وانا في درب الهلاك ظهرت لي يا ملاك

41

تركي :ما فهمتني انت ما فهمت انا كنت ضايع حياتي مالها معنى يوم لقيت وجدان لقيت فيها كل شي لقيت نفسي فيها الحين بضيعها مره ثانيه
وضع ابو سطام يده بجيبه وقال :طيب انا وش تقول عني ؟ شبابي كان طيش وامي الله يرحمها كانت تقول لي اركد ولا بيجيك بزر يطلع طيشك من عيونك تزوجت وانتظرت مقولتها تتطبق جبت سطام وما كان هو كان يميل لأمه اكثر جبت الجازيه كانت هاديه ولا جات فيها المقوله ،واخيرًا
بلع ريقه :جبت وجدان كانت تميل لي وشقيه وطلعت طيشي من عيوني بس مع ذلك حبيتها يعلم الله وقلبي ماهو بيدي حبيتها اكثر من اخوانها وهذا هي النهايه ...إن الله يبتلي العبد بأكثر ما يحب
حضنه تركي بضعف :مقدر يا عم
اخرج يده من جيبه ووضعها بظهر تركي :اسف
ابتعد تركي بغير وعي:ليش؟
ابو سطام :بتنام
اغمض عينيه، فأسنده على الوساده :بس بترجع وجدان
اغلق الابره التي بجانبه ورماها في سله المهملات :انا بصلي ركعة الوتر وبطلع انتبه له
عبدالمحسن :متى بيصحى ؟
ابو سطام :اقل شي١٠ ساعات واكثر شي ١٨ لا تخليه يطلع لين اقول لك ولا تقول له ولا كلمه
عبدالمحسن :ان شاء الله
ابو سطام :عينك عليه لا تنام الليله الله يعينك
عبدالمحسن :لا عادي
ربت على كتفه فأبتعد :هاه لا تنومني زيه
ضحك ابو سطام :توني اقول لك ابيك صاحي شلون بنومك
عبدالمحسن :عادي اقول للجازيه كل شي ؟
ابو سطام :لا لين نخلص كل شي ما تدري سبحان الله يمكن تصير حادثه او شي ما نبي نعطيهم امل بشي احنا مو عارفين نهايته
تنهد عبدالمحسن :طيب
جلس عبدالمحسن وهو يتذكر ذلك اليوم ...
بلعت غصتها وأكملت :اذا راحت القويه ...لازم احل مكانها
سحبت حقيبتها ووضعتها على الطاوله :من حسن حظنا تونا جينا بس اشياء بسيطه طلعناها بلمها وانت احجز اقرب رحله
وقف بجانبها وبقي يراقب حركاتها
التفتت اليه :مو قلت لك احجز تحرك بسرعه
عبدالمحسن :بترهقين نفسك
الجازيه :عادي اهم شي ارجع
عبدالمحسن :ما اقصد على الرجعه اقصد تمثيل القوه اعرف ان داخلك حروب
الجازيه :بتجاهلها
عبدالمحسن :بتتعبين بتنفجرين مره ...
قاطعته وهي مغمضه عينيها بغصه :لا تقول تفجير لا تجيب طاريه،روح احجز بس ويصير خير
عبدالمحسن :حجزت من قبل
نظرت له بأستغراب :كيف ؟
عبدالمحسن :المفروض ما اقول لك بس ضعفت قدام دموعك
الجازيه :عبدالمحسن ايش انطق؟
عبدالمحسن :وجدان حيه عند اسامه
الجازيه :مين اسامه ؟
عبدالمحسن :واحد كان يحب اختك زمان دايم يرسل لها بس هي كانت تتجاهله أكتشفنا ان له علاقه بجماعه ارهابيه وهم مخططين يخطفونها كنا بنتفق معاه بس بعدين عرفنا انه مريض نفسي عنده ثنائي القطب يعني جانب منه بيوافق على الاتفاق وجانب بيرفض فكلمنا وجدان وهي وافقت وخطفها عنده رح نسوي نفسنا فتره ما نعرف شي ...
امسكت رأسها بعدم استيعاب وقاطعته:تسمع الي تقوله ؟
عبدالمحسن :اي كل شي مخطط له لا تخافين
الجازيه :اختي الوحيده عند واحد مريض نفسي يقال لك انه يحبها وانتم ضامنين انها بأمان ماشاء الله
عبدالمحسن :فيه واحد من رجالنا معاها مارح يسمح له يسوي شي
الجازيه :لو صار لها شي ما بيننا الا ورقه الطلاق...مقدر اعيش معاك وانا اعرف انك السبب
عبدالمحسن :مو انا بس كلهم حتى ابوك ،ابوك ما يسوي شي الا وهو عارف نهايته وحاسب حساب كل شي
الجازيه :واذا صار لها شي ؟
مسح على شعرها وهو ينظر داخل عينيها:تطمني مارح يصير لها شي أوعدك ...
ابو سطام :انا طالع لو جاك نوم القهوه هناك والافضل شاهي
عبدالمحسن :ما عليك اعرف كيف اسلي نفسي
اخرج هاتفه من جيبه وارسل للجازيه :صاحيه ؟
ابو سطام :وافي دق عليك ؟
عبدالمحسن :لا
ابو سطام :بالجوال الصغير
اخرجه من جيبه :ولله مدري ما سمعته ...اي دق
ابو سطام :اجل هو تحت
نظر لهاتفه مره اخرى وكان ردها :ما جاني نوم معقوله بترجع بكره
عبدالمحسن :تقدرين تكلميني ؟
الجازيه :اي عادي دق بس بجيب سماعتي
اتصل عليها :شلونك ؟
الجازيه :متوتره واحاول اخفف التوتر
عبدالمحسن :وش تسوين ؟
فتحت الكميرا على نفسها :امشي بالحوش واشرب بابونج وانت وش تسوي ؟
فتح الكميرا :قاعد ببيت اختك انتبه لزوجها
الجازيه :تصدق ما قد زرت بيتها ولا شفته اذا رجعت ان شاء الله اسبوع ونزورهم ونجيب لهم هديه على السلامه
عبدالمحسن :المفروض هم يزورونا احنا عرسان
الجازيه :وش بيوديهم امريكا مساكين توهم بيرتاحون مع بعض
عبدالمحسن :على اساس احنا من زمان مرتاحين تونا يوم واحد ورجعنا
الجازيه :ولله مو انا الي قلت لهم بشارك بالعمليه
عبدالمحسن :شفتهم جابوا وجدان قلت اروح اسوي قدامها حركات واستعرض عشان تقول لك عني وشافني ابوك لقطني ما قدرت اقول لا
ضحكت :تستاهل هذي عاقبه الاستعراض
عبدالمحسن :تصدقين اخر مره شفت ضحكتك يوم جبت لك القهوه
الجازيه :يوم جبتها عشاني وكذبت كذبتك الغبيه
عبدالمحسن : اي كذبه
الجازيه بسخريه:ستاربكس الي يبعد خمس دقايق بالسياره سوو عرض كوب والثاني مجانًا ،طيب وين حقك ؟ شربته بمسافه الروحه والرجعه
عبدالمحسن :مو انا ذاك توني
الجازيه :لا الي كلمني ذاك اليوم عبدالمحسن اعرفه انا واعرف توني الي يطلع بلحظات مالها داعي مثلًا يوم عرسنا
ابتسم عبدالمحسن :شوفي يا حياتي انا اشرح لك يعني ترا اعرف احلل الشخصيات حتى ابوك يعرف
الجازيه بسخريه :امم ماشاء الله كلكم عندكم مهاره السكرين شوت وتحليل الشخصيات الي تتزوج استخباراتي ما تحتاج جوال خلاص هو يكفيها
عبدالمحسن :ادري انه شي مو معقول بس وظيفتي كذا ،خليني اكمل لك سالفه توني
الجازيه :كمل
عبدالمحسن :عندي شخصيه عبدالمحسن كبرت وترترعت معاي بس للأسف ترعرعت بظروف قاسيه اسمها امي دايم تضغط علي بقراراتي وتقرر عني تحت عنوان انا اعرف اكثر منك بالبدايه كان مريح لي بس بعدين قرارات كان لازم انا اتخذها فخارج بيئه البيت كنت الجأ لشخصيه توني الي هي متمرده وما تفكر بالقرارات عشان اغطي على غبائي وجهلي بإتخاذ القرارات يعني توني زي القناع اخفي فيه غبائي
الجازيه :عجبني الوصف حسيتك صدق محلل شخصيات
عبدالمحسن :صدق تراني محلل الحين بحلل شخصيتك
الجازيه :يلا انتظرك
عبدالمحسن :اول شي أجمل خلق ربي هاديه من الطفوله ومتزنه
الجازيه :كيف يعني ؟
عبدالمحسن :ما كنتي تميلين لجانب محدد لو كان فيه خيارين تحيرك مثل حبك لأمك وابوك كان ولازال متساوي صح ؟
الجازيه بتفكير :صدق اذكر سطام يحب امي اكثر ووجدان تحب ابوي بس انا ما كنت محدده مع ذلك مرتاحه
ابتسم عبدالمحسن :عرفت ،دايمًا تفضلين الهدوء والعزله وتتخذين قرارات بالخفاء و ما ودك انها تنكشف لأنك تحسبينهم بيحاسبونك على اخفائك لها
الجازيه :تدري قدمت رساله الماجستير بدون ما يدرون اهلي ما علمتهم الا يوم جاني القبول وكنت متردده اعلمهم
عبدالمحسن :يعني صح كلامي
الجازيه :صح
بلعت ريقها بتردد
عبدالمحسن :فيه كلمه بفمك ما ودك تقولينها ؟
الجازيه :تحليل شخصيه اسامه
عبدالمحسن :قصدك شخصياته عنده جانبين نشأت بسبب علاقته بأخوه وابوه وحيرته بينهم يعني ابوه كان قاسي فأضطر هو يبين له القساوه واخوه كان طيب وحنون فأضطر يبين معاه الجانب المرتاح وتطور الوضع لين صار مرض ثنائي القطب
الجازيه :ما تقدر توصف شخصياته كل وحده كيف؟
عبدالمحسن :حسب الي سمعته عنه الشخصيه الاولى دايم يحس ان وجوده على الحياه ذنب وان الي يسويه غلط والجهه الثانيه من شخصيته يستمتع باللي يسويه ويحبه والاسوء بهذا ان كل الشخصيتين مهووسه بوجدان
الجازيه :وش وصله لها ؟
عبدالمحسن :الصدف
الجازيه :اسمع بكلمك بعدين اسمع صوت تكسير
عبدالمحسن :يمكن احد دخل البيت ؟
الجازيه :لا لا يا امي يا سطام كلهم منهارين نفسيًا
عبدالمحسن :الله يعينهم بس
دخلت المنزل ولحقت الصوت حتى وجدت نفسها بغرفه وجدان وأمها تكسر :يمه
ام سطام وهي تشير على الفراش:جابك الله شوفيها ما تسمع الكلام
نظرت للفراش وكان خاليًا فبلعت ريقها :يمه محد هنا
ام سطام :اختك متلحفه وتبكي عشان قلت لها ادخلي طب زي بنت عمك
الجازيه بغصه:يمه محد هنا
ام سطام :تبي محاماه مو المحاماه للرجال ؟
امسكت رأسها بحزن :يارب
دخلت ملاك :سمعت شي
ام سطام :تعالي اقنعي بنت عمك بالطب ما ابيها تدخل محاماه
نظرت للجازيه بإستغراب فهمست الجازيه :تشوف وجدان
امسكت رقبتها بحزن ونظرت للجازيه طويلًا وهمست :اذا فيه حبوب منوم جيبي
الجازيه :ما اتوقع تصلح لها عندها ضغط
ملاك :جيبي انا اعرف امي كانت كذا بعد ماجد تهلوس بس نعطيها منوم
تنهدت الجازيه :بشوف عند سطام
ملاك :بسرعه ترا ممكن تجيها نوبه عصبيه
في الاعلى
سطام :اسماء
اسماء :هاه
سطام :معرف كيف اصلي صلاه الجنازه عادي ما اروح ؟
اسماء :كذاب تعرف
سطام :ما ابي اروح
اسماء :لازم تروح يا حبيبي ابوك يحتاجك وتركي بعد
سطام :الحين تركي ماعنده احد رجعتي تحبينه صح ؟
نظرت له طويلًا فدق الباب :صاحين ؟
اسماء :اي لحظه لحظه
فتحت الباب :هلا
الجازيه :عندك حبوب منوم ؟
اسماء :لا
الجازيه :تمام اسفه على الازعاج
سطام بتعب :اسماء
نظرت له ثم للجازيه :اسمعي اذا لقيتي جيبي وحده لعلها تفي بالغرض
الجازيه :بشوف ان شاء الله القى
ذهبت لديم :عندك حبوب منوم
ديم :من وين لي
الجازيه :مدري انتِ دكتوره
ديم :واذا دكتوره بشيل اسعافات اوليه بجيبي؟
ريوف :انا معاي
الجازيه :عطيني ثنتين
ريوف :هي تقتلك ثنتين وحده بس وفي حاله الارق المؤرق
الجازيه :مو لي لسطام وامي ما ينامون
ريوف :ياروحي هم هاك
نزلت لملاك :جبتها
ملاك :هات اشوف
الجازيه :ما تأثر بالضغط صح ؟
ملاك :اي ما تأثر
الجازيه :كم تاخذ وقت وتنام ؟
ملاك :عشر دقايق
الجازيه :بروح اودي سطام انا اذا تبين شي ناديني
ملاك :لا معليك الحين بعطيها وتنام
الجازيه :تمام
اسماء :لقيتي؟
الجازيه :اي توني كنت بجي هاك
اسماء :تمام يعطيك العافيه
الجازيه :الله يعافيك
تنهدت ملاك :اكره هدوء الحزن بالبيوت
الجازيه :اول تجربه ما اعرف احدد مشاعري بس الاكيد انها سلبيه
دخلت عليه :سطام
جلس ونظر لها بعينيه المحمره :وين رحتي؟
جلست بجانبه :تبي تنام؟
سطام :ابي اموت
امسكت وجهه :بسم الله عليك من الموت
سطام :ما اتحمل اعيش اسماء
اسماء :خذ ذي ااحبه
سطام :وش ؟
اسماء :خذها وبس
نظر لها بشك
اسماء :ما توثق فيني؟
اخذها من يدها :جيبي مويا
اسماء :هاك
سطام :بروح الحمام
اسماء :لالالا خلنا نجلس ونسولف
سطام :عن ايش؟
اسماء :عن ...عن العصير وش تحب عصير برمضان فيمتو ولا تانج؟
سطام :سنكويك
اسماء :اي حلو حلو طيب كم عدد اصابعي؟
ابتسم بسخريه :اكيد عشره يعني كم بتكون
اسماء بهمس :باقي ما بدا ،حبيبي
نظر خلفه :مين تنادين ؟
اسماء :انت
سطام :انا اسمي سطام
اسماء بهمس :ما عرفت لك بدا مفعوله ولا لا
سطام :اسماء وش توسوسين قلتي نسولف وما خليتيني اروح الحمام
اسماء :افكر بس بسولف الحين وش رايك لو صار عندنا بسه وش يكون لونها ؟
سطام :عندي حساسيه
اسماء :امم صدق ،طيب ...
