وانا في درب الهلاك ظهرت لي يا ملاك

36

امسكت يده ولأول مره تفعلها عن عمد :طالع فيني عشان تعرف اني صادقه بكل كلمه اقولها
اغمض عينيه وبلع ريقه ثم نظر لها
اسماء بثبات غريب:يوم كنت صغيره كنا نلعب مسابقه بالديره انا وسحاب وعيال خالتي ترف وراشد و...
بلعت ريقها :تركي ،كنت بطيئه ودايم اخسر بس تركي كان يشيلني على ظهره عشان اسبقهم
سطام بحده :اختصري
اسماء ببكاء :ولله مو بيدي بس كنت احب تركي ولأخر لحظه حبيته...وجدان عاشت حلمي يوجعني اذا قابلتها واذا تكلمت عنه حضرت الزواج غصبًا عني وضحكت غصبًا عني وانا قلبي يبكي
بلعت ريقها :لكن الحين احاول انساه احاول ادور السعاده بغيره ...احاول ادورها فيك
نظر لها وسحب يده من بين يديها
امسكت يده مره اخرى :سطام ولله بديت انساه خلاص وانت ساعدني
سطام بحزن:بعد ايش؟
لاصقت جبهتها بجبهته وهي مغمضه عينيها وهمست:تونا بالبدايه
اغمض عينيه وهمس :دايم انتم تبدون وقت ما تبون وتنهون وقت ما تبون ...وسطام ماله كلمه
خلخل يده بشعرها واقترب من شفتيها وبهمس اكثر :بس ذي المره انا بقرر
استسلمت لما تتوقعه منه ، سيقبلها وينسى كل شي وسيبدأون من جديد حياه جديده وربما اسعد
سحب يده من شعرها  :انتهى كل شي
شدت على يده وببكاء قالت :ما تقدر احنا نبي بعض
سطام :الا اقدر مثل ما قدرتي تخبين انا اقدر اصرف نفسي عنك
ابتعد عنها وهو ينظر لعينيها :صيغه الجمع ما تجي بيننا... ولا النصيب
اسماء :نحاول ساندني وانا اساندك نتعلم بس لا تسويها
سطام :قلتها وبكررها انتهى كل شي وسهله ينتهي لأنه قليل
اسماء :سطام
سطام وهو خارج :اسبوع واوديك لأهلك
خرج وتركها مع حبها المولود وموعد وأده بعد اسبوع ،أنا التي عافني الحب وكرهني أنا تعيسه الحظ مع من عشقتهم أنا عدوه العشق و حبيبه الفراق كل من أحببتهم ذهبوا وبأكثر من طريقه والسبب انا وصمتي ،ليصمت هذا الصمت مره ! مره واحده فقط لأسعد بحياتي او ربما دقيقه أو ليعود والدي لن يفهمني الا هو لكنه ذهب أسوء ذهاب رحل بلا عوده .
...
ابو سطام :وينك انت امك تقول دورت لزوجتك ما لقيتها وخرجت ما لقيت سيارتك ؟
سطام :وديتها البيت
ابو سطام :ليه ؟
سطام :تعبانه
ابو سطام :وجيت وخليتها
سطام :خلها تجلس وحدها
ابو سطام :ياولد منتم بخير وش صار ؟
سطام :تهاوشنا
ابوسطام :وخليتها لحالها بالبيت ؟
سطام :اي خلها تفكر مع نفسها شوي
امسك يده :سطام ترا البنت بعنقك امانه الحين تسوي بنفسها شي وانت هنا بتتحاسب عليها يوم القيامه
بلع ريقه :ما بتسوي شي
ابو سطام :ولله ما تدري وش تسوي بنفسها توك معاشريها يومين وتهاوشت معاها وتقول ما بتسوي بنفسها شي
سطام :انت دق عليها انا مقدر
ابو سطام وهو يبحث عن رقمها :الله يهديك بس انت لا تعلم امك قول لها تعبانه ولا شي
سطام :عشان تحسبها حامل وانا برجعها لأهلها بعد اسبوع بس خل عرس الجازيه يتم
ابو سطام :ما بترجعها
سطام:برجعها ما بيننا نصيب
ابو سطام :خلك قد وعدك وكمل معاها ثلاث شهور
سطام :مقدر اكمل معاها ساعه تبيني اكمل ثلاث شهور ؟
ابو سطام :انا ودي اعرف وش سوت
سطام :ما سوت شي
ابو سطام :اجل وش سبب المشاكل
سطام :يبه افضل ما اعلمك خله بيننا
ابو سطام :نخليه بينكم خلاص ...الو
تنحنحت :هلا يا عم
ابو سطام :شلونك ؟
اسماء :تمام
ابو سطام :لا منتي تمام ذا الدلخ زعلك
اسماء بغصه :انا مزعلته
ابو سطام :وش مسويه ؟
اسماء :افضل ما اعلمك خله بيننا
ابو سطام :بترجعين لأهلك ؟
اسماء :ما بيننا نصيب ولا توافق
ابو سطام ابتسم :وشو ما بيننا توافق الحين توه قال لي نفس جملتك قال افضل ما اعلمك خله بيننا نفس الجمله بالحرف
اسماء بحزن ابتسمت :لو قلنا نفس الجمله صدفه بس اننا نتوافق ما تجي
ابو سطام :جربوا يا بنتي جربوا
اسماء :ما قدرنا تعبنا كثير
ابو سطام تنهد :الله يعين
سطام :هاه شفت ما سوت بنفسها شي
ابو سطام :جرب يا ولدي تفاهم معاها
سطام :ما قدرنا
ابو سطام ابتسم :شف هذي ثاني جمله تتوافقون فيها الحين زعلت منها معاك حق مهما كان لكن كمل زعلك وارجعوا تكلم ا من جديد يمكن فهمت غلط يمكن تعتذر
سطام :ما تقدر تعتذر ذا شي من قلبها
بدراشوف العلاقات تحسنت
ابو سطام :ماخربت هي عشان تتحسن ولدي هو ولدي
بدر:اجل عادك ما شفت ولدك الثاني
ابو سطام :منهو ولدي الثاني ما عندي غير سطام
بدر :افا تجحد وافي
ابو سطام :هو هنا ؟
بدر :بسم الله عليك يا عم ما شفته يوم دخل ؟
ابو سطام :لا مدري في ايش كنت مشغول
انسحب سطام بهدوء من هذا الحوار
بدر :شفيه سطام ؟
ابو سطام ابتسم بتصنع :عنده مشكله بسيطه بس حلها خلاص،قلت لي وين وافي؟
بدر :بالمجلس
ابو سطام :ناده هنا ابكلمه
بدر :ابشر
دخل بدر المجلس :وافي عمي جابر يبيك
قام وافي وهو ينظر لوالده بضيق :ان شاء الله يبه
ابو وافي :رح
وافي :تعال انت
ابو وافي بسخريه :تخاف تروح وحدك ياروح ابوك
ابتسم وافي بتصنع :لا ما اخاف
تركي وهو يفتح زر ثوبه الاول:ولله ما الومه اذا خاف عسكري ذا
بدر :هااه بدينا تطبيل للعسكر الحين ذا بيقعد زي عمي طول عمره العسكريه احسن وظيفه العسكريه والعسكريه
تركي :ولله ما فكرت بنفسي انا لو اوقف جنب عمي ابو سطام نسيت اني عسكري من هيبته
غازي :الهيبه ماهي بس للعسكر
نايف :صح ممكن تجي هيبه للي منفخين عضلاتهم
غازي بأنفعال :حبيبي ماني منفخها من يوم عمري ١٨ اشتغل عليها كل يوم اروح الجم ماقد سحبت الا بالظروف القصوى ١٢ سنه وانا على ذا الحال
ابو وافي ضحك :ما اخفيك عيالي يبدون يسوون رياضه يسجلون بالنادي شهر بعدها يسحبون اذا ما طلعت نتيجه
ابتسم غازي بأستفزاز وهو ينظر لنايف :يعني كل ذا غيره؟
نايف :انا اغار ؟ انا فكرت اني اسوي رياضه من قبلك
غازي :كم عمرك يا بابا ؟ ٢٣ يعني بديت تفكر تسوي رياضه وعمرك ١١
نايف :ولله اني كنت افكر اصير مصارع واسأل بدر
بدر :انا كنت بالخارج ماني حولكم
نايف :اجل أسأل وافي وينه وافي؟
سطام بغير نفس:خرج يكلم ابوي
تركي :شفيك يا ولد منفس ؟
نظر له سطام طويلًا وتنهد :كل شي اتوقع انه لي بعد ما اوصل له أكتشف ان غيري اخذه قبلي
تركي :هونها تهون اكيد بيجيك العوض
سطام :مابه عوض
تركي :وش مابه عوض اكيد فيه عوض لكل شي فيه عوض
نظر له بتعب :تركي فكني بس
تركي:الله يفرجها عليك
في الجهه الاخرى
وافي :احسه يتضايق اذا ما عرف شي
ابو سطام :بعلمه كل شي نسويه بس انت وش مسوي؟
اخرج الكيس من جيبه :جبت ذا ابي اطلع نسبه المخدرات فيه
ابو سطام :اذا طلع مافيه شي بتنهي الشك من راشد
وافي :ولله ما انهيه كل ماجني يدقني بالكلام اليوم يقول لي ٢٤ سنه وملاك لحالها وانت بالرياض مع الكلاب توك تجي وتقول بنت عمي
ابوسطام :طيب يمكن يقصدنا ؟
وافي :واذا يقصدنا اسوء من انه يقصد الكلاب الثانيين
ابوسطام :لو انه معاهم ما كان سبهم كذا
وافي :ما تعرفهم يبيعون بعض بثواني
ابوسطام :خلاص بس انساهم اليوم خل جمعتنا تعدي زي باقي الجمعات
وافي :كم باقي على الصلاه ؟
ابوسطام :ثلث ساعه
...
