وانا في درب الهلاك ظهرت لي يا ملاك

34

ربط الرساله الاخيره ونظر لياقوت وهو يكلمه :بلحقك الحين لا تطير بسرعه تمام؟
تركه يطير ولحق به الى أي انثى أنا أُقاد إلى أي ملاك أنا أنتمي ،أعدك يا ملاكي سأعرفك ولن تعرفينني حتى تطلبين ذلك لكن حتى ذلك الوقت سأحبك وأنا أعرفك .
لاحظ أن ياقوت هبط بمنزل ملاك وأخذ نفسًا عميقًا
إذن أنتِ ملاكي قلت أني وقعت بين ملاكين وأتضح أنني وقعت بك لا غير ،أنتِ صاحبه العقد التي احببتها دون أن أعرفها وأنتِ الملاك الذي أعجبت بها وأنا أعرفها ،أنتِ هلاكي وملاكي وحيرتي وطريقي أنتِ ملاك واحد وتعددت بك طرق العشق .

اخذت نفسًا عميقًا وهي تفكر بما ستعيشه قريبًا العشق مع مجهول ماذا فعل لأحبه؟ :وش الي ما سواه يا ملاك كتب الشعر وعطاك هديه واعترف
وقفت على قدمها دون ان تشعر وتألمت :اخخ
سيّاف صعد :شفيك وقفتي؟
ملاك :نسيت
سيّاف :خلاص بكره ما بطلعك اكتبي بغرفتك
ملاك :طيب بس محد يدخل علي ابي اخذ راحتي
سيّاف :اي معليك
ملاك :كلمت امي عن المياسه
سيّاف :ووش قالت ؟
ملاك :قالت بكره نروح
سيّاف :بكره؟
ملاك :اي بكره الصباح
سيّاف :الصباح
ملاك ابتسمت :اي الصباح
سيّاف :انا افدا غمازتك ذي يا شيخه
ملاك ابتسمت اكثر :انت يفداني ظهرك بينكسر مني
سيّاف :ما احسك خفيفه ماشاء الله كم وزنك ؟
ملاك :٥٧
سيّاف :نحيفه
ملاك :ابي انحف اكثر لو يصير ٥٦
سيّاف :بس واحد ما يفرق
ملاك :ال٥٦ احلى ما احب الاعداد الفرديه
سيّاف ابتسم:مدري وش ذي العقده العائليه فيكم
ملاك :جدي كان كذا ما تذكره؟
سيّاف :الا اذكره ما يبيع اي شي الا بعدد زوجي
ملاك :ولا يبيع اشياء فرديه يعني مثلًا واحد اشترى خمس بيضات يقول له خذ ست ولو ما كان معاه فلوس يقول له خلاص مجانيه اهم شي عدد زوجي
سيّاف ضحك :وراثه ما دخلت فيها انا ما اخذت الا الخشم الكبير
ملاك امسكت خشمه :خشمك حلو زي خشم جدي
سيّاف :اجل حبيه زي ما تحبين خشم جدك
ملاك قبلت انفه :اوه يا زينه
سيّاف :اشوف النفسيه زانت
ملاك :الكتاب الي زعلني ذيك المره صار مره حلو
سيّاف :يعني راضيه عن الكاتب خلاص؟
ملاك :ولا كأني زعلت
سيّاف انزلها على فراشها:انا تهون علي الدنيا وما فيها الا زعلك ما يهون
ملاك ابتسمت :وانا ما ازعل وعندي اخ مثلك
سيّاف اغلق الانوار:يلا تصبحين على خير
ملاك :سيّاف
سيّاف عاد :هلا
ملاك :فيه كيس بشنطتي فيه نوعين شاهي جيب لي واحد ما يطير النوم وسوه لي
سيّاف :ان شاء الله
ملاك :احبك
سيّاف ابتسم :سمعتها منك كثير ابي اسمعها من غيرك
ملاك مبتسمه:بتسمعها معليك
...