قام سطام :بروح الحمام اسماء بس بغسل يدي واجي ما بطول
وقفت امامه :لا تروح
سطام :ليش؟
ضربت رجلها بالطاوله عن عمد :اح رجلي انكسرت
سطام وهو ذاهب:بسيطه بتطيب اذا متي
وقفت امام باب الحمام :ياربي
سطام :حلقتي؟
اسماء :حلقت ؟
سطام :ما عندك شعر
سقط على كتفها مغمضًا عينيه
اسماء :يا البلشه الحين شلون اشيلك لهناك سطام قوم
لم تسمع سوى شخيره فأمسكت ظهره وهو ساند رأسه على كتفها وسحبته حتى السرير :صح كسرت ظهري بس اخيرًا بتنام براحه
امسك يدها :لا تروحين
ابتسمت :ما بروح
...
أخر ثلاث ايام مرت بدون احداث على الجميع لكن الوضع كان أختلف في الليله الاخيره بالنسبه لوجدان
وجدان :ياخي احس اني اعرفك
الحارس :وش ذي الراحه فيك ترا يمديني اقتلك بأي لحظه
وجدان :ما تبي تتورط مع المجنون
الحارس :اسمه اسامه
وجدان :عرفتك انت عمار صح ؟ عندك مشكله مع الالقاب وتحب بس ننادي الناس بأسمائهم
عمار :اشششش
وجدان بهمس:ليش ما تطلعني ؟
عمار بنفس الهمس :انتظر الاوامر
وجدان :اكثر من مره كان يقرب مني ليش ما تمنعه ؟
عمار :ممنوع اتحرك الا بالحالات الطارئه
وجدان :يوم كان بيغتصبني مو حاله طارئه؟
عمار :نوبات بس تجيه تستمر وقت خمس الى ست دقايق بعدها تختفي
وجدان :طيب هو مجنون تخطيت انه يطالع فيني بس انت كيف تخون ابوي
عمار :لو تلاحظين اني من يوم جيتي وانا عيني على الارض صح اسحبك من هنا لهناك بس للضروره
وجدان :متى نطلع ؟
عمار :اذا جتنا الاوامر
اسامه :اي اوامر
بلعت ريقها
عمار :كانت تبي الحمام قلت لها ما اقدر اطلعك لين تجي اوامر
ربت على كتفه :شاطر بنعطيك راتب زياده
وجدان بتمثيل :طيب جيت اقدر اروح الحمام ؟
اسامه :خذها للحمام فيه ملابس هناك البسيها وتعالي اشوفك
اخذها للحمام ودخلت ثم اخرجت رأسها :عمار وش رايك نهرب ؟
عمار :ما نقدر
اخرجت الملابس التي وضعها :شوف يبيني البس ذي حتى زوجي ما لبستها قدامه
عمار :دخليها بالبالوعه
وجدان :ما بتنسد؟
عمار :خليها تنسد وينشغلون فيها
وجدان :طيب
عمار :وقفي بعطيك شي
وجدان :سلاح ؟
عمار :اسكتي لا يسمعك مافيه ولا سلاح ونحاول نخلص العمليه بدون ما نحتاجها بعطيك خاتمك
وجدان:صح خاتمي وبعد سلسالي طيحته يوم اخذتني الله يسامحك خنقتني صدق
عمار :السلسال ما لقيته
وجدان :تجيك اخبار عن تركي؟
عمار :ما تجيني غير الاوامر
وجدان :تكفى اسألهم
صرخ اسامه :بسرعه اخلصوا
عمار :بسرعه
اغلقت الباب ونظرت لخاتمها وتذكرت ...
امسك خاتمها وابتسم :لكن اعتبري اني معاك
وجدان :بكل وقت
تركي :بكل وقت
قبلت الخاتم :اشتقت لك
دق الباب :وش فيك طولتي؟
وجدان :السيفون عيا يشتغل
اسامه :افتحي واشوف
وجدان :الحين بطلع
اسامه :افتحي قلت لك
وضعت الخاتم بيدها خطًأ وفتحت :هاه
اسامه :وين الفستان ؟
وجدان :بالبالوعه
اسامه :ما قلت لك البسيه ؟
وضعت يدها على الباب:ما ابي
نظر ليدها وسحبها بقوه :وش ذا ؟ ما قلت انسيه
وجدان بألم :اتركني
غضب بشكل غير معتاد وخنقها:انا قلت لك انسيه انسي ذاك الكلب خلاص بس انا بس اسامه
انتبه عمار لغضبه الغريب :اسامه
التفت له بغضب :وانت الخاين عطيتها الخاتم صح ؟
خنقه وهو يصرخ :تخون كيف قويت تخون ما تخاف ابو عسف؟
انتبهت وجدان ليد عمار التي كانت تشير على السلاح وبسرعه اخذته واطلقت على كتف اسامه ثم رمت المسدس جانبًا وهي ترجف :قتلته ...قتلته
اخذ السلاح من الارض ووضعه بيدها هو والهاتف الصغير:اطلقي علي
وجدان وهي تهز رأسها بخوف :مقدر
عمار :بسرعه ولا بيقتلونا كلنا
وجدان :عندك عيال ما بحرمهم منك
عمار :بشفع لهم بيصيرون عيال الشهيد
وجدان وهي تبكي :مقدر مقدر
عمار :بسرعه تراهم جايين اطلقي علي وارمي السلاح واهربي
بلعت ريقها واغمضت عينيها ورمته بركبته
سقط على الارض يتلوى بألم :حطيها براسي
وجدان وهي خارجه :ما بتموت
التفتت خلفها لتهرب
:وين رايحه ؟
بلعت ريقها ورمت السلاح
ابو عسف :طلعتي قويه ولله
اشار للحراس فأمسك احدهم وجدان :شوفوه حي
وجدان :انا قتلته
:نبضه ضعيف
ابو عسف ببرود :كويس شيلوه هو وحارسه الغبي
التفت لوجدان وامسك ذقنها بيده :وانتِ كان ودي احاسبك لكن بنسلم الامانه خلاص
لفت وجهها للجهه الاخرى :مارح يخليك ابوي
ابو عسف :تسمع اذني صح ولا اتخيل ؟ تكلمتي عن ابوك...بس للأسف معد احتاج شي لأنه بيسلم فيصل ومعاه وثائق سريه مقابلك واضح انك غاليه عليه
وجدان :مستحيل ما يسويها
تنهد  واشار للحارس فوضع الهاتف بيده :اسمعي
شغل التسجيل وكان :
ابو سطام :بعطيك اي شي مقابلها
ضحك:مو انت الي تقول كل شي فدا الوطن ؟
ابو سطام :بنتي اهم
ابو عسف :خلاص وانا ولدي اهم ابي ولدي ومعاه كم وثيقه انت تنقاها بكيفك وخلنا نعتبرها هديه على سلامه بنتك ولا اسامه لو خليته على هواه كان قد صار عندي حفيد
ابو سطام :كل شي تبيه بجيبه بس حدد موعد
ابو عسف :بعد ثلاثه ايام فجر الجمعه يوم النهايه ويوم الحساب
ابو سطام :خلاص يوم الجمعه ان شاء الله
اغلق التسجيل ونظر لها بشفقه :هاه كنتِ تحسبينه بطل العالم بس للأسف خيب ظنك
ربت على كتفها وهو خارج :معليش تعيشين وتاكلين غيرها
اخفضت رأسها بخيبه
ابو عسف :ساعتين وتقابلين ابوك
...
تجلس بصمت وتتأمل الورقه ووقع دمعها على الحبر
قبل ساعات...
فتحت النافذه :وافي؟ لحظه بس
اغلقتها مره اخرى ووضعت الوشاح على رأسها وفتحت :كيف طلعت لهنا ؟
وافي :بالسلم
ملاك :لا تقول دخليني تراها واصله لهنا وشوي وابكي
وافي:لا بس بعطيك ذي
ملاك :وش
وافي :رساله
ملاك :من مين ؟
وافي :مني
فتحت طرف الظرف
وافي :لالا لا اصبري لين اروح
ملاك:وافي شفيها لا تخوفني
نظر لعينيها ببهجه :ما تخوف
سارت بعيدًا عنه :ما اتحمل بفتحها
دخل الغرفه واغلق الباب بالمفتاح:تخليني اسوي حركات غلط دايم
ملاك :وش سويت ؟
وافي :قفلت
ملاك:مجنون انت ؟
وافي :لا احبك
ملاك :وافي حرام
وافي :ادري مارح اسوي شي ولله بس عشان محد يجي واحنا بذي الحال يفهمون غلط ولا انا ثقه
ملاك وهي تتصفح الورقه بشكل سريع:على اساس انا ارمي نفسي عليك
جلس على السرير وحضن الوساده وشمها:فيه مره حلمت فيك
التفتت له :قوم
وافي :ليه؟ برتاح شوي واطلع مع عمي
سحبت الوساده من يده :لا تشم ريحتي
اخذ نفسًا عميقًا :ليه ؟
ملاك :يا غبي باقي مو متزوجين حرام تشم ريحتي ترا زيك زي اي رجال بالشارع
قام ووقف عند النافذه :طيب خلاص بس بقول لك حلمي عنك وبعدين اقري الورقه براحتك
تكتفت :يلا اسمعك
وافي:يوم صار لي حادث يعني المره الوحيده الي خفتي فيها
ملاك :اختصر بنام
بلعت ريقها :بكره عندنا عزا
وافي :طيب طيب يوم امي غصبتني انام عندها دخلت غرفه الضيوف بعدك وحطيت راسي على الوساده وكانت ريحتك فيها تجاهلتها ونمت لأني ثقه وبعدين ...
ملاك :وبعدين ؟
وافي :حلمت انك دخلتي عندي وجلستي جنبي ومسكتي يدي كنت اقول لك حرام وتجاهلتيني قلتي تعبان ؟ قلت لك مره ثانيه حرام وبعدين مسكتي وجهي وقلتي الحب مو حرام
بلعت ريقها واصبحت تلعب بيديها بتوتر :هلوسات المرض
وافي :ما قد حلمتي فيني ؟
تذكرت حلمها وتفاصيله الجريئه اكثر من حلمه فبلعت ريقها :لا ،خلاص اطلع بنام
نظر لها وحضن الستاره :ودي احضنك كذا
اقتربت بتوتر وسحبت الستاره :خلاص اطلع
وافي :لقائنا الجاي بصير خطيبك
ملاك :امم بذي الظروف
وافي :اقري الورقه بس
نظر اسفل النافذه ثم نظر لها :السلم طاح
ملاك :كذاب
ابتسم :مقلب
ملاك :وافي بعد لثلاثه ان ما شفتك طلعت ولله تشوف شي عمرك ما شفته
انحنى امامها :سمعًا وطاعه
ثم خرج فأغلقت النافذه بعده وجلست على السرير مكانه :وانا بعد حر ليه باقي متلحفه بذا
قرأت الورقه وكان مكتوب بها كل تفاصيل العمليه وعينها تعثرت بجمله واحده ولم تتخطاها "وجدان حيه" بقيت تتأملها لساعات ،لو كان هناك أمل لعودته كهذا الامل
تنهدت وبحثت عن رقم سيّاف حتى وجدته وجلست تنظر له بتردد ثم رمت الهاتف جانبًا وقالت بغصه :وش يعني بنطلعه من قبره
غطت عينيها بحزن :خلاص الله يرحمه احسن له مات بزر ولا شاف الحياه الخايسه
...
