شغل الاغنيه وكانت:يا بدايات المحبه يا نهايات الوله
وافي توتر لأنه عرف الاغنيه وتذكر انها كانت اغنيه فيصل المفضله بلع ريقه
صاحب السطحه فك اللثام :ياخي صرت غبي بزياده ما عرفتني ؟
وافي التفت له :وش طلعك ؟
فيصل :وراي ناس تحسبني انا وادخل السجن وانتهينا ؟
وافي :انت الي جيت امس صح ؟
فيصل :اي بس انت غبي ما تفهم من البدايه كنت اعرف غبائك وخطتي معاك كانت اسهل خطه جيت البارح خربت السياره ومدرائي عطوني ذي السطحه والحين مهرب فيها وف سيارتك مخدرات يعني كلنا بنروح السجن يا وافي الي ما يوفي بوعوده
وافي يفتح جواله بالسر ويحاول يلهيه :تدري مين مبلغ عليكم يوم جبتم البنت ؟
فيصل :ندري انه انت والحين انا جاي عشانك
وافي فتح على مكالمه مع عمه :الو
وافي :فيصل والي يرحم لي والديك اتركني خلاص وش مسوي لكم انا ؟
ابو سطام :فيصل ؟
وافي :كيف وين مهرب بذي السطحه ؟
فيصل يضحك :خلنا بس ندخل عند نقطه الرياض وبتشوف
وافي يبلع ريقه:بثبت لهم اني بريء وانت خاطفني وبتشوف
فيصل :انا خاطفك ؟مين الي طلع سيارته معاي بالسطحه ؟
وافي :ومين الي هرب من السجن امس وخرب سيارتي؟
ابو سطام :اذا تسمعني حاول تأخره لا تدخل النقطه خلك معاي على الخط عشان احدد موقعك الحين بس اصبر
فيصل :وش ذا الصوت
وافي :هاه ؟
ابو سطام سكت وقفل المكالمه
فيصل اخذ الجوال وضحك :مره ثانيه وافي بيسوي نفسه بطل وهو غبي
وافي مسك الدركسون وانحرف عن الخط :اموت بكرامه ولا ادخل السجن بظلم اشهد ان لا اله الا الله ...
ابو سطام يكلم المركز : ايوه عبدالرحمن حددت موقعهم وصار له نص ساعه ثابت اخاف صار لهم شي ارسل اسعاف وشرطه يتدخلون ما اقدر اخبي الوضع اكثر
عبدالرحمن :بتعلم اهله ؟
ابو سطام :لا محد بيعرف بس السطحه والسياره فيها مخدرات فيصل بيهربها ويحط التهمه بوافي ويدخله السجن ظلم كنت مخبي على النقطه بس علمهم
عبدالرحمن :القوات بتتدخل خلال ربع ساعه بس اهله كيف بتخبي عليهم ؟
ابو سطام :رح نخبي عليهم سالفه المخدرات وهذا من حقوق الدوله انه العمليه تبقى سريه اذا صار حادث لا قدر الله نقول لهم ان الي معاه كان هندي وتوفى وحتى وافي نعلمه ان فيصل توفى افضل
عبدالرحمن :لا أن شاء الله ما صابهم شي
ابو سطام :إن شاء الله
عبدالرحمن :تلقينا بلاغ حادث من نفس الموقع الي ارسلته
ابو سطام :كيف اوصافهم وكيف حالتهم
عبد الرحمن :شابين بالعقد الثاني من العمر كلهم واضح انهم من الجنسيه السعوديه وحالتهم تعتبر مستقره لكن السياره بدت تحترق
ابو سطام :طلعوهم ؟
عبدالرحمن :اي مجموعه من المواطنين طلعوهم
ابو سطام :اتمنى محد يتدخل بالسياره
عبدالرحمن :القوات وصلت
ابو سطام :جاء اسعاف السجون ؟
عبدالرحمن :اي بما انه قلت أنه هارب من السجن
ابو سطام :قول لهم يبعدون الناس لأنه احتمال جماعه فيصل يتدخلون ويسوون شي يخفون فيه الجريمه
عبدالرحمن :ابشر طال عمرك
ابو سطام :الله يبشرك بالجنه ...وافي اي مستشفى بيودونه ؟
عبدالرحمن :العسكري
ابو سطام :خلاص انا بروح هناك وانت اذا صار شي علمني وفيصل لازم نراجع ملفه وعلاقاته وماضيه لأن واضح وراه شبكه كبيره تحميه شددوا الحراسه عليه
عبدالرحمن:ابشر
...
ابو سيّاف :كيف كلم ولد عمك وش صار على سيارته ؟
سيّاف :ابشر ...ما يرد
ام سيّاف :لا يكون صار له شي الله يستر بس
ابو سيّاف :لا ان شاء الله بخير بس يمكن حواله طفى شحن
سيّاف :رد ...الو وافي
الممرض :مين انت ؟
سيّاف :انا ولد عم وافي مين انت ؟
ام سيّاف ضربت على صدرها :ياربي قلت لكم صار له شي الله يستر بس
ملاك بلعت ريقها وتحاول تفكر بشكل ايجابي :لا يمكن يمزح سيّاف
سيّاف :مستشفى ؟ اي مستشفى ؟
ام سيّاف :ياربي استر يارب
ملاك صارت تحك برقبتها وهذي عادتها اذا توترت
سيّاف :يلا مع السلامه ...انا دايمًا ما استقبل الا مصايب اي احد يدق علي او ادق عليه يكون بالمستشفى
ام سيّاف :وش صار ؟
سيّاف :صار له حادث مع راعي السطحه
ابو سيّاف :الحين اقرب لفه نرجع ونشوف
ام سيّاف :بدق على امه اشوفها
ملاك :لا لا تدقين يمكن باقي ما وصلهم الخبر علموا عمي جابر هو بيعلمهم وبيجيب الاخبار
ابو سيّاف :اجل دق على عمك جابر وقله
سيّاف :ما عندي رقمه
ملاك :انا عندي خذ وسجل
سيّاف بعد ما سجل:هاك ...ايوه عمي
ابو سطام :مين انت ؟
سيّاف :انا سيّاف
ابو سطام تنهد :اشوى عسى ما شر ؟
سيّاف :شسمه واحنا رايحين وافي دق علي قال لي يبي رقم سطحه
ابو سطام قاطعه :عطيته الرقم ؟ عطني كيف
سيّاف :لالا خلني اكمل ويوم جيت بعطيه قال خلاص جاني واحد راعي سطحه وطلع معاه من بعدها ما تواصل معاي ومدري كيف صار له حادث
ابو سطام :وصلني العلم بس ابيك تحكي لي كل شي تعرفه
سيّاف :ذا الي اعرفه بس دقيت عليه ورد ممرض من الاسعاف قال انه بينقلونه لمستشفى العسكري
ابو سطام وهو بممرات المستشفى :الحين بروح المستشفى
ابو سيّاف :قله حنا جايين
سيّاف :حنا جايين ديورنا
ابو سطام :ما تقصرون بس لو كان كملتم تتعبون انفسكم
سيّاف :يقول لو كان كملتم تتعبون انفسكم
ابو سيّاف :قله اننا طلعنا بنفس الطريق سوا وبنرجع سوا
سيّاف :يقولك طلعنا بنفس الطريق سوا وبنرجع سوا
ابو سطام :ما تقصرون ما تقصرون ...كملتم احد من اهله؟
سيّاف :لا امي كانت بتكلم امه بس قلنا يمكن ما عندهم علم اذا بتكلمهم انت
ابو سطام :بكلمهم الحين
سيّاف :اجل انا بقفل
ابو سطام :فمان الله
نزل الجوال وضغط على رقم ابو وافي ليتصل :الو
ابو وافي :هلا جابر عسى ما شر ؟
ابو سطام :انت وينك الحين ؟
ابو وافي :ما تسأل انا وين الا فيه شي قول وش صار والله يعيننا ونصبر
ابو سطام بلع ريقه :وافي ...صار له حادث
ابو وافي :إنا لله وإنا اليه راجعون كيف الحين ؟
ابو سطام :دخلوه العمليات فيه قطع زجاج دخلت ببطنه
ابو وافي :إنا لله وإنا اليه راجعون إنا لله وإنا اليه راجعون بأي مستشفى انت ؟
ابو سطام :العسكري
ابو وافي :جايين الله يصبرنا
ام وافي دقت الباب :يلا العشا
ابو وافي بطبيعه بياضه عند التوتر او الخوف يصبح وجهه احمر
ام وافي :وش صار وجهك احمر ؟
ابو وافي :اجلسي
ام وافي بلعت ريقها :عيالي
ابو وافي :وافي بالمستشفى ...صار له حادث
ام وافي :يا الله ولدي ولدي ...ونايف وينه نايف نايف ؟
ابو وافي :بغرفته فوق
ام وافي :عيالي يا متعب عيالي
ابو وافي :مابهم شي كلهم بس وافي لا تجزعين
ام وافي :اللهم لا اعتراض اللهم لا جزع اللهم اجعلنا من الصابرين استغفر الله العظيم واتوب اليه استغفر الله اللهم لك الحمد على كل حال
ابو وافي :يلا البسي عباتك ونروح له
ام وافي طلعت وهي مستمره تستغفر لتخفف الجزع
ابو وافي طلع :نايف
نايف نزل :هلا يبه
ابو وافي :رح شغل السياره وخذ حبوب امك من الدرج تأكد انها ما تنساها
نايف :عسى ما شر
ابو وافي :قدر الله ما شاء فعل
نايف بغصه :وافي ولا الهنوف ؟
ابو وافي :وافي بس ما جاه شي بالعمليات
نايف :كيف ؟
ابو وافي :ولا مدري عمك اتصل وقال بالعمليات صار له حادث الحين نروح ونعرف كيف
ام وافي طلعت :يلا متعب
ابو وافي مسكها :خذتي علاجاتك ؟
ام وافي :ما ابيها ابي ولدي
ابو وافي :نايف خذها والحقنا السياره
نايف :ابشر
بالسياره
ام وافي :يارب استودعتك ولدي يارب احفظه من كل شر ولا تريني فيه مكروهًا
نايف دق جواله:ياربي مو وقتك
ابو وافي :ايش
نايف يمسح وجهه :الهنوف
نايف تنحنح ورد عليها :ايوه هنوفي
الهنوف :كيفكم ؟ دقيت على امي ما ترد
نايف يحاول يبان طبيعي :امي مشغوله وجوالها بالشاحن انا قاعد بغرفتي
الهنوف :عطني اياها
نايف :شسمه
ابو وافي دق بوري
الهنوف :طلعتوا صح ؟
نايف :اي
الهنوف :طيب ليه مخبين فيه شي ؟