سيّاف :حسافه وافي راح لو ادري ركبتك معاه،امزح ماني غبي لدرجه اخليكم تسافرون لحالكم
ملاك :راح؟
سيّاف :اي
بلعت ريقها :بيرجع؟
سيّاف :لا بيشتغل هناك خلاص ما شفتيه قفل محله
ملاك :كذاب
سيّاف ضحك :بيرجع لا تخافين ما بتروح حرتك هباء منثورا
ملاك :هاه ...اي بطلع حرتي باقي ما طلعت بعدها لو يروح المريخ يروح
سيّاف :شلون رجلك
ملاك:تمام بس الشاش يأثر على مشيتي بغيت اقربع اليوم بالشارع
سيّاف :افكه لك؟
ملاك :اي فكه تعبت منه
سيّاف:لا
ملاك :ليش تقول لي بفكه تنرفز ترا
سيّاف :انتِ صايره تتنرفزين بسهوله
ملاك :كلكم ضاغطين علي اكيد بترنفز ...يعني بتنفرز ...شف معد عرفت انطق الكلمه بسببك
سيّاف :انا اعرف كيف اهدي اعصابك
ملاك:كيف
سيّاف:نروح ابها؟
ملاك :مالي خلق بعدين بنات عمي بيشرهون علي بيقولون ذي راحت ابها ولا قدرت تجينا الرياض
سيّاف :طيب نروح الرياض ونحجز رحله على ابها
ملاك :خله تروح انت وزوجتك
سيّاف ابتسم :ولله صدق بتزوج الاسبوع الجاي
ملاك شهقت :الاسبوع الجاي؟
سيّاف :اي
ملاك :يوم ايش؟
سيّاف :السبت عرس صغير على قدنا
ملاك :الجازيه عرسها السبت وعرس صغير على قدهم
سيّاف :اما
ملاك :اي ولله هم ما يقدرون يأجلون لأنه عندها رحله الاثنين بيرجعون امريكا
سيّاف :يعني انا اجله؟
ملاك :اي
سيّاف :مقدر ابي اتزوج السبت
ملاك :طيب قدمه خله الجمعه
سيّاف :بيقولون ذا مشفوح ما صدق يتزوج
ملاك ضحكت :طيب انت مشفوح
سيّاف :صدق انا مشفوح بس المفروض ابان ثقيل
ملاك :يا شيخ عادي ليله العمر هي
سيّاف :قصدك لو تزوجتي وجتلك نفس تقدمين بتقدمين؟
ملاك ابتسمت:اي
سيّاف :اشوفك تتبوسمين مين؟
ملاك :هاه؟
سيّاف :مين الي تفكرين فيه ؟
ملاك :مو شخص محدد بس مواصفات محدده
وضع يده على خده :كيف؟
ملاك :طويل حواجبه كثيره وعيونه عسليه ما يتكلم كثير بس عيونه تحكي
سيّاف بسخريه:كيف ستايله
ملاك ابتسمت :ستايله يلبس ثياب دايم بس لما تكون مناسبه مدري كيف يطلع شكله مميز
سيّاف :ان شاء الله ندور له متى تبينه ؟
ملاك :اذا هو جا عندي كرامه ما بروح له انا
سيّاف بحده :وانا عندي كرامه تتكلمين قدامي كذا ؟
ملاك :هاه؟
سيّاف يقلد صوتها :ما يتكلم كثير بس عيونه تحكي
ملاك ضحكت :ولله سرحت
سيّاف :ولله يا ملاك ان كان عدتي ذا الحركه يا ويلك
ملاك مبتسمه :وش بتسوي؟
سيّاف :مالك دخل
ملاك :نسيت اقول يده فيها عروق كذا
اقترب منها سيّاف :ولله يا ملاك
ملاك تضحك :شعره اسود
قرص انفها :وخشمه كيف
ملاك مستمره :خشمه ياويلي من خشمه سيف مسلول
سيّاف :ملاك
ملاك :يبه شف سيّاف
ابو سيّاف :شفيك على اختك
سيّاف :ما سمعتها وش تقول
ابو سيّاف ابتسم :وش تقول؟
سيّاف :تقول ...
غطت فمه وقاطعته :اقول اني احبك
ابو سيّاف ضحك :وهو زعل ؟
ابعد يدها عن فمه:تقول مواصفات فارس...
غطت فمه مره اخرى :اي فارس قصدي فرس احلامي ابي اشتري فرس
ابو سيّاف وهو خارج:خلها ان كان معها فلوس تشتري فرس
ابعد يدها عن فمه :انا اوريك
ملاك بترجي :سيّاف ولله كنت امزح الي يجي بقبل فيه عادي مافيه مواصفات محدده
سيّاف :لو كان متعاطي؟
بلعت ريقها :اي
سيّاف :ولله منتي بعقلك ماش خربوك بنات عمي
ملاك :اي ولله خربوني بس لا تعلم ابوي
سيّاف :ما بعلمه بشرط
ملاك :وشو ؟
سيّاف :تسوين لي بان كيك
ملاك :اسوي لك لو تبي مفطح بس جيب نوتيلا مافيه هنا
سيّاف :لا عندها حساسيه من النوتيلا
ملاك :مين المياسه؟
سيّاف :الشقرا
ملاك:اسوي لناقتك بان كيك؟
سيّاف :اي شفيها ؟
ملاك :مافيها شي بالعافيه على قلبها
...
ام سطام :مدري وين اختفوا
ريوف :يمكن اشتاقوا لبعض وقرروا يهربون خلوهم
وجدان :تركي سألته يقول طلع سطام شوي ورجع وجهه مقلوب ويقول كل شي توقعته لي يطلع غيري اخذه قبلي
ام سطام :ياربي شكلهم تهاوشوا
الجازيه :يمه يمه شوفيه قاعد يدق عليك
ام سطام :الو
سطام :هلا يمه شفيك دقيتي؟
ام سطام :وينك زوجتك خليتها لحالها مدري وين وجيت؟
سطام :بالبيت
ام سطام :يقول انت هنا
سطام :لا نسيت جوالي هنا ورجعت
ام سطام :طيب يقولون وجهك مقلوب وش صار؟
سطام :ما صار الا كل خير الحين انا عندها
ام سطام :متأكد؟
سطام :رايح لها ولله هي تعبت ووديتها البيت وجيت اخذ جوالي وبروح عندها خلاص
ام سطام :الله يهديكم بس
وجدان :هاه وش يقول؟
ام سطام :يقول تعبت ووداها البيت وجا ياخذ جواله وبيرجع عندها
ريوف :قلت لكم اشتاقوا لبعض ولا ما عجبتهم جلستكم
وجدان :طيب وش معنى كلامه الي قاله اول ؟
الجازيه :تلقينه من فلسفته ذيك وتركي ما فهمه زين
وجدان :الله اعلم،انا بطلع
ام خالد :وين تونا ما تقهوينا ؟
وجدان :عندنا رحله لمكه كانت المفروض الحين بس أجلوها شكلهم ساعتين بنروح الحين
ام سطام :توصلون بالسلامه وعمره مقبوله
وجدان :مع السلامه
خرجت وركبت السياره :اتصالاتك كثرت قلت لك بجي خلاص
قبل خدها بعمق وابتعد وهو يمسك يدها:اشتقت لك طيب وش اسوي
وجدان :اصبر طيب ما ودعتهم زين
تركي :لك نص ساعه تودعين وما ودعتيهم زين ؟
وجدان :ما علينا جبت الشناط؟
تركي :اي
وجدان :معاك مويا ؟
تركي :معقوله نا شفتي الضيافه الي حاطها لك
وجدان :وين حاطها ما اشوف شي؟
تركي :بثلاجه السياره
وجدان:اما فيه ثلاجه
فتحها:شوفيها بيننا
وجدان :ايس كوفي مويا عصير 
تركي :بردي قلبك فيهم
وجدان :هذي السياره الي الواحد يتمنى يعيش فيها
تركي :تصدقين يبي لنا نجرب رحله نعيش بالسياره يعني افك الكنب الي ورا ونحط فراش ومخدات وننام بالبر
وجدان :فكره حلوه حطها بقائمه الاشياء الي بنسويها مع بعض
تركي :وش الاشياء الي قلنا بنسويها مع بعض ؟
وجدان :العمره الحين نشطب عليها ورحله لأسبانيا بعد نشطب عليها الغروب والشروق شطبنا عليهم باقي نطبخ العشا مع بعض ونسهر عالبحر بليله قمرا ونهرب يومين من الناس ونقفل جوالاتنا
تركي :ولله كثير بس كله بنسويه ان شاء الله
وجدان :ان شاء الله
تركي :تغديتي؟
وجدان:يعني ماهو ذاك الزود ما كنت مشتهيه رز ولحم
تركي :وانا بعد مشتهي شي ثاني
وجدان :حتى انا
تركي ابتسم :نقول بنفس الوقت ؟
وجدان ابتسمت :اي واحد اثنين ثلاثه
بنفس الوقت :برقر
ضحكت :كيف كذا
تركي :الحب يسوي كذا
وجدان تنهدت :تشوف السماء الي قدامنا ؟
تركي :اي
وجدان :احبك اكبر منها
تركي :تشوفين الشمس ذي ؟
وجدان :اي
تركي :كم مره طلعت عالارض وغربت منها وكم مره انكسفت احبك اكثر منها
وجدان ابتسمت :شفت الدجاج وكم بيضه باضوها من يوم ربي خلقهم احبك اكثر منهم
انفجر ضاحكًا :ما لقيتي الا الدجاج والبيض؟
وجدان ضحكت :هو اول شي جا ببالي يعني الدجاج كثير كل يوم نشتري دجاج وبيض كم عدده بالحياه اكيد كثير
تركي :طيب ذي اصعب
وجدان :اسمعك
تركي :شفتي عدد حروف كل لغه بالعالم وكم مره نطقوها الناس من يوم انخلق آدم الى اليوم ومستقبلًا الى ان تقوم القيامه انا احبك اكثر منها
وجدان ابتسمت :هزمتني
تركي:انتِ الفايزه
وجدان :ما احب الغش والواسطات انت فزت
تركي :طيب فكري بالمسابقه بجانب ثاني انتِ هزمتيني وحبيتك لذا القد
وجدان :المسابقه مو على كم احبك المسابقه كم اقدر اعبر عن حبي لك اذا على الحب طبعًا انا احبك اكثر
تركي :بالعكس انا حبيتك اكثر واعترفت اول
وجدان :انا حبيتك بس ما اعترفت على طول
تركي :انا من اول نا شفتك حبيتك حتى واسمك ما اعرفه
وجدان :انا من يوم ابوي قال بروح الديره لغرض واجي وهو يقصد انه بيأدبك حبيتك
تركي :انا مو يوم ولدتي
وجدان :انا من قبل ما يولدون اهلنا
تركي ضحك :بدينا نروح للامنطقيه
وجدان :خلنا نرجع للموضوع الاول قبل كل المسابقات
تركي :الانفجار العظيم ؟
وجدان :لا موضوع الاكل
تركي :نمر ماك ؟
وجدان :اي بس ناخذ سفري رغم اني كاشخه بس افضل اكل بالسياره
تركي :صدق يعني ليش حطوا درايڤ ثرو ؟ عشان نشتري ونقعد بالسياره
وجدان :راحه اكثر
تركي :التوافق الي بيننا ثالث افضل شي بعلاقتنا
وجدان ابتسمت :وش الثاني والاول ؟
تركي :الثاني الحب والاول انتِ
وجدان :يعني انا اهم من الحب؟
تركي :المسأله عميقه وغريبه شوي بكل الحالتين هو شي يعود لك يعني الحب هو لك وانتِ هي انتِ
وجدان ابتسمت :صح ،بعدين شفينا نعقد المسأله احنا خلاص اثنين يحبون بعض وتزوجوا
تركي :اهم شي اننا تزوجنا
وجدان :صح هذا اهم شي
...