ابو سطام :عارف كيف؟
وافي :وليش لي اسبوع اتدرب عارف ...
اشار بالسلاح على عمه :بحطها بنص راسه كذا
ابتسم ابو سطام :اهدى لا تحطها بنص راسي انا خلك مركز انت اهم واحد بالخطه لو غلطت حركه وحده بس رحنا فيها
وافي :بالعكس انت اهم لأنك بتلهيه عن انه يفتح الكيس ويشوف وجهي
ابو سطام :انت الي بتذبحه
دخل ابو عبدالمحسن :الساعه ٣ باقي ساعه عالاذان
تنهد واكمل:نطلع ؟
ابو سطام :وهذا قناصنا ابو عين حولا
ابو عبدالمحسن :نظري ٨ على ٨
وافي :وش حاجه القناص وانا موجود ؟
ابو عبدالمحسن :احتياط
وافي :طيب مو انا بذبحه ؟
ابو سطام :انت ما تعرف البغته كيف تجي محنا ضامنين تصرفك يمكن تتوتر ابو عبدالمحسن بيقنص من فوق اذا غلطت ذبحه هو
وافي :طيب تمام بس مو تقنص راسي بالغلط باقي ابغا اعيش
ابو عبدالمحسن :وش تبي بالحياه كلها هم ونكد
ابو سطام :تونا عطيناه امل بالحياه تجي تقول له وش تبي بالحياه اسكت انت عايش مبسوط ومرتاح وجاي تخرب عيشه ولد اخوي
وافي :عندي امل وحلم اعيش عشانه لا تخافون
ابو عبدالمحسن :تبي تصير عسكري صح ؟
وافي :بتزوج واكمل تجارتي بس بحول من مشروع القهوه لشاهي لأني احبه
التفت لأبو عبدالمحسن :طبعًا القناص والعسكري المتقاعد اول معازيم العرس
ابو سطام :خلاص انفضحت معدني متقاعد ...نطلع؟
وافي :بس بروح الحمام وبعدها نطلع
عاد بعد قليل
وافي :مشينا ؟
ابو عبدالمحسن :اصبر لعمك
وافي:وينه ؟
ابوعبدالمحسن :يكتب وصيته
بلع ريقه :ايش؟
ابو عبدالمحسن :كتبت وصيتك ؟
وافي :لا
ابوعبدالمحسن :لازم تكتبها ما تدري متى تموت
وافي :طيب هو شارك بمليون عمليه ليه ماقد كتبها
ابو عبدالمحسن :كل مره يكتبها من جديد تعرف اولويات الانسان تتغير
وافي :اكتب لازم ؟
ابو عبدالمحسن :اي اكتب
وافي :وين ؟
ابو عبدالمحسن :بجوالك بالملاحظات ولا ورقه وقلم
وافي :ورقه وقلم اسهل
ابو عبدالمحسن :هاك
دخل ابو سطام :مشينا ؟
ابو عبدالمحسن :يكتب وصيته
وافي :خلصت بس عادي اكتب اسم الشخص الي ابيه يفتحها ؟
ابو عبدالمحسن :وصيتك وانت حر
كتب بخط عريض :الى ملاكي
مدها لأبو عبدالمحسن :حطها عند اغراضي هناك
ابو سطام وهو يمسك لهم الباب :ملاك صح؟
وافي :ومن غيرها يعني
ابو سطام :نايف او انا
ابتسم وافي :نايف ممكن بس انت بتموت معاي
ابوسطام:وش دراك يمكن اعيش
ابو عبدالمحسن :بسم الله عليكم كلكم ان شاء الله تعيشون وانا اموت
ابو سطام :شف من يتكلم القناص محد بيشوفه اصلًا عشان يذبحه
ابو عبدالمحسن :وش دراك يمكن تجيني سكته قلبيه وانا اقنص
وافي :وش وضعكم تسولفون بالموت كذا
ابو سطام :كيف؟
وافي :مرتاحين
ابو عبدالمحسن :طيب عادي كلنا بنموت يوم
وافي :ما ابي اموت لين اتزوج
ابو سطام :لازم تتزوج لازم ؟
وافي :هاه مو قهر ماقد حضنتها ولا مره
ابو سطام :بالجنه
ابو عبدالمحسن :انت تقول بشارك معاكم واذا جا الجد قلت واذا مت وش بسوي ماقد شفت حبيبتي مدري ايش مشكلتك عاد
وافي :خلاص طيب اقفلوا الموضوع معد بقول شي بروح افقش راس ذاك وبعدين ارجع اتزوج واعيش حياتي
ابو سطام :اطلع السياره بس
وافي :بتغطون راسي من الحين ؟
ابو سطام :بتروح السجن قبلنا وبعدين احنا بنجي ناخذك على اساس انك فلان
ابو عبدالمحسن :مين فلان؟
ابو سطام :خرفت؟ فلان هو فلان ولد علان الي عل قلوبنا
ابو عبدالمحسن :اها طيب
وافي :طيب ليش ما نروح مع بعض
ابو سطام :يراقبون من عند السجن
وافي وهو يصعد السياره :طيب
ابو سطام :اسمع
وافي :هلا
ابو سطام :يا ويلك تقابل فيصل
وافي :تكفى يا عم لازم اشوفه
ابو عبدالمحسن :تخرب كل الخطه
وافي :بس بطرف عيني كذا بمر واشوفه
ابو سطام :احنا وراك مباشره ما بيمديك حتى تفكر
وافي :تكفى يا عم
ابو سطام :بعدين اذا جبنا اخوه معاه ناخذ فشار ونروح نتفرج عليهم
وافي :جوي
اغلق عليه الباب:ماهو فلم لا تصدق
ابو عبدالمحسن ركب السياره:شكله بيجي مطر الساعه ٤ من جهه الشرق سحابه خارجه من الخليج العربي
ابو سطام :مخاوي الزعاق انا ؟
ضحك ابو عبدالمحسن :اذا كنت قناص لازم تعرف الجو عشان تتحسب للزاويه الي بتجلس فيها وتشوف كيف الرؤيا واضحه ولا ضبابيه
ابو سطام :اذا كان مطر على الفجر ضبابيه ...وش صار ؟
:مدري شفيها وقفت فجأه
ابو عبدالمحسن :هذي البلشه ولله
في السجن
:استريح بيتأخرون شوي السياره خربت
وافي :بتمشى شوي
:لا تاخذ راحتك مع السجناء
وافي :لا معليك
دخل غرفه الزيارات :ممكن يجي فيصل فهد؟
:ممنوع الزياره بذا الوقت
وافي :ارسلني ابو سطام
:وافي صح ؟ ممنوع تقابله
وافي :طيب وش اسوي ؟
:تبي شاهي؟
وافي :ما نقول لا لو كان بدون سكر
:اكيد من يشرب شاهي بسكر
ابتسم وافي :وحده الله يستر عليها
مد له الكوب :حظك توني مسويه
ارتشف منه :ولله تعرف للشاهي، متزوج ؟
ضحك من كلامه :واذا مو متزوج بتتزوجني يعني ؟
وافي :لا كذا افتح موضوع نسولف
:اي لي سنتين
وافي :ماشاء الله
سكت قليلًا ثم قال :انا بتزوج قريب
:ماشاء الله الله يوفقك
ابو سطام :انت هنا
وافي :ما قلتم بتتأخرون
ابو سطام :صلحناها بسرعه يلا امش
وافي :طيب خلني اخلص الشاهي
ابو سطام :خله بعدين
وافي :بجيك بعدين سو لي نفس ذي الوزنيه وعلمني الطريقه
:ان شاء الله
ابو سطام :يلا يلا امش
في الجانب الاخر
رفع اذان الفجر وهذا يعني الساعات الاخيره من العذاب استعدلت بجلستها وكأنها تنتظر الخلاص
دخل ابو عسف :بتصلين الفجر؟
وجدان :اكيد ما كفرت الحمدلله
نظر لها طويلًا :ولا اقول صليها عند ابوك هي مغير ركعه
وجدان :الفجر ركعتين
ابو عسف :ما يهم قومي البسي عبايتك عشان نثبت لأبوك انك بخير ومحد لمسك
وجدان :وفعايل ولدك وش تبررها ؟
ابو عسف :اصيله ماشاء الله عليك تسألين عنه ،لا تخافين بيتعافى قريب ان شاء الله
وجدان :ومرضه النفسي متى يتعافى منه ؟
ابتسم :اذا عسفه الموت
وجدان :استغفر الله
دخل الحارس وبيده عباءه
ابو عسف :هاه شوفي العباه جت لين عندك فيه خدمه افضل من كذا يلا قومي
وجدان :معد باقي احد ما شافني فرقت ؟
ابو عسف بسخريه:لا استغفر الله ترانا نغض البصر ما شفناك
قامت واخذتها وارتدتها :اخيرًا بفتك منكم
ابو عسف :نقرر عاد هناك
ركب السياره خلفها :بدت تمطر
وجدان وهي تنظر للنافذه:يارب الي ببالي تصيبهم صواعق
ابتسم ونظر لها :نفس دعوتي
التفتت له:على اساس بيستجيب لك ربي وانت ما تعرف عدد ركعات الفجر
ابو عسف :ما سمعتي بمكر الله ؟
وجدان :يمتع المذنبين ويأخذهم العذاب في حين غفله ،ولله انك سايكو تعرف بالدين وبعيد عنه
ابو عسف :كان ودي اسولف معاك زياده بس ما يمدي للأسف بنفترق وصلنا
وجدان :قريب
ابو عسف :اي
وجدان :طيب ليه ما نروح مشي؟
ابو عسف :ما نبي نتعبك ولا احنا رجال نقوى على المشي
وجدان بأستفزاز :اعرف انك تبي تستفزني بنقطه ضعفي بس مايمدي للأسف بنفترق
نزل :خليك هنا شوي وناخذك
وجدان :اخيرًا
ابو سطام :ابو عسف دايم نسمع فيك ولا نشوفك اخيرًا شفناك
ابو عسف :وانت صورتك ما تفارق عيني شكله من زود الحب
ضحك ابو سطام:اكيد
ابو عسف :وين الي طلبته ؟
ابو سطام :بالسياره بس بشوف بنتي اول
اشار للحراس فجلبوها :يبه
ابو سطام :لا تخافين يا بابا بناخذك الحين
مسح عينيه بسخريه :مشهد تدمع له العيون عطوني ولدي
ابو سطام :جيبوه
خرج وافي مكبل الايدي ومغطى الرأس بكيس قماشي اسود
ابو عسف :ماهو ولدي ذا
ابو سطام :وش دراك ؟
ابو عسف :ما اشوف وجهه
ابو سطام :والوحمه الي بيده وش ؟
ابو عسف :طيب طيب بس وين الوثائق
ابو سطام :اول شي عطني وجدان
ابتسم :انت تعرف انه وجدان مقابلها حاجتين
تنهد :جيبوها
التفت لوجدان :تشوفين كيف ابوك يسلم دولته بيده ؟ يا حرام كان لك قدوه
ابو سطام :جيبها
دفعها عليه :جيب فيصل
دفعه فسار حتى وقف بجانبه
ابو عسف بسخريه :نكشف الغطا عن العروس
ابعد الكيس فأطلق وافي على رقبته وسقط ،التفت حوله وكان الحراس يشيرون عليه بالسلاح لكن سرعان ما تساقطوا ارضًا
ابتسم ابو سطام والتفت للعسكر خلفه :داهموا البيت
نظر لوجدان وفتح لها يديه فركضت وضمته وهي تبكي :اشتقت لك
شد عليها وهو يستنشق رائحتها:ياروح ابوك خفت اضيعك
في هذه الاثناء جلس وافي على الارض بصدمه وأحس بيد تربت على كتفه رفع رأسه وكان ابو عبدالمحسن يمد له علبه ماء :اشرب
وافي :انا قتلته
ابو عبدالمحسن :اي انت البطل اليوم
ابتسم وافي :احس براحه تحررت من شي كان يخنقني
ابتسم ابو عبدالمحسن :مو بس انت ملايين غيرك واولهم بنت عمك
نظر لها وكانت ما تزال تضم والدها :انا سويت خير صح ؟
مد له يده :قوم بس
ابتعدت عن والدها وهي ما تزال يديها على ظهره :وين تركي
ابتسم ابو سطام :همك الا هو ؟
وجدان :لا بس اسأل عمار عنه يقول ما تجيني اخبار خفت صار له شي وما تعلموني
ابو سطام :نايم عطيته منوم مارح يصحى الا الساعه ٨
وجدان :ودوني عنده
ابو سطام :اول شي نمر على الطب الشرعي بعدين التحقيق بعدين امك واخوانك ما سألتي عنهم
وجدان :صدق كيفهم؟
ابو سطام :سطام ما ينام له اسبوع والجازيه قايمه بكل البيت وامك بصدمه بس بنات عمامك وزوجاتهم عندهم
ابتسمت وجدان بحزن :لذي الدرجه يحبوني
مسح على وجهها :واكثر اكتشفنا ان حياتنا بدونك مالها الوان
حضنته مره اخرى :وانا عشت اسوء ايام حياتي بدونكم
ابتعد عنه بخوف:سوو فيك شي؟
وجدان :لا عمار كان معاي
ابو سطام وكيف عرفتيه ؟
ابتسمت :طالعه لأبوي ذكيه من اول ما شفته حسيت اني اعرفه سألته ما رد وبعدين حطيت لأسامه لقب المجنون وعدل اسمه وعرفت انه عمار
ضحك ابو سطام :ياحبي لك
:السياره جاهزه