نايف جته غصه:لا مافيه شي
الهنوف :نايف ترا صوتك واضح
نايف :بس مشتاق لك
الهنوف :لا اعرفك يا نايف وش صار
نايف :اذكري الله
الهنوف :لا اله الا الله
نايف :وافي جاله حادث بسيط وبنروح نشوفه
الهنوف :لا تكذب علي انت كذاب ماهو بسيط ليه تخبون وهو بسيط ؟
نايف :لحول الهنوف خلاص بكلمك بعدين
الهنوف :لا تقفل نايف
نايف :مقدر لازم اقفل
الهنوف قفل الجوال :اففف ياربي
غازي :شفيك ؟
الهنوف والدمعه بعينها :وافي صار له شي بس ما يبون يقولون لي امي جوالها مقفل ونايف رد علي وصوته فيه غصه ما يبون يقولون لي قالوا حادث بسيط وقفلوا
غازي :إن شاء الله بخير تفائلي خير
الهنوف وهي تمشي بالغرفه وتمسك براسها :غازي ابي ارجع اخاف يصير له شي وانا مو هناك اخاف تكون اخر مره ...اشوفه بالعرس
غازي مسكها :خلاص لا تتوترين بحجز الحين ونرجع بس لا تتفاولين على اخوك
الهنوف حضنته :اخاف الموت
غازي يمسح شعرها :لا تذكرينه وعساه ما طب بيتكم
الهنوف :احجز اقرب رحله لو بعد دقيقتين ...ولا يلا الحين نطلع واحجز بالطريق
غازي :خلاص انتي لمي اغراضك لين احجز
الهنوف بدت تمشي بالغرفه:صح اغراضي
راحت شالت اغراضها وحطتها بالشنطه حاولت تقفلها ما تقفلت وانفجرت تبكي :ياربي ليش ما تقفل اكرهك اكرهك
غازي ترك الجوال والحجز وراح لها :الهنوف اهدي مافيه شي ينحل بالتوتر والبكا اهدي وكل شي ينحل بالهداوه
جلس بالارض ورتب الملابس :شوفي الشنطه قفلناها
الهنوف تفتش الدولاب وهو مافيه الا عبايه وحده :وين عبايتي ما اذكر وين حطيتها
غازي :بالدولاب قدامك
الهنوف :يلا نطلع خلاص ما نسينا شي صح ؟
غازي :استغفر الله ياربي الهنوف ركزي معاي طالعي بعيوني مافيه شي يخوف وافي ما صار له شي متأكد مثل اسمي جربي دقي على ابوك مره ثانيه
الهنوف اخذت نفس عميق :صح بدق الحين
غازي شاف رجفه يدها وهي تدور الرقم اخذ الجوال من يدها واتصل :الو عمي
ابو وافي :هلا
غازي :عسى ما شر سمعنا وافي صار له حادث
ابو وافي :اي بس انه بخير باقي له نص ساعه ويطلع من العمليه
غازي :طيب ممكن تطمن الهنوف لأنها متوتره
ابو وافي :نايف وترها الله يهديه عطها الجوال
غازي مد لها الجوال :ابوك
الهنوف اخذته وبدت تبكي مثل الاطفال :الو يبه
ابو وافي :يبه الهنوف مابه شي وافي بالعمليات واحنا ننتظر هنا حادث بسيط وبيطلعونه بعد شوي
الهنوف :لا تكذبون صار شي ولله صار شي
ابو وافي :إنا لله وإنا اليه راجعون بابا حبيبي ركزي معاي شوفي بفتح لك الكام واوريك الغرفه الي قدامي غرفه مكتوب عليها العمليات الطارئه وافي فيها
الهنوف بعدت الجوال عن اذنها عشان تشوف :هو هنا ؟
ابو وافي :اي هو هنا حتى اسألي عمك جابر بعطيه وبيقول لك تفاصيل الحادث
الهنوف :الو عمي
ابو سطام بجديه عسكريه:الهنوف تطمني وافي مابه الا الخير الي صار انه سيارته خربت ووقف طلع مع راعي سطحه وانحرفت بهم عن الطريق بشكل بسيط يعني ماهو بقوه وصار حادث بسيط ما قلنا لك لأننا ما كنا نبي نفجعك ونخرب اجازتك
الهنوف :طيب واذا صار له شي وانا بذي الاجازه استمتع على قولكم وما شفته ما بسامحكم كلكم
ابو سطام ابتسم :على حظك طلع الدكتور اسمعيه وش يقول الحين
الهنوف سكتت وتسمع كلام الدكتور الي كان يقول :العمليه بحمد الله نجحت بدون اي مضاعفات خلالها واكتشفنا عنده كسر بالضلع الخامس وقدمه اليسرى بالنسبه للدماغ ولله الحمد والمنه ما تعرض لأي ضرر وهذي معجزه نشكر الله عليها
ام وافي :الحمدلله يمدينا نشوفه ؟
الدكتور :بعد اربعه وعشرين ساعه اذا صحي تقدروا تدخلون عليه كلكم حاليًا بس شخص واحد ويكون معقم
ابو سطام :هاه سمعتي ؟
الهنوف تمسح دموعها :اي اي سمعت
التفتت لغازي :وافي بخير ما جاه شي طلع من العمليه
ابو سطام بكل الاوقات يمزح :انتي يبي لك دوره بالصبر بس ارجعي من باريس واوريك
الهنوف ضحكت رغم دموعها التي لا تزال تخرج دون ارادتها :إن شاء الله
غازي :عادك تبين ترجعين ؟
الهنوف :حجزت ؟
غازي :اي بعد ساعه
الهنوف :ما بتزعل اذا رجعنا ؟
غازي :اهم شي راحتك قبل شوي يوم توترتي ما توقعت اني بهديك الا بمنوم
الهنوف :احس اني فقدت ذاكرتي لوهله
غازي بسخريه :واسترجعتيها مع مصطلحات جديده
الهنوف تبتسم بغيض :ما تخلي لحظه ما تطقطق فيها
غازي :يلا بس لمي اغراضك
الهنوف :ما لميتها ؟
غازي :لميتي قطره من البحر وجلستي تصيحين
الهنوف :بتذلني على ذا الصياح لو اخوك نسيت اسمه يصير له شي متأكده بتسوي نفس الشي
غازي :اي واحد من اخواني قصدك عندي يوسف وغسّان وريان
الهنوف :غسّان
غازي :ليش هو بالتحديد
الهنوف :مدري احسك قريب منه
غازي :عشان نفس الحرف ؟
الهنوف :اي
غازي :غلط يوسف
الهنوف :عشانه دكتور زيك ؟
غازي :فرق بيني وبين تخصصه هو طبيب نفسي وانا تقويم
الهنوف :المهم كلكم دكاتره
غازي :بشرح لك الفرق بالطريق
الهنوف :الفرق واضح ترا النفسيه يهتم بالناس المجانين والتقويم الاسنان وبعدين بسأل شي يعني لا تتحسس بس سؤال
غازي :تفضلي
الهنوف :ليش اخوانك ماشاء الله ماشاء الله كثار ؟
غازي :ابوي كان متزوج امي ووحده ثانيه وزوجته الثانيه توفت وعيالها صغار وربتهم امي
الهنوف :ماشاء الله عليها صبرت ولا زعلت وقالت ذولا عيال ضرتي
غازي :لا الله يحفظها بس خلينا نرجع الشرقيه بتتعرفين عليها وتحبينها
...
ابو وافي :الله يهداك ليش ترجع ؟
ابو سيّاف :الولد طلع معانا بنرجع معاه الحين قام ؟
ابو وافي :لا بيقوم بعد ٢٤ ساعه
ابو سيّاف :وسيارته كيف حالتها ؟
ابو وافي يضرب بكفوفه :معد هي سياره
ابو سطام متكي على الجدار :انحرقت
ابو سيّاف :ما جاه شي منها صح ؟
ابو سطام :لا الحمدلله سلم
ابو سيّاف :شفت العالم والشرطه متجمعين على السياره واحنا راجعين ما قدرت اشوف شي بس عرفت انه هو مكان الحادث سألت واحد وقال ...
ابو سطام قاطعه:الهندي الي معاه توفى الله يرحمه
ابو سيّاف :برضوا يقولون السياره فيها مخدرات
ابو وافي بلع ريقه :وش فيها ؟
ابو سطام :مو السياره السطحه راعي السطحه كان مهرب واخذ وافي معاه عشان ما يثير الشكوك
ابو وافي ابتسم :سبحان الله صدق كل شي فيه خيره
ابو سطام :مين قال لك ذي المعلومه ؟
ابو سيّاف واحد من المواطنين يعني المواطنين الي يلبسون ثياب ويرسمون بكل مكان
ابو سطام :الزملاء المتخفين قصدك
ابو سيّاف :بالضبط
ابو سطام:احنا جربنا كل انواع الشاهي وش رايكم نجرب شاهي المستشفى
ابو وافي :يا شيخ شاهي المستشفى مويا بالغلايه ويحطون اللبتون مافيه زي الشاهي الي يطبخ ببراد
ابو خالد :واهلك كيف سويت فيهم؟
ابو سيّاف :رجعتهم بيت متعب
الممرض:السلام عليكم
:وعليكم السلام
الدكتور :المريض قام ويسأل عن عمه جابر اي واحد فيكم هو
ابو سطام :انا
ابو وافي :ليش يسأل عنك ؟
ابو سطام :دق علي قبل الحادث لأنه عرف انه السطحه فيها مخدرات
ابو وافي :والسياره على اي اساس انحرفت ؟
ابو سطام :متعب بعلمك بعدين بالتفاصيل الفتره ذي التحقيق بيكون سري
ابو سطام دخل بعد ما ارتدى اللبس الطبي المعقم :شكله نايم
وافي كان مغمض العينين :لا ما ني نايم بس استرخي
ابو سطام سحب الكرسي وجلس بجانبه :كيفك ؟
وافي : تبي الصراحه مو بخير
ابو سطام :كيف صار الحادث ؟
وافي بصعوبه:يوم دقيت عليك فيصل...سمع الجوال واخذه من يدي استغليت الفرصه وخليته يفقد سيطرته على السياره وبعدها كل شي صار ظلام
ابو سطام :لا من قبل كيف خدعك فيصل
وافي :فيصل حي ؟
ابو سطام ببروده :مات
وافي :الحمدلله
اخذ نفس عميق وبعده سعل :امس يوم قلت لك لمحت فيصل وقلت لي هلوسات ...كان صدق هو الحمار خرب سيارتي عشان توقف بي وياخذني معاه السجن اليوم الثاني طلعت الخط ووقفت وحتى دقيت ...
