وانا في درب الهلاك ظهرت لي يا ملاك

14

حسابي انستا (7hid1)انزل فعاليات عن الروايه وبعض الاحيان مسابقات
بعد المغرب صحيوا البنات على صوت رمي
الجازيه :بنات وش ذا الصوت
ملاك :الرجال يرمون كذا عندهم طقوس
ريم :صوت صراخ ولا يتهيء لي
ملاك قامت :الا ولله
فتحوا النافذه وشافوا ثلاثه رجال غريبين ومعاهم ولد صغير وكبيرهم يرمي بالهوا ويقول :يابنت الكلب اطلعي تهربين من اخوانك انا اوريك
وجدان :شكلهم اخوان المياسه
الهنوف :وين رايحه
وجدان :بروح لها
الهنوف :خليك ذكيه شوي كذا بتدلينهم على البيت
وجدان :بروح من ورا البيت ما بيلاحظوني
الجازيه :ما بخليك تطلعين قدام مجانين ممكن يصيبون اي احد قدامهم بالسلام وبدون رحمه
وجدان فكت يدها :بس هي تحتاجني
نزلت وجدان بسرعه والبنات كلهم لحقوها
ام سطام :وين بتروحين ؟
وجدان :بروح للمياسه
ام سطام :وش حدك عليها من اول ما تقومين
الجازيه :الي برا يرمون هم اخوانها ووجدان الغبيه بتروح لها
ام سطام :تعالي لا تطلعين
وجدان :مستحيل
ام سطام :ياربي وش بتسوي ذي البنت بروحها
الجازيه :بدق على سطام يشوفها
ام سطام :لا لا قولي لأبوك
...
سيّاف :قد عادوا يرمون من الحين ؟
ابو سطام :شكلهم ...الو الجازيه ؟
الجازيه :يبه يبه الحق وجدان طلعت عند ذولا المجانين
ابو سطام :مين ؟
الجازيه :قصه طويله بس برا فيه مجانين يدورون لأختهم ومعاهم سلاح إن كان تسمع صوت رمي تراهم هم ورجدان بتروح لأختهم
ابو سطام :تمام خلاص فهمت
ابو سطام طلع وشافهم وقال :من تبون انتم ؟
كنان :نبي وحده كلبه ما تطيع اوامر اخوانها وتهرب منهم
سنان :من انت ؟
ابو سطام :انا عسكري اشتغل هنا والي تسوونه تعدي عليها ما هربت منكم الا مسوين لها شي
سيّاف كان واقف عند الباب ويراقب كل الي يصير
سامر :تعرفها انت ؟
ابو سطام :ما اعرفها بس اعرف ذي النوعيات
كنان قرب منه واشر عليه بالسلاح :وش قصدك ؟
ابو سطام :اطلق ويمسكونك قضيه سلاح مو مرخص وعنف ضد المرأه والي ما بيخليك تعيش كل ذيك العقوبات عقوبه قتل النفس وفوق ذا في ايام محرمه بتقتلني وبيقصون فيك ويوم القيامه ربي بيحاسبك
كنان :ما بتردد ترا وراي ثلاث اخوان
ابو سطام :شكلهم اثنين الثالث ماهو راضي باللي تسوونه
سنان :ذا البزر ؟ من وين له برأي هذا يتبعنا وهو ساكت
ابو سطام :حلو كل كلمه تنطقونها تزيدون عقوبات على انفسكم
سامر :شوفوا مو كأنها ذيك الي لابسه عبايه وتهرب
كنان :ما يمنع نجرب حظنا
ابو سطام التفت :وجدان
وجدان وقفت تطالع فيهم وكنان مقنص عليها قربت منه وهي معصبه وتقول :اضغط اضغط على ذاك الزناد واقتلني ما تشبعون من قتل النساء ما تشبعون من تعذيبهم وايش السبب ؟ انها عار ما كأنكم مسلمين ما كأنكم تتبعون مله رسول قال اوصيكم خيرًا بالنساء، استوصوا بالنساء خيرًا، رفقًا بالقوارير ،خيركم خيركم لأهله ،ما كأنكم عرب تفهمون وش قاله بالحرف عقولكم فاضيه تتجاهل ذا كله وتحفظ حديث ناقصات عقل ودين ،واكثر اهل النار النساء ، وفوق ذا فاهمينها غلط مو فاهمين شي بالدين ولا بالدنيا
كنان :وش قصتهم الحريم صاروا يعلمونا بديننا ؟يوم حظك ذا معد باقي الا رصاصه وحده ما بضيعها عليك
ابو سطام نقز عليه ومسك السلاح :ولا على احد
كنان بنيته كانت قويه وكان يقاوم ابو سطام واخوانه يساعدونه وفجأه طاح كنان على الارض وكانت المياسه واقفه وراه وماسكه حجر كبير بيدها
سنان :قتلتي اخوك يا بنت الكلب
المياسه :قرب ويجيك نفس الي جاه انا قفلت صفحه الخوف منكم خلاص
ثامر :اختي
المياسه التفتت الا سامر ماسك ثامر من رقبته وحاط سكينه الذبح عليها وقال :ارمي الحجر الي بيدك ولا بتشوفين اخوك مع ذي الاضاحي
المياسه توترت :طيب طيب خلاص بس اتركه لا تأذيه
توها نزلت الحجر الا الشرطه جو نزل العسكري وقال :لحد يتحرك من مكانه
شاف ثامر ماسك اخوه ويهدده بالسكين وأشر للعسكر يمسكونه
سنان يأشر على المياسه :حتى ذي امسكوها ضربت اخوي بالحجر
العسكري :كل الي بموقع الحادثه يجون
سيّاف :انا كنت بس اتفرج
العسكري :ايوه انت نحتاجك شاهد فيه ناس غيرك شهود بس تفرجوا
سيّاف :لا كلهم نايمين محد يحس
