الي بيقرأ بصمت كده يفوق معايا عشان في دماغي افكار جباره لو حطتها في الروايه دي هتنفجر في وشنا كلنا واولنا سفيان فشدوا معايا كده عشان ابغي افجرها بصراحه 😂
بسم الله الرحمن الرحيم
الفصل الرابع
#سفيان
وتظن أن المعركة قد حسمت ولكنها لم تبدأ بعد ...
رحب "سفيان" بمحامي والده الا وهو "صادق" جلس لينفض الجميع جالسا حوله .
تحدث "صادق" قائلا :
اولا البقاء لله ... ثانيا اسف كنت لازم اجي اعزي امبارح وكمان آجل الاجراءات دي لكام يوم بس للاسف انا هسافر ضروري جدا بكره بليل واحتمال اغيب فكان لازم اجي .
اجابه "هادي" بقوله :
تنور يامتر ماتجولش اكده ،نشربوا الشاي الاول وبعد اكده نشوف الي انت تريده .
اماء له "صادق" ليجيب :
تمام نشرب الشاي وانا بقول الي عندي
اشار "هادي" لابنته حتي تحضر اكواب الشاي ليقول "سفيان" قائلا :
انا شوفتك جبل اكده .
ابتسم "صادق" قائلا :
ايوه مره واحده لما كنت مع الحاج وعرفنا علي بعض ... البقاء لله .
- ونعم بالله .
اتت "عنان" بعد لحظات حامله اكواب الشاي وضعتهم ومن ثم قالت :
هستاذن انا بجي .
ولكن "سفيان" اجابها قائلا :
لا خليكي انتي مننا وعلينا .
كان يقولها سريعا ومن ثم اعاد وجهه ل"صادق " لتبتسم هي بفرحه .
تنحنح "صادق" ليقول وهو يفتح الحقيبه قائلا :
اولا انا معايا بعض الاوراق وكمان وصيه وضروري جدا الاستاذ عماد اخو المرحوم يكون حاضر .
نظرت "نيروز" للارض حزنا في حين صدم البقيه وخاصه "عزيزه" التي لم تتوقع هذا قط .
تحدثت "عزيزه" مجيبه :
عماد تعيش انت لكن بنته اهيه .
القي عليها نظره ومن بعدها اكمل قائلا :
تمام ... اولا المرحوم ساب تركه كبيره اوي وطبعا معروف انها هتعود لزوجته وابنه بس في حاجات مكتوبه باسم اخوه عماد معرفش اي السبب بس اعتقد وبما انه كان شارط ان عماد يبقي موجود ساعه فتح الوصيه يبقي اكيد هيتوضح كل ده .
لم يفهموا شئ حتي "نيروز" فهي متعجبه للغايه اكمل وهو يفتح الوصيه ليقول :
"بسم الله الرحمن الرحيم
لما هتجروا الوصيه دي هبجي انا بين الاموات ،رايدكم تدعولي دايما ومحدش ينساني ... انا حبيت عماد يبجي وسطيكم عشان اجوله حجك عليا ،للاسف معرفتش اوصله لكن ولدي يجدر وانا خابر سفيان لما بيعوز حاجه بيوصلها ،المهم انا عرفت مين ابن الحرام الي وجع بيني وبينك واكتشفت اني ظالمك وليك حج عندي كنت لازمن اكتب الوصيه دي عشان لو مت ... انا دورت عليك كتير ولحد دلوك بدور فص ملح وداب ياولد ابوي ،سامحني انت ومرتك حجكم علي .
عزيزه رايدك تسامحيني وانتي وجتها هتعرفي ليه ،فلوسي دي هتروح لعزيزه وسفيان وعماد بس غير اكده لا ،بجول تاني غير اكده لا سامعني ياولدي لا .