ابو سطام :يلا ورانا شغل طويل
وجدان :اي حكيني عن علاقتك بتركي كيف صارت ؟
ابو سطام :ماشي الحال مان علي بسرعه بس انه عديم صبر ويخليني ابكي
وجدان :بكيت؟
ابو سطام :ولله زوجك يقول كلام يخليني اصدق انك ميته بكيت كم مره معاه
وجدان وهي تمسك خاتمها :يا حبيبي هو
ضمها تحت جناحه :والاهم من هذا اكتشفت انه صدق يستاهلك
وجدان :يبه ما نقدر نمر على امي حتى ؟
ابو سطام :شغل شغل ما نقدر بس مارح يجي الساعه ١٠ كذا الا احنا مخلصين
وجدان :طيب جوالي معاك ؟
اخرجه من جيبه :اي هنا
اتصلت على تركي :ما يرد
ابو سطام :منومينه اقولك بمنوم ما يحس شي الحين اذا صحي بيلقى المكالمه بيتجنن
وجدان :طيب الجازيه
ابو سطام :جربي
اتصلت عليها وردت بسرعه :وجدان؟
وجدان :جوج اشتقت لك
الجازيه ببكاء:انتِ بخير ؟
وجدان بغصه :اي وانتِ؟
الجازيه :تمام يعني احاول اكون تمام
وجدان :كيف امي ؟
الجازيه :نايمه عطيتها منوم
ضحكت وجدان رغم دموعها :وش قصتكم مع المنوم
الجازيه :الوضع كان يتطلب كذا ما ابيها تنصدم لو صحيت ولقيتك موجوده وهي تحسب بنسوي عزا
اخذ الهاتف من يدها :وش قصدك بذا الكلام
الجازيه:كنت اعرف علمني عبدالمحسن
ابو سطام :ماشاء الله عليه وش مبرره ؟
الجازيه :ضعف قدام دموعي
ابو سطام :لا صدق يبي له اعاده تأهيل
الجازيه :يبه سامحه عشاني تراه يوم علمني قلت له لو صار لها شي بيننا ورقه الطلاق كان الاسبوع كله متوتر
ابو سطام :خليه هو جاب التوتر لنفسه
اخذت الهاتف من يده مره اخرى :معلينا منه الحين حكيني وش صار ومن جا وش سوت ريوف هي مسويه تكرهني
الجازيه :يوه ريوف تحزن كل ما مريت لقيتها تبكي تقول كنت متهاوشه معاها
وجدان :احسن خليها تعرف قيمتي
الجازيه:مره عرفت قيمتك الحين بتصير تقدسك
وجدان :والهنوف جت ؟
الجازيه :لا كانت بتجي اليوم عشان العزا
وجدان :الحين عندنا كم شغله اذا خلصناها بجي عندكم لا تعلمونها شي خلوها هي تجي
ابو سطام :ما يصلح يا بابا تعنينها تجي وهي حامل وتعبانه
وجدان :اساسًا لازم تجي عرس ديم بعد اسبوع تقريبًا
الجازيه :عقلك راح بعيد عرس ديم بالشرقيه
ابو سطام :هذا اذا ما اجلت
الجازيه :اي اكيد اجلوا
وجدان :احس جنون عظمه الحياه توقفت من بعدي
ابو سطام :يلا جوج حبيبي احنا وصلنا بنقفل
وجدان : خليك عند الباب بدخل اضمك لين اكسر ضلوعك
ابو سطام :روحي نامي يا بابا ولا سوي اي شي احنا مطولين
وجدان :ما صليت الفجر
ابو سطام:الحين ننزل وتصلين
وجدان :تخيل يوم بنطلع يقول لي اذن الفجر قومي صلي بعدين قال ولا اقولك صليها عند ابوك كلها ركعه
ضحك ابو سطام :الله يرحمه بس
وجدان :الله يرحمه؟
ابو سطام :اي الله يرحمه
وجدان :اتوقع تعرف الجرايم الي سواها اكثر مني
ابو سطام :الحين هو ميت يعني انتقل من حكم البشر لحكم ربه ما تدرين يمكن بس شهادته بالله تدخله الجنه وانتِ دارسه شريعه وتعرفين اكثر مني ذا الشي
وجدان :مارح اقول شي
ابو سطام بسخريه:انزلي بس ولا تعودتي على الذل والجرجره من هنا لهنا ؟
وجدان وهي نازله:لا حشا بنت جابر ما تربت الا على العز وما تقبل الذل تفلت بوجيههم
ابو سطام :تقصدينها بالمعنى الحرفي ؟
وجدان :طبعًا لعبت بدمهم لعب
ابو سطام :ولله تخطيتي توقعاتي وتأقلمتي معاهم بسرعه
وجدان :هم سهلين وما تتوقع خطوتهم الجايه تتوقع خطواتهم الخمس الجايه
:بسم الله هذي بنتك الي عزيناك فيها ولا اختها ؟
ابو سطام :الا ،فتحت ملفها بالطب الشرعي؟
:اي توقعت جيبونها جثه بس ما توقعت فيها روح
نظر ابو سطام لوجدان بنظره تفهم معناها وتلفت حوله:بسم الله مين قال ان فيها روح؟
:ابو سطام طال عمرك بنتك واقفه وراك
وجدان بتعبير مرعب:اششش
ابو سطام :وينها ما اشوفها
:يرحملي والديك ولله انها جنبك
قلدت حركه الذبح وحركت شفتيها بكلمه :موت
بلع ريقه :طلعت اتوهم
ضحك ابو سطام وهو يضمها :طلعت خواف يبي لك اعاده تأهيل مع عبدالمحسن
:ولله لا تلومني خفت اني ارى الاموات قلت شكلي بلحقهم
ابو سطام :بسم الله على بنتي الله يطول بعمرها وجعل يومي قبل يومها
وجدان :جعل يومي قبل يومك
ابو سطام بسخريه وهو يسير:خلاص يومك شفناه باقي يومي
وجدان :جعلنا ما نشوفه
ابو سطام :تبين فتنه المسيح الدجال تقوم علي اعوذ بالله منها ومن فتنه القبر
وجدان :ذكرتني بصلي
ابو سطام :توضي وتعالي غرفتي صلي فيها وبعدها افطري ونروح للطب الشرعي
وجدان :ابي اخلص بسرعه بصلي ونروح لهم ما بفطر
ابو سطام :عشان يسحبون دمك وتدوخين
وجدان :وش يبون بدمي ؟
ابو سطام :يتأكدون ما عطوك مخدرات سم شي
بلعت ريقها :لا ما اظن عطوني
ابو سطام :ليه ما اكلوك عندهم ؟
وجدان :الا
ابو سطام :خلاص يمكن فيها شي
...
الجازيه :جيتك بالاخبار
عبدالمحسن :رجعت ؟
الجازيه :اي توني قفلت من مكالمتها ودقيت عليك وترا ابوي بيعيد تأهيلك لأنك علمتني كل شي
تنهد عبد المحسن :لو ما قلتي له
الجازيه :كنت اتكلم مع وجدان ومدري كيف فهم اني اعرف
عبدالمحسن :وش قلتِ اشوف
الجازيه :ما قلت شي بس قلت لها عطيت امي منوم عشان ما تنصدم لو لقيتها موجوده الصباح وهي تحسب بنسوي عزا
عبدالمحسن :حبيبتي حتى الاصم بيفهمها ذي
الجازيه :عبدالمحسن ما تعرف مشاعري وقتها مدري كيف اتكلم ووش اقول لو اني حاسه على نفسي كان ما قلت لها من الاساس كذا
عبدالمحسن :لو تعرفين وش يعني تأهيل كان صرتي بكما ولا قلتي له
الجازيه :وش يعني ؟
عبدالمحسن :يمسكني كل يوم تدريب من الفجر قبل تصحى الديكه لين الظهر لمده شهر او اكثر يعني ما نقدر نرجع امريكا
الجازيه :اساسًا راح علي السمستر ذا باخذه صيفي
عبدالمحسن :طيب وش الحل ؟
الجازيه :صيفي لما تخلص اعاده التأهيل نرجع امريكا
عبدالمحسن :وبنجلس ذي المده كلها بعيدين عن بعض ما كأننا تزوجنا ولا شي
الجازيه :ولله مدري ما فكرت
عبدالمحسن:بفكر انا وارد لك خبر
الجازيه:خلاص تمام
عبدالمحسن :يلا مع ...
قاطعته :عبدالمحسن
عبدالمحسن :هلا
الجازيه :اسفه اني تكلمت ما كنت اعرف
ابتسم :خلاص عادي نعتبرها فرصه نجلس بالرياض اكثر وتوديني موسم الرياض
الجازيه :مو تقول بتتدرب من الفجر لين الظهر ما تقدر تروح
عبدالمحسن :نروح اذا رجعت من الدوام
الجازيه :لا ما تقدر مارح تجي الساعه ٨ العشا الا انت نايم وهو حلاته بالليل من الساعه ١٠ الى اخر الليل
عبدالمحسن :عادي المغرب يمدي
الجازيه:تناقشني بموسم الرياض وانا رحته بكل الاوقات ؟ حلاته من الساعه ١٠ الى اخر الليل برد وبراد وتاخذ هوت شوكلت تصير من احلى ليالي حياتك
عبدالمحسن :برد يحتاج احضان ولا عادي؟
ابتسمت :اي يحتاج
عبدالمحسن :خلاص توسطي لي عند ابوك يوم خليه يعطيني اجازه عشان انام الصباح وبالليل نطلع
الجازيه :خلاص تم بس بسويها لك مفاجأه كذا يوم تصحى الفجر اقول لك خلاص نام كلمت ابوي
عبدالمحسن :وليه تعلميني ؟
الجازيه :اعلمك بس تراها بتصير بلحظه ما تتوقعها يعني بعد ما تنسى وتفقد الامل وتقول شكلها نسيت خلاص رحت فيها بفاجئك
عبدالمحسن :مستحيل انسى
الجازيه :بتنسى
عبدالمحسن :ما انسى انا
الجازيه :طيب خلاص بفاجئ توني هو ما يدري
عبدالمحسن :غثيث توني انسيه
الجازيه :مو تقول انك تحبه وش صار ؟
عبدالمحسن :تعلم عبدالمحسن يوقف ورا قراراته معد نحتاج توني
ابتسمت :رغم انه غثيث على قولك بس حبيته
عبدالمحسن :اختاري انا ولا هو ؟
الجازيه :كلكم
عبدالمحسن :لحول
...
خالد:هاه خلصتوا ؟
غاليه :اي يلا يلا بس شيل شنطه غزل
خالد :اخس ذي الصغيره معاها شنطه ؟
ابتسمت :اكيد
خالد :وينها ؟
اشرت عليها :هذيك
خالد :متأكده حبيبتي ما بتسافرون الشنطه اكبر من حياتي
غاليه :لو تدري ان ذا حق يوم واحد
خالد :تمزحين صح ؟
غاليه :لا ولله باقي مولوده تحتاج تغير اكثر من مره باليوم
خالد :ليه ؟
غاليه :معقوله خالد ما لاحظت اني ست مدري سبع مرات اغير لها باليوم
خالد :لا ما اشوف تغير شي عبالي ملابسها هي نفسها من يوم ولدت
غاليه:معد باقي الا تقول احسبها تولد بملابس
خالد بسخريه :وهي كيف تولد ؟
غاليه :كذاب
ضحك :امزح اعرف كيف تولد ،وين العنود ؟
غاليه :نايمه اذا وديت الشنطه ارجع شيلها انا بشيل غزل
خالد :لو انتظرتيها لين تصحى
غاليه :بروح عيب علينا كل بنات عمي هناك الا احنا ولد العم الكبير
خالد :واختك ؟
غاليه:بالدمام بتجي اليوم الحين مشوا ...ياربي توني غيرت
خالد :وش ؟
غاليه :نسيت اوقفها بعد ما رضعتها والحين شلتها واستفرغت علي ،اذا بتطلع انا بغير والحقك
خالد :خلاص انا بالسياره هاه
غاليه :والعنود ؟
خالد :بشيلها هي والشنطه سوا
غاليه :تمام
خرج خالد وانتبه للسياره الواقفه على الشارع المقابل فوضع العنود بالسياره وذهب اليها ودق الزجاج :ابو نسب
فتح الزجاج برعب :هلا هلا
مد يده وصافحه بقوه :وش عندك بحارتنا ؟
يوسف :بالغلط
خالد وهو يضغط على يده اكثر :لا بالغلط ماشاء الله وقفت الا قدام بيتنا
يوسف :الصراحه ابغا العزا بس معرف وين بيت عمك
خالد :ما حضرت فيه عرس ؟ ولا تعرفه بالافراح بس
يوسف :لا انا معاكم بالافراح والاحزان و ان شاء الله مو اخر احزانكم
خالد :ايش؟
يوسف :قصدي جعلها اخر احزانكم
خالد :اي زين زين... كان المفروض الاسبوع الجاي تتزوجون بالبحر وتعزمون سبونجبوب وشفيق والشله بس بيتأجل محنا باللي يفرح واهله بالهم
يوسف :لا بكلمهم اليوم يلغون الحجز خلاص
خالد :اجل بلغ سبونجبوب لا يتعنى مسكين
يوسف :ان شاء الله ...زوجتك تأشر ورا
نظر خالد خلفه ثم اعاد النظر ليوسف :وش دخلك ؟
يوسف :قلت يعني ...