العسكري :اجل امش قدامي
سيّاف :بسيارتي صح ؟
العسكري :اي
نايف طلع يتثاوب وشاف المنظر قدامه ودخل يصرخ :يا عيال فيه شرطه برا وناس طايحين واسلحه وعمي جابر معاهم
ابو سيّاف :الساعه كم يا ولد ؟
نايف :٧:٣٠
ابو سيّاف :اخذنا النوم
ابو وافي :قوموا خل نشوف وش صار
طلعوا برا وابو خالد قال :عسى ما شر
العسكري :حدث اطلاق نار وضرب هنا شهدت على الي صار ؟
ابو خالد :لا ولله ما درينا وابو سطام خذتوه معاكم ليش؟
العسكري :ايهم ابو سطام ؟
ابو وافي :الشايب اكبرهم بيكون وش سوا ؟
العسكري :اي واعتذر يا عم ما اقدر اطلعك على تفاصيل اكثر
ابو وافي :طيب يمدينا نجي معاك ؟
العسكري :لا ولله يا عم بما ان الحادثه فيها طلق نار لازم تكون التفاصيل سريه
ابو وافي :تمام يعطيك العافيه
سطام طلع والجوال بيده :اصبروا
العسكري :امر وش بغيت
سطام :اختي معاكم
العسكري :فيه بنتين ايهم هي
سطام :اول ما توصلون بتقول انا المحاميه هي اختي
العسكري :وهي صدق محاميه ؟
سطام :خريجه محاماه للحين تنتظر القبول
العسكري :زين باقي احد عنده كلمه يقولها احد يبي طلب شي شورما ؟
ابو احمد :الله يهداك شورما واللحم موجود
ابو سيّاف :انت معزوم عندنا
العسكري :وراي شغل
ابو سيّاف :خلصه وتعال
العسكري :الحين منتم خايفين على عيالكم واحد راسه مفقوش بحجر والثاني كان بيموت بيد اخوه ؟
ابو وافي :ابو سطام معاهم عسكري سابق ما بيجيهم شي وحتى قوله يذكرك بعد ما تخلصون تجون للعشا
العسكري :وش دراك اننا بنخلص ؟ يمكن القضيه تكبر ويروحون الرياض ومحاكم وحوسه
ابو وافي :ما عليك ما بتكبر
العسكري :اعوذ بالله من بروده الدم
...
ام سطام :انا غلطت يوم سمحت لها تدرس محاماه الحين وهي باقي ما توظفت دخلت بمشكله داهيه
ام وافي :هوني عليك ياحصه هوني عليك ابوها معاها والبنت مثل ما قلتي دارسه محامه تعرف القانون
ام سطام :الغلط علي شجعتها تدرس قانون ودعمتها
ام خالد :يام سطام ما كأنك متزوجه عسكري من عشرين سنه ترا الخوف طبيعي بذي الوظايف بس انتي استودعيها الله الذي لا تضيع ودائعه وتوكلي عليه ودامها برعايه رب العالمين ما بيجيها شي
ام سطام :ونعم بالله
الجازيه :ايوه الو
ام سطام :مين ؟
الجازيه :امها وابوها متوفين بس هي بكفاله عمتها بوصيه من ابوها الله يرحمه ...اكلم عمتها ؟ ...اي حاضر حاضر
ام سطام :مين ؟
الجازيه :المركز يبون اولياء امر المياسه
ام سطام :ام راشد يعني ؟
الجازيه :اي بس ما عندي رقم احد منهم
ملاك :بكلم ترف
ام سيّاف :بس لا تفجعينهم
ملاك :معليك ...الو ترف
ترف :الو
ملاك :الحين انتي واقفه ولا جلاسه ولا ايش؟
ترف :جالسه افير شعري
ملاك :اتركي الفير اتركيه واجلس بعيد بمكان آمن
ترف :وش خرعتيني؟
ملاك :اخوان المياسه جو لها وصارت مشكله وطلق نار وهي فيها ويبونكم تروحون المركز
ترف :بسم الله المياسه شفتها قبل شوي بغرفتها
ملاك :امك وين؟
ترف :نايمه
ملاك :لا تعلمينها علمي ابوك واخوك خليهم يروحون
ترف :كيف طلعت شفتها قبل شوي بغرفتها ؟
ملاك :طلعت وانام ما تدرون اكيد
ترف بدت تبكي :صار لها شي مين معاها؟
ملاك :لا لا ما جاها شي ووجدان وعمي جابر معاها لا تتوترين روحي نادي ابوك ولا اخوك يروحون
تركي دخل على ترف وشافها تبكي قال :شفيك ؟
ترف :مصيبه
تركي :وش
ترف :اخوانها جو وصارت هوشه وإطلاق نار والحين لازم تروحون انت وابوي المركز
تركي بتوتر:ما فهمت وش مين ؟
ترف :المياسه المياسه قبل شوي سمعت طلق نار بس قلت الرجال نفس عادتهم وطلعت هوشه وابو سطام وبنته معاهم
تركي :إنا لله ... وين ابوي ؟
ترف :مدري شوفه وين وروحوا واذا وصلت كلمني طيب؟
تركي :طيب طيب
ابو راشد دخل :وين امكم ؟
تركي :يبه تعال بكلمك
ابو راشد :عسى ما شر وشفيها تبكي ؟
تركي :تعال برا واعلمك
ابو راشد بخوف :امكم صار لها شي ؟
تركي :لا امي بخير نايمه ولازم ما تصحى
ابو راشد بعد ما طلعوا :تحكى يا ولد
تركي :بنت خالي اخوانها جو وسببوا مشاكل وطلق نار يبونها والحين راحوا مركز الشرطه ويبونا نروح لأنها بكفالتنا
ابو راشد :إنا لله وإنا اليه راجعون امش يلا شغل السياره قبلي
تركي :ابشر
...
