ناضت صباح على صوت عياط . رفدت روحها و هبطت . لقات خالتها فتيحة و ولادها كومبلي بولادهم . بدات تسلم عليهم .
- مايا و هي تعنق في اميرة : ميرا توحشتك .
- اميرة : مام انا توحشتك . صفا خالتو ؟
- فتيحة : حمد الله . واش عيشة كملتو تخمال الدار ؟
- عيشة : البنات كملو مي حنا مزال .
- حنان : رانا جينا خالتو ليوم نكملو كلشي .
- آية : نشاء الله .
-هيثم : خالتو عيشة . حبيت ندوموندي منك عفسة ؟
- عيشة : واش ؟
- هيثم : كنت رايح للبحر انا و شوقي منبعد كي عرفت بلي جيتو قلت نجي ندي معايا اميرة و آية .
- عيشة : زعما؟ 😏
- شوقي : هيا خالتو . و الله منطولو .
- عيشة : احكو معا باباهم ماشي معايا .
- فتيحة : هيا خلي البنات يروحو شوفي كيفاش راهم . باينة بلي عياو . صح و لالا آية؟
- آية : و الله خالتو . راني حاسة الستراس تاع الدنيا كومبلي عليا .
- ياسمين : واه خالتو . هيا . في خاطرنا .
- عيشة : ..... هم . روحو . و مطولوش .
- هيثم : اوكي. البنات روحو لبسو و وجدو قشكم باش نروحو .
- اميرة : بصح مزال مكليت والو .
- شوقي : روحي البسي نشرولك من برا.
- اميرة ببسمة صغيرة : اوكي .
- مايا : ماما قولي لخالو يديني معاه .
- ياسمين : مايا خليهم يروحو ليوم و غدوا نروحو حنا.
- مايا : مآه نروح معاهم خير .
- هيثم : خليها تروح معانا.
- ياسمين : بصح المايو و لبستها ؟
- هيثم : ندهماو لدار نلبسولها و نروحو .
- مايا : ياس ياس. نحبك خالو .
- هيثم : مام انا .
لفوق وين كانت اميرة و آية حاكمين ڨاع لمايو لي عندهم و يشوفو فيهم .
- آية : واش نلبس هدا ؟ و لا هدا ؟
- اميرة : و انا واش نلبس ؟
- آية : معمباليش .
بعد 10 دقائق لبسو مايو و فوقو روبات و رفدو ساك كبير فيه سرابت و دراهم و منا . حبطو .
- هيثم : نروحو ؟
- آية : واه .
خرج رافد مايا . ركب هوا و شوقي يسوق و اميرة و آية ملور .
- هيثم: هاكو حطو معاكم مايا.
- اميرة : مايا جيتي معانا؟
- مايا : وي ميرا خالو محبش يخليني بقا يحلل فيا باش نجي معاه و انا قبلت .
- شوقي : ههههه ليك كيفاش.
- آية : بعدو عالطفلة . عندك الحق مايا مزيا جيتي .
طريق و لحقو لدار ياسمين . هبطت اميرة و هيثم . طبطبو فتحتلهم يمات راجلها ( نسموها كريمة )
- كريمة : هيثم وليدي .
- هيثم : خالتو خليني ندي قش مايا . راهي رايحة معايا للبحر .
- كريمة : ها ادخلو . اميرة راكي مليحة ؟
- اميرة : راني مليحة و نتي ؟
- مايا : مامي منبعد و احكو و ميرا ارواحي معايا .
خرجو مالدار و راحو للبحر . قعدو . يڨسروا حتى وين نطقت مايا .
- مايا : جينا باش نقعدو فالكراسى و لا باش نعومو ؟
- هيثم : البحر راهو قدامك .
- اميرة : هيثم علاش هكا ؟ ارواحي نديك انا .
دونك اميرة كانت لابسة مايو اونبياس كحل و مفتوح من الظهر و مشبك فالصدر و كانت لابسة خلخال و آية مايو كحل اونبياس مفتوح فالظهر برك . و زيد لاطاي ديالهم و جسمهم مخدومين .
رفدت أميرة مايا و دخلو للبحر .
- اميرة : عجبك الحال .
- مايا : ههه ميرا حالة .
عامو شوية و خرجو و آية و لخرين كانو يحكو . حكاتلهم آية واش صرالها هي و اميرة و طرطڨو بضحك ..
- شوقي : هام جاو . واش مايا عجبك الحال ؟
- مايا : هممم بزاف.
- هيثم : ضحكتها سمعتها ڨاع ألجي .
- آية : خلوها . ارواحي عندي . نمدلك تاكلي؟.
- مايا : اممم .
كلاو شوية و ناضت اميرة قاتلهم نروح نشري . راحت معاها مايا و هيثم . يحكو و يضحكو . حتى وين لقاو عبد يعيط باسم هيثم .
- هيثم: صاحبي هادي غيبة.
- اميرة : عبد المالك.
- عبد المالك: اميرة .
🎥🎥🎥🎥🎥🎥🎥🎥🎥🎥🎥🎥🎥
هادا هو بارت ليوم و نحبكم و متنساوش فوت و كومونتار ❤️💞
أنت تقرأ
كرونيك " القدر لا يسأل" 💞
Romanceهادي حكاية اميرة و عبد المالك راهو مكتوب التعريف تاع الشخصيات في الكونت لي راحلي .https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
