وانا في درب الهلاك ظهرت لي يا ملاك

30

سيّاف نظر خلفه :البنات جو
نايف توقف عن العزف :ما انتبهنا لهم
نظر لملاك وابعد نظره :عطني مويا
راشد :هاك
وافي :مفتوحه
راشد :نايف فتحها وشرب منها
نايف وهو يعدل الاوتار :اي انا شربت
سيّاف جلس :وهذا النعناع
سطام :شفيهم جلسوا ؟
سيّاف :انا قلت لهم اجلسوا نذوقهم الشاهي الي تعنوا عشانه ويغيرون جو
نايف :عندي لكم لعبه
سطام :اليوم الفعاليات برعايه نايف
نايف :انا طبعًا بيق فان لمحمد عبده كم واحد فيكم فان له ؟
سطام :مو انا
سيّاف :انا يعني شوي
راشد :انا اسمع له كثير
التفت لوافي الذي كان يسرح :ووافي ؟
نايف قاطعه :ما يحتاج ذا فان لطلال المداح الله يرحمه يروح يدور لأغانيه من مغنيين ثانيين ويسمعها عشان ما يتعذب بقبره ،الحين خلونا بلعبتنا بقول لكم جزء من اغنيه وانتم اعرفوا اي اغنيه
راشد :يلا
نايف :اول شي سهله جدًا ،هوا حبك يعني ما منه فكاك ؟ هوا حبك أنا في حبك ملاك ملاك
وافي تنهد وهو ينظر لملاك التي تجلس مقابله
راشد : نسيت اسمها ذيك الي يقول ماني صاحب صنعتين
نايف :راشد واحد سيّاف صفر الثانيه جديده بس خلني اتذكر لحنها ...اي صح احمحم ،شفتك وراح الشقى وغردت الاشواق فينا ونبضنا الوافي عزف 
سيّاف :مستعجله ولله عرفتها مستعجله
سطام :لحظه عرفتها هي نفسها الي يقول :قولي لطيفك ينسحب
نايف :اي
سطام :كنت اسمعها وانا مدري انها له
نايف ضحك :يعني غصبًا عنك تسمع لفنان العرب
نايف :واحد واحد تعادل وفنان العرب يغلب جميع الاذواق الثالثه والفاصله واعتبرها اهداء لشخص عزيز علي
نايف علّا صوته وغنى وهو ينظر لريوف التي تجلس مقابله وتحديدًا جهه الجنوب :كل ما نسنس كل ما نسنس من الغرب هبوب حمل من النسمه سلام ،وإن لمحت سهيل وإن لمحت سهيل في عرض الجنوب عانق رموز الغرام
سيّاف :سهله ذي من بدايتها عرفتها كل ما نسنس
نايف تنهد :خلوني اكمل اهدائي
سطام ضحك :يلا كمله
نايف :لك حبيبٍ ما نسى كلمته دايم عسى آآه لك حبيبٍ ما نسى كلمته دايم عسى أطلب الله وارتجيه صبح يومي والمسا
وافي تنهد
راشد بخبث:شكل وافي ما عجبته اغاني فنان العرب ،تعرف تغني بالفصحى ؟
نايف :يعني اعرف اغاني قليله
راشد :تعرف قولوا لها انني ؟
نايف اكمل :لا زلت اهواها
راشد :ايي ذي ابيك تغنيها
نايف :تبيها اهداء ولا كذا ؟
سيّاف نظر لراشد وهو ينتظر منه الجواب
راشد :لا اهداء ايش انا قلت لكم اضربت عن الزواج بس تعجبني ذي الاغنيه
نايف بدأ بالغناء :قولوا لها انني لازلت اهواها مهما يطول النوى لا انسى ذكراها قولوا لها انني لازلت اهواها ...
بقي راشد يقلب بالحطب المحترق ،ذلك الحطب الذي حاله يشبه قلبه سيحترق قليلًا وليس لأحد ثم يتحول لرماد .

وفي الجهه الاخرى كانت تجلس ملاك وقد عرفت انه يقصدها نظرت لجانبها الايسر وهي تبعد نظرها عنه وتنهدت
الهنوف بسخريه:ذابحك الحب
ريوف مبتسمه
الهنوف :شفيك ؟
ريوف :ما سمعتي نايف يوم يقول اهداء وغنى لي وهو يناظر فيني ؟
الهنوف :الا سمعت
ريوف حضنتها :ياحظي فيك وفأخوك
الهنوف ضحكت :ما فهمت هذا ايش يعني ؟ اوصل الحضن لنايف
ريوف ضحكت :ياليت يعني
ملاك قامت :انا تعبت يلا نرجع ؟
ريوف سحبتها :وين نرجع اسمعي الاهدائات الي باقي بتجي
الهنوف :راشد يحزن ما اختار الا ذي الاغنيه شكله يحب وحده وما تحبه
ملاك :يلا نرجع قلت
الهنوف سحبتها وجلستها:اجلسي جا دور وافي بيختار خلينا نسمع ذوقه