اصبح يسعل بقوه
ابو سطام :خلاص بعدين كمل الحين لا تتعب نفسك فيصل انتهى حسابه بالدنيا وبدا بالاخره
وافي ودمعه نزلت على خده :ليش ما مت ؟
ابو سطام :الله لا يقولها يا وافي وش تبي بالموت
وافي :وش ابي بالحياه
ابو سطام :وش تبي بالحياه ؟ الناس برا ينتظرونك تبي دعوات امك وخوف ابوك تبي حب خواتك واخوك فيصل ما شفت حالته كيف وعادك تقول وش ابي بالحياه والهنوف الهنوف وقف الحين بدق عليها وشوفها كيف خايفه عليك
الهنوف :ايوه عمي ؟ صار شي
ابو سطام فتح الكام وابتسم :شوفي من يبي يكلمك
الهنوف :وافي ؟ كيفك
وافي ابتسم بتعب :بخير
الهنوف :خفت عليك تروح وانا باقي ما زوجتك
وافي التفت يمين وهو مبتسم :لحول بكل الاحوال ذا طموحك ؟
ابو سطام ضحك
وافي :لو زوجتيني كان الحين وراي زوجه وعيال لو اموت من يرعاهم
الهنوف :عيب عليك ولله عيب عليك لو اعد عيال عمك الحين وانا بباريس ما بخلص الا اذا وصلت السعوديه
وافي :كلهم اربعه مع اعمامي وابوي يصيرون ثمانيه
الهنوف :وتهقى انهم بيقصرون ؟
وافي :خلاص تتكلمين عن شي عاده ما صار
الهنوف :الحين نشوف مين الي خافت عليك اكثر شي ونزوجك اياها
وافي بحده رغم تعبه :الهنوف خلاص
ابو سطام يضحك :خلاص لا تضغطين عليه
الممرض يشير لأبو سطام بأنتهاء الوقت
ابو سطام :يلا مع السلامه الهنوف لازم اطلع انا
الهنوف :مع السلامه وترا انا جايه قريب
ابو سطام :ليش؟
الهنوف :ابي اشوف وافي
ابو سطام طالع بوافي :شف اختك تحبك بتترك باريس وتجي عشانك
ابو سطام مسك على رجل وافي ويمازحه :تعافى بسرعه عشان تزوجك اختك
وافي ابتسم :استغفر الله بس
ابو سطام وهو طالع التفت :شفت كيف يحبونك حبك للموت شيله من بالك ما بتموت لين ربي يكتب
...
ام خالد دخلت :وينها العنود ؟
ملاك :بغرفتها اخذت ادويتها وبتنام
ام خالد طلعت لغرفه ام وافي
ريم وديم وريوف كانوا وراها ووقفوا عند ملاك
ريم :رجعتم ؟
ملاك لا زالت تحك رقبتها :اي
ريوف :شفيها رقبتك حمراء
ملاك بتوتر :هاه ...جتني حساسيه من الحر والطرحه
ديم :كأنها حرق رقبتك كلها حمراء
ملاك :اذا تروشت بتروح ...تعالوا ادخلوا
ريوف :كيف صار الحادث شفتوه ؟
ملاك :لا بس انه قبل ما يصير اتصل على سيّاف وقال يبي رقم سطحه تشيل سيارته خربانه وبعدين قال خلاص جته سطحه وبعدها ...مدري وش صار بس انه سيّاف اتصل وردوا عليه الاسعاف واحنا راجعين شفنا السياره تدخن وحولها ناس كثير
ريم التي تعتبر نفسها اخته الكبيره رغم انها تكبره بسنه :ياروحي هو
ديم :الله يكون بعونه ...انا بروح اشوف خالتي
ريوف تحاول تلطف الجو :منو ياينا هالحزه
ديم :الجازيه واختها قالوا بيجون
ريوف فتحت لهم قبل ما تتكلم ام سطام قالت :خالتي ام وافي فوق بغرفتها
ام سطام طلعت عندها
وجدان :ملاك ؟ مين خانقك
ملاك :الله بنات لذي الدرجه رقبتي حمرت
الجازيه :مرره حمراء وش السبب
ملاك :جتني حساسيه من الطرحه والحر
وجدان :عندي كريم حق الطفح الجلدي بينفع برسل لسطام يجيبه
ملاك :لا عادي الحين اتروش بمويا بارد ويروح
ريوف :اووهه
ديم :شفيك؟
ريوف :الهنوف بترجع شوفي سنابتها بالطياره وحاطه علم السعوديه
وجدان :اي نسيت اقولكم شفتها وكتبت العين في سود الليالي تناجيك
لو هي (بباريس) كانها اليوم بحماك ... ما فهمت وش تقصد
الجازيه :اهااا ذي القصيده حقت خلف هذال يا نجد والبيت الاصلي المفروض بلندن بس غيرته وخلته بباريس عشانها بباريس
ريم :خالد يسأل عن غاليه هي هنا ؟
ملاك :اي بغرفه الهنوف جالسه
الجازيه :ليش تتعب نفسها
ديم :الله يستر من حملها لا يصير فيه شي يقولون الصدمات العاطفيه تأثر على الجنين والمشيمه
ملاك مستمره تحك رقبها :الله يستر
وجدان :ادخلي تروشي مو طبيعي ذي الحاله
ملاك :بروح الحين
تحت الماء اخذها التفكير ،لم تفعل هذه الحركه منذ توفي ماجد لمَ اخاف عليه ليس الامر شخصيًا لو كان شخصًا غيره كنت سأخاف لو كان سطام مثلًا او حتى خالد بالتأكيد طبيعي ليس هو شخصيًا ،لكن كم هي مرعبه فكره سوء الخاتمه كان سيهرب المخدرات وكأنه لم يتوب من قبل وحصل له هذا الحادث لو توفي وقتها ...لا استطيع التفكير اكثر
اغلقت الدش لترتدي ملابسها وتخرج شعرها مبلل لكن ليس كثيرًا ولقد اختفى الاحمرار من رقبتها لكنها تحس بصداع خفيف
...
ابو وافي :ليه الحراس ماله داعي ؟
ابو سطام :يابو وافي تعرف اعدائي كثير ما بيخلون لحظه ما بيستغلونه ويأذون اي احد يقرب لي او يعرفني
ابو وافي :إنا لله طيب متى يطلعونه ؟
ابو سطام :يومين ويطلع وبيجلس بالبيت ما يطلع
ابو وافي :كانك تقول ان الحادث مدبر
ابو سطام :محد يدري كل شي متوقع خصوصًا سالفه الممنوعات
ابو وافي :لحوول مو فاهم شي
ابو سطام :وانا بعد مو فاهم شي بس بنفهم قريب
ابو وافي :طيب ليش وافي بالخصوص يعني سطام ولدك واقرب لك من وافي
ابو سطام :الله اعلم يمكن انهم اغبياء ويحسبون وافي ولدي
ابو وافي ضحك:الله المستعان...إن كان بترجع البيت جيب لي ملابس
ابو سطام :بتجلس هنا ؟ تتعب نفسك ارجع البيت ومن باكر تعال
ابو وافي :لا بجلس معاه يمكن يحتاجني
ابو سطام :بأمان الله وانتبه لأي شخص يمر من قدام الغرفه حتى الممرضين بس اثنين الي واثقين فيهم فهاد وصالح واتوقع شفتهم
ابو وافي :دام تعطيني كل ذي النصايح وشوله الحراس ؟
ابو سطام :احتياطات ياخي محد يدري وش بيصير
ابو وافي :حسبي الله عليهم ونعم الوكيل وش مسلطهم علينا
ابو سطام طبطب على كتفه ومشى وهو قام عند النافذه المطله على غرفه وافي الغارق بالنوم :وش مسوي يا وافي وش موصلك لذي الحاله
...
في صباح اليوم الثاني
الهنوف :السلام عليكم
ام وافي :وعليكم السلام جيتي ؟
الهنوف :الي تشوفينه قدامك ...رحت عند وافي قبل ما اجي عندكم
ام وافي :ايوه ؟
الهنوف :الدكتور كان بيطلع بعد يومين بس قال اليوم خلاص
ام وافي :الحمدلله
الهنوف تطالع بجوالها :غازي برا يبي يسلم عليك
ام وافي :كان دخلتيه المجلس
الهنوف :خويه بالرياض عزمه اليوم وبيروح له ...وين غاليه ؟
ام وافي :بغرفتك
طلعت الهنوف دقت الباب
غاليه :ادخلي
الهنوف :كيفك ؟
غاليه جلست بصعوبه
الهنوف :ارتاحي
غاليه :كيفك انتي ؟
الهنوف :بخير ...خفت عليكم وش صار لكم بعدي انتي تعبتي ووافي حادث الله يستر
غاليه :يختي وش عليك فينا خليك مع زوجك احنا بخير مغير اعراض حمل طبيعيه وحادث وافي بسيط
الهنوف :مره بسيط شفته اليوم قبل ما اجي
غاليه :دخلتي عنده ؟
الهنوف :لا فيه حراس ما يدخلون احد
غاليه :غريبه ؟
الهنوف :لقيت ابوي وسألته قال انه عمي جابر حطهم خايف عليه من اعداءه
غاليه حاطه يدها على بطنها :تتحرك
الهنوف مسكت معاها :بنت ؟
غاليه مبتسمه:نسيت ما اقول لكم كنت ابيها مفاجأه بس الدكتوره خربت علي
الهنوف :وش بتسمونها ؟
غاليه :ما فكرت بس خالد يقول دانه
الهنوف :حلو دانه
غاليه :عقبالك
الهنوف :اي هذي الي تقول بعد سنتين
غاليه :اي عقبالك بعد سنتين اقتنع هو ؟
الهنوف :مقتنع بالفكره من قبل وكان بيكلمني فيها
غاليه تعدل جلستها:كويس
الهنوف :تبغين مخده زياده ؟
غاليه :اي
الهنوف :بجيب لك
طلعت الهنوف ودخلت غرفه الضيوف على اساس انها فاضيه وبتاخذ منها مخده :مين انتي ؟
ملاك :انا ملاك
الهنوف :اوه ملاكي صدق انتي ملاك ما سافرتي عشان وافي ورجعتي عشانه
ملاك :امم تحسبيني انا الي اروح واجي بكيفي ابوي هو الي قرر اننا بنجي وبنجلس لين وافي يطيب ويرجع الديره معانا
الهنوف :بنفس السياره ؟
ملاك :سيارته معدومه
الهنوف تصفق :كل شي فيه خيره صار حادث عشان يجتمعون المحبين بنفس السياره لمده ست ساعات ...
الهنوف تاخذ نفس عميق :ويتنفسون نفس الهوا تشمين عطره ويشم عطرك
ملاك جلست :ماشاء الله على اي اساس قررتي ؟
الهنوف ترسم قلب بالهوا :على القلوب الي اشوفها حولكم اذا جبت طاريكم عند بعض
ملاك رمتها بالمخده :لا تجيبين طاريه عندي ولا طاريي عنده
الهنوف :ذكرتيني بودي غاليه المخده
ملاك :ولا ترجعين لين تغيرين افكارك
الهنوف :برجع بس ما بغير افكاري
طلعت وهي ترسم قلب بالهوا
ملاك :استغفر الله العظيم واتوب اليه
ريوف دخلت :صباح الخير والحب
ملاك :توني طردت رفيقتك روحي لها
ريوف :مين ؟
ملاك :الهنوف
ريوف :الهنوف جت ولا تعلميني؟
ملاك :كنت نايمه
ريوف :بتكملين نوم ؟
ملاك :لا طفي المكيف
ريوف :وش ذي الكتب
ملاك :عمي عطاني
ريوف طفت المكيف وطلعت وملاك قامت وهي طالعه فتحت الكتاب الاول وكان كتاب الف ليله وليله مكتوب بالصفحه الاولى بخط طفولي عشوائي :
١٤٢٥/١٢/٢٣هـ . وافي ٩ سنوات اذا صرت بعمر ١٥ بقرأ الكتاب
ملاك ابتسمت وفتحت الصفحه الاخيره وكان كاتب فيها
١٤٣٢/٩/١٣هـ .وافي عمر ١٦ قرأت الكتاب اسف تأخرت سنه.
