لحق وقت العشاء . راحو قعدو فوق الطابلة يتعشاو و يحكو من غير اميرة لي مزالها متاثرة من واش قاللها عبد المالك .
- مريم: اميرة كولي .
- اميرة : راني ناكل .
- فاطمة : معجباتكش ماكلتي؟
- اميرة : لالا طاطا ماكلتك بنينة. و الله مي مارانيش جيعانة بزاف.
- فاطمة : دبري راسك .
رمات عينها على عبد المالك لقاتو يشوف فيها . دورت عينها عليه و هكاك و يصوني تيليفون تاع اميرة .
- اميرة : سمحولي لازم نريبوندي .
- فاطمة : ايه روحي لصالون احكي .
راحت اميرة لصالون ريبوندات .
- اميرة : وي شوقي .
- شوقي: اميرة عمري ختي حبي .
هكاك و شافت ظل تاع واحد . عرفاتو شكون و جابلي ربي مام نتوما عرفتو شكون .
- اميرة : وش كاين عينيا؟
- شوقي: راكي بايتة مع مريم .
- اميرة : ايه.
- شوقي: شوفي احكي معاها عليا شحال انا عاقل و منا و وليد فاميليا و نديرلك واش تحبي .
- اميرة : يعني هيا فالحق مام انا نحبك و ايه ندير وش قتلي و ديرلي وش نحب .
- شوقي : نتي اميرة تقدري ديري كلشي . ختي.
- اميرة : أيا باي . عيطتلي فوسط العشاء . باي . مام انا نحبك . عمبالي .
- شوقي : وشبيك ؟ شكون راهو قدامك ؟ اصبري ؟ عبد المالك ؟
- اميرة : واقيل هوا ايه .
- شوقي : تحبيه ؟
- اميرة : لا .و نحبك دوك باي فليل نحكو .
كوبات و تبسمت بلعقل . هكاك و يدخل عليها عبد المالك. دارت روحها تخلعت .
- اميرة : الزح خلعتني .
- عبد المالك: معامن كنتي تحكي ؟
- اميرة : وش دخلك ؟
- عبد المالك: اميرة معامن كنتي تحكي ؟
- اميرة : وش دخلك ؟ و زيد علاش راك دخل روحك فقحبة ؟
تفكر واش قاللها . سكت
- اميرة ؛ ودوك بعد على طريقي .
- عبد المالك: بصح مغلطتش كي قتلك هكاك . شوفي تحكي مع واحد و تقوليلو نحبك و منا .
- اميرة : كان قلتهالك ليك مانوليش ق### زعما ؟ و زيد نتا وين عمبالك ادا كنت نحكي مع طفلة و لا طفل ؟ قول . و زيد نقولك كنت نحكي مع راجل و نزيد نقولك قالي يامات و نجي نحكي مع باباك . شكون عمبالو بلاك نكمل الباك نتزوج .
و راحت قعدت فالطابلة .
- فاطمة: مشفتيش عبد المالك ؟
- اميرة : لالا .
شوية و جا عبد المالك قعد يخزر فيها . كملو العشاء ناضو البنات رفدو الماعن و راحو يغسلوهم . كملو خرجو للجنينة تاع دار مريم . لقاو عبد المالك و اسامة قاعدين . راحو قعدو معاهم . اميرة قاعدة تكونيكتي مع هيثم و تضحك .
- هيثم : وش قلتلكم ؟
- اميرة : يالزح هيثم قاتلنا نقبل .
- هيثم : اصبري دوك نجي ليكم لدار نحكو آلاز و زيد راكم وحدكم نبات معاكم .
- اميرة ؛ رانا عند يمات مريم بايتين .
- هيثم : نعيطلك .
- اميرة ؛ اوكي .
شوية و صونا تيليفونها . نطق عبد المالك .
- عبد المالك: تيليفونك نهار كومبلي و هو يصوني .
- اميرة : وش دخلك ؟
ريبوندات عليه و مبوجاتش من بلاصتها .
- اميرة : وي زين .
- هيثم : علاش راكم بايتين عندها ؟
- اميرة : غدوا نفهمك فهاد الحكاية .
- هيثم : راكم ڨاع كيف كيف ( يعجبوني كيفاش يفهمو الحكاية ) .
- اميرة : ايه .
- هيثم : اوكي عاوديلي واش قاتلك سارة ملول .
- ضحكت اميرة : عاودتهالك ربعين خطرة .
- هيثم : معليش عاوديها .
- اميرة : قاتلنا بلي ايه نقبل . نشوفو ادا نليقو مع بعض و تفاهمنا نكملو و ادا مقدرناش نتفاهمو نحبسو.
- هيثم : شغل راح نخليها تحبس . فالمنام .
- اميرة بالضحك : عمبالنا بلي متخليهاش . و زيد قاتلنا بلي مادام راكم تقولو عليه وليد فاميليا و قاري و راجل و شباب و زل و مرفه . نتمسخر هيا قالت وليد فاميليا و شباب و قاري و انا زدت لوخرين . قاتلنا نقبل.
- هيثم ؛ ايه دوك واش ندير ؟
- اميرة : ها . ارواح غدوا لدار نتا و شوقي و نقول لسارة تجي و احكو.
- هيثم : مي شوقي ؟
- اميرة : هداك طاح على راسو .
- هيثم : مريم. ؟!
- اميرة : ايه .
- هيثم : وهيا؟
- اميرة : منبعد نسقسيها .
- هيثم : اوكي . اخطينا منهم . نتي ؟
- اميرة : واش انا ؟
- هيثم : عبد المالك ؟
- اميرة : لالا بعدا. خممت مليح و لقيت بلي لالا . مكاش كيفاش نقدر نطيح .
- هيثم : زعما ؟
- اميرة : يالزح كيفاش هادي زعما . سي امبوسيبل نطيح. عندي 3 شهور برك . ( كانت تحكي على عبد المالك) .
- هيثم : وين عمبالك ؟ شوقي طاح فمريم ف3 شهور و آية و اسامة كيف كيف .
- اميرة ؛ هادوك هوما ماشي انا . انا منقدرش .
ناضت وقفت راحت لبلاصة وحدها وين ميسمعوهاش و قابلتهم تشوف فيهم .
- اميرة : انا منقدرش نحبو .
- هيثم : علاش ؟
- اميرة : باسك هو . خلاص يزح نقولك ايه نحبو مي منقدروش نكونو كيف كيف .
- هيثم : علاش ؟
- اميرة : معمباليش و دوك باي . نروح نقعد معاهم فليل نحكيو .
- هيثم : ايه روحي احكي معاه.
- اميرة : هيثم .
و كوبات عليه . راحت قعدت معاهم و خطرة على خطرة تشوف فعبد المالك .
🎥🎥🎥🎥🎥🎥🎥🎥🎥🎥🎥🎥🎥🎥
هاد البارت كتبتو فنص ساعة . حبيت نقوللكم برك بلي معنديش لاكونيكسو و ادا محطيتلكمش اليوم فليل. كي تجيني نحطلكم. نحبكم ❤️❤️❤️❤️❤️
أنت تقرأ
كرونيك " القدر لا يسأل" 💞
Romanceهادي حكاية اميرة و عبد المالك راهو مكتوب التعريف تاع الشخصيات في الكونت لي راحلي .https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