وجدان :انا محاميتها
العسكري :اثباتات اوراق ؟
العسكري الي جابهم همس له وقال :توها خريجه محاماه
العسكري :توك خريجه مو موظفه رسميه ما نقدر نعتبرك محاميه
وجدان :طيب بس بكلمها اعلمها القوانين
العسكري :محد يكلم المتهم الا محاميه وخاصه اطراف الحادثه
وجدان :ليش متهمه معاها حق باللي سوته كان دفاع عن النفس والبنت جسمها مليان كدمات من اخوانها ودوها فحص شرعي ويثبتون لكم وحتى اخوها الصغير اخوها هذاك الي كانوا بيذبحونه شفت وجهه كيف مورم منهم هذوليك اعداء المرأه بيقتلون اختهم عشان ورث
العسكري :خلاص طلعها جابت لي صداع
وجدان :ما بطلع بجلس هنا
العسكري :بتروحين غصب عنك ولا ادخلك السجن بتهمه مقاومه العسكر
وجدان طلت ورا :شوف ذولي اهلها يعني الي كفلوها هذاك زوج عمتها وهذا ولده
ابو راشد وتركي دخلوا :وين البنت ؟
العسكري :وش تقرب لك ذي البنت ؟
ابو راشد :بنت نسيبي
العسكري :ليش جات عندكم
ابو راشد :تحقق الحين ؟
العسكري :اي بكتب محضر
ابو راشد :القصه طويله طال عمرك
العسكري :روح جيب للعم مويا ...اجلس يا عم
ابو راشد :تسلم ...البنت هذي تعيش بقريه بعيده امها توفت وهي تولد بأخوها الصغير وتربت على يد ابوها الي هو نسيبي وبعد ما توفى ذاك الاسبوع الله يرحمه
العسكري :الله يرحمه بس بأي قريه ؟
ابو راشد :القريه الفلانيه
العسكري :ايوه
ابو راشد :وقبل ما يموت كان ملاحظ اذيه اخوانها لها ووصى عليها انها تجي عندنا وتصير بكفاله عمتها بعد ما يموت وانا ولله اني فتحت لها بيتي وشفتها مثل بنتي لا اكثر ولا اقل ومن حبنا لها طردنا ذا الولد ينام بالملحق عشان تاخذ راحتها بالبيت
العسكري ماسك الضحكه :طردتوه ؟كم لها يوم عندكم
ابو راشد :ثلاثه ايام
العسكري :طيب مافيه وصيه مكتوبه او شهود على وصيته لها ؟
ابو راشد :انا خابر ان أصيل ما يقرا ولا يكتب ما ظنتي انه كتب والشهود ما ادري اذا فيه شهود غير الله سبحانه وتعالى
العسكري :ونعم بالله ...على كذا لازم نسأل البنت...
وجدان تصرخ :يس يس الحمدلله يارب
تركي التفت ورا وشافها بحكم ان الجدار كان من القزاز يوم شافها فرحانه كذا ابتسم
العسكري :يا عسكري رح شوفها وش فيها
العسكري :سم طال عمرك
الا وجدان جت :ما يحتاج تجون انا جيتكم بعطيكم ذا الخبر هذي رساله من المكتب الي قدمت عليه وهم وافقوا على طلبي ورسميًا من الحين صرت محاميه البنت ما تكلمونها لين نجهز ملفها
العسكري :هات اشوف ...ولله ما نقدر نقول شي غير مبروك
تركي يطالع فيها وهي بقمه سعادتها ومبتسم
وجدان :بس نص ساعه واجيب لكم ملفها شوفوا اطراف الحادثه الباقين وارجعوا لها ...لازم اقابلها الحين عشان اشوف تبيني محاميتها ولا نجيب محامي ثامي من نفس المكتب
العسكري :يا عسكري ودها عند موكلتها
وجدان صارت تمشي بثقه وتركي جلس يراقبها لين اختفت عن عيونه وجاه اتصال
تركي :اذا تسمح طال عمرك بطلع اكلم
العسكري :اي تفضل
تركي :الو
ترف :هاه بشر وش صار ؟ امي صحيت وتسأل
تركي :الحمدلله ربي مع الحق بأخر لحظه جا قبول وجد...بنت جابر وصارت محاميه رسميًا وبتاخذ ذي القضيه كأول قضيه لها يعني بتوقف مع بنت خالي
ترف :شفيه صوتك كذا ؟
تركي :كيف ؟
ترف :فرحان احسك ؟
تركي :يلا مع السلامه ابوي بيطلع الحين بروح له
ترف :تمام اول ما يصير شي بلغنا
ام راشد :هاه وش يقول ؟
ترف :وجدان جاها قبول بالمكتب وصارت محاميه المياسه
ام راشد :الحمدلله
...
