هادي حكاية اميرة و عبد المالك راهو مكتوب التعريف تاع الشخصيات في الكونت لي راحلي
.https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
- اميرة: الو . مالك . - ...: وي . - اميرة : شكون نتي ؟ تماك تسمع صوت عبد المالك. - عبد المالك يلهث: وي اميرة . - اميرة: مالك وين راك ؟ و شكون هادي الطفلة ؟ - عبد المالك بتوتر : راني مع جماعة نقراو. - اميرة : وين ؟ - عبد المالك: فريستورون . - اميرة: اسمو ؟ - عبد المالك: ******( زعما اسم للريستورون) تبسمت على جنب . - اميرة : مالك عمبالك شحال راهي الساعة ؟ - عبد المالك: نو . اصبري . يا اميرة سمحيلي نسيت. نخلفهالك . - اميرة : متخلفهاش . اوكي . باي . كوبات عليه و وجها كان حمر تزيد شوية تطرطق. - مريم : وين راه ؟ - اميرة : يروح يرنك . امشي خلينا نروحو لدار . بداو يمشو و اميرة تحكي . - اميرة : قال وشنو السيد نسا . علاش؟ باسك راهو مع جماعتو يقراو . و زيد تيليفونو واش كان يدير عند هاديك الطفلة. يزيد يجي يحكي معايا و الله غير ####### - مريم : بلعقل برك . بالاكي يطرطقلك كاش عرق . ختيتو. - اميرة : الزح ياه . راني جيعانة . مشاو شوية و لحقو. دخلت اميرة لدار . - اميرة : ماما واش راكي دايرة فطور ؟ خرجت عيشة من الكوزينة. - عيشة : واش راكي ديري هنا ؟ ماشي قلتيلي راح تروحي نتي و مريم و عبد المالك تفطرو برا منبعد يوصلكم. - اميرة : أخطيني منو هاداك الكلب . الحمار . يجي و نتفاهم معاه . آخخخ ماما حطيلي ناكل . راني جيعانة . - عيشة : ادخلي . كاين عدس . حطتلها العدس و اميرة تاكل و تسب فيه و نورمال قدام يماها باسك يقولولها كلشي ( عمبالكم كيما ماما . نجي راح نقوللها ماما جا واحد زل يقرا معايا تبدا تعيط . آي عاشور ارواح راح تقتلني بنتك . ) . كملت الماكلة و شربت ڨازوز و راحت غسلت فمها و دارت كايي تاع عربية و فلسفة و برابلي فالساك . و خرجت. راحت عند مريم . طبطبت. لقاتها تلبس فالتقاشر . ستناتها و راحو . طريق و لحقو. قراو من 2 حتى 4 عربية و من 4 حتى 6 فلسفة. خرجو كان البرد. قابلهم عبدو فالطونوبيل . صونالهم . ركبت مريم و اميرة راحت كملت طريقها . تمشي . خرج من الطونوبيل باش يحكي . - عبد المالك: ادخلي . - اميرة : لالا . - عبد المالك: اميرة ادخلي الطونوبيل . راهو البرد . - اميرة : خايفة على روحك روح . اوكي . - عبد المالك: وشبيك ؟ سيريو وشبيك ؟ هبلتي ؟ - اميرة : واه هبلت صاحبي . علاش لي يعرفك نتا ميهبلش . ياو عندي الحق نفوت الهبال معاك . - عبد المالك: اميرة ادخلي نحكو فالطونوبيل. - اميرة : قتلك لالا . أصلا اصبر . شكون هاديك الطفلة ؟ مقبيل كي سقسيتك مقتلي والو عليها ؟ - عبد المالك: يسما نتي لسقتي فحكاية الطفلة . بيك الطفلة برك . قولي . - اميرة : ايه الطفلة . شكون هيا ؟ - عبد المالك: اميرة راح تصب الشتا ادخلي خليني نوصلكم للدار و نحكو فليل . - اميرة : شفت كيفاش راك تتهرب . ؟ منروحش معاك . اوكي . روح وحدك. - عبد المالك: نتي جايحة . اليوم عرفت شحال نتي جايحة. علاجال حكاية تاع طفلة درتي ڨاع هاد السمير ! خزرت فيه اميرة مليح منبعد بدات تمشي بزربة . قعد هوا يخزر فيها منبعد راح ركب فالطونوبيل و راح لدار . اما اميرة لي كانت غايضتها عمرها . و زيد الشتا بدات تصب . بدات تمشي و تحكي و تسب . كاش نص ساعة لحقت للدار . دخلت مشمخة تقطر . نحات الباسكات و التقاشر و الفاست و و راحت طالعة لشومبرة و هيا طالعة تقابلها عيشة . - عيشة : وشبيك هكا ؟ - اميرة : ماما راني عيانة . - عيشة : روحي دوشي و لبسي و تكسلي . - اميرة : اممم . دخلت لشومبرة رفدت قشها و راحت لدوش دوشت . لبست فيزو كحل و تريكو كحل خشين. و تقاشر كحولة . راحت لشومبرة رفدت تيليفون . ملقات من عندو والو . طفاتو و راحت رقدت . كانت عيانة و محطمة عاطفيا و نفسيا و داخليا و خارجيا و كلشي . ناضت غدوة صباح عيانة و مكسرة و كلشي . رفدت تيليفون شعلاتو لقاتها 9 و زيرو ميساج و لا آبال من عند عبد المالك مي ميات آبال و ميساجات من عند مريم و هيثم و شوقي راحت غسلت وجهها و فمها و لبست هكا 👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و رفدت كايي واحد باش تكتب فيه . كان عندها ليكوغ تاع رياضيات . 2 سوايع . هبطت دات دراهم من عند عيشة . و خرجت و راحت وحدها باسك مريم مديرش ليكوغ . قالت بلي يفهمها اسامة . المهم . دهمات عند حانوت شرات كونديا شوكو و ڨاطو تاع ثلث آلاف و 5 شمينغوم ماي . بدات تاكل و تشرب برا . هكاك و حست تيليفونها يصوني . لقاتها مريم .
- اميرة : صباح الخير . - مريم : صباح الخير . راكي مليحة ؟ - اميرة : ايه مليحة . و نتي ؟ - مريم : مليحة . اميرة البارح ليل كومبلي و انا نعيطلك و نتي والو . - اميرة : كنت راقدة . - مريم : يسما معامن كان يحكي البارح فليل؟ - اميرة : واش كاين ؟ - مريم : والو. والو . - اميرة : مريم نتي كي تكون كاينة عفسة على شوقي نحكيلك و نتي هادي مبغيتيش تحكيها ؟ - مريم : والو . والله . - اميرة : اوكي . دونك انا نكوبي . راني قريب نلحق. باي . كوبات عليها و قلبها يخبط . كانت حابة تبكي مي مقدرتش . دخلت تقرا 2 سوايع و هي والو . عقلها مبلوكي . كملت على 12 . راحت لدار . فطرت و رفدت واش تقرا بيه و خرجت كانت 1:00. راحت عند مريم . فتحتلها فاطمة يمات مريم . قلتلها تدخل . راحت قعدت فالصالون تستنا في لالة مريم . هكاك و تسمع صوت عبد المالك يحكي فالتيليفون. - عبد المالك: ايه نتلاقاو . ماشي اليوم . عندي خدمة . . لالا ماشي نفس البلاصة . نروحو ل**** . اوكي . باي . كان يحكي و يلبس فالباسكات . لدرجة مفاقش بلي كاين عبد راهو فالدار و مشافش اميرة. اما اميرة لي حكمت التيليفون و كتبت اسم البلاصة . خرج هوا من الدار . موراه بخمس دقايق دخلت مريم . سلمت عليها و خرجو . راحو يقراو و اميرة نقلها فهدرة مالك . جازو 4 سوايع و اميرة والو . يا ترقد يا تغيس . 🎥🎥🎥🎥🎥🎥🎥🎥🎥🎥🎥🎥🎥🎥 نهاية البارت نتمنى يعجبكم . راني حاساتو معجبنيش مي الله ادو اعلم . المفيد متنساوش فوت و كومونتار و نحبكمممم ❤️❤️💞💞
