وانا في درب الهلاك ظهرت لي يا ملاك

8

بعد ما ناموا البنات ملاك كانت على الجوال وجتها رسالها خلتها تقوم وتطلع راحت عند غرفه وافي وصارت تتسمع على الباب شوي وقالت :مافيه صوت افتح؟
وافي طلع وراها :جربي
ملاك: بسم الله
وافي: وش جابك هناك وليش تراقبيني ؟
ملاك :ما اراقبك
بنفس اللحظه الي قالت كذا جاها اشعار
وافي ضحك :الحين فهمت عمي مخيك تراقبيني صح
ملاك :لا
وافي :عطيني جوالك اشوف
ملاك ترجع ورا :مالك حق تاخذ جوالي
وافي يمشي جهتها :دامه شي يخصني لي حق
ملاك رجعت لحد ما دخلت الغرفه ووافي دخل معاها ضلت ترجع ورا لين طاحت على السرير :خلاص خذ خذ بس وقف مكانك لا تقرب اكثر
وافي :مين كنتي تكلمين ؟
ملاك :عمي ابو سطام
فتح المحادثه وكانت عباره عن :
الساعه ١:٠٠
ابو سطام :انتبهي له اذا ناموا البنات لا يطلع
ملاك :الحين اشيك عليه
الساعه ١١:٠٠

ملاك :عمي الحين احنا بالسوق ووافي طلع مع خويه اسمه وليد
ابو سطام :ما تعرفين اسمه الكامل ؟
ملاك :لو اسأل اكثر من كذا بيشكون فيني هذا الي قدرت اعرفه
ابو سطام :خلاص خلي الباقي علي

الساعه ٨:٠٠

ابو سطام :وصلتم ؟
ملاك :اي
ابو سطام :وافي وينه
ملاك :بيروح المستشفى
ابو سطام :عسى ما شر ؟
ملاك :بنص الطريق وقف واستفرغ ومعد قدر يكمل كملت انا باقي الطريق
ابو سطام :الحين وش يضمني انه ما بيرجع لذيك البلاوي
ملاك :ما شفته حيله منهد ما يقدر يفكر فيها حتى
ابو سطام :بعدين خلي عينك عليه لا تخلونه لحاله
ملاك :معليك يا عم انا معاه
ابو سطام :واثق فالله ثم فيك معد باقي الا خمس شهور
ملاك :الله يعديها على خير
ابو سطام :ولا تنسين عطيني تقرير عن كل شي يسويه
ملاك :ان شاء الله

ملاك صارت تبكي ووافي رمى جوالها جنبها طلع شوي ورجع وهي باقي مكانها جلس على كرسي المكتب وقال :كيف عرفتي ؟
ملاك :مو لازم اعلمك
وافي مشى بالكرسي لين عند الباب وقفله وقال :ما بتطلعين لين تعلميني
ملاك صارت تبكي اكثر :ليش كذا انت ؟
وافي وقف :لأني انا المذنب الوحيد بذي القصه محد يعرف وش سويت ويلوموني على كل شي ليش ما اتحكم بأعصابي ليش تغيرت ؟ ليش وليش خلاص
وطيح الكتب الي على المكتب
ملاك هدت نفسها شوي وقالت :بقول لك كل شي اوعدك بس خلنا نطلع من الغرفه ممكن ؟
وافي واقف بوسط الغرفه ومعصب
ملاك وقفت :شوف الحين انا ما الومك الذنب مو ذنبك انت ضحيه بس لازم نطلع من الغرفه ذي وحتى وجودنا بنفس المكان اكبر غلط بعطيك رقمي وبوضح لك كل شي بالجوال
وافي تنهد :اطلعي
ملاك راحت عند المكتب واخذت ورقه وكتبت فيها رقمها وعطت وافي وطلعت
اول ما طلعت حطت يدها على قلبها وقالت :الحمدلله
بعد شوي طلع وافي يبي يشرب ماي ومر من جنب المقلط الا اللمبه شغاله يوم جا بيطفيها الا ملاك على السجاده وتستغفر
طلع وافي وقال :حيوان انا احبس البنت بغرفه وهي بدون حجاب ولا ستر صدق حيوان
شوي الا ملاك قامت وهو هرب الغرفه
راحت المطبخ لقيت علبه ماي مفتوحه دورت غطاها بس ما لقيته وتركتها مفتوحه يوم جت بتروح ارسل رقم :الغطا معاي لا تدورين له
رجعت الغرفه وردت عليه :الحين وش تبي تسألني
وافي :اول شي بعتذر منك على اللي صار
ملاك :يكفي اننا معد نتصادف ولا ترسل لي ولا شي بس بوضح لك الي صار وإذا رجعنا الديره ابلك رقمك وخلاص
وافي :تمام الي تبينه بيصير
ملاك :اعرفه ذا الاسلوب
وافي :طيب خلاص
ملاك طولت تكتب
وافي :وش تكتبين طولتي
ملاك ارسلت :كل شي بدا يوم كنا نسولف انا والبنات وكانوا خواتك يقولون انك تغيرت وصرت ما تمسك اعصابك وتسهر كثير وتنام ضعف الي سهرته وبعد كذا قالوا ان علاقتك بعمي جابر صارت اقوى وكأن بينكم اسرار وحسيت انك تتعاطى لأني اعرف ذي الاعراض زين وتصادفت مره مع عمي وسألته كان بيخبي علي بس اصريت عليه وعلمني ويوم بنسافر قال لي انتبه لطلعاتك واراقبك بدون ما تحس وطبعًا انا فشلت بذا الشي والحين انت تعرف اني اعرف سرك والمراقبه بتكون اسهل لأني بسألك هنا
وافي :تمام
ملاك :لا تقول لعمي شي ولا تبين له
وافي :بس سؤال
ملاك :وش
وافي :كيف عرفتي الاعراض فيه احد قريب منك عاش نفس التجربه ؟
ملاك :لا بس قريتها بكتاب اذا تبيه بعطيه لك تقرا تجارب المتعاطين وكيف تركوها يمكن يحفزك
وافي :اتوقع معرفتك باللي صار افضل من معرفه عمي جابر ومساعدته لي
ملاك :تمام
وافي يكلم نفسه :ما الومها تتجاهلني
ملاك جلست تفكر بالشيطان الي يراسلها مع ياقوت صار لها يومين ما ترسل له وش صار عليه يمكن طفش ؟ احسن ابغا ارجع ارسل طبيعي بدون ما يضايقني بس اسلوبه يضحك
...