بعد يومين
ديم :صباح الخير ،افتح الباب زين خلني ادخل
يوسف مبتسم :وش جبتي؟
ديم :حاجه بسيطه
يوسف :هذا كيك
ديم :صح انا مسويته لازم تاكله مابتقول ماهو صحي مدري ايش
يوسف :ان شاء الله ،وش الشي الثاني
فتحت الصندوق :قلت لي مقاس رجلك ٤٥؟
يوسف :اي
ديم :تدا
يوسف :وش ذا ؟ حذياني معاي
ديم :كروكس الموضه الجديده
يوسف :ترا اعرفها من زمان والبسها كل يوم
ديم :ادري حتى انا بس ذي كيوت مره شوف عليها قلوب واشكال
يوسف :ذي بروشات ؟
ديم :لا تشبه للبروشات بس انها حقت الكروكس وبنطقم انا وياك
يوسف ضحك :فعلًا قصتنا لازم نكتبها بكتاب المخطوبين يلبسون خواتم بس احنا كروكس
ديم ابتسمت :عادي نكون مميزين ،يلا البسها الحين ابي اصور
يوسف :عادي بتصورين ؟
ديم :اي عادي
يوسف :بيعرفون ،وانتِ ما تبينهم يعرفون
ديم :بالعقل يعني بصور رجولنا بس ما يدرون صورت مع مين يمكن مع طالب من كليه العيال وهو خطيبي ؟
يوسف :ومين الطالب الي ممكن يكون خطيبك؟
ديم ابتسمت :ما اعرف ولا طالب انا بس كذا حطيته مثال
يوسف :يلا بس صوري
ديم :قرب خل رجولك مقابله لرجولي
يوسف :كذا ؟
ديم :اي بالضبط
يوسف :خلاص؟
ديم مبتسمه :اي شوف
يوسف :افكها؟
ديم :لا بتلبسها اليوم وكل يوم وبعدين بدايه السمستر الجاي نشتري لابكوت نفس اللون ونطقم بروشات محنا دكاتره عبث
يوسف ابتسم :اللابكوت دايم نفس اللون
ديم :يعني نشتري مع بعض
يوسف :حقي لازم يكون مطرز عليه اسمي
جلست على المكتب:لا مو لازم هذا شي شخصي انت تسويه الدكاتره الباقين ما شفتهم يسوونه ،تعال ذوق الكيك الحين
يوسف :وش المناسبه جايبه كيك واحذيه؟
ديم :المناسبه ان الاختبار كان سهل والاحذيه من زمان طلبتها ما وصلت الا امس
يوسف :طيب الكيك مسويته من البيت
ديم :اعرف انا سويته وقلت اذا كان سهل باكله معاك اذا صعب باكله مع البنات ونبكي على درجاتنا
يوسف ابتسم :عادي ما اكل؟
ديم :لا مو عادي بس ذوقه اللقمه الوحده فيها ٣٠ سعره تحرقها بالرمش
يوسف :على كيفك حسبتي السعرات؟
ديم بتحايل:ذوقها بتعجبك ما سويتها انا عشان تجلس تطالع فيها بغيتك تذوق اكلي ماقد ذقته
يوسف :بس لقمه وحده
ديم :اي لقمه وحده صغيره مره صغيره
يوسف :وش نكهتها ؟
ديم :انت خمن
يوسف :تحدي؟
ديم :اي
يوسف :دايم تجين لنقاط ضعفي
ديم :غمض عيونك
يوسف :بس قبل بقول لك معلومه عني
ديم :وش؟
يوسف :اضيع فمي اذا غمضت عيوني
ديم ابتسمت :كذاب
يوسف ابتسم:افهميها ياخي يعني انتِ اكليني
ديم :طيب بس قرب
اغمض عينيه واقترب
ديم :خلاص افتح عيونك
يوسف :ما ذقتها زين عطيني لقمه ثانيه
ديم وهي مبتسمه :قلت لك ما تقدر اي شي اسويه انا ما يتقاوم
يوسف :صدقتي ،مسويتها فراوله بعد
ديم :تحب الفراوله ؟
يوسف :اي
ديم :خلاص عاد افتح عيونك وكل بنفسك باقي انا ما ذقتها
يوسف :بس مره وحده زياده
ديم بضحك :يالله
يوسف :عاد تدرين أمي دلال معودتنا اي احد يسوي لنا اكل لازم نشكره ونبوس يده كان ودي ابوس يدك لكن خليها بعدين
ديم :احمحم
يوسف :وش ؟
ديم وقفت ديم برعب :انفضحنا انفضحنا
يوسف :وش ؟
ديم :ما سمعت الباب ؟ وحده جت فتحته وانت تقول كان ودي ابوس يدك لكن بعدين
يوسف :بنت ؟
ديم :اي مو سمكه آدميه بنت
يوسف :طالبه ؟
ديم :اجل ؟
يوسف :انا ادرسها
ديم :اي وتعرفني مره خليتنا نسوي مشروع مع بعض وتراها من شله اثير نقاله كلام واسوء من اثير تزيد عليه
يوسف :وانا كنت مغمض واكل كيك وانتِ على مكتبي جالسه وتضحكين
ديم :ووجهك كريمه
يوسف :ولله راحت هيبتك يا يوسف
ديم :السمعه بتوصل الحضيض
جلس على كرسيه ومسح وجهه :الحين خلينا نفكر بمنطقيه ونحل المشكله بأفضل السيء لأنه مافيه حل مو سيء
ديم جلست :انا معرف اتصرف بذي المواقف ماقد واجهت شائعات بحياتي
يوسف:خليك هنا نفكر كيف نحلها اول شي عطيني وش الكلام الي ممكن تقوله
ديم تقلد اسلوبها :اول شي بتقول بنات راح عليكم
تقلد أسلوب البنات :وش ؟
بنفس اسلوبها :يوسف ومع مين يا ترى ؟
ديم:مع مين ؟
ديم :عطوني فلوس واعلمكم
ديم :بسرعه تكلمي
يوسف :حبيبتي ممكن تختصرين الحوار لأننا بحال يرثى لها
وضعت يدها على رأسها :معد اعرف افكر صرت اشوف حوارهم قدامي
يوسف :طيب وش الي ممكن تقوله عشان نتفاداه
ديم :تقول لقيت ديم ناثره شعرها عند يوسف وجالسه على مكتبه واضح انها مره مسيطره عليه اكيد ساحرته
يوسف :احس جاني صداع
ديم :اصبر خلني اعطيك الثانيه والاسوء
يوسف :فيه اسوء ؟
ديم :اي الحين خدك كان عليه كريمه صح ؟
يوسف :اي لا تذكريني
ديم :بتقول شفت وجهه كله ورقبته طبعات روج
يوسف :ديم ليش الي معاك كذا ؟
ديم :مدري مدري لو تأخرت سنه الي بعدي افضل منهم على الاقل يصيرون ذولي ما يعرفوني مباشره
يوسف :فيه احتمال ثالث ولا؟
ديم :فيه فيه
يوسف :وش ؟
ديم :لقيتها جالسه بحضنه وتقول له الاب السكري
يوسف :ايش ؟
ديم :الاب السكري بالانقليزي شوقر دادي اقولها لك  بدون شوقر
يوسف :دادي؟
ديم :لااا لا تقولها لا تقولها احس بصيح يارب يطيح عليها محسون وتفقد ذاكرتها قبل توصل لصديقاتها يارب يارب
يوسف اخذ نفس عميق :خلاص خلاص لا تتوترين بنحلها ان شاء الله
ديم :الحين انت علينا محاضره شكلي بغيب
يوسف :لا تغيبين بنحضر كلنا ونواجههم
ديم :كيف ؟
يوسف :بنقول لهم الحقيقه
ديم :مو مستعده
يوسف :الحقيقه ولا الاب السكري؟
ديم :خلاص الحقيقه
تنهد وفتح احد الادراج واخرج علبه صغيره :كان ودي تطلع بلحظات سعيده بس الطارئه كانت اولى
ديم :وش ذي؟
يوسف :خاتم امي يوم زواجها احتفظت فيه ليلى ويوم قلت لها اني خطبت قالت انه امي موصيتها لو تزوجت يكون خاتم زوجتي ،قلت ممكن ما ترضى اي بنت تلبس خاتم قديم وللحين على نفس رأيي وباخذ رأيك عادي تلبسينه؟
دمعت ديم :طبعًا عادي البسه والبسه بكل حب
ابتسم بحزن :كنت اعرف انك مختلفه
ديم بدأت بالبكاء وهي ترتديه :اوعدك اني اسعدك قد مقدر
يوسف :خلاص ديم لا تبكين
ديم :انت بتبكي صح ؟
يوسف :لا
ديم :الا شوف عيونك محمره
مسح عينيه وبغصه قال :كان ودي تشوف ذي الايام وتشوف كيف زوجه ولدها تحبه لدرجه تفهم سكوته
ابتسمت ديم بحزن :متأكده انها سعيده الحين وصل ولدها لأعلى المراتب وما نساها طول هذي السنين
تنهد يوسف :خلاص بس من الحزن خلينا نقوم نواجه واقعنا
مسحت عينيها :صح
يوسف :معاك مرايه ؟
ديم :ليه ؟
يوسف :شوفي عيونك فيها
ديم :يوه سال ميكب صح ؟
يوسف :بس شوي تحت عينك امسحيه
ديم :بشوفه بالكميرا مرايتي ضاعت
يوسف بأبتسامه :نسيتي شي ما خليتينا نطقم فيه
ديم:وشو ؟
يوسف :كفر الجوال
ديم :صح اشوف حقك
وضع هاتفه بجانب هاتفها :مستحيل نطقم فيها
ديم ابتسمت :منجد فرق حقك اسود ساده وانا حقي بينك وفيه اشياء كيوت بس ترا يمدي نجي حلو وسط نختار لون ساده مثلًا اصفر
يوسف :او اخضر
ديم ابتسمت :للحين ما نسيت سالفه الفستان
يوسف :ولا بنسى خيانه كبرى
ديم :ما ابيك تاخذ ذنب لأني احبك ودي نكون كلنا بالجنه
يوسف ابتسم :ثاني اعتراف
بلعت ريقها :متى الاول ؟
يوسف:ليله الجمعه يوم زوجه اخوك ولدت الساعه ٤:١٢ والدقيقه ٧:٣٤ بالمكالمه
ديم عبست :كل ذا وتقول انسى اذا جيت بنام
يوسف ابتسم :انسى بس اي شي له علاقه فيك ما انساه
ديم :نطلع نواجه العالم ؟
يوسف :بنواجههم بحقيقه شبه كذبه
ديم :كيف؟
يوسف :بنقول لهم خلاص عقدنا قران واحنا بنعقده صدق بس بعد ثلاثه اسابيع ويوم
ديم :لا بس نقول لهم خطوبه
يوسف :عشان ينشبون لك تعزمينهم وانتِ تبينه عائلي
ديم :صح صدق ما ابي اعزم احد
يوسف :الحين عندك محاضره ادخليها وخليك ساكته لا تعطينهم وجه والمحاضره الي بعدها محاضرتي انا بتكلم
ديم :بس لا تقول شي تحرجني
يوسف :لا معليك
ديم :وش بتقول ؟
يوسف :خليه لين وقتها
...