ملاك تنهدت :يمكن لو عرفتك بذا العمر وذي البراءه كنت حبيتك بس الحين...
ريوف دخلت بحزن:ملاك
ملاك :وشبك ؟
ريوف :بدر ثاني مره يسحب علي محد فاضي لي
ملاك :تبغين اوديك انا ؟
ريوف :اي اسرقي سياره ابوك ووديني
ملاك :بستأذن منه
ريوف :طيب بس انتي وديني وناخذ هنوف معانا ونمر وجدان والجازيه ونشتري قهوه
ملاك :صارت طلعه ماهي اوديك وبس
ريوف :طيب خلاص بس انا وانتي والهنوف
ملاك :على اساس تغير شي
ريوف :عشان الهنوف تبي تتعلم سواقه علميها انتي وبعدين اذا بترجعين ما تعرفين طريق البيت هي تدلك
ملاك :ناخذها معانا اي بس اعلمها لا
ريوف :طيب
طلعت ريوف وملاك دقت على ابوها :الو يبه
ابو سيّاف :هلا فيك امري؟
ملاك :ريوف اخوها سحب عليها عندنا بوديها بيتها بسيارتك اذا تسمح
ابو سيّاف :تعالي المجلس وخذي المفتاح
ملاك :ان شاء الله
دخلت الحمام الخاص بغرفه الضيوف ولبست عبايتها وطلعت
ريوف :نروح ؟
ملاك :باخذ المفتاح واجي
ريوف :بجي معاك
ملاك :والهنوف
ريوف :تعبت من السفر وبترتاح
ملاك : اجل امشي
راحت للباب الفاصل بين المجلس والصاله ودقت الباب :يبه
ابو سيّاف :ادخلي محد
ملاك :السلام عليكم
ريوف حبت راس ابو سيّاف
ابو سيّاف يمازحها :شكل اهلك ما يبونك يجي اخوك ويرميك ويهرب
ريوف :ولله يا عم شكلهم ما يبوني منجد
ابو سيّاف :ناخذك معانا للديره تصيرين اخت لملاك
ريوف :ودي بس دارستي بتبدا بعد اسبوع
ابو سيّاف :الله يوفقك
ريوف :امين
ملاك :يلا نطلع
ريوف :يلا
بالسياره
ريوف :متأكده بتدلين البيت ؟
ملاك :اي حفظت الموقع بقوقل ماب
ريوف :كويس فيه كوفي على الشارع الي قبل البيت نمر له
ملاك :طيب
ريوف :معاك فلوس؟
ملاك :اي وانتي ؟
ريوف :اي معاي تعلمت من غلطي
ملاك وعيونها على الطريق :وشو غلطك
ريوف :امس يوم جيتكم برضوا بدر سحب علي ورجعوني خالتي ام وافي ونايف ونايف اشترى لي قهوه على حسابه وانا تفشلت
ملاك تضحك وتقلد كلام ريوف المعتاد :عادي يا حياتي يصرف عليك من الحين بالمستقبل بيصير زوجك وفلوسه حلال عليك
ريوف :صح بس بيقول ذي بجيحه وطماعه بالفلوس
ملاك :صدقتي ؟
ريوف :ملاك ترا يزعل
ملاك :ايه بكل دقيقه انتي والهنوف تقولون زي كذا تبوني مع وافي غصب
ريوف :الهنوف تبيك معاه ؟
ملاك :ايه ماشاء الله عليها كاتبه مستقبلي ومقرره عني
ريوف :ادعم قرارات الهنوف متأكده انكم مناسبين لبعض
ملاك :ريوف غيري ذا الموضوع ولا دخلت بك بذا العمود
ريوف :الله رومنسي تقولين ان كان هو يتوجع بتوجع معاه
ملاك :ريووف
ريوف :طيب خلاص عندك حساب تويتر ؟
ملاك :اي وش تبين فيه
ريوف :لا بتابعك ابي اشوف محتواك
ملاك :اكتبي ملاك ياسر بالانجليزي بيطلع لك
ريوف :ذا ؟
ملاك :اي
ريوف :ياخي وش ذااا حتى حساباتكم تتشابه ولله تصلحون لبعض
ملاك :وش ؟
ريوف :شوفي ذا حساب وافي تويتر
ملاك طالعت شوي وبلعت ريقها :ما يهمني حسابه
ريوف :بيهمك بيهمك تشوفين مين يتابع من البنات يمكن عنده حبيبه محد يدري فيها حسابه (لنفترض انها قالت يوزر الحساب)
ملاك :اييه خلاص ريوف يسوي الي يبيه إن كان معاه حبيبه قولي له يصير رجال وياخذها بالحلال والله يوفقه
ريوف :خلاص يا ملاكي لا تزعلين بس ادخلي لفه الكوفي ذا وبشتري لك احلى قهوه على حسابي
ملاك :طيب لا توتريني الحين بدخل
ريوف :ابي v60
ملاك :حبيبتي كم عمرك ؟
ريوف :١٩ وبدخل ٢٠ قريب
ملاك :باقي نونو يا ماما ما يصلح لك يجيب خفقان
ريوف :شدعوه ملاك عشاني مواليد الالفين انتي مواليد ١٩٩٨ الفرق اربع سنوات وبعدين شفت تاريخك بتويتر نفس تاريخ وافي ٢٨ اكتوبر
ملاك بلعت ريقها :مو متأكده منه حطيته كذا كتوقع ...قلتي تبغين v60
ريوف :اي الحساب علي
ملاك :طيب ...كم الحساب؟ بحاسب ابل بي
ريوف :ملاااك
ملاك :فات الاوان
بعد ما نزلتها
ريوف :متأكده تعرفين الطريق
ملاك :اي عارفه
رجعت ملاك للبيت ويوم وقفت السياره ونزلت شافت سياره ابو وافي وقفت وراها طالعت شوي ونزل ابو وافي :السلام عليكم
ملاك :وعليكم السلام
شافته فتح الشنطه
ملاك :اساعدك عمي ؟
ابو وافي :مشكوره
ملاك :بساعدك تعبت بالمستشفى اليوم توك ترجع البيت
ابو وافي :اجل نزلي الكرسي المتحرك وافتحيه شرح لي الممرض ما عرفت كيف
ملاك :كرسي متحرك ؟ ...طلع وافي
ابو وافي :اي
نزلت الكرسي :ينفتح من تحت
ابو وافي :يعطيك العافيه
ملاك :الله يعافيك
ابو وافي :هاك المفتاح اذا دخلت قفلي السياره وجيبيه
ملاك :ابشر
ظلت تناظر بأبو وافي وهو يطلع وافي ناظر فيها وافي وحست نفسها بموقف بايخ :اا...الحمدلله على السلامه
وافي :الله يسلمك
ابو وافي :قفلي السياره
ملاك :ان شاء الله
قفلت السياره وعطته المفتاح :تفضل
ابو وافي :الله يجزاك خير
ملاك بعد ما دخلت رجعت :صح مفتاح ابوي عطه
ابو وافي :طلعتي تسوقين
ملاك وهي تسوي بيدها حركات غريبه:اي ابوي علمني ...والحين رحت وديت ريوف بيتها ومريت اخذت قهوه
ابووافي :زين ما شاء الله تنفعين نفسك ان شاء الله اذا تعافى وافي ابيك تطلعين فيني اوريك شركتي وشغلي ونمر نشرب شاهي ولا انتي ما تحبينه ؟
ملاك ضحكت :احبه بس مو زي القهوه
ابو وافي :اوه الشاهي محد يحبه مثل وافي الحين تلقينه ياخذ علاجاته مع شاهي بدال المويا
وافي ابتسم :لا تبالغ
ملاك ناظرت فيه وابتسمت
وافي :علمي امي أني جيت
ملاك :ط...ط ط طيب يعني ابشر
ابو وافي يضحك لأنه لاحظ تلعثمها رغم طلاقه لسانها من قبل:الله يصلحك
ملاك دخلت :السلام عليكم
ام سيّاف :وين كنتي ؟
ملاك :وديت ريوف بيتها
ام سيّاف :اخخ بتجننيني انتي كذا لا حس ولا خبر وإن كان صار لك زي وافي الله لا يقولها
ملاك تتجاهل خوف امها الي تعودت عليه :على طاري وافي توه جا من المستشفى مع عمي ويبي امه
ام وافي :جا ؟ الحمدلله يارب
طلعت ام وافي وخلت الباب مفتوح
ام سيّاف :قفلي الباب لا يشوفني عمك
ملاك قربت من الباب بتقفله وشافت وافي يبوس راس امه رغم جلوسه على الكرسي المتحرك كلمت نفسها بصوت خافت :من يصدق ان هذا القلب الي يحب امه بأخلاص هو نفسه الي بدون مشاعر ويهرب ممنوعات
تنهدت ودخلت
ام سيّاف مستمره بالهواش :ثاني مره اذا بتطلعين علميني
ملاك باست راسها :ذي المره علمت ابوي بس المره الجايه بعلمك بعد ولا يهمك
ام سيّاف :افتحي الباب لخالتك
ملاك رجعت :لو خليتيه مفتوح قفلنا على صاحبه البيت برا
ام سيّاف :قلت انها بتطول
ام وافي دخلت ومعاها وافي على الكرسي :يمه تكفين شيلي الفكره من راسك
ام وافي :معليش يا ملاك تحملي ذا الاسبوع وافي بيكون عندي تحت انتي اطلعي فوق ونامي بغرفه الهنوف بس لازم اهتم بولدي واشوفه قدام عيوني
ملاك مبتسمه :من حقك يا خاله
كملت وهي قاصده تخلي ام وافي تشرح حبها له لعله يحس بالذنب :ولدك وتحبينه
ام وافي :احبه احبه ودي اني ادخله بضلوعي واحميه من العالم
ام سيّاف :الحمدلله على السلامه
وافي منحرج من وضعه :الله يسلمك
ام سيّاف :روحي لمي اغراضك من الغرفه ورتبيها زي ما جيتي فيها واحسن وافي يبيه له عنايه خاصه تعبان
وافي يحاول يقوم من الكرسي :كأنكم تبالغون
ام وافي :ولد اقعد وش بتسوي بعمرك
وافي :بمشي
ام وافي :اذكرك رجلك مكسوره المشي ممنوع
وافي :يمه الدكتور قال عادي بس الدعامات مع ابوي بيجيها
ام وافي :ممنوع لين يجيب ابوك الدعامات
ابو وافي دق الباب
ام وافي :ايوه
ابو وافي :هاك الدعامات
وافي :هاتيها
تعنز عليها ومشى لغرفه الضيوف دق الباب
ملاك ترتب وهي لابسه العبايه :طيب الحين بطلع
فتحت الباب وطلعت وهي شايله الكتب الي كانت تحجب نظرها عن وافي قفلت الباب ونزلت الكتب شوي تشوف :اوه معليش بفتحه الحين
حاولت تفتحه بيد وحده كان معلق
ملاك حطت الكتب بالارض بتوتر :مدري شفيه الباب ...بالغصب يفتح شكله بيخرب
وافي حط الدعامات على الجدار
ملاك :لالا خلاص خلاص انا فتحته بس اصبر
انفتح الباب بقوه خلتها تطيح على الكتب
وافي ماسك الضحكه :جاك شي؟
ملاك ماسكه ظهرها :لا لا بقوم الحين
وافي :صدقيني ودي اساعدك بس مثل ما تشوفين
ملاك تلم الكتب :لا عادي
ام سيّاف جت وشافت ملاك تلم الكتب بالارض ووافي واقف يطالع فيها قالت بحده:ملاك
ملاك بتوتر :هلا يمه
وافي شتت بصره بالغرفه
ام سيّاف :تعالي
ملاك شالت الكتب وبلعت ريقها :طيب
ام سيّاف ظلت تطالع بوافي بشكل غريب
دخل وافي الغرفه متجاهلًا لنظراتها التي يعرف معناها ،أعرف أن والدتها تخاف من اقترابي منها لمكوثنا في نفس المنزل يا الله كن معي فالايام القادمه شديدة مليئه بشكوك الامهات ،وأحلام امي التي ستكررها كل يوم كأسطوانه موسيقى متعطله .