اليوم الثاني
ام خالد :اييه ولله البيت هادي بدون البنات
ام وافي :صدق تخيلت لما يتزوجون كلهم وابقى وحدي بالبيت وش بسوي
غاليه :اكيد يمه بنزورك ووافي ونايف بيسكنون عندكم وبيسلونكم
ام احمد :البنات يبغون بيوت لحالهم ياخذون راحتهم
ام سطام :معها حق مهما كان بيتكم وسيع ويكفيهم رح يطلبون بيوت لحالهم وهذا من حقهم طبعًا
ام وافي :خليهم يجون بس ولهم الي يبونه
ام سيّاف تضحك :متشفقه على الزواج مره
ام سطام :مره
ام خالد :بتطير فرح اذا زوجتهم
ام وافي :بسوي عرس اربعين يوم من الفرح
غاليه :يلا يمه العنود عندك انا بطلع
ام وافي :استودعتكم الله
غاليه :طيب طيب جايه
خالد :شفيك تأخرتي لي ساعه اتصل
غاليه :قلبي ما طاوعني افارق بنتي
خالد :جبتيها معاك ؟
غاليه قفلت بوجهه وطلعت السياره ساكته وخلت شنطتها برا طلع خالد ودخلها ورا ورجع قدام ومسك يد غاليه وقال :تراها بنتي وانا احبها بعد بس نحتاج وقت لحالنا كلها يومين ونرجع وان شاء الله المره الجايه ناخذها معانا
غاليه ساكته
خالد :غاليتي طالعي فيني
غاليه طالعت فيه وعيونها مليانه دموع
خالد :شفيك يا حبي
غاليه :خلنا نروح بسرعه ولا بصيح واقعد هنا
خالد ضحك وباس راسها وقال :طيب طيب يلا
جلس طول الطريق يحاول يرفه عنها بس هي ساكته اخر شي قال :معاك مفتاح بيت اهلك ؟
غاليه :ايه
...
ريوف :هنوف قومي
الهنوف :شوي
ريوف :متى ؟ اختباري العصر
الهنوف :الحين الساعه كم
ريوف :الساعه وحده الظهر
الهنوف :صحيني العصر
ريوف :تمزحين انتي ؟ بتقومين تصلين وتاكلين وتتجهزين الا العصر جا قومي ما ابي اروح مع وافي لحالي
الهنوف :زينب معاك
ريوف :مو اسفه على ذي الكلمه بس زينب ما اعتبرها شي
الهنوف :ليه تخافين من وافي عادي ترا زي اخوك الكبير بينكم ٩سنين لو تكشفين عليه عادي
ريوف :استحي منه
الهنوف :ليش
ريوف : بعدين اقول لك
الهنوف قامت :ايش ؟
ريوف :طيب الحين بس لا تسوين اي رده فعل ولا شي
الهنوف :واضح انه شي يحتاج رده فعل قويه
ريوف :بس ما بتسوين
الهنوف :ازهليها
ريوف :بقول لك كل شي من البدايه لا تقاطعيني لأني ما اقدر اقوله غير بنفس واحد بس
الهنوف :يلا قولي
ريوف:تذكرين يوم ترف جابت الاوراق وتبرأت من التهمه وطلعنا انا ووجدان نمشي ؟
الهنوف :اي
ريوف خذت نفس عميق وقالت بسرعه :ذاك اليوم كنا نمشي وجونا نايف وسطام وتركي يهربون من فهد خوي خالد الي كنت بتزوجه مدري كيف المهم تخبوا ورانا وسوينا نفسنا جنيات وخوفناه وهرب وبعدين طلعوا العيال وكنت متصايقه من نايف وكنا بنرجع البيت ووجدان قالت لي ليش متضايقه منه وقلت لها السبب وقالت يا حرام وهاوشتها لأني حسيت ان وراها سر وقالت لي انك قلتي لها ان نايف يحبني بعدين ...
الهنوف :ايوه وبعدين
ريوف خذت نفس مره ثانيه وقالت :انا قلت لها اني احبه
الهنوف صرخت وحضنتها وقالت :كنت اعرف كنت اعرف الحمدلله
ريوف بعدها :شفيك اسكتي
الهنوف تمسح دموعها :معليش معليش بس وش علاقه هذا بوافي ؟
ريوف :انا كنت مخبيه عليكم اني احب نايف بس يوم اعترفت لنفسي ولوجدان صرت ما اقدر اتحكم بنفسي ويوم جينا البيت حقكم رحت غرفه نايف ابغا اشوف اغراضه وفتحت دفتره الي يكتب فيه اقتباسات ووافي جا وشافني ويوم طلعت رجعت وطليت مع الباب شفته يصور الصفحه الي خليتها مفتوحه واضح ارسلها لنايف
الهنوف :لو كنت مكانه بسوي نفس الشي اخونا ولازم ندعمه
ريوف :انا خواتي لو يدرون بيدعموني بالسياره
الهنوف:انا ادعم الطرفين عشان كذا بدعمك
ريوف :ادعميني وتعالي معاي وصليني للأختبار
الهنوف :من عيوني من عيوني على قوله بندريتا لو تبي عيوني اخفع امها هنا واديك
ريوف طلعت ورجعت من عند الباب وقالت:لا تعلمين نايف
الهنوف ماسكه جوالها :فات الاوان
ريوف :هذا دعمك ؟
الهنوف :ما شفتي حالته كيف مسكين مشتاق لك
ريوف عند الباب ابتسمت شوي وقالت :طيب
الهنوف على طول طلعت من الغرفه وراحت غرفه وافي
الهنوف :للحين نايم
وافي :بنام ما شبعت نوم
الهنوف :عندي لك اخبار حلوه
وافي :قوليها واطلعي خليني انام
الهنوف :اخبار عن صاحب هذي الغرفه ومعشوقته التي لا تبادله الحب
وافي جلس :وش
الهنوف :ريوف قالتها لي بالحرف انا احب نايف
وافي :اشوا عبالي ما تحبه اذلفي خليني انام
الهنوف :ما فرحت ؟
وافي :ما بفرح الا بعرسه
الهنوف :انت نفسيه
وافي :ايه انا نفسيه بس اطلعي بنام
الهنوف :العصر بنودي ريوف الاختبار ولازم ننتبه عليها وعلى نفسيتها الحلوه ما نبي قلبها ينخدش ولا ينجرح
وافي :طيب اطلعي عشان ما اخدش قلبك
الهنوف :خلاص انت نام وانا بروح اسولف مع حبيبي
وافي قام :منهو حبيبك ؟ عادي عندك قله حيا كذا تقولين قدام اخوك
الهنوف :نايف حبيبي نايف هو الوحيد الي يفهمني
وافي :اشوا وبعدين تعالي
الهنوف :ايش
وافي :مشغله اشعارات سمول كبتشينو ولا ايش
الهنوف :لا هذا نايف مو مصدق
وافي :عطيه وجه مسكين
...
