كرونيك " القدر لا يسأل" 💞

9

جازت سمانة و آية و اميرة حبسو الخدمة . و زيد كان عندهم الدراهم . دونك دارو خرجة و عيطو لسارة بنت خالهم عبد القادر و لمريم خت عبد المالك. 
ناضت صباح على صوت آية تعيط .
- آية: اميرة نوضي يالزح .
- اميرة : اصبري دوك نوض .
- آية : اميرة نوضي .  
بعد معاناة كبيرة ناضت . لقات ختها مدوشة و راح تلبس . دخلت دوشت و غسلت فمها و منا . راحت فتحت الخزانة و بدات تشوف . بعد معاناة كبيرة لبست هكا 👇👇👇

و آية هكا 👇👇👇

خرجو يجرو راحو عند مريم . صونات اميرة .و قعدت تستنا هي و ختها . حتى وين يفتح الباب اسامة عريان .
- اميرة : انا مفهمتش . معندكمش تريكوات . ؟
- آية : اميرة احشمي.
- اميرة : واش يالزح المفيد صباح الخير . راك مليح ؟
- اسامة : صباح الخير . راني مليح و نتوما ؟
- آية : ملاح .
- مريم تعيط من الشومبرة : شوفو واقيلا اميرة و آية جاو خلوهم يدخلو .
- اسامة : ادخلو .
دخلو قعدو فالصالون هكاك و يزدم عليهم عبد المالك بلا تريكو و شعرو هابط على عينيه. كان يبان غير كيما ناض من الرقاد .
- عبد المالك: صباح الخير .
- اميرة : شفتي قتلك ماعندهمش تريكوات .
- آية : اميرة يالزح اسكتي .
- عبد المالك قعد قدام خوه: خليها .
- اسامة : ايه آية كيفاش؟
- آية ؛ وشنو كيفاش؟
- اسامة بتوتر: قصدي راكي مليحة ؟ خصاتك كاش عفسة ؟
جات آية راح تحكي حكات اميرة .
- اميرة : علاش راك تسقسي فيها ؟ واش تكون باش تسقسيها ؟
- آية : يالرب أميرة مالك  تحكي هكا . الزح لي يجي يحكي معاك تسبي جدو . وشبيك ؟
- اميرة : والو .
- آية : قفلي هداك الفم و اقعدي عاقلة . راني مليحة اسامة .
- اسامة : مليح . ايه واش تقراي؟
- آية : الطب .
- اسامة : مليح . مام انا طبيب .
- آية : الله يبارك.
- اسامة : يبارك فيك . اما اختصاص؟
- آية : طب الاعصاب. 
- اسامة : مليح .
هكاك و تهبط مريم كانت هكا 👇👇👇

- مريم : البنات راني جيت .
- عبد المالك: خير وين بيها ؟
- مريم : راني خارجة مع آية و اميرة و بنت خالهم .
- عبد المالك: سقسيتينا؟
- مريم: سقسيت ماما و قاتلي اخرجي .
- اسامة : وي . كنت معاهم .
- مريم : هيا نروحو .حقا ماما راحت عند خالتو راح تبات عندها اليوم و انا راح نبات عند طاطا عيشة .
خرجو من تماك ركبو فالطونوبيل و كانت آية تسوق . راحو عند سارة داوها .كانت لابسة هكا 👇👇👇

- سارة : ايه البنات وين نروحو ؟
- اميرة : ڨاع عندكم دراهم ؟
- ڨاع : ايه .
- اميرة : نروحو نديرو شوبينغ منبعد نفطرو و وراها نروحو ناكلو لاكريم عند بلال .
-مريم : شكون بلال؟
- اميرة: وليد خالتنا .
- مريم : هاه .
راحو دارو شوبينغ لحقت 1 راحو فطرو . دوموندات اميرة بانيني فورماج . آية طاكوس . مريم طاكوس و سارة شاورما .
- آية : ايه سارة مزالك مع أنور ؟
- سارة : هممم .
- اميرة : كيفاش راكم ؟
- سارة : نقوللكم الصح . ولا بعيد عليا ببزاف . نعيطلو ميريبونديش . نبعثلو ميساج يشوف و مايعاودش . و ادا حكيت معاه نقولو كلمة يخرج فيا و يرجعني انا الغالطة و يكوبي .
- مريم : معليش نحكي .
- سارة : باينة .
- مريم : على حساب واش قلتي دوك . السيد يا راهو يخدع فيك . يا راهو يخدع فيك . وحدة منهم .
- اميرة : اممم صح .
- سارة : واش ندير دوك ؟
جات الماكلة حطوها و بداو ياكلو .
- آية : منبعد نخمو و نقوللك .
- سارة : البنات معليش نجي نبات عندكم كاش يومين ؟
- آية : امممم . تقدري .
- اميرة : هايلة ليوم فليل . في 4 كيف كيف . انتيك .
- مريم : بزاف .
- سارة : صحيتو. و الله راني كارهة حياتي فالدار من جيهة وهيبة ( يماها) تعيط و تندب و منا و متخدميش و زمر و من جيهة هداك الهم تاع أنور . و الله بزاف . مزال مفهمتش كيفاش شوقي راهو متحملهم ؟
- مريم : شكون شوقي ؟
- سارة : خويا .
- اميرة : صح . جامي محكالنا شوقي على واش راهو صاري عندكم .
- آية : اممم . اميرة شوفي موراك بلعقل برك .
دارت اميرة تجري .
- آية : يالزح قلتلها بلعقل .
- اميرة : واش كاين ؟
- آية : شوفي الطابلة الدوزيام . ماشي هديك الطفلة لي كانت مع عبد المالك هداك النهار ؟
- اميرة : امممم صح . متقوليليش برك بلي هو لي راهو معاها دوك .
- مريم : نو ماشي خويا . علاش ؟
- اميرة : اصبرو . دوك نجي .
ناضت راحت زعمة باش جيب بابي مشوار و رمات عينها . تخلعت و ولات تجري .
- سارة : شكون ؟
- خزرت فيها اميرة بتوتر و قالت : انور .
🎥🎥🎥🎥🎥🎥🎥🎥🎥🎥🎥🎥🎥🎥
سلام البنات . نشاء الله يعجبكم البارت و نحبكم ❤️❤️❤️❤️❤️ و بالاك نزيد بارت دوك مي صغير