- اميرة : أنور .
خزرت فيها سارة خزرة مكاش كيفاش نوصفها و قالت .
- سارة : لالا راكي تتمسخري .
- اميرة بحزن: لالا .
- مريم: عيطيلو سقسيه وين راهو؟
- سارة : اممم اوكي .
عيطتلو اللولة كوبا عليها . الدوزيام كيف كيف . الثالثة ناض ريبوندا .شافتو بلي هو تشوكات .
- أنور: سارة وش بيك ؟ علاش راكي تعيطيلي ؟
- سارة : أنور وين راك ؟
- أنور : علاش ؟ من وقتاش تسقسيني وين راني ؟
- سارة بتنرفيز : أنور ني نحكي معاك . وين راك دوك ؟
- أنور : هبلتي نتي . بلاكي تزيدي ترفدي صوتك عليا . و زيد راني مع صحابي .
- سارة : اوكي .
كوبات عليه . و خزرت فيهم الدمعة في عينها .
- آية: واش قالك ؟
- سارة : راهو مع صحابو .
- اميرة : آية روحي خلصي نتي واش كلينا و لحقينا . و نتي سارة تبعيني دوك نوريلو . العطاي . نقش .
ناضت رفدت ساكها عينيها يقدحو شر . و سارةو مريم موراها و آية راحت تخلص . لحقت عندو خبطت عليه الطابلة.
خزر في اميرة بشوك .
- أنور : وش بيك مدموزال هبلتي ؟
- اميرة : اممم نتا لي هبلتني عطاي . و تزيد تكذب عليها . وليد .... . ضرباتو بكف . شوكاتو . زادتلو سارة كف قاوي .
- سارة : نتا ماشي راجل . طحان . راك مع صحابك . هادو هوما صحابك . 3 شهور يالزح و نتا متبدل و انا نقول دوك يولي نورمال مي نتا طحان .
سكتت دارت يدها على عينها منبعد نطقت .
- سارة : شوف مليوم ما تعرفني ما نعرفك . عطاي .
و بعدت اما اميرة . خزرت فيه خزرة تخوف. و قاتلو.
- اميرة : شوف نزيد نلقاك دور قدامها نقتلك و نشرب من دمك . حمار.
جات آية مشوكية من واش دارو منبعد خزرت فيه و بزقت عليه . اما اميرة بعد مافاقت بلي راهي معاه هديك الطفلة . كبت عليها القرعة تاع الما . و خرجو
طريق كومبلي و هوما يسكتو في سارة . و هي غير تبكي . بسيف باش سكتت . داوها للبحر. قعدت وحدها. بعد نص ساعة . راحت ليهم و قالتلهم .
- سارة : خلونا نروحو عند بلال .
- آية : اممم امشي .
لحقو دخلت اميرة هيا لولة. بدات تحوس عليه بعينيها حتى لقاتو . عيطت
- اميرة : يا بلال .
جا ليها يجري.
- بلال : هبلتي يالزح ؟
- اميرة : اممم .
- آية : اخطيك منها الطفلة من عند ربي مهبولة .
- سارة : يالزح ماشي هداك شوقي و هيثم .
- اميرة : هوما.
- سارة : شوفو فيا راني نبان مليحة . نورمال ؟
- مريم : راكي هايلة.
- شوقي : البنات .
- اميرة : شوقي . هيثم. صفا ؟
- هيثم : ملاح .
- مريم : خلونا نقعدو و احكو . شوفو كيفاش رانا واقفين .
- بلال : عندها الحق . روحو ريحو . واش تاكلو.
- مريم : لاكريم.
- بلال : اوكي .
راحو حكمو طابلة و قعدو .
- مريم : اميرة شكون هادو؟
- اميرة : ها نسيت . شوقي هيثم هادي مريم . مريم هادا هيثم و هادا شوقي خو سارة.
- شوقي : صحبتكم ؟
- آية : ايه باينة .
- شوقي : انتيك . ايه سارة واش راكي ديري هنا ؟
- سارة : زعما وش جيت ندير. جيت باش ناكل.
- هيثم : كنتي تبكي ؟
- سارة بتوتر : لالا.
- هيثم : اوكي . اميرة . شوفي الصدفة كنا جايين ليوم عندكم .
- آية : علاش؟
- شوقي : قلنا نباتو .
- اميرة : هاه . بصح ليوم راح تبات عندنا سارة و مريم .
- شوقي : منيش قادر نروح لدار . راهي خرى حشاك .
- آية : عمبالنا قاتلنا سارة . ايه كيفاش نديرو؟
جا بلال . حطلهم لاكريم . و جاي مخلط كل طبسي فيه شيكولة . فراز و بيسطاج .
- مريم و هي تاكل : عادي لبنات . هوما يجو يرقدو فكاش شومبرة و حنا فشومبرة .
- سارة : بصح خاوتك ؟
- شوقي : خلاص خلي كاش نهار.
- هيثم ؛ وي خلي كاش نهار .
- آية : اوكي دبرو راسكم .
- اميرة : ايه كيفاش ؟ مزالكم سيليباتار ؟
- هيثم و هو يخزر في سارة : ايه .
🎥🎥🎥🎥🎥🎥🎥🎥🎥🎥🎥🎥🎥🎥
فوت و كومونتار ❤️💞💞💞💞 بليززز
أنت تقرأ
كرونيك " القدر لا يسأل" 💞
Romanceهادي حكاية اميرة و عبد المالك راهو مكتوب التعريف تاع الشخصيات في الكونت لي راحلي .https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