الهنوف :احنا ما عندنا حلاوه العيد ولا جمعه العيد عندنا مصيبه العيد
ريم :احمدي ربك بالمصايب والنعم
الهنوف :الحمدلله على كل حال
ملاك :للحين ما جا خبر من وجدان
ريوف :هذي هي تتصل
الجازيه :افتحيه سبيكر خل نسمع
ريوف :الو وش صار خبرينا ؟
وجدان :عندي خبرين لكم واحد حلو وواحد مو حلو
غيداء :ابدي بالحلو
وجدان :الخبر الحلو جا قبولي بالمكتب الي قدمت عليه
البنات صاروا يصرخون ويصفقون
ريوف :مبرووك لو انك هنا حضنتك ذكريني اذا رجعتي
وجدان :كزلار باقي الخبر الثاني نسيتوه ؟
غاليه :قوليه
وجدان :الخبر الثاني القضيه بتطول وبتوصل للمحاكم وفوضى لعده اسباب ومنها انه مافيه شهود على الوصيه ولاهي وصيه مكتوبه
ديم :يعني بتجلسون بالسجن ولا كيف
وجدان :لا مستحيل المده طويله بس بنوقع كلنا اننا ما نطلع من منطقه الرياض ونعيش حياتنا طبيعي كل فتره نروح جلسات محاكمه وكذا
الجازيه :دخلتي بالجو على طول
وجدان تغير صوتها:لا تلوموني وظيفه احلامي
زينب :تبكين صح ؟
الهنوف :خلصي بسرعه عشان تجين واحضنك اطول حضن بالعالم
وجدان تمسح دموعها :طيب طيب الحين بس لا تعلمون امي انا بعلمها
الجازيه :ابوي يدري ؟
وجدان :اي شافني اشتغل معاهم
الجازيه :اكيد بكى
وجدان :هو اول من بارك لي بعد العسكري
الهنوف :الخبر الصح بالمكان والوقت الغلط
وجدان :لا بالعكس بالمكان والوقت الصح
ابو سطام :انا خلصت شغلي انتي بتخلصين الحين ؟
وجدان :مع السلامه ...باقي لي شوي يمكن نص ساعه كذا
ابو سطام :بنتظرك انا
وجدان حضنته:يبه انت ما بتكون معاي بكل جلساتي وشغلي عادي روح عشان اتعود اشتغل لحالي وانا اعرف الطريق بعدين
ابو سطام :متأكده ؟
وجدان :اي
ابو سطام :مين بيجيبك ؟
وجدان :بطلع مع موكلتي باقي بكلمها بتفاصيل
ابو سطام :كيف تحسين ؟
وجدان :احس اني ممكن ما انجح يعني اول قضيه لي بحياتي بذي الصعوبه فيها ورث ووصيه وعنف صعبه
ابو سطام :بس تقدرين لأنك وجدان
وجدان :اقدر لأني وجدان بنت جابر
ابو سطام ضحك وحضنها :ياحبي لك
وجدان :انت بتروح مع مين ؟
ابو سطام :تصدقين ولله مدري
وجدان :اجل اطلع برا عشان تحسسني انك مو موجود معاي وبعدين نرجع سوا
ابو سطام :وولد عمك وينه ؟
وجدان :دوره مو مهم بس هو شاهد كتبوا محضر شهادته ورجعوه البيت هم
ابو سطام :ولله وكبرت بنتي وتعلمني شغلي
وجدان :نسيت انك تعرف كل شي
ابو سطام :انا برا بنتظرك هاه؟
وجدان :طيب
تركي كان يراقب كل كلامهم
ابو راشد :وش فيك عينك على ذي البنت من يوم جينا ؟
تركي :هاه ؟ لا بس قاعد افكر كيف معجزات ربي وجدان بأخر دقيقه قبل ما ينادون المياسه جابت خبر انها توظفت وتقدر تصير محاميتها رسميًا ،فعلًا ذي البنت معجزه
ابو راشد :اي ولله ربي يتصرف بعباده كيف يشاء سبحانه ...نسيت ما ابارك لها من الشغل والحوسه
وجدان كانت مشغوله على الاوراق وجاها ابو راشد :مبروك يا بنيتي
وجدان ما سمعته ضحك وقال :توك مسكتي اول قضيه بتتكبرين علينا
وجدان طلعت سماعه من اذنها :معليش ما يعم ما سمعتك كنت اراجع المحاضرات الي سجلتها عن الورث
ابو راشد :جيت ابارك لك بالوظيفه
وجدان :الله يبارك بعمرك يا عم
ابو راشد :عسى ذي الابتسامه على وجهك دايم
وجدان طالعت بتركي بسرعه وشافته مبتسم ويطالع فيهم قالت :وعسى الفرحه لا دخلت بيتك معد تطلع منها ياعم تصدق بعد ما فقدت الامل بالوظيفه جتني بعز حاجتها
ابو راشد :سبحان الله الرازق اكيد دعيتي فيها يوم عرفه
وجدان :دعيت فيها من الصباح للمغرب وربي ما خيب ظني فيه
تركي جا :يبه يبونك توقع اوراق
ابو راشد يضحك :اشغلونا بالاوراق ذي