تجاهله خالد وذهب
يوسف وهو يحدث نفسه :الله يكفينا شر اخوان الزوجه
في الجهه الاخرى
خالد :ليه تأشرين للرجال
غاليه :بغيتك تجي بسرعه يدي انكسرت وانا اشيل البنت
خالد :كان ركبتي السياره
غاليه :مقدر افتح الباب
فتحه لها :تفضلي
غاليه :افتح ورا اول بحط البنت بكرسيها
خالد :ذي الصغيره لها كرسي؟
غاليه :هاه والي شريته ب ٤٠٠ لمين ؟
خالد :احسبه للعنود
غاليه :عسى حطيتها فيه
خالد :اي
ضحكت غاليه :ياربي شف كيف ظهرها مسكينه
خالد :احسبه هو كذا
غاليه :وباقي نايمه نومها ثقيل مثلك ...طلعها وسدحها بالمرتبه وانا بحط غزل مكانها
خالد :والشنطه ؟
غاليه :خالد لا تستغبي حطها تحت
خالد :كذا تمام ؟
غاليه :اي
ركب مكانه :ولله صعبه الابوه
غاليه :توك ما شفت شي ذي بس الطفوله المبكره بعدين اذا كبرت غزل بيصيرون يتهاوشون وبعدين المراهقه وقراراتهم المفاجئة والشباب ...
جلست العنود :ماما
التفتت لها :هلا
العنود :وين رايحين ؟
خالد :عند عمي جابر
غاليه :تبين تفطرين ؟
العنود :اي
غاليه :تبين كيك ولا بسكوت ؟
العنود :كيك
مدته لها :هاك
اعادته اليها :افتحي الحليب
خالد :بس لا ينكب على الكنبه توني مغسل السياره امس
غاليه :لا ذا مصاص تعرف له ما ينكب
خالد :اجلسي مكانك ولا تتحركين لين تخلصين اكل
غاليه :اول شي تعالي امسح عيونك
العنود :ما بكيت
غاليه :فيها غمس
اقتربت من امها :ماما عادي تودوني الروضه الحين ؟
ابتسم خالد :الحين ؟
العنود :ايوه الناس كلهم مداومين
غاليه وهي ترتب شعرها :باقي لك سنه
العنود :عادي بروح واكذب عليهم
غاليه :اول شي الكذب حرام ثاني شي لازم ملابس خاصه للمدرسه لو رحتي بالبجامه بيعرفون انك مو صديقتهم
العنود :وش هي الملابس؟
غاليه:مريول
العنود :مريول ؟
غاليه :اي زي الفستان بس حق المدرسه
العنود :متى نشتريه ؟
غاليه:السنه الجايه
العنود :متى السنه الجايه ؟
غاليه :اذا نمتي وصحيتي كثير
جلست مكانها وصمتت لدقائق ثم قالت :ماما عادي اعطي غزل كيك ؟
خالد :باقي صغيره تشرب بس حليب
العنود :معايه حليب عادي اعطيها ؟
غاليه :حليبها غير مصنوع بس للأطفال
العنود :طيب متى تاكل معاي ؟
خالد :اذا كبرت السنه الجايه
العنود بغضب :كل شي اذا كبرتوا اذا كبرتوا متى نكبر كل الناس كبروا الا احنا
ضحك خالد وغاليه عليها
العنود :ما يضحك ابغا اسوي اشياء كثير تقولون اذا كبرتي
خالد :ما نضحك عليك نضحك على السياره ذيك
العنود :وش فيها
خالد :صغيره
العنود :حتى هي ما تكبر
كتمت ضحكتها وقالت :رح تكبرون ان شاء الله انتِ كنتِ بكبر غزل وكبرتي وهي كانت نقطه ببطني وكبرت
خالد :حتى انا اكبر طلع لي شيب
غاليه :صدق؟
خالد :شعرتين بلحيتي
امسكت وجهه :اي ولله صدق تعالي شوفي بابا بيصير جد
اقتربت :اشوف
غاليه :شوفي طلع له شعر ابيض هنا
العنود :اذا صرت جد من يصير بابا ؟
خالد :بوسيها وتروح
قبلت خده :ما راحت
خالد :اذا نمت وصحيت بتروح
غاليه :غريبه شيبت بدري ابوي واعمامي توهم يشيبون
خالد :عمي جابر شيب من الحين
غاليه :بس هو عسكري يعني يشيل هموم
خالد :على اساس موظف الحكومه ما يشيل هموم
غاليه :وش همومك الي ما قلتها لي وطلعت لك شيب؟
امسك يدها :كل شي اقول لك بس اتوقع عشان سالفه بدر
غاليه :للحين تفكر ؟
خالد :جلست افكر بعدها شهر الحين خلاص معد افكر
غاليه :خلاص تعافى ان شاء الله وباقي له ترم واحد ويتخرج ويتوظف ان شاء الله لعد تشيل همه تراه كبر ويعتمد على نفسه
العنود :عمي بدر يكلم واحد صديقه صوته زي البنات
خالد :ايش؟
العنود :ايوه وحتى اسمه ضي
خالد :صديقه ؟
العنود :ايوه
خالد:مين ضي؟
غاليه :كأني قد سمعت بالاسم
خالد :تعرفينها ؟
العنود :اقول لكم صديقه يعني ولد
خالد :تعرفينه ؟
غاليه :اها صديقه ريوف الشماليه
خالد :هاه هذا يعتمد على نفسه ؟
غاليه :بس غلط انصحه انت وبيعدل غلطه
خالد :صديقه اخته بعد ما يخاف انها ترجع فيها
غاليه :خلاص خالد تفاهم معاه لو كان يبيها بالحلال نروح ونخطبها له
العنود :اسمه بابا
غاليه :العنود دوري لحذيانك الحين بنوصل
العنود:طيب
خالد :واذا طلع يلعب على بنات غيرها وش اسوي فيه ؟
غاليه :وش تسوي يعني تسحب جواله ؟ تراه كبير انصحه وبس
اوقف السياره وكان سينزل :الحين بوريه
امسكت يده :لا تفشله قدام الناس دق عليه وخله يجي هنا وتفاهموا
نظر لها بصمت
غاليه :محنا ناقصين مشاكل انتم اخوان تفاهموا بينكم حتى ابوك لا يدري
تنهد :طيب خلاص انزلوا
غاليه :بعدين جيب الشنطه ،يلا العنود
...
استيقظ بدوار في رأسه ورغم ذلك قام ينادي :وجدان
نظر لهاتفه وكان الساعه تشير للتاسعه صباحًا ،يوم الجمعه أي يوم عزائك وعزاء روحي ايضًا منذ اليوم سأعيش جثه بلا روح ولا قلب لا أمل ولا أبتسامات ولا حتى حديث
دخل عبدالمحسن وهو مبتسم :صحيت ؟
تركي :مثل ما تشوف ...شفيك مبتسم ؟
اخفى ابتسامته :ماني مبتسم
تركي :وين ابو سطام ؟
عبدالمحسن :بالمكتب يبيك ؟
بلع ريقه وقال بغصه :صليتوا عليها ؟
عبدالمحسن :باقي ،صل انت الفجر وخلنا نطلع
فتح هاتفه ووجد اتصالًا منها :عبدالمحسن
عبدالمحسن :هلا
تركي :اتصلت علي
عبدالمحسن :مين ؟
تركي :وجداني اتصلت الساعه خمسه الفجر
عبدالمحسن :ابوها اخذ جوالها من السياره
تركي :لا احس انها هي
عبدالمحسن :جرب اتصل
تركي :بتشوف بتطلع حيه احس انها حيه ...وجدان ؟
ابو سطام :تركي اخيرًا صحيت تعال ابيك بالمكتب
تركي بتبلد :طيب
عبدالمحسن :انا بنتظرك بالسياره
تركي :تمام
في جهه اخرى
ابو سطام :بيجي الحين اخفوها عنه لين اكلمه ما ابيه ينصرع
وجدان :يبه
ابو سطام :هلا
وجدان :خلصت صح ؟
نظر لاحدى العسكريات :مدري عنكم
:لالا باقي فيه شي ناقص
وجدان :وش ؟
:ااء تعالي نشوف الاغراض الي لقيناها يمكن فيه اشياء لك تبغين ترجعينها
وجدان :لا شفتها بس فيه شي ما لقيته
:وش هو ؟
وجدان :سلسال ذهب
:تعالي نسأل عنه مره ثانيه ترا تعتبر جريمه لو سلموها لأحد ما نعرفه
وجدان :طيب
ابو عبدالمحسن :تراهم جايين
ابو سطام :دخلهم على مكتبي على طول لا تخليه يلتفت لا يمين ولا يسار
ابو عبدالمحسن :خلها علي
دخل مكتبه وجلس :وش كنت بسوي وش كنت بسوي اي
رفع السماعه :محمد جيب لي كاس شاهي بالله
دخل وافي :السلام عليكم وعليكم السلام جبت لك شاهي
ابو سطام :خلاص محمد ما يحتاج
وافي :رحت عند السجان الي الفجر عجبني شاهيه وخليته يعلمني الطريقه الحين سويت نفسه ذوقه بالله
اخذ منه رشفه :ولله حلو يبي له ترقيه على ذا الشاهي
وافي :اكيد رقوه اعلى رتبه
ابو سطام :وش جابك ؟
وافي :جيت
ابو سطام :خلصنا شغل
وافي :خلاص ؟
ابو سطام :اي خلاص ارجع لحياتك وحريتك
وافي :طفش
ابو سطام :رح احضن حبيبتك بس انقلع عني
اتسعت عينيه:منجد؟
ابو سطام:لا تصدق كذا بس قلتها روح
وافي :ليش تطردني ترا احس بخيانه
ابو سطام :بيجي تركي الحين ما يعرف ان وجدان هنا وهي ما تعرف انه بيجي بيتقابلون اول مره بغرفتي
وافي :عادي اجلس؟
ابو سطام :لا
قام وافي:طيب
ابو سطام :وين رايح
وافي :بروح اهايط على عمي ياسر
ضحك ابو سطام :بيزوجك بلا هياط
وافي :اجل وين اروح فضيت حياتي
ابو سطام :رح شوف محلك خلص ولا باقي اختار اثاث واشياء
وافي :ولله ابوي كلف ملاكي بذي المهمه
ابو سطام :للحين ما سوت شي رح انت تصرف
وافي :بس السوق ما فتح الحين
ابو سطام :رح افتح المواقع وشوف لك كم فكره
وافي وهو خارج:اي ولله
دخل تركي :سلام
ابو سطام :وعليكم السلام اجلس
تركي :وش فيه ؟
ابو سطام :بقول لك شي
تركي :وش ؟
ابو سطام :اجلس اول
تركي :معد يأثر فيني شي وش صار ؟
بلع ريقه :وجدان حيه
تركي :كيف؟
ابو سطام :وجدان حيه تتنفس
تركي بحاله شبه جنونيه :قلت لكم بس ما صدقتوني ...ابي اشوفها تكفى يا عم
ابو سطام :اصبر يا تركي
جلس على الكرسي بتعب :تعبت من الصبر تعبت ابيها ياعم
تنهد ورفع السماعه :جيبوها
بقي تركي يهز رجله :وش صار كيف لقيتوها ؟ بخير هي صح ؟
ابو سطام :اي بخير
تركي ومتى تجي؟
ابو سطام :الحين
تركي :تأخرت
ابو سطام :توني مكلمهم على بال ما ينزلون من الدور الرابع وقت
تركي :بروح اشوفها
ابو سطام :هي بتجي ما تعلمت الصبر بذا الاسبوع؟
فتحت الباب بملل :يبه ...تركي
التفت مع اسمه ونظر بعمق عينها وكأنه يسمع ويبصر لتوه ،تبعثر الكلام من لسانه :و...وجدان
اقتربت خطوتان وتصلبت قدماها فركض هو وحضنها بكل قوته وهو يستنشق رائحتها :ضعت بعدك
ابتعد عنها وامسك وجهها وهو ينظر بعينيها :وجدان صح ؟ وجداني
وجدان وهي تدمع :اي وجدانك
امسكت وجهه :شلونك انت ؟
تركي :مت وحييت مليون مره
حضنها مره اخرى واطال
تنحنح ابو سطام :اتوقع انتهى وقت الاحضان
ابتعد عنها ويده ما تزال على ظهرها والتفت لأبو سطام :ما خلص بس ناخذ استراحه
ابعدت يده :تبي تقول شي صح ؟
ابو سطام :عندكم اي كلام بخاطركم قولوه هنا تهاوشوا هنا تصافقوا هنا بس لا ترجعون بيتكم وانتم زعلانين من بعض
وضع يده خلف ظهرها مره اخرى :انا ازعل من ذي قسمًا بالله لو زعلت اذبحوني لأنه مالي داعي اعيش
ابعدت يده :ما بتسأل وين كنت ؟
تركي :وين كنت؟
وجدان :يبه هو صار عنده بطئ استيعاب ولا ايش؟ انا وجدان وين رحت واختفيت اسبوع كامل ما بتسأل؟
تركي :لا ما عندي بطئ استيعاب انا اقول وين كنت لأني قلت لك اني ضعت بعدك يعني روحي معاك ...
