هادي حكاية اميرة و عبد المالك راهو مكتوب التعريف تاع الشخصيات في الكونت لي راحلي
.https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
ناضت مدڨدقة شغل كانت تضارب . لقات روحها بين آية و هيثم بسك كانو مفرشين فلرض . بدات تقلب على تيليفونها بيديها حتى وين لقاتو . شعلاتو لقاتها 2:55دقيقة . جبدت روحها من بيناتهم و راحت لتوالات حشاكم . غسلت يديها و وجهها و هبطت للكوزينة لقات يماها و خالتها .. - اميرة : صباح الخير . - عيشة : راهي 3 . - اميرة : بقالها 11 ثانية و تولي 3 . - فتيحة: صباح الخير . - اميرة : هاه شوفي خالتو . صباح الخير خالتو . - فتيحة: مزالهم راقدين ؟ - اميرة : ايه . راحت حطت كاس قهوة و بدات تشرب . - اميرة : وين راهم لخرين ؟ - عيشة : راهم راقدين . - اميرة : هاه و تحكي عليا . واش راح ديري فطور ؟ - عيشة : هداك واش تخمي فيه نتي ؟ كرشك ؟ - اميرة ؛ باينة . - عيشة : مراحش ندير فطور . - اميرة : علاش؟ - فتيحة : رانا رايحين . - اميرة ؛ وين . - عيشة : لصابلات . - اميرة ؛اوكي و واش ناكل ؟ - عيشة : روحي البسي كاش عفسة و ارواحي نمدلك دراهم روحي اشري ماكلة ليك و للخرين . - اميرة : اوكي . راحت طلعت تجري فتحت لخزانة بلعقل و بدات تشوف واش تلبس . شوية و لبست و دارت غيسيل و ليب ستيك و سڨمت شعرها و رفدت تيليفونها و هبطت . كانت هكا 👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دات دراهم و راحت فنص طريق لقات العبد لخر لي كانت حابة تتلاقى بيه . لي هو بطلنا عبد المالك . شافتو بلي شافها دارت روحها مشافتوش و كملت طريقها . جا ليها عبد المالك . - عبد المالك: اميرة . - اميرة : مالك . صفا؟ - عبد المالك: لباس و نتي ؟ - اميرة ؛ انتيك . - عبد المالك: وين بيها؟ - اميرة : رايحة نشري عفسة تتكل . - عبد المالك: اصبري نجي معاك . - اميرة : مكلاه . نقدر نروح وحدي . - عبد المالك: امشي قدامي تشو . و زيد باش نحكو . بدات تمشي و هو معاها فنفس الخط . - اميرة : واش نحكيو ؟ - عبد المالك: راكي اون كوبل ؟ - اميرة : نو .و نتا؟ - عبد المالك: نو . - اميرة : علاش؟ - عبد المالك: هكاك . مكاش لي دخلت لقلبي . - اميرة ؛ همممم - عبد المالك: حبسي مديري هكا . - اميرة : واش درت ؟ - عبد المالك: البارح واش قتلك ؟ اميرة تفكرت واش قاللها مي حشمت باش تحكي أيا قاتلو . - اميرة ؛ نسيت . - عبد المالك: صح؟ - اميرة : ايه . - عبد المالك: اوكي . باي . - اميرة : مالك . اصبر. - عبد المالك بوجه متهجم : واش ؟ - اميرة : والو . خلاص . باي . و كملت طريقها راحت للغيستوغون شرات 4 طاكوس . و وحدة كوكا . و ولات لدار . دخلت لقات الدار ڨاع نايضة . لي كانو فالدار ڨاع لابسين من غير آية و هيثم و شوقي و لقات بلال تماك . راحت سلمت عليه . - اميرة : صفا بلال ؟ - بلال : حمد الله و نتي ؟ - اميرة : راني نطبع برك . - بلال : المرة الجاية مطبعيش ازدمي ديراكت كيما انا ندير . - اميرة : ههههه ولد الخالة طلعتلي المورال . حقا نتا راح توصلهم. ؟ - بلال: وي . انا . و منبعد يتلاقاو بحنان و ياسمين . - اميرة ؛ فهمت . - عيشة : اميرة . آية رانا رايحين اقعدو عاقلين و بدات توصي . تعرفو الامهات الجزائريات . المفيد خرجو قعدت الجماعة يفطرو و يحكو على 5 تاع العشية . ناض هيثم و شوقي باش يروحو . راحو و قعدت اميرة و آية وحدهم . طلعت آية دوش و اميرة راحت تقعد فالجاردان . و هي قاعدة فالجاردان سمعت عفسة طاحت منبعد حست بعبد يمشي . دارت لقاتو عبد المالك. تخلعت و قلبها بدا يخبط بالقاوي. تسمعو من ماريكان . غير حنا مسمعناهش . راحت وقفت قدامو . - اميرة : مالك كيفاش دخلت. - عبد المالك: سوطيت. - اميرة : واش راك دير هنا ؟ - عبد المالك: جيت باش نحكو . - اميرة : فواش ؟ حكملها عبد المالك وجهها بيديه الزوج و دنا ليها و باسها . ايه باسها . قعدت واقفة هكاك مشوكية و هو يبوس و يعظ و كلشي . كي فاقت طبعاتو . غير بعد عليها ضرباتو بكف فيها ڨاع الجهد ديالها . خزرت فيه بخزرة معرفتش نوصفها : بالاك تزيد تدنى ليا . فهمت . و اخرج من الدار و بالاك يشوفك كاش واحد . راحت و خلاتو واقف في بلاصتو مشوكي و هي دخلت لدار غلقت الباب تاع الجاردان و حكمت قلبها لي كان يخبط و محبش يحبس. 🎥🎥🎥🎥🎥🎥🎥🎥🎥🎥🎥🎥🎥🎥 هدا البارت كتبتو في خاطر Fatmasri123 نتمنى يكون عجبكم و لي راهم يتفاعلو مع الروايةماغسي بزاف و لي ماراهمش معندي مانقول . المفيد باي و نتلاقاو غدوا نشاء الله 💞💞💞💞💞