ابو وافي :شفيك قمت
نايف :شبعت الحمدلله
ابو سطام :ما كلت زين الله يهداك
نايف :من اول احس اني شبعان
ابو خالد :شكل الشغل عجبه
ابو وافي يضحك :الظاهر
نايف رجع من عند المغسله :اكرمكم الله
او سيّاف :الله يكرمك
ابو سطام :بترجع للدكان ؟
نايف :اي رجعنا البيت وهو باقي زحمه هناك
سيّاف :يلا انا معاك بس بغسل واجي
سطام :انا بلحقكم بعد شوي المفاتيح على المركى
سيّاف :يا ليت تجيب معاك شاهي
بدر :انا بجيب لكم الشاهي
سطام :حلو انا بجي بنفسي
نايف :على كذا انت بترتب البضاعه وتشوف المخزن
سطام :ما تخلون الواحد يرتاح ؟
ابو خالد يضحك :الشغل مافيه راحه
ابو سيّاف :الشغل يتعب بس لما تاخذ اجرك من الشغل وتشوفه نجح بتنسى التعب كله وتفكر كيف تجيب اضعاف
ابو سطام :انا لا تسألوني مالي بالتجاره تخرجت بشهاده ثانوي دخلت عسكريه كل كم سنه ترقيت اكثر من مره وربي اغناني من فضله والحين متقاعد ومرتاح
ابو احمد :الي يسمعك الحين ما بيقول انك انت نفس الشخص الي امس زعلان عشان صارت مشكله بالشغل
ابو سطام :تقاعدت بس اساعدهم ياخي
ابو خالد :ذي هرجتك من سنتين
ابو سطام :ما تعرفون الولاء للشغل انتم لأن شغلكم كله مكاتب انا تاجر وراعي شركات اطلع اجلس بمكتبي قهوه وشاهي توقيع كم ورقه وخلاص
ابو خالد رماه بالليمونه :استحي على وجهك ما تذكر يوم احنا هنا بالديره نشيل ونحط مع ابوي ونشتغل وانت محضن على الكتب مسوي انك بتصير عالم اخرتها عسكري
ابو سطام :العسكريه احسن وظيفه نقطه
ابو سيّاف :انت مشخصنها نقطه
مشاري يكلم بدر :اعمامك كذا كل يوم ؟
بدر :اي عادي متعودين عليهم وترا ذي مو هوشه الحين بتسمع ضحكهم عند المغاسل
مشاري :اغرب علاقه شفتها بحياتي
بدر :ترا علاقتهم اقوى علاقه مستحيل يخربها شي
مشاري :واضح جدك رباهم كذا
بدر :جدي ما اعرفه بس يحكون عنه واجد هو الي رباهم
مشاري :طيب جدتك ماقد مره سمعتك يتكلمون عنها
بدر :جدتي كانت معالجه شعبيه وقتها كله بالبيت وتشتغل على علاجات لأهل القريه وجدي تويجر قد حاله
مشاري :وش تويجر بعد ؟
بدر :تصغير لكلمه تاجر
مشاري :اهل نجد يحبون التصغير واجد
بدر :حركات تعلمت منا تقول واجد
مشاري :تأثيركم قوي
بدر :واضح اخوك فاغر من يوم جا
مشاري :الله وكيلك شاف وحده من اهل الحاره وعجبته ما قدر ينام
بدر :يوووه وش ذا الحب الي من اول نظره
مشاري :زي ابوي شاف امي مره وحده وحبها
بدر :اما لازم اسمع القصه بس الحين بسوي شاهي والحق العيال بعدين قلي السالفه
مشاري :ولله لازم تسمعها مره تضحك
...