الهنوف :صباح الخير
غازي :اخيرًا صباح ببيتنا
الهنوف :بتداوم ؟
غازي قبل رأسها:بداوم وبشتاق لك
الهنوف :تعال
غازي عاد :هاه
الهنوف :انزل عندي احس بدوار بصلح البلوزه من فوق
غازي :حبيبتي بقول لك شي
الهنوف :قول
غازي :وش رايك تسوين تحليل حمل ؟
الهنوف بلعت ريقها واصبحت تفتح ازرار قميصه بتوتر:ما اظن اني حامل اكلت الحبوب كل يوم وللحين أكلها
امسك يدها وقبلها :طيب شفيك توترتي وفتحتي نص الازار تبغين اقعد عندك بقعد
الهنوف :انا فتحتها ؟
غازي :اي انتي
الهنوف :ما لاحظت لأنه كان ببالي بغير بجامتي الحين
غازي :اغير لك انا انتي معاك دوار
الهنوف:قليل ادب
غازي :زوجك عادي
الهنوف :طيب يا زوجي العزيز ممكن تحط لي فلوس ابي اطلع الصيدليه اليوم
غازي :ليش ؟
الهنوف :ناقصتني اغراض ما ابي اثقل عليك وانت جاي
غازي :مع مين ؟
الهنوف :بيوديني السواق
غازي :كم تبين ؟
الهنوف :خمس ميه
غازي:بحط لك بطاقه الراجحي وانا معاي الاهلي
الهنوف :اي تمام
غازي :اذا ما قدرتي تطلعين قولي لي واجيب الاغراض
الهنوف :لا بطلع بس بفطر الحين ويروح الدوار
غازي :ولا تتأخرين
الهنوف :بجي قبلك
غازي :متأكده؟
الهنوف :اي بس اشياء قليله
غازي :اليوم الغدا علي بس بجيب من برا وش تبين ؟
الهنوف :على مزاجك انت اختار
غازي :مو مشتهيه شي؟
الهنوف :لا ليش اشتهي ماني حامل
غازي ضحك :مو بس الحوامل يشتهون اكل
الهنوف :شككتوني بنفسي كل شي تقولون حامل
غازي :طيب ريحي ضميرك وسوي اختبار
الهنوف :لا متأكده مو حامل
غازي ضحك :براحتك
...
ريم دقت الباب :اسيل
فتح الباب رجل ذو حاجبين شبه مقترنين ووجه متعب :وش تبين؟
ريم توترت :ذا بيت اسيل؟
:اي اسيل بس مين انتِ؟
ريم :انا معلمتها ريم قلت لها رح اجيك البيت اجهزك للمدرسه
:ما تحتاج انا اجهزها
كان سيقفل الباب لولا انها وضعت رجلها :مع احترامي لك سيدي العزيز بس أنت كأخ كبير المفروض تسأل اختك عن الي تواجهه بالمدرسه ما اتوقع انت تعرف كميه التنمر الي تواجهها أنا جايه هنا بجهزها بشكل يناسب البيئه الي هي بتروح لها
اسيل اقتربت من الباب :ابله
ريم :هلا
اسيل التفتت لأخوها :طلال خلها تدخل هي تشبه ماما كثير تحب تساعد كل الناس عشان كذا حبيتها
نظر طلال لوجه ريم مطولًا ودخل
ريم :افطرتي؟
اسيل :اي الحمدلله
ريم :مين يجهز الاكل اخوك؟
اسيل :لا انا وياه نتساعد
طلال وهو يأخذ شماغه :اهم شي ركزي على دراستك
ريم :وين رايح؟
طلال :اعتقد انتي مسؤوله عن اسيل مو عني
ريم انحرجت وصمتت
طلال :رايح ازور امي
اسيل :طلال تكفى خذني معاك ما شفتها من يوم دخلت المستشفى
طلال :ما يسمحون
اسيل :كذاب صديقتي تقول راحت زارت اختها
طلال صرخ :قلت لك ما يسمحون
اسيل دون اراده غطت اذنيها كما كانت تفعل عند صراع والديها
طلال بحنيه اقترب :اسيل انا اسف ما كان قصدي
لا تزال مغطيه اذنيها
طلال ابعد يديها واحتضنها :اسف انا احبك اوعدك ما اعيدها اوعدك
اسيل شدت على حضنه وهي تبكي :ابي اشوف ماما ارجوك
ابعدها طلال وهو يمسح دموعها :اوعدك بس ترجعين من المدرسه اوديك طيب؟
هزت رأسها بالاجابه
طلال :الحين روحي المدرسه وركزي بدروسك ما عليك من اي شي صيري انانيه فكري بس بنفسك
قام والتفت لريم :انتبهي لها
ريم وضعت يدها على ظهر اسيل :بحطها بعيوني
اسيل انتظرته حتى خرج :مدري شفيه صار كذا
ريم :كيف؟
اسيل :صار يشبه بابا دايم يعصب كذا
ريم وهي تمشط شعرها :هو يحبك مثل ما قال بس أكيد من الضغوطات تغيرت شخصيته انا يوم اهلي سافروا كنت انانيه وما اشوف الناس شي واقول انه مستحيل اخدم اخواني بأي ظرف بس بعدين اول ما امي وابوي طلعوا من البيت صرت افكر فيهم قبل نفسي ،يعني الظروف تغير الانسان واخوك واضح من وجهه...
