لقطة عبد المالك داخل مع وحدة و يضحك . بقات اميرة تشوف و الدمعة في عينها بقات تشوف كيفاش كان يضحك معاها و خطرة على خطرة بيوسلها يدها. بقات تشوف حتى كي راح هوا لتوالات و مع جا مولي لطابلة صونا تيليفوو لي كان فوق الطابلة. شافت كيفاش ضحك مع هاديك الطفلة كي كملو الهدرة. خزر فيها هيثم . منبعد بدا يبعث الفيديو من الميكرو لتيليفونو . كملو. حكمها و خرج من الشومبرة . راحو مدو المفتاح لمرزاق و خرجو من الريستورون كومبلي و اميرة مازالها ساكتة . حكمها هيثم .
- هيثم : اميرة . راكي مليحة ؟
- اميرة : كيفاش راك حابني نكون مليحة ؟ صح كنت متاكدة مي كي شفت وجعتني بزاف .
- هيثم : عمبالي . ارواحي عندي .
و جبدها عنقها و هيا زيرت عليه و بدات تبكي بلعقل و هوا كي عرفها بلي راهي تبكي خلاها . هكاك و يخرجلها عبد المالك . حكمها من يدها و دورها ليه .
- اميرة بلعياط : وشبيك ؟
- عبد المالك: نتي لي وشبيك ؟ هبلتي ؟ معنقاتو برا قولي .
- اميرة : ولد خالتي و نعنقو كيما نبغي . داكور . و زيد نتا واش جابك ؟
- عبد المالك: جيت ليك .
- اميرة: علاش ؟.
- عبد المالك: تقلقت منك . و نتي واش جابك لهنا؟
- اميرة : جيت نطل على وليد خالتي .
- عبد المالك: و وليد خالتك واش يدير هنا ؟
- اميرة : مول الريستورون.
خزر فيها و ملقاش واش يحكي . اما اميرة كي شافتو سكت . دارت عند هيثم . و قاتلو نروحو . راحت ركبت فالطونوبيل و خزرت في عبد المالك لي كان يشوف فيها و طلعتلو صبعها الوسطاني و ضحكت .
المهم بعد وقت لحقو لدار . هيا دخلت و هيثم راح . طلعت لشومبرتها لقات آية تقرا. شافت فيها آية .
- آية : كنتي تبكي ؟
- اميرة : واه.
- آية : علاش ؟
- اميرة : خدعني . ايه خدعني و يزيد يجي يكذب عليا فوقها . والله غير حبيتو . جامي ماحبيت عبد مي كي حبيتو حبيتو من قلبي. جامي لا كذبة عليه و لا درتلو عفسة عيانة . نديرلو غير واش يحب هوا . مي هوا خدعني .
راحت ليها آية عنقتها و اميرة بدات تبكي و تشهق و تقوللها خدعني. بقات هكاك مدة . حتى وين هدات .
- آية : راكي مليحة دوكا ؟
- اميرة : لالا . دوك فهميني وش معنتها يخدعني . قولي . دوك نوريلو شكون اميرة . لوكان منخرجوش من عقلو منتسماش .
- آية : نتي دوك التاي بقرايتك و حبسي معاه اوكي .
- اميرة : اميرة باينة استناي عليا . نجيب الباك و نروح .
- آية : للندن؟ مزالك في رايك.؟
- اميرة : ايه . لندن .
- آية : دبري راسك .
- أميرة : شحال راهي الساعة ؟
- آية : راهي 6:22 .
- اميرة: يالزح نسيت .
- آية : واش ؟
- اميرة ؛ قاتلي مريم ارواحي باتي معايا ليوم .
- آية : تروحي ؟ راكي قادر تشوفيه؟
- اميرة : شفتو .
- آية : وين ؟
- اميرة : تبعنا انا و هيثم كي خرجنا من الدار .
- آية : واش رحتو ديرو ؟
- اميرة : قالي وحد الحكاية هداك الكلب بلي راح للريستورون****و مكانش عمبالو بلي تاع مرزاق . دونك رحت انا و هيثم باش نشوفو لكاميرا . أيا كي شفنا. خرجنا عنقني هيثم برا . حتى وين خرجلي هداك الحمار .
- آية : واش قلتيلو ؟ متقوليليش برك بلي عرف بلي عرفتي .
- اميرة : لالا حكا و عيط منبعد كي سقساني واش جيت ندير هنا قتلو جيت نطل على وليد خالتي. أيا قالي واش راهو يدير هنا . قتلو مول الريستورون .
- آية :. ههههههه واش قال ؟
- اميرة : ماقال والو . سكت .
- آية : باينة معندو ميحكي . و دوك تروحي و لالالا؟
- اميرة : معمباليش ماما قاتلي روحي . و انا مور واش شفت معمباليش ادا نقدر.
- آية : روحي . و بينيلو بلي مراكيش متأثرة. اوكي .
- اميرة ؛ يسما نروح ؟ ايه نروح . واش نلبس . اصبري نعيط لمريم .
هيا عيطت لمريم و آية ضحكت على هبال ختها .
- مريم : الو .
- اميرة : الو . اسمعي راني جاية نبات معاك .
- مريم : ياس . اسمعي جيبي معاك 4 اندومي . باش نديروهوم فليل .
- اميرة : و نتي جيبي شيبس و منا . اوكي .
- مريم : اوكي . وقتاش تجي ؟
- اميرة : دوك نلبس و نجي .
- مريم : اوكي .
كوبات عليها و راحت فتحت لخزانة جبدت ڨاع البيجامات لي عندها هيا و آية . تشوف و ترمي . بعد وقت خيرت وحدة .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لبستها و رفدت ساكها فتحت القجر جبدت 4 اندومي . ( هادي انا نشري اندومي بزاف و نخبيه فالقجر) . المفيد و سڨمت شعرها و هبطت . قالت ليماها و باباها . و خرجت . راحت طبطبت . فتحلها عبد المالك .
- عبد المالك: اميرة .
- اميرة : واه . اميرة . بعد مطريقي .
بعداتو من الباب و دخلت . غير دخلت خرجتلها فاطمة . قاتلنا اطلعي عندها راهي فيشومبرتها كيما العادة.
🎥🎥🎥🎥🎥🎥🎥🎥🎥🎥🎥🎥
دونك راني كتبتلكم هاد البارت. محبيتش نخليكم هكاك . مي عادي نطول باش نكتب باسك جات عندنا خالتي و بناتها و راكم تعرفو الحالة كي تلقاو بنات خالاتكم. سووو. عادي نطول . و نحبكم و متزعفوش
أنت تقرأ
كرونيك " القدر لا يسأل" 💞
Romanceهادي حكاية اميرة و عبد المالك راهو مكتوب التعريف تاع الشخصيات في الكونت لي راحلي .https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