دخلت الغرفه وتنهدت بحزن وهي تنظر لأطرافها ،لو تكون أنت لكنت اسعد أنسانه اقتربت من الطاوله، كانت تحمل بعض الكتب التي وضعتها من زمن لم تتحرك كما هي الا كتاب واحد تنهدت وهمست :وش تسوي بالرياض ...وش تسوي وأنت بعيد
سحبت الكتاب وسقطت منه ورقه
جلست لتأخذها وسمعت صوت ارتطام شيء بالارض خلفها التفتت برعب :بسم الله
وافي :وش تسوين بغرفتي؟
ملاك قامت بأبتسامه استفزاز كعادتها:مالك دخل
وافي بجديه :ملاك اتكلم جد انا
بلعت ريقها من جديه ملامحه:كنت اشوف اذا تحتاج تنظيف امس جت غبار
وافي اخذ الورقه من يدها وخبأها بجيبه:وليش تفتشين اغراضي؟
ملاك :بس كنت بتصفح الكتاب وطاحت ورقه
وافي :عندك كتب كثيره ما جيتي تتصفحين الا ذا ؟
ملاك :طيب شفيك ؟
وافي :ما احب احد يفتش اغراضي
ملاك بنفس الحده :طيب ؟ انا مو اي احد انا حافظه سرك الاولى محد كان يشجعك ولا يواسيك الا انا
وافي :حلو بتذليني بذا السر خلاص صار فيه مليون واحد غيرك يعرف
ملاك بغصه :يعني بعد ما وصلتك لذا المكان تبيعني
وافي :ما ابيعك انتِ تذليني عليه بذي الحاله أنتِ المذنبه
ملاك وهي خارجه :على فكره ماكنت رح اقرا الورقه وكنت رح ارجعها مكانها بدون ما اقرا منها ولا حرف ماني فضوليه لذيك الدرجه
وافي :ما ندري متى يكون الشيطان معانا
خرجت وهي تبكي بعد كل هذا اصبحت لا شيء أصبحت واحده من أولئك الملايين ولم اتميز عنهم بشيء ولا شيء وأحد ،بل أصبحت اسوءهم أصبحت أنا المذنبه وأنا من يستحق كل تلك القسوه والعذاب
قابلها سيّاف :ملاك ؟
التفتت له ورمت نفسها بحضنه وهي تبكي
اقترب وافي من الباب ليغلقه ورأى ملاك تبكي بحضن سيّاف أغلق الباب ،اكره كسرك واكره نفسي التي تكسرك أكره كل حرف نطقته يحزنك ،أكره سكوتي عن حبك
أخرج الورقه من جيبه وكانت أول ورقه أخذها من حواره معها في الحمام الزاجل تنهد وتمتم :اصبري عشاننا يا ملاكي عشان نفرح
أفضل أن يكون أذاك مني وليس من غيري ،أيام ونسعد يا ملاكي أعدك بذلك ستعرفين أنني شيطانك وسأنسيك كل دمعه ذرفتها بسببي رمى نفسه على السرير وهو يتذكر أحداث اخر يومين في المستشفى
وافي بأبتسامه :تتربى بعزك
غاليه :تشبه ملاك ولا انا بس اشوفها كذا
التفت لأمه :قد امداها عرفت ماشاء الله
ام وافي :ولله ماقلت لأحد هي منها فيها قالت أحس بنتي تشبه ملاك
غاليه :وش الي ما اعرفه ؟
ام وافي نظرت لوافي :بس هي
ابتسم وافي :بس هي
ام وافي بفرح :اخوك يبي يعرس على ملاك
غاليه ابتسمت :صدق؟ خلوه لين اخرج من النفاس وانحف ابي جسمي يصير حلو
وافي يحك خلف رأسه :باقي ما سوينا شي ولا كلمت احد بس بضبط شغلي بالرياض واكلم ابوها
غاليه :حتى ما حجزتها ؟
وافي :لا شفيكم كلكم على الحجر
غاليه :ولله خذها مني البنت لقطه ما تدري من ياخذها
وافي :الخطاب ماهم طوابير على بيتها محد بياخذها وما ظنتي احد خطبها
بلع ريقه واكمل :الا راشد
ام وافي :راشد اول واحد ما تدري كم واحد خطبها
اخذ نفس عميق :ولا ابي اعرف اذا شفت الخطاب جو عندها بكلم ابوها اقول له البنت ما بياخذها الا انا
غاليه تحاول تلطيف الجو :بس صدق شوفها تشبه لملاك توحمت عليها انا
ابتسم وافي بضيق :مدري كيف تقررون انه الطفل يشبه لأحد من اول يوم احس ما تبان ملامحهم
ام وافي :ان شاء الله ان جولك عيال تشوف زي ما نشوف
رن هاتفه :انا بكلم اذا تبين ترجعين البيت قولي لي
ام وافي :بجلس لين تقفل الزياره اذا بتطلع بكلم بعدين نايف يجي ولا ابوك
وافي :تمام
خرج ورد على الهاتف :هلا
ابو سطام :وينك؟
وافي:بالمستشفى عند غاليه
ابو سطام :لازم تجي ضروري
وافي :وين ؟
ابو سطام :بمحلنا ذاك اليوم
وافي :جاي الحين بس كلمتوها ؟
ابو سطام :ماله علاقه بالعمليه
وافي :اجل بأيش؟
ابو سطام :تعال وشوف
وافي :جاي الحين مسافه الطريق
عند ابو سطام
دخل بتوتر :وش ؟
ابو سطام :اجلس
وافي بتعب :اكيد شي كبير قوله يا عم تعبت انا
ابو وافي تنهد :ملاك
شد على قبضته :يبونها؟
ابو سطام:اجلس بشرح كل شي
التفت لوالده :يبه
ابو وافي :اسمع عمك...
قُطع حبل ذكراياته بصوت دق الباب
تنهد وقام ليفتحه
ام سيّاف بأبتسامه :وينك يومين ما جيت قلت بس بشوف البنت واجي
ابتسم وافي رغم ضيقه :انشغلت هناك يومين
ام سيّاف :ولله شكلك بتهجرنا انت
وافي :ماني بهاجركم وفضلكم علي واجد
ام سيّاف :تعال نجلس عالكراسي ونسولف شوي اباخذ علوم اهلك
وافي :ان شاء الله
ام سيّاف جلست:الا قلي شلون اختك وبنتها بخير ان شاء الله ؟
وافي :اي الحمدلله غاليه طلعت اليوم والبنت باقي اسبوع يمكن ويطلعونها
ام سيّاف :الله يعينها ولاده مبكره صعبه سيّاف جبته كذا
وافي ضحك :مستعجلين عالحياه
ام سيّاف بسخريه :وش يبون فيها كلها حزن وهم
وافي تنهد :بس فيه لحظات حلوه وناس يخلونك تحب الحياه
ام سيّاف :ولله ما ظنتي انه احنا نخليك تحب الحياه مغير قاعدين ببيتنا وانت بشغلك
ابتسم وافي وهو ينظر لسطح المنزل :الا انتم اذا جيت عندكم نسيت همومي كلها وعشت يومي
ام سيّاف :ولله كان ودي امشيك بالديره الحين لكن شكلك تعبان
وافي :لا ولله مو مره تعبان بتمشيني ؟
ام سيّاف :قم يلا
وافي :بس لا توديني نفس الاماكن طفشت منها
ام سيّاف :بوديك مكان ما يعرفه الا انا وملاك
وافي :مكان سري يعني
ام سيّاف :اي بس خلني اصلح لي دله القهوه
وافي :اذا فيه شاي ممكن
ام سيّاف بحده :مافيه شاهي
وافي :ليه ؟
ام سيّاف :رميته عمك عنده نقص حديد ويومه كله يشرب بذا البراد اقول له يا ياسر نقص الحديد ما وراه الا فقر دم وفقر الدم ما وراه الا الموت يقول عادي اموت بسبيل الشاهي عصبت عليه وحرقته بالحوش وتدفيت فيه
ضحك وافي :الله يهديك يا خاله كان جبتيه لي انا اقدر النعمه
ام سيّاف :وانت تراك لاحق عمك يومين لا جيت تحلل تحليل الزواج الا عندك نقص حديد ولله ما يزوجونك
بلع ريقه :منجد؟
ام سيّاف :اي ولله
وافي :اجل توبه اشرب شاهي
ام سيّاف ابتسمت :عساك ناوي تزوج؟
خرجت ملاك على كلمه امها
وافي :يعني قاعد اقلب الفكره براسي
ام سيّاف :وين رايحه ؟
ملاك :بتمشى
ام سيّاف :وين
ملاك بحده وهي تنظر لوافي:مدري مدري انخنقت من ذا البيت بتمشى لو اوصل الجحيم وارجع لكم
نحن في الجحيم يا ملاكي فأي جحيم تودين الوصول لها ؟ أي عذاب تريدينه بعد ؟نعم أنا شيطان لكنني مللت الجحيم لجأت لجنه عينيك فأرجو الا تخون وتنقلب لنار أرجو ان تتحلين بالصبر فالفرح قريب
ام سيّاف :من مزعلك ياروح امك انتِ؟
ملاك :طفشت وقررت ازعل
ام سيّاف :طيب تمشي معانا انا ووافي
ملاك :ماعلي خوف بمشي لحالي
ام سيّاف :بس ارجعي بدري
ملاك:ان شاء الله
خرجت أم سيّاف ومعها وافي بعد ملاك
ام سيّاف :تدري أن الخزامى يزرع عندنا ؟
وافي :البنفسجي ذاك ؟
ام سيّاف :اي الحين بوديك منطقه كلها خزامى
وافي :بس انتم تعرفونها ؟
ام سيّاف مبتسمه :اي
وافي :طيب يمكن ملاك راحت يعني ما نبي نضايقها
ضحكت أم سيّاف :تخاف منها ؟
بلع ريقه وهو مبتسم :لا ما أخاف بس اشوفها مثل خواتي تحتاج مساحتها الشخصيه
ام سيّاف :عاد اعذرها يوم صفقتك كف
وافي :لا معذوره معذوره
رن هاتفها واخرجته :ام راشد
وافي :ردي ردي خذي راحتك
ام سيّاف :الو اهلا ...الليله ؟ ان شاء الله ابشوف ابو سيّاف...لا وافي معليك منه كلهم معليك منهم ...ملاك اي اي ما عندي الا هي ماهو لازم بالاسم
توتر وافي ظنًا منه انهم سيخطبونها واصبح يركل الحصى
ام سيّاف :علامك تشوت الحصى ؟
وافي :هاه افكر
ام سيّاف :ولله ان كان ودي امشيك لكن ام راشد اتصلت تقول ...
بلع ريقه :وش تقول ؟
ام سيّاف :عندها عزيمه الليله رجال وحريم وتدعيك انت وعمك وولد عمك
وافي :عزيمه بس
ام سيّاف :اي
تنهد وافي براحه
ام سيّاف :بتحضر ولا تجيب لنا شرهه ترا قلت لها ما عليك منهم بيجون؟
وافي :بحضر بحضر طبعًا مع سيّاف انا دايم
ام سيّاف :انا برجع البيت بترجع معاي ؟
وافي :لا بتمشى شوي كذا وارجع
ام سيّاف :ان لقيت ملاك قولها تجي تتجهز
وافي :ان شاء الله
سار لجهه أول مره يسير اليها حتى توقف عند جدار طويل منعزل قليلًا عن القريه كان أول عنوان لمحه "مقبره" قرأ دعاء المقبره واكمل طريقه حتى رأى ملاك تجلس على جدار عالي لترى المقبره اقترب منها وهي في وسط هدوءها وجلس بجانبها وهو صامت
ملاك ببرود :وش تسوي بمكاني؟
وافي :اجلس
التفتت له :بكل وقاحه رحت جلست مع امي وتسولف وتضحك وجاي تجلس جنبي وانت سويت الي سويته
نظر لعينيها بتعب :وش سويت ؟
ملاك :تحسبني مكسوره الحين منك لكن ما تعرفني ولا عرفت مني الا نقطه انا بنت ياسر ما انكسر بسهوله
وافي :نقطه ؟ خلينا نذكر ذي النقطه بأختصار ملاك تحب الكتب والقهوه اذا توترت يدها تعرق تربي حمامه ومسميته ياقوت قرت ٥٠٠ كتاب تقريبًا كانت تطمح تصير طبيبه نفسيه بس ما حالفها الحظ وأخيرًا تحب تساعد الناس ولو كانت ما تعرفهم
ملاك بغصه :بس الناس يجحدون حلفت بمره انها معد تساعد الا الي يعرفها ويعرف قدرها
تنهد :عطيني مهله
ملاك :لأيش؟
وافي :أنتظري مني شي مو لازم تعرفين بس أنتظريه لا تقدمين على اي خطوه لين تعرفين خاصه لو كانت تبدا فيك حياه جديده
وقفت ملاك بغضب :طبعًا بتتحكم فيني الحين انتظريني ومدري ايش
وافي :ما بتنتظرين ؟
بلعت ريقها :الى متى بنتظر ؟
وافي وهو ينظر بالسماء :اقرب ليله تمطر فيها أوعدك وما سموني وافي عبث
ملاك :حتى لو كان الليله
وافي :الليله ما يمدي فيه عزيمه وامك ارسلتني لك تروحين تتجهزين
ملاك بغضب وهي ذاهبه :اسوء رسول
وافي صرخ بعدها :انتظريني
الفتت ملاك :ما أنتظر المجهول
...
