع
ثلاث اشخاص بهذه الجلسه يعرفون هذا السر العظيم أولهم الضحيه (وافي) الذي تملكه الخوف ،ثانيًا سطام الذي شعر بالحزن ،وأخيرًا راشد الذي يشعر بأنه انتصر بسهوله
سيّاف :وشو ؟
نايف بأبتسامه:وافي صوته حلو بالاغاني ،وبيغني لكم الجين
وافي ضحك براحه :ليه ما سترت علي ؟
نايف :يلا يلا انا بدق العود وانت غني اغنيتك ذيك وانا في درب الهلاك
وافي :ما ابي
سطام براحه :يلا ياخي ابي اسمع صوتك
نايف :يلا شجعوه
سيّاف :انت تستطيع
وافي :طيب اول شي اعزف الدقه عشان اعرف
نايف :يلا بديت
وافي بدأ بالغناء:وانا في درب الهلاك ظهرت لي يا ملاك ،غيرت مجرى حياتي شفت السعاده معاك ،واليوم يمكن تقولي يانفسي انك سعيده
نظر للأفق وهو يغني جاءت ملاكه أخر ليله لنا معًا تذكر ما حدث قبل نصف ساعه

ملاك ارسلت :بنتقابل اخر مره مثل حبيبين مستعد ؟
وافي :بتجون مع الهنوف ؟،مستعد
ملاك :تخاف لحالها بنجي معاها
وافي :تعرفون المكان ؟
ملاك :لا
وافي :الي دايم اجلس فيه
ملاك :وانا اعرف وين تجلس ؟
وافي :عندك هذيك الهضبه
ملاك :عرفتها بنجي
وافي :اخر ليله
ملاك :اي خلاص ،بنرتاح
وافي :الحمدلله

نظرت له وهي تسمع صوته بالغناء أتضح انه جميل ولا يزال يغني تلك الاغنيه ،تلك الاغنيه التي كانت سببًا بأسمي تنهدت بحزن وهي تتذكر بدايه الحب المزيف ما قبل ثلاثة ايام :

دخلت ملاك الغرفه ووضعت رأسها على الوساده وهي تفكر بما حصل ،أعتراف ثاني لكن من شخص أعرفه يا أنا ماذا فعلت؟ ماذا فعلت ليحبني هاذان الرجلان ،أحدهما مجهول ولكنه أحبني دون أن يراني ويعرفني أما الاخر فيعرفني ،أيهم حبه أصدق ؟ أيهم سأختار عمري معه ،ابتسمت من وضعها وهمست :الحمدلله أنه تمثيل .

اقتربت أكثر وهو ينظر اليها ويتذكر تلك الليله التي ادلى بها بأعترافه المزيف

دخل وأرمتى على السرير ثاني اعتراف أقدمه ،هل قام يوم الحساب وشهدت يدي علي بأني أحب ملاك ؟ ولساني شهد بحب ملاك أخر ،أيهم ستحبني من تعرف غدراتي وفجراتي أم من تجهل كل شي عني سوى مشاعري لها ،ماذا فعلن بنات حواء بنا قتلننا ولم يحين قتلانا ،وأنا ! وأنا الذي كنت أبغض الهوى هويت أثنتين
جلس وتنهد أخرج ذلك العقد والفرده الاخرى من القُرط ،ملاك أم ملاك ؟ سخيف جدًا أن تكون شيطانًا وتقع بين ملاكين
ابتسم عندما تذكر ذلك المثل الذي يصف واقعه "المصائب لا تأتي فرادى"،ليست الا مصيبه واحده تنهد وهو مبتسم:كل شي تمثيل