تركي :يقولون انها اخر شي بعدها نقدر نطلع
وجدان :والمياسه بيجيبونها صح ؟
تركي :اي
ابو راشد راح يوقع الاوراق ووجدان رجعت مشغوله بالورق وتركي واقف جنبها يطالع فيها ومبتسم انتبهت لنظراته وقالت :وش فيك انت تبوسم ؟
تركي :كيف شعورك بذي المعجزه انا للحين مو مصدق
وجدان :يعني تشك فيني اني مزورتها ؟
تركي :لا يرحم والدينك دخلتي الجو قلت اعبر عن فرحي فيك اقول اني مو مصدق يعني من الفرح
وجدان :اها
تركي :عالعموم مبروك ومنها للأعلى وعقبال ما نشوف مكتبك الخاص كذا مكتب وجدان بنت جابر
وجدان :خلني اخلص ذي القضيه اول وبعدين افكر افتح مكتب ولالا
تركي :بما انه الوظيفه ذي كانت حلمك ووصلتي لها ما يصير تجلسين بدون حلم حياتك بتصير ممله حطي لك هدف يكون المرحله الجايه
وجدان :ومن قال لك انه ما عندي احلام ثانيه ؟
تركي :احلام ثانيه ؟
وجدان :اي
تركي :وش ذي الاحلام الثانيه
وجدان :الحين ما عندي وقت اقول لك
ابو راشد جا والمياسه معاه :يلا مشينا
وجدان :يلا ابوي معانا بناديه
ابو سطام جا :تأخرتم ؟
وجدان :الحين جينا
اول ما طلعوا السياره وجدان قالت :عندك اي اسئله ؟
المياسه :اي متى اخذ اخوي ؟
وجدان :مافيه وقت محدد يعني فتره سنه سنتين
المياسه تبكي :بيقعد سنه ولا سنتين معاهم اليوم شفتيه كيف واضح فيه الضرب كله بسببي لما انا كنت هناك كانوا يفرغون غضبهم فيني بس الحين رجعوا عليه من بعدي
وجدان مسكتها :منتي مجبوره ولا هو مجبور تكونون آله لتفريغ غضبهم هذا مو غضب هذا اسمه عقده نفسيه ولو كانوا اخوانك بس ما تسمحين لهم
المياسه :معد اعتبرهم اخواني تبريت منهم ومن افعالهم
وجدان :اصبري ما بعد الصبر الا الفرج وانا وكثير غيري قاعدين نشتغل عشان نوفر لكل وحده مثلك حياه كريمه بدون مشاكل وهواش
ابو راشد يضحك
ابو سطام :وش فيه ضحكك كلام بنتي ؟
ابو راشد :لا بس ذكرتني فيك نفس الكلام سبحان الله
ابو سطام حضنها:بنتي وتربيتي اكيد بتكون كذا
وجدان دقت ابوها تبيه يبعد عنها عشان ما تذكر المياسه بأبوها وقالت :ايه خلونا نتكلم بمواضيع ثانيه يعني الطريق شوي طويل كيف احوال عشاكم ؟
ابو سطام :ولله ذكرتيني عمك متعب عنده الامور بتصل عليه اشوفه
وجدان : تبين تكلمين احد ؟
المياسه :محد عندي بذي الدنيا الي احبهم راحوا
وجدان :الا عندك ترف تعتبرك اختها انتي تدرين انه لما وصلها الخبر بكت عليك ؟
ام راشد تعتبرك مثل بنتها واشك انها تحبك اكثر منها ما شفتي الحال الي وصلوا له كلميهم وطمنيهم عليك بدق على ترف الحين
المياسه :مو مستعده
وجدان :لازم تكونين مستعده للحياه مستعده للحب والكره والامان والخوف والحياه والموت الدنيا ما تنتظر استعدادك وتضربك بأي وقت كلميهم وعيشي اللحظه اسمحي لنفسك تبكين وتضحكين بتعيشين مره وحده
مدت لها الجوال :جربي عطيهم فرصه يمكن هم العوض الي عوضك الله فيه ؟
المياسه بعد تردد اخذت الجوال :الو
ترف :الو وش صار طمنينا كيف المياسه ؟
المياسه :انا بخير
ترف :المياسه ؟
ام راشد :عطيني اكلمها ... الو كيفك يابينتي اقلقتيني عليك
المياسه :تمام الحمدلله الحين انا جايه بالطريق
ام راشد :خفت انه صار لك شي يوم قالوا طلق نار وهواش خفت عليك لا تطلعين مره ثانيه بدون علمي
المياسه :ابشري
مدت الجوال لوجدان وقالت :خلاص
وجدان :مع السلامه يا خاله
المياسه انهارت تبكي ووجدان ابتسمت قالت :شفتي كيف ربي ياخذ ويعطي اخذ منك اعز من تحبين وعوضك بناس يعزونك ويخافون عليك
ابو راشد :كنتي تحسبين انه معد باقي احد تعيشين عشانه بس ربي عوضك اعرف ذا الشعور جربته بعد ما فقدت اهلي كلهم قدام عيني عوضني ربي بزوجه وعيال وانتي الحين منهم