الهنوف :الحين شفيك لك ساعتين تكرر نفس السؤال
نايف :مو مستوعب ياخي وش صار وكيف
الهنوف سوت اعاده ارسال للكلام الي كتبته قبل :ريوف قالت لي بالحرف الواحد انا احب نايف
نايف :ادري ادري بس كيييف
الهنوف :مدري ياخي انت كيف حبيتها ؟ هي نفس الشي صار لها
نايف :خلاص بس لا تعطيني وجه ما بستوعب الا بعدين الحين روحي شوفيها اختبارها بعد كم ساعه
الهنوف :حركات تحفظ جدولها
نايف سوا اعاده ارسال لكلام الهنوف :اختبار ريوف الساعه اربعه العصر
الهنوف :لا تقتل المتعه
نايف :روحي لا تقتلين البنت لها كم شهر تذاكر
الهنوف :اخوك ما بيقوم ويودينا نايم للحين
نايف :ايش ؟ كيف نايم المفروض يقوم اثقل واحد بالدنيا هو ما بيمديها تروح تختبر بيفوتها الاختبار اطلبوا اوبر
الهنوف :قام قام شفته الحين
نايف :ثقيل وافي اطلبوا اوبر احتياط
الهنوف :الحين الساعه اثنين ونص بيمديه
نايف :ما بيمديه يصلي ويفرش اسنانه وياكل وياخذ فيتاميناته ويتروش ويمشط شعره ويكوي ثوبه ويلبس
الهنوف:قلنا ينام بغرفتك بس ما يعيش حياتك وافي ما ياكل فيتامينات ولا يكوي ثوبه بنفس الوقت الي بيلبسه ثوبه مكوي من امس وشعره ما يشمطه
نايف :بس انه ثقيييل ياخذ وقت اطول مني
الهنوف :الحين بيخلص لا تخاف
سطام :ياخي انت شفيك من الصباح على الجوال ؟
نايف :ولا شي انقلع بس
سطام :فيه احد ؟
نايف :الهنوف الهنوف اختي ماي سستر
سطام :شفيكم انتم شادينها ذي اليومين بس سألت
نايف :رح خلص شغلك
سطام :شف من يتكلم لك ساعه على الجوال ولا تشتغل
نايف :انا كاشير احاسب الزباين فيه زباين الحين ؟
سيّاف :ولله مدري من راعي فكره اننا نجي بذا الوقت محد يشتري بُن بعز الظهر
نايف :ادري بس نرتب لأنهم بيجون العصر بيشترون بُن وحتى بيسأون عن الكليجه واحنا ما نبيع
بدر :الحين سؤال الديره تبع القصيم
سيّاف :لا
بدر :اجل من وين جبت ان اهل الديره يبون كليجه مع البُن
نايف :مدري عنهم
تركي :سلام عليكم
سطام :وعليكم السلام
تركي :شفيه المكان فيه طاقه سلبيه كذا
بدر :نايف متوتر مدري ليه تقل بيختبر قدرات
تركي :لا يالورع اقصد محلكم مظلم ماني كاهن انا عشان احس بزعلكم
سطام :ولله قلت لكم اللمبات ذي خايسه
بدر :بالعكس حلوه تعطي انطباع ان القهوه بتروقك
سيّاف :بس بالحقيقه القهوه بتسهرك
سطام :قلت لكم حتى انت يا سيّاف قلت لك اللمبات المظلمه خايسه
سيّاف :اذا قلت كذا هذا ما يعني انها ما عجبتني بالعكس حلوه
تركي :مااش افكاركم مو حلوه ليه ما تسمعون لأفكار سطام
نايف :افكار سطام اننا نخلي الاضاءه خضراء تضامن مع السعوديه
تركي :ولله حلوه
سطام :انا شكلي باخذ حصتي من الارباح ذا الشهر وافتح محل مع تركي هو الي يفهمني
بدر :هذا اذا طلعنا ضعف رأس المال على قول عمي
تركي :وبعدين وش ذا الدكان حتى بدون اسم
سطام :انا بختار الاسم
نايف :يلا عطنا افكارك
سطام :بُن السعاده
سيّاف :ياخي اسكت انت السعاده انك ما تشاركنا افكارك
تركي :ولله حلو الاسم
سيّاف :والسعاده الاكبر انك ما تعزز له
بدر :نسميه غمام
نايف :غمام ؟
بدر :اي حلو وحتى بكلم واحد يسوي لنا شعار كذا حبه بن نصها الثاني غيمه بمعنى غمام
سطام :وش غمام هيا وش غمام
بدر :يعني غيوم
سيّاف :حلو بس فكره الشعار ما فهمتها
بدر :معليك بس بكلم واحد بيفهمني ويصممها واوريك الليله
تركي :انتم تهدمون احلامنا واحنا بنروح نسوي محل بُن ونسميه بُن السعاده وننافسكم نهايه محلكم بتكون هنا بالديره قبل ما تبدا واحنا بننتشر
سيّاف :شفيك شادها ترا كله محل بُن شكلك تتابع مسلسلات واجد
سطام :صدق بنفتح محل وننافسكم وبعدين اذا طلعنا بالتلفزيون بنقول ان عيال عمنا كانوا اول هادمينا
نايف :توكلوا بس
تركي :امش البيت عندي نلعب سوني وذولي خلهم مع دكانهم الخايس
سطام :قدام
نايف :قلت توكلوا بس ما اقصدها بمعناها الحرفي تعال انت اشتغل وانت الثاني نحتاج عامل ثاني يرتب
تركي :مستحيل اشتغل معاكم انا عزيزٍ ما يرضى حبه يذله
نايف :واذا قلت بنعطيك خمس ميه نهايه الشهر ؟
تركي :انا ذليلٍ يرضى حبه يذله
نايف :حلو سيّاف وره شغله
سطام :الحين سؤال
نايف :تفضل
سطام :ليش انت الامر الناهي وانت اصغرنا توك ٢٣
نايف :بدخل ٢٤ زائد انا ولد البكر
سطام :مو على اساس احنا نشتغل كأنفسنا ومالنا علاقه بأباءنا
نايف :اي وانا نائب وافي الي هو مدير الشغل لأنه اكبر واحد
سطام :العمر عمر العقل وافي عقله نايم والدليل انه اختارك
سيّاف :ولو اختارك بنتأكد ان عقله نايم
سطام :انت شفيك علي ؟
سيّاف :لانك حمار البارحه اقول لك انتبه للناقه لا تأذيها جبت لها نزيف الحين هي بالبيطري
سطام :لأنك احمر مني ولا فكرت تودي الناقه من اول عند البيطري
سيّاف :قد ولدتها خمسين مره وولدت غيرها ماصار لهم شي
سطام :انت جيت وقلت ساعدني ليه تلومني
نايف قام وضرب على الطاوله :قاعده واحد مشاكلم خارج الدوام ما بتدخل الدوام زوجتك بتولد جاها نزيف مالي دخل
سطام يضحك:هيا خذلك
سيّاف :ابو ياسر وش زوجتي تراها ناقه
نايف :ناقه ولا زوجتك ولا بنتك ما تفرق عندي لأنهم كلهم خارج الدوام وطاريهم ما يجي داخل الدوام
سطام :على كذا مسكتك للجوال غلط
نايف :انا الي اقرر
ابو سطام دخل :اعوذ بالله وش ذا الطاقه السلبيه والهواش غيروا اللمبات هي السبب
سطام :حتى ابوي قال كذا ما ودكم تغيرونها
بدر :بس انت اخترتها
ابو سطام :بالمحل شكلها كان حلو بس هنا خايس
تركي :فستان هي عشان تقول حلو بالمحل وخايس هنا
ابو سطام طالع فيه من جنب :خلينا الفساتين لك
تركي :وين شغلي ؟
ابو سطام يضربه على ظهره :امزح معاك ياخي وش ذا الخوف قلنا عسكري بس ترا عندي حس فكاهه عادي
تركي يسلك له :ايه هههه ماشاء الله
ابو سطام يحط يده على تركي :هذا بيشتغل معاكم
نايف :اي بنحط له راتب ٥٠٠ ريال
ابو سطام :زيدوه وخلوه الف احسن
تركي :انفداك ياعمي
ابو سطام :خمس ميه ويش ؟ كثير ترا بالنسبه لأول شهر بالمشروع خلوه ميتين وخمسين وبعدين زيدوه على حسب شغله
تركي :ان شاء الله
ابو سطام :يلا انا بروح وشوي بجي اشيك عليكم واللمبات برسل لوافي يجيب لكم احسن من ذي
سيّاف :يلا الله معاك
...