دخل الغرفه وكان عكس توقعاته لم تنشر عبقها في الغرفه،
جلس على السرير وأخذ نفسًا أخر ليتأكد ،رائع رائحتها ليست هنا
ام وافي :بسوي لك شوربه اذا بتنام لين تجهز
وافي :ما فيني نوم بس بحط راسي
وضع رأسه على الوساده ،وجد عطرها يفوح وبقوه أظن أن الوساده قد وقعت بغرامها وأحتضنت عطرها بداخلها ،لا يهم سأغمض عيني وأتجاهله
أغمض لدقائق ثم فتح عينيه :ملاك ؟
ملاك جالسه على طرف السرير
وافي :وش تسوين هنا ؟
ملاك مسكت يده :اششش
وافي جلس :ليش جيتي ؟
ملاك :تعبان ؟
وافي :ملاك حرام
ملاك :الحب ؟
وافي :الحب ؟
ملاك تمسك وجهه:الحب مو حرام
اغمض عينيه وفتحها وكأن وجهه بالوساده جلس يتفقد الغرفه وهو يتصبب عرقًا :حلم
اخذ الدعامات وخرج للخارج
ام سيّاف :وين رايحه ؟
ملاك :بروح مع عمي جابر
ام سيّاف :طيب بس لا تتأخرين العشا بعد شوي
ام وافي طلعت من المطبخ :وافي ؟
ملاك التفتت له
وافي ناظر بوجهها شوي وغمض عيونه ولف وجهه للجهه الثانيه:افف
ام وافي قربت تمسك راسه:شكلك محموم ...شتحس ؟
وافي :دوار ...الساعه كم ؟
ام وافي :الساعه ٩
وافي :نمت العصر انا وكنتي شوي وتصحيني
ام وافي تتحسس حرارته برقبته ووجهه:ما طاوعني قلبي اصحيك ...حرارتك مرتفعه تبي تتروش ؟
وافي :مالي خلق
ام وافي :بساعدك انا
سحبته وجلسته على الكنب :اجلس شوي لين اجهز الحمام
في الجهه الثانيه
ملاك :حسيت من اول انه مو معقوله بعد كل ذي المده بيهرب
ابو سطام :لا هو مثل كل مره ضحيه كانوا مخططين عليه من اول ...اذا ناموا اخر الليل ادخلي غرفه عمك متعب وجيبي تسجيلات الكميرا حقت اخر اسبوع
ملاك :بيلاحظون اختفاءها حقت اسبوع كامل ماهي بسيطه
ابو سطام طلع فلاش ميموري :انسخيها بذا الفلاش
ملاك :ابشر
ابو سطام :كيفه وافي يقولون امه تبيه عندها
ملاك :افضل له امه قريبه منه قبل شوي طلع معرق وشكله دايخ
ابو سطام :تحسين ان وجوده يضايقك ؟
ملاك :لا عادي انا جالسه بالدور الثاني واذا بغيت شي انزل بعبايتي
ابو سطام يضحك :تحملي عاد ذي الاسبوعين تلبسين عبايه بالبيت ولا فيه حل ثاني
ملاك :ايش؟
ابو سطام :تتزوجينه
ملاك انحرجت :ما اشجع زواج الاقارب
ابو سطام يحضنها :معليك وافي يعتبرك زي اخته الصغيره وانتي تعتبرينه زي اخوك الكبير
ملاك جوالها دق :شكل العشا جا انا برجع
ابو سطام :ولله طلعت الطلعه معاك احسن من وافي
ملاك ابتسمت :ليش؟
ابو سطام :وافي يحب يجلس بالسياره ويتكلم انتي تحبين تمشين شوفي لين وين مشينا
ملاك التفتت وراها :عدينا الحديقه واحنا قلنا بنمشي لين عندها بس
ابو سطام يلتفت بالشارع :مافيه احد... تسابقيني ؟
ملاك :اسابقك ليش لا
ابو سطام :ما تعرفين انه ما يصلح تسبقين عسكري بكامل لياقته ؟
ملاك تمازحه :وانت ما تعرف انه ما يصلح تسابق بنت الديره ؟
ابو سطام :يلا واحد اثنين ثلاثه
ملاك دخلت البيت تتنفس بسرعه
ام سيّاف :بسم الله شفيك ؟
ملاك تضحك :سابقت عمي
ام سيّاف تضحك :يالله حتى بالرياض لازم تركضين انتي ما يصلح لك الا الديره تعقلين فيها ...يلا الحين غسلي وتعالي بناكل
ملاك :هنا ؟
ام سيّاف :اي فيه شي ؟
ملاك :بس وافي
ام سيّاف :بغرفته بياكل
ملاك :احس اننا صرنا بجيحين
ام سيّاف :ولله ابوك راسه يابس يقول بنقعد لين يطيب وافي ويرجع معانا عشان شغله ...على الاقل لو نساعد بالبيت خالتك مسكينه مع وافي وبناتها وحده بالشرقيه ووحده حامل ببيتها
ام وافي جت :شكلي بعود اخذ لي شغاله معد باقي الا انا بذا البيت
ملاك :افاا يا خالتي نسيتيني بساعدك انا وبكره بسوي الغدا
ام وافي :انتي وامك ما بتقصرون بس بعدين اذا رجعتم محد بيعاوني بذا البيت الافضل اكلم ابو وافي يجيب ...يلا اقعدوا كلوا وانا بودي وافي اكله
ام سيّاف :بنتحراك لين تجين
ام وافي :الحين اجي
...
العنود :ماما ابي توست ونوتيلا
غاليه :تعرفين انتي تحضرينه ؟
العنود :ما اطول النوتيلا
غاليه :طيب ساعديني اقوم
العنود مسكت يد غاليه :النونو يخليك تعبانه ؟ خليه بس يولد واضربه عشانك
غاليه تضحك رغم الم بطنها :لا تضربينها اختك ذي
العنود :وش بنسميها ؟
غاليه :بابا يبغى دانه انتي ايش تبغين ؟
العنود :ساندي
غاليه :ساندي ؟
العنود :ايوه زي صديقه سبونجبوب اسمها ساندي
خالد دخل :لو سميناك سبونجبوب احسن تشبهين له
العنود :لا بابا
خالد :ما قلت لك ما تتعبين امك وش تبين الحين ؟
العنود :كنت ابي توست ونوتيلا انا اعرف اسوي بس ماما مخبيتها فوق
خالد مسك يد غاليه :خلاص ارجعي ارتاحي وانا بسوي لها
العنود رفعت يدها:يااايي نسوي رقصه المطبخ
خالد :لا رقصه المطبخ بس اذا نسوي باستا
العنود :خلاص نسوي باستا ورقصه المطبخ
خالد ضحك :لا كذا غلط تقررين على حسب مشاعرك تعلمي تقررين على حسب احتياجاتك
العنود تطالع فيه وكأنه نطق طلاسم
خالد يشرح لها بيدينه :عندك القلب
العنود :اي
خالد :العقل
العنود :اي
خالد :القلب والعقل اخوان دايمًا يتهاوشون مره يفوز القلب ومره العقل اذا فاز القلب ممكن تسوين اشياء غلط بس اذا فاز العقل دائمًا تسوين اشياء صح
العنود :اي بس ما فهمت
خالد :يعني الحين قلبك يبغى يرقص ويبغاك تسوين باستا عشان ترقصين بس عقلك يبي يسوي النوتيلا لأنك جوعانه ومشتهيتها
العنود :بس الباستا صحيه اكثر من النوتيلا
خالد :متأكده ؟
العنود :ايوه هذا كلام عقلي مو قلبي
خالد شالها:اكل عقلك انا
العنود صرخت :زومبي
خالد التفت وراه :اششش شوفي امك نايمه خلاص خليها ترتاح واحنا نسوي باستا اذا صحيت نسوي لها مائده الحفلات
العنود :بس مائده الحفلات بيوم الميلاد بس
خالد :وبرضوا للناس الي نحبهم اذا تعبوا
العنود :صح نسيت
خالد نزلها :يلا جيبي الجوال عشان نسوي حفله الباستا
غاليه وهي مغمضه عيونها :لا تحوسون المطبخ
خالد :معليك نامي بي بنسوي لك مائده الحفلات
غاليه ابتسمت :طيب
العنود :لااا بابا علمتها خلاص خربت
خالد :لا ما خربت الحين اخليها تنسى
العنود :كيف؟
خالد قرب من غاليه :بسوي لها تعويذه سحريه
العنود تناظر ابوها بأعجاب :واووو انت ساحر
خالد باس راس غاليه
العنود :ماما وش قلنا لك قبل شوي ؟
غاليه تمثل :قلتي بابا زومبي بس
العنود :وبعدها
غاليه :ما اذكر شي
العنود حضنت خالد :بابا انت كل شي حلو بالعالم
خالد ضحك :وانتي احلى شي صغير بالعالم
العنود :ترا كبرت سويت رياضه شوف معاي عضلات
خالد :ماشاء الله مين علمك ؟
العنود :اليوم الصباح خاله الهنوف جت وانا العب بالحوش وكان معاها صديقها المعضل نسيت اسمه ...اي غاز
خالد يمسك الضحكه :غاز ؟
العنود :لالا غازي
خالد :اي
العنود :ودخلت الهنوف وانا بالحوش وجلس يسولف معاي قلت له كيف انت كذا معضل وعلمني تمارين سويتها اليوم
خالد :ماشاء الله يلا الحين نروح نسوي حفله الباستا وبعدين تعلميني التمارين
العنود :يلا
...