اسيل :خلينا نروح اليوم بعد
ريم :ما اعرف
اسيل:بليز ماما تفرح اذا شافتك
ريم :يمكن اخوك ما يبيني
اسيل :لا طلال يقول أنتِ خير نزل علينا
ريم :انا ؟
اسيل :اي يوم كنتي جالسه عند امي هي تحركت عااماتها الحيويه تحسنت اكثر امس رحت وقلت لها اذا تسمعيني حركي يدك وكانت تحركها
ريم ابتسمت :طبعًا السبب الرئيسي بشفاءها قدره الله أنا بشر مثلي مثلكم ما لي يد
اسيل :ترا حتى هي حبتك امس قلت لها اذا حبيتي ريم اضغطي على يدي مرتين
امسكت يدها ونقرتها بأصبعها مرتين :كذا سوت يعني حبتك تعالي معاي تكفين
ريم :ان شاء الله
اسيل :انا بشتري من المقصف اذا بتطلعين طلال شكله برا
ريم :تمام بس لا تتأخرين
اسيل :طيب
خرجت ريم قبل اسيل وبحثت عن سياره طلال بعينها حتى رأتها ترددت كثيرًا في الذهاب اليه لكنا تشجعت وذهبت عندما اقتربت من السياره تحركت احدى السيارات المتوقفه بسرعه كادت أن تصدمها لولا أنها أحست بيد تسحبها
طلال وهو لا يزال ممسكًا بساعدها:جاك شي ؟
ريم بتوتر سحبت يدها :لا تمام
طلال :وين اسيل؟
ريم :الحين بتطلع
طلال وهو متكئ على السياره :حتى المعلمين يتعلمون صح ؟
ريم :اي العلم جاري
طلال :كويس أجل خليني اعلمك وش تسوين اذا طلعتي الشارع تطالعين يمين ويسار اذا فيه سياره تمشي لا تنزلين لين تعدي وبعدها برضوا طالعين يمين ويسار لأنه ممكن تكون فيه سياره جايه من الجهه الثانيه
ريم :اعرف
طلال :المعرفه ما تكفي التطبيق افضل
اسيل مبتسمه :هاي
طلال :وعليكم السلام
اسيل :اقصد السلام عليكم
طلال :اطلعي
اسيل :ريم معانا بنزور ماما صح ؟
طلال وهو يفتح لأسيل الباب :تمام
في المستشفى
اسيل :نقدر ندخل مع بعض صح ؟
طلال :بس اثنين
اسيل :انا وريم
طلال :براحتك
اسيل :يلا تعالي
دخلت ريم الغرفه وهي ساكته بينما القت اسيل السلام
التفتت لها :ترا تسمعك قولي السلام ولا بتزعل
ابتسمت ريم :السلام عليكم
اسيل جلست على الكرسي :ماما ريم جت معاي اذا تسمعينها
نقرت على يدها
اسيل بأبتسامه :شفتي؟
ريم :اي ،الحمدلله عالسلامه يا خاله وإن شاء الله قريب تقومين وتطلعين تشوفين مدرسه اسيل
سكنت قليلًا ونقرت على يد اسيل كثيرًا
اسيل :سمعتك
ريم :عينها تدمع
اسيل :ايوه زي كذا من امس تدمع الدكتور قال مؤشر جيد ان شاء الله بتقوم قريب
ريم مبتسمه :ان شاء الله
الممرضه :اطلعوا خلاص بحط لها الادويه
ريم :كيف حالتها الحين ؟
الممرضه وهي مبتسمه:في تحسن قوي ان شاء الله ،صار لي شهر انا مراقبه على حالتها حبيتها وهي نايمه واتمنى تصحى واشوفها
اسيل :ان شاء الله قريب بتتعرف عليك ماما ما تنسى فضل احد عليها
الممرضه :انتِ بنتها ؟
اسيل :اي
الممرضه :بس كان الولد يزورها من اول
اسيل :بالغصب اقنعته نجي انا وريم
الممرضه:ذي اختك بعد ؟
اسيل :لا معلمتي وصديقتي
الممرضه :ماشاء الله مره تشبه امك
ريم ضحكت :كلكم تقولون كذا
الممرضه :ولله مره شبهه
اسيل :يلا نطلع شوفي طلال ينادي
الممرضه :ان شاء الله بكره تجون
اسيل :رح نجي كل يوم
خرجت اسيل :مثل ما قلت لك ماما تفرح اكثر بوجود ريم رح نجي كل يوم بعد المدرسه
طلال :ان شاء الله
ريم :يلا حبيبتي انا برجع البيت الحين وانتِ ذاكري للأختبار
اسيل :لحظه
ريم :هلا
اسيل :قولي تم
ريم ضحكت :اعطيك الاسئله لا
اسيل :لا بس قولي تم
نظر لطلال الذي اشار برأسه بـ نعم
ريم :تم
اسيل :بالليل اعزمك عندي على مكرونه بيشاميل تعلمت اسويها وابيك تذوقينها
ريم ضحكت :الساعه كم ؟
اسيل :الساعه ٨ الى ١١ما بنطول نتعشى بعدين تذاكرين لي شوي
ريم :احنا ببيتنا نظام سندريلا ممنوع نتأخر عن ١٠
طلال:اذا كنتِ مشغوله اسمبي تم ولا تجين هذي محد يطاوعها
اسيل :لا مافيه ترا بزعل
ريم :خلاص ان شاء الله بس بعدين تردينها لي وتزوريني تتعرفين على خواتي
اسيل :اكيد صح طلال ؟
طلال :اذا بتردينها زياره نهاريه مافيه طلعه بالليل
اسيل :ان شاء الله
نظرت لهاتفها :يلا مع السلامه اخوي برا
اسيل :مع السلامه احبك
ريم :وانا احبك
...
يوسف:مستعده؟
وضعت قبعه الهودي على رأسها :اي
يوسف ابتسم :مو كذا
ديم :ولله لازم اتخفى على بال ما تجي
يوسف :لا تخافين
ديم:لا تقول شي يحرجني
يوسف :زي ايش مثلًا
ديم :زي مثلًا مدح وكذا
يوسف :عادي اقول لهم أني أحبك وهو أكثر قرار متأكد منه بحياتي
ديم :لا
يوسف :ليش عادي اعبر عن حبي
ديم :لا طبعًا فيه اشياء المفروض تكون بيننا بس خصوصًا فيه منظومه تعليم او عمل نشترك فيها المفروض نسوي انفسنا ما نعرف بعض
يوسف ابتسم :عارف عارف ،يلا امشي قدامي
ديم :فارق زمني عشر دقايق
يوسف :معد اشوف له داعي
ديم :اهم شي هو رح يبين لهم اننا بالجامعه طالب ودكتور وبالبيت متزوجين
يوسف :لسى ما تزوجنا
ديم :انت بتقول لهم اننا متزوجين
يوسف :لا ما بقول لهم كنسلت خلاص
ديم :ما يهمني شي بجلس بزاويه الكلاس واحط الهودي
يوسف :لا لازم اعرف فيك
ديم :ولله ما تسويها تفضحني اكثر وكأنك تقول لهم هذي خطيبتي لا تسوون لها شي ومعاملتها غير عنكم وهي احسن منكم
يوسف :طيب انتِ احسن منهم
ديم :بالدراسه لا يوسف مدري وين راح عقلك ركز ركز
يوسف :معليك ما بعرف فيه ولا شي اصلًا هم يعرفون بتكلم بصغيه الغائب
ديم :يلا امش
يوسف :مع بعض؟
ديم :طبعًا لا بروح انا وحدي
دخلت الكلاس وعم الصمت
ديم :خير تشوفوني الدكتور ؟
:محد يعرف انتِ الدكتور ولا جزء من حياه الدكتور
ديم تجاهلتها :الي بالزاويه قومي ابي مكاني خلاص ارجعي قدام
:بعد ما سرقتيه مني
ديم :ماهو ذهب عشان اسرقه آدمي يمشي عالارض واختارني برغبته
:يعني صحيح الكلام
:طبعًا انا ما اكذب شفتهم بعيوني
ديم :انتِ حسبي الله عليك بس
دخل يوسف :السلام عليكم
:وعليكم السلام
يوسف :مارح ناخذ شي اليوم بس بعطيكم درجاتكم لكن قبل ذلك بتكلم عن نقطه خارج نطاق هذي المنظومه التعليميه
:اكيد بيتكلم عن زواجه
يوسف :لأول وأخر مره أتكلم عن حياتي الخاصه ،مثل أي مخلوق حي الانسان يحتاج الى تكاثر والتكاثر ما يتم الا بالزواج المشروع في ديننا الحنيف كل انسان وافكاره ومعتقداته يبحث عن الانسان الي يكمله ولو كان عكس شخصيته والصدف تساعد ،ومن حسن حظي صادفت انسانه تكملني وقررت كأنسان بالغ أني اتقدم لها وهي كأنسانه بالغه رضت فيني والحمدلله امورنا تسير بأفضل حال وقريبًا سنعقد قراننا الي ابي اوصل له بذا الكلام أني انسان مثلي مثلكم عندي قرارات كذا بحياتي فرجاءً لا تطلعون اشاعات
:سعيده الحظ معانا بالكلاس ؟
يوسف :طبعًا طبعًا معكم الانسه ديم ودامها موجوده معانا نتكلم عن نقطه التمييز والظلم علاقتنا الخاصه متفقين ما تدخل من باب الجامعه درجاتها هي درجاتها وعملها هو عملها بدون اي زياده
ديم بهمس :حسبي الله عليكم
يوسف :إذن نستقبل التبريكات والدعوات الطيبه ونقفل على الموضوع
:متى العرس ؟
ديم :يوم القيامه
يوسف ابتسم وهمس :استغفر الله ،العرس بأجازه بين السمسترين متأكد ان ديم كانت تتمنى تعزمكم لكن قررنا انه عرس عائلي والمدعوين منحصرين على الاهل والاصدقاء فقط
امسكت هاتفها وارسلت له :اوريك بعدين
نظر لرسالتها :كلنا نعرف انه ممنوع استخدام الجوال بالكلاس صح ديم
ديم :ممكن اطلع الحمام ؟
يوسف :خذي درجتك بس وبأمكانك الانصراف
بدأ بالاسماء حتى وصل لديم :ديم فل مارك وبدون اي زياده مني وتعرفوني ما ازيد ولو ربع درجه
ديم :الحين ممكن اطلع
يوسف :تفضلي
ما إن خرجت حتى بدأت تسجل له صوت :قسمًا بالله يا يوسف بذبحك قلت لك لا تقول شي يحرجني وانت تقول الانسه ديم مدري ايش كان سكتت اقل شي، خلك بس تجي اقطع الحذيان الي جبتهم لك على ظهرك واخنقك بالخاتم الي بأصبعي
ارسل لها :التعبير الاخير تعبير مجازي ولا حقيقي؟
ديم :حقيقي
يوسف :اجل انتبهي حياتي لو يفتشون جوالك تروحين قضيه تهديد
ديم :بروح قضيه قتل
يوسف :بسم الله عليك
ديم :الله يرزقني برودك
يوسف :شوي واطلع ونتكلم
ديم :ان شاء الله تهدا اعصابي لين بعد شوي
يوسف :بجيب لك هديه
ديم :ما ابي هدايا
يوسف :تحتاجينها صدق