وجدان :خلاص فهمت فلسفتك ،كنت ...
قاطعها ابو سطام :كانت تسوي مهمه سريه
نظر لها :منجد؟
وجدان :اي اسفه ما كان لازم اعلمك
نظر لأبو سطام :فسر كل شي الحين
لفت وجهه نحوها :انا بفسر لك ابوي ماله ذنب
قبل خدها سريعًا :ما اقدر ازعل منك ...تفسير
ابو سطام :كانت عند اسامه
تركي :ومين اسامه ما اعرف الا اسامه المسلم
نظرت لوالدها :خلاص يبه انا بقول ...اسامه هو ذاك الي ...
تركي :لا تقولينها
تنهدت :هو الي كان يراقبني
اغمض عينيه وكأنه يكتم غضبه وتنهد :سوا لك شي ؟
وجدان :لا عمار كان معاي
تركي:ومين عمار ذا بعد؟
ابو سطام :واحد من الشباب الي يشتغلون هنا الله يجزاه خير
وجدان:طبعًا لازم نزوره لأني صبته برجله وعيب يعني لازم اعتذر
تركي:مين كان يعرف غيركم انتم وعمار ؟
ابو سطام :انا وابو عبدالمحسن وعبدالمحسن ووافي
ابتسم بقهر :عرفت حسيت انه فيه شي بينكم
وجدان :لله يا حبيبي كنت ابغا اعلمك بس شرحوا لي الوضع وحسيت انه صدق لازم ما تعرف
تركي :طيب ابو عبدالمحسن وولده عادي بس وافي وش علاقته ؟
ابو سطام :اسامه اخو فيصل وابوهم تاجر مخدرات كانوا مخططين على وجدان انه يفجرون ويخطفونها ونحسبها ماتت ويحرق قلبي عليها بس خطتنا جت فوق خطتهم
تركي :وجدان تحب تخاطر اعرفها بس انت هان عليك تودي بنتك للخطر ؟
ابو سطام :ما هان علي لي شهر افكر كيف بسوي كيف بحميها وكان اني ادخلها بالخطه افضل الاسوء
امسك يد وجدان بغضب :ما بسامحكم على العذاب الي كنت فيه
سحبها وهم ليخرج لكنها توقفت :تركي
اقترب منها وهمس :معليش حبيبتي ابوك ولا روحك شافني كيف تعذبت الاسبوع كله ولا لحظه قال بعلمه او بمهد له بالعكس يمهد لي انك ميته
وجدان بنفس الهمس :سامحه تركي عشاني حتى هو عانى كان يشوفك كيف تتعذب ويمسك نفسه ما يقول لك كل ذا عشاننا عشان نرتاح من اسامه الحين خلاص معد فيه اسامه بنعيش حياتنا بدون خوف
نظر للجهه الاخرى فلفت وجهه اليها :يلا عشاني تركي ترضى اصير مهمومه من علاقه ابوي وزوجي ؟
تنهد :بس عشانك
تنحنح ورفع صوته :سامحتك بس عشان خاطر وجدان
ابو سطام :خير وبركه
شدت يده وهمست :روح بوس راسه
تركي :خلاص بس اسامحه
وجدان :لازم
تنهد مره اخرى وقبل رأسه :نسيبي العزيز نرجع الحدود بيننا
ابو سطام :اذا فتحت حدود معد اقفلها
وجدان :الحين خلصت كل شي اقدر اروح عند امي صح ؟
ابو سطام :اي
تركي :لا فيه شي ناقص
وجدان :وش ؟
تركي :ما تحسين رقبتك فاضيه ؟
ابو سطام :قلنا نفتح حدود بس مو لذي الدرجه
تركي :افا يا نسيبي العزيز انت من يوم قلت عن سمر *** امورك مو تمام اقصد سلسالها
وجدان :وش سالفتها سمر وليه تقولون ***؟
تركي :لأنها طلعت *** منجد
ابو سطام بحده :خلاص تعديتم حدودكم بالكلام القليل ادب فيه مليون مصطلح يعبر عن شغلها الفاسد بس ما يخل بالذوق العام مثل زانيه وبائعه هوى
وجدان :منجد تشتغل ذاك الشغل ؟
تركي :ايي وداهمها زوج اختك المسكين وهي مع واحد بعدين مسكته اختك تحقيق واتصلت على سليمان وهو شهد انه غض البصر ومدري وش صار بينهم عاد
ابو سطام :خلوكم من الي صار بينهم الحين نجي لوقت الحساب
وجدان :حساب ايش؟
وضع يده خلف ظهرها مره اخرى :وش ؟
ابو سطام :زوجك المسكين يوم رحتي خاف وتنافض وفضح كل شي قبل الزواج
ابعدت يده :وش قبل الزواج خطوبه
ابو سطام :قبل قبل من عند الكلب ومرورًا بالقشطه ووصولًا لأسامه
امسك ظهرها :خلاص عدا كل ذاك
ابعدت يده وهمست :ابعد يدك ...انا بشرح كل شي
ابو سطام :لا ما يحتاج شرح عندي كل شي بس ابي تبرير
تركي :التبرير القدر
ابو سطام :طيب الكلب والقشطه والاعتراف كلها قدر بس سوالف ما قبل الخطوبه ؟
وجدان :اعترف انه غلط اسفه
تركي :حتى انا اعترف انه غلط
ابو سطام :وش اسوي فيكم ؟
تركي :انا برأيي تتركنا نروح البيت لأن الاسبوع الي افترقنا فيه كفيل بالعقاب
وجدان :اتفق
ابو سطام:ودها عند امها
وجدان :يبه لا تفرقنا بعد ما صرنا بالحلال خلاص
تركي :يبه ...نسيبي العزيز خلاص نبي نجيب جابر لا تخرب الخطه
وجدان :ما بنجيبه قريب معليش يعني بستمتع بشبابي
ابو سطام :امك تبي تشوفك ما بتروحين لها ؟
وجدان :اها صح ودني عند امي
تركي :اطير فيك وين ما تبغين
ابو سطام :توكلوا يلا ونادوا لي عبدالمحسن
تركي :ان شاء الله
...
خالد :شلونك
بدر :طيب الحمدلله حياتي بخير
خالد :كلمتك عن الزواج انا صح ؟
بدر:اي قلت لك بفكر وصدق انا افكر بجديه
خالد :تبي ضي ولا نور ولا صباح؟
بلع ريقه :مين ذولي
خالد :وحده منهم تعرفها انت ولا تعرفهم كلهم ؟
تنهد بدر :بس ضي
خالد :طيب وش رايك بتصرفك ؟
بدر :اعرف انه غلط وقلت لها مارح اكلمك مره ثانيه وابي بالحلال اذا تحسنت الظروف بخطبك وهي وافقت وتنتظرني
خالد :بس تكلمها هي ؟
بدر :ولله بس هي
خالد :شلون تعرفت عليها وش وداك لبنت من السكن للجامعه ومن الجامعه للسكن؟
بدر :ريوف
خالد :هي عطتك الرقم ؟
بدر :لا خالد تفهم غلط دايم اول شي يوم جا قبول ريوف صورتها ريم فيديو وطلعت فيه زينب اخت احمد ومشاري هي حذفته بس انا عندي واتس بلس طلع لي وشفته بالغلط وحبيتها ...
قاطعته خالد :وش الرابط بين زينب وضي؟
بدر :اصبر اسمعني وبعدينكلمت ريوف وقلت لها تتكلم عني قدامها وكانت زينب دايم مع ضي بس زينب تتجاهل كلام ريوف عكس ضي الي تسمعه وكأنها تعرفت علي شوي بعدين حسيت ان ريوف مالها فايده وقلت لها تعطيني رقم زينب بس ولله مو عشان اكلمها بالحرام بس كنت بسألها عن رأيها فيني ولو وافقت بخطبها
خالد :للحين ما وصلنا لجزء ضي
بدر :بعدين جلست تسب وتقول كلام ماله داعي بس عشان علاقتها بريوف سيئه وجت ضي مدري كيف شافت رقمي وحفظته واعتذرت مني وصرنا نسولف كل يوم والحين لي يومين ما اكلمها خلاص
ابتسم خالد :نكبتنا ياشيخ وش يودينا للشمال خلصوا بنات الرياض يعني ؟
بدر :مب لازم من بنات الرياض
خالد :ولله اني خفت عليك تعصي ربك وهو انقذك بمعجزه
بدر :لا استغفر الله احاول ما اعصيه قد مقدر
خالد :شفت شيباتي؟
بدر :وينهن ؟
خالد :هذيلا بلحيتي
بدر :من ايش؟
ضربه على رأسه بمزاح :منك شايل همك اكثر من بناتي
ابتسم بدر :مشكلتك عاد
...
دخلت المطبخ :صباح الخير
ريوف :صباح النور
ملاك :وش تسوين ؟
ريوف :توست لبنه بالزعتر
ملاك :سوي لي معاك
ريوف:اجل سوي الحليب
ملاك :كم واحد؟
ريوف :انا وانتِ والجازيه وديم وريم وغاليه ما تبي ووجد...الله يرحمها
تنهدت ملاك :تصدقين وش حلمت ؟
ريوف :وش ؟
ملاك :حلمت ان وافي دخل علي من النافذه وعطاني ورقه مكتوب فيها وجدان حيه
ريوف :يا ليت
ملاك :حتى بذي الظروف ذا همك؟
ريوف :قصدي يا ليت انها حيه
غطت عينيها وغيرت صوتها :انا مين ؟
ريوف :ملاك بلا استهبال
ملاك بصدمه :مو انا
ريوف :الهنوف ؟
ابتعدت وجدان :لذي الدرجه نسياني سريع ؟
شهقت ريوف بصدمه وحضنتها وهي تبكي :اسفه اسفه
وجدان :سامحتك خلاص
ريوف :اكتشفت انك شيء مهم بحياتي
ملاك :شافوك ؟
وجدان :لا دخلت من باب المطبخ الخلفي عطيني الحليب انا بوديهم
ملاك :تعالي اول شي احضنك
حضنتها وجدان :رده فعلك بارده مره
ملاك :توقعت
ابتعدت وجدان :كيف؟
ريوف :الحلم طلع حقيقه؟
ملاك :اي
ريوف ابتسمت :يعني وافي دخل عليك من المافذه
شهقت وجدان :متى ذا ؟
ملاك :البارح بالليل عطاني ورقه مكتوب فيها انك حيه وطردته على طول ما خليته يجلس
وجدان :وش طلعه للدور الثاني
ريوف :الحب
ملاك :سلم
دخلت سونا :بسم الله الرحمن الرحيم ماما فيه هنا جني
وجدان :اشش انا مو جني انا وجدان
سونا :انت مو يقول مات
وجدان :لا الحمدلله
شهقت :انت تبي يهرب برا سعوديه ؟
وجدان :وين بلقى احسن من السعوديه عشان اهرب بس بسوي سبرايز ماما حصه صاحيه ؟
سونا :توها الحين صحي
وجدان :كويس عطيني الصينيه
ملاك:هاك
ريوف :لحظه لحظه صور رده فعلهم ما تتفوت
وجدان :وين هم جالسين ؟
ملاك :بذيك الغرفه
ريوف :يلا انتوا قدامي
ملاك :تصورين؟
ريوف :اي
ملاك :الله يقلعك شكلي خايس توني صحيت
ريوف :ولله ان شكلك ملاك
ملاك :هاهاها
وجدان :خلاص اص
ديم تصرخ :ياريوف بسرعه محد يعتمد عليك
دخلت وجدان :طيب طيب
ريم :بسم الله صرت اهلوس صح ؟
ديم:لا اشوف صدق
غاليه :بسم الله
وجدان :شدعوه بنات تشوفون جني قدامكم ؟
التفتت للجازيه :شلونك جوج
الجازيه :حطي الحليب خليني احضنك
وضعته على الارض وحضنتها بقوه :اشتقت لك
ديم:ممكن احد يشرح لي وش يصير هنا
ريوف :صدق وجدان عندي فضول وين اختفيني
وجدان :قصه طويله مختصرها اشتغلت مع ابوي
شهقت ريم :كيف بتصارحين امك
وجدان :مدري كيف اقابلها اصلًا سونا تقول توها صحيت
الجازيه :بقول لها ابوي يقول لقيوا وجدان وبعدين اطلعي
وجدان :لا بقول لها كل شي ان شاء الله ما تزعل وينها الحين؟
الجازيه :اكيد تصلي بالغرفه ذيك
ذهبت الى الغرفه وتصنتت لها وكانت تدعو بدموع حارقه:يارب بنتي يارب بنتي هي عندك أن كانت حيه هي فحمايتك يارب ...