تركي ينغف :تسلمون على ذي المشاعر الجياشه معد تخلون الواحد يشوف الطريق زين
ابو سطام :خل مشاعرك بعدين لا تصدم فينا ...بما ان وجدان الحين توظفت والمياسه بتبدا حياه جديده اقترح اننا نعلمهم السواقه
وجدان :صدق ؟
ابو سطام :اي محد فاضي يصير لك سواق يوديك ويجيبك
وجدان :انت فاضي
ابو سطام :لا انا اساعد اخوياي بالشغل
ابو راشد :استخباراتي الاخ
ابو سطام:اسكت فضحت سري
وجدان تضحك :سرك كلنا نعرفه
ابو سطام :خلاص بس اسكتوا وسووا نفسكم ما تدرون يقولون الارض لها اذان
بعد ما وصلوا
ابو سطام دخل المجلس :الله ولا تسألون عن اخوكم ولا شي مره ؟
ابو خالد :نعرفك احنا ما بيجيك شي
ابو سطام :قل ماشاء الله
ابو خالد يضحك :ماشاء الله
ابو سيّاف :هاه وش صار ؟
ابو سطام :وجدان صارت محاميه رسميه
ابو وافي :ماشاء الله مبروك
طلع فلوس من جيبه :هذي هديه لها عطها ولا تسرقها
ابو سطام :وش ابي فيها فلوسك وش دراني من وين تجيبها
ابو وافي :محسسني تاجر مخدرات وانا تاجر تمور
ابو خالد :لأنه الوحيد الي موظف حكومي شايف نفسه
ابو سطام :معلينا وين عشاكم ؟
ابو وافي :بعدنا مطولين
ابو سطام :جعت من التحقيق
ابو احمد :وش ذا التحقيق الي يجوع سألوك عن قرمشه البروست ولا ريحه المفطح ولا ايش ؟
ابو سطام يضحك :لا بس تعرف قمت من النوم الا على الهواش والتحقيق ما مدى اقول بسم الله وانتم عجيبين كيف ما سمعتم الاصوات
ابو سيّاف :نحسبها فعاليات العيد ما اهتمينا
ابو سطام :حتى ذولي العيال ما يعرفون شي بالديره ما صحيوا مدري وش جاهم مغير ولدك ذا وعشان كذا من اليوم بنبدا تدريبات عسكريه تصحون على اي صوت حتى طيحه الريشه ولا لو يدخلون بيتكم ويقتلونكم ما دريتم
سيّاف :اكيد انا معفي
ابو سطام :بدون استثناء
ابو وافي :دخل الجو
ابو سطام :ولله صدق ترا سبعه شباب بكامل صحتهم وقوتهم ما يقومون على صوت سلاح الى اين ؟ خاصه ذا ولدك
ابو وافي :نايف ؟
ابو سطام :اي مسوي يلعب عضلات اخر شي ما فادته عضلاته نايم
خالد :كلها عضلتين وش يسوي فيها ؟
ابو سطام :وبدايات الكروش برضوا تنفع
خالد :انا ؟ مستحيل توني بالثلاثين
ابو خالد :بالثلاثين بس ما عندك حياه تداوم وترجع البيت تنام ما فيه رياضه ولا شي شف كيف
خالد :خلاص خلوني ارجع الرياض واسجل بجم واحول ذا الكرش لعضلات واجلدكم كلكم هنا
ابو خالد :وش ذا الكلام يا ولد ؟
خالد :كلكم اقصد الي اصغر مني
ابو خالد :اي عادي
بدر :ترا حتى الصغار عندهم حقوق
نايف:صح
وافي :ادري انك تقصدني بالكلام وانا ما سويت لك شي بلا دلع
ابو سطام :صدق بلا دلع غيركم حقوقهم كلها مسلوبه واكبر دليل ذي البنت الي صارت عشانها الهوشه
سطام:تكلم حبيب عمه وعمه مستحيل ما يوافقه بالكلام
وافي :كذاب دايم نتخالف بالاراء
سطام :والحين ليه مكبرين المشكله على ذيك البنت تراها تتدلع عليكم ولا هي تقدر تاخذ حقوقها
مشاري :خايف منها؟
سطام :لا مو خايف بس كلكم شفتوا كيف جابتني انا واثنين غيري مربطين بيعجزونها اخوانها ؟
سيّاف :انت والي جابتهم معاك نحيّفين ما شفت اخوانها كيف عراض وطوال لو يضربك الواحد منهم كف تدخل غيبوبه
سطام :عشان كذا ما تدخلت وخليت ابوي لحاله خفت منهم
سيّاف :انا كلمت الشرطه
ابو سطام :خلاص الي فات مات والقضيه مالم دخل فيها الي بيهتم فيها وجدان والجهات المختصه
سطام :فاتتني رده فعالها غش
ابو سطام :نفس رده فعلها يوم انقبلت
سطام :دامها كذا عادي
ابو سطام :مع ذلك روح بارك لها
سطام :بروح الحين
...