تذكرت ملامحه الحاده وبلعت ريقها :انه انسان طيب بس هو تعبان ذي الفتره
اسيل ضحكت :ماما كانت تقول ان طلال ملامحه حاده
ريم امسكت خد اسيل :وقالت لك امك ان انتِ مره كيوت؟
اسيل بألم :ايي خدي
ريم ابعدت يدها :عاد تحملي مين قال لك تجين بخدود حلوه
اسيل ابتسمت وهي تنظر بوجه ريم :تعرفين انتِ مره تشبهين ماما بالشكل والصفات والكلام
ريم :منجد؟
اسيل :اي وش رايك اخذت معاي تشوفينها سمعت ان الي بغيبوبه اذا جوهم ناس كثير بالزياره يفرحون ويحسون
ريم :ما اعرف يمكن اخوك ما يبغى
اسيل :انا بقنعه بس انتِ وافقي
ريم :طيب بشوف
اسيل :خلصنا ؟
ريم :اي يلا قومي
اسيل وهي ترتدي عباءتها :كم عمرك ؟
ريم :٢٩
اسيل :كم كان عمرك يوم لبستي عبايه ؟
ريم :ما اعرف يمكن ١١ او ١٢ يعني اول ما جتني الدوره
اسيل :انا لسى ما جتني بس احب البس عبايه
ريم ابتسمت :ماشاء الله الله يثبتك كم عمرك انتِ؟
اسيل :عمري ١٣
ريم :عندك اخوان غير طلال او اخوات ؟
اسيل عبست :لا ماما جابت طلال بعدين علاقتها ببابا صارت مو تمام وصارت كل ما تحمل يضربها لحد ما تسقط يمكن سقطت اربعه او خمسه بعدين يوم حملت فيني بابا كان بالسجن وولدت فيني وما قدر يسوي شي
ريم :طيب امك ما عندها اهل؟
اسيل :طلال يقول ماما كانت يتيمه وجدي كان مدير الميتم الي ماما فيه وزوجها بابا وبعدين مات جدي
ريم :طيب ابوك وش يشتغل؟
اسيل :ما اعرف بس دايم ماما تهاوشه على شغله وتقول له ما ارضى اعيش على حرام وهو يضربها
ريم بلعت ريقها :الحين هو خلاص راح مارح يرجع صح؟
اسيل :اتوقع
ريم :يلا نطلع ؟
اسيل :يلا
...