غازي :ايه وش رايك ببيتنا
الهنوف :حلو بس ...
غازي :وش
الهنوف :بغير بالاثاث
غازي :ايه انتي تغيرين كل شي ما يعجبك
الهنوف تضحك :ياربي غازي لا تعلق على ذاك اليوم شمس العيد ضربت راسي ما عرفت وش اقول
غازي قرب منها ومسك يدها:لو نتخطى مرحله غازي وتصيرين تقولين حبيبي او حبي يصلح بعد حياتي واذا تبين تغيرين لغه قولي اشكم ولا بيب بس غازي خلاص لا تقولينها انسي ان اسمي غازي
الهنوف تبتسم :طيب بحاول
غازي :يلا انا عند الكتب ناديني
الهنوف :اوه حركات البزران طيب
غازي مسك كتاب لغازي القصيبي ويسوي نفسه يقرأ
الهنوف متردده :غازي
غازي يحرك الكتاب على اساس انه هو يتكلم :نعم يا بنتي
الهنوف :اففف ح...حبيبي
غازي :هلا يا حياتي
الهنوف :صعبهه
غازي :صح خمسه حروف جربي تقولين حبي اسهل ثلاث حروف
الهنوف :خلاص خله بعدين متى نروح عند امك ؟
غازي :نسوي شاهي اعشاب الحين ونروح بعد العشا
الهنوف :لازم شاهي اعشاب
غازي :حبيبتي انا واثنين من اخواني دكاتره طبعًا بنكون صححين شاهي الاعشاب بالدولاب بسويه الحين وانتي اذا بتتجهزين بس لا تصيرين حلوه بزياده
الهنوف :وش قصدك ؟
غازي :قصدي ما تصيرين حلوه بزياده وتجذبيني اقفل الباب ونجلس
الهنوف فهمت مقصده :حقير
غازي يضحك :خلاص روحي
الهنوف :أني بروح من غير ما تقول لي
...
سطام دخل :ايه يالمبتعثه وش تسوين
الجازيه :تعلم تستأذن اذا بتدخل غرفتي
سطام :طفشان ياخي يازين الديره عيال عمي كلهم متجمعين هنا كل واحد بشغله
الجازيه :يمكن لازم ترجع الديره مع وافي وتشتغل معاه
سطام :تصدقين ؟ ولله فكره انا ووافي وسيّاف لحالنا يازيننا
الجازيه :وانا بروح الخارج لحالي اخاف من شريكتي بالسكن
سطام انسدح على السرير:اتوقع بتطلع وحده دلوعه راعيه فلوس من كثر فلوسها تقول لأبوها دادي
الجازيه :ظريف
سطام :ويبكون اسمها شروق وكذا شايفه نفسها عليك بس بعدين بتحبك وبتصيرون صديقات
الجازيه :متابع مسلسل امس وسهران عليه
سطام :اي وخلصته واحس طفش
الجازيه تحاول تقومه :وش رايك تروح تزور المريض وتخفف عليه
سطام :خلصت الزياره مين يروح المستشفى اخر الليل
الجازيه :صباح الخير حبيبي وافي طلع من العصر
سطام قام :وليش محد يقول لي
الجازيه :يمكن لأنك مقفل على نفسك بالغرفه طول اليوم؟
سطام :بروح اشوف المحاميه وبعدين بروح لوافي
الجازيه :كنت عندها قبل شوي نامت بكره اول يوم دوام لها
سطام :الله صحيني من بدري ابي شوفها
الجازيه :اي بنصحيك انت بتوديها
سطام :ما ودكم تتعلمون السواقه ؟
الجازيه :انا عن نفسي ما ودي بس اختك الثانيه مدري عنها
سطام :اوهوو عدا انت لازم بتطلعين بالخارج تفهمين ايش يعني ؟
الجازيه :ايوه فاهمه بس ما احتاج سياره السكن فيه كل شي حولنا بروح مشي السياره مغير زياده تكاليف واذا بغيت شي برا بشوف وحده من البنات
سطام يصفق :برافو صدق برافو انتي بنت جابر بن وافي توققين بأي احد وتطلعين معاه السياره ؟ لو طلعت السياره مو مصرحه ولا فيها قنبله ولا شي تروحين فيها محد يقدر يطلعك من سجون امريكا
الجازيه :قلت وحده من البنات لأني ما ابي اقول اسمها مو يعني اختار وحده من البنات وحده صديقتي من هنا بتطلع معاي
سطام:وش فيه اسمها ما تقولينه ؟
الجازيه :بس لا تضحك
سطام :اسمها خياره ولا طاسه
الجازيه :هو اسم طبيعي بس انت مو طبيعي
سطام :وش
الجازيه :سلطانه
سطام ماسك الضحكه :ما يضحك
الجازيه :امم ؟
سطام انفجر ضحك :استغفر الله شكلهم كانوا يحسبونها ولد ويبونه سلطان ويوم جت زادوا الهاء وصار مؤنث
الجازيه :ممكن تطلع ؟
سطام يضحك :قول لي وين القاها سلطانه قلبي
الجازيه تصرخ :سطام
سطام طلع وهو يضحك :طيب خلاص
وجدان من غرفتها تصرخ :سطااام
سطام فتح عليها :نعم يا روح اخوها
وجدان :خلني انام مزعج
سطام يضحك :اسألك بالله اسم سلطانه ما يضحك ؟
وجدان :لا ما يضحك بس قفل الباب واسكت
سطام :حقك علينا يالمحاميه العروسه
وجدان :قفل الباب وبس
سطام :طيب...يمه
ام سطام :اسكت ابوك نايم واختك نايمه شفيك تضحك اخر الليل زي المجنون
سطام يمسح دموعه من الضحك :عطيني جوالك ما عندي رصيد
ام سطام :وش تبي فيه
سطام يضحك :شسمه بروح اشوف وافي طلع من المستشفى
ام سطام :خله بكره الصباح الحين اكيد نايم وانت روح انخمد
سطام :يا شين الرياض مخليتنا ديوك ننام من الساعه عشره
ام سطام :ومتى كنت تنام بالديره إن شاء الله ؟
سطام :الساعه وحده كذا ثلاثه بعض الاحيان
ام سطام :يلا بس قدامي غرفتك
سطام :طيب
...
ريوف :بنات احس جاني أكتئاب
ديم :ليش؟
ريوف :ليش نرجع الرياض الديره احسن
ريم :يمكن لأن بعض الناس عندهم جامعه وبكره اول يوم دوام ؟
ديم :الله توني استوعب بنداوم بنفس المرحله كلنا جامعيات
ريوف :نتي بجامعه وانا بجامعه
ديم :اي طبعًا ياروحي
ريوف :الحمدلله بعيش حياتي الجامعيه بنفسي
ديم :وزينب سافرت مع اهلها وجامعتها هنا
ريوف شهقت :نسيت منها صدق
ريم :غيداء تقول انها بالسكن
ريوف :اشوى
ديم :ليش يا حبي بتقعد على قلبك
ريوف :ولله انا بتقعد على قلبي مستفزههه يع
ديم :وش مسويه
ريوف :وش مو مسويه طريقه كلامها بكبرها تنرفز
ريم تتنهد :قلت لكم بتجي دلوعه بس ما صدقتوني
ريوف تضحك :بس ما انسى يوم دعست على فضله الكلب على قولها
ديم تضحك :يوم جلست تصارخ ايوووو بناااات يعععع يع يع
ريوف تضحك :انتي لو دخلتي تمثيل يا ختي
ابو خالد دخل :وش تسوون يا حلوات الساعه ١١ وبكره دوام
ريم :انا اقرا كتاب وذولي يسولفون
ابو خالد :يلا قفلي كتابك وناموا
ريوف:امي نامت ؟
ابو خالد :اي يلا باقي انتم بكره بتداومين اول يوم بالجامعه كبرتي
ريوف حضنت ابوها :احس خايفه
ابو خالد :ما تخوف شوفي الجازيه ماشاء الله عليها حبتها وبتطلع الخارج تكمل ماجستير
ريم :منجد ؟ ما علمتنا
ابو خالد :ابوها علمني اليوم
ديم :ماشاء الله الله يوفقها
ابو خالد :وانتي دكتورتنا بتكملين ؟
ديم بأنفعال :لالالا انا بس خلني اكمل ذي ويصير خير
ريم :حتى الجازيه كانت تقول كذا بس شوفها
ابو خالد :وانتي شفتي الوظايف الي طلعت ؟ قدمي عليها
ريم :قدمت
ابو خالد :يلا الله يوفقك إن شاء الله
قامت وطفى النور :يلا ناموا
...
ملاك :خلاص خليه خالتي انا بغسله
ام وافي :خلاص اجل انا بسوي شاهي
ملاك تمازحها :اي معاك باقه شاهي بتسوينها اكيد مين جابها لك
ام وافي وافي حبيبي جابها قبل مايمشي الله يعافيه أن شاء الله
ملاك تغير وجهها لأن الجواب مو متوقع:احسب عمي جابها لك يوم صالحك
ام وافي توريها خاتم ذهب:لا عمك جاب ذا
ملاك :ماشاء الله يجنن
ام وافي :انتي بس تزوجي ويجيب لك زوجك
ملاك مازحه ببعض من الجد :لو ما جبتوا طاري الزواج بكل سالفه باخذ على خاطري
ام وافي وهي تحضر الشاهي :ولله عاد الحلوين لازم يتحملون مو معقوله بكل ذا الجمال ولا انخطبتي
ام سيّاف دخلت معاها صحن وافي :الا انخطبت بس رفضته
ملاك :يممه
ام وافي التفتت بحماس :ومنهو سعيد الحظ ؟
ام سيّاف :راشد ولد موضي لو قبلته كان الحين هي وبنت عمها ببيت واحد
ملاك :يمه خطبني وانا بأول ثانوي كنت بزر وبدرس رفضته وابوي رفضه قبلي
ام وافي تبتسم :لو خطبك الحين وافقتي ؟
ملاك تغير الموضوع :وييي الشاهي طفّش على الفرن
ام وافي :نسيته
ملاك تنشف يدها :انا بروح انام
ام سيّاف :تعالي ما خلصنا السالفه
ملاك :ما اسمعكم نعسانه
ام وافي تضحك :انحرجت مسكينه
ام سيّاف :بيني وبينك ودي ان راشد يرجع يخطبها متأكده بيسعدها هو
ام وافي :يمكن نصيبها مع غيره خليها بس
في صباح اليوم الثاني استيقظ وكل عظمه به تؤلمه ،لابد انه من التكييف البارد جدًا جلس لينظر للساعه ودق الباب :طيب
اقترب ببطئ من الباب ورأى ورقه دخلت من تحت الباب :مين صاحب الافكار الطفوليه ذي
انزل يده والتقطها كانت مطويه طيه واحده جلس على الكرسي الذي بجانب الباب وفتحها وكان مكتوب بخط يد جميل بجانبه وجه مبتسم :لا تخرج من غرفتك اليوم انا بسوي الغدا (ملاك )
وافي ابتسم :طيب ما بنطلع بس عسى غداك يستحق
دق الباب
وافي:مين ؟
ام وافي :انا
وافي خبى الورقه بكفه :ادخلي
ام وافي :كيفك اليوم ؟
وافي :تمام بس التكييف بارد مره
ام وافي :بجيب الريموت وارفعه
وافي :لا خلاص طفيه
ام وافي :اخذت علاجاتك ؟
وافي :اخذها بعد الغدا
ام وافي :على طاري الغدا ملاك بتسويه إن عجبني طبخها ب...