تنهدت وجدان بحزن ودخلت قبلت رأس امها من الخلف
التفتت بغير تصديق :وجدان
جلست وجدان بجانبها :يمه
امسكت وجهها :هذا انتِ قدامي ما اتخيل صح أجلسي لحظه ...الجازيه يالجازيه تعالي
الجازيه :هلا يمه
ام سطام :شوفيها اختك هنا ماسكتها انا قلت لكم موجوده ما اتخيل
ابتسمت الجازيه والدموع بعينها: اي هنا
حضنتها وهي تبكي :ياروح امك ياروحها
نظرت للجازيه :تعالي
حضنتهم :خفت عليكم يايمه خفت
وجدان :خلاص احنا هنا معد بنروح
ابتعدت عنهم :ليه ما تروحن شوفوا حياتكن
ضحكت الجازيه :كذا نتأكد ان امي رجعت
وجدان بضحك:مع اللهجه تتأكدين انها رجعت بقوه
ام سطام :افطرتم ؟
وجدان :الحمدلله فطرت نفس فطور ابوي كل يوم
ام سطام :بالمركز ؟
وجدان :اي مدري كيف متحمل يفطر من هناك كل يوم سماط الاكل
ام سطام :اجل بزيدك اسوي لك هنا
وجدان :لا خلاص شبعانه
قامت ام سطام:مافيه لا بسوي لك
الجازيه بعد خروجها :غريبه ما سألت
وجدان :ان شاء الله ما تسأل
الجازيه :خلاص افصخي العبايه يختي تراك بالبيت
وجدان :نسيت من نفسي مين باقي ما شفته؟
الجازيه :سطام بس شكله نايم
وجدان :خليه يصحى بس ما بجلطه اطلع له بنومه يحسبني ملك الموت
ريوف :بنات الهنوف بتجي الحين تعالي وجدان اجلسي خلينا نخرعها
وجدان :اخاف تسقط
الجازيه :شفيك تحسبين نفسك طالعه من القبر ترا كان فيه امل انك ترجعين
ريوف :صدق كلنا كنا نتأمل رجعتك
وجدان :وعرفتم قيمتي
ريوف :يلايلا تعالي تراها دخلت الرياض الحين
وجدان :طيب جوالي شفتوه ؟
ريوف :بالغرفه له ساعه يدق
وجدان :طيب جيت الحين
دخلت الغرفه
غاليه :بنات شفتوا العنود ؟
وجدان :اول ما جيت شفتها بالغرفه هنا
ملاك :شكلها انسحبت انسحاب تكتيكي لأنها تبي تروح عند سطام واسماء
غاليه :الله يهديها بس
الجازيه:بروح اشوفلها
غاليه :جيبيها من اذنها ان ما رضيت تجي
في جهه اخرى
تقفزعلى السرير وتردد :سيده سكر مستر دبدب وقت الاستيقاظ سيده سكر مستر دبدب وقت الاستيقاظ
سطام وهو مغمض عينيه:اسماء وش ذا المنبه قفليه
اسماء :ما احط منبه انا
صرخت بأعلى صوتها :وقت الاستيقاظ
جلسوا بنفس الوقت
سطام :جوال مين ذا بيدك ؟
العنود :جوال سيده سكر
اسماء :وش تسوين فيه ؟
العنود :صورتكم وانتم نايمين
اخذ الهاتف من يدها :اشوف
اسماء :اشوف ورني
سطام :شوفي
شهقت اسماء :مصورتنا سناب
سطام :واذا سناب؟
اسماء :الحين قاعد تشوف الصوره من الستوري صورتنا واحنا نايمين بحضن بعض ستوري
سطام:يلعن ...
غطت فمه :لا تلعن
ابعد يدها :كيف شغلتيه تعرفين الرمز ؟
اخذت الهاتف من يده :سويته كذا وفتح
اسماء :بدون رمز
سطام :احد يحط جواله بدون رمز
اسماء :ما عندي اشياء اخبيها انا عشان احط رمز
سطام :حتى انا بس عشان الملاقيف الي زي ذي
اسماء :هاتيه بس خلوني احذفها
سطام :مين شافها؟
تنهدت براحه :بس سحاب
سطام :شوفي يمكن ارسلتها خاص لأحد
اسماء:ما لقيتي ترسلينها الا لمشاهير حسبي الله على ابليسك
سطام :فتحوها ؟
اسماء :مشاهير ما بيفتحونها
امسك رأسه:الدنيا حوسه انتِ وش جابك هنا ؟
العنود :عشان وجدان جت من السفر وكلهم يصيحون احنا جينا
سطام :وجدان جت ؟
العنود :اي تحت
سطام :اسبقيني وناديها
قفزت من فوق السرير :طيب
سطام :لعد تنطين تطيحين
رمت الهاتف جانبًا ومسحت على وجهها براحه :خلصت ،توبه اخلي جوالي بدون رمز توبه
سطام :توبه نخلي بابنا مفتوح واحنا نايمين
اسماء :كويس صحتنا عشان نشوف وجدان
قام سطام :وين فنيلتي
التفت لها وأبتسم بخبث :وش صار البارحه ؟
اسماء :لا تتحمس ما صار شي بس صجيتني الحين تركي صار لحاله اكيد رجعتي تحبينه مدري ايش واخذت منوم مع اختك ونومتك ويوم بدا مفعوله وقفت بنص الغرفه وركضت قدامك وطحت علي وسحبتك لين السرير ويوم حطيتك بالسرير دخلت الحمام شوي وطلعت لقيتك مستفرغ على ملابسك ونايم مدري كيف استفرغت وانت نايم حاولت اغير لك ما قدرت اجلسك وجبت المقص وقصيتها وخليتك بدون فنيله
سطام :اي ولله تصدقين اذكر اني جلست وطرشت على نفسي ورجعت نمت
اسماء :وليه ما تقوم تغسل
سطام:دايخ
ارتدى ملابسه وجلس بجانبها :مدري كيف اشكرك على وقفتك معاي
اغلقت زرار ثوبه :بس قفل الازرار واعتبر انك شكرتني
امسك يديها :اتكلم جد انا
ابتسمت اسماء :انت فكر فيها والي يجي منك راضيه فيه
ابتسم وقبل خدها بعمق فحضنته
ابتعد عنها :بتنزلين معاي؟
اسماء :اي بس بغسل وجهي واجي
سطام :تمام
خرجت بعد قليل :يلا...وش تسوي ؟
وضع الخاتم بجيبه :ولا شي بس اشوف اشياءك
اقترب منها وحاوط خصرها:توني القى وقت استكشفك
امسكت وجهه :باقي ورانا عمر طويل ان شاء الله
امسك يدها :ننزل ؟
اسماء :اي
وقفوا على الدرج ورأى وجدان تقف اسفله
همست اسماء :شوفها تحت
بلع ريقه :ادري
نزل عندها ومد يده ليصافحها فأبتسمت وحضنته :مسوي ثقيل
سطام :انتِ كلبه فجأه تختفين بدون لا حس ولا خبر عاد انا ما فرقت معاي
وجدان :امم ما فرقت معاك بس ما نمت اسبوع
سطام :اسوي تجربه جديده
ضحكت اسماء :والكلام الي لك اسبوع تقوله وين وجدان ليش تروح كيف تتركني شكلي بموت بعدها
سطام بسخريه:يقال انك زوجتي الحين تفضحين بي
وجدان:انت لو تترك الثقل شوي ...
قاطعها :وقبل كنتم تقولون لي لو تثقل شوي معد عرفت لكم
وجدان :تثقل مع الغرباء مو مع اهلك علميه اسماء لا يستخف مع غيرك
التفت لأسماء :توثق فيني هي صح ؟
اسماء :ما صار بيننا موقف اختبر ثقتي فيك معرفك كفايه
حضنتها وجدان :شطوره جيل الالفين واعين
سطام :اوريك شغلك بعدين
ابتعدت عنها :وحتى لو ما تزوجك سطام كنتِ مارح تتزوجين وبتركضين ورا حلمك وتكملين دراسه صح ؟
بلعت ريقها :صح
سطام :ماني ماسك فيها لو تبي تكمل تكمل حتى بالعكس بصير اول الداعمين
وجدان :كملي رح تحتاجينها كثير
اسماء :بشوف ما قبلتني الجامعه
وجدان :عيدي اختبري التحصيلي والقدرات وجربي زي ملاك تراها للحين تجرب بس ذي السنه شكلها قررت ترتاح
سطام :تبين تكملين ؟
اسماء بتوتر :مدري بفكر لسى
وجدان :خلاص خلها تاخذ وقتها تفكر
سطام :بنات عمي هنا ؟
اسماء :اي لهم اسبوع
سطام :اجل انا بطلع اذا تبون تاخذون راحتكم
اسماء :انا بصلي واجيكم بعد شوي
وجدان :ننتظرك هناك
اسماء :ان شاء الله
صعد قبلها ولحقته :زعلت ؟
سطام :ليش ازعل ؟
اسماء :لأني قلت ما اوثق فيك
ابتسم سطام:لا صدق كلامك حق ومحد يزعل من الحق صح ؟
اسماء :صح
سطام :الحين قولي لي تبين تكملين دراسه ؟
اسماء:اكره الجامعه
سطام :طيب لازم تدرسين
اسماء :تذكر يوم قلت لك ابوي مات بسببي؟
سطام :اي
اسماء :سجلنا على الجامعه انا وسحاب قبل ثلاث سنوات ومعدلاتنا نفسها بس الفرق بالفاصله قبلوا سحاب وانا لا وزعلت وابوي كان بيروح يكلمهم بالشرقيه وبعدها ...
سقطت دمعتها بعد جهاد طويل:صار له حادث
حضنها فبكت :للحين احس بالذنب وما ابي اكمل
ابعدها عنه ومسح دموعها :فكري فيها بمنطقيه أبوك ما عنا نفسه للشرقيه الا عشان تدرسين وتوصلين لأعلى المراتب ما كان رح يقبل انك ما تكملين حققي حلمه وكملي وانا بكون معاك بساندك بكل خطوه
اسماء :لسى بفكر
سطام :اعطيك فرصه تفكرين وتستعدين للدراسه مو تفكرين انك ترفضين مافيها مجال للرفض خلي واحد يبننا اقلها يفلح
ابتسمت اسماء :ان شاء الله
...
