هادي حكاية اميرة و عبد المالك راهو مكتوب التعريف تاع الشخصيات في الكونت لي راحلي
.https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
عبد المالك: تحبيه؟؟ دارت اميرة ليه . خزرت فيه و عاودت خرجت و خلاتو وحدو . و هو تقلق من هاد الجاست . خرج موراها مي هوا خرج من الدار كومبلي . راحت اميرة لصالون . زادت معاهم شوية و طلعت لشومبرتها باش ترقد . طلعت حطت راسها رقدت . باسك صح كانت عيانة . بعد مدة فطنت رفدت تيليفونها لقاتها 3:30 تاع صباح. خرجت من الشومبرة و هبطت للكوزينة . جبدت عفسة تاكلها و عاودت طلعت لشومبرة. قعدت فالبالكون تحكي مع جاك . جاز وقت و ولات رقدت . فطنت صباح. رفدت تيليفون لقاتها 12 . رفدت روحها و هبطت عندهم . لقات يماها فالكوزينة . راحت دارت قهوة لروحها و بدات تحكي معاها . المفيد جاز هاداك نهار و ما صرا فيه والو . رقدت و ناضت . غدوة صباح ناضت على 8 دخلت دوشت و لبست و خدمت شعرها . كي كملت كانت 9:46 . لقات آية تلبس تان سقساتها قاتلها راهي رايحة تخدم . ( آية ) المفيد كانت لابسة هكا 👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و شعرها هكاك . هبطت قالت ليماها بلي راهي خارجة . رفدت مفاتح طونوبيل و خرجت . دخلت للطونوبيل و راحت . دارت لغنا آفون و تسوق . شوية وقت و حبست قدام الريستورون تاع بلال لي جاي قدام البحر . ڨارات و هبطت . دخلت راحت ديراكت حكمت طابلة مقابلة البحر . شوية و جا السارفور دوموندات هوت شوكلات و ڨاطو تاع شوكو . و بدات تحكي آبال فيديو مع جاك شوية و جات ماكلتها قاعدة تاكل و تحكي معاه . هكاك و تلقا عبد المالك مع طفلة جايين يقعدو فالطابلة لي مقابلتها . خزرت فيهم مليح منبعد كملت تاكل و تحكي . و عبد المالك شافها مي محبش يحكي معاها . كملت و جات رايحة تخلص . خلصت كي جات رايحة لقاتو واقف قدامها . - اميرة : واش؟ - عبد المالك: نقدرو نحكو ؟ - اميرة : فواش؟ - عبد المالك: على واش صرا ؟ - اميرة : واش صرا؟ - عبد المالك: نتي عمبالك على واش راني نحكي . - اميرة : اصبر نتفكر . ... اممم نسيت . - عبد المالك: اميرة . - اميرة : واش ؟ 🤨 أصلا واش راك دير هنا ؟ روح عند مرتك . خزرت فيه و راحت و هو تبسم و راح عند الطفلة . اما اميرة راحت كملت تدور و كملت نهارها نورمال . لحقت 6 . دخلت اميرة لدار . لقات عيشة دير في خيمارها و خاوتها لابسين . خزرت فيهم . - اميرة : واش ماما؟ وين بيها؟ - بلقيس : عرضتنا طاطا فاطمة - اميرة : علاش؟ - عيشة : دارت عشا علاجالك . كي رجعتي . - اميرة : ها. صحا نزيد شوية و نجي .😁 - عيشة : امشي قدامي نعرف الشوية تاعك . امشي . و بدات طبع فيها . - اميرة : ماما نزيد غير شوية أصلا نجي مع آية . - عيشة : آية راحت قبلك . - اميرة : خرية هاديك . - عيشة : اسامة واش يدير . خرجو من الدار و هوما يحكو . طبطبت عيشة فتحلها اسامة الباب . و دخلو ريحو يڨسرو و منا . شوية و زاد طبطب الباب. راحت اميرة فتحت . لقاتو عبد المالك . - عبد المالك: خير ؟ - اميرة : خير خير . عبد المالك و هو ينحي فالباسكات : علاش راكي هنا؟ - اميرة : عرضتنا طاطا باش نتعشاو و زيد وجدت لاليست تاع بنات باش تشوف لي عجبتها و تزوجك . - عبد المالك: كيفاش هادي ؟ - اميرة : مدخلنيش . يماك قالت . و راحت مخلياتو. شوية و دخل عليها الصالون يضحك . قعدو يڨسرو كومبلي غير هيا لي ساكتة و ماشي فاهمة روحها واش راهي دير دوكا و لا واش راهي تحس و علاش قلبها راهو يخبط و بزاف اسئلة . و هو الوقت كومبلي يخزر فيها و يخمم كيفاش يتصالحو . جاز وقت و حطو العشاء تعشاو و هوما يضحكو و منا . شغول عشاء عائلي المفيد غسلو الماعن و منا . و وجدت مريم للسهرة و منا . كانو قاعدين حتى وين صونا تيليفون اميرة . رفداتو و خرجت . و عبد المالك شوية و خرج موراها . اما اميرة عيطلها جاك . - جاك : اميرة تشفاي هادوك الورق تاع القضية تاع ألبرت سميث ( نخلط برك ) ؟ - اميرة : وي نشفا . - جاك : راكي حاطتهم فلبيرو ديالك ؟ - اميرة : نو . راهم فلبيسي ديالي . علاش ؟ - جاك : باسك هاداك ألبرت هاد الخطرة قتل واحد و كاين الكاميرات و كولشي . - اميرة : يسما مكاش كيفاش يسلك منها هاد الخطرة ؟ - جاك : وي . - اميرة : مي الورق علاش ؟ - جاك : باسك المحكمة دوموندات باش نجيبولها الدوسي ديالو كومبلي ( شوفي خاوتي انا منفهمش ڨاع فهاد الخدمة المفيد ) . - اميرة : اوكي . دوك نروح لدار و نبعتهملك . اوكي . - جاك : علاش وين راكي ؟ - اميرة : عند طاطا فاطمة . - جاك : يسمى راكي مع عبد المالك. ؟ - اميرة : ايه . - جاك : و كيفاش ؟ - اميرة : فليل نحكيلك عليه . اوكي . - جاك : اوكي . و ازربي ابعثي لورق . - اميرة: ايه . كوبات و كي جات داخلة( كانت فالجنينة ) . لقات عبد المالك واقف عند الباب . - عبد المالك: واش كاين بينك نتي و هادا؟ - اميرة : عليمن راك تحكي ؟ - عبد المالك: عمبالك . - اميرة : و نتا واش دخلك ؟ - عبد المالك: انا ندخل روحي فكلشي يخصك اوكي . - اميرة : مي انا منخصكش . دونك مكلاه تتخايل بزاف باسك ماشي مليح لعقلك . و راحت و خلاتو. دخلت لصالون قالت ليماها بلي راهي رايحة . - عيشة : علاش؟ - اميرة : ماما عيطلي المدير ديالي و دوموندا الورق تاع الخدمة . دونك لازم نروح نبعتهملو و نولي . - عيشة : راهي ظلمة . - اميرة : ماما 2 دقائق و نكون فدار . - عيشة : مدخلنيش . ميدو روح مع ختك . - ميدو : منروحش . - عبد المالك: خلي خالتي دوك انا نوصلها أصلا كنت خارج . - فاطمة : وين ؟ - عبد المالك: نجيب عفسة من الطونوبيل نسيتها . - اميرة : اوكي . خلينا نروحو . خرجت قبلو . فتحت الباب تاع دار . كانت ظلمة و هي راح تغلق الباب لقاتو دخل . - اميرة : وين بيها ؟ - عبد المالك: معاك . - اميرة : علاش؟ - عبد المالك: هكاك . نفحتلي . - اميرة : ماشي راح تجيب عفسة من طونوبيلتك . - عبد المالك: نو . - اميرة : اووف . تعيي عمبالك . ادخل . دخل و هي غلقت الباب . طلعت لشومبرتها و هوا متبعها برك . ريحت فوق البونك و فتحت البيسي و قعدت تحوس على الدوسي هداك . اما هوا قعد يدور في الشومبرة يشوف فيها . 🎬🎬🎬🎬🎬🎬🎬🎬🎬🎬🎬🎬🎬🎬 ههههههه راني وليت . 😂😂 عمبالي بلي أنا ماشي بنادم مي راني حابة نكمل الكرونيك هادا . دونك لازم نكملو قبل ما نبدا عفسة و عمبالي بلي قلت نترجملكم رواية مي ملقيتش الوقت راكم تعرفو . رانا نقراو صباح و عشية . و كي ندخل لدار نكون عيانة و منا دونك نتعشا و نسيق و نشوف شوية فواش قريت منبعد نرقد . مي معليش راني وليت 😂😂😂🥺❤️❤️❤️ و نحبكممم