وجدان :بنجي معاكم واذا نزلناهم بمقر الاختبار نروح السوق ابي القى فستان بسرعه
الهنوف :اي خلاص كلنا نروح احسن نكسب وقت
زينب :انا خلصت ما باقي لي شي بس ابغا كعب غيداء تختار لي
غيداء :انا اخترت الفستان كمان بختار الكعب
زينب :بليز
غيداء :طيب
ريوف :انا ما اخترت للحين بدور بعدين
الهنوف قربت منها :انا بختار لك على ذوقي
ريوف :ذوقك مو حلو
الهنوف فتحت جوالها على محادثه نايف وكتبت :نايف ممكن تساعدني نختار لريوف فستان ؟
ريوف :لااا تهور هذا مستحيل
الهنوف :باخذ رأيك طبعًا
ريوف :طيب نشوف
وافي ينادي من ورا الباب :يلا انكان بتجون
الهنوف :يلا جايين
بعد ما طلعوا السياره
وافي :اخبر ان الي بيختبرون ثنتين كيف صاروا ثمان ؟
الهنوف :بننزلهم بالاختبار ونرجع السوق ما كملنا
وافي :والحال الي امس جبتوه ؟
الهنوف :باقي وجدان وريوف بدون فستان تتصور ذا الشي ؟
وافي :لا ما اتصور بس اسكتي خليني ارد على الجوال
الهنوف :خذ راحتك
وافي :الو ...اي بخير بخير كيفك انت ...الحمدلله وش بغيت ؟ ...اي خلاص يمدي يمدي بس حول لي الفلوس ...بس اي نوع تبي ؟ انا مو خبير فيها ...بترسل السوره طيب؟ ما عرفت ذا النوع ...اي زين زين ارسله يالله استودعتك الله انا بروح عندي شغل
وافي توه بيحرك السياره جته رساله :مين كلمت وايش الي بتشتريه ؟
وافي طالع بملاك بالمرايه ورد على الرساله :عمي ابو سطام يبي لمبات جديده للدكان الي اخذناها اول ما عجبته
ملاك :تمام
وافي :وش تحسبينها ؟
ملاك :مالك دخل ؟
الهنوف :شفيكم ماسكين الجوال بنفس الوقت ؟
وافي وملاك بنفس الوقت :مين ؟
الهنوف :انتم ...لحظه عسى ؟
وافي :بقوقل ماب اطلع مكان الجامعه
ملاك :انا اتابع تيك توك
الهنوف تكلم نفسها :بتصير بتصير مثل ما صارت مع نايف وريوف بتصير
زينب :ممكن تحرك ما نبي نتأخر
وافي :ان شاء الله مدام
الهنوف :وش مدام
وافي :محسسيني سواقكم
الهنوف:انا اسفه سويتي بس اوعدك اني بتعلم سواقه بالاماكن والشوارع العامه وباخذ الرخصه اتمنى تتخطى واحنا كلنا بنشجعك تتخطى
وافي :لا حول
...
ام خالد :قامت البنت وتبكي
ام وافي :بروح لها الحين
العنود :وين ماما ؟
ام وافي :ماما راحت مع بابا يومين ويرجعون
العنود :بيخلوني هنا لحالي ؟
ام وافي :بيجون بعد يومين تبغين ندق عليهم ؟
العنود :ايوه
ام وافي :يلا انا بجيب جوالي وانتي غسلي وجهك عشان ماما اذا شافتك تبكين بتزعل
العنود :طيب
ام خالد :هاه وش صار ؟
ام وافي :معليك بخليها تكلم امها الحين
ام خالد :زين زين
طلعت العنود :ماما منيره ساعديني ما الحق المغسله
ام خالد :ابشري اساعدك الحين
بعد شوي
ام وافي :الحين ترد
غاليه :الو
العنود :ماما
ام وافي تهمس :لا تبكين
العنود :ليه تخلوني ؟
غاليه :لأننا بنجيب لك مفاجأه حلوه واذا جيتي معانا بتخرب
العنود :طيب ليه ماقلتي لي
غاليه :لأنها مفاجأه ما اقدر اقول
العنود :بابا معاك ؟
غاليه :اي معاي تبغين تكلمينه ؟
العنود :ايوه
غاليه لفت الكاميره على خالد
خالد :لا تزعلين يابابا احنا ما بنطول بس يومين تمام وبرضوا اننا نتركك لحالك افضل
غاليه تهمس :خل عينك على الخط وتكلم عادي
العنود :كيف افضل؟
خالد :اذا تركناك لحالك وصرتي شاطره ومابكيتي بنعرف انا وماما انك صرتي كبيره وتسووين الي تبغينه
العنود تمسح خشمها :ما بكيت انا اصلًا
خالد يضحك :اي واضح
العنود:ولله ما بكيت اسأل ماما السميه
ام وافي :صح ما بكت هي شاطره
خالد :اجل تبشر بهديه تسر خاطرها حبيبتي هي
غاليه :افطرتي ياماما؟
العنود :لا بس ذحين بفطر
غاليه :شاطره اسمعي كلام جده وجده لين اجي
العنود :يلا مع السلامه بروح اصلي
خالد :ايش تقول ؟
غاليه تضحك:بتصلي
خالد :الله يجعل قلبها متعلق بالصلاه
ام وافي :بتصلين ياروحي ؟
العنود :ايوه عشان اقول لربي يحفظ ماما وبابا
ام خالد :يا قلبي انتي يلا تعالي نتوضى وجدتك تجهز لك الفطور اذا صلتي تفطرين
العنود :صح عشان نستغل الوقت
ام وافي :ماشاء الله عليك ماشاء الله ذكيه
العنود :ملاك اعطتني كتابها وهي صغيره وقعدت ماما تقرالي امس شوفيه هناك
ام وافي :اجل خلاص اليوم انا بقرا لك وبكره جدتك لين يجون اهلك
العنود :صح
...