وافي بحده :يمه
ام وافي :وش تبي ؟
وافي :جيبي لي كتاب من غرفه ابوي احس اني طفشان
ام وافي :ابشر بس لا تطلع من الغرفه اليوم خل ملاك تاخذ راحتها بالطبخ
وافي :ابشري
بعد شوي رجعت ام وافي :جبت لك ذي الثلاثه اختار
وافي مسكها :يمه كلها عن الزواج وكيف افهم الانثى وش ابي فيها
ام وافي :عشان تفهم الانثى وتتزوج
وافي :انا مو فاهم روحي تبغيني افهم الانثى معليش يمه بتعبك وانا ما احب بس يجيبيه لي
ام وافي :وش تبي طيب عطني كتاب بالاسم
وافي :الف ليله وليله
ام وافي :حق اطفال
وافي :قريته وعمري ١٦ ما كنت فاهم كثير ابي ارجع اقراه
ام وافي :طيب بجيبه
بعد شوي رجعت
وافي :هاه يمه شفيك تأخرتي ؟
ام وافي :كان عند ملاك وانا ادور له
وافي انحرج :كان خليتيه معاها
ام وافي :انت ما عرفت لك اقراه وانت ساكت بس
وافي ضحك :معليش يمه العلاج يأثر علي
ام وافي :اي اي بس خلك بالغرفه ولا تطلع واذا تبي شي قول لي
وافي طيب
بعد الظهر
ام وافي :اووه تسلم يدك يا احلى ملاك طلعتي موهوبه بالطبخ زي امك
ملاك تبتسم وهي تحط بالصحن:بعض منك يا روحي
ام وافي :تحطين لوافي ولا احط له؟
ملاك :اي هذا له...بس ما ادري يحب البهارات ولا لا
ام وافي :ما تدرين انه يعشق شي اسمه برياني معليك بيعجبه الحين بوديه وبيرجع الصحن فاضي
ملاك تمسح على رقبتها يوم انتبهت لنفسها :افف وش علي منه اذا عجبه بكيفه اذا ما عجبه بالطقاق
بعد الغدا
ام وافي تضحك :هاه ملاك الحين نفك حظر التجول عن وافي؟
ملاك :انا خلاص شغلي خلص وبرجع غرفتي بس الم السفره
ام وافي :خلاص خليها علي
ملاك :لالا مره ياخاله انا اذا بديت شي احب اكمله
ام سيّاف :اما ملاك ابد طبع ابوها
ام وافي :والجمال جمالك
ام سيّاف :جمالي بح معد باقي شي
ملاك :لا ولله عادك جميله للحين بس انتي ظالمه نفسك
ام سيّاف :مثل ما انتي ظلمتي نفسك بالاسود يوم عرس الهنوف
ملاك تضحك :يمه للحين بخاطرك
ام وافي :لو لبستي احمر كان كل الي بالقاعه خطبوك
ملاك تشيل الصحون :الزواج ما ابيه لو كلهم خطبوني برفضهم
دخلت المطبخ وحطت الصحون جتها رساله من عمها :اليوم موعدنا عصر تجيبين تسجيلات الكميرا
ملاك ارسلت :ما مداني اخذها امس سهروا يشربون شاهي بس اليوم باخذها
ابو سطام ارسلت ضحكه :بتحطين لهم منوم ؟
ملاك :لا الحقيقه امس كان يمديني اخذه بس انهم يفتحون مواضيع تحرجني من بعيد سوالفهم حلوه واذا جلست معاهم خلوها عن الزواج والخطوبه احس طفشت
ابو سطام :الحين فتحوه ذا الموضوع ؟
ملاك :يموتون لو لحظه ما يفتحونه
ابو سطام :تحمليهم ما عندهم الا انتي بالبيت
ملاك :عمي تكفى جيب بناتك اليوم بموت طفش بنخنق من سوالفهم
ابو سطام :اساسًا هم بيجون مع امهم العصر وبنات خالك سعود بعد بيجون ...اخبرك تحبين الوحده شفيك تغيرتي؟
ملاك :باقي احبها بس ببيتي ومكتبتي مو عند حرمتين ذي سوالفهم
ابو سطام ارسل ضحكه :معليك يا حياتي اسبوعين وترجعون
ملاك :مالي غير الصبر ،والتسجيلات بجيبها بكره لا تخاف
ابو سطام :ضروري
ملاك :ابشر
ام سيّاف :تكلمين مين ؟
ملاك :عمي ابو سطام يقول بيجيب اهله العصر يبون عندنا
ام سيّاف :حتى ام خالد تقول بيجون
ملاك :اي قالي بعد
ام سيّاف :اجل روحي تروشي الحين بيجون وريحتك كشنه
ملاك :اي بروح الحين
في الجهه الثانيه
ام وافي :هاه وش رايك بالاكل؟
وافي :يعني
ام وافي تضحك :يعني ومخلص الصحن
وافي يضحك:يمكن عشان التهديدات الي جتني ؟
ام وافي :لا صدق صدق عطني تقييم من عشره
وافي :تسعه
ام وافي :ليش تسعه ؟ ليش ؟ عشره
وافي :طيب خليني ابرر
ام وافي :برر يلا
وافي :الدجاج حطت لي الفخوذ وانا احب الصدور اكثر
ام وافي :تبرير غير منطقي
وافي :الا منطقي ما اقدر اقيم الطعم لأني كنت مشمئز من الدجاج
ام وافي :استغفر الله نعمه
وافي :الحمدلله والله يزيدنا من فضله انا اكلتها بس ما استمتعت فيها
ام وافي سمعت الاذان :يلا الحين قوم للصلاه واترك ذا الكتاب
وافي :ابشري
...
طلعت ريوف وواضح عليها توها تصحى
ريم :هاه كيف الجامعه اليوم ؟
ريوف :دس لايك
ام خالد:ليش؟
ريوف :ما حبيتها اجواءها خايسه مو زي المدرسه وفوق ذا ضعت بالمترو بس الحلو فيها الكوفيهات والمطاعم
ديم :بتعجبك بعدين
ام خالد :يلا الحين قوموا صلوا وبنروح بيت عمكم متعب
ريم :عسى ما شر ؟
ام خالد :وافي طلع امس وبنروح نشوفه
ريوف :مالي خلق
ام خالد :محد بيجلس بالبيت كلنا بنروح
ريوف :طيب عادي
ام خالد :لا مو عادي كلنا بنروح وبعدين انتي لك يومين متكيه عندهم ويوم قلنا بنروح قلتي مالي خلق
ريوف :طيب خلاص بجي
...
بعد العصر
ملاك :بغيت اموت من الطفش كلها يومين بدون ما تجون طفشت
ريوف :غريبه
ملاك :امي وخالتي سوالفهم كلها زواج وزواج
ريوف :ولله ما الومهم صراحه ...بعدين يقولون وافي هنا تصادفتم شي ؟
وجدان :ريووف خلاص اسكتي بقولكم عن الشغل اليوم كيف
ملاك :كيف صدق ؟
وجدان :مره حلو كلهم يشتغلون بجد لقيتهم تقريبًا مخلصين قضيه المياسه ومطلعين وش العقوبات الي ممكن تكون على اخوانها
ريم :صدق وش صار عليها ؟
وجدان :شفتها بالعرس هي كويسه بس خايفه على اخوها الصغير ودوه رعايه الاحداث لين تنتهي القضيه وتاخذه
ديم :ياحبيبي هو
الجازيه :احس اشتقت للهنوف كذا فيه شي ناقص
ريوف :ندق عليها فيديو وتسولف معانا ؟
غاليه :لا يمكن مشغوله
ريوف :غاليه تكفين امس سولفت معاها خاص تقول زوجها يداوم العصر فتره مسائيه يعني تقعد طفشانه بدق عليها
غاليه :بيتها نفس بيتي بالنسبه لكم يعني قريب من اهل زوجها بأي وقت تنزل عندهم
ريوف :تقول امس راحت بعد العشا
غاليه :ايه عادي يمكن تروح اليوم
ريوف :خلاص ما بندق عليها خلونا نسولف بس
غاليه جوالها دق :الو الهنوف ؟
الهنوف :متجمعين ولا تعلموني ؟
ريوف :افتحيه سبيكر
غاليه :ولو علمناك بتجين من الشرقيه ؟
الهنوف :لا بس بسولف معاكم غازي بالدوام وانا طفشانه لحالي
ريوف :قلت لك ...الهنوف كنا بندق عليك بس اختك عيت
الهنوف:ما كنت بعرف لو ما كلمت امي توني دقيت عليها وقالت لي انكم متجمعين
وجدان :كيف بيتك حلو ؟
الهنوف :بفتح الكام واوريكم بسوي لكم جوله فيه
ديم :الله
الهنوف :نبدا بالمطبخ الي ما اعتبره مطبخ عايلتهم مرره صحيه بزياده احس كأني عايشه بغزو زومبي يبون يأثرون علي بس مقدر احب الاكل الي كذا كله ماهو صحي اشتهيت ماك وودي اطلب بس غازي يقول انه لو شافوا بكميرات المراقبه سياره توصيل اكل يسوون تحقيق مع الكل بما فيهم انا
ريوف :وي حبيبتي الله يعينك
الهنوف :تخيلي حتى بعد الاكل يشربون شاهي اعشاب بموووت اختنقت من اكلهم بس خلي غازي يعلمني السواقه بطلع اشتري اكل مو صحي واهربه للبيت بدون ما يدرون
غاليه :وامس وش سويتوا هناك ؟
الهنوف :حتى سوالفهم غريبه لدرجه احس ان غازي متبنينه وهو الوحيد الطبيعي تخيلي امهم طول الليل تسألني تقول كيف ولد عمك بدر واقول لها كويس كويس بس ترجع لنفس السؤال
ديم :يمه وش يبون ببدر
الهنوف :حتى وافي ما سألوني عنه ...الا سألوا هذيك الكبيره سألت قالت كيف اخوك الكبير
ريوف بعد صمت قالت :تصدقون بناتها كثير ست بنات شكلها ناويه على بدر ووافي تزوجهم ثنتين من بناتها ويبقى ثلاث ...اسمعي ريوف سألت عن سطام ؟
وجدان :ما بتسأل عنه مجنون امس الجازيه قالت له ان اسم صديقتها سلطانه جلس يضحك
الهنوف :لا بس تسأل عن بدر وتطالع ببنتها منى
ريم :اي وحده منى ؟