ديم :خلاص بس تراك تنرفزني احس وجهك نايم وانا تكتب كأنك تقهرني
صور وجهه وهو مبتسم وارسله لها :كذا وجهي
ديم :كذا ينرفز اكثر ابي اخلع اسنانك ذي وادخلها بعيونك
يوسف :عليك افكار تعذيب مدري من وين تجيبينها
ديم :وعندي اكثر بكثير
يوسف :ما يأثر فيني ولا شي
ديم :ولا شي؟
يوسف :اي ولله
ديم :طيب الحين اوريك
دخلت غرفته وكانت ستخربها لولا انها رأت مرايا مقابلها لها مكتوب عليها "وش شعور المرايا كل ما شافتك؟" بقيت تتأمل فيها بصمت ودخل خلفها :هذي لك بدال مرايتك الصغيره الي ضيعتيها
ديم :لي انا ؟
يوسف :اي
تسند على المكتب واكمل:بس صدق جاوبي وش شعور المرايا كل ما شافتك ؟
ديم التفتت له :الغضب والحقد والرغبه بالقتل
يوسف :شدعوه ماهي مرايه الساحرات
ديم :برر كل شي
يوسف :اعطيهم كل شي قبل يسألون عشان معد يسألون بكره بتداومين بتلقينهم ناسيين كل شي
ديم :نشوف لبكره لو ما نسيوا ضيف لقائمه الاشياء الي بسويه اني اكسر المرايا على راسك
يوسف :حرام عليك حبيبتي طلبتها طلبيه عشانك وبحط لمساتك بذي الغرفه اذا تبين
ديم :حط سكاكين عشان الذبح
يوسف :بنحط اشياء بينك واخضر وكيوت
اخذته هاتفه من جانبه وبدلت الكفر :اليوم انا مزاجي اسود مافيه بينك واشياء كيوت
يوسف :ديم رجعيه
ديم :لا اذا تبيني انسى كل شي استخدم ذا الكفر اسبوع كامل اذا غيرته ودع جوالك
يوسف :ان شاء الله
ديم :عادي؟
يوسف :ما اطلعه بالمحاضرات انا
ديم :بتروح فيه عند اهلك وبتحضر زواج بنت عمي بالرياض وولد عمي بالديره كلها ذا الاسبوع
يوسف :حبيبتي باقي ما تزوجنا عشان تجريني معاك وين ما بتروحين عيب اروح
ديم :طيب صح استخدمه بس ذا الاسبوع
يوسف :يوم واحد لين بكره اثبت لك انهم ما بيقولون شي
ديم :لا
يوسف :سامحيني
ديم :لا والف لا ما اسامح لين نفسي ترضى غير كذا ما تجي
يوسف :اعترف ولله اعترف اني غلطان بحقك وبرضيك بس سامحيني
ديم وهي خارجه :اذا ارضيتني اشوف
يوسف :طيب الكفر حقي
ديم :ما ارجعه لين اسامح وما اسامح لين ارضى
يوسف :طيب وش رايك نتغدا سوا ؟
ديم :افضل ما اكل وانا اتابع مناظر تنرفزني
يوسف :ديم
ديم :غلطتك وتحملها
يوسف وهو خارج خلفها :طيب
ديم :وين رايح ؟
يوسف :برجع بيتي
ديم :خل بيننا فاصل زمني
يوسف :طيب يلا امشي
خرج بعد قليل ونظر لأطارات سيارته التي كانت متفجره
تلفت حوله ورأى ديم تمسك بمبرد حاد وتبرد اظافرها وهي مبتسمه :شفيك؟
يوسف :الاربع كلها ما بقيتي ولا وحده ؟
ديم :الخمس كلها
يوسف :حتى الاحتياطيه
ديم :وتمنيت تكون فيه اكثر لسى ما طلعت طاقتي السلبيه
يوسف :حرام عليك
ديم :تحبني؟
يوسف :اكيد بس ...
قاطعته :كان المفروض تقول فداك تحاول ترضيني وانت تزعلني اكثر
يوسف :فداك بس ماهو وقته تفقعين كفر سيارتي الظهر كيف ارجع الحين ؟
ديم :لأني حنونه طلبت لك اوبر
يوسف :تلعبين بمشاعري انتِ
ديم ابتسمت :قلت لك بس ما صدقت
يوسف:صدقتك الحين وخلاص اي شي تقولينه بصدقه
ديم وهي ذاهبه:ما رضيت للحين 
...
تركي :شفيك ساكته ؟
وجدان :صبر حبيبي اشوف شي بس...اي فارس ضروري تراه
سحب الجوال من يدها :يا ذا فارس
وجدان :صبر بنلقى البنت ولله قربنا
تركي :ما قلت مافيه شغل بالاجازه ؟
امسكت يده :حبيبي ارجوك بس بالسياره
تركي :لا بالسياره انتِ تكونين معاي ولما تكونين معاي مافيه شغل
وجدان :بليز بس اقول له خلاص ما بشتغل
تركي :مين فارس ذا ما تشتغلين الا معاه ؟
ابتسمت :تغار ؟
وعينه على الطريق:ولله اغلب وقتك معاه
امسكت خده :ولله بس زميل وبعدين تراه خاطب من سنه بيتزوج قريب
تركي :حلو تعرفين عن حياته الخاصه ،ترضين اتعرف على خطيبته؟
وجدان :عادي اوثق فيك انا
توقف على جانب الطريق والتفت لها:حتى انا اوثق فيك بس ما احب انقهر اغار تعرفين الغيره ؟ ودي اخبيك بعيوني ومحد يشوفك
وجدان بحنيه:لذي الدرجه الموضوع يزعل ؟
تركي :واكثر
قبلت خده :اسفه يا حياتي ما كنت اعرف
بقي ينظر للأمام بصمت
وجدان :رضيت ؟
تركي وهو يحاول اخفاء ابتسامته :لا
وجدان :طيب طالع بعيوني انت تقول اذا شفت عيوني ترضى
تركي :ما ابي ارضى
لفت وجهه نحوها :طالع
نظر لعينيها وباغت خدها بقبله :الي يزعل منك حمار
وجدان ابتسمت وهي تمسك يده :افهم من كلامك انك ما زعلت مني
تركي :ماقد زعلت منك بحياتي ولا رح ازعل
وجدان :طيب عطني جوالي
تركي :تكلمين فارس مدري شسمه لا
وجدان :حبيبي ولله بنلقى البنت قاعدين يحققون مع امها وفيه ادله عليها
تركي :طيب خليهم هم يلقونها انتِ استمتعي قربنا نوصل
وجدان وهي تنظر لفتحه السياره :بدت تمطر
نظرت له واكملت :خلنا ننزل شوي
فتح الحزام :انزلي
نزلت وفتحت يديها وهي تتنفس بعمق :اعشق ريحه المطر
حضنها من الخلف :وانا اعشق ريحتك
ابتعدت عنه وامسكت يديه :مره وحده بس كلمني عن اهتماماتك يعني ما تحب ريحه المطر
تركي وهو يعدد على اصابعها:احبك انتِ وتفاصيلك واهتماماتك
وجدان سحبت يده من يده:تركي
تركي ابتسم :اي احبها وحتى احب السباق تحت المطر
التفتت له بحماس :نتسابق؟
تركي :دام الشارع فاضي ما يسلكه احد نتسابق الى ذاك العمود
وجدان :يلا
تركي :واحد اثنين ث...شوفي نفسك تغشين توني ما قلت ثلاثه ركضتي
وجدان :طيب استعجل
تركي :واحد اثنين ثلاثه
سبقها تركي وفتح يديه لها
وصلت اليه وحضنته :غشاش
تركي :وين الغش ما اشوفه
وجدان :الغش انك عسكري متدرب ثلاث شهور تركض وانا خلال الثلاث شهور اشتغل على المكتب
تركي :ضريبه فارس
وجدان :ولله ماله دخل ،الحين لك عقاب
تركي :انا الفايز لي عقاب؟
وجدان :قوانيني ذي ،شيلني على ظهرك لين السياره تعبت يلا ورني مهاراتك العسكريه
حملها على ظهره :مهارات من الطفوله
وجدان :مين كنت تشيل؟
تركي :ما بتزعلين لو قلت ؟
وجدان :اي عادي شي راح وانتهى
تركي :شي غريب صراحه بس بقول كنا اشيل زوجه اخوك
وجدان :اي اخو
تركي :هو عندك غيره ؟ سطام
وجدان :اسماء ؟
تركي :اي كانت بطيئه وتزعل وتزعجنا كنت اشيلها واركض فيها
وجدان ضحكت :لو يسمعك سطام بيزعل
تركي :ليه شي بالطفوله وانتهى
وجدان :مدري احسه متحفظ بزياده بذي المواضيع
تركي :بدون زعل بس هذا تحجر
وجدان :ترا نفس لما تقولي احبك من يوم ولدت
تركي :لا مو نفسه
وجدان :الا نفسه بس انت تسلك لنفسك
تركي :لما اقول انا احبك من يوم ولدت اتكلم عن مشاعري بس لما اقول ذكرايات شريكه حياتي مع اقاربها الاولاد تضايقني هذا تحجر وتملك
وجدان :يعني عادي لو قلت لك ذكراياتي مع عيال عمي؟
تركي :اي عادي
وجدان :نايف كسر لي سني وسطام وبدر قصوا لي شعري زي الاولاد ووافي كان يصفنا ويحبجنا بالكوره وتخبينا بسياره خالد عشان يودينا البقاله وراح فينا الثانويه
ضحك:هي قصه مثيره للأهتمام رحتوا الثانوي ؟
وجدان :اي كنا بزران ما نعرف شي انا ومعاي ريوف والهنوف نحسبه بيروح البقاله وتخبينا بالسياره ونزل الثانوي ونزلنا معاه
تركي :ووش صار ؟
وجدان :جلس يطالع فينا ويضحك ويقول شسوي فيكم الحين واحنا نقول له ادفع عنا بالبقاله ولسى مصممين ان المدرسه بقاله اخر شي شافه معلم من حارتهم وعرفنا وكلمه ودق على ابوي ولقمنا عقاب
تركي :ابوك يعاقب ؟
وجدان :اي يعاقب عقابات عسكريه عقابه نصحى الساعه ٤ كل يوم لمده اسبوع وننظف البيت ونطبخ الاكل بدال امي
تركي :طيب وقتها كنتوا صغار كيف
وجدان :بس اهم شي نصحى الساعه ٤ يوم كبرنا بالمتوسط وكذا صار العقاب تنظيف البيت والطبخ يديني تشققت من ذا العقاب
انزلها من ظهره وقبل يديها :افدي يدينك انا
وجدان :ترا اخر مره تعاقبت وانا ثاني ثانوي قبل سبع سنوات
تركي :وقتها كان عمري ٢١
وجدان :انا كان عمري ١٧
تركي :ودي اشوف شكلك وانتِ صغيره عشان اتخيل شكل بناتنا
وجدان :فيه البوم عند امي بجيبه بعدين نشوف الصور
تركي :ببيتنا
وجدان :اشتقت لبيتنا
تركي ابتسم :ليه ؟
وجدان :لأنه بيتنا يعني يجمعنا فيه
تركي :الاربعاء راجعين
وجدان :يلا نطلع السياره احس برد
تركي :نطلع لا تمرضين عاد مرض اسبانيا غير
وجدان ابتسمت :وش غير نفس الشي كله مرض مرض
تركي:بشرح لك بعدين
وجدان :نشوف بعدين
...