الهنوف فتحت الشباك :انتم قدها لا تخافون سهل الاختبار ان شاء الله
زينب :ان شاء الله
الهنوف :سمعتي ريوف لا تتوترون مره
ريوف :ان شاء الله
الهنوف :يا روحي هم احس اني امهم
وافي :اكبر منهم بست سنوات كيف امهم
الهنوف :انت لو نسلم من تعليقاتك ذي حياتنا بتصير حلوه
وافي :لو سلمت من اصرارك ذاك اليوم ما جيت معاكم
الهنوف :لو ما جيت كان ما دريت ان معاك جرثومه وقعدت تغذيها باللحم بالعيد لين تموت منها
ديم :اما جرثومه ! كيف ما لاحظت الاعراض
وافي :ما تعرفينها بالملاحظه تعرفينها بشي ثاني
ديم تضحك :اهااا
وافي :يلعن شكلك كيف فهمتيها محد يدري
ديم :ادرس طب انا امراض المعده تحليلها يكون ...
وافي :اسكتي اسكتي لحد يدري
ديم :عادي ياخي مافيها شي
وافي :لو جربتيها مو عادي
وجدان :ممكن نمشي بسرعه شكل الجامعه جاب لي اكتئاب مع انها ما تشبه لجامعه نوره بس اي شي اسمه جامعه يجيب اكتئاب
الجازيه :ثلاثه ما يسكتون
وافي :نفس المجمع الي امس ولا غيره ؟
غيداء :نشوف واحد تاني صحبتي مدحته لي وبرضوا ابغا اقابلها فيه
الهنوف :ارسلي لي الموقع اشوف
غيداء :طيب
وافي :اوهوو الموضوع مقابله اصحاب ومدري ايش بتطولون
ريم :شفيها زينب رجعت
الجازيه :افتحي الشباك شوفي
الهنوف :شفيك ؟
زينب :نسيت هويتي بشنطه غيداء
غيداء :اي صح اسفه نسيت ازكرك هاك
الهنوف :يمه كيف لو حركنا الحمدلله جلسنا نسولف
وافي :دقي عليهم نشوف ناقصهم شي قبل نحرك
الهنوف :ما اظن مشينا
وافي :يلا توكلنا على الله
...
ام احمد :فطور العصر كيف
ام وافي :توها تصحى
ام احمد :انا مرره ما احب افطر الاولاد بوقت غير الصباح احسه مضر
ام سطام :وش مضر وانا اختك الاكل ما يعرف الوقت
ام احمد :لازم وقتهم واكلهم منظم عشان النمو
ام سيّاف :نخليها على هواها ذي اليومين عشان امها ماهي هنا
ام خالد :عساهم يارب مايرجعون الا ببشاره حمل غاليه
ام سطام :مستحيل
ام خالد :ممكن صراحه
ام وافي :الله يسمع منك
ام احمد :مدري البنات دخلوا الاختبار ولا لا
ام خالد :الساعه اربعه اكيد دخلوا
ام احمد :بتصل على غيداء اسألها
غيداء :ايوه
ام احمد :دخلت اختك ؟
غيداء :ايوه دخلت واحنا دحين رايحين نكمل نتسوق
ام احمد :يلا مع السلامه والله يوفقهم
غيداء :مع السلامه
داليا :ماما احمد برا يبغاك
ام احمد :ايوه انا ناديته بروح له
احمد:هاه امي كيف
ام احمد :شفتها
احمد :حلوه صح ؟
ام احمد :قمر قمر يمشي على الارض
احمد :الحمدلله عجبتك متى نخطبها
ام احمد :ادا رجعوا اخواتك
احمد :يا الله طيب على الاقل خلي بابا يكلم ابوها بس كلام
ام احمد :ابوك لين دحين ما قلت له
احمد :طيب قولي
ام احمد :اليوم بقول له بس بكره يروح يكلم ابوها وبعده اساسًا اخواتك يجون ونروح لهم احنا
احمد :وتصير النظره الشرعيه ؟
ام احمد :ان شاء الله
احمد :طيب متى نحدد وقت العقد والعرس
ام احمد تضحك :اصبر يا ولدي باقي ما وافقت البنت
احمد :ان شاء الله توافق
ام احمد :ان شاء الله يارب ونشوفك عريس ونشوف بعدين بيبي احمد يجرون حولي
...