ف:أنا ما سمحت لك تسوي كذا شوف كيف نكبت اخوك
أ:هو الي قال لي قال احتاج مساعدتك وبنسوي شي يعجب ابوي
ف:وانا قلت لكم لا تسوون شي من وراي لأني ادري انكم دلوخ شفت اخوك الحين انقفط وأنت ادلخ منه تعلقت ببنت ذاك الكلب
أ:ماهو بيدي أنا أحبها
ف:أنا ما قلت لكم الشغل ذا مافيه عواطف مافيه مشاعر قلتوا حاضر يا بوي ابشر يابوي شوف وين وصلتوا بغبائكم
أ:وانت ما قلت ابي انتقم منهم وأبي أوجعهم  ؟ ترا أعرف كل شي عن بنته أعرف الحين هي وين جالسه واقدر أجيبها لك لين هنا واجيب لك ابوها عقبها
ف ضحك :خلها بس تكمل فرحتها ذا الاسبوعين وجيبها
أ:بس بشرط
ف:اشوفك تتشرط على ابوك
أ:اعتبره طلب
ف :اذا نفذت الي قلته اطلب الي تبي
أ:لا تلمسها ولا تأذيها
ف:عاد نشوف وقتها على حسب جمالها
أ :يبه
ف :جيبها بس واوعدك ما المسها ،بنطلع فيصل بالراحه
...
الهنوف :منى قلتي لي ذاك المحل الي يسوي كوكيز ويكتب عليه وينه ؟
منى :بحي الشاطئ اتوقع
الهنوف :طيب انتي الحين بالدوام ؟
منى :اي
الهنوف :متى تجين؟
منى :ثلاث ساعات واجي
الهنوف :عبالي بتخلصين بدري بغيتك تجيبين لي
منى :تقدرين تطلبين على البيت يوصلون
الهنوف :لا بروح الحين مع السواق مع السلامه
منى :مع السلامه
اغلقت الاتصال واتصلت على السائق :الو منيش
منيش :هلا ماما
الهنوف :انت مشغول؟
منيش :لا ماما انا قاعد بيت
الهنوف :طيب شغل سياره يبغى روح مشوار
منيش :وين يبغى روح؟
الهنوف :شوبينق
منيش :وين ؟ بابا غازي قول حق انا اي مكان بيروح مدام قول لي
الهنوف :معليش منيش اعرف انك صادق ومستحيل تكذب على غازي بس ذي المره كذب
منيش :ايش؟
الهنوف :يعني انا قول معليش بس مره واحد كذب انا يبغى سوي حق بابا حفله
منيش :?birthday
الهنوف :هاه ؟ اي اي birthday
منيش :birthdayحق بابا بعد شهر
الهنوف :ايوه انا يعرف بس انا يبغى سوي سبرايز بدري
منيش :طيب الحين شغل سياره انت لا تتأخر
الهنوف :اي ما يتأخر
...
وافي :صباح الخير
ملاك :صباح النور
وافي يحاول النظر لرقبتها :جربتيه ؟
ملاك وهي تمسك رقبتها :ايش؟
وافي :الشاهي ابي اشوف تقييمك
ملاك :باقي واحد اجربه اليوم
وافي :طيب شسمه
ملاك :ايش؟
وافي :وين امك
ملاك :راحت عند ام راشد
وافي :ليش؟
ملاك :مالك دخل
وافي :اخوك هنا ؟
ملاك :عند ابو راشد
وافي :ليش؟
ملاك ابتسمت :برضو مالك دخل
وافي :ملاك ليش راحوا ؟
ملاك :بيخطبون
وافي :بيخطبون راشد؟
ملاك ضحكت :شفيه تفكيرك ما صار منطقي؟
وافي انحرج :اجل ايش؟
ملاك :بيخطبون المياسه لسيّاف
وافي :اهاا طيب شسمه
ملاك :شسمه ؟
وافي :ابي احد يساعدني بنزل الكراتين
ملاك :ولله ودي اساعدك بس مثل ما تشوف رجلي
وافي :انتِ ارتاحي واشربي الشاهي بكل روقان اذا جا اخوك قولي له يساعدني
ملاك :ظهره انكسر مسكين
وافي :ليش؟
ملاك :يمكن لأن اخته العزيزه ما تقدر تمشي ؟
وافي :عادي انا بساعده
ملاك:ايش؟
وافي بتوتر:لا يعني مو قصدي كذا قصدي كذا فهمتِ؟
ملاك ضحكت:اي فهمت مو كذا كذا
وافي :طيب معليك وش رايك بالشعر الي قلته امس
ملاك :نسيته
وافي اتكئ على الباب ونظر لعينيها :
ياساحرالعينين كيف أسرتني
وأنا بحسنِك شاردٌ مذهولُ...