ام سطام :وش صار؟
وجدان تمثل انها حزينه
ام سطام :وش فيك تكلمي ؟
وجدان :جاني قبوول
ام سطام :كيف ؟
وجدان :جاني قبول بالمكتب
ام سطام :الله يبشرك بالجنه يابنيتي الله يبشرك
وجدان باست راسها وحضنتها
ام خالد تضحك :هذي الي توها تقول غلطتي ادخل بنتي قانون
ام سطام :كان الوضع مختلف لأنها ما كانت موظفه رسميه بس الحين موظفه رسميه
ام وافي :مبروك ومنها للأعلى
ام سيّاف :شفيكم ما تباركون لبنت عمكم ؟
الهنوف تضحك :كنا ندري من قبل
ام سطام :وليه ساكتين؟
وجدان :انا قلت لهم عشان افرحك
ام سطام :بس خفت عليك
وجدان :بس لا تنكرين انك فرحتي اكثر
ام سطام :وكيف ما افرح
ام سيّاف :دام كلنا بخير الحين قوموا نتجهز بيجونا الضيوف
ام خالد :اي ولله قوموا
ريوف :اساسًا ايلاينري ما انمسح
زينب :وش ذا الايلاينر القوي نمتي فيه وتوضيتي وللحين ما راح
ريوف :مضاد للماء وما اتقلب كثير بنومي
ديم :يعتمد على نوع البشره ترا انا حطيته بشرتي امتصته وانا نايمه مع اني ما اتقلب كثير
زينب :يمكن يضبط علي
غيداء :مستحيييل اكثر وحده تتقلب انتي
ام احمد :خلاص روحوا تجهزوا وحطوا اي شي تبغونه بس بدون هواش
زينب :اي شي حتى ...
ام احمد :إلا الروج الاحمر
زينب :ياربي
...
ام راشد :جبت لك اكل كليه قبل نروح عند ام سيّاف
المياسه :ما ابي اروح
ام راشد :اتفقنا الصباح انك تجين لازم تجين بتشوفين كيف المتعه كل اهل الحاره بيجون فيه ناس عايشين بالجنوب وناس بالشمال بس بالاعياد يجون ونتجمع سوا بتشوفين لعب شمالي ولعب غربي وجنوبي واكثر شي نجدي بتحسين نفسك بعرض ثقافي مو جمعه وبس
المياسه تذكرت كلام وجدان :متأكده ؟ لا اجي وتطلع جمعه بايخه
ام راشد تضحك :اي متأكده وحتى بعلمك اللعب الجنوبي تقومين معاي تكملين صفي
المياسه :لا ما اتفقنا كذا بجي وبجلس مع ترف
ام راشد :وهي ترف اصلًا تقوم معاي هي من يميني وانتي يساري واتفاخر ببناتي قدام الحريم
المياسه ابتسمت ونزلت دمعه يتيمه على خدها :تمام بجي
ام راشد :يلا اجل خلصي اكلك وقومي عند ترف تجهزي معاها
المياسه :بس ذا كثير
ام راشد :ولا كلمه بتخلصين الصينيه كامله تعبتي اليوم
المياسه تبتسم:حاضر
ام راشد :سبحان ربي حط فيك الزين ويوم ابتسمتي زدتي زين خليك دايمًا كذا روحك تعبت ريحيها شوي
المياسه زادت ابتسمت من كلامها :الله يحفظك لي يا عمه ولا يوريني فيك مكروه
ام راشد :آمين ياروحي وياك
...