نايف :انا عندي شغل مهم سطام انت خذ مكاني برجع بعد شوي
سطام :اخيرًا
نايف يرسل :ما اعرف شي بالفساتين
الهنوف :سهله هو ما يعتمد على معرفتك ولا لا بس تخليه عليك كيف بيطلع اذا تخيله حلو خذه
نايف :مجنونه انتي ماقد تخيلت نفسي لابس فستان
الهنوف :تخيل ريوف
نايف :طيب يلا صوري لي السوق الاول
الهنوف :باقي بنوصل بعد شوي بس بصور لك شي ثاني
نايف :ايش
الهنوف :بتشوف
وافي :وجع قفلي الفلاش اعميتيني
الهنوف :برسلها لمعجبينك اشتاقوا لك
وافي :مين ؟
الهنوف :نايف
نايف :وش ابي بوجهه ذا عكرتي صفو خيالي
الهنوف :اخوك يقول ان وجهك عكر صفو مخليته
وافي :من زين خياله عاد
غيداء :هذا هو المجمع
وافي :تمام بس بدور مدخل
ملاك :الرياض طلعت كبيره مره
وجدان :ياختي انا عايشه بالرياض ٢٥ سنه واول مره اشوف ذا المجمع
وافي :انا فريت الرياض كلها ولا اعرف ذي الشوارع
الهنوف :جتك رساله اشوفها؟
وافي :لا انا بشوفها اذا وقفنا
بعد ما وقفوا فتح وافي جواله ولقى رساله من ملاك :مشاركتك معنا بالسوالف تضايقني
وافي رد :تمام
الهنوف :الحين وين بنلقى صديقتك ؟
غيداء :قالت انها بتكون عند ستاربكس الي عند البوابه اثنين
ريم :كويس ذي البوابه اثنين
نزلوا البنات
الهنوف :ما بتنزل معانا
وافي :لا مو لازم بقعد هنا
الهنوف :ريح السياره وانزل تمشى وخذ قهوه
جته رساله :انزل قدامي ولا بعلم عمي
وافي :حاضر
وافي :غيرت رأيي بنزل معاكم
الهنوف تعلقت بكتفه
وافي :شفيك بسم الله
الهنوف :احسك تحتاج حضن
وافي :تمام شكرًا
جته رساله :ايوه خلك كذا
الهنوف حاولت تطل على جواله
وافي بعد الجوال عنها وكتب :احسك تنتقمين من الي صار امس ؟
ملاك :لا بس احميك من نفسك
وافي :شفيها الهنوف تغيرت كذا معاي ؟ علمتيها بشي ؟
ملاك :لا
وافي :تمام
بعد ما دخلوا وافي جلس بالمقهى والبنات راحوا يتسوقون شوي وجاه واحد
:السلام عليكم
وافي :وعليكم السلام
الباريستا :المقهى حقنا عنده فكره جديده ونبغى نجربها عليك
وافي :وش ؟
الباريستا :بنعطيك صحن تكتب فيه كل الي بخاطرك وتكسره
وافي :لا شكرًا
الباريستا :اعتذر على الازعاج واتمنى تستمتع بالقهوه
جته رساله من ملاك :اذا بتروح مكان قول لي
وافي :لو سمحت
الباريستا :هلا
وافي :ابي صحن وقلم
الباريستا :الحين بجيب لك
شوي وجاب له الصحن والقلم وكتب بالصحن :شعور غريب ليش صار كذا ما اعرفها واول مره اشوفها بحياتي وصارت تتحكم فيني انا ،انا الي محد قد فرض رأيه علي جت ذي تتحكم فيني المشكله مو فيها المشكله فيني كيف ضعفت كذا ووثقت فيها واطعتها او ممكن الغلط فيها كيف عمي وثق فيها كان ممكن يوثق بنايف او اي احد ثاني بس ليش هي بالتحديد ،بس ممكن معرفه الغريب افصل من القريب نايف لو عرف رح
وافي :لو سمحت الصحن معد باقي فيه مساحه ابي صحن ثاني
الباريستا :حاضر
وافي اخذ الصحن وكمل كتابه : اتغير بعينه بينما هي اول ما عرفتني عرفتني على ذا الغلط رح تاخذ نظره وحده عني ومارح تتغير بالتالي مارح اخاف اني اكسر احد احبه لأني ما احبها ولا كسرتها اصلًا معرفتها مريحه بس تحكمها مو مريح واكثر شي مو مريح اني اوافق على كل ما فرضته علي كأن فيها سحر
وافي :وين اكسره
الباريستا ماسك مكنسه :هنا مكانك
وافي :مارح ازعج الموجودين ؟
الباريستا :لا عادي عرضنا عليهم الفكره بس بعضهم رفض وبعضهم سواها ...
واحد كسر صحن كمل الباريستا :حتى بعضهم يسوونا الحين
وافي :تمام
اخذ نفس عميق ورمى الصحن بكل قوته
الباريستا :واضح بخاطرك واجد
وافي :ما ادري هو واجد ولا انا اسوي من الحبه قبه
الباريستا :مهما كانت مشاكلك محد له حق يحكم كيف مشاعرك تجاهها الا انت
وافي :يعطيك العافيه على ذا الكلام وذا الشي صدق كنت محتاجه
الباريستا :بخدمتكم ...بس ممكن تعبي الاستبيان عن ذي الخدمه ؟
وافي :اي عادي
وافي عبى الاستبيان ووقع اخر شي
الباريستا :عقبال توقيع شركاتك يارب
وافي ضحك :ان شاء الله ...بالمناسبه انت انسان جميل وتفكيرك حلو اتمنى دايمًا تكون كذا
الباريستا :انت برضوا شفت داخلك انسان جميل لكن مغطيتك الهموم
الهنوف ارسلت :البنات باقي لهم ربع ساعه ويخلصون مسافه الطريق روح لهم
وافي :طيب بروح
ركب وافي السياره ويوم جا بيحرك ارسل لملاك :بروح اجيب البنات
ملاك :تمام
وافي كتب لها :انتي تنتظريني ارسل ولا ايش تردين بسرعه
بس غير رأيه ومسحها وقال :وش علي انا
راح للبنات ويوم وصل ارسل للهنوف :وصلت قولي لهم يجون
الهنوف ما ردت
جلس شوي ودخل محادثته مع ملاك وكان متردد يرسله لها ولالا واخر شي قرر يرسل لها توه كتب :قولي للبنات يطلعون انا عندهم
الا انفتح باب السياره الخلفي
ناظر وافي الا البنات جو وقال بنفسه :الحمدلله جيتم بأخر لحظه ولا كنت برسل لها
ريوف وصوتها متغير :ممكن تودينا البيت ؟
وافي :تبكين ؟
ريوف انفجرت تبكي :الاختبار ما كان حلو مره نسيت كل شي
وافي :ما بوديكم البيت بس بوديكم مكان حلو تطلعون طاقتكم السلبيه
ريوف :ما ابي الا البيت
وافي :مفتاح البيت مع الهنوف خلينا نشوف المكان وبعدين قولي لها تعطيك المفتاح واوديكم موافقين ؟
ريوف :تمام
وافي :وزينب شفيها ساكته ؟
زينب :افضل السكوت لأني لو تكلمت ...