تنهدت :وصلنا
امسك يدها :متأكده انك تمام ؟
الهنوف :اي
غازي :اذا تعبتي دقي علي
الهنوف :تمام
غازي :هذا تركي هنا
الهنوف :اي شكله
غازي :بروح اسلم عليه
الهنوف:بعدين ادخل عند عمامي داخل
غازي :انزلي بس خليني اوقف السياره
نزلت وذهب هو لتركي ودق الزجاج
تركي :بسم الله
صافحه غازي :عظم الله اجرك
ابتسم :تراها داخل
غازي :كيف؟
تركي :زوجتي حيه ترزق وقاعده داخل مع اهلها
غازي :اجل ليش احنا جينا ؟
تركي :طلعت حيه باللحظه الاخيره
غازي :اجل خلني اعلم الهنوف
تركي :قدهم تقابلوا وانت هنا
غازي :طيب ما يدرون الرجال ؟
تركي :انتظر نسيبي العزيز يجي ونعلن لهم الخبر وبعدها نصلي الجمعه
غازي :حتى يوسف جا
تركي :مين يوسف؟
غازي :اخوي ما شفته يوم عرسك
تركي :ما شفت احد ذاك اليوم
غازي :تحس نفسك طاير
تركي :اي بالضبط
في الداخل
الهنوف :وين يجلسون ؟
سونا :هناك
تنهدت بحزن :الله يرحمها
وجدان :الله يرحمني صدق
اتسعت عينيها بصدمه :بسم الله
وجدان :الرحمه تجوز على الحي والميت
حضنتها الهنوف وهي تصرخ :يا مجنونه وش صار
وجدان :اختبار لمدى حبكم لي
الهنوف :ترا صدق نحبك لدرجه بديت افكر بجديه انه لو جتني بنت اسميها عليك
وجدان :لا زال العرض جاري ؟
الهنوف :لا بسميها نص اسمك وجد هذا لو طلعت بنت اصلًا
وجدان :ان شاء الله بنوته
الهنوف :احس انه ولد
وجدان :ذكوريه
الهنوف :ترا نفس الشي البنت والولد بس لو يخليني غازي اسمي بحر
وجدان :سمي بحر وش عليه هو انتِ الي حملتي وتعبتي وولدتي
الهنوف :خلاص اقتنعت اني بسميه هتان
وجدان :هتان وغيث
الهنوف :مين غيث؟
وجدان :احنا نبي نسمي غيث
شهقت الهنوف وهمست :حامل ؟
وجدان :لالالا بسم الله علي باقي بس فكرنا بالاسماء
حضنتها مره اخرى :وحشتيني يا شيخه بسوي لك اي شي تطلبينه اليوم
وجدان :اي شي ؟
الهنوف :اي
وجدان :بكره نطلع كوفي على حسابك
الهنوف :قولي غيرها تراني ممنوعه من القهوه
وجدان :اجل عشا ونروح موسم الرياض
الهنوف :خلاص تم انا وانتِ بس ولا كلنا
وجدان :اكيد كلنا
الهنوف :اشتقت لطلعاتنا زمان
وجدان :الحقيني
دخلت الغرفه وصرخت :بكره بيكون يومنا وبس كل وحده تنسى انها متزوجه ولا حامل ولا مخطوبه ولا منفصله بنرجع بنات عم وبس اشتقت لكم مره ما جمعكم الا موتي
الهنوف :مقدر انسى اني حامل لازم اهتم بأكلي
وجدان :لا قلتها كذا بسياق الجمله
غاليه :وش نسوي يعني ؟
وجدان :بنروح نتعشى على حساب الهنوف بعدها نطلع نفر بموسم الرياض ورح نمشي على خطه اول شي ترسلين لزوجك ولا اي داهيه وراك انك بتختفين اليوم وثاني شي تبلكينه قبل تشوفين رده ثالث شي ما تجيبين طاريه ولا تفكرين فيه حتى
ضحكت الجازيه :شكلها عجبتك قصه الاختفاء
وجدان :صار عندي ادمان ذا الموضوع
ديم:وزوجك عنده ادمان اتصال تعالي شيلي جوالك ازعجني بأتصاله
ابتسمت واخذته وخرجت :الو
تركي :كل مره قلت فيها اشتقت لك ما تعادل شوقي لك ذي المره
وجدان :وانا بكل مره قلت انك تبالغ اسحب كلامي لأني صدق اشتقت لك وحسيت بشعورك
تركي :طيب احنا مشتاقين وكلنا عندنا رجول الحمدلله نمشي وش رايك تجين؟
وجدان :مقدر حبيبي الحين بيأذن وتصلون ونتغدا خلني اتغدا مع امي ترا حتى هي اشتقت لها وبعد الغدا اوعدك اوعدك نطلع
تركي :نروح ببيتنا ونجلس خلاص تعبت
وجدان :اكيد واسوي لك سحلب دورك تذوق سحلبي
تركي :ذيك المره ما تنحسب ما اسويه كذا انا
وجدان :خلاص نبدا من جديد انا بسويه اليوم
تركي :ودي اجلس حاضنك طول اليوم ما ابي اسوي شي
وجدان :بس نسوي سحلب وبعدين نجلس طول اليوم نناظر ببعض كذا يرضيك ؟
تركي :اي كذا راضي
وجدان:يلا حبيبي انا بقفل اسمعه يأذن
تركي :لا تنسين سوره الكهف
ابتسمت :ان شاء الله
اغلق الهاتف وتنهد :الحمدلله
دق الزجاج والتفت :بسم الله انتم وش سالفتكم معاي خلاص ابي اجلس بالسياره ما بنزل
ابو سطام :انزل بس ولا تكثر حكي
تركي :اوه معليش نسيبي العزيز احسبك واحد من العيال
دخل ابو سطام وتركي خلفه :السلام عليكم
:وعليكم السلام
ابو سطام:عندنا خبر لخواني
ابو وافي :قوله جعله خير
نظر للشباب من يوسف وحتى وافي :قلت اخواني والبيب من الاشاره يفهم
خالد :ماهم من أولي الالباب عشان يفهمون
ابو سطام :اوه خالد ما دريت انك من اخواني
خالد :قوموا يا شباب نشوف الحمام الي معشش فوق البيت مره حلو
تركي :ما بغوا يخرجون
ابو سيّاف :هاه ما ودك تحكي؟
ابو سطام :وجدان حيه
ابو وافي :طيب ليه ما تقول قدامهم عادي
ابو سطام :مالي خلق لمناقشه البزران كل واحد يقول لجماعته
تركي :رده فعلكم بارده
ابو سيّاف :هاه تبينا نصيح ؟الحمدلله على سلامتها
تركي :ولله انكم ما تفهمون بالحياه ...
قاطعه ابو سطام :دق على سطام خله يصحى من الصباح نايم والرجال عنده ما يستحي
تركي :ابشر
ابو وافي :حنا رجال ؟
ابو سطام بسخريه :هاه حريم ؟
ضحك ابو وافي :الله يخسك ياجابر قصدي اننا خوانك خله يرقد دامكم تقولون انه ما يذوق النوم له اسبوع
ابو خالد :خله يقوم للصلاه احسن
دخل وافي :هاه نجي؟
ابو وافي :دور وعلى المسجد على طول
وافي وهو ينظر لأبو سيّاف :ان شاء الله بتلقاني بالصف الاول
ابو سيّاف :مضيع شي بوجهي ؟ ابوك الي يكلمك
وافي :عندي حول ...امزح امزح مافيني الا العافيه ومستعد لأي فحص واي تحليل
ابو وافي بضحك :روح بس
ابو سيّاف :علامه ولدك ؟
ابو وافي :فيه شي يبيه وقرب ياخذه
ابو سيّاف :الله يوفقه
ابو وافي بهمس :توفيقه على الله ثم عليك
ابو سيّاف :هاه ؟
ابو وافي :استغفر
ابو خالد :وين بنتك خلها تجي نسلم عليها قبل يجون العيال
تركي :اناديها ؟
ابو سطام :اي
خرج تركي بحماس واتصل عليها :وجداني
وجدان :حبيبي صلاه بعدين بكلمك
تركي :تعالي عمامك يبون يسلمون عليك
وجدان :مو عيال عمي عندهم ؟
تركي :لا طردوهم تعالي بسرعه بس
وجدان :الحين جايه
تركي :بسرعه
اغلقت الهاتف وخرجت :هاه شفيك مستعجل
حضنها كأنه يراها اول مره:اشتقت لك
حاولت الابتعاد :كذبت عشان اجيك ؟
شد عليها:لا صدق يبونك بس استغليت الفرصه
وجدان :طيب خلنا نروح
تركي :خليني استكن شوي
وجدان :ما يصير الناس عندهم اشغال يبون يصلون خلنا نروح لهم اول
ابتعد عنها : عندنا قبلات صباح كثير فوتناها
وجدان :اكيد بعوضك
قبلت خده :حتى من الحين هذي الاولى
تنهد :اوه يالراحه الحين رجعت اعيش
نظرت لوجهه طويلًا وامسكت يديه:وجهك تعبان واضح عانيت كثير
تركي بإستعطاف :مره تعبت احضن وسادتك وانام والصباح اصحى ناسي انك مو موجوده ادور عليك بعدين اتذكر واذا جلست لحالي اجلس ابكي
امسكت وجهه :انا كنت افكر فيك طول الوقت خفت تسوي بنفسك شي
اقترب منها :ما ابالغ لو قلت اني ضعت
خرج ابو سطام :وجدان
ابتعدت عنه وشهقت :ايوه يبه
ابو سطام :فينك اعمامك ينتظ...
نظر لهم وكان تركي يحاوط ظهر وجدان :اصبروا لين بعد الغدا وروحوا بيتكم ماهو بحوشي
ابعدت يده :لا كنت بطيح وهو مسكني بس
ابو سطام :تعالي بس
...
ضي :زينب جوالك يدق
زينب :ماهو المجنون حقك صح ؟
ضي :ولله تراه طيب وعلى نياته بس ما عطيتيه فرصه والحمدلله انك ما عطيتيه
زينب :خلاص سدي حلقك برد ...ايوه ماما
ام احمد :ايوه زينب حبيبي احنا ما بنجي خلاص
زينب :ليش ؟
ام احمد :البنت طلعت حيه احنا كنا بنجي علشان العزا بس خلاص
زينب:ماما ولله اشتقت لكم تعالوا
ام احمد :ولله ما نقدر يا ماما
زينب :اساسًا زواج احمد باقي عليه اسبوعين تعالوا وخلصوني من السكن مره مو حلو
ام احمد :قلت لك اجلسي عند عمتك قلتِ لا ابغا اعتمد على نفسي
زينب :خلاص بس دا السميستر واسحبوني من السكن بجلس عند عمتي خلاص
ام احمد :طيب نشوف ابوك
زينب :يعني بتجون ؟
ام احمد :اقصد السكن
زينب :ماما بليز
ام احمد :طيب بشوفه
زينب :تمام احبك
ام احمد :وانا كمان ...يا داليا سيبي الاسلاك
ضحكت زينب :ماما ما قفلتي
ام احمد :انتِ قفلي خليني اشوف اختك السوسه
زينب :طيب
جلست بملل :ياترى وش يسوي الحين
زينب:يموت
ضي :اكيد حزين على بنت عمه
زينب :طلعت حيه
ضي :كيف؟
زينب :مدري عنهم امي قالت حيه
اخذت هاتفها :بسأل بدر
زينب :ما صدقتي على الله فرصه تسولفين معاه
ضي وهي تقوم بحماس:ما بكذب اي
ارسلت له :عادي ادق عليك؟
زينب من خلفها همست:استغفر الله قرف
وقفت امام المرآه تعدل شكلها :لحظه ليش اعدل شكلي بس بكلمه فويس...بس احس انه يحس اني حلوه من صوتي خلاص بس ضي انتِ ضي ما يغيرك شي بس بتكلمينه تسألينه عن قصه بنت عمه وخلاص كفايه خفه من البدايه انا الي ابادر
زينب صرخت :خلاص دقي وبطلي هرج
ضي :بنتظره هو يتصل
زينب :ما كأنك انتِ ارسلتي له عادي ادق عليك
ضي :كيف عرفتي؟
زينب :تتكلمين بصوت عالي تقولين الي بتكتبينه باعلى صوتك
ضي :خلاص اص شوفيه يدق
زينب :انا خارجه
ضي :وين؟
زينب :عند سماح
ضي :طيب
تنحنحت وردت عليه :الو
بدر :هلا
ضي :شلونك؟
بدر :تمام الحمدلله وانتِ؟
ضي :بخير دامك بخير
بدر :الحمدلله
همست وهي تضرب جبهتها :غبيه غبيه غبيه
بدر :وش ذا الصوت ؟
ضي :قاعده اسوي فشار صوته كذا كأنه احد يهمس ويضرب على جبهته
بدر وهو يمسك ضحكته :بالعافيه
ضي :اي بغيت اسألك صدق بنت عمك حيه ؟
بدر :اي الحمدلله مره ثانيه يلطف بنا الله وينقذنا بمعجزه
ضي :طيب وين كانت؟
بدر:طلعت بمهمه سريه مع عمي العسكري الي هو ابوها
ضي :يعني كان يعرف طول ذا الوقت ويمثل عليكم انه حزين ؟
بدر:تشوفين طلع محترف تمثيل ذا لو ما صار عسكري ممكن يصير ممثل
ضي :طيب وزوجها ؟
بدر :لا ذا منجد ما يدري
ضي :ياروحي هو
بدر:عندي سؤال
ضي :وش؟
بدر :ليه تنجذبين للناس الحزينين؟
ضي :مو الحزينين بس انت غير
ادركت ما قالته :اسمع الفشار قاعد يحترق بروح اطفيه مع السلامه
بدر وهو مبتسم :مع السلامه ...الفشار بينحرق
...
راشد :كيف كذا ؟
:ولله ذا الي صار مسكوهم واحنا عطونا مهله خلال اربعه وعشرين ساعه بنسلم نفسنا مارح تجيك بضاعه
راشد :طيب انا كيف اعيش ابي بضاعه لازم
:ما نقدر رح دور لك غيرنا
راشد :طيب خلاص خلاص بس بتفضحونا ؟
:لا اساسًا حتى لو تكلمنا مارح يسوون فيكم شي
راشد :ومين الي قتله ؟
:واحد يقال له وافي
ضغط علبه العصير بيده :انا اوريه ذا الوافي انا اوريه
اغلق بوجهه ورمى العلبه جانبًا بغضب :ولله ما تتهنى ما تتهنى وراسي يشم الهوا
خرج من الغرفه :يمه وينك يمه
ترف :اسكت توها نامت
راشد :طيب معاك فلوس ؟
ترف :مدري انا الي موظفه ولا انت
راشد :الراتب باقي له اسبوع عطيني بس قيمه شريحه
ترف :وش تبي بالشريحه ؟
راشد :العيال الله يلعنهم ...
ترف :لا تلعن
راشد :سووا مقلب خايس حطوا رقمي على اساس اني مقاول وكل شوي يتصل علي احد بغيره
تنهدت :طيب باقي خمس ميه بمحفظتي خذها هي اخر ما تبقى من مهري
راشد :كملتي كل شي معد تحتاجينها ؟
ترف بإبتسامه :اي خلاص بس باقي اسبوعين
راشد ابتسم :الله يوفقكم
ذهب لمحل الجوالات واشترى شريحه جديده وضعها بهاتفه واول رقم سجله هو رقم وافي ارسل له :تهنى بأخر ايامك ما هو انا الي اخليك تخرب حياتي واسكت ايامك الجايه كلها عذاب ...