تركي :اسمع انت فاضي الحين ؟
مشاري :اي فاضي
تركي :اجل امش قبل يجون الرجال بوريك جوالي ما يشتغل
مشاري :حلو توني ماخذ دوره عن ذا الموضوع بيكون اول تطبيق عملي
تركي :هاه لا تخرب جوالي
مشاري :وينه
تركي :بالبيت يشحن كل ما اشغله تجي علامه ابل وتطول وبعدين يطفى بدون سبب حطيته بالشاحن ما فاد
مشاري :مشكله بالبطاريه بجيب العده بس واجي
تركي :وجايب عده بعد
مشاري :اي توني طالبها من امازون
بعد ما راحوا البيت
تركي :وش اضيفك ؟
مشاري :مويا يكفي
تركي :ابشر
جاب له مويا بكوب وهو يمشي قال :معليش العذر والسموحه قوارير المويا مخلصه بس صبيت لك ذا
تعنقل بالتوصيله وانكب المويا على مشاري
تركي :لا اله الا الله ثوبك انعدم ما عندك غيره ؟
مشاري :لا ما عندي الرجال بيجون بعد شوي
تركي :فيه كوايه هوائيه عند الحمام سوه فيها ورح ينشف
مشاري :متأكد
تركي :اي
مشاري :خذ جوالي بغيت اجيبه معاي
تركي :هاته حطه هنا
بعد ما طلع مشاري تركي قال :الحين نشوف وش وراك بذا الجوال
طلع طحين وفرشه مكياج نظيفه من جيبه وحط الطحين على جواله ومسحه بالفرشه ثم جاب شريط لاصق وحطه مكان الطحين وطبحت بصمه مشاري بالشريط اخذه تركي وقال :يارب يفتح يارب
حطه على زر الهوم وفتح وصار يتصفح بالجوال ما لقى فيه شي
مشاري جا :وش تسوي بجوالي ؟
تركي :هاه ؟ ااء جوالك دق كنت بجيبه لك شكلهم يبونا نروح ...كيف الثوب نشف ؟
مشاري :اي نشف خلنا نلحق عليهم
وهم يتمشون بالطريق قال تركي :كيف ذي الدوره خذتها كانت حضوري ولا عن بعد
مشاري :لالا عن بعد اخر يوم كان يوم عرفه يوم جبت لي القهوه كنت فيها
تركي :كيف شفتك تكتب لأحد ؟
مشاري :كان اخر يوم وفيه اختبار نظري والاختبار العملي جوالك
تركي طلعه من جيبه :نسيت اعلمك اشتغل الجوال بس كان الشاحن خربان ومأثر عليه جربت شاحن اخوي واشتغل
مشاري :اخوك مو مسافر ؟
تركي :الا بس توه جا عنده اجازه العيد
مشاري يضحك :بعد ما خلص العيد ؟
تركي :ولله دوامه كذا صعب
مشاري :انا كان المفروض عندي مرابطه بالعيد بس خويي مسك عني
تركي :حركات ولله مرابطه
مشاري :امن سبراني وش تتوقع يعني
تركي :وش وداك من الامن السبراني لتصليح الجوالات
مشاري :شغفي بالجوالات كبير شفت الامن السبراني ما كفاني قلت اتعلم زياده
تركي :ماشاء الله الله يبارك لك باللي تعلمته
طالع بساعته وكمل :انا عندي موعد الحين نسيته تعذر لي من العيال شوي والحق
مشاري :ابشر
...
وجدان وهي بين الحريم جاتها بنت صغيره ومدت يدها تبي تسلم
ديم :شوفي تبي تسلم عليك يا روحي هي
وجدان مدت يدها :هلا يا قلبي
غمزت لوجدان وديم ضحكت قالت :شكلها خقت عليك وتبي تشبكك
وجدان وجهها تغير ومثلت انها تضحك شوي وقالت :بروح الحمام
ديم :انا بشوف البنات بالمطبخ
دخلت وجدان الحمام وفتحت ورقه صغيره اعطتها البنت اياها يوم سوت نفسها تسلم عليها وكان المكتوب :انتظرك بعد خمس دقايق بنفس المكان الي اول امس -تركي-
وجدان طلعت من بينهم بدون ما يدرون وراحت لنفس المكان
تركي :شرفتي
وجدان :شفيك ؟
تركي :جبت لك خبر
وجدان :ايش
تركي :مشاري مو هو الي يراقبك
وجدان :كيف عرفت ؟
تركي بحماس :سويت خطه حلوه ناديته البيت وقلت له جوالي خربان وجلس وكبيت على ثوبه مويا وراح الحمام ينشفه وانا طلعت طحين كنت مجهزه من اول نفس المشهد الي بذاك المسلسل يوم طلعوا الادله من جوال هذاك الي يعنف زوجته وفتشت الجوال ما لقيت شي
وجدان بعصبيه :خلصت ؟
تركي :وش ؟
وجدان :الي سويته اكبر غلط ليش تفتش جواله
تركي :عشانك
وجدان :كان يمدي بطرق قانونيه اكثر انت تحسب الحياه نفس المسلسلات
تركي بعصبيه :وانتي عاجبك الي يرسل لك ولا تبغين تطلعينه عاجبك انه فيه شخص مجهول يغازلك
وجدان :انت وش عليك ؟
تركي :نسيتي يوم جيتيني وتبكين ورميتي جوالك بوجهي وقلتي ما ابي ذي القذاره ؟نسيتي بسرعه لأنه عجبك وجدان اصحي هذي مو انتي
وجدان :ومن انت عشان تحاسبني عطني سبب واحد مقنع انك تسوي كل ذا
تركي :لانك مو انتي الي يعجبك ذا الشي
وجدان :يمكن تغيرت وعجبني مافيه سبب مقنع اكثر
تركي بعصبيه اكثر :وليش ابرر لك ؟
وجدان :لأنك قبل شوي قلت ان ذا عشاني وناديتني من بين المعازيم لين هنا اخر شي ما تبرر لي وش ذا المنطق ؟عطني سبب مقنع وبسكت خلاص
تركي رفع صوته وقال :لأني احبك مو عاجبني اني اشوف غيري يغازلك كذا مو عاجبتني فكره انه كل دقيقتين مرسل لك غزل صار لي ايام ما انام افكر وش يرسل لك كيف يوصفك انقهر من كلامه اتمنى اني اشوفه قدامي واخنقه بيديني ...كل ذا لأن حبك سكن وجداني
وجدان طالعت فيه بهدوء و...