وبكت على طول
وافي ابتسم :ما يسوى ترا كله اختبار
زينب :ايوه اختبار بس الي يقهر انه ندرس ١٢ سنه واخرتها هو يحدد مستوانا واي جامعه ندخل
وافي :عادي ترا جبت درجه نازله فيه وهذاني صرت مهندس
ريوف :مهندس مو متوظف
وافي :بس التحصيلي ماله دخل باني ما توظفت الحين بديت مشروع مع عيال عمي وان شاء الله ينجح
ريوف:شكل اخرتنا مع مشروعكم
وافي :عادي شفيها المشاريع
ريوف :كنت ابي ادخل تخصص تسويق
وافي :اووه ما احلاها جت على الجرح مشروعنا يحتاج تسويق انتي ادخلي دورات وتصير عندك خبره وبعدين تعالي سوقي للمشروع
زينب :طيب انا وش بتقولون علي ابي اصير طباخه لي مكان بمشروعكم ؟ لا
وافي :عادي نتوسع بأكثر من مجال وتسوين مطعم كل وصفاته لازم يكون فيها بُن فكره حلوه صح ؟ قد شفتي احد سواها
زينب :خلاص ممكن ما نتكلم
وافي :تمام خذو راحتكم
بعد صمت لدقائق ريوف :وين بتودينا ؟
وافي :بوديكم كوفي فكرته حلوه يعطونك صحن وتكتبين فيه كل شي بخاطرك وتكسرينه
زينب :الي بخاطري يحتاج عشرين صحن.
وافي :عادي واحد اعرفه كسر صحنين على مشكله بسيطه
وقفوا عند اشاره ووافي جته رساله :وينك ؟ المفروض تكون قد اخذتهم وجيت
وافي :جاي بس زحمه
ملاك :تمام
وافي :ممكن تبطلين تنهين اي محادثه بكلمه تمام
ملاك :وش اقول يعني؟
زينب :حرك الاشاره فتحت
وافي :طيب
بعد ما وصلوا ودخلوا الكوفي
الباريستا نفسه :اوه انت
وافي اشر له بعينه
بعد شوي جو البنات الا ريوف تكسر الصحن
ريم :شتسوين ؟ الحين مين يدفعه
الباريستا :لا عادي هذي حركه نبغا نسويها
ريم :كيف
الباريستا :تكتبين كل شي بخاطرك بصحن وتكسرينه
ريم :منجد ؟ عطني واحد كيف
ريم اخذت صحن وكتبت فيه وكسرته
ديم :اول مره ادري ان فخاطرها شي
غيداء :طبيعي الاخت الكبيره
الهنوف :انا اكبر مشاكلي الجوع ممكن نروح نتعشى
ملاك :مسرع مر الوقت الحين العشاء ؟
الجازيه :اي صار لهم نص ساعه صلوا
وجدان :احنا لأننا جمعنا ما حسينا بالوقت
وافي :تبغون نتعشى ؟
زينب :ايوه المطعم من اختياري
ديم :كيف اختبارك ؟
ريوف :سيء
الهنوف :ريوف حبيبي لا تزعلين ولا يهمك الحين بوريك فستانك بس خلينا نطلع السياره
ريوف :ما ابغا اشوف شي
الهنوف :يمكن تحتاجين حضن ؟
ريوف :اي
الهنوف :تعالي
وافي :ممكن تمشون عشان نطلع ندور مطعم
طلعوا السياره وجلسوا يسولفون ووافي ما يعلق عليهم ولا شي الهنوف حست بغرابه وقالت :شفيك الحين زعلان ؟
وافي :مو زعلان
الهنوف :اجل شفيك سكت بالعاده تسولف
وافي :لا ولله بس قلت يمكن اضايقكم بتدخلي بالسوالف
الهنوف :زعلت مني يوم قلت تعليقاتك مو حلوه ؟ اسفه ولله ترا بس امزح
وافي :لا مو منك بس فكرت فيها
الهنوف :لا تخلي احد يزعلك وانت ولد متعب
وافي :ان شاء الله يا بنت متعب
زينب :هذا المطعم يا عيال متعب
وافي :شفته يابنت علي
وجدان :اسلوبكم ذا خايس ترا عندنا اسماء
الهنوف :بنغيره لعيونك يابنت جابر
بعد العشا راحوا البيت
ريوف :اول شي بسويه بدخل الغرفه واحط وجهي بالمخده واصيح
ريم :لا تسوين كذا تكفين تقطعين قلبي
وجدان :خليها معاها اكتئاب التحصيلي
ريم حاضنه ريوف :متى يروح ؟
وجدان :على حسب نتيجتها اذا كانت حلوه بيروح اذا كانت سيئه بيزيد
ديم :انتي تحبين طاري الاكتئاب كل سوالفك فيها اكتئاب
وجدان :ايه انا كذا مدري ليش
الجازيه :لأنك سايكو
الهنوف :وصلنا صحو غيداء
الهنوف :انا بسبقكم معاي المفتاح وانتم شيلوا الاغراض
شوي الا رجعت الهنوف تركض ووجهها متغير
وافي :شفيك ؟
الهنوف :البيت مفتوح وفيه اصوات...