سطام :قومي غدا
اسماء :ما ابي
سطام :براحتك ما بيضرني شي لو ما تغديتي
اسماء :تحسب اني الحين بقول لا بتغدا خلاص انا ما ابي اتغدا لأني شبعانه طلعت الصباح واخذت قهوه وحلا للحين شبعانه
سطام :ماشاء الله بأذن مين ؟
اسماء :عندي اذان الحمدلله كامله ما احتاج اذن احد
سطام :طيب مع مين طلعتي ؟
اسماء :اوبر
سطام :بتذبحيني انتِ
اسماء :يا ليت
اقترب منها بغضب :ثاني مره اذا بتطلعين علميني
اسماء :بصفتك ايش اعلمك ؟ اصدقاء انتهت صدقاتنا زواج ما بدا شي حتى مالك كلمه علي
سطام :اسماء
اسماء :اذا نا عجبك الكلام قلت اسماء هذي الحقيقه ترا
حملها بالمقلوب فأصبح وجهها مقابل لظهره :نزلني
اجلسها على كرسي الطعام :بتجلسين هنا حتى لو ما بتاكلين
اسماء :ولو قمت ؟
سطام :بتشوفين الي ما يرضيك
اسماء :وش ما يرضيني ؟
سطام :مدري عنك
اسماء وهي تقوم:اجل ما تقدر تسوي شي
سطام ضرب على الطاوله:اجلسي
جلست اسماء وبلعت ريقها
سطام :كلي
اسماء :محسسني لعبه اجلسي كلي تنفسي انكتمي موتي خلاص اسكت باكل
سطام تنهد :اصبر يا سطام ايام وترتاح منها
اسماء :انت منشب نفسك فيني لو تسكت وتخليني بحالي كان ارتحت
سطام :لأنك مسؤوليه علي باقي مربوطه بعنقي لكن اكتشفت انك تعيشين من وراي خلاص بخليك اذا تبين تقومين قومي
اسماء تكتفت :ما بقوم وبقعد على قلبك
ابتسم سطام وهم يخرج الطماطم من البرقر:على طاري قلبي قاعد ادور لي وحده
اسماء :مين ؟
سطام :مين يعني زوجه وصلت لذا العمر وباقي ما تزوجت
اسماء بلعت ريقها :براحتك
سطام :طبعًا ما علمت امي افضل ادور بنفسي وش الواصفات الي تحسينها تناسبني؟
اسماء بسخريه :مستر دبدب ما تناسبه الا سيده دبدبه
سطام :ممكن الالقاب عكس الواقع فيه ناس لقبهم سكر وهم ملح
اسماء :الملح مفيد تخيل تاكل برقر بدون ملح
سطام وهو يضع الكاتشب :عادي احط كتشب
اسماء ضحكت :شلون تطلع الطماطم وتحط كتشب؟
سطام :متعه ما تعرفينها ولا بتعرفينها لأنك تاكلين برقر بطماط
اسماء :بالعكس حلو
فجأه توقف عن المضغ وبدأ يكح :حارحار
اخذت كيس الكاتشب وقرأته وبدأت بالضحك :شطه يالذكي
سطام :وش يضحك بموت طفيني طفيني
اسماء بأستفزاز :مدري اي واحد شربت منه ضيعت تتوقع ذا ؟ ولا  لا ذا اكيد يعني اظن
سطام :جيبي اي داهيه
اسماء :جزمه تحشرها بفمك ؟
قام سطام الى الحمام بسرعه واستفرغ
لحقته اسماء وهي تضحك :شفيك؟ تتوحم ؟
غسل وجهه ونظر لها بغضب :انتِ حطيتيه لي صح متعمده ؟
اسماء وهي متكتفه :لا ما حطيتها انا لو شفتها اصلًا باكلها احب الشطه
سطام :لا انتِ شكلك متعمده
اسماء وهي ذاهبه :وعلى نياتكم ترزقون
سطام لحقها :وش نيتي؟
اسماء :مدري عنك محد يعرف النيه الا صاحبها وربه
سطام :الحين وش اكل وانا معبيه كله شطه
اسماء :نتبادل عادي بس لحظه ...
قضمت من برقرها :عشان نكون متساوين
تردد سطام لكنه اخذه :يع
اسماء :وش صرت تتقرف ؟
سطام :به طماط
اسماء :عطني اياه ما تقدر النعمه
اخرجه ووضعه عندها وفتح كتشب
ضحكت اسماء :انتبه لا يطلع شطه
سطام :اعوذ بالله من الشماته ذوقيها كيف حاره بس
اسماء :بالعكس لذيذه ابي وحده ثانيه باكلها على البطاط
سطام :مدري وش محل البرقر ذا اول مزه اشوفهم يحطون شطه
اسماء :فكره حلوه ومميزه وبعدين الشطه صنع خاص فيهم يعني صنع يدوي طعمها يجنن
سطام :فعلًا يجنن شفايفي راحت فيها
نظرت لفمه قليلًا وضحكت
سطام :شفيك بعد ؟
اسماء :كأنك مسوي فلر
غطى فمه بيده :هي كذا طبيعيه
اسماء :اي اي معليك طبيعيه
سطام بحده:اسماء
اسماء :بسألك سؤال واحد بس
سطام :أيش؟
اسماء :ليش ما توديني لأهلي على طول ؟
سطام :كذا مزاج ابيك عندي اسبوع واوديك
اسماء :تبي تسيطر ما عجبك أنه فيه شي ما عرفته وتبي تسيطر وتعرف كل شي تبي ترضي غرورك على حساب مين ؟ على حسابي وحساب كرامتي
سطام :مالك دخل بأحتياجاتي 
اسماء :شبعت
سطام :بالعافيه
دخلت الفراش وتغطت
سطام :بتنامين الحين ؟
اسماء :اتمنى ان الشي الوحيد الي ما تتدخل فيه نومي بنام وقت ما ابي واصحى وقت ما ابي
بتنامين الحين بس بتقومين العصر
اسماء :ليه عسكريه على غفله ؟
سطام :كذا مزاجي يبي يشوفك صاحيه العصر
اسماء :وانا مزاجي ينتظر متى تطلقني
سطام :تبينه؟
بلعت ريقها :اي
سطام :مافيه عناد فيك مافيه طلاق ومارح اوديك بعد اسبوع مده مفتوحه يمكن بالليل اقول يلا لمي اغراضك بوديك فالافصل تلمينها من بدري
قامت اسماء للدولاب :بلمها ويا فرحتي بلمها
سطام :ما تخلين الواحد يتهنى بأكله
اسماء :محد غصبك تكلمني من ذي اللحظه ما برد عليك بولا حرف لأنه اي شي تلومني عليه حتى لو تغزك ابره قلت بسبب اسماء
سطام :احسن سكوتك نعمه لأن كلامك كله نكد
اسماء :انت الن...
سكتت مره اخرى وعادت الى حقيبتها وهي تهمس :الله يخارجنا بس
...
دخل :بسم الله حبيبتي متى مداه بطنك يكبر ؟
الهنوف بأبتسامه :مخده قاعده اجرب شكلي اذا كبر بطني
غازي :خليني اجرب احضنك اذا كبر بطنك
اقتربت لتحضنه وكانت المخده بينهما عائق :ما اقدر
غازي :انتي قربي
الهنوف :بطني بيكون كذا ما يصلح اضغط عليه كيف بحضنك ؟
غازي :انا لقيت الحل
الهنوف :ايش؟
حضنها من الخلف :كذا
اخرجت المخده من بطنها وحضنته :تدري وش اكثر شي احبه اذا حضنتك ؟
غازي :ايش؟
الهنوف :صوت قلبك احس فيه أمان
غازي قبل رأسها :انتِ أماني بكل لحظه حتى وانتِ بعيده
ابتعدت عنه :عندي موعد اليوم بنشوف السونار
غازي :اجي معاك ؟
الهنوف :اي ابيك تشوفه وبعدين ...
شابك يدها بيدها :بعدين ؟
الهنوف :نرجع البيت ونشوف الاسماء وش نختار اسم
غازي :اول شي وش تتوقعينه بنت ولا ولد؟
الهنوف :مدري ليه احسه ولد
غازي :احس بنت
الهنوف :طيب اليوم خلنا نفترض انه ولد نشوف اسماء الاولاد وبعده نفترض انها بنت
غازي :لو جت بنت وقلتي لها كذا اخترنا اسمك بتقول لك تمييز جنسي الافضل نشوف بنفس اليوم
الهنوف :طيب انت اختار اسماء بنات وانا اسماء اولاد
غازي ابتسم :برضو بتقول ليش ما اختارت امي اسمي
الهنوف :طيب جيب افضل اسماء اولاد وافضل اسماء بنات وانا نفس الشي
غازي :كذا تمام
الهنوف :اففف غازي متحمسه ابي اغمض وافتح الاقي نفسي ولدت خلاص
غازي :لسى بنعيش الشهور والمراحل كلها
الهنوف :طلبت هذاك الدفتر
غازي :اي دفتر ؟
الهنوف :دفتر الطفل يكون عن حياته وكذا يعني مثلًا اكتب فيه كيف عرفت اني حامل وكيف علمتك بعدين متى حسيته يتحرك وش الاسم الي اخترناه يوم ولادته اول مره يضحك اول مره يحبي وكذا
غازي ابتسم :بنجلس نراقبه؟
الهنوف :براقبه طبعًا طفلي
غازي :تبغين نجهز الغرفه ؟
الهنوف :خلها لين اخلص وحام اخاف اختار شي بعدين اقلب عليه
غازي :طبعًا الغرفه تكفي سرير واحد لو طلعوا تؤام مدري كيف نتصرف
الهنوف :مافينا جينات تؤام وانت ؟
غازي :مافينا بعد
الهنوف :يلا بس لا نتأخر بمر اخذ ايسكريم قبل اروح عشان يتحرك ويبان
غازي :ان شاء الله
قبلت خده وابتسمت :شكلي ازعجتك
غازي :اي ازعاج ترا افرح لما تطلبين شي
الهنوف:متأكد؟
غازي :ونص
الهنوف :بس بروح الحمام استفرغ وبعدها نطلع
غازي :انتظرك
...
