بسم الله الرحمن الرحيم
الفصل الثامن عشر
#سفيان
لا يوجد شخص لا يفهم مشاعر من يقف امامه فالاحساس من رب العالمين ولكل منا حاسة تميزه، نشعر بمكنون من يحدثنا فالخبيث إن طال في خبثه لا يعني مهارته في هذا الامر لكنها مهله من الله في ستره وان زاد فحتما سيأتي يوما وينكشف ....
عند "عنان"
تجلس امام الطعام تنظر له وللجالس امامها بهدوء تام عكس شخصيتها تماما
تحدث "ممدوح" بقوله:
كلي
رفعت نظرها له بقولها المعترض :
لا موكلاش، انت عاوز مني ايه ؟
تنهد مجيبا :
ولا حاجه كل خير
لتجيبه هي باستهزاء :
والنبي ايه خير هياجي منك انت خير يابوز الاخس
- بوز الاخس ؟
-ايوه انت خاطفني يبجي بوز اخس ولو كنت مفكوكه كنت زماني وريتك مجامك
نظر للاعلي ومن ثم قال :
اللهم طولك ياروح اجولك ان شا لله عنك ماكلتي هاتي الوكل
اخذ الطعام واخذ بيدها اليمني التي تركها لتأكل ليعيد قيدها من جديد
تركها خارجا اما هي فما ان خرج حتي انهارت قواها باكيه لتقول :
يارب مليش غيرك انا معملتش حاجه لكل ده ولو عاوز يجتلني يخلص لكن ليه مهملني اكده
رفعت عيونها للاعلي مفكرة في مصيرها لتكمل :
لازمن اخرج من اهنيه باي طريجه بس كل حاجه مجفله والدنيا مضلمه كمان
نكست رأسها للاسفل وتذكرت والدها ومن ثم قالت :
ربنا عيعاجبني عشان هربت منيك يابوي يارب تسامحني عشان مسامحتك دي هي طوج نجاتي .
في القاهره
وعند بيت "نيروز" تجلس امامه ناكسة رأسها باكية لا تعلم ماذا تفعل اما الاخر وهو "حمزه" يفكر بما عليه فعله فبعدما سردت عليه ما حدث كانت الحيرة تعتلي ملامحه
اخذ نفس عميق ليقول :
سؤال واحد بس انتي مقولتيش ليه من الاول ؟
اجابته بنبره تدل علي كونها باكية :
قالي مقولش لحد وانا خوفت يأذيها
- هي عندها كام سنه ؟
- ١٥ سنه
قالتها متأثرة للغاية فاكمل "حمزه" متسائلا :
انتي ليه قولتي عليها بنتك ؟
- عشان هي بنتي وانا الي مربياها ايوه اختي بس من اول ما اتولدت يا حمزه وانا امها حقيقي اه كنت صغيره لما اتولدت بس فضلت متوليه امرها لحد ماكبرنا سوا
تنهد وهو ينظر للاسفل لا يعلم ماذا يفعل ليقول وكأنه يفكر بصوت عالي :
انا مش فاهم ايه الدافع بتاعه بس احنا ممكن نجبله الفلوس وناخد البنت بس ليه اصلا ياخد فلوس ليه، لا اله الا الله
صمت ليفسح المجال لرنين هاتفه ان يصدع في الارجاء ليجد رقم "عزيزه" يهاتفه نظر له للحظه ومن ثم رفعه مجيب :
الو