الهنوف :هذيك الي قاصه غرتها ودخل معاي يوم التصوير
ديم :اهاا عرفتها حلوه بس كم عمرها
ريوف تطالع بديم :لا ولله بتخطبينها ماشاء الله ؟ ما تصلح حسي العاطفي يقول ما تصلح ما يتوافقون صح هنوف ؟
الهنوف :اي ما يصلحون بدر هادي وهي مهبوله
ديم :بسم الله ما قلت بخطبها قلت كم عمرها
الهنوف :نفس عمر نايف ثلاثه وعشرين
ريوف :الله لا يقولها
الجازيه :ايش؟
ريوف :تخيلتها زوجه بدر
الهنوف :بقول شي بس لا تهاوشوني
ريوف :قولي
الهنوف :لا اقصد وجدان والجازيه
وجدان :قولي
الهنوف:احس منى تصلح لسطام
وجدان :انا ما شفتها مدري فأيش كنت مشغوله ...اي ام هيفا يوم تلحقني
ديم :الله وجدان اكيد شفتيها قاصه غرتها ومسويتها ويفي حتى قلت لك اول وحده تضبط الويفي على الغره القصيره
وجدان :اهااا اي ذيك تصلح له بس فيه شي غلط احس
الجازيه :ان سطام مهبول بزياده ولو تزوجها بيجننها
الهنوف تضحك :يختي ما شفتيها الا يوم الملاك والزواج مسويه رزينه بس هي مهبوله اكثر منه امس شفتها ما كانت تحسبني موجوده وخرجت تضحك وتشخر حتى بضحكها لأن ولد اخوها يسوي تويرك
ريوف :ولله ذي صدق تضحك
الهنوف :لا لا انا عرفت نوعها من ضحكتها تشخر بالضحك وتصفق وتنط واضح نفس سطام
الجازيه :نبغى وحده هاديه لعلها تعقله مو وحده تزيده
الهنوف :اجل شوفوا اختها عبير اكبر منها بسنتين امها متوفيه
غاليه :الله مو ذيك امهم ؟
الهنوف :لا هم ماشاء الله عددهم كثير سألت غازي ليش قال انه ابوه كان متزوج ثنتين وتوفقت الثانيه وامه اخذت عيالها وربتهم تجنن يا بنات
ريم :توك تقولين انها ما عجبتك وتسأل عن بدر
الهنوف :لا هي شخصيتها حلوه بس حركتها نرفزتني
ريوف :اذا تبين تنتقمين سوي ورق عنب وروحي عندهم خربي نظامهم الغذائي
الهنوف :بس الله حق يا بنات اجسامهم تهبل يوم شفتهم احس اني مترهله
ديم :تبغين زيهم طاوعيهم
الهنوف :شفت اخوهم يوسف طلع بالغلط
وجدان :وش ذي العايله كلهم يطلعون بالغلط
الهنوف :لالا مو هو الي طلع بالغلط غسّان عمره ١٧ كذا يوسف قابل غازي بالحوش يوم بنرجع البيت ومدري وش تكلم معاه انا دخلت البيت
ريوف :ايه كيف شفتيه ؟
ديم :انتي تموتين بذي المواضيع
الهنوف :شفته كذا دكتور طويل يلبس نظارات وعنده بقعه شيب بشعره سألت غازي قال انه كذا جينات وانصدمت يا بنات طلع دكتور بالجامعه
ديم :طويل وخشمه كذا قدامه ؟
الهنوف :اي يدرسك ؟
ديم :اي يدرسني اسوء ماده
الهنوف :كيف اسلوبه بالشرح امس حسيته هادي يوم يسولف مع غازي
ديم :اسلوبه هادي ينومني كل محاضره تخيلوا تفشلت منه انا اجلس قدام وبيننا القزاز ذاك واحسبه ما يشوفني وانام وطلع يشوفني يا بنات اسبوعين كاملين يشوفني وانا انام بمحاضرته
ريم :اخخ ما اتخيل شكلك كيف عرفتي انه يشوفك
ديم :كان يشرع اعراض الحمل وقال النوم الكثير زي الاخت ديم
ريوف ضحكت :ياربيي يالفشله
وجدتن :تخصصه علم نفس ليش يشرح الحمل ؟
ديم :مدري عنه ما يقول شي عن نفسه عكس باقي الدكاتره نص شرحهم يسولفون عن حياتهم
ملاك تعطس
الهنوف :يستحي شكله امس شفته متردد ينادي غازي بالغصب انتبه له غازي وراح
ريوف :ايه يا دكتوره ديم هل كنتي تتوقعين بيوم من الايام تصلك صله قرابه بدكتورك الجامعي؟
ديم :ما توقعت
الهنوف:ولله ما يندرى يمكن تصير اكثر من كذا توقعي المزيد
ديم :حيوانه ياخي تفكيرك ذا
ريوف :الهنوف تكفين اذا شفتيه صوريه ابي اشوفه يصلح
الهنوف :يصلح يصلح معليك
ديم :يالله اطيقه بالمحاضرات تبيني اقابله كل صبح ؟
ملام تعطس
ريم :غيروا الموضوع خلاص
ريوف :لا تخافين ريمي بندور لك
ملاك عطست ثم اردفت :صدق انتم مدري شفيكم على ذي المواضيع لو خليتونا بسالفه الاكل الصحي افضل
الهنوف :فيه ناس متحسسين هنا اشم ريحه اشياء خفيه
ملاك :بروح عند خالاتي بس بيفتحون نفس الموضوع شكلي بطلع اجلس مع ابوي واعمامي افضل بس المشكله عيالهم هناك
الهنوف :او تجلسين مع شخص وحيد مكسور
ملاك فهمت انها تقصد وافي :استغفر الله... (تعطس) العظيم بس
غاليه :تبون قهوه ؟
الهنوف :الحين بتقهريني بقهوه امي تكفين قولي لها تريل لي بُن من حقها
غاليه :تاخذ من محل وافي بقول له يرسل لك ومن عندك يبدا خدمه التوصيل
الهنوف :الله شعور حلو اخوي عنده مشروع وقاعد يتطور
غاليه :بس اهمله من يوم جينا تخيلي
الهنوف :يا حبيبي هو خليه يهتم بروحه اول شي
ملاك تعطس
وجدان :ملاك شفيك كل شوي تعطسين شكلك مرضتي
ملاك تعطس :لا مافيني ...شي
ديم حطى يدها على جبهتها :حرارتك مرتفعه
ملاك :باخذ بنادول بعدين
وكان الحديث يتغير من مواضيع محبوبه الى مكروهه حتى جاء المساء وذهب كلن الى منزله ،حلت الساعه الثانيه عشر بمنتصف الليل خرجت ملاك من غرفتها وهي تكتم عطساتها المتكرره من العصر ،وتضم لحالفًا يقيها من البرد الذي لا احد يحسه غيرها كل هذا في سبيل مهمه عمها (تسجيلات الكميرا) تتلفت يمين ويسارًا تنصتت لباب مكتبه عمها لتتأكد من عدم وجوده بها ،دخلت المكتبه وظلت تبحث عن ركن الشاشه الموصله بكميرات المراقبه كانت قسمًا من المكتبه مفصولًا عنها بجدار صغير وباب من الزجاج ركن غريب بمنزل لكنه طبيعي لرجل اعمال تعود على تصاميم المكاتب فتحت الباب الزجاجي ودخلت اصبحت تقلب بمشاهد اخر اسبوع حتى رأت شخصًا غريبًا يعبث بسياره وافي توقفت عند ذلك المشهد وادخلت الفلاشه لتسحبها ولازالت تكتم عطساتها سمعت صوت فتح باب المكتب الخشبي وتصنمت بمكانها هدوء عم المكان لا تسمع سوى صوت ضرب خفيف بالارض وهو صوت دعامات وافي عندما يسير ، التفتت خلفها :بسم الله انت مع تعرف تطلع صوت اذا بتجي دايم تخوفني
وافي :وش تسوين ؟
ملاك بثقه وهي اخذت احتطاطاتها وارتدت عبائتها :عمي يبي تسجيلات اخر اسبوع
نظر وافي الى الشاشه وكان المشهد المنسوخ يتكرر
وافي :بعدي كيف
ملاك تعطس:لا تسوي شي عمي بيتصرف
وافي :بس بشوف فيصل الكلب وش يسوي
ملاك :انتقي الفاظك قدامي
وافي التفت لها وبنظره حاده :حضرتك مين ؟
ملاك :حضرتي انسانه ما تحب السب
وافي :وانا انسان ما يحب السب بس فيه حيوانات ما ينفع معاهم اوصاف الا كذا تدرين ذا الانسان الي قاعد يلعب تحت سيارتي الحين وش سوا ؟
ملاك :هرب مخدرات وكان بيحطها عليك وقبلها خلاك مدمن خلال شهرين بس
وافي وهو مركز على الشاشه :خويه كلم بنت مراهقه ولعب عليها على اساس انه يحبها وجابها الاستراحه حقتهم كانوا بيسوون فيها شي لولا اني بلغت عليهم
ملاك انقلب وجهها الى الحزن لكن العطاس يقاطع كلامها وتفكيرها منذ بدأ هذا الزكام عطست واردفت :ياروحي هي وش صار عليها ؟
وافي :رجعت لأهلها وما يدرون شي بس هي اتوقع انها تعاني عقده
ملاك تعطس :لا تتوقع تأكد
وافي :شفيك كذا ؟
ملاك تعطس :كيف ؟
وافي :تعطسين
ملاك :زكام زائد عطرك جاب لي حساسيه
وافي نظر لها وهي احرجت من نظراته الا ان صوت فتح الباب قاطعهم وبعده صوت والد وافي يتحدث على الهاتف
ملاك تهمس :الزجاج شفاف بيشوفنا
وافي نظر لزاويه صغيره وسحب ملاك ليصبح ظهرها على الجدار وافي يحاوطها بيديه :هنا افضل...
أنت تقرأ
وانا في درب الهلاك ظهرت لي يا ملاك
Romanceشخصٌ ما يظهر من العدم وانت في اقوى مراحل انهيارك فيقلب حزنك سعاده وهمك حياه يملأ وقتك بالحب كل هذا بأبتسامه منه ،يحب الجميع ولا يستطيع ايذاء نمله أنه مخلوق غريب في عالمنا الموحش لا يشبهنا وكأنه...ملاك ٢٠٢٢/٥/٣١