ريم :السلام عليكم
اسيل:وعليكم السلام تفضلي
ريم :الله ومبخره بعد
اسيل :احب ذا البخور ريحته حلوه
ريم :اخوك هنا ؟
اسيل :لا طلع مارح يرجع بدري خذي راحتك
ريم:متأكده ؟
اسيل ابتسمت :وانا بكذب
ريم ابتسمت :اخاف يرجع ولا شي وانا هنا
اسيل :لا راح
نزعت عباءتها :برا بدا الجو يبرد اذا بكره بتداومين بشي ثقيل
اسيل :اي طلعت الهودي حقي قلت بلبسه بكره
ريم :ذاكرتي وكل شي؟
اسيل :بس يبيلي مراجعه خلينا نتعشى الحين وبعدين
ريم ضحكت :عاد متحمسه لمكرونتك
اسيل :ان شاء الله تكون قد حماسك
ريم :ليش؟
اسيل :خلصت كريمه الطبخ سويت بالقشطه والجبنه وسويت سلطه دوريتوس
ريم :شكلك كثرتي واحنا ما بناكله
اسيل :عادي لو بقى شي ناخذه بكره للمستشفى نعطي العاملات او اي احد صدقه عن امي
ريم :صح منجد ،وين الحمام ؟
اسيل :هناك انا بروح اجهز السفره بعدين تعالي
ريم :ان شاء الله
دخلت الحمام وسمعت اصوات ازعاج خرجت وهي تنادي :اسيل انتي بخير ؟
ظهر رجل من المطبخ هيئته مبعثره وكأنه ثمل اقترب من ريم:مها انا احبك ما اضربك الا لمصلحتك
ريم تراجعت للخلف برعب :ابعد
اقترب منها حتى ارتطمت بالجدار وأمسك بوجهها بيده :مها
ريم برعب :اتركني
ثبت يديها بيده:مارح اخليك تروحين مني
ريم ببكاء :اسيل
فك ازرار قميصها:نامت اسيل خلينا نسهر شوي
اقترب ليقبلها وهي تلف وجهها عنه :لا تهربين احنا نحب بعض
كادت ان تستسلم لكنها رأته سقط على الارض مغشيًا عليه
ريم بذعر:وين اسيل اسيل
طلال :اشش انتِ بخير
ريم :اسيل وينك
اضطر طلال لأمساكها من يديها :ريم اسمعي اسمعي
هدأت ريم وهي تنظر اليه:وين اسيل
طلال :اسيل بخير انا شفتها بس انتِ الحين بخير ؟ سوا فيك شي؟
ريم بدأت بالبكاء وهي تشد على يده :كان يبي ...كان يبيني انا
اجلسها على الكنبه وغطى جسمها بالعباءه:خلاص اهدي اهدي
ريم وهي تبكي :مسك يدي ووجهي
طلال :انسيه خلاص الحين دقايق ويروح للأبد
ريم :كيف انساه وش سوا فيني
جلس طلال بجانبها :طالعي فيني
نظرت لوجهه وهي تبكي
طلال :لا تضعفين قدام اسيل ترا يزعلها ذا الشي مره خليك قويه اقلها قدامها
ريم :طيب هي وين ؟
طلال :راحت عند الجيران بتذوقهم من اكلها
ريم :رح شوفها يمكن صار لها شي
طلال :بروح بس ارجع الاقيك لميتي نفسك لا تبينين لها شي
ريم بلع ريقها :طيب هو باقي هنا
طلال :باخذه معاي وبوديه السياره وبعدها بجيب اسيل
ريم:تمام تمام
طلال :ما بتأخر
خرج طلال ووقفت ريم تستجمع نفسها امسكت رأسها :وش اسوي يارب
لاحظت ان شعرها كان واضحًا وان جسمها كان مكشوفًا :ياربي
اغلقت زرار قميصها وغسلت وجهها وجلست
اسيل :ريم
ريم :هلا يا عمري
اسيل :شفيك احسك تعبانه
ريم :احس شوي تعب
اسيل :وديت الجيران شوي اكل
ريم :لا تطلعين ثاني مره لحالك خصوصًا بالليل
اسيل :ان شاء الله
...
يجلس بين الناس وروحه ليست معهم فكره في عالم اخر وقلبه مسلوب منذ زمن مر راشد من أمامه وهو يصب القهوه للضيوف الا هو فقد تخطاه
سيّاف :ولد
راشد :هلا
سيّاف :نسيت ولد عمي ما عندك علوم مرجله ؟
راشد نظر لوافي :ما انتبهت لوجوده
وافي مد له يده:اصلًا ما سلمنا على بعض لسى قرب
وضع الدله والفناجين على الطاوله وصافحه اقترب وافي من اذنه وهمس :
يُخاطِبُني السَفيهُ بِكُلِّ قُبحٍ
فَأَكرَهُ أَن أَكونَ لَهُ مُجيبا
رده عليه راشد:قابلني بعد العشا عند الهضبه ذيك
وافي :ان شاء الله
سيّاف :وش تتهامسون
وافي :اسأله عن شي خاص بيننا
سيّاف :يا ولد ان كان عندك حاجه وتركت عيال عمك ورحت تدورها عند غيرهم فأنت منت بكفو
وافي :لا مالي عنده حاجه بس سالفه قديمه بنحلها اليوم
سيّاف :متزاعلين ؟
وافي :تقريبًا
سيّاف :ولله انك كفو ورجال حليتها بدون ما تسوي شوشره
وافي :ماهو من طبايعنا نكبر المواضيع
سيّاف :انشهد
بعد العشا
خرج راشد وبعده وافي وساروا بنفس الطريق حتى وصلوا وقف راشد مقابلًا لوافي :اخيرًا التقينا ...يالمدمن
ابتسم وافي :اخيرًا التقينا ...يالخاين
راشد وهو يدور حول وافي :من وين نبدا من وين نبدا
وافي :نبدا من الاخر ملاك لي ولا بتشم منها شعره
توقف راشد وضحك بقهقه عاليه :ايش؟
وافي :كلامي ما ينعاد
راشد :كلامك ينطبق عليك ما بتشم منها شعره اما انا بتجي هي لحضني وبرضاها وبالحلال
انقض وافي على ياقته :ولله ما تقول حتى اسمها ولا تفكر فيه تسمع
راشد ببرود ربت على يد وافي :لا تخاف مراعيك انا عارف انك ما تسيطر على اعصابك مارح اهاوشك
همس بأذنه :ملاك تبيني
وافي تركه واخذ نفس عميق :عطني دليل واحد انها تبيك موقف واحد صار لك معاها
نظر راشد للسماء التي بدأت تمطر :حلو بدت تمطر بتكون القصه رومنسيه مع ذا الجو مؤثره جدًا
وافي :اسمعك
راشد :الشجره الي ببيتهم انا زارعها لها لما مره كنا نمشي وكنت زعلان من موضوع قالت لي اشياء خلتني اضحك وبالاخير قالت احب اضحك الناس الي احبهم اعتراف واضح وصريح
وافي ابتسم :قصه خايسه واستنتاجاتك اخيس كم موقف صار لي مع ملاكي ؟ مارح اعدها لأنها كثير لكن أكثر واحد بينهم متأكد منه ذا ...
اخرج القرط من جيبه :عطتني اياه بنفسها وقالت ان جا اليوم الي بنجتمع فيه رجعه لي وإن ما جا خله معك ذكرى
انقض راشد على وافي يريد أخذ القرط :جيبه
وافي :انا نصها الثاني يا راشد ماهو انت تقبل ذا الشي انا الي بكملها
راشد بصراخ يلكم وافي ببطنه :انت ما تجي ربعها انت انسان قذر خرج من مستنقع كلاب وجاي بعد ذي السنين كلها يقول ملاكي ولله ياء التملك ذي ما تقولها مع اسمها
رد له وافي اللكمه على انفه :انا تعالجت لكن انت داءك ماله علاج داءك خيانه الوطن مستحيل تقبل فيك وإن قبلت هذاني هنا لك ذبيح
خنقه راشد :من الحين بذبحك من الحين
حاول وافي ابعاد يده لكنه لم يستطيع فضربه بركبته بيد قدميه وتراجع للخلف وهو يتنفس بصعوبه :بتذبحني من الحين لأنك خواف جبان ما عندك ثقه بنفسك بتذبحني عشان يخلى لك الطريق لكن خلك كذا لا تذبحني ونشوف هي تختار الخاين ولا التايب
راشد لكمه على فمه:عدلها خلها صح المدمن ولا السليم
بصق دمًا من فمه وابتسم وقال :عليك شوفه نفس مدري من وين جايبها
راشد :ملاك اعطتني ذي الثقه ولازلت واثق فيها مارح يكون تكون نصيب غيري
وافي بأستفزاز :الا نصيبي بنجيب ولد ونسميه جابر على عمي
دفعه وهو يصرخ واخذ حجره كبيره رفعها على وافي:مالها عيال من غيري
وافي على الارض :انا وياها يا نحيا سوا يا نموت سوا لو مت رح ترمي نفسها من فوق ذاك الجبل اعرفها اكثر من نفسها
رمى الحجر جانبًا وقام عن وافي :بخليك تعيش عشان تموت قهر بعرسنا بيعيش بأذنك صوت ابوها وهو يقول زوجتك أبنتي خواتك وأمك وهم يتجهزون لعرسها هذا المشهد رح ينحرق قلبك فيه انا مارح اسوي شي بخلي الزمن هو الي يسوي كل شي
جلس وافي وتسند على يديه وصرخ من خلفه :الزمن مع الاحباب
تجاهله راشد وذهب رفع رأسه للسماء التي كانت تبلل وجهه بماءها اغمض عينيه وهو يتنفس بصعوبه .
قام وذهب الى المنزل دخل الفناء ونظر للشجره ،هل صحيح أن الشجره من زرع يديكما هل كان لك ذلك الماضي معه...
شهقت ملاك عندما رأته :وافي
التفت لها وكأنه وجد ملجأها
اقتربت منه بخوف :وش صار عليك ؟
وافي :مو مهم
ملاك :تعال اجلس هنا بجيب المطهر
جلس وافي وعادت ملاك :ما ودك تقول وش صار ؟
اخذ القطنه المبلوله بالمطهر من يدها :هوشه بسيطه
اخذت القطنه من يده :تطهر بمكان غير الجرح عطني
وافي :طيب انا احس الالم هنا
نظرت لعينيه :مو شرط كل ما ألمنا كان جرح ،مين ضربك كذا ؟
وافي :اهلك هنا ؟
ملاك :لا جيت باخذ شي وارجع
وافي :مين زرع ذي الشجره
ملاك :انا
وافي ابتسم :وراشد ...احح
ملاك :عورتك؟
وافي :لأنه بفمي يوم ابتسمت حرقني
ملاك :خلاص باقي جرح غيره ؟
مد يده :اي يدي
جلست بجانبه وأمسكت يده وبالاخرى كانت تطهرها نظرت لعينيه :تهاوشت مع راشد صح ؟
وافي :اي
ملاك:وش السبب؟
وافي :مسائل شخصيه
ملاك :عسى ما كسرته ؟
وافي :يا ليت
ملاك :خلصت
وافي :شكلي مره مبهذل ؟
ملاك :كأنك جاي من معركه
قام وافي :بغير وانام ما برجع لهم
وقفت ملاك خلفه :تمطر الحين واحنا موجودين بنفس المكان ما بتعلمني الشي الي انتظره ؟
التفت وافي وهو مبتسم:اوعدك بكره بنفس ذا الوقت ولو كان مافيه مطر بعلمك كل شي
ملاك :لا تتأخر
وافي :على الموعد
اخذت نفسًا عميق وخرجت
في اليوم التالي بنفس الوقت
ملاك :مدري وينه ما جا
جاءتها رساله منه :بعلمك كل شي مثل ما وعدتك لكن بعد ساعه اذا عندك اي شغل سويه لا تأخرينه
تنهدت ملاك وصعدت للسطح مهربها سترسل للشيطان حتى يتفرغ أرسلت له :
مساء الخير أتمنى ان تكون موجودًا

رد عليها :
نعم موجود وبلغني من الشوق ما بلغني أين اختفيتِ كل هذه المده؟

ملاك :
كنت منشغله بأشياء ليس لها داعي،ادركت هذا حديثًا

وافي :
هل أخبرك سر ؟

ملاك :
نعم

وافي :
أعرف من تكونين ،وأحبك بشخصك وبكل تفاصيلك

ملاك :
كيف تعرفني؟ منذ متى ؟ لماذا لست أعرفك

وافي :
سأخبرك بكل شي ،الحقي ياقوت وستصلين الي

ملاك :
قادمه الان ارجو الا تختفي

ارتدت عباءتها بسرعه
ام سيّاف :وين؟
ملاك :بتمشى شوي
ام سيّاف :والحمامه معاك ؟
ملاك :اي بطيره من زمان ما يطير
خرجت الى الفناء وتركته :ودني عنده ارجوك
لحقته حتى اقتربت وبدأ تلحظ شخصًا فوق الهضبه قام وبدأ يقترب منها حتى وصل اليها وهو مبتسم :ملاكي
وقفت ملاك بصدمه :